សេចក្ដីបង្ហាញអំពីទិដ្ឋាភាពទូទៅ និងការយល់ច្រលំមួយចំនួនក្នុងវិស័យទិដ្ឋាការចាប់ផ្ដើមអាជីវកម្មថ្មីរបស់ប្រទេសកាណាដា Canada Startup Visa

ក្នុងនាមជាការិយាល័យមេធាវី ដែលធ្វើការលើបញ្ហាអន្តោប្រវេសន៍នៃប្រទេសកាណាដា និងមានបទពិសោធន៍ក្នុងការរៀបចំឯកសារសម្រាប់ដំណើរការកម្មវិធី Canada Startup Visa (SUV) យើងបានជួបប្រទះជាញឹកញាប់នូវពាក្យចចាមអារាម និងការយល់ខុសដែលអាចបង្កើតជាការយល់ច្រលំសម្រាប់អ្នកដាក់ពាក្យក្នុងកម្មវិធីទិដ្ឋាការចាប់ផ្ដើមអាជីវកម្មថ្មីរបស់ប្រទេសកាណាដា (Canada Startup Visa)។ ការយល់ច្រលំទាំងនេះអាចនាំឱ្យមានការរំពឹងទុក ដែលមិនប្រាកដប្រជា ហើយចុងក្រោយអាចធ្វើឱ្យប៉ះពាល់ដល់ឱកាសរបស់អ្នកដាក់ពាក្យក្នុងការទទួលបានសិទ្ធិស្នាក់នៅអចិន្ត្រៃយ៍នៅប្រទេសកាណាដា។

នៅក្នុងអត្ថបទនេះ យើងមានគោលបំណងស្រាយបញ្ជាក់លើបញ្ហាទាំងនេះ ដើម្បីផ្តល់ព័ត៌មានត្រឹមត្រូវទាក់ទងនឹងតម្រូវការនៃកម្មវិធី Canada Startup Visa ហើយផ្តល់ការណែនាំអំពីរគន្លឹះសម្រាប់ត្រៀមខ្លួន ក្នុងដំណើរការដ៏ស្មុគស្មាញនេះប្រកបដោយប្រសិទ្ធភាព។

ពាក្យចចាមអារាមស្ដីពីការវិនិយោគអកម្ម

ការយល់ខុសមួយដែលបានជះឥទ្ធិពលខ្លាំងជុំវិញកម្មវិធី Canada Startup Visa គឺការយល់ឃើញថាវាដំណើរការកម្មវិធីនេះជាការធ្វើអន្តោប្រវេសន៍តាមរយៈការវិនិយោគបែបអកម្ម។ អ្នកផ្តល់សេវាអន្តោប្រវេសន៍ជាច្រើនអះអាងថា អ្នកដាក់ពាក្យមិនតម្រូវឱ្យចូលរួមយ៉ាងសកម្មក្នុងប្រតិបត្តិការអាជីវកម្មរបស់ពួកគេ ឬត្រូវបង្កើតផែនការអាជីវកម្មរឹងមាំមុនពេលទទួលបានសិទ្ធិស្នាក់នៅអចិន្ត្រៃយ៍នោះទេ។ គំនិតនេះគឺត្រឹមត្រូវទាល់តែសោះ។

យោងតាមបទប្បញ្ញត្តិស្តីពីអន្តោប្រវេសន៍ និងការការពារជនភៀសខ្លួន Immigration and Refugee Protection Regulations (IRPR) ក្រោមវាក្យខណ្ឌទី 98.06(1) និង 98.06(2) តម្រូវការសម្រាប់អាជីវកម្មដែលមានលក្ខណៈសម្បត្តិគ្រប់គ្រាន់ត្រូវបានគូសបញ្ជាក់យ៉ាងច្បាស់លាស់។ វាក្យខណ្ឌទី 98.06(1) បានចែងថា អ្នកដាក់ពាក្យត្រូវផ្តល់ “សកម្មភាព និងបន្តការគ្រប់គ្រងពីក្នុងប្រទេសកាណាដា”។ តម្រូវការនេះមានសារៈសំខាន់ណាស់ ពីព្រោះការអភិវឌ្ឍន៍អាជីវកម្មប្រកបដោយប្រសិទ្ធភាពមិនអាចកើតឡើងបានទេ បើគ្មានការគ្រប់គ្រងត្រឹមត្រូវពីក្នុងប្រទេសកាណាដា ដែលជាតម្រូវការចាំបាច់ក្នុងការទទួលបានប័ណ្ណការងារ។

ខណៈដែល វាក្យខណ្ឌទី 98.06(2) អនុញ្ញាតឱ្យមន្រ្តីអន្តោប្រវេសន៍មួយចំនួនតូចសម្រេចអនុម័តផ្ដល់សិទ្ធិស្នាក់នៅអចិន្ត្រៃយ៍ដល់អ្នកដាក់ពាក្យក្រោមកម្មវិធី Canada Startup Visa ទោះបីជាតម្រូវការការគ្រប់គ្រងអាជីវកម្មនៅក្នុងប្រទេសកាណាដាមិនត្រូវបានបំពេញពេញលេញក៏ដោយ នេះគឺជាការលើកលែង មិនមែនជាច្បាប់នោះទេ។ នៅក្នុងការអនុវត្ត ប្រសិនបើអ្នកស្នើ គឺជាបុគ្គលសំខាន់នៃក្រុមហ៊ុនបណ្តាក់ទុន ការសម្រេចចិត្តបែបនេះកម្រនឹងត្រូវបានអនុវត្តលុះត្រាតែមានភស្តុតាងជាក់លាក់អំពីដំណើរការអាជីវកម្ម ឬហេតុផលត្រឹមត្រូវចំពោះអវត្តមានរបស់អ្នកដាក់ពាក្យពីប្រទេសកាណាដា។ អាស្រ័យហេតុនេះ អ្នកសមាជិកដាក់ពាក្យសំខាន់ៗដែលខកខានមិនបានបង្ហាញពីការចូលរួមយ៉ាងសកម្មក្នុងអាជីវកម្មរបស់ពួកគេ មុនពេលទទួលបានសិទ្ធិស្នាក់នៅអចិន្ត្រៃយ៍ អាចប្រឈមនឹងហានិភ័យខ្ពស់នៃការបដិសេធ។

ការយល់ខុសអំពីដាក់ឯកសារទៅតុលាការ និងជំនួយផ្នែកច្បាប់

ពាក្យចចាមអារាមមួយទៀត ដែលយើងជួបបានប្រទះជាញឹកញាប់ គឺជំនឿដែលជឿថាដំណើរការដាក់ពាក្យក្នុងកម្មវិធី Canada Startup Visa មិនត្រូវការជំនួយផ្នែកច្បាប់ ឬពេលខ្លះអាចបង្កជាផលប៉ះពាល់ទៀតផង។ អ្នកប្រឹក្សាផ្នែកអន្តោប្រវេសន៍មួយចំនួនណែនាំឱ្យអ្នកដាក់ពាក្យ ជៀសវាងការប្រឹក្សារជាមួយមេធាវី ដោយអះអាងថាមេធាវីកម្រទទួលបានជោគជ័យក្នុងការជួយលើករណីដែលទទួលបានការបដិសេធ សូម្បីតែក្នុងករណីដែលមានសេចក្ដីសម្រេចដូចជាមិនសមហេតុផលក៏ដោយ។ ពួកគេចង្អុលបង្ហាញថា ករណីកម្មវិធី Canada Startup Visa ជាច្រើនដែលឆ្លងកាត់ការត្រួតពិនិត្យដោយតុលាការគឺត្រូវបានច្រានចោល។ ទស្សនៈនេះមានការភ័ន្តច្រឡំ និងមិនទទួលស្គាល់អត្ថប្រយោជន៍សំខាន់ៗ ដែលជំនួយផ្នែកច្បាប់អាចផ្តល់ជូនបាន រួមទាំងសក្តានុពលសម្រាប់សំណុំរឿងដែលត្រូវដោះស្រាយនៅខាងក្រៅតុលាការជាមួយនឹងលទ្ធផលវិជ្ជមានបន្ទាប់ពីដំណើរការតុលាការ ឬដំណើរការរដ្ឋបាលផ្សេងទៀត។

វាជាការចាំបាច់ណាស់ក្នុងការទទួលស្គាល់យោងតាមស្ថិតិ (statistics) ដែលបានបង្ហាញថាអ្នកដាក់ពាក្យដែលរៀបចំកម្មវិធីអន្តោប្រវេសន៍ដោយខ្លួនឯងផ្ទាល់ ទំនងសម្រេចបាននូវអត្រាជោគជ័យប្រហាក់ប្រហែលនឹងអ្នកដែលធ្វើការជាមួយអ្នកប្រឹក្សាផ្នែកអន្តោប្រវេសន៍ដូចគ្នាដែរ។ ទោះជាយ៉ាងណាក៏ដោយ អ្នកដាក់ពាក្យដែលមានការចូលរួមពីមេធាវីប្រឹក្សាផ្នែកច្បាប់មានអត្រាជោគជ័យខ្ពស់ជាងអ្នកដ៏ទៃ។ នេះជាករណីសម្រាប់ហេតុផលជាច្រើន។

1. ការអប់រំ ចំនេះដឹង និងការបណ្តុះបណ្តាលដ៏ទូលំទូលាយ ៖ មេធាវីទទួលបានការអប់រំយ៉ាងហ្មត់ចត់ ពួកគេបានរៀននៅសាលាច្បាប់យ៉ាងតិច 3 ឆ្នាំ ដើម្បីប្រលងជាប់វិជ្ជាជីវៈមេធាវី។ ការបណ្តុះបណ្តាលដ៏ទូលំទូលាយនេះ ផ្តល់ឱ្យពួកគេនូវការយល់ដឹងយ៉ាងស៊ីជម្រៅអំពីគោលការណ៍ច្បាប់ ករណីពាក់ព័ន្ធនឹងច្បាប់ និងដំណើរការនីតិវិធីដែលមានសារៈសំខាន់សម្រាប់ដំណើរការប្រព័ន្ធអន្តោប្រវេសន៍ប្រកបដោយប្រសិទ្ធភាព។ ចំណេះដឹងនេះប្រែក្លាយជាកត្តាជំរុញដ៏មានសក្ដានុពល និងជាយុទ្ធសាស្ត្រដ៏ខ្លាំងក្លា។
2. ចំណេះដឹងជ្រៅជ្រះនៃសំណុំរឿងគម្រូ៖ មេធាវី ដែលមានបទពិសោធន៍ហើយមានជំនាញច្បាស់លាស់ក្នុងសំណុំរឿងគម្រូ ដែលអាចឱ្យពួកគេប្រើអំណះអំណាងផ្លូវច្បាប់ប្រកបដោយប្រសិទ្ធភាព។ ពួកគេអាចកំណត់អត្តសញ្ញាណ និងអនុវត្តច្បាប់ និងគោលការណ៍ច្បាប់ ដែលអាចគាំទ្រដល់កម្មវិធីពាក្យស្នើររបស់អតិថិជនរបស់ពួកគេ ដោយផ្តល់ឱ្យពួកគេនូវអត្ថប្រយោជន៍យ៉ាងសំខាន់ក្នុងការជជែកវែកញែកលើករណីរផ្សេងៗ។
3. សមត្ថភាពក្នុងការបង្កើតយុទ្ធសាស្ត្រផ្លូវច្បាប់៖ មេធាវីមានជំនាញក្នុងការអភិវឌ្ឍន៍យុទ្ធសាស្ត្រផ្លូវច្បាប់សម្រាប់ករណីនីមួយៗ។ ពួកគេអាចវិភាគស្ថានភាពបុគ្គល មើលឃើញបញ្ហាប្រឈមដែលអាចកើតមាន និងដោះស្រាយជូនពួកគេបានយ៉ាងសកម្ម បង្កើនឱកាសនៃលទ្ធផលជោគជ័យ។
4. ជំនាញតស៊ូមតិ៖ មេធាវីត្រូវបានបណ្តុះបណ្តាលក្នុងនាមជាអ្នកតស៊ូមតិ និងអ្នកចរចា។ ពួកគេអាចតំណាងឱ្យអតិថិជន មិនត្រឹមតែនៅក្នុងដំណើរការរដ្ឋបាលប៉ុណ្ណោះទេ ប៉ុន្តែថែមទាំងនៅក្នុងតុលាការផ្ទាល់ប្រសិនបើចាំបាច់។ សមត្ថភាពនេះគឺចាំបាច់ក្នុងស្ថានភាពដែលបញ្ហាប្រឈមផ្លូវច្បាប់កើតឡើង ដោយសារមេធាវីអាចជជែកតវ៉ាបានយ៉ាងមានប្រសិទ្ធភាពក្នុងនាមជាតំណាងឱ្យកូនក្តីរបស់ពួកគេ។
5. ការប្រើប្រាស់ធនធាន៖ ការិយាល័យមេធាវីមានសិទ្ធិចូលស្រាវជ្រាវផ្លូវច្បាប់យ៉ាងទូលំទូលាយ វិភាគទិន្នន័យ និងបណ្តាញជាច្រើនដែលអាចប្រើប្រាស់ដើម្បីគាំទ្រករណីណាមួយ។ ការប្រើប្រាស់ធនធាននេះអាចបង្កើនគុណភាពនៃកម្មវិធីពាក្យស្នើរ និងបង្កើនលទ្ធភាពជោគជ័យដល់អ្នកដាក់ពាក្យ។
6. ការគាំទ្រ៖ មេធាវីមួយចំនួនអាចផ្តល់សេវាកម្មផ្លូវច្បាប់យ៉ាងទូលំទូលាយ។ នេះមិនត្រឹមតែរួមបញ្ចូលទាំងជំនួយ ជាមួយកម្មវិធីពាក្យស្នើរប៉ុណ្ណោះទេ ប៉ុន្តែក៏មានការណែនាំអំពីបញ្ហាផ្លូវច្បាប់ដែលពាក់ព័ន្ធផងដែរ ដូចជាបញ្ហានៃការតាំងទីលំនៅដែលអាចប៉ះពាល់ដល់ការផ្លាស់ប្តូររបស់ពលរដ្ឋអន្តោប្រវេសន៍ទៅកាន់ជីវិតរស់នៅក្នុងប្រទេសកាណាដាផងដែរ។
7. កាតព្វកិច្ចក្រមសីលធម៌ និងការធានារ៉ាប់រងលើវិជ្ជាជីវៈ៖ មេធាវីត្រូវបានចងភ្ជាប់ដោយក្រមសីលធម៌ដ៏តឹងរឹង និងទំនួលខុសត្រូវវិជ្ជាជីវៈ ដោយធានាថាពួកគេតែងរុករកផលប្រយោជន៍ល្អបំផុតសម្រាប់អតិថិជនរបស់ពួកគេ។ ទំនួលខុសត្រូវនេះអាចផ្តល់ឱ្យអ្នកធ្វើអន្តោប្រវេសន៍នូវទំនុកចិត្តកាន់តែខ្លាំងលើភាពសុចរិត និងគុណភាពនៃសេវាកម្មដែលពួកគេទទួលបាន។ លើសពីនេះ ការិយាល័យមេធាវីមានការធានារ៉ាប់រងលើជំនាញវិជ្ជាជីវៈ ដែលផ្តល់ការការពារបន្ថែមសម្រាប់អ្នកធ្វើអន្តោប្រវេសន៍ ក្នុងករណីមានកំហុស ឬការខកខានក្នុងការណែនាំផ្នែកច្បាប់ ឬតំណាង។ កម្រិតនៃទំនួលខុសត្រូវនេះជាធម្មតាមិនមានជាមួយអ្នកប្រឹក្សាផ្នែកអន្តោប្រវេសន៍ធម្មតាៗនោះទេ។

តាមរយៈការដាក់ឯកសារទៅតុលាការ និងវិធីសាស្រ្តរដ្ឋបាលផ្សេងទៀត យើងបានបើកករណីពាក្យស្នើរដែលត្រូវបានបដិសេធទាំងប៉ុន្មានឡើងវិញប្រកបដោយប្រសិទ្ធភាព ដើម្បីមានភាពយុត្តិធម៌ និងការពិនិត្យហ្មត់ចត់ នេះបង្ហាញថាការមានតំណាងផ្នែកច្បាប់គឺពិតជាមានតម្លៃមិនអាចកាត់ថ្លៃបានសម្រាប់អ្នកដាក់ពាក្យដែលស្វែងរកភាពជោគជ័យក្នុងដំណើរការស្មុគស្មាញនៃកម្មវិធី Canada Startup Visa។

ហានិភ័យនៃការបណ្តាក់ទុនជាក្រុមដែលមិនបានត្រួតពិនិត្យត្រឹមត្រូវ

ភាពច្របូកច្របល់មួយទៀតកើតឡើងពីការផ្សព្វផ្សាយ នៃការបណ្តាក់ទុនជាក្រុម ដែលគិតថាជាដំណោះស្រាយសន្សំសំចៃសម្រាប់អ្នកដាក់ពាក្យកម្មវិធី Canada Startup Visa។ អ្នកប្រឹក្សាផ្នែកអន្តោប្រវេសន៍មួយចំនួនលើកទឹកចិត្តឱ្យអ្នកដាក់ពាក្យបង្កើតភាពជាដៃគូដើម្បីចែករំលែកការចំណាយលើ Incubator ឬការចំនាយលើកិច្ចអភិវឌ្ឍន៍អាជីវកម្មចាប់ផ្ដើមថ្មី ប៉ុន្តែពួកគេធ្វេសប្រហែសក្នុងការពិភាក្សាអំពីហានិភ័យដែលជាប់ទាក់ទងនឹងការរៀបចំគម្រោងបែបនេះ។

ហានិភ័យដ៏គួរឱ្យកត់សម្គាល់មួយទៀត គឺការខ្វះការត្រួតពិនិត្យការអនុញ្ញាតឱ្យបានហ្មត់ចត់លើដៃគូអាជីវកម្ម។ ប្រសិនបើអ្នកដាក់ពាក្យមិនបានដឹងពីស្ថានភាពរបស់ដៃគូ និងសមាជិកគ្រួសាររបស់ពួកគេទេ នោះវាអាចបង្កបញ្ហាធ្ងន់ធ្ងដល់ដំណើរការដាក់ពាក្យរបស់ពួកគេដោយមិនដឹងខ្លួន។ នេះគឺដោយសារតែសមាជិកដាក់ពាក្យម្នាក់ក្នុងការបណ្តាក់ទុនជាក្រុម ឬគ្រួសាររបស់គាត់ត្រូវបានគេចាត់ទុកជាករណីមិនអាចទទួលបាន វាអាចនាំឱ្យមានការបដិសេធចំពោះពាក្យស្នើរសុំរបស់សមាជិកក្រុមទាំងមូល ដែលធ្វើអោយអ្នកចូលរួមទាំងអស់ប្រឈមនឹងហានិភ័យ។

លើសពីនេះ អ្នកប្រឹក្សាផ្នែកអន្តោប្រវេសន៍មួយចំនួនព្យាយាមដាក់បញ្ចូលក្រុមអតិថិជនមកពីប្រទេសផ្សេងៗគ្នាចូលទៅក្នុងការបណ្តាក់ទុនតែមួយ ដែលអាចនាំឱ្យមានផលវិបាកបន្ថែមទៀត។ ការអនុវត្តបែបនេះអាចធ្វើឱ្យ IRCC ចោទសួរពីភាពពិតប្រាកដនៃការបង្កើតក្រុម ដោយអាចបង្កចំនោតបញ្ហាចំពោះភាពស្របច្បាប់នៃភាពជាដៃគូ និងបំណងអាជីវកម្មរបស់អ្នកដាក់ពាក្យ។

ម៉្យាងវិញទៀត សក្ដានុពលនៃការបណ្តាក់ទុនជាក្រុមអាចធ្វើឱ្យមានភាពស្មុគស្មាញដល់ការគ្រប់គ្រង និងទំនួលខុសត្រូវលើប្រតិបត្តិការដែលត្រូវការនៅក្រោមកម្មវិធី Canada Startup Visa ។ អ្នកដាក់ពាក្យចម្បងនីមួយៗក្នុងការបណ្តាក់ទុនគួរតែចូលរួមចំណែកយ៉ាងសកម្មក្នុងអាជីវកម្ម ហើយប្រសិនបើដៃគូណាមួយមិនបំពេញកាតព្វកិច្ចរបស់គេ វាអាចប៉ះពាល់យ៉ាងធ្ងន់ធ្ងរដល់ក្រុមទាំងមូល។ ភាពជាប់ទាក់ទងគ្នានេះមានន័យថាភាពជោគជ័យនៃកម្មវិធីរបស់អ្នកដាក់ពាក្យម្នាក់ៗអាចពឹងផ្អែកលើការអនុវត្ត និងភាពជឿជាក់របស់ដៃគូរបស់ពួកគេ ដោយបន្ថែមហានិភ័យមួយទៀតដល់ដំណើរការនេះ។

ការយល់ច្រឡំទាក់ទងនឹងវិញ្ញាបនបត្រការប្តេជ្ញាចិត្ត Commitment Certificate

ជាចុងក្រោយ អ្នកដាក់ពាក្យជាច្រើនយល់ច្រឡំថា ការទទួលបាននូវវិញ្ញាបនបត្រការប្តេជ្ញាចិត្ត Commitment Certificate  ពីអង្គកភាពដែលបានកំណត់ គឺជាតម្រូវការតែមួយគត់ក្នុងការសម្រេចទទួលបានសិទ្ធិស្នាក់នៅអចិន្ត្រៃយ៍។ ខណៈពេលដែលវិញ្ញាបនបត្រការប្តេជ្ញាចិត្ត Commitment Certificate គឺពិតជាកត្តាសំខាន់នៃដំណើរការដាក់ពាក្យ តែវាគ្រាន់ជាផ្នែកមួយនៃដំណើរការឯកសារទាំងមូលប៉ុណ្ណោះ។

បន្ទាប់​ពី​ទទួល​បាន​វិញ្ញាបនបត្រ​ការ​ប្តេជ្ញា​ចិត្ត Commitment Certificate អ្នកដាក់ពាក្យចម្បង​ក្នុង​ការ​បណ្តាក់​ទុន​ត្រូវ​តែ​បន្ត​ជំហាន​សំខាន់​មួយ​ចំនួនទៀត។ នេះរួមបញ្ចូលទាំងការស្នើសុំលិខិតអនុញ្ញាតការងារ ការបង្កើតក្រុមហ៊ុននៅកាណាដា និងការគ្រប់គ្រងយ៉ាងសកម្មក្នុងការអភិវឌ្ឍន៍អាជីវកម្មពីក្នុងប្រទេសកាណាដាផ្ទាល់។ ជំហាននីមួយៗទាំងនេះមានសារៈសំខាន់ណាស់ក្នុងការបង្ហាញពីការអនុលោមតាមតម្រូវការរបស់កម្មវិធី Canada Startup Visa។ ការខកខានក្នុងការប្រកាន់ខ្ជាប់នូវកាតព្វកិច្ចទាំងនេះអាចបណ្តាលឱ្យមានការបដិសេធលើពាក្យស្នើរ ដោយមិនគិតពីវត្តមាននៃវិញ្ញាបនបត្រការប្តេជ្ញាចិត្ត Commitment Certificate នោះទេ។

សរុបសេចក្ដី

កម្មវិធី Canada Startup Visa មានដំណើរការចម្រុះដែលទាមទារឱ្យមានការចូលរួមយ៉ាងសកម្ម ការធ្វើផែនការយ៉ាងប្រុងប្រយ័ត្ន និងការណែនាំផ្លូវច្បាប់ដែលមានព័ត៌មានជាក់លាក់។ តាមរយៈការលើកឡើងពីពាក្យចចាមអារាមទាំងនេះ និងបញ្ជាក់ពីការពិតនៃកម្មវិធី Canada Startup Visa យើងមានគោលបំណងផ្តល់សិទ្ធិអំណាចដល់អ្នកដាក់ពាក្យកម្មវិធី Canada Startup Visa ក្នុងការបង្កើនឱកាសនៃភាពជោគជ័យរបស់ពួកគេ ហើយទទួលបានសិទ្ធិស្នាក់នៅអចិន្ត្រៃយ៍នៅក្នុងប្រទេសកាណាដា។