REQUEST IMMIGRATION SERVICE
Thank you for visiting Harvey Law Group.
Please select our nearest office to you and complete the enquiry form below.
To send successfully, you must fill in all the required fields marked by an asterisk “*”.
ប្រទេសទាំង 16 ដែលងាយស្រួលក្នុងការទទួលបានសញ្ជាតិ ប្រទេសនៅឆ្នាំ 2026
សេចក្តីផ្តើម
សម្រាប់បុគ្គលដែលមានទ្រព្យសម្បិត្ត (HNWIs) ការមានសញ្ជាតិពីរបានក្លាយជាយុទ្ធសាស្ត្រសំខាន់នៃការៀបចំផែនការពេលមានហានិភ័យ និងយុទ្ធសាស្រ្តផែនការគ្រួសាររបស់ពួកគេ។ ជាមួយនឹងអស្ថិរភាពនយោបាយ ច្បាប់របបពន្ធតឹងរ៉ឹង ប្រព័ន្ធធនាគារកាន់តែតឹងរ៉ឹង និងអាជីវកម្មដែលងាយស្រួលគ្រប់គ្រងពីចម្ងាយ អ្នកវិនិយោគកាន់តែច្រើនឡើង និង HNWIs កំពុងពិចារណាប្រទេសដែលងាយស្រួលបំផុតដើម្បីទទួលបានសញ្ជាតិតាមរយៈកម្មវិធីវិនិយោគ និងអន្តោប្រវេសន៍។
តាមរយៈការទទួលបានលិខិតឆ្លងដែនទីពីរ HNWIs និងអ្នកវិនិយោគអាចរៀបចំផែនការដែលមានរចនាសម្ព័ន្ធ ការធ្វើដំណើរជាសកល ផែនការពន្ធ ការពង្រីកអាជីវកម្ម និងសន្តិសុខគ្រួសាររយៈពេលវែងនៅគ្រប់ជំនាន់។
ដើម្បីសម្រេចបាននូវគោលដៅនេះ ជម្រើសផ្លូវច្បាប់មានច្រើន ដែលនីមួយៗមានការកំណត់ពេលវេលា ការចំណាយ និងការរួមចំណែកផ្សេងៗគ្នា។ កម្មវិធីមួយចំនួនផ្តល់អាទិភាពដល់ល្បឿននៃដំណើរការ ផ្សេងទៀតផ្តោតលើការចូលទៅកាន់ទីផ្សារសហភាពអឺរ៉ុប ឬប្រសិទ្ធភាពនៃការចំណាយតាមរយៈកម្មវិធីសញ្ជាតិតាមវង្សត្រកូល។ ការយល់ដឹងពីដំណើរការទាំងនេះ និងសារៈសំខាន់នៅពេលជ្រើសរើសកម្មវិធីត្រឹមត្រូវដែលសាកសមនឹងតម្រូវការរបស់អ្នកដាក់ពាក្យ។
4 វិធីសាស្ត្រនៃការទទួលបានសញ្ជាតិទីពីរ
នៅឆ្នាំ 2026 ការទទួលបានសញ្ជាតិទីពីរអាចសម្រេចបានតាមដំណើរការជាច្រើន ដែលវិធីសាស្ដ្រនីមួយៗសមស្របទៅតាមពេលវេលា ថវិកា និងផែនការរបៀបរស់នៅខុសៗគ្នា។ សម្រាប់អ្នកដាក់ពាក្យមួយចំនួន ប្រទេសដែលងាយស្រួលបំផុតក្នុងការទទួលបានសញ្ជាតិ គឺជាប្រទេសដែលផ្តល់សញ្ជាតិតាមរយៈការវិនិយោគដែលដំណើរការអាចបញ្ចប់ក្នុងរយៈពេលតិចជាងមួយឆ្នាំ។ សម្រាប់កម្មវិធីផ្សេងទៀត ជម្រើស “ងាយស្រួលបំផុត” គឺទាមទារសញ្ជាតិសហភាពអឺរ៉ុបរបស់ខ្លួនឡើងវិញ ដែលគ្រួសាររបស់ពួកគេមានរួចហើយ។
ការយល់ដឹងអំពីជម្រើសទាំងអស់ជួយឱ្យអ្នកដាក់ពាក្យកំណត់ថាតើកម្មវិធីមួយណាដែលសមស្របបំផុតសម្រាប់តម្រូវការផ្ទាល់ខ្លួនរបស់ពួកគេ ព្រោះថាកម្មវិធីទាំងពីរមិនដូចគ្នាទេ។
- សញ្ជាតិតាមរយៈការវិនិយោគ (CBI)
ការទទួលបានសញ្ជាតិតាមរយៈការវិនិយោគគឺជាជម្រើសផ្ទាល់ៗសម្រាប់ការទទួលបានលិខិតឆ្លងដែនទីពីរ។ សញ្ជាតិតាមរយៈការវិនិយោគអនុញ្ញាតឱ្យអ្នកដាក់ពាក្យធ្វើការរួមចំណែកផ្នែកសេដ្ឋកិច្ចដែលមានលក្ខណៈគ្រប់គ្រាន់ ជាធម្មតាមានជម្រើសតាមរយៈការបរិច្ចាគចូលមូលនិធិរដ្ឋាភិបាលដែលមិនអាចដកវិញបាន ឬការវិនិយោគលើអចលនទ្រព្យដែលត្រូវបានអនុម័ត ដើម្បីទទួលបានសញ្ជាតិ។
អត្ថប្រយោជន៍ដ៏សំខាន់មួយនៃកម្មវិធីសញ្ជាតិ CBI ភាគច្រើនគឺថា ពួកគេមិនតម្រូវឱ្យមានការស្នាក់នៅជាក់ស្តែងនៅក្នុងប្រទេសនៃកម្មវិធីដែលជាផ្នែកមួយនៃតម្រូវការកម្មវិធីនោះទេ។ សេរីភាពនេះធ្វើឱ្យកម្មវិធីសញ្ជាតិ CBI មានភាពទាក់ទាញដល់អ្នកដែលមិនអាច ឬមិនចង់ផ្លាស់ប្តូរទីលំនៅដ្ឋាន។ ការរួមបញ្ចូលសមាជិកគ្រួសារគឺជាស្តង់ដារគោល ដែលផ្ដល់សិទ្ធិដល់ប្តី/ប្រពន្ធ កូនក្នុងបន្ទុក និងក្នុងករណីខ្លះ ឪពុកម្តាយ ឬបងប្អូនបង្កើត។ នេះមានន័យថាកម្មវិធីសញ្ជាតិ CBI អាចជាជម្រើសដ៏ល្អសម្រាប់ការធ្វើផែនការមរតក។
-
សញ្ជាតិទៅតាមស្រុកកំណើត (Jus Soli)
សញ្ជាតិតាមស្រុកកំណើតតែងត្រូវបានផ្តល់នៅពេលកុមារកើតនៅក្នុងប្រទេសដែលអនុវត្តតាមគោលការណ៍ “jus soli” មានន័យថាសញ្ជាតិត្រូវបានផ្តល់ដោយស្វ័យប្រវត្តិដោយផ្អែកលើកំណើតនៅក្នុងទឹកដីនោះ ដោយមិនគិតពីស្ថានភាពរបស់ឪពុកម្តាយនោះទេ។
សញ្ជាតិទៅតាមទីកន្លែងកំណើតអាចពាក់ព័ន្ធនិងគ្រួសារដែលគិតអំពីការធ្វើផែនការកេរ្ដ៍ដំណែលរយៈពេលវែង ជាពិសេសនៅពេលពិចារណាអំពីកន្លែងដែលកូន ឬចៅអាចកើតមកនាពេលអនាគត។
- សញ្ជាតិតាមពូជពង្សវង្សត្រកូល (ពូជពង្ស)
សញ្ជាតិតាមរយៈពូជពង្សវង្សត្រកូល ឬសញ្ជាតិតាមពូជសាសន៍ ដោយផ្អែកលើ “jus sanguinis” អនុញ្ញាតឱ្យបុគ្គលម្នាក់ៗទាមទារសញ្ជាតិ ដែលពួកគេអាចបញ្ជាក់ពីទំនាក់ទំនងដូនតាទៅនឹងប្រទេសនោះ។
សម្រាប់អ្នកដែលមានសិទ្ធិ សញ្ជាតិតាមរយៈតំណពូជ ជាជម្រើសដ៏មានប្រសិទ្ធភាពបំផុតក្នុងចំណោមប្រទេសដែលងាយស្រួលក្នុងការទទួលបានសញ្ជាតិ។ ជំនួសឱ្យការវិនិយោគរាប់រយពាន់ដុល្លារសម្រាប់ការវិនិយោគដែលមានលក្ខណៈសម្បត្តិគ្រប់គ្រាន់ អតិថិជនត្រូវបង់ថ្លៃផ្លូវសេវាផ្នែកច្បាប់ និងថ្លៃឯកសារផ្សេងៗ ដើម្បីបង្កើតចងក្រងសំណើរពូជពង្សកេរ្ដ៍តំណែល និងបំពេញតាមលក្ខខណ្ឌរបស់រដ្ឋដែលចែងថាគ្មានបុព្វបុរសណាម្នាក់បោះបង់សញ្ជាតិនោះទេ។
- សញ្ជាតិតាមរយៈការចូលសញ្ជាតិ
សញ្ជាតិដោយការចូលសញ្ជាតិ គឺជាកត្តាដែលអ្នកដាក់ពាក្យសុំអាចទទួលបានសញ្ជាតិតាមរយៈការរស់នៅក្នុងប្រទេសមួយក្នុងរយៈពេលច្រើនឆ្នាំ សមាហរណកម្មទៅក្នុងសង្គម ហើយបន្ទាប់មកដាក់ពាក្យសុំសញ្ជាតិ។ ការទទួលបានសញ្ជាតិតាមរយៈការចូលសញ្ជាតិជារឿយៗតម្រូវឱ្យមានការស្នាក់នៅពី 5 ទៅ 10 ឆ្នាំ ការធ្វើតេស្តភាសា និងជួនកាលការប្រឡងវប្បធម៌ ឬសញ្ជាតិ។
ការចូលសញ្ជាតិបែបនេះ ជាធម្មតាគឺជាជម្រើសដែលមានតម្លៃទាបបំផុត ប៉ុន្តែវាក៏យឺតបំផុតដែរ ហើយទាមទារឱ្យមានការផ្លាស់ប្តូរទីលំនៅពិតប្រាកដ។ សម្រាប់ម្ចាស់អាជីវកម្ម និងអ្នកវិនិយោគ តម្លៃឱកាសនៃការចំណាយជាច្រើនឆ្នាំដែលរស់នៅក្នុងប្រទេសតែមួយអាចជះឥទ្ធិពលមួយចំនួន។
ប្រទេសនៅសហភាពអឺរ៉ុបដែលងាយស្រួលបំផុតដើម្បីទទួលបានសញ្ជាតិតាមរយៈការស្នាក់នៅដោយជម្រើសវិនិយោគ
កម្មវិធីទិដ្ឋាការមាស និងកម្មវិធីស្នាក់នៅតាមរយៈការវិនិយោគ ផ្តល់ជម្រើសមួយផ្សេងទៀតសម្រាប់ HNWIs ដែលមានបំណងចង់ផ្លាស់ប្តូរទីលំនៅទៅបរទេស។ កម្មវិធីទិដ្ឋាការមាសមិនផ្តល់សញ្ជាតិភ្លាមៗដូចជាកម្មវិធីសញ្ជាតិតាមរយៈការវិនិយោគនោះទេ។ ទោះជាយ៉ាងណាក៏ដោយ ពួកគេផ្តល់សិទ្ធិស្នាក់នៅរយៈពេលវែងនៅក្នុងទ្វីបអឺរ៉ុប ដែលអាចផ្ដល់សិទ្ធិចូលសញ្ជាតិនៅពេលក្រោយ ប្រសិនបើលក្ខខណ្ឌតម្រូវការត្រូវបានបំពេញតាម។ អត្ថប្រយោជន៍មួយទៀតរបស់ កម្មវិធីទិដ្ឋាការមាស (Golden Visa) គឺជាកម្មវិធីដែលមានតម្រូវការវត្តមានរាងកាយតិចតួចផងដែរ។
សម្រាប់ HNWIs ជាច្រើន ជាពិសេសអ្នកដែលផ្តោតលើការចូលប្រើប្រាស់ទីផ្សារសហភាពអឺរ៉ុប និងផែនការផ្នែកពន្ធ ជម្រើសនេះគឺកាន់តែសមស្របទៅនឹងតម្រូវការបន្ទាន់។
កម្មវិធីស្នាក់នៅតាមរយៈកម្មវិធីវិនិយោគជាធម្មតាតម្រូវឱ្យធ្វើការវិនិយោគដែលមានលក្ខណៈសម្បត្តិគ្រប់គ្រាន់យ៉ាងសំខាន់ក្នុងផ្នែកដូចជាការទិញអចលនទ្រព្យ ការជាវមូលនិធិវិនិយោគ ឬការវិនិយោគដែលមានលក្ខណៈសម្បត្តិគ្រប់គ្រាន់ផ្សេងទៀត។
យូរៗទៅការរក្សាសិទ្ធិស្នាក់នៅ និងការបំពេញតម្រូវការភាសា អាចផ្ដល់សិទ្ធិចូលសញ្ជាតិអឺរ៉ុប។ សម្រាប់អតិថិជនដែលប្រៀបធៀបប្រទេសនីមួយៗនៅអឺរ៉ុប ដែលងាយស្រួលបំផុតដើម្បីទទួលបានសញ្ជាតិ រចនាសម្ព័ន្ធទិដ្ឋាការមាសទាំងនេះគឺជាចំណុចចាប់ផ្តើម។
- កម្មវិធីទិដ្ឋាការមាសប្រទេសព័រទុយហ្គាល់ – ពេញនិយមបំផុតសម្រាប់ជនជាតិអាមេរិក និងពលរដ្ឋអង់គ្លេស
ទិដ្ឋាការមាសប្រទេសព័រទុយហ្គាល់នៅតែជាកម្មវិធីស្នាក់នៅរបស់សហភាពអឺរ៉ុបដែលមានភាពបត់បែនបំផុត ទោះបីជាមានការផ្លាស់ប្តូរនៅឆ្នាំ 2023 ទៅលើជម្រើសអចលនទ្រព្យដែលបានដកចេញក៏ដោយ។
ជម្រើសការវិនិយោគបច្ចុប្បន្នរួមមានអប្បបរមា ជម្រើស EUR 500,000 នៅក្នុងមូលនិធិវិនិយោគដែលមានលក្ខណៈសម្បត្តិគ្រប់គ្រាន់ ដោយផ្តោតលើការរក្សាដើមទុន ឬការរួមចំណែកផ្នែកវប្បធម៌ និងវិទ្យាសាស្ត្រដែលចាប់ផ្តើមពី EUR 250,000 នៅក្នុងតំបន់ដង់ស៊ីតេទាបដែលត្រូវបានអនុម័ត។
បន្ទាប់ពីទទួលបានការយល់ព្រម អ្នកដាក់ពាក្យនឹងទទួលបានប័ណ្ណស្នាក់នៅដំបូងដែលជាធម្មតាមានសុពលភាពរយៈពេល 2 ឆ្នាំ ហើយបន្ទាប់មកអាចស្នើរបន្តសុពលភាពជាថ្មី។ អ្នកដាក់ពាក្យដែលទទួលបានជោគជ័យត្រូវតែចំណាយពេលយ៉ាងតិច 7 ថ្ងៃក្នុងឆ្នាំដំបូង បន្ទាប់មកជាមធ្យម 7 ថ្ងៃក្នុងមួយឆ្នាំបន្ទាប់ពីនោះដើម្បីរក្សាសុពលភាពសិទ្ធិស្នាក់នៅរបស់ពួកគេ។
សញ្ជាតិអាចទទួលបានបន្ទាប់ពីការស្នាក់នៅរយៈពេល 5 ឆ្នាំ ប្រសិនបើការវិនិយោគត្រូវបានរក្សាទុកដដែល ហើយអ្នកដាក់ពាក្យសុំឆ្លងកាត់ការប្រឡងភាសាព័រទុយហ្គាល់ជាមូលដ្ឋាន A2 ។ ប្រទេសព័រទុយហ្គាល់អនុញ្ញាតឱ្យមានសញ្ជាតិពីរ ដែលធ្វើឱ្យព័រទុយហ្គាល់ក្លាយជាប្រទេសនៅអឺរ៉ុប ដែលមានភាពងាយស្រួលបំផុតក្នុងការធ្វើអន្តោប្រវេសន៍សម្រាប់អ្នកដាក់ពាក្យសុំសញ្ជាតិ ខណៈពេលដែលរក្សាសញ្ជាតិដើមរបស់ពួកគេ។
- កម្មវិធីទិដ្ឋាការមាសប្រទេសក្រិក – តម្លៃសមរម្យក្នុងការឈានចូលទ្វីបអឺរ៉ុប
ទិដ្ឋាការមាសរបស់ប្រទេសក្រិកនៅតែជាជម្រើសនៃសិទ្ធិស្នាក់តាមរយៈការវិនិយោគដ៏ពេញនិយមបំផុតរបស់អឺរ៉ុប ដោយផ្តល់ឱ្យជនមិនមែនសហភាពអឺរ៉ុបនូវប័ណ្ណស្នាក់នៅដែលអាចបន្តសុពលភាពឡើងវិញបានរយៈពេល 5 ឆ្នាំ តាមរយៈការវិនិយោគអចលនទ្រព្យដែលមានលក្ខណៈសម្បត្តិគ្រប់គ្រាន់។ បន្ទាប់ពីកំណែទម្រង់សំខាន់ៗដែលបានណែនាំនៅឆ្នាំ 2024 ឥឡូវនេះកម្មវិធីនេះបានសង្កត់ធ្ងន់លើកម្រិតនៃការវិនិយោគដែលមានតម្លៃខ្ពស់ក្នុងគោលបំណងកាត់បន្ថយការទិញបែបប៉ាន់ស្មាន និងការការពារលទ្ធភាពទទួលបានលំនៅដ្ឋានក្នុងស្រុក។
ចាប់តាំងពីឆ្នាំ 2024 មក ប្រទេសក្រិកបានអនុម័តប្រព័ន្ធវិនិយោគលំដាប់ថ្នាក់។ ជម្រើសអប្បបរមា EUR 250,000 ពីមុនឥឡូវនេះអនុវត្តតែនៅក្នុងករណីដែលបានកំណត់ ដូចជាការបំប្លែងអគារពាណិជ្ជកម្មទៅជាលំនៅដ្ឋាន ឬស្ដារទ្រព្យសម្បត្តិប្រវត្តិសាស្ត្រដែលបានរាយបញ្ជីឡើងវិញ។ សម្រាប់ទីតាំងភាគច្រើន កម្រិតស្ដង់ដារគឺ EUR 400,000 ខណៈពេលដែលតំបន់ពិសេស រួមមានទីក្រុង Athens, Thessaloniki, Mykonos និង Santorini ទាមទារ EUR 800,000។ ចំនួនទឹកប្រាក់ទាំងនេះអនុវត្តក្នុងមួយអចលនទ្រព្យជាជាងសម្រាប់អ្នកដាក់ពាក្យ ហើយការវិនិយោគត្រូវតែធ្វើឡើងក្នុងទ្រព្យសកម្មតែមួយ។
កម្មវិធីនេះក៏មានជម្រើសទៅកាន់ការចូលសញ្ជាតិផងដែរ ប៉ុន្តែវាភ្ជាប់មកជាមួយនូវតម្រូវការសិទ្ធិទទួលបានយ៉ាងតឹងរ៉ឹង។ អ្នកដាក់ពាក្យត្រូវតែរស់នៅក្នុងប្រទេសក្រិកយ៉ាងហោចណាស់ 183 ថ្ងៃក្នុងមួយឆ្នាំក្នុងរយៈពេល 7 ឆ្នាំជាប់ៗគ្នា ហើយបញ្ចប់ការប្រឡងចំណេះដឹងភាសាក្រិក និងវប្បធម៌ដោយជោគជ័យ។
តុល្យភាពរវាងសិទ្ធិស្នាក់នៅងាយស្រួល និងតម្រូវការសញ្ជាតិកាន់តែច្រើនមានន័យថាកម្មវិធីក្រិកគឺល្អសម្រាប់អ្នកវិនិយោគដែលចង់បានសិទ្ធិស្នាក់នៅអឺរ៉ុប និងការធ្វើដំណើរក្នុងតំបន់ Schengen ខណៈពេលដែលរក្សាជម្រើសចូលសញ្ជាតិពេលក្រោយ។ សម្រាប់មនុស្សជាច្រើន កម្មវិធីនេះគឺជាចំណុចចូលទៅកាន់ទ្វីបអឺរ៉ុប ដែលងាយស្រួលបំផុតមួយនៅដំណាក់កាលសិទ្ធិស្នាក់នៅ ជាពិសេសបើប្រៀបធៀបជាមួយអន្តោប្រវេសន៍បែបប្រពៃណី។
- កម្មវិធីស្នាក់នៅអចិន្ត្រៃយ៍របស់ប្រទេសម៉ាល់តា
កម្មវិធីស្នាក់នៅអចិន្ត្រៃយ៍របស់ប្រទេសម៉ាល់តា (MPRP) ដែលត្រូវបានគេស្គាល់ជាទូទៅថាជាកម្មវិធីទិដ្ឋាការមាសប្រទេសម៉ាល់តា ផ្តល់ឱកាសឱ្យជនមិនមែនសហភាពអឺរ៉ុបទទួលបានសិទ្ធិស្នាក់នៅអចិន្ត្រៃយ៍តាមរយៈការវិនិយោគដែលមានលក្ខណៈសម្បត្តិគ្រប់គ្រាន់។
ដោយបានចាប់ផ្តើមនៅឆ្នាំ 2021 កម្មវិធីនេះមានគោលបំណងទាក់ទាញការវិនិយោគបរទេស និងគាំទ្រដល់ការអភិវឌ្ឍន៍សេដ្ឋកិច្ចរបស់ប្រទេសម៉ាល់តា ខណៈពេលដែលផ្តល់ឱ្យអ្នកដាក់ពាក្យសុំនូវមូលដ្ឋានគ្រឹះដែលមានស្ថេរភាព និងយូរអង្វែងនៅក្នុងសហភាពអឺរ៉ុប។
ដើម្បីមានសិទ្ធិទទួលបាន MPRP អ្នកដាក់ពាក្យត្រូវតែទិញអចលនទ្រព្យនៅក្នុងប្រទេសម៉ាល់តាជាមួយនឹងតម្លៃអប្បបរមា EUR 375,000 ឬជួលអចលនទ្រព្យយ៉ាងហោចណាស់ EUR 14,000 ក្នុងមួយឆ្នាំ ដែលទាំងពីរនេះត្រូវតែរក្សារយៈពេល 5 ឆ្នាំ។
បន្ថែមពីលើការវិនិយោគអចលនទ្រព្យ អ្នកដាក់ពាក្យត្រូវ៖
- ចូលរួមចំណែករដ្ឋាភិបាលចំនួន EUR 37,000,
- បរិច្ចាគ EUR 2,000 ដល់អង្គការក្រៅរដ្ឋាភិបាលដែលបានចុះឈ្មោះ និង;
- បង់ថ្លៃរដ្ឋបាលដែលមិនអាចដកវិញបានចំនួន EUR 60,000 (រាប់បញ្ចូលអ្នកដាក់ពាក្យចម្បង ប្តី/ប្រពន្ធ និងកូនអនីតិជន)។
ទោះបីជាកម្មវិធី MPRP ផ្តល់សិទ្ធិស្នាក់នៅអចិន្ត្រៃយ៍ជាជាងសញ្ជាតិក៏ដោយ វានៅតែអាចនាំអ្នកទៅកាន់ការទទួលបានសញ្ជាតិ ប្រសិនបើលក្ខខណ្ឌមួយចំនួនត្រូវបានបំពេញតាម។ អ្នកដាក់ពាក្យត្រូវតែរស់នៅក្នុងប្រទេសម៉ាល់តាជាបន្តបន្ទាប់រយៈពេល 12 ខែភ្លាមៗមុនពេលដាក់ពាក្យ ហើយត្រូវបានស្នាក់នៅផ្ទាល់យ៉ាងតិច 4 ឆ្នាំក្នុងអំឡុងពេល 6 ឆ្នាំមុន។’
- កម្មវិធីទិដ្ឋាការមាសប្រទេសអ៊ីតាលី
ប្រទេសអ៊ីតាលីផ្តល់នូវផជម្រើសស្នាក់នៅជាច្រើនសម្រាប់អ្នកវិនិយោគបរទេស ឬ HNWIs ដែលចង់រស់នៅក្នុងប្រទេស។ ខណៈពេលដែលទីនោះមិនមានទិដ្ឋាការមាសបែបប្រពៃណី ប៉ុន្តែផ្តល់នូវជម្រើសពីរដែលអាចផ្ដល់សិទ្ធិស្នាក់នៅរយៈពេលវែង និងការទទួលបានសញ្ជាតិជាយថាហេតុ៖ ទិដ្ឋាការវិនិយោគ និងទិដ្ឋាការស្នាក់នៅជ្រើសរើស។
ទិដ្ឋាការវិនិយោគ (កម្មវិធីស្នាក់នៅតាមរយៈការវិនិយោគរបស់ប្រទេសអ៊ីតាលី)
ទិដ្ឋាការវិនិយោគរបស់ប្រទេសអ៊ីតាលីគឺសំដៅលើជនដែលមិនមែនជាសហភាពអឺរ៉ុប/EEA ដែលមានអាយុយ៉ាងតិច 18 ឆ្នាំ មានប្រវត្តិព្រហ្មទណ្ឌច្បាស់លាស់ អាចបង្ហាញភាពជាម្ចាស់ស្របច្បាប់នៃមូលនិធិគ្រប់គ្រាន់ និងកាន់ការធានារ៉ាប់រងសុខភាពឯកជន។
អ្នកដាក់ពាក្យត្រូវជ្រើសរើសជម្រើសវិនិយោគមួយក្នុងចំណោមជម្រើសទាំងបួន៖
- EUR 250,000 ក្នុងការចាប់ផ្តើមអាជីវកម្មថ្មីរបស់អ៊ីតាលី
- EUR 500,000 នៅក្នុងក្រុមហ៊ុនអ៊ីតាលីដែលមានលក្ខណៈសម្បត្តិគ្រប់គ្រាន់
- EUR 1,000,000 នៅក្នុងការបរិច្ចាគសប្បុរសធម៌ដែលគាំទ្រដល់គម្រោងផលប្រយោជន៍សាធារណៈ ឬ;
- EUR 2,000,000 នៅក្នុងមូលបត្របំណុលរដ្ឋាភិបាល។
ទិដ្ឋាការដំបូងមានសុពលភាពរយៈពេល 2 ឆ្នាំ ហើយអាចបន្តបាន 3 ឆ្នាំបន្ថែមទៀតម្ដងៗ។
ទោះបីជាមិនមានតម្រូវការស្នាក់នៅរាងកាយអប្បបរមាក៏ដោយ ការវិនិយោគត្រូវតែរក្សាបានពេញមួយសុពលភាពនៃការអនុញ្ញាត។ សិទ្ធិស្នាក់នៅអចិន្ត្រៃយ៍អាចត្រូវបានអនុវត្តសម្រាប់បន្ទាប់ 7 ឆ្នាំ, និងសញ្ជាតិបន្ទាប់ពី 10 ឆ្នាំ។
Elective Residency Visa (“ទិដ្ឋាការចូលនិវត្តន៍”)
ទិដ្ឋាការ Elective Residency របស់ប្រទេសអ៊ីតាលីត្រូវបានរចនាឡើងសម្រាប់បុគ្គលដែលឯករាជ្យផ្នែកហិរញ្ញវត្ថុហើយចង់រស់នៅក្នុងប្រទេសអ៊ីតាលីដោយមិនចូលរួមក្នុងការងារ ឬសកម្មភាពពាណិជ្ជកម្មណាមួយឡើយ។
អ្នកដាក់ពាក្យសុំត្រូវផ្តល់ភស្តុតាងនៃប្រាក់ចំណូលអកម្មពីប្រភពដូចជាប្រាក់សោធននិវត្តន៍ ចំណូលពីការជួល ឬការវិនិយោគ។
ចំនួនអប្បបរមាផ្លូវការនៃប្រាក់ចំណូលអកម្មគឺប្រហែល EUR 31,000 ក្នុងមួយឆ្នាំសម្រាប់អ្នកដាក់ពាក្យសុំតែម្នាក់ ប៉ុន្តែស្ថានកុងស៊ុលភាគច្រើនរំពឹងថានឹងមានតួលេខជិតដល់ EUR 100,000។
អ្នកដាក់ពាក្យសុំក៏ត្រូវតែបង្ហាញការស្នាក់នៅរយៈពេលវែង មានការធានារ៉ាប់រងសុខភាព និងផ្តល់ការត្រួតពិនិត្យប្រវត្តរូបស្អាតស្អំ។
ទិដ្ឋាការត្រូវបានចេញជាធម្មតាសម្រាប់រយៈពេល 1 ឬ 2 ឆ្នាំ ហើយអាចបន្តសុពលភាពបាន។ សិទ្ធិស្នាក់នៅអចិន្ត្រៃយ៍គឺអាចធ្វើទៅបានបន្ទាប់ពីរយៈពេល 5 ឆ្នាំ នៃការស្នាក់នៅជាបន្តបន្ទាប់ជាមួយនឹងជម្រើសក្នុងការដាក់ពាក្យសុំសញ្ជាតិបន្ទាប់ពី 10 ឆ្នាំ។
- ទិដ្ឋាការមាសប្រទេសហុងគ្រី
ប្រទេសហុងគ្រីបានដាក់ឱ្យដំណើរការឡើងវិញនូវកម្មវិធីស្នាក់នៅតាមរយៈការវិនិយោគរបស់ខ្លួននៅថ្ងៃទី 1 ខែកក្កដា ឆ្នាំ 2024 ក្រោមឈ្មោះកម្មវិធីអ្នកវិនិយោគជាភ្ញៀវ (GIP) ។ កម្មវិធីនេះផ្តល់ប័ណ្ណស្នាក់នៅរយៈពេល 10 ឆ្នាំដល់ជនមិនមែន EU/EEA ជាថ្នូរនឹងការវិនិយោគដែលមានលក្ខណៈសម្បត្តិគ្រប់គ្រាន់។
ទិដ្ឋាការមាសប្រទេសហុងគ្រីត្រូវបានរចនាឡើងដើម្បីទាក់ទាញដើមទុនរយៈពេលវែង និងជំរុញការអភិវឌ្ឍន៍សេដ្ឋកិច្ច ជាពិសេសក្នុងវិស័យអចលនទ្រព្យ និងវិស័យអប់រំ។
ជម្រើសវិនិយោគ
មានជម្រើសចម្បងពីរសម្រាប់អ្នកដាក់ពាក្យ៖
- ការវិនិយោគលើមូលនិធិ៖ វិនិយោគ EUR 250,000 នៅក្នុងមូលនិធិអចលនទ្រព្យដែលអនុម័តដោយរដ្ឋាភិបាល ដោយយ៉ាងហោចណាស់ 40% នៃទ្រព្យសម្បត្តិរបស់មូលនិធិត្រូវបានបែងចែកទៅឱ្យអចលនទ្រព្យលំនៅដ្ឋានប្រទេសហុងគ្រី។ ការវិនិយោគត្រូវធ្វើឡើងយ៉ាងតិច 5 ឆ្នាំ។
- ការបរិច្ចាគ៖ ធ្វើការរួមចំណែកដែលមិនអាចដកវិញបានចំនួន EUR 1,000,000 ដល់មូលនិធិសាធារណៈរបស់ប្រទេសហុងគ្រីដែលគាំទ្រការអប់រំឧត្តមសិក្សា។ ជម្រើសនេះមិនមានរយៈពេលនៃការកាន់កាប់ទេ។
ជម្រើសមុនដែលអនុញ្ញាតឱ្យវិនិយោគអចលនទ្រព្យដោយផ្ទាល់ចំនួន EUR 500,000 ត្រូវបានបញ្ឈប់នៅថ្ងៃទី 15 ខែមករា ឆ្នាំ 2025។
អ្នកដាក់ពាក្យដែលទទួលបានជោគជ័យ និងទទួលបានប័ណ្ណស្នាក់នៅដែលអាចបន្តសុពលភាបបានរយៈពេល 10 ឆ្នាំ ផ្តល់សិទ្ធិក្នុងការរស់នៅ ធ្វើការ និងសិក្សានៅប្រទេសហុងគ្រី។ ការអនុញ្ញាតនេះក៏អាចឱ្យគេធ្វើដំណើរដោយគ្មានទិដ្ឋាការនៅក្នុងតំបន់ Schengen រហូតដល់ 90 ថ្ងៃក្នុងរយៈពេល 180 ថ្ងៃ។
បន្ទាប់ពីរយៈពេល 5 ឆ្នាំនៃការស្នាក់នៅស្របច្បាប់ក្រោមកម្មវិធី Guest Investor គេអាចដាក់ពាក្យសុំសិទ្ធិស្នាក់នៅអចិន្ត្រៃយ៍បាន។
អាចចូលសញ្ជាតិបានបន្ទាប់ពីរយៈពេល 8 ឆ្នាំនៃការបន្តស្នាក់នៅស្របច្បាប់ ដោយត្រូវឆ្លងកាត់ការប្រឡងចំណេះដឹងផ្នែកភាសាហុងគ្រី និងវប្បធម៌។
- កម្មវិធីស្នាក់នៅអចិន្ត្រៃយ៍របស់ប្រទេស៊ាយព្រឺស
កម្មវិធីស្នាក់នៅអចិន្ត្រៃយ៍របស់ប្រទេសស៊ាយព្រឺសតាមរយៈការវិនិយោគ ផ្តល់ឱ្យជនមិនមែនជាជនជាតិសហភាពអឺរ៉ុប EU/EEA នូវជម្រើសផ្ទាល់ទៅកាន់ការទទួលបានសិទ្ធិស្នាក់នៅដោយមិនកំណត់ក្នុងប្រទេស ស៊ាយព្រឺស ជាថ្នូរនឹងការវិនិយោគដែលមានលក្ខណៈសម្បត្តិគ្រប់គ្រាន់។
នៅក្រោមកម្មវិធីនេះ អ្នកដាក់ពាក្យត្រូវតែធ្វើការវិនិយោគអប្បបរមាចំនួន EUR 300,000 នៅក្នុងទ្រព្យសម្បត្តិដែលមានលក្ខណៈសម្បត្តិគ្រប់គ្រាន់ ដែលអាចរួមបញ្ចូលអចលនទ្រព្យ (លំនៅដ្ឋាន ឬពាណិជ្ជកម្ម) ភាគហ៊ុននៅក្នុងក្រុមហ៊ុនដែលបានចុះបញ្ជីនៅស៊ាយព្រឺស អង្គភាពនៅក្នុងមូលនិធិវិនិយោគរួម ឬបណ្តាញវិនិយោគដែលត្រូវបានអនុម័តស្រដៀងគ្នា។ អ្នកដាក់ពាក្យសុំក៏ត្រូវតែបង្ហាញពីប្រាក់ចំណូលប្រចាំឆ្នាំដែលមានសុវត្ថិភាពយ៉ាងហោចណាស់ EUR 50,000 ពីខាងក្រៅប្រទេស៊ាយព្រឺស និងការត្រួតពិនិត្យប្រវត្តរូបទៅតាមស្តង់ដារផងដែរ។
អ្នកដាក់ពាក្យដែលជោគជ័យ និងគ្រួសាររបស់ពួកគេត្រូវបានផ្តល់សិទ្ធិស្នាក់នៅអចិន្ត្រៃយ៍ ដែលមិនផុតកំណត់ និងអាចរក្សាសុពលភាពបានដោយការធ្វើដំណើរទៅផ្ទាល់តិចតួចបំផុតទៅកាន់ប្រទេសស៊ាយព្រឺស ជាធម្មតាការទៅរៀងរាល់ពីរឆ្នាំម្តង ដើម្បីរក្សាសុពលភាព។
ខណៈពេលដែលកម្មវិធីនេះមិនផ្តល់សញ្ជាតិជូនភ្លាម អ្នករស់នៅអចិន្ត្រៃយ៍អាចមានសិទ្ធិដាក់ពាក្យសុំសញ្ជាតិ បន្ទាប់ពីរយៈពេល 5 ឆ្នាំនៃការស្នាក់នៅបន្តក្នុងរយៈពេល 8 ឆ្នាំ ស្របតាមតម្រូវការច្បាប់ស្តង់ដារ។
ប្រទេសដែលងាយស្រួលទទួលបានសញ្ជាតិតាមរយៈការវិនិយោគ
សញ្ជាតិការាបៀនតាមរយៈការវិនិយោគត្រូវបានចាត់ទុកថាជាជម្រើសឈានមុខគេសម្រាប់កម្មវិធី CBI និងផ្តល់នូវអត្ថប្រយោជន៍ និងដំណើរការកម្មវិធីស្រដៀងៗគ្នា។
កម្មវិធីសញ្ជាតិ CBI នៅតំបន់ការាបៀនផ្តល់ជូនអ្នកដាក់ពាក្យនូវអត្ថប្រយោជន៍ ជាច្រើនដែលអាចជួយដល់វិនិយោគិន។ អាស្រ័យលើប្រទេសដែលចង់បាន និងកម្មវិធីរបស់ពួកគេ អ្នកដាក់ពាក្យអាចទទួលបានជោគជ័យមានសិទ្ធិទទួលបាន៖
- ការធ្វើដំណើរដោយគ្មានទិដ្ឋាការ ឬទិដ្ឋាការពេលមកដល់ទៅជាង 140 ប្រទេស
- គ្មានពន្ធលើប្រាក់ចំណូលពីប្រភពបរទេស
- សិទ្ធិក្នុងការរស់នៅ ធ្វើការ និងធ្វើអាជីវកម្មនៅក្នុងប្រទេស
- សញ្ជាតិពេញមួយជីវិត ដែលអាចផ្ទេរទៅឱ្យសមាជិកគ្រួសាររបស់ពួកគេ។
- ប្រទេសអាន់ទីហ្គ័រ និងបាប៊ូដា (Antigua & Barbuda)
កម្មវិធីសញ្ជាតិរបស់ប្រទេសអាន់ទីហ្គ័រ និងបានប៊ូដា (Antigua and Barbuda’s Citizenship by Investment) បានក្លាយជាជម្រើសកំពូលសម្រាប់អ្នកវិនិយោគដែលមានគ្រួសារ ហើយកំពុងស្វែងរកសញ្ជាតិទីពីរនៅការាបៀន។ ទីនោះត្រូវបានគេស្គាល់អំពីរចនាសម្ព័នដែលងាយស្រួលសម្រាប់គ្រួសារ និងដំណើរការកម្មវិធីងាយៗ កម្មវិធីនេះផ្តល់ជូននូវជម្រើសដែលមានតម្លៃសមរម្យបំផុតសម្រាប់ការចូលសញ្ជាតិសម្រាប់សមាជិកគ្រួសារ។
ប្រទេសអាន់ទីហ្គ័រ និងបានប៊ូដា (Antigua and Barbuda) អនុញ្ញាតឱ្យអ្នកដាក់ពាក្យសុំរួមបញ្ចូលសមាជិកក្នុងបន្ទុកជាច្រើននៅក្រោមកម្មវិធីតែមួយ រួមទាំងប្តី/ប្រពន្ធ កូន ឪពុកម្តាយ ជីដូនជីតា និងបងប្អូនបង្កើតដែលមិនទាន់រៀបការ។
បេក្ខជនអាចជ្រើសរើសពីជម្រើសវិនិយោគខាងក្រោម៖
មូលនិធិអភិវឌ្ឍន៍ជាតិ (NDF) វិភាគទាន
NDF គឺជាការរួមចំណែកដែលមិនអាចដកវិញបាននៃ USD 230,000 ដល់មូលនិធិរដ្ឋាភិបាលដែលគាំទ្រភាពជាដៃគូសាធារណៈ និងឯកជន និងការផ្តួចផ្តើមគំនិតអភិវឌ្ឍន៍ប្រទេសជាតិ។
ជម្រើសវិនិយោគលើគម្រោងអចលនទ្រព្យ
នៅក្រោមជម្រើសនេះ អ្នកដាក់ពាក្យត្រូវតែវិនិយោគលើអចលនទ្រព្យដែលអនុម័តដោយរដ្ឋាភិបាលជាមួយនឹងតម្លៃអប្បបរមា USD 300,000។ អចលនទ្រព្យត្រូវតែរក្សាទុកយ៉ាងហោចណាស់ 5 ឆ្នាំ ឬជំនួសដោយអចលនទ្រព្យផ្សេងទៀតដែលត្រូវបានអនុម័ត ប្រសិនបើលក់មុន។
គម្រោងដែលមានសិទ្ធិរួមមាន រីស៊តប្រណិត គម្រោងលំនៅដ្ឋានដែលមានម៉ាកល្បីល្បាញ និងការអភិវឌ្ឍន៍ហាងប៊ូទិក។ ជម្រើសនេះគឺល្អសម្រាប់អ្នកដែលស្វែងរកការគ្រប់គ្រងទ្រព្យសម្បត្តិរួមជាមួយនឹងសញ្ជាតិទីពីរ។
ជម្រើសមូលនិធិរបស់សាកលវិទ្យាល័យ West Indies (UWI)
រចនាឡើងសម្រាប់គ្រួសារដែលមានសមាជិក 6 នាក់ ឬច្រើនជាងនេះ ជម្រើសនេះអនុញ្ញាតឱ្យអ្នកដាក់ពាក្យសុំធ្វើការបរិច្ចាគដែលមិនអាចដកវិញបាន USD 260,000 ដល់មូលនិធិ UWI ។ វារួមបញ្ចូលទាំងការសិក្សារយៈពេលមួយឆ្នាំដោយមិនគិតថ្លៃសិក្សាសម្រាប់សមាជិកគ្រួសារម្នាក់នៅសាកលវិទ្យាល័យ West Indies ។
ជម្រើសវិនិយោគអាជីវកម្ម
ជម្រើសនេះអនុញ្ញាតឱ្យអ្នកដាក់ទុនវិនិយោគក្នុងអាជីវកម្មដែលបានអនុម័តនៅក្នុងប្រទេស។ ការវិនិយោគនោះគឺ៖
- USD 1,500,000 ក្នុងនាមជាអ្នកវិនិយោគតែមួយគត់
- USD 400,000 សម្រាប់ម្នាក់ ក្នុងការវិនិយោគរួមគ្នាសរុបយ៉ាងហោចណាស់ USD 5,000,000
អង្គភាពស្ថាប័ន (CIU) ពិនិត្យ និងអនុម័តលើសំណើអាជីវកម្មដែលមានលក្ខណៈសម្បត្តិគ្រប់គ្រាន់ក្នុងវិស័យដូចជា ទេសចរណ៍ កសិកម្ម និងបច្ចេកវិទ្យាព័ត៌មាន។
- St. Kitts & Nevis – កម្មវិធីដែលមានអាយុកាលចាស់ជាងគេ (1984)
កម្មវិធីនេះបើកដំណើរការក្នុងឆ្នាំ 1984 ប្រទេសសាំងឃីត និងនេវីស ផ្តល់ជូននូវកម្មវិធីវិសញ្ជាតិតាមរយៈការវិនិយោគដំបូងគេរបស់ពិភពលោក ហើយនៅតែជាជម្រើសមួយក្នុងចំណោមជម្រើសដែលគួរឱ្យទុកចិត្តបំផុត និងត្រូវបានគេចាត់ទុកថាល្អនៅក្នុងតំបន់ការាបៀន។
អ្នកដាក់ពាក្យអាចជ្រើសរើសរវាងជម្រើសវិនិយោគខាងក្រោម៖
ការរួមចំណែករបស់រដ្ឋាភិបានប្រកបដោយនិរន្តរភាព (SISC)
នៅក្រោមជម្រើសនេះ អ្នកដាក់ពាក្យត្រូវធ្វើការបរិច្ចាគដែលមិនអាចដកវិញបានចំនួន USD 250,000 (សម្រាប់គ្រួសារដែលមានរហូតដល់ 4 នាក់) ដោយផ្ទាល់ទៅរដ្ឋាភិបាល។
ជម្រើសអត្ថប្រយោជន៍សាធារណៈ (PBO)
ជម្រើសអត្ថប្រយោជន៍សាធារណៈអនុញ្ញាតឱ្យអ្នកវិនិយោគបរិច្ចាគ USD 250,000 ដល់គម្រោងសាធារណៈដែលអនុម័តដោយរដ្ឋាភិបាលដែលជំរុញកំណើនសេដ្ឋកិច្ចសម្រាប់ប្រទេសជាតិ។
ការវិនិយោគក្នុងអចលនទ្រព្យឯកជនដែលត្រូវបានអនុម័ត
ការវិនិយោគលើគម្រោងអចលនទ្រព្យឯកជនដែលត្រូវបានអនុម័ត នេះអនុញ្ញាតឱ្យអ្នកដាក់ទុនវិនិយោគលើអចលនទ្រព្យលំនៅដ្ឋានដែលបានកំណត់។ វិនិយោគិនអាចជ្រើសរើសរវាងប្រភេទទាំងពីរ៖
- យូនីតខុនដូ ឬភាគហ៊ុននៅក្នុងការអភិវឌ្ឍន៍អចលនទ្រព្យដែលត្រូវបានអនុម័តដោយការវិនិយោគអប្បបរមាចំនួន USD 325,000
- ផ្ទះឯកជនសម្រាប់គ្រួសារតែមួយ ត្រូវបានកំណត់ថាជាអចលនទ្រព្យឯកជនដែលត្រូវបានអនុម័ត ជាមួយនឹងការវិនិយោគអប្បបរមា USD 600,000
ដើម្បីរក្សាសិទ្ធិក្រោមកម្មវិធីសញ្ជាតិ Citizenship by Investment អចលនទ្រព្យត្រូវរក្សាទុកយ៉ាងតិច 7 ឆ្នាំ។ ប្រសិនបើការវិនិយោគលើអចលនទ្រព្យត្រូវបានលក់មុនដំណាច់រយៈពេលកាន់កាប់ 7 ឆ្នាំនេះ ការវិនិយោគដំបូងនឹងមិនមានលក្ខណៈគ្រប់គ្រាន់សម្រាប់កម្មវិធី CBI នាពេលអនាគតទេ។
បានយល់ព្រមលើភាគហ៊ុនអភិវឌ្ឍន៍អចលនទ្រព្យ
ជម្រើសវិនិយោគនេះអនុញ្ញាតឱ្យអ្នកវិនិយោគទិញភាគហ៊ុននៅក្នុងការអភិវឌ្ឍន៍អចលនទ្រព្យដែលអនុម័តដោយរដ្ឋាភិបាលជាមួយនឹងការវិនិយោគអប្បបរមាចំនួន USD 325,000។ វាផ្តល់ភាពជាម្ចាស់សហកម្មសិទ្ធិនៅក្នុងរីស៊តប្រណីត អចលនទ្រព្យដែលមិនប៉ះពាល់ដល់បរិស្ថាន ឬសហគមន៍ជាប់ឆ្នេរសមុទ្រ។
- ប្រទេសដូមីនីកា (Dominica) – មានតម្លៃសមរម្យបំផុត
បានបើកដំណើរការក្នុងឆ្នាំ 1993 កម្មវិធីសញ្ជាតិរបស់ប្រទេសដូមីនីកា (Dominica) បានក្លាយជាជម្រើសដ៏ពេញនិយមសម្រាប់អ្នកវិនិយោគដែលកំពុងស្វែងរកសញ្ជាតិទីពីរ ហើយមានអត្រាបដិសេធទាបបំផុតត្រឹមតែ 1% ប៉ុណ្ណោះ។
ប្រទេសនេះផ្ដល់ជម្រើសវិនិយោគពីរសម្រាប់អ្នកដាក់ពាក្យ ការរួមចំណែកដល់មូលនិធិចម្រុះសេដ្ឋកិច្ច (EDF) ឬការទិញអចលនទ្រព្យដែលបានអនុម័ត។
មូលនិធិពិពិធកម្មសេដ្ឋកិច្ច (EDF)
មូលនិធិពិពិធកម្មសេដ្ឋកិច្ចតម្រូវឱ្យអ្នកដាក់ពាក្យធ្វើការរួមចំណែកដែលមិនអាចដកវិញបាននូវ៖
- USD 200,000 សម្រាប់ម្នាក់
- USD 250,000 សម្រាប់គ្រួសារដែលមានសមាជិក 4 នាក់។
សម្រាប់គ្រួសារសមាជិកធំ ការរួមចំណែកបន្ថែមត្រូវបានអនុវត្ត៖
- USD 25,000 សម្រាប់សមាជិកបន្ថែមម្នាក់អាយុក្រោម 18 ឆ្នាំ
- USD 40,000 សម្រាប់សមាជិកបន្ថែមម្នាក់ៗដែលមានអាយុចាប់ពី 18 ឆ្នាំឡើងទៅ
ជម្រើសវិនិយោគអចលនទ្រព្យ
ជម្រើសអចលនទ្រព្យទាមទារការវិនិយោគអប្បបរមា EUR 200,000 ក្នុងគម្រោងអភិវឌ្ឍន៍ដែលអនុម័តដោយរដ្ឋាភិបាល។
វិនិយោគិនត្រូវតែរក្សាភាពជាម្ចាស់យ៉ាងហោចណាស់ 3 ឆ្នាំ ឬ 5 ឆ្នាំ ប្រសិនបើអចលនទ្រព្យត្រូវបានលក់បន្តទៅអ្នកដាក់ពាក្យកម្មវិធីសញ្ជាតិ CBI ផ្សេងទៀត។
- ប្រទេសហ្គ្រីណាដា– US E-2 Visa សម្រាប់ការចូលទៅក្នុងទីផ្សារអាជីវកម្មអាមេរិក
កម្មវិធីសញ្ជាតិ Grenada’s Citizenship by Investment (CBI) ដែលបានណែនាំនៅក្នុងឆ្នាំ 2013 គឺជាប្រទេសនៅតំបន់ការាបៀនតែមួយគត់ដែលមានសន្ធិសញ្ញាទ្វេភាគីដែលអនុញ្ញាតឱ្យពលរដ្ឋរបស់ខ្លួនដាក់ពាក្យសុំទិដ្ឋាការវិនិយោគ US E-2 ។
អ្នកដាក់ពាក្យអាចទទួលបានសញ្ជាតិតាមរយៈជម្រើសវិនិយោគមួយក្នុងចំណោមជម្រើសវិនិយោគពីរដែលត្រូវបានអនុម័ត៖
មូលនិធិកំណែទម្រង់ជាតិ (NTF)
មូលនិធិបម្រែបម្រួលជាតិគឺជាការបរិច្ចាគដែលមិនអាចដកវិញបាន ដែលទាមទារការវិនិយោគអប្បបរមាចំនួន USD 235,000 សម្រាប់អ្នកដាក់ពាក្យតែម្នាក់ ឬគ្រួសារដែលមានរហូតដល់ 4 នាក់។
ជម្រើសវិនិយោគអចលនទ្រព្យ
ជម្រើសអចលនទ្រព្យនៅប្រទេស ហ្គ្រីណាដា (Grenada) អនុញ្ញាតឱ្យអ្នកវិនិយោគទិញយូនីតនៅក្នុងវិស័យទេសចរណ៍ និងការអភិវឌ្ឍន៍លំនៅដ្ឋានដែលអនុម័តដោយរដ្ឋាភិបាល។ ការវិនិយោគអប្បបរមាដែលត្រូវការគឺ USD 270,000 ហើយត្រូវរក្សាទុកយ៉ាងហោចណាស់ 5 ឆ្នាំ។ បើមិនដូច្នោះទេវាអាចត្រូវបានលក់នៅពេលណាមួយបន្ទាប់ពីការទិញ។
ការចូលប្រើទិដ្ឋាការ E2 របស់សហរដ្ឋអាមេរិក
ទិដ្ឋាការវិនិយោគ E-2 របស់សហរដ្ឋអាមេរិកផ្តល់ឱកាសពិសេសមួយសម្រាប់ជនបរទេសក្នុងការរស់នៅ និងធ្វើការនៅសហរដ្ឋអាមេរិកដោយការវិនិយោគលើអាជីវកម្មអាមេរិកដែលមានលក្ខណៈសម្បត្តិគ្រប់គ្រាន់។ មិនដូចកម្មវិធីទិដ្ឋាការអន្តោប្រវេសន៍ដូចជា EB-5 ទេ E-2 គឺជាទិដ្ឋាការមិនមែនអន្តោប្រវេសន៍ ប៉ុន្តែផ្តល់ភាពបត់បែន ដំណើរការលឿន និងអាចបន្តសុពលភាពជាថ្មីបានដរាបណាអាជីវកម្មនៅតែដំណើរការ។
អ្នកកាន់ទិដ្ឋាការ E-2 មានសិទ្ធិទទួលបានអត្ថប្រយោជន៍ដូចខាងក្រោម៖
- រស់នៅ និងធ្វើការនៅសហរដ្ឋអាមេរិក ខណៈពេលដែលគ្រប់គ្រងការវិនិយោគរបស់អ្នកយ៉ាងសកម្ម
- ដំណើរការលឿន ជាញឹកញាប់ក្នុងរយៈពេល 3 ខែ
- មានរយៈពេលវែងដែលអាចបន្តសុពលភាពបាន (ផ្តល់រហូតដល់ 5 ឆ្នាំអាស្រ័យលើលក្ខខណ្ឌនៃសន្ធិសញ្ញា)
- ការអនុញ្ញាតការងារជូន ប្តី/ប្រពន្ធ និងការទទួលបានការអប់រំនៅសហរដ្ឋអាមេរិកសម្រាប់កូនៗ
- មិនកំណត់ការវិនិយោគអប្បបរមា ដោយផ្តល់នូវភាពបត់បែនដោយផ្អែកលើគំរូអាជីវកម្ម
- ប្រទេសសង់លូស៊ីយ៉ា (St. Lucia)
កម្មវិធីសញ្ជាតិសង់លូស៊ីយ៉ា (St. Lucia’s Citizenship by Investment) បានក្លាយជាជម្រើសដ៏ពេញនិយមមួយ ដោយសារដំណើរការដាក់ពាក្យងាយស្រួលៗ ជម្រើសវិនិយោគដែលមានសក្ខានុពល និងមិនមានតម្រូវការស្នាក់នៅ។
កម្មវិធីសញ្ជាតិសង់លូស៊ីយ៉ា (St. Lucia CBI) មានជម្រើសវិនិយោគសំខាន់ៗចំនួនបួនដែលក្នុងនោះមានដូចខាងក្រោម៖
មូលនិធិសេដ្ឋកិច្ចជាតិ (NEF) វិភាគទាន
ដើម្បីអនុវត្តក្រោមជម្រើសនេះ គេត្រូវធ្វើការរួមចំណែកដែលមិនអាចដកវិញបានចំនួន EUR 240,000 ត្រូវតែធ្វើឡើងទៅកាន់មូលនិធិសេដ្ឋកិច្ចជាតិ (NEF)។
ជម្រើសសញ្ញាប័ណ្ណសកម្មភាពជាតិ (NAB)
ប្លែកពីគេក្នុងចំណោមគម្រោងនីមួយៗក្រោម កម្មវិធីសញ្ជាតិ CBI របស់តំបន់ការាបៀន, ប្រទេសនេះផ្តល់ជូនកម្មវិធីមូលបត្របំណុលរបស់រដ្ឋាភិបាលដែលទាមទារការវិនិយោគអប្បបរមាចំនួន USD 300,000 ដែលត្រូវធ្វើឡើង ក៏ដូចជាថ្លៃរដ្ឋបាលដែលមិនអាចដកវិញបានចំនួន USD 50,000 អាមេរិក។
មូលបត្របំណុលទាំងនេះអាចដកវិញបានបន្ទាប់ពីរយៈពេល 5 ឆ្នាំ ដែលធ្វើឱ្យវាក្លាយជាជម្រើសនៃការវិនិយោដែលនៅតែផ្តល់សញ្ជាតិសម្រាប់អ្នកដាក់ពាក្យ។ លើសពីនេះ មិនដូចជម្រើសនៃមូលនិធិសេដ្ឋកិច្ចជាតិទេ ការវិនិយោគលើប័ណ្ណបំណុលរបស់រដ្ឋាភិបាលមិនតម្រូវឱ្យមានការរួមចំណែកបន្ថែមក្នុងម្នាក់ៗទេនោះទេ។
- ប្រទេសទួរគី (Türkiye)
កម្មវិធីសញ្ជាតិទួរគីតាមរយៈការវិនិយោគដែលអនុញ្ញាតឱ្យអ្នកវិនិយោគដែលមានសិទ្ធិ និងក្រុមគ្រួសាររបស់ពួកគេទទួលបានសញ្ជាតិទួរគីពេញលេញ និងលិខិតឆ្លងដែនតាមរយៈការរួមចំណែកផ្នែកហិរញ្ញវត្ថុដែលមានលក្ខណៈសម្បត្តិគ្រប់គ្រាន់។
ជម្រើសវិនិយោគអចលនទ្រព្យ
ដើម្បីមានលក្ខណៈគ្រប់គ្រាន់នៅក្រោមជម្រើសនេះ ការវិនិយោគអប្បបរមាចំនួន USD 400,000 នៅក្នុងអចលនទ្រព្យក្នុងប្រទេសចាំបាច់ត្រូវតែធ្វើឡើង។ អចលនទ្រព្យអាចមានឯកតាមួយ ឬច្រើន ដែលតម្លៃរួមបញ្ចូលគ្នាត្រូវតែគ្រប់ចំនួនកំណត់ខាងលើ ឬលើសពីចំនួនកំណត់ខាងលើ ហើយការវិនិយោគត្រូវតែរក្សាទុកយ៉ាងហោចណាស់ 3 ឆ្នាំ។
ជម្រើសវិនិយោគផ្សេងទៀត
ប្រទេសទួរគីក៏ផ្តល់ជូននូវជម្រើសវិនិយោគដែលមានលក្ខណៈសម្បត្តិគ្រប់គ្រាន់បន្ថែមផងដែរ ជាទូទៅតម្រូវឱ្យមានការវិនិយោគអប្បបរមាចំនួន USD 500,000 ក្នុងប្រភេទមួយក្នុងចំណោមប្រភេទនៃការវិនិយោគដូចខាងក្រោម៖
- ការដាក់ប្រាក់តម្កល់ក្នុងគណនីធនាគារ៖ យ៉ាងតិច USD 500,000 ទៅក្នុងគណនីធនាគាររបស់ប្រទេសទួរគី ដែលនឹងត្រូវតម្កល់ទុកយ៉ាងហោចណាស់ 3 ឆ្នាំ។
- ប័ណ្ណបំណុលរដ្ឋាភិបាល៖ ការទិញមូលបត្របំណុលរដ្ឋាភិបាលទួរគីដែលមានតម្លៃ USD 500,000 ឬច្រើនជាងនេះ ហើយត្រូវរក្សាទុកយ៉ាងហោចណាស់ 3 ឆ្នាំ។
- ការវិនិយោគមូលធនថេរ៖ ការរួមចំណែកដើមទុនថេរយ៉ាងហោចណាស់ USD 500,000 ទៅក្នុងអាជីវកម្មនៅក្នុងប្រទេស។
- មូលនិធិវិនិយោគ ភាគហ៊ុន ឬមូលធនបណ្តាក់ទុន៖ វិនិយោគ USD 500,000 ក្នុងមូលនិធិវិនិយោគអចលនទ្រព្យ មូលនិធិបណ្តាក់ទុន ឬប្រព័ន្ធសោធននិវត្តន៍ឯកជន ជាមួយនឹងរយៈពេលកាន់កាប់ 3 ឆ្នាំ។
សរុបសេចក្ដី
ការជ្រើសរើសកម្មវិធីសិទ្ធិស្នាក់នៅ ឬកម្មវិធីសញ្ជាតិដែលសមស្រប គួរតែចាប់ផ្តើមពីយុទ្ធសាស្ត្រដែលត្រូវនឹងតម្រូវការរបស់លោកអ្នក។ ដំណើរការនេះរួមមានការវាយតម្លៃលើគោលបំណងផ្ទាល់ខ្លួន ផលប្រយោជន៍អាជីវកម្ម គោលបំណងនៃការរៀបចំផែនការពន្ធ និងអាទិភាពរបស់គ្រួសារ។ ក៏ដូចជាការប្រៀបធៀបជម្រើសផ្សេងៗ ដូចជា កម្មវិធីសញ្ជាតិតាមរយៈការវិនិយោគ កម្មវិធីទិដ្ឋាការមាស និងការចូលសញ្ជាតិតាមពូជពង្សវង្សត្រកូល ដោយគិតគូរពីការកំណត់របស់ប្រទេសដើមចំពោះការមានសញ្ជាតិពីរ។
បន្ទាប់ពីបានជ្រើសរើសកម្មវិធីដែលសមស្របរួចហើយ ជំហានបន្ទាប់គឺការរៀបចំ និងដាក់ស្នើឯកសារចាំបាច់ រួមទាំងការបញ្ជាក់ប្រភពទុនវិនិយោគ ការផ្ទៀងផ្ទាត់ប្រវត្តិរូប និងការបញ្ជាក់ឯកសារឱ្យបានត្រឹមត្រូវតាមច្បាប់។ ការរៀបចំផែនការក៏អាចរួមបញ្ចូលការបន្ថែមសមាជិកគ្រួសារ ដូចជា ប្តី ឬប្រពន្ធ កូនៗ ហើយក្នុងករណីខ្លះ អាចរួមបញ្ចូលឪពុកម្តាយ ឬបងប្អូនផងដែរ ដើម្បីធានាថា កម្មវិធីដែលបានជ្រើសរើស សមស្របនឹងគោលបំណងផ្ទាល់ខ្លួន និងគ្រួសារទាំងមូល។