REQUEST IMMIGRATION SERVICE
Thank you for visiting Harvey Law Group.
Please select our nearest office to you and complete the enquiry form below.
To send successfully, you must fill in all the required fields marked by an asterisk “*”.
ការប្រៀបធៀបកម្មវិធីទិដ្ឋាការមាសនីមួយៗ៖ ប្រទេសក្រិក និង ប្រទេសព័រទុយហ្គាល់ ការណែនាំសម្រាប់ឆ្នាំ 2026
កម្មវិធីទិដ្ឋាការមាសរបស់ប្រទេសព័រទុយហ្គាល់៖ គម្រោងបរិច្ចាគអប្បបរមា €250,000 ឬការវិនិយោគក្នុងមូលនិធិតម្លៃ €500,000 (ជម្រើសវិនិយោគលើអចលនទ្រព្យគឺលែងមានទៀតហើយ) តម្រូវការទាមទារការស្នាក់នៅផ្ទាល់យ៉ាងហោចណាស់ 7 ថ្ងៃក្នុងឆ្នាំដំបូង និង 14 ថ្ងៃក្នុងរយៈពេលពីរឆ្នាំបន្តបន្ទាប់នីមួយៗ។
កម្មវិធីទិដ្ឋាការមាសរបស់ប្រទេសក្រិក៖ ការវិនិយោគលើអចលនទ្រព្យចាប់ពី €250,000ទៅ€800,000 នៅតែមានសម្រាប់ជ្រើសរើស មិនតម្រូវឱ្យស្នាក់នៅផ្ទាល់ ដើម្បីរក្សាសុពលភាពទិដ្ឋាការនោះទេ រយៈពេលដំណើរការកម្មវិធីត្រឹម 6 ខែ (ដំណើរការកម្មវិធីលឿនបំផុតនៅក្នុងសហភាពអឺរ៉ុប) ប៉ុន្តែអ្នកដាក់ពាក្យត្រូវរក្សាសិទ្ធិស្នាក់នៅជាបន្តបន្ទាប់អោយបានយ៉ាងតិច 7 ឆ្នាំជាមួយតម្រូវការស្នាក់នៅផ្ទាល់ក្នុងប្រទេសក្រិកឱ្យបានយ៉ាងតិច 183 ថ្ងៃក្នុងមួយឆ្នាំ បើពួកគេចង់ចូលសញ្ជាតិនាពេលអនាគត។
ជម្រើសនៃការវិនិយោគ៖ ប្រទេសព័រទុយហ្គាល់ផ្តោតលើមូលនិធិ និងការបរិច្ចាគជូនគម្រោងវប្បធម៌របស់ជាតិ។ ប្រទេសក្រិកផ្តល់ជម្រើសសម្បូរបែប រួមមានអចលនទ្រព្យ ប័ណ្ណមូលនិធិរដ្ឋាភិបាល ប្រាក់បញ្ញើធនាគារ និងការវិនិយោគផ្សេងៗចាប់ពី €250,000-€800,000។
អត្ថប្រយោជន៍សម្រាប់គ្រួសារ៖ កម្មវិធីទាំងពីរអាចអនុញ្ញាតឱ្យរួមបញ្ចូល ប្តី/ប្រពន្ធ កូនក្នុងបន្ទុក និងឪពុកម្តាយ។ ថ្មីៗនេះប្រទេសក្រិកបាន ដាក់ឱ្យប្រើប្រាស់ស្របច្បាប់នូវការរួមបញ្ចូលប្តី/ប្រពន្ធភេទដូចគ្នា និងរាប់បញ្ចូលទាំងកូនៗដែលមានអាយុដល់ 24 ឆ្នាំ ប្រសិនបើកូននោះនៅលីវ និងកំពុងសិក្សា សម្រាប់ប្រទេសព័រទុយហ្គាល់ គេអនុញ្ញាតឱ្យរួមបញ្ចូល កូនៗដែលមានអាយុ 18 ឆ្នាំឡើង និងឪពុកម្តាយដែលមានអាយុក្រោម 65 ឆ្នាំដែលរស់នៅពឹងផ្អែកលើអ្នកដាក់ពាក្យចម្បង។
អត្ថប្រយោជន៍សំខាន់ៗរបស់ប្រទេសព័រទុយហ្គាល់៖ ការកំណត់ពេលវេលាសម្រាប់ការចូលសញ្ជាតិមានរយៈពេលខ្លី (5ឆ្នាំ និង 7 ឆ្នាំ) និងផ្ដល់នូវអត្ថប្រយោជន៍ពន្ធតាមរយៈកម្មវិធី Non-Habitual Resident សម្រាប់ការលើកលែងពន្ធលើប្រាក់ចំណូលពីបរទេស។ មានសិទ្ធិចូលសញ្ជាតិព័រទុយហ្គាល់បន្ទាប់ពី 5 ឆ្នាំ។
អត្ថប្រយោជន៍សំខាន់ៗរបស់ប្រទេសក្រិក៖ គ្មានតម្រូវការស្នាក់នៅគិតជាអប្បបរមា ឱកាសវិនិយោគក្នុងអចលនទ្រព្យ ដំណើរការកម្មវិធីបឋមលឿនជាងមុន និងមានតម្លៃសមរម្យចាប់ពី €250,000 វិនិយោគទៅក្នុងតំបន់ភាគច្រើននៅខាងក្រៅទីក្រុង Athens/Thessaloniki/Mykonos/Santorini។
កម្មវិធីស្នាក់នៅរបស់សហភាពអឺរ៉ុបបន្តកើនឡើងប្រជាប្រិយភាពក្នុងចំណោមបុគ្គលដែលមានទ្រព្យសម្បត្តិ (HNWIs) វិនិយោគិនសកល សហគ្រិន និងក្រុមគ្រួសារដែលស្វែងរកជម្រើសជំនួសដើម្បីឆ្លើយតបទៅនឹងស្ថានភាពនយោបាយ និងសង្គមជាតិដែលមិនអាចស្មានដឹងទុកជាមុនបាន។
កម្មវិធីដ៏ពេញនិយមបំផុតចំនួនពីរនៅអឺរ៉ុប កម្មវិធីសិទ្ធិស្នាក់នៅដែលហៅថា កម្មវិធីទិដ្ឋាការមាស (Golden Visa) របស់ប្រទេសព័រទុយហ្គាល់ និងកម្មវិធីទិដ្ឋាការមាសរបស់ប្រទេសក្រិក បានទាក់ទាញអ្នកវិនិយោគរាប់ពាន់នាក់ ពីព្រោះកម្រិតនៃការវិនិយោគដែលមានលក្ខខណ្ឌសម្យរម ការចូលទៅកាន់តំបន់ Schengen ដោយគ្មានទិដ្ឋាការ និងសក្តានុពលក្នុងការទទួលបានសញ្ជាតិនៃសហភាពអឺរ៉ុប។
ក្រុមការងារដែលមានវិជ្ជាជីវៈ និងជំនាញច្បាសតែងឃ្លាំមើលតាមដានយ៉ាងយកចិត្តទុកដាក់ក្នុងដំណើរការអភិវឌ្ឍន៍នៅក្នុងកម្មវិធីទាំងនេះ រួមទាំងជម្រើសវិនិយោគអចលនទ្រព្យដែលដកចេញពីប្រទេសព័រទុយហ្គាល់នាពេលថ្មីៗនេះ និងការសម្រេចចិត្តរបស់ប្រទេសក្រិកក្នុងការបង្កើនកម្រិតវិនិយោគអប្បបរមារបស់ខ្លួន។
ស្វែងយល់ពីកម្មវិធីទិដ្ឋាការមាសដែលផ្ដល់សិទ្ធិស្នាក់នៅ (Golden Residence) ក្នុងសហភាពនៅអឺរ៉ុប
កម្មវិធីទិដ្ឋាការមាសអន្តោប្រវេសន៍ និងការទទួលបានសិទ្ធិស្នាក់នៅតាមរយៈការវិនិយោគអនុញ្ញាតឱ្យអ្នកវិនិយោគបរទេសទទួលបានប័ណ្ណស្នាក់នៅដោយធ្វើការវិនិយោគដែលមានលក្ខណៈសម្បត្តិគ្រប់គ្រាន់ក្នុងសេដ្ឋកិច្ចរបស់ប្រទេសដែលជាម្ចាស់ផ្ទះ។ កម្មវិធីទាំងនេះត្រូវបានរចនាឡើងដើម្បីទាក់ទាញមូលធនពីបរទេស ជំរុញកំណើនសេដ្ឋកិច្ច និងបង្កើតការងារ ខណៈពេលដែលផ្តល់ឱ្យវិនិយោគិននូវសិទ្ធិក្នុងការរស់នៅ ធ្វើការ និងការធ្វើដំណើរនៅក្នុងសហភាពអឺរ៉ុប។
ក៏ដូចជាអត្ថប្រយោជន៍ដែលបានលើកឡើងពីមុន កម្មវិធីទិដ្ឋាការមាសរបស់អឺរ៉ុបនៅតែមានភាពទាក់ទាញសម្រាប់ HNWIs ខណៈដែលពួកគេផ្តល់ “ផែនការ B” សម្រាប់ការធ្វើពិពិធកម្មទ្រព្យសម្បត្តិ លទ្ធភាពទទួលបានការអប់រំ និងការថែទាំសុខភាពដែលមានគុណភាពខ្ពស់ និងការធ្វើដំណើរជុំវិញពិភពលោកសម្រាប់ទាំងអ្នកដាក់ពាក្យចម្បង និងក្រុមគ្រួសាររបស់ពួកគេ។
ថ្មីៗនេះ កម្មវិធីទិដ្ឋាការមាសនៅអឺរ៉ុបជាច្រើនបានធ្វើកំណែទម្រង់សំខាន់ៗ។ ឧទាហរណ៍ ប្រទេសព័រទុយហ្គាល់បានដកជម្រើសវិនិយោគក្នុងអចលនទ្រព្យរបស់ខ្លួនចេញ ហើយឥឡូវនេះទទួលយកតែការវិនិយោគគម្រោងមូលនិធិ គំនិតផ្តួចផ្តើមស្រាវជ្រាវ និងគម្រោងបង្កើតការងារប៉ុណ្ណោះ។ ប្រទេសក្រិកនៅតែជាកម្មវិធីទិដ្ឋាការមាសមួយក្នុងចំណោមកម្មវិធីទិដ្ឋាការមាសរបស់សហភាពអឺរ៉ុប ដែលនៅតែផ្តល់ជូននូវជម្រើសអចលនទ្រព្យជាការវិនិយោគដែលមានលក្ខណៈសម្បត្តិគ្រប់គ្រាន់ ទោះបីជាកម្រិតអប្បបរមាកំពុងកើនឡើងនៅក្នុងតំបន់ដែលមានតម្រូវការខ្ពស់ដូចជាទីក្រុង Athens និង Thessaloniki ក៏ដោយ។
ទិដ្ឋភាពទូទៅនៃការប្រៀបធៀបសម្រាប់កម្មវិធីទិដ្ឋាការមាសព័ប្រទេសរទុយហ្គាល់
កម្មវិធីទិដ្ឋាការមាសប្រទេសព័រទុយហ្គាល់ គឺជាកម្មវិធីស្នាក់នៅតាមរយៈការវិនិយោគ ដែលត្រូវបានរចនាឡើងសម្រាប់ជនជាតិមិនមែនមកពីសហភាពអឺរ៉ុបដែលកំពុងស្វែងរកការផ្លាស់ប្តូរទីលំនៅទៅកាន់ប្រទេសព័រទុយហ្គាល់។ កម្មវិធីទិដ្ឋាការមាសរបស់ប្រទេសព័រទុយហ្គាល់គឺជាជម្រើសដ៏គួរឱ្យទាក់ទាញសម្រាប់ HNWIs ដោយសារតែភាពបត់បែនរបស់វា ដោយតម្រូវឱ្យស្នាក់នៅជាមធ្យមត្រឹមតែ 7 ថ្ងៃក្នុងមួយឆ្នាំប៉ុណ្ណោះ។
គិតត្រឹមឆ្នាំ 2024 ប្រទេសព័រទុយហ្គាល់លែងអនុញ្ញាតឱ្យមានការវិនិយោគក្នុងអចលនទ្រព្យក្រោមកម្មវិធីទិដ្ឋាការមាសរបស់ខ្លួនទៀតហើយ។ ជម្រើសដែលមានលក្ខណៈសម្បត្តិគ្រប់គ្រាន់បច្ចុប្បន្នរួមមាន:
ជម្រើសវិនិយោគក្នុងមូលនិធិប្រទេសព័រទុយហ្គាល់
វិនិយោគិនអាចបណ្តាក់ទុនយ៉ាងតិច €500,000 ក្នុងការវិនិយោគដែលមានលក្ខណៈសម្បត្តិគ្រប់គ្រាន់ ឬជាមូលនិធិបណ្តាក់ទុន។ មូលនិធិដែលបានជ្រើសរើសត្រូវតែផ្តោតលើមូលធននីយកម្មរបស់ក្រុមហ៊ុនក្នុងព័រទុយហ្គាល់ មានអាយុកំណត់យ៉ាងតិចប្រាំឆ្នាំ និងបែងចែកយ៉ាងហោចណាស់ 60% នៃផលប័ត្ររបស់ខ្លួនដល់អាជីវកម្មដែលមានទីស្នាក់ការកណ្តាលនៅប្រទេសព័រទុយហ្គាល់។
សូមចំណាំថា មូលនិធិដែលភ្ជាប់ទៅនឹងអចលនទ្រព្យមិនត្រូវបានរាប់បញ្ចូលក្នុងសិទ្ធិទទួលបាននោះទេ។
ជម្រើសផ្តល់ទិដ្ឋាការមាសព័រទុយហ្គាល់
អ្នកដាក់ពាក្យក៏អាចធ្វើការផ្ទេរដើមទុនយ៉ាងហោចណាស់ €250,000 (€200,000 នៅក្នុងតំបន់ដែលមានដង់ស៊ីតេប្រជាជនទាប) ដើម្បីគាំទ្រដល់ការផលិតសិល្បៈ ឬការអភិរក្ស និងការស្ដារឡើងវិញនូវបេតិកភណ្ឌវប្បធម៌ជាតិ។ ការរួមចំណែកនេះត្រូវតែធ្វើឡើងតាមរយៈស្ថាប័នសាធារណៈដែលបានអនុម័ត ឬមូលនិធិឯកជនដែលទទួលស្គាល់សម្រាប់ស្ថានភាពប្រើប្រាស់សាធារណៈរបស់ពួកគេ។
អត្ថប្រយោជន៍សំខាន់ៗនៃទិដ្ឋាការមាសព័រទុយហ្គាល់
នៅឆ្នាំ 2025 ប្រទេសជាច្រើនកំពុងជួបប្រទះភាពមិនច្បាស់លាស់ខាងផ្នែកនយោបាយ ការកើនឡើងជាអតិផរណា និងសម្ពាធសេដ្ឋកិច្ចដែលកំពុងប៉ះពាល់ដល់កម្រិតជីវភាពរស់នៅ។ ប្រទេសព័រទុយហ្គាល់គឺជាជម្រើសស្នាក់នៅដ៏គួរឱ្យទាក់ទាញសម្រាប់អ្នកដាក់ពាក្យដែលមានសិទ្ធិ។
អត្ថប្រយោជន៍ចម្បងនៃទិដ្ឋាការមាសប្រទេសព័រទុយហ្គាល់រួមមាន:
ជម្រើសស្នាក់នៅ និងការចេញចូលតំបន់ Schengen
អ្នកកាន់ទិដ្ឋាការមាសព័រទុយហ្គាល់និងទទួលបានសិទ្ធិរស់នៅក្នុងប្រទេសព័រទុយហ្គាល់ ខណៈពេលដែលរីករាយនឹងការធ្វើដំណើរដោយគ្មានទិដ្ឋាការឆ្លងកាត់ប្រទេសទាំង 27 ក្នុងតំបន់ Schengen ។ នេះធ្វើឱ្យការធ្វើដំណើរទាំងអាជីវកម្ម និងការកម្សាន្តនៅក្នុងទ្វីបអឺរ៉ុបមានភាពងាយស្រួល។
កត្តាសំខាន់ កម្មវិធីនេះមានតម្រូវការស្នាក់នៅតិចតួច ដោយពួកគេត្រូវចំណាយពេលត្រឹមតែ 14 ថ្ងៃនៅក្នុងប្រទេសព័រទុយហ្គាល់ក្នុងរយៈពេលពីរឆ្នាំដំបូង និង 21 ថ្ងៃក្នុងរយៈពេលបីឆ្នាំបន្ទាប់។
បន្ទាប់ពី 5 ឆ្នាំ អ្នកដាក់ពាក្យសុំមានសិទ្ធិដាក់ពាក្យសុំសញ្ជាតិព័រទុយហ្គាល់ខណៈពេលដែលរក្សាសញ្ជាតិដែលមានស្រាប់របស់ពួកគេ។
ការរួមបញ្ចូលសមាជិកគ្រួសារ
កម្មវិធីរបស់ប្រទេសព័រទុយហ្គាល់អនុញ្ញាតឱ្យរួមបញ្ចូលសមាជិកគ្រួសាររបស់អ្នកដាក់ពាក្យក្នុងកម្មវិធីពាក្យស្នើរផងដែរ។ សមាជិក្នុងបន្ទុកនិងទទួលបានសិទ្ធិស្នាក់នៅ និងអត្ថប្រយោជន៍ដូចគ្នានឹងអ្នកដាក់ពាក្យចម្បងផងដែរ។ នេះរាប់បញ្ចូលទាំងការអាចរស់នៅ ធ្វើការ សិក្សា និងធ្វើដំណើរដោយសេរីនៅក្នុងប្រទេសព័រទុយហ្គាល់ ហើយទីបំផុតក៏អាចដាក់ពាក្យសុំសិទ្ធិស្នាក់នៅអចិន្ត្រៃយ៍ ឬសញ្ជាតិនាពេលអនាគត។
សមាជិកក្នុងបន្ទុកដែលមានសិទ្ធិរួមមាន:
- ប្តី/ប្រពន្ធ ឬដៃគូ (រស់នៅជាមួយគ្នា តែមិនទាន់រៀបការស្របច្បាប់)
- កុមារអាយុក្រោម 18 ឆ្នាំ
- កុមារពេញវ័យដែលមិនទាន់រៀបការ ដែលជាសិស្សពេញម៉ោង និងរស់នៅពឹងផ្អែលលើអានាព្យាបាល
- ឪពុកម្តាយដែលមានអាយុលើសពី 65 ឆ្នាំ (របស់អ្នកដាក់ពាក្យចម្បង និង/ឬប្តីប្រពន្ធ)
- ឪពុកម្តាយដែលមានអាយុក្រោម 65 ឆ្នាំ (ប្រសិនបើរស់នៅពឹងផ្អែកលើអ្នកដាក់ពាក្យចម្បង និង/ឬប្តី/ប្រពន្ធ)
សិទ្ធិក្នុងប្រកបការងារ សិក្សា និងទទួលបានការថែទាំសុខភាព
អ្នកកាន់ទិដ្ឋាការមាស (Golden Visa) និងក្រុមគ្រួសាររបស់ពួកគេអាចធ្វើការ ឬចាប់ផ្តើម/ធ្វើអាជីវកម្មនៅប្រទេសព័រទុយហ្គាល់ ចុះឈ្មោះចូលរៀននៅសាលា និងសាកលវិទ្យាល័យក្នុងស្រុក និងចូលប្រើប្រព័ន្ធថែទាំសុខភាពសាធារណៈ។
ផ្លូវទៅកាន់ការចូលសញ្ជាតិនៃសហភាពអឺរ៉ុប
បន្ទាប់ពីរយៈពេល 5 ឆ្នាំនៃការកាន់ទិដ្ឋាការមាស និងបំពេញតម្រូវការស្នាក់នៅអប្បបរមា (ត្រឹមតែ 14 ថ្ងៃប៉ុណ្ណោះក្នុងរយៈពេល 2 ឆ្នាំដំបូង និង 21 ថ្ងៃក្នុងរយៈពេលបន្តបន្ទាប់) អ្នកវិនិយោគអាចដាក់ពាក្យសុំសិទ្ធិស្នាក់នៅអចិន្ត្រៃយ៍ ហើយបន្ទាប់មកសញ្ជាតិព័រទុយហ្គាល់។
ការទទួលបានសញ្ជាតិមានន័យថា អ្នកកាន់នឹងទទួលបានសិទ្ធិដូចគ្នានឹងសញ្ជាតិព័រទុយហ្គាល់ រួមទាំងលទ្ធភាពក្នុងការរស់នៅ ធ្វើការ និងសិក្សាគ្រប់ទីកន្លែងនៅក្នុងសហភាពអឺរ៉ុប។
ដំណើរការកម្មវិធី និងការកំណត់ពេលវេលា
បើយោងតាមការច្បាប់ដែលគេបានសរសេបង្ហាញ ដំណើរការពាក្យសុំកម្មវិធីទិដ្ឋាការមាសប្រទេសព័រទុយហ្គាល់ត្រូវចំណាយពេលប្រហែល 12 ទៅ 18 ខែពីការដាក់ពាក្យ។
ជំហានដំបូងពាក់ព័ន្ធនឹងការរៀបចំឯកសារដែលត្រូវការ រួមទាំងភស្តុតាងនៃអត្តសញ្ញាណ របាយការណ៍ហិរញ្ញវត្ថុ និងការបញ្ជាក់ពីការវិនិយោគដែលមានលក្ខណៈសម្បត្តិគ្រប់គ្រាន់របស់អ្នក។
នៅពេលដែលអ្វីៗត្រូវបានរៀបចំរួចរាល់ហើយ ពាក្យសុំអាចត្រូវបានដាក់ជូនតាមអ៊ីនធឺណិតតាមរយៈអាជ្ញាធរអន្តោប្រវេសន៍របស់ប្រទេសព័រទុយហ្គាល់ (AIMA)។
នៅពេលដែលពាក្យសុំត្រូវបានដាក់ស្នើ ការណាត់ជួបធ្វើជីវមាត្រត្រូវបានកំណត់ពេលក្នុងប្រទេសព័រទុយហ្គាល់ ឬនៅស្ថានកុងស៊ុលព័រទុយហ្គាល់នៅបរទេស។ ក្នុងអំឡុងពេលនៃការណាត់ជួបនេះគេនឹងប្រមូល ស្នាមម្រាមដៃ និងទិន្នន័យជីវមាត្រផ្សេងរបស់អ្នកដាក់ពាក្យសចម្បង និងអ្នកសមាជិកក្នុងបន្ទុក ហើយត្រូវថ្លៃចេញប័ណ្ណស្នាក់នៅ។
ប័ណ្ណស្នាក់នៅជាធម្មតាត្រូវបានចេញក្នុងរយៈពេលប្រាំមួយខែ។ ប័ណ្ណស្នាក់នៅដំបូងមានសុពលភាពរយៈពេល 2 ឆ្នាំ ហើយត្រូវស្នើរបន្តសុពលភាពជាថ្មីរៀងរាល់ 2 ឆ្នាំម្តង ដើម្បីរក្សាស្ថានភាពនៃសិទ្ធិស្នាក់នៅ។
សិទ្ធិស្នាក់នៅអចិន្ត្រៃយ៍ និងសញ្ជាតិ
បន្ទាប់ពីរយៈពេល 5 ឆ្នាំនៃការស្នាក់នៅស្របច្បាប់ អ្នកវិនិយោគអាចសម្រេចចិត្តដាក់ពាក្យសុំសិទ្ធិស្នាក់នៅអចិន្ត្រៃយ៍ ឬសញ្ជាតិព័រទុយហ្គាល់។
ទិដ្ឋភាពទូទៅកម្មវិធីទិដ្ឋាការមាសនៃប្រទេសក្រិក
ទិដ្ឋាការមាសប្រទេសក្រិកបានក្លាយជាកម្មវិធីស្នាក់នៅតាមរយៈការវិនិយោគដែលមានសក្ខានុពលបំផុតមួយរបស់អឺរ៉ុប។ ក្នុងឆ្នាំ 2024 កម្មវិធីនេះបានឈានដល់កម្រិតកំណត់ត្រា ដោយមានពាក្យស្នើសុំប្រមាណ 9,300 ត្រូវបានដាក់ស្នើ និងរកចំនូលដល់ 2.3 ពាន់លានអឺរ៉ូ (ប្រហែល 2.5 ពាន់លានដុល្លារអាមេរិក) ពីការវិនិយោគផ្ទាល់ពីបរទេស។
ទិដ្ឋាការមាសរបស់ប្រទេសក្រិកផ្តល់ជូនសម្រាប់ជនជាតិមិនមែនមកពីសហភាពអឺរ៉ុប នូវប័ណ្ណស្នាក់នៅដែលអាចបន្តសុពលភាពបានរយៈពេល 5 ឆ្នាំ ជាមួយនឹងការធ្វើដំណើរដោយគ្មានទិដ្ឋាការឆ្លងកាត់តំបន់ Schengen ។
ជម្រើសវិនិយោគសម្រាប់ទិដ្ឋាការមាសប្រទេសក្រិក
ដើម្បីមានសិទ្ធិសម្រាប់កម្មវិធីនេះ បេក្ខជនត្រូវតែធ្វើការវិនិយោគដែលមានលក្ខណៈសម្បត្តិគ្រប់គ្រាន់។ ការវិនិយោគដែលមានសិទ្ធិបច្ចុប្បន្នរួមមាន:
ជម្រើសអចលនទ្រព្យ
អចលនទ្រព្យបន្តជាជម្រើសដ៏ពេញនិយមបំផុតសម្រាប់អ្នកដាក់ពាក្យកម្មវិធីទិដ្ឋាការមាសរបស់ប្រទេសក្រិក។ តាមរយៈការវិនិយោគក្នុងគម្រោងអចលនទ្រព្យ វិនិយោគិននឹងទទួលបានកម្មសិទ្ធិផ្ទាល់នៅក្នុងទីផ្សារដែលកំពុងរីកចម្រើនជាលំដាប់។
ទិដ្ឋាការមាសរបស់ប្រទេសក្រិក ផ្តល់ជូននូវកម្រិតវិនិយោគដែលមានរចនាសម្ព័ន្ធដូចខាងក្រោម ដែលផ្តល់ឱ្យអ្នកវិនិយោគនូវភាពបត់បែនក្នុងការជ្រើសរើសពីចំនួនវិនិយោគអប្បបរមាផ្សេងៗគ្នា អាស្រ័យលើទីតាំង និងប្រភេទអចលនទ្រព្យដែលពួកគេចង់ទិញ។
- ការវិនិយោគអប្បបរមាចំនួន €800,000 នៅក្នុងអចលនទ្រព្យមួយនៅក្នុងតំបន់រដ្ឋបាលទាំងមូលនៃ Attica (រួមទាំង Piraeus និងភាគច្រើននៃតំបន់រាជធានី) អង្គភាពតំបន់នៃ Thessaloniki, Mykonos, Santorini, កោះដែលមានប្រជាជនជាង 3,100 ប្រជាជន; ឬ
- ការវិនិយោគអប្បបរមា €400,000 នៅក្នុងអចលនទ្រព្យមួយនៅក្នុងតំបន់ផ្សេងទៀត។
- វិនិយោគិនត្រូវតែទិញអចលនទ្រព្យតែមួយដែលមានផ្ទៃដីអប្បបរមា 120 ម 2 ហើយមិនអាចផ្តល់អចលនទ្រព្យសម្រាប់ការជួលរយៈពេលខ្លីបានទេ។
- វិនិយោគិនអាចមានលក្ខណៈគ្រប់គ្រាន់សម្រាប់ការវិនិយោគអប្បបរមា €250,000 ប្រសិនបើអ្នកវិនិយោគអាចបំប្លែងអចលនទ្រព្យពាណិជ្ជកម្មទៅជាការប្រើប្រាស់បែបលំនៅដ្ឋាន។ ឬស្ដារឡើងវិញនូវអគារប្រវត្តិសាស្ត្រដែលមានសារៈសំខាន់ ឬផ្នែកវប្បធម៌ ដោយមិនគិតពីទំហំ ឬទីតាំង។
ការវិនិយោគដែលមានលក្ខណៈសម្បត្តិគ្រប់គ្រាន់ផ្សេងទៀត។
ខណៈពេលដែលអចលនទ្រព្យគឺជាជម្រើសដ៏ពេញនិយមបំផុត ប្រទេសក្រិកក៏ផ្តល់ជម្រើសវិនិយោគមិនមែនជាអចលនទ្រព្យសម្រាប់អ្នកដាក់ពាក្យផងដែរ។ ការវិនិយោគដែលមានសិទ្ធិរួមមាន:
- ការជួលរយៈពេលវែង ឬ Timeshare – ចូលរួមក្នុងការចែករំលែកពេលវេលា ឬកិច្ចព្រមព្រៀងជួលរយៈពេល 10 ឆ្នាំសម្រាប់ សណ្ឋាគារ ឬលំនៅដ្ឋានទេសចរណ៍ដែលមានបំពាក់គ្រឿងសង្ហារឹម។ ការវិនិយោគអប្បបរមាមានចាប់ពី €400,000 ដល់ €800,000 អាស្រ័យលើទីតាំងរបស់អចលនទ្រព្យ។
- ការដាក់ប្រាក់តាមធនាគារ – ដាក់ប្រាក់បញ្ញើមានកាលកំណត់យ៉ាងហោចណាស់ €500,000 ត្រូវតែដាក់នៅក្នុងស្ថាប័នឥណទានក្រិក។
- ការរួមចំណែកដើមទុន – វិនិយោគយ៉ាងតិច €500,000 ទៅក្នុងក្រុមហ៊ុនវិនិយោគអចលនទ្រព្យសាធារណៈដែលមានកម្រិត (ក្រុមហ៊ុនត្រូវតែផ្តោតទាំងស្រុងលើប្រទេសក្រិក) ឬរួមចំណែកដល់ក្រុមហ៊ុនវិនិយោគ (closed-end) មូលនិធិទៅវិញទៅមក (mutual fund) ឬការបង្កើនដើមទុននៃអាជីវកម្មដែលមានមូលដ្ឋាននៅប្រទេសក្រិក។
- មូលបត្របំណុលរដ្ឋាភិបាល – ទិញយ៉ាងហោចណាស់ €500,000 នៅក្នុងប័ណ្ណបំណុលរដ្ឋាភិបាលក្រិកជាមួយនឹងកាលកំណត់ដែលនៅសល់រយៈពេល 3 ឆ្នាំឬច្រើនជាងនេះ។ ការវិនិយោគត្រូវតែធ្វើឡើងតាមរយៈស្ថាប័នឥណទានក្រិក។
- មូលបត្រដែលបានចុះបញ្ជី – វិនិយោគ €800,000 ក្នុងភាគហ៊ុន មូលបត្របំណុលសាជីវកម្ម ឬមូលបត្របំណុលរដ្ឋាភិបាលដែលត្រូវបានជួញដូរនៅលើទីផ្សារដែលគ្រប់គ្រងដោយក្រិក ឬកន្លែងពាណិជ្ជកម្មពហុភាគី។
- មូលនិធិវិនិយោគទៅវិញទៅមក ឬជម្រើសជំនួសដ៏ទៃទៀត – វិនិយោគយ៉ាងហោចណាស់ €350,000 នៅក្នុងមូលនិធិទៅវិញទៅមក (mutual fund) ឬមូលនិធិវិនិយោគជំនួសដែលវិនិយោគទាំងស្រុងនៅក្នុងទ្រព្យសកម្មក្រិក រួមទាំងមូលបត្របំណុលសាជីវកម្ម មូលបត្របំណុលរដ្ឋាភិបាល ឬភាគហ៊ុនដែលបានចុះបញ្ជី។
អត្ថប្រយោជន៍សំខាន់ៗនៃទិដ្ឋាការមាសប្រទេសក្រិក
មិនដូចកម្មវិធីស្នាក់នៅតាមរយៈការវិនិយោគរបស់សហភាពអឺរ៉ុបផ្សេងទៀតទេ ទិដ្ឋាការវិនិយោគរបស់ប្រទេសក្រិកមិនមានតម្រូវការស្នាក់នៅអប្បបរមានោះទេ។
អ្នកស្រុកប្រទេសក្រិកមានសិទ្ធិប្រើប្រាស់ប្រព័ន្ធថែទាំសុខភាពសាធារណៈ និងការអប់រំរបស់ប្រទេសក្រិកតាមលក្ខខណ្ឌដូចគ្នានឹងពលរដ្ឋក្នុងតំបន់ដែរ។ អ្នកស្រុកក៏អាចជាម្ចាស់ និងគ្រប់គ្រងអាជីវកម្មនៅក្នុងប្រទេសក្រិកផងដែរ ទោះបីជាការប្រកបការងារជាមួយក្រុមហ៊ុនក្រិកទាមទារលិខិតអនុញ្ញាតការងារដាច់ដោយឡែកក៏ដោយ។
ការធ្វើដំណើរដោយគ្មានទិដ្ឋាការឆ្លងកាត់តំបន់ Schengen
អ្នកកាន់ទិដ្ឋាការមាសក្រិករីករាយនឹងការធ្វើដំណើរដោយគ្មានទិដ្ឋាការទូទាំងតំបន់ Schengen ដែលអនុញ្ញាតឱ្យពួកគេស្នាក់នៅក្នុងប្រទេសសមាជិកណាមួយរហូតដល់ 90 ថ្ងៃក្នុងរយៈពេល 180 ថ្ងៃ។
សិទ្ធិស្នាក់នៅសម្រាប់គ្រួសារទាំងមូល
ការវិនិយោគដែលមានលក្ខណៈសម្បត្តិគ្រប់គ្រាន់តែមួយផ្តល់សិទ្ធិស្នាក់នៅក្នុងប្រទេសក្រិកមិនត្រឹមតែសម្រាប់អ្នកដាក់ពាក្យចម្បងប៉ុណ្ណោះទេ ថែមទាំងអ្នកអាស្រ័យដូចខាងក្រោម៖
- ប្តី/ប្រពន្ធរបស់ពួកគេ (រួមទាំងប្តីឬប្រពន្ធភេទដូចគ្នា បន្ទាប់ពីការចេញច្បាប់ក្នុងខែកុម្ភៈ ឆ្នាំ 2024)
- កុមារក្នុងបន្ទុកអាយុក្រោម 21 ឆ្នាំ (ឬរហូតដល់ 24 ឆ្នាំ ប្រសិនបើសិស្សពេញម៉ោង និងរស់នៅពឹងផ្អែកអានាព្យាបាល)
- ឪពុកម្តាយនៅក្នុងបន្ទុករបស់ទាំងអ្នកដាក់ពាក្យ និងប្តីប្រពន្ធ
តម្រូវការស្នាក់នៅដែលមានភាពបត់បែន
មិនដូចកម្មវិធីស្នាក់នៅក្នុងសហភាពអឺរ៉ុបជាដ៏ទៃទៀត ទិដ្ឋាការវិនិយោគប្រទេសក្រិកមិនមានតម្រូវការស្នាក់នៅអប្បបរមានោះទេ។ វិនិយោគិនអាចទទួលបាន និងបន្តការស្នាក់នៅដោយមិនចាំបាច់រស់នៅក្នុងប្រទេសក្រិកពេញលេញ។
ទោះបីជាមិនមានតម្រូវការក្នុងការរស់នៅក្នុងប្រទេសក្រិចដើម្បីរក្សាសិទ្ធិក៏ដោយ អ្នកកាន់ទិដ្ឋាការមាស មានសិទ្ធិរស់នៅក្នុងប្រទេសក្រិកពេញលេញក្នុងអំឡុងពេលសុពលភាពនៃសិទ្ធិស្នាក់នៅ និងការពន្យាពេលជាបន្តបន្ទាប់។
អ្នកស្រុកក្រិកមានសិទ្ធិប្រើប្រាស់ប្រព័ន្ធថែទាំសុខភាពសាធារណៈ និងការអប់រំរបស់ប្រទេសក្រិកតាមលក្ខខណ្ឌដូចគ្នានឹងពលរដ្ឋក្នុងតំបន់ដែរ។ អ្នកស្រុកក៏អាចជាម្ចាស់ និងគ្រប់គ្រងអាជីវកម្មនៅក្នុងប្រទេសក្រិកផងដែរ ទោះបីជាការងារជាមួយក្រុមហ៊ុនក្រិកទាមទារលិខិតអនុញ្ញាតការងារដាច់ដោយឡែកក៏ដោយ។
សិទ្ធិទទួលបានសញ្ជាតិនៃសហភាពអឺរ៉ុប (ទាមទារការប្តេជ្ញាចិត្តក្នុងការស្នាក់នៅ)
សម្រាប់អ្នកដាក់ពាក្យដែលចង់ទទួលបានសញ្ជាតិក្រិក ទិដ្ឋាការមាសរបស់ក្រិកអាចដើរតួជាជំហានដំបូង។ បន្ទាប់ពីរយៈពេល 7 ឆ្នាំនៃការស្នាក់នៅបន្តបន្ទាប់ (183+ ថ្ងៃក្នុងមួយឆ្នាំ) អ្នកវិនិយោគអាចដាក់ពាក្យសុំសញ្ជាតិ។ ទោះយ៉ាងណាក៏ដោយ ក៏ដូចជាការបំពេញតម្រូវការស្នាក់នៅ គេត្រូវ៖
- ឆ្លងកាត់ការប្រឡងចំណេះដឹងភាសាក្រិក និងវប្បធម៌
- មានកន្លែងស្នាក់នៅហើយត្រូវបង់ពន្ធនៅក្នុងប្រទេសក្រិក
ដើម្បីមានលក្ខណៈគ្រប់គ្រាន់សម្រាប់ការចូលសញ្ជាតិ វិនិយោគិនត្រូវតែផ្លាស់ប្តូរទីលំនៅពេញលេញទៅកាន់ប្រទេសក្រិក និងខិតខំប្រឹងប្រែងក្នុងការធ្វើសមាហរណកម្មទៅក្នុងសហគមន៍។ នេះគឺជាកត្តាខុសគ្នា ពីអត្ថប្រយោជន៍ “គ្មានការស្នាក់នៅអប្បបរមា” ធម្មតារបស់ទិដ្ឋាការមាស Golden Visa ដែលវិនិយោគិនជាច្រើនចូលចិត្ត។
ដំណើរការកម្មវិធីរបស់ប្រទេសក្រិក និងបន្ទាត់ពេលវេលា
អ្នកដាក់ពាក្យត្រូវផ្តល់ភស្តុតាងនៃការវិនិយោគ កំណត់ត្រាព្រហ្មទណ្ឌស្អាតស្អំ និងការធានារ៉ាប់រងផសុខភាព។ ប្រទេសក្រិកផ្តល់ពេលវេលាដំណើរការលឿនបំផុតមួយនៅអឺរ៉ុប ជាធម្មតា 6 ខែ។ ប័ណ្ណស្នាក់នៅមានសុពលភាពរយៈពេល 5 ឆ្នាំ ហើយអាចបន្តបានដរាបណាការវិនិយោគត្រូវបានរក្សាទុក។
ដំណើរការដាក់ពាក្យសុំទិដ្ឋាការមាសរបស់ប្រទេសក្រិក មានភាពសាមញ្ញ ហើយចាប់ផ្តើមជាមួយនឹងការជ្រើសរើសអចលនទ្រព្យដែលមានលក្ខណៈសម្បត្តិគ្រប់គ្រាន់ និងចុះហត្ថលេខាផ្ដល់សិទ្ធិអំណាចជូនមេធាវី ដើម្បីឱ្យមេធាវីអាចជួយបំពេញតម្រូវការសំខាន់ផ្សេងៗ។
នៅពេលដែលទ្រព្យសម្បត្តិត្រូវបានទិញ ជំហានបន្ទាប់គឺត្រូវកក់កាលបរិច្ឆេទដាក់ស្នើនៅប្រទេសក្រិក។ នៅដំណាក់កាលនេះ មេធាវីនិងដាក់ពាក្យស្នើសុំ និងធានាប័ណ្ណស្នាក់នៅបណ្តោះអាសន្ន (TRC) ដែលមានសុពលភាពរយៈពេល 1 ឆ្នាំ។
អ្នកដាក់ពាក្យ និងសមាជិកនៅក្នុងបន្ទុកត្រូវតែធ្វើដំណើរទៅប្រទេសក្រិកក្នុងអំឡុងពេលមួយឆ្នាំនេះ ដើម្បីផ្តល់ទិន្នន័យជីវមាត្ររបស់ពួកគេ។ ការអនុម័តលិខិតអនុញ្ញាតសិទ្ធិជាធម្មតាត្រូវបានផ្តល់ឱ្យប្រហែលពីរខែបន្ទាប់ពីការបញ្ជូនទិន្នន័យជីវមាត្រ ហើយការស្នើរបន្តសុពលភាពអាចបន្តរៀងរាល់ 5 ឆ្នាំម្តង ដរាបណាការវិនិយោគដែលមានលក្ខណៈសម្បត្តិគ្រប់គ្រាន់ត្រូវបានរក្សាទុក។
កម្មវិធីទិដ្ឋាការមាសប្រទេសក្រិក vs កម្មវិធីទិដ្ឋាការមាសប្រទេសព័រទុយហ្គាល់៖ ការប្រៀបធៀបរវាងកម្មវិធីទាំងពីរ
ការជ្រើសរើសរវាងកម្មវិធីទិដ្ឋាការមាសរបស់ប្រទេសក្រិក និងប្រទេសព័រទុយហ្កាល់ អាស្រ័យលើអាទិភាពរបស់អ្នកក្នុងនាមជាអ្នកវិនិយោគ ចាប់ពីចំនួនវិនិយោគអប្បបរមា រហូតដល់ល្បឿនដំណើរការ និងជម្រើសវិនិយោគដែលមាន។
ការប្រៀបធៀបខាងក្រោមបង្ហាញពីភាពខុសគ្នាដ៏សំខាន់បំផុតរវាងកម្មវិធីទាំងពីរ ដើម្បីជួយអ្នកធ្វើការសម្រេចចិត្តប្រកបដោយការយល់ដឹង។
