ភាពបន្ទាន់របស់ទិដ្ឋាការមាស (GOLDEN VISA)៖ ពលរដ្ឋអាមេរិកកំពុងស្វែងរកសិទ្ធិស្នាក់នៅឯបរទេស

ថ្មីៗនេះ ប្រទេសអេស្បាញបានបិទកម្មវិធីទិដ្ឋាការមាស (Golden Visa) របស់ខ្លួន កត្តានេះបានបង្កើតនូវផលវិបាកដល់អ្នកវិនិយោគដែលមានសក្តានុពល ធ្វើឱ្យមានការពន្យារពេលលើការសម្រេចចិត្តរបស់ពួកគេ។ ការបិទបញ្ចប់ភ្លាមៗនេះបង្កើតជាសំណួរចោទសួរ អំពីនិរន្តរភាពនៃកម្មវិធីស្រដៀងគ្នាដ៏ទៃនៅក្នុងបណ្តាប្រទេសអឺរ៉ុបផ្សេងទៀត ថាតើវានឹងអាចមានការផ្លាស់ប្តូរគោលនយោបាយស្រដៀងគ្នានាពេលអនាគតដែរឬទេ។
ប្រទេសអេស្ប៉ាញបានបិទកម្មវិធីទិដ្ឋាការមាស (Golden Visa )របស់ខ្លួន ជាផ្នែកមួយនៃការចូលរួមក្នុងនិន្នាការរឹតបន្តឹងនៅទូទាំងទ្វីបអឺរ៉ុប ដោយបង្ហាញថាឱកាសល្អៗទាំងនេះនឹងមិនស្ថិតស្ថេរជារៀងរហូតទេ។ ពលរដ្ឋអាមេរិកកំពុងយកចិត្តទុកដាក់ – ការិយាល័យអន្តោប្រវេសន៍បានឃើញការកើនឡើងគួរឱ្យកត់សម្គាល់ នៃពាក្យសុំពីពលរដ្ឋអាមេរិកក្នុងរយៈពេល 2 ឆ្នាំកន្លងមកនេះ ដោយមនុស្សជាច្រើនបានលើកឡើងពីការព្រួយបារម្ភអំពីការបិទកម្មវិធីជាហេតុផលជម្រុញឱ្យពួកគេធ្វើការសម្រេចចិត្តឆាប់រហ័ស។
ប្រទេសជាច្រើនកំពុងតម្លើងកញ្ចប់ទឹកប្រាក់វិនិយោគឱ្យកាន់តែខ្ពស់ ឬលុបបំបាត់កម្មវិធីទិដ្ឋាការមាសទាំងស្រុងតែម្ដង ដោយសារតែកត្តានយោបាយផ្សេងៗ។ សម្រាប់វិនិយោគិនអាមេរិក ដែលខ្វល់ខ្វាយពីសន្តិសុខផ្នែកហិរញ្ញវត្ថុ និងសេរីភាពផ្ទាល់ខ្លួននៅបរទេស ទីផ្សារបច្ចុប្បន្នបានណែនាំឱ្យពួកគេធ្វើការសម្រេចចិត្តភ្លាមៗ ដើម្បីជៀសវាងការខកខានឱកាសទាំងនេះ។

ការកើនឡើង នៃតម្រូវការទិដ្ឋាការមាសរបស់សហភាពអឺរ៉ុប

ពលរដ្ឋអាមេរិកជាច្រើនកំពុងស្វែងរកជម្រើសស្នាក់នៅក្នុងទ្វីបអឺរ៉ុបក្នុងកម្រិតដែលមិនធ្លាប់មានពីមុនមក។
ទិន្នន័យបង្ហាញពីការកើនឡើងគួរឱ្យកត់សម្គាល់រហូតដល់ 60% នៃកម្មវិធីទិដ្ឋាការមាស (Golden Visa )ពីអ្នកដាក់ពាក្យជាពលរដ្ឋអាមេរិក នៅមជ្ឈមណ្ឌលអឺរ៉ុបខាងផ្នែកដំណើរការឯកសារ ក្នុងអំឡុងត្រីមាសមុន ដូចដែលបានចងក្រងនៅក្នុងរបាយការណ៍ Global Mobility Report ឆ្នាំ 2024។
កម្មវិធីទិដ្ឋាការមាស (Golden Visa) ភាគច្រើនផ្តល់នូវជម្រើសវិនិយោគចម្រុះ ដែលបង្កើនភាពងាយស្រួលដល់មធ្យោបាយផ្នែកហិរញ្ញវត្ថុផ្សេងៗ។ កត្តាជាច្រើនកំពុងជំរុញឱ្យមានការកើនឡើងនេះ។
ភាពអស្ថេរភាពខាងផ្នែកសេដ្ឋកិច្ចនៅសហរដ្ឋអាមេរិកបានជំរុញឱ្យការចាប់អារម្មណ៍ ចំពោះការរៀបចំផែនអន្តរជាតិបន្ទាន់។ ប្រាក់ដុល្លារបានធ្លាក់ចុះធៀបនឹងប្រាក់អឺរ៉ូចាប់តាំងពីឆ្នាំ 2021 ដែលជះឥទ្ធិពលដល់ផលប័ត្រចូលនិវត្តន៍ និងបង្កើតការលើកទឹកចិត្តសម្រាប់ការវិនិយោគអចលនទ្រព្យនៅអឺរ៉ុប មុនពេលការឡើងថ្លៃបន្ថែមទៀត។ កំណែទម្រង់គោលនយោបាយជាកត្តាមជម្រុញនិន្នាការនេះ ដោយកំណើនកម្មវិធីពាក្យស្នើកើនឡើងបន្ទាប់ពីព្រឹត្តិការណ៍បោះឆ្នោតសំខាន់ៗ។
ការវិវត្តន៍នៃគោលនយោបាយ Remote Work ក៏បានជះឥទ្ធិពលយ៉ាងខ្លាំងដល់និន្នាការ កម្មវិធីស្នាក់នៅនេះផងដែរ។ ប្រវត្តិរូបអ្នកដាក់ពាក្យបានផ្លាស់ប្តូរពីបុគ្គល ដែលមានអាយុចូលនិវត្តន៍ មកជាអ្នកជំនាញផ្នែកបច្ចេកវិទ្យាក្នុងវ័យ 30 ឆ្នាំ និង 40 ឆ្នាំរបស់ពួកគេ ដែលប្រើប្រាស់ឱកាសការងារឯករាជ្យ មិនគិតពីទីតាំង។
ការផ្លាស់ប្តូរនេះតំណាងឱ្យយុទ្ធសាស្រ្តចំពោះភាពបត់បែននៃភូមិសាស្រ្ត និងការវិនិយោគ ជាជាងការសម្រេចចិត្តដែលផ្តោតលើការចូលនិវត្តន៍។
ការបញ្ចប់កម្មវិធីទិដ្ឋាការមាស របស់អេស្ប៉ាញបានបង្កើតផលប៉ះពាល់យ៉ាងខ្លាំងនៅទូទាំងសហគមន៍ជនបរទេស។ ភាពមិនច្បាស់លាស់នៃទីផ្សារ បានគូសបញ្ជាក់ពីផលប៉ះពាល់ផ្នែកហិរញ្ញវត្ថុ នៃការពន្យារពេលសម្រាប់ការទទួលបានសិទ្ធិស្នាក់នៅពីប្រទេសផ្សេងៗ។

ហេតុអ្វីបានជាពលរដ្ឋអាមេរិក ស្វែងរកសិទ្ធិស្នាក់នៅតាមរយៈការវិនិយោគនៅអឺរ៉ុប?

គោលគំនិតនៃការចល័តសកល បានត្រូវគេរាប់បញ្ចូលទៅក្នុងផែនការហិរញ្ញវត្ថុសម័យទំនើបសម្រាប់ពលរដ្ឋអាមេរិកកាន់តែច្រើនឡើង។
ការចំណាយសម្រាប់ការរស់នៅប្រចាំថ្ងៃក្នុងស្រុក មានកើនឡើងតម្លៃគួរឱ្យកត់សម្គាល់។ ទីផ្សារលំនៅឋាននៅតំបន់ទីប្រជុំជនធំៗបានជួបប្រទះនឹងការកើនឡើងតម្លៃ ក្នុងប៉ុន្មានឆ្នាំថ្មីៗនេះ ដែលលើសពីកំណើនប្រាក់ចំណូលជាមធ្យម។ ភាពខុសគ្នាដែលកំពុងកើនឡើងនេះបានធ្វើឱ្យការវិនិយោគអចលនទ្រព្យនៅអឺរ៉ុបកាន់តែមានភាពទាក់ទាញដោយការប្រៀបធៀប។ ផ្ទុយទៅវិញ កម្រិតស្តង់ដារនៃការវិនិយោគ €500,000 សម្រាប់កម្មវិធីទិដ្ឋាការមាស (Golden Visa) ភាគច្រើនអាចធានាបាននូវអចលនទ្រព្យលំដាប់ខ្ពស់នៅក្នុងគោលដៅអឺរ៉ុបដូចជា ប្រទេសព័រទុយហ្គាល់ ឬប្រទេសក្រិកក្នុងតម្លៃប្រហែលមួយភាគបីនៃតម្លៃអចលនទ្រព្យនៅ រដ្ឋកាលីហ្វ័រញ៉ា។
កម្មវិធីទិដ្ឋាការវិនិយោគិន បង្ហាញពីច្រកផ្លូវដែលមានរចនាសម្ព័ន្ធក្នុងការទទួលបានសិទ្ធិស្នាក់នៅតាមរយៈការដាក់ពង្រាយមូលធន ដោះស្រាយតម្រូវការដែលកំពុងកើនឡើងសម្រាប់ការធ្វើពិពិធកម្មភូមិសាស្រ្ត និងស្ថិរភាពសេដ្ឋកិច្ច។
ការប៉ាន់ប្រមាណផែនការហិរញ្ញវត្ថុពីការស្រាវជ្រាវឆ្នាំ 2024 របស់ Fidelity បង្ហាញថាគូស្វាមីភរិយាដែលចូលនិវត្តន៍ត្រូវការប្រហែល $315,000 សម្រាប់ថ្លៃព្យាបាលនៅសហរដ្ឋអាមេរិក។ រីឯការធានារ៉ាប់រងថែទាំសុខភាពដ៏ទូលំទូលាយ នៅក្នុងប្រទេសព័រទុយហ្គាល់គឺមានតម្លៃប្រហែល €70/ប្រចាំខែ តំណាងឱ្យការសន្សំពេញមួយជីវិតសម្រាប់ជនបរទេសសញ្ជាតិអាមេរិក។
សម្រាប់អ្នកជំនាញ និងវិនិយោគិនឯករាជ្យមិនគិតពីទីតាំង កម្មវិធីស្នាក់នៅតាមរយៈការវិនិយោគ អាចជួយសម្រួលដល់ប្រសិទ្ធភាពផ្នែកពន្ធ ការធ្វើពិពិធកម្មហិរញ្ញវត្ថុ និងការសម្របតាមភូមិសាស្ត្រ។ ជាមួយនឹងតួនាទីការងារវិជ្ជាជីវៈជាច្រើនឥឡូវនេះផ្តល់ជូននូវភាពបត់បែននៃការធ្វើការងារពីចម្ងាយ Remote Work កម្មវិធីទិដ្ឋាការមាស (Golden Visa) អាចឱ្យបុគ្គលម្នាក់ៗរក្សាបាននូវអាជីពរបស់ពួកគេ ខណៈពេលដែលកំពុងបង្កើតលំនៅដ្ឋាននៅក្នុងប្រទេសថ្មីមួយទៀត។
ការពិចារណាផ្នែកហិរញ្ញវត្ថុ និងពេលវេលាបង្ហាញពីការចាំបាច់ច្បាស់លាស់សម្រាប់អ្នកដាក់ពាក្យដែលមានសក្តានុពល៖ កម្មវិធីនីមួយៗនៅតែប្រកាន់ពេលវេលា និងជាកម្មវត្ថុនៃការផ្លាស់ប្តូរបទប្បញ្ញត្តិ។

តើទិដ្ឋាការមាស (GOLDEN VISA) ជាអ្វី និងការវិនិយោគអប្បបរមាមានតម្លៃប៉ុន្មាន?

កម្មវិធីទិដ្ឋាការមាស (Golden Visa) ជាប្រភេទកម្មវិធីទិដ្ឋាការសម្រាប់អ្នកវិនិយោគ ដែលអាចផ្ដល់សិទ្ធិស្នាក់នៅដល់ជនបរទេសដោយផ្អែកលើការវិនិយោគដើមទុនដែលមានលក្ខណៈសម្បត្តិគ្រប់គ្រាន់នៅក្នុងសេដ្ឋកិច្ចរបស់ប្រទេសដែលជាម្ចាស់ផ្ទះ។ ជម្រើសទាំងនេះខុសពីការធ្វើវអន្តោប្រវេសន៍ធម្មតា ដោយលុបបំបាត់តម្រូវការសម្រាប់ទំនាក់ទំនងគ្រួសារ ឬការឧបត្ថម្ភការងារ។
រចនាសម្ព័ន្ធជាមូលដ្ឋានមាខគំរូជាក់លាក់ ៖ ការវិនិយោគផ្នែកហិរញ្ញវត្ថុដើម្បីទទួលបានសិទ្ធិស្នាក់នៅ។
កម្រិតនៃការវិនិយោគជាធម្មតាមានចន្លោះពី €250,000 និង €1,000,000 ប្រែប្រួលទៅតំបន់ និងប្រភេទការវិនិយោគ។ ប្រទេសក្រិចរក្សាអប្បបរមា €250,000 សម្រាប់ការវិនិយោគអចលនទ្រព្យ (ត្រូវតែជាការជួសជុល ឬការផ្លាស់ប្តូរ)។ ប្រទេសម៉ាល់តាអនុវត្តរចនាសម្ព័ន្ធដែលមានភាពស្មុគ្រស្មាញបន្ថិច ដែលទាមទារប្រហែល €690,000 តាមរយៈការរួមបញ្ចូលគ្នានៃការរួមចំណែក និងការវិនិយោគអចលនទ្រព្យ (ឬការជួលអចលនទ្រព្យ)។
លើសពីនេះទៅទៀត ប្រភេទនៃការវិនិយោគមានភាពខុសគ្នានៅតាមដែនតំបន់នីមួយៗ។
ការទិញអចលនទ្រព្យតំណាងឱ្យជម្រើសវិនិយោគដ៏ពេញនិយមបំផុតសម្រាប់អ្នកដាក់ពាក្យ Golden Visa។ ជម្រើសផ្សេងទៀត រួមមានការទិញមូលបត្របំណុលរបស់រដ្ឋាភិបាល ការបង្កើតសហគ្រាស ការផ្ទេរដើមទុនដោយផ្ទាល់ទៅស្ថាប័នហិរញ្ញវត្ថុ និងការចូលរួមមូលនិធិវិនិយោគ ដែលតម្រូវឱ្យមានការបែងចែកអប្បបរមាចំនួន €500,000 សម្រាប់ការទទួលបានសិទ្ធិស្នាក់នៅក្នុងប្រទេសព័រទុយហ្គាល់។
ភាពខុសគ្នាដ៏សំខាន់មួយមានរវាងសិទ្ធិស្នាក់នៅ និងសិទ្ធិជាពលរដ្ឋ។ ខណៈពេលដែលកម្មវិធីទិដ្ឋាការមាស (Golden Visa) អាចផ្តល់សិទ្ធិស្នាក់នៅស្របច្បាប់ សញ្ជាតិ រួមទាំងសិទ្ធិធ្វើលិខិតឆ្លងដែន ជាធម្មតាត្រូវការរយៈពេល 5-10 ឆ្នាំនៃការស្នាក់នៅ បូករួមទាំងការផ្ទៀងផ្ទាត់ជំនាញភាសា។
ពេលវេលាដំណើរការអាចគិតចាប់ពី 3 ទៅ 18 ខែចាប់ពីការដាក់ស្នើរហូតដល់ការអនុម័ត។ នីតិវិធី រួមទាំងការស៊ើបអង្កេតម៉ត់ចត់ ការផ្ទៀងផ្ទាត់ការវិនិយោគ និងដំណើរការឯកសារ អាចបង្កើតជាផ្លូវដ៍មានឥទ្ធិពល និងប្រសិទ្ធភាពបើប្រៀបធៀបទៅនឹងការធ្វើអន្តោប្រវេសន៍ធម្មតា ដែលជារឿយៗមានរយៈពេលលើសពី 5 ឆ្នាំ។
ការពិចារណាចម្បងសម្រាប់អ្នកដាក់ពាក្យគឺនៅតែគិតពីស្ថិរភាពកម្មវិធី ដោយឡែកគំនិតផ្តួចផ្តើមទាំងនេះនៅតែជាកម្មវត្ថុនៃការកែប្រែបទប្បញ្ញត្តិ ឬការបញ្ចប់ដោយការជូនដំណឹងជាមុន ដូចដែលបានបង្ហាញដោយការបញ្ចប់កម្មវិធីរបស់ប្រទេសអេស្ប៉ាញថ្មីៗនេះអញ្ចឹង។

អត្ថប្រយោជន៍នៃកម្មវិធីទិដ្ឋាការមាស (Golden Visa )Program

កម្មវិធីទិដ្ឋាការមាស (Golden Visa )ផ្តល់អត្ថប្រយោជន៍ជាច្រើនសម្រាប់ពលរដ្ឋអាមេរិកដែលកំពុងស្វែងរកសិទ្ធិស្នាក់នៅក្រៅប្រទេស។ ប្រសិនបើការវិនិយោគលើទិដ្ឋាការមាសរបស់អឺរ៉ុប ប័ណ្ណផ្ដល់សិទ្ធិស្នាក់នៅទាំងនេះរួមបញ្ចូលការធ្វើដំណើរដោយគ្មានទិដ្ឋាការទូទាំងតំបន់ Schengen ដែលជួយសម្រួលដល់ការធ្វើដំណើរជុំវិញទ្វីបអឺរ៉ុបដោយងាយស្រួលសម្រាប់គោលបំណងអាជីវកម្ម និងការកម្សាន្ត។
កម្មវិធីភាគច្រើនផ្តល់នូវផ្លូវទៅកាន់ការទទួលបានសិទ្ធិស្នាក់នៅអចិន្ត្រៃយ៍ និងសញ្ជាតិជាមួយនឹងសិទ្ធិក្នុងការរស់នៅ ធ្វើការ និងសិក្សានៅក្នុងប្រទេសដែលជាម្ចាស់ផ្ទះ។
បទប្បញ្ញត្តិនៃការរួមបញ្ចូលសមាជិកគ្រួសារអនុញ្ញាតឱ្យអ្នកនៅក្នុងបន្ទុកទទួលបានសិទ្ធិស្នាក់នៅជាមួយគ្នាផងដែរ ពួកគេអាចទទួលបានការអប់រំប្រកបដោយគុណភាព និងប្រព័ន្ធថែទាំសុខភាពល្អៗ។
សម្រាប់អ្នកជំនាញ កម្មវិធីទិដ្ឋាការមាស (Golden Visa) ជួយសម្រួលដល់ការពង្រីកអាជីវកម្មទៅក្នុងទីផ្សារថ្មី ខណៈពេលដែលអនុញ្ញាតឱ្យ ធ្វើពិពិធកម្មទ្រព្យសម្បត្តិនៅទូទាំងយុត្តាធិការជាច្រើន។ គោលដៅចម្បងរបស់អ្នកវិនិយោគជាច្រើននៃកម្មវិធីទិដ្ឋាការមាសគឺ ការចូលសញ្ជាតិនាពេលអនាគត និងការចល័តជាសកល និងការលើកកម្ពស់របៀបរស់នៅប្រកបដោយគុណភាពតំណាងដោយសញ្ជាតិទីពីរ។

ជម្រើសវិនិយោគសម្រាប់ទិដ្ឋាការមាស

កម្មវិធីទិដ្ឋាការមាស (Golden Visa) ផ្តល់ជូននូវជម្រើសវិនិយោគជាច្រើនដែលស្របតាមគោលបំណងហិរញ្ញវត្ថុចម្រុះ និងយល់អំពីហានិភ័យ។ ជម្រើសដ៍លេចធ្លោ គឺការទិញអចលនៈទ្រព្យ ដែលទាមទារការទិញអចលនទ្រព្យ ឬការចូលរួមមូលនិធិអចលនទ្រព្យ ខណៈពេលដែលអាចផ្តល់នូវការលើកកំពស់តម្លៃលើទ្រព្យសកម្ម រួមជាមួយនឹងអត្ថប្រយោជន៍នៃសិទ្ធិស្នាក់នៅ។
ការចូលរួមមូលនិធិវិនិយោគផ្តល់នូវការធ្វើពិពិធកម្មផលប័ត្រតាមរយៈភាគហ៊ុនឯកជន ឬការបែងចែកមូលធនបណ្តាក់ទុន។ សម្រាប់វិនិយោគិនដែលមិនប្រឈមនឹងហានិភ័យ មូលបត្របំណុលរបស់រដ្ឋាភិបាលបង្ហាញអំពីជម្រើសនៃទិន្នផលដែលមានស្ថេរភាព ខណៈពេលដែលបំពេញតម្រូវសិទ្ធិស្នាក់នៅ។
ជម្រើសវិនិយោគក្នុងអាជីវកម្មអាចបង្កើតសហគ្រាស ឬមូលនិធិអាជីវកម្មដែលមានស្រាប់ ជាមួយនឹងការបង្កើតការងារជាក់លាក់ដែលរួមចំណែកដល់ការអភិវឌ្ឍន៍សេដ្ឋកិច្ចក្នុងស្រុក។
កម្មវិធីខ្លះទទួលយកការបរិច្ចាគសប្បុរសធម៌ដល់អង្គការដែលបានកំណត់ ដោយរួមបញ្ចូលគ្នានូវការទិញកន្លែងស្នាក់នៅជាមួយនឹងគោលបំណងអភិវឌ្ឃសង្គម។ ឧទាហរណ៍ កម្មវិធីទិដ្ឋាការពណ៌មាសរបស់ព័រទុយហ្គាល់ ផ្ដល់ជម្រើសការរួមចំណែកដែលមិនអាចដកវិញបានចំពោះគម្រោងវប្បធម៌ និងសិល្បៈដែលជួយដល់បេតិកភណ្ឌ។
តម្រូវការដាក់ពាក្យសុំទិដ្ឋាការមាស (Golden Visa)
ដំណើរការដាក់ពាក្យស្នើសុំទិដ្ឋាការមាស (Golden Visa) រួមមានតម្រូវការស្តង់ដារមួយចំនួន។ កម្រិតនៃការវិនិយោគអប្បបរមាប្រែប្រួលតាមតំបន់ និងប្រភេទការវិនិយោគ ជាទូទៅរួមមានអចលនទ្រព្យ មូលនិធិវិនិយោគ ឬមូលបត្របំណុលរដ្ឋាភិបាល។
ការផ្ទៀងផ្ទាត់អាយុ និងសុខភាព ជាធម្មតារួមបញ្ចូលជាមួយធានារ៉ាប់រងសុខភាព ដើម្បីធានាថាអ្នកដាក់ពាក្យបំពេញតាមស្តង់ដារសុខភាពមូលដ្ឋាន។ ជាទូទៅប្រទេសនីមួយៗ មិនចង់បានបុគ្គលដែលមានសុខភាពមិនល្អ ដែលត្រូវការធនធានសាធារណៈច្រើនពេកនោះទេ។ លើសពីនេះទៅទៀត ការត្រួតពិនិត្យប្រវត្តរូប តំណាងឱ្យវិធានការសុវត្ថិភាពស្តង់ដារនៅទូទាំងកម្មវិធីទាំងអស់ ដើម្បីផ្ទៀងផ្ទាត់សិទ្ធិរបស់អ្នកដាក់ពាក្យ។
ជាឧទាហរណ៍ កម្មវិធីស្នាក់នៅរបស់ប្រទេសម៉ាល់តា តម្រូវឱ្យអ្នកដាក់ពាក្យទិញ ឬជួលអចលនទ្រព្យ ហើយផ្តល់មកវិញនូវអត្ថប្រយោជន៍ដូចជាការធ្វើដំណើរដោយគ្មានទិដ្ឋាការនៅក្នុងតំបន់ Schengen ។
ដើម្បីសម្រួលដល់សមាហរណកម្មសហគមន៍ ដែនដីមួយចំនួនអនុវត្តការវាយតម្លៃជំនាញភាសា ដើម្បីសម្រួលដល់សមាហរណកម្មសហគមន៍។ តម្រូវការស្នាក់នៅមានភាពខុសប្លែកផ្សេងៗគ្នា ដូចជាកម្មវិធីមួយចំនួនតម្រូវឱ្យមានវត្តមានស្នាក់នៅទីនោះផ្ទាល់តិចតួចបំផុត ខណៈពេលដែលកម្មវិធីផ្សេងទៀតកំណត់រយៈពេលស្នាក់នៅក្នុងប្រទេសច្រើន។
តម្រូវការឯកសារ រួមមានលិខិតបញ្ជាក់អត្តសញ្ញាណ ការផ្ទៀងផ្ទាត់ហិរញ្ញវត្ថុ និងការបញ្ជាក់ប្រភពនៃមូលនិធិ។ ថ្លៃដាក់ពាក្យស្នើសុំគ្របដណ្តប់លើដំណើរការរដ្ឋបាល ខណៈពេលដែលនីតិវិធីត្រួតពិនិត្យ ត្រឹមត្រូវធានាឱ្យមានការអនុលោមតាមបទប្បញ្ញត្តិនៃការវិនិយោគអន្តរជាតិ ធនាគារ និងសន្តិសុខ។
ការរៀបចំឱ្យបានហ្មត់ចត់ក្នុងដំណើរការទាំងនេះជួយបង្កើនភាពជោគជ័យនៃការអនុម័តពាក្យសុំរបស់បេក្ខជនផងដែរ។
គោលដៅកំពូលសម្រាប់កម្មវិធីទិដ្ឋាការមាស (Golden Visa) ក្នុងចំណោមពលរដ្ឋអាមេរិក
បច្ចុប្បន្នប្រទេសព័រទុយហ្គាល់រក្សាតំណែងនាំមុខគេក្នុងចំណោមអ្នកដាក់ពាក្យសុំទិដ្ឋាការមាស ពីពលរដ្ឋអាមេរិកជាមួយនឹងកម្មវិធីទិដ្ឋាការមាស (Golden Visa)របស់ប្រទេសព័រទុយហ្គាល់ ខណៈពេលដែលកំពុងប្រឈមមុខនឹងការត្រួតពិនិត្យផ្នែកនយោបាយ ចាប់តាំងពីឆ្នាំ 2022 ជាមួយនឹងការកែប្រែកម្មវិធី កំពុងត្រូវបានពិចារណា។
កម្មវិធីរបស់ប្រទេសព័រទុយហ្គាល់ផ្ដល់តម្លៃពិសេសនៅកម្រិតអប្បបរមានៃការវិនិយោគ €500,000 សម្រាប់មូលនិធិវិនិយោគដែលមានលក្ខណៈសម្បត្តិគ្រប់គ្រាន់ និង€250,000 សម្រាប់ការបរិច្ចាគក្នុងគម្រោងវប្បធម៌។ តម្រូវការស្នាក់នៅរបស់ប្រទេសនេះ ធ្វើឱ្យកម្មវិធីនេះមានភាពទាក់ទាញ ជាមួយនិងការស្នាក់នៅ 7 ថ្ងៃជាមធ្យមក្នុង 1 ឆ្នាំ ដើម្បីមានលក្ខណៈគ្រប់គ្រាន់សម្រាប់ចូលសញ្ជាតិបន្ទាប់ពី 5 ឆ្នាំ។
កម្មវិធីស្នាក់នៅរបស់ប្រទេសម៉ាល់តា ផ្តល់នូវផ្លូវទៅកាន់ការទទួលបានសិទ្ធិស្នាក់នៅឆាប់រហ័ស និងការចូលសញ្ជាតិសហភាពអឺរ៉ុបទៀតផង។ លក្ខខណ្ឌនៃការវិនិយោគរួមមានការរួមចំណែករបស់រដ្ឋាភិបាលចំនួន €110,000 ជាមួយនឹងការទិញ ឬការរៀបចំការជួល។ ដំណើរការកម្មវិធីជាមធ្យម 4-6 ខែដែលតំណាងឱ្យប្រសិទ្ធភាពពិសេស។
កម្មវិធីទិដ្ឋាការមាសរបស់ប្រទេសក្រិច មានតម្លៃប្រកួតប្រជែងគឺ €250,000 សម្រាប់ការជួសជុល ឬការផ្លាស់ប្តូរអចលនទ្រព្យ។ ទីផ្សារអចលនទ្រព្យនៅទីក្រុង អាថែន (Athens) បានបង្ហាញពីការកកើន 30% ចាប់តាំងពីឆ្នាំ 2019 ដោយរួមបញ្ចូលគ្នានូវកំណើននៃការវិនិយោគជាមួយនឹងអត្ថប្រយោជន៍នៃសិទ្ធិស្នាក់នៅ។
ប្រទេសហុងគ្រីបានណែនាំកម្មវិធីស្នាក់នៅរបស់ខ្លួនឡើងវិញនៅឆ្នាំ 2024 បន្ទាប់ពីការផ្អាករយៈពេល 5 ឆ្នាំ ដែលបង្ហាញពីផ្លូវនៃមូលនិធិវិនិយោគអចលនទ្រព្យ €250,000។ ប្រសិទ្ធភាពនៃដំណើរការកម្មវិធី ជាមធ្យមក្រោម 6 ខែ ដែលតំណាងឱ្យជម្រើសស្នាក់នៅរបស់សហភាពអឺរ៉ុបដែលមានល្បឿនលឿនបំផុតដែលមាននាពេលបច្ចុប្បន្ន។
ការបញ្ចប់កម្មវិធីទិដ្ឋាការមាសរបស់អេស្ប៉ាញជាការដកជម្រើសដ៏ពេញនិយមពីមុនមក។
សម្រាប់ពលរដ្ឋអាមេរិកដែលកំពុងវាយតម្លៃគោលដៅផ្លាស់ប្តូរទីលំនៅ ប្រទេសទាំងបួននេះបង្ហាញឱ្យឃើញពីមាត្រដ្ឋានភាពងាយស្រួលដ៏ប្រសើរ ទោះបីជាស្ថិរភាពបទប្បញ្ញត្តិនៅតែជាការពិចារណាសម្រាប់ការធ្វើផែនការរយៈពេលវែងក៏ដោយ។

អនាគតនៃនិន្នាការទិដ្ឋាការមាស (Golden Visa )

សភាអឺរ៉ុបបានអនុវត្តច្បាប់ដើម្បីលុបបំបាត់ជាបណ្តើរៗនូវកម្មវិធីសញ្ជាតិតាមរយៈការវិនិយោគត្រឹមឆ្នាំ 2025។ ខណៈពេលដែលបទប្បញ្ញត្តិនេះមិននិយាយអំពីកម្មវិធីស្នាក់នៅនោះក៍ដោយ វាបង្ហាញពីការផ្លាស់ប្តូរគោលនយោបាយសំខាន់ៗដែលអាចប៉ះពាល់ដល់ក្របខណ្ឌនៃការធ្វើចំណាកស្រុកតាមរយៈការវិនិយោគនៅទូទាំងតំបន់។
នៅពេលដែលការចូលប្រើទីផ្សារអឺរ៉ុបកាន់តែតឹងរ៉ឹង សេដ្ឋកិច្ចដែលកំពុងរីកចម្រើន និងមានការអភិវឌ្ឍទៅមុខ។ កម្មវិធីពេញនិយមបានលេចឡើងនៅក្នុងប្រទេសម៉ាឡេស៊ី និងអាមេរិកឡាទីនផងដែរ។
កត្តាទិន្នន័យ និងសេដ្ឋកិច្ច ជំរុញនិន្នាការពិភពលោក។ ប្រទេសដែលប្រឈមមុខនឹងប្រជាជនចាស់ឡើងពីមួយថ្ងៃទៅមួយថ្ងៃ ជាហេតុទាមទារការរួមចំណែកសារពើពន្ធ និងដើមទុនវិនិយោគ បង្កើតផលប្រយោជន៍ទៅវិញទៅមក។ ជាមួយគ្នានេះ ភាពមិនប្រាកដប្រជានៃភូមិសាស្ត្រនយោបាយ បង្កើនតម្លៃយុទ្ធសាស្ត្រនៃការធ្វើពិពិធកម្មសម្រាប់អ្នកវិនិយោគអាមេរិក។
ការបញ្ចប់កម្មវិធីទិដ្ឋាការមាស (Golden Visa )របស់អេស្ប៉ាញបានជះឥទ្ធិពលដល់ទីផ្សារ ដោយមានការវាយតម្លៃអំពីនិរន្តរភាពកម្មវិធីរបស់ប្រទេសព័រទុយហ្គាល់ថាងាយនឹងរងគ្រោះនឹងការរឹតបន្តឹងបន្ថែមទៀត បន្ទាប់ពីការពិនិត្យឡើងវិញនៅឆ្នាំ 2023។ ដូចគ្នានេះដែរ កម្មវិធីសញ្ជាតិរបស់ប្រទេសម៉ាល់តាតាមរយៈការវិនិយោគ ក៏កំពុងប្រឈមនឹងការត្រួតពិនិត្យបទប្បញ្ញត្តិកើនឡើងពីអាជ្ញាធរសហភាពអឺរ៉ុប។
កត្តាបញ្ហាទីផ្សារបានណែនាំយ៉ាងមុតមាំ នូវនិន្នាការបន្តឆ្ពោះទៅរកកម្មវិធីដែលនៅសេសសល់ ជាមួយនឹងតម្រូវការវិនិយោគខ្ពស់កាន់តែជាងមុន។

សេចក្តីសន្និដ្ឋាន

ឧបសគ្គពេលវេលាបានក្លាយជាភស្តុតាង សម្រាប់អ្នកដែលស្វែងរកសិទ្ធិស្នាក់នៅនៅអឺរ៉ុបប្រកបដោយប្រសិទ្ធភាព។ ការបញ្ចប់កម្មវិធីរបស់ប្រទេសអេស្ប៉ាញបង្ហាញពីឱកាសបែបនេះអាចត្រូវបញ្ឈប់ដោយគ្មានការជូនដំណឹងជាមុន។
កម្មវិធីនាពេលបច្ចុប្បន្ន ជាពិសេសគោលការណ៍ របស់ប្រទេសព័រទុយហ្គាល់ និងប្រទេសម៉ាល់តា ប្រឈមមុខនឹងការត្រួតពិនិត្យផ្នែកច្បាប់ និងនយោបាយសំខាន់ៗ។ ការធ្វើពិពិធកម្មលំនៅឋានជាមធ្យោបាយ ដែលបានវិវត្តន៍ពីការធ្វើផែនការតាមការសម្រេចចិត្តទៅយុទ្ធសាស្ត្រសំខាន់សម្រាប់អ្នកដែលផ្តល់អាទិភាពដល់ការបង្កើនប្រសិទ្ធភាពផ្នែកពន្ធ ការទទួលបានការថែទាំសុខភាព និងភាពបត់បែនតាមភូមិសាស្ត្រ។