ទិដ្ឋាការមាសនៃប្រទេសព័រទុយហ្គាល់៖ យុទ្ធសាស្ត្រវិនិយោគក្នុងឆ្នាំ 2025

កម្មវិធីទិដ្ឋាការមាសរបស់ប្រទេសព័រទុយហ្គាល់ (Portugal Golden Visa) គឺជាកម្មវិធីស្នាក់តាមរយៈការវិនិយោគ ដែលបានបង្កើតឡើងសម្រាប់ពលរដ្ឋដែលមិនមានសញ្ជាតិនៃសហភាពអឺរ៉ុប (non-EU nationals) ដែលចង់ផ្លាស់ប្តូរទីលំនៅទៅកាន់ប្រទេសព័រទុយហ្គាល់។ កម្មវិធីនេះមានការពេញនិយមយ៉ាងខ្លាំងក្នុងចំណោមបុគ្គលដែលមានទ្រព្យសម្បត្តិ ពីព្រោះវាអាចផ្តល់សិទ្ធិក្នុងការរស់នៅ ធ្វើការ និងសិក្សានៅប្រទេសព័រទុយហ្គាល់ ខណៈពេលដែលផ្តល់សិទ្ធិធ្វើដំណើរដោយគ្មានទិដ្ឋាការឆ្លងកាត់តំបន់ Schengen ផងដែរ។
ជាមួយនឹងតម្រូវការស្នាក់នៅ ជាមធ្យមត្រឹមតែប្រាំពីរថ្ងៃក្នុងមួយឆ្នាំ ទិដ្ឋាការមាសព័រទុយហ្គាល់គឺជាមធ្យោបាយផ្ដល់សិទ្ធិស្នាក់នៅដែលមានភាពបត់បែន និងមានអាទិភាពក្នុងការធ្វើដំណើរជុំវិញអឺរ៉ុប។ ប្រទេសព័រទុយហ្គាល់ក៏ផ្តល់នូវគុណភាពខ្ពស់នៃជីវិត ដូចជាសុវត្ថិភាព វប្បធម៌ស្វាគមន៍ អាកាសធាតុសមរម្យ ឆ្នេរសមុទ្រ និងទីក្រុងដ៏ស្រស់ស្អាត។

តើទិដ្ឋាការមាសប្រទេសព័រទុយហ្គាល់ (PORTUGAL GOLDEN VISA) ជាអ្វី?

កម្មវិធីទិដ្ឋាការមាសរបស់ប្រទេសព័រទុយហ្គាល់ ដែលត្រូវបានគេស្គាល់ជាកម្មវិធីផ្ដល់សិទ្ធិស្នាក់នៅតាមរយៈការវិនិយោគ (Residence Permit for Investment Activity) ហៅកាត់ថា ARI។ ARI ផ្តល់អត្ថប្រយោជន៍ជូនពលរដ្ឋ ដែលមិនមានសញ្ជាតិនៃសហភាពអឺរ៉ុប (non-EU nationals) នូវឱកាសទទួលបានសិទ្ធិស្នាក់នៅដូចជនជាតិព័រទុយហ្គាល់ តាមរយៈការវិនិយោគដែលមានលក្ខណៈសម្បត្តិគ្រប់គ្រាន់។ កម្មវិធីនេះក៏ផ្តល់នូវមធ្យោបាយទៅកាន់ការទទួលបានសិទ្ធិស្នាក់នៅអចិន្ត្រៃយ៍ និងអាចមានសិទ្ធិចូលសញ្ជាតិព័រទុយហ្គាល់ផងដែរ។
កម្មវិធីនេះបានដាក់ដំណើរការនៅខែតុលា ឆ្នាំ 2012 ដោយជាមធ្យោបាយមួយដើម្បីជួយលើកកម្ពស់ការងើបឡើងវិញនៃសេដ្ឋកិច្ចបន្ទាប់ពីវិបត្តិហិរញ្ញវត្ថុពិភពលោក ទិដ្ឋាការមាសបានក្លាយជាប្រភពចំណូលដ៏សំខាន់សម្រាប់ប្រទេសព័រទុយហ្គាល់ដោយការទាក់ទាញទុនពីបរទេសជាង 7.5 ពាន់លានអឺរ៉ូរហូតមកដល់បច្ចុប្បន្ន។
អត្ថប្រយោជន៍សំខាន់មួយនៃកម្មវិធីទិដ្ឋាការមាសព័រទុយហ្គាល់គឺភាពបត់បែនរបស់វា។ វិនិយោគិនអាចមានលក្ខណៈគ្រប់គ្រាន់តាមរយៈការវិនិយោគអប្បបរមា €500,000 នៅក្នុងមូលនិធិដែលត្រូវបានអនុម័ត ហើយគ្រាន់តែត្រូវការចំណាយពេលជាមធ្យមប្រាំពីរថ្ងៃក្នុងមួយឆ្នាំនៅក្នុងប្រទេសព័រទុយហ្គាល់។ បន្ទាប់ពីប្រាំឆ្នាំ អ្នកដាក់ពាក្យមានសិទ្ធិដាក់ពាក្យសុំសិទ្ធិរស់នៅអចិន្ត្រៃយ៍ និងចូលសញ្ជាតិព័រទុយហ្គាល់។ អត្ថប្រយោជន៍ធំជាងនេះទៅទៀតនោះគឺ ប្រទេសព័រទុយហ្គាល់ទទួលស្គាល់សញ្ជាតិពីរ ដូច្នេះហើយ អ្នកដាក់ពាក្យសុំមិនចាំបាច់លះបង់សញ្ជាតិដើមរបស់ពួកគេទេ។

គិតត្រឹមថ្ងៃទី 6 ខែតុលា ឆ្នាំ 2023 រដ្ឋាភិបាលព័រទុយហ្គាល់បានណែនាំការផ្លាស់ប្តូរសំខាន់ៗចំពោះទិដ្ឋាការមាសព័រទុយហ្គាល់។ ច្បាប់ Mais Habitação ថ្មីបានដកជម្រើសវិនិយោគមួយចំនួនចេញពីតម្រូវការសិទ្ធិទទួលបាន រួមមានៈ

• ការផ្ទេរដើមទុន 1.5 លានអឺរ៉ូ ឬច្រើនជាងនេះ។
• ការទិញអចលនទ្រព្យដោយផ្ទាល់
• ការវិនិយោគលើមូលនិធិដោយផ្ទាល់ ឬដោយប្រយោលទៅក្នុងអចលនទ្រព្យ

នៅឆ្នាំ 2025 ទិដ្ឋាការមាសព័រទុយហ្គាល់ផ្តល់ជូនអ្នកវិនិយោគនូវជម្រើសសម្រាប់ការវិនិយោគ ទោះមានបញ្ហាពិភពលោកកើនឡើងជាលំដាប់។ នៅពេលដែលប្រទេសជាច្រើនកំពុងតែដោះស្រាយបញ្ហាអស្ថិរភាពនយោបាយ ការកើនឡើងអតិផរណា និងបញ្ហាសេដ្ឋកិច្ច ព័រទុយហ្គាល់ផ្តល់ជូនវិនិយោគិននូវស្ថិរភាព ក្នុងនាមជាសមាជិកភាពសហភាពអឺរ៉ុប និងសម្ព័នប្រជាធិបតេយ្យ និងសេដ្ឋកិច្ចដែលមានស្ថិរភាព។
អ្នកកាន់ទិដ្ឋាការមាសអាចចូលទៅកាន់ទីផ្សារសហភាពអឺរ៉ុបដែលមានស្ថិរភាព ដែលអនុញ្ញាតឱ្យរក្សាទ្រព្យសម្បត្តិ និងបង្កើនភាពបត់បែនផ្នែកហិរញ្ញវត្ថុ។

អត្ថប្រយោជន៍ចម្បងនៃទិដ្ឋាការមាសព័រទុយហ្គាល់សម្រាប់ពលរដ្ឋអាមេរិក

សម្រាប់ជនជាតិអាមេរិកដែលមានទ្រព្យសម្បត្តិ ដែលស្វែងរកការចល័តសកល ភាពបត់បែនធំទូលាយ និងសន្តិសុខរយៈពេលវែង ទិដ្ឋាការមាសព័រទុយហ្គាល់ផ្តល់នូវឱកាសដ៏ល្អមួយ។ ទិដ្ឋាការមាសរបស់ប្រទេសព័រទុយហ្គាល់ ផ្តល់អត្ថប្រយោជន៍សំខាន់ៗដូចខាងក្រោម៖

ការស្នាក់នៅក្នុងប្រទេសព័រទុយហ្គាល់ជាមួយនឹងការចូលទៅកាន់តំបន់ Schengen

អ្នកកាន់ទិដ្ឋាការមាសរបស់ប្រទេសព័រទុយហ្គាល់មានសិទ្ធិរស់នៅក្នុងប្រទេសព័រទុយហ្គាល់ ខណៈពេលដែលរីករាយនឹងការធ្វើដំណើរដោយគ្មានទិដ្ឋាការឆ្លងកាត់ប្រទេសចំនួន 27 នៅក្នុងតំបន់ Schengen ។ ការចូលទៅកាន់តំបន់ Schengen ធ្វើឱ្យការធ្វើដំណើរ ការធ្វើអាជីវកម្ម និងការកម្សាន្តនៅទូទាំងទ្វីបអឺរ៉ុបកាន់តែងាយស្រួល។

ការរួមបញ្ចូលសមាជិកគ្រួសារ

ទិដ្ឋាការមាសរបស់ប្រទេសព័រទុយហ្គាល់អនុញ្ញាតឱ្យសមាជិកគ្រួសាររបស់អ្នកដាក់ពាក្យផ្លាស់ទីលំនៅទៅប្រទេសព័រទុយហ្គាល់ផងដែរ។ សមាជិកគ្រួសារក៏ទទួលបានសិទ្ធិក្នុងការរស់នៅ ធ្វើការ ការធ្វើដំណើរ និងការសិក្សានៅប្រទេសព័រទុយហ្គាល់ ជាមួយនឹងឱកាសដើម្បីទទួលបានសិទ្ធិស្នាក់នៅអចិន្ត្រៃយ៍នៅក្នុងប្រទេសព័រទុយហ្គាល់ ឬសញ្ជាតិ។

សមាជិកគ្រួសារដែលមានសិទ្ធិរួមមាន:
• ប្តីប្រពន្ធ/ដៃគូ (ដៃគូរស់នៅជាមួយគ្នាទោះមិនបានរៀបការស្របច្បាប់ក៏ដោយ)
• កុមារអាយុក្រោម 18 ឆ្នាំ។
• កុមារពេញវ័យដែលមិនទាន់រៀបការ តែនៅសិក្សាពេញម៉ោង និងពឹងផ្អែកផ្នែកហិរញ្ញវត្ថុលើឪពុកម្តាយរបស់ពួកគេ។
• ឪពុកម្តាយដែលមានអាយុលើសពី 65 ឆ្នាំ (នៃអ្នកដាក់ពាក្យសុំសំខាន់ និង/ឬប្តីប្រពន្ធ)
• ឪពុកម្តាយដែលមានអាយុក្រោម 65 ឆ្នាំ (ប្រសិនបើផ្នែកហិរញ្ញវត្ថុនៅបន្តពឹងផ្អែកលើអ្នកដាក់ពាក្យសុំចម្បង និង/ឬ ប្តី/ប្រពន្ធ)

សិទ្ធិធ្វើការងារ សិក្សា និងទទួលបានការថែទាំសុខភាព

អ្នកកាន់ទិដ្ឋាការមាសនិងសមាជិកគ្រួសាររបស់ពួកគេមានសិទ្ធិរស់នៅ និងធ្វើការនៅប្រទេសព័រទុយហ្គាល់ ក៏ដូចជាការចុះឈ្មោះចូលរៀនក្នុងសាលារដ្ឋ និងសាកលវិទ្យាល័យនានា។ ពួកគេក៏ទទួលបានសិទ្ធិប្រើប្រាស់ប្រព័ន្ធថែទាំសុខភាពសាធារណៈដែលមានគុណភាពខ្ពស់របស់ប្រទេសព័រទុយហ្គាល់ផងដែរ ដែលការព្យាបាល និងការថែទាំសុខភាពទាំងនោះគិតថ្លៃសេវាតិចតួច ឬមិនគិតថ្លៃតែម្ដង។

មធ្យោបាយទៅកាន់ភាពជាពលរដ្ឋនៃសហភាពអឺរ៉ុប

បន្ទាប់ពីកាន់ទិដ្ឋាការមាសព័រទុយហ្គាល់រយៈពេលប្រាំឆ្នាំ និងបំពេញតាមតម្រូវការស្នាក់នៅអប្បបរមា វិនិយោគិនមានសិទ្ធិដាក់ពាក្យសុំសិទ្ធិស្នាក់នៅអចិន្ត្រៃយ៍ ហើយបន្ទាប់មកទទួលបានសញ្ជាតិព័រទុយហ្គាល់។
សញ្ជាតិព័រទុយហ្គាល់ផ្តល់ឱ្យអ្នកកាន់សិទ្ធិស្នាក់នៅពេញលេញ និងសិទ្ធិស្របច្បាប់ដូចគ្នានឹងពលរដ្ឋព័រទុយហ្គាល់ក្នុងស្រុកផងដែរ។ យ៉ាងណាមិញ បន្ថែមពីនេះទៅទៀត វាក៏ផ្តល់នូវសេរីភាពក្នុងការរស់នៅ ធ្វើការ និងសិក្សានៅគ្រប់ទីកន្លែងនៅក្នុងសហភាពអឺរ៉ុប។

ហេតុអ្វីបានជាទិដ្ឋាការមាសព័រទុយហ្គាល់ជាជម្រើសដ៏ល្អសម្រាប់ពលរដ្ឋអាមេរិក?

ឆ្នាំ 2024 គឺជាឆ្នាំកំណត់ត្រាមួយសម្រាប់ការធ្វើចំណាកស្រុករបស់មហាសេដ្ឋី ដោយមានបុគ្គលដែលមានទ្រព្យសម្បិត្ត ពិចារណាយ៉ាងយកចិត្តទុកដាក់ចំពោះការចាកចេញពីសហរដ្ឋអាមេរិកទៅកាន់ប្រទេសថ្មី។ ជនជាតិអាមេរិកដែលមានទ្រព្យសម្បត្តិ កំពុងស្វែងរកជម្រើសសញ្ជាតិបន្ថែមដើម្បីជាយុទ្ធសាស្រ្ដនៃការរក្សាទុកទ្រព្យសម្បត្តិ។

បរិយាកាសផ្នែកនយោបាយ

លទ្ធផលបោះឆ្នោតនាពេលថ្មីៗនេះ និងការផ្លាស់ប្តូរការអ្នកដឹកនាំនៅសហរដ្ឋអាមេរិក បានបណ្តាលឱ្យមានការកើនឡើងនូវអស្ថិរភាពនយោបាយ ភាពមិនច្បាស់លាស់នៃគោលនយោបាយ ឧ. បទបញ្ជាប្រតិបត្តិភ្លាមៗ និងវត្តមានពន្ធគយអន្តរជាតិក និងការបង្កើនភាពលំអៀងរបស់សាធារណជនទូទៅ។ ការផ្លាស់ប្តូរទាំងនេះចំពោះសង្គមជាតិបានធ្វើឱ្យបុគ្គលដែលមានទ្រព្យសម្បត្តិជាច្រើនកំពុងស្វែងរកជម្រើសដ៏ទៃដែលផ្ដល់ស្ថិរភាពនយោបាយល្អ។

ពន្ធខ្ពស់

ជាមួយនឹងការកើនឡើងជាបន្តបន្ទាប់នៃពន្ធសហព័ន្ធ និងពន្ធរដ្ឋាភិបាល ជាពិសេសនៅក្នុងរដ្ឋដែលមានពន្ធខ្ពស់ចាប់តាំងពីដើម ដូចជារដ្ឋកាលីហ្វ័រញ៉ា និងញូវយ៉ក មានន័យថា ប្រជាជនអាមេរិកដែលមានទ្រព្យសម្បត្តិជាច្រើនកំពុងស្វែងរកមធ្យោបាយល្អៗក្នុងការរក្សាទុកទ្រព្យសម្បត្តិ។

ឱកាសអាជីវកម្មអន្តរជាតិ

សហគ្រិន និងអ្នកវិនិយោគជាច្រើនកំពុងស្វែងរកការផ្លាស់ប្តូរទីតាំងអាជីវកម្មរបស់ពួកគេនៅបរទេស ដើម្បីទាញយកអត្ថប្រយោជន៍ពីឱកាសកាន់តែប្រសើរជាងមុន។ ព័រទុយហ្គាល់ផ្តល់ជូននូវគុណប្រយោជន៍ក្នុងនាមជាសមាជិកនៃសហភាពអឺរ៉ុប និងអត្ថប្រយោជន៍ដែលប្រហែលជាមិនមាននៅក្នុងសហរដ្ឋអាមេរិក ពីការចូលទៅកាន់ទីផ្សាររួមរបស់សហភាពអឺរ៉ុបដោយងាយស្រួល និងអត្ថប្រយោជន៍ផ្នែកហិរញ្ញវត្ថុ ដូចជាគម្រោងពន្ធសម្រាប់ Non-Habitual Resident (NHR) របស់ប្រទេសព័រទុយហ្គាល់ ដែលអាចផ្តល់អត្ថប្រយោជន៍ពន្ធយ៉ាងច្រើនរហូតដល់ដប់ឆ្នាំ។ តាមរយៈកម្មវិធី NHR ប្រាក់ចំណូលពីបរទេស ដូចជាប្រាក់សោធននិវត្តន៍ ភាគលាភ និងសួយសារអាករ អាចនឹងត្រូវបានលើកលែងពីការយកពន្ធ។
អត្ថប្រយោជន៍ទាំងនេះមានន័យថាការផ្លាស់ប្តូរទីតាំងអាជីវកម្មនៅបរទេសកំពុងក្លាយជាជម្រើសដ៏ពេញនិយមសម្រាប់មហាសេដ្ឋីដែលកំពុងសម្លឹងមើលការចាកចេញពីសហរដ្ឋអាមេរិក។

ជម្រើសសម្រាប់គ្រួសារ

ព្រឹត្តិការណ៍ក្នុងប្រទេសអាមេរិកនាពេលបច្ចុប្បន្ន កំពុងធ្វើអោយមនុស្សមានការព្រួយបារម្ភអំពីឧក្រិដ្ឋកម្ម។ នេះគួបផ្សំជាមួយនឹងការធ្លាក់ចុះនៃស្តង់ដារអប់រំ និងបញ្ហាគុណភាពជីវិត ដូចជាអតិផរណាខ្ពស់ កំពុងលើកទឹកចិត្តឱ្យប្រជាជនអាមេរិកដែលមានទ្រព្យសម្បត្តិ ស្វែងរកមធ្យោបាយដើម្បីផ្តល់ជីវិតកាន់តែប្រសើរសម្រាប់គ្រួសាររបស់ពួកគេ។ ព័រទុយហ្គាល់ផ្តល់ជូននូវការអប់រំដ៏ល្អឥតខ្ចោះ ការថែទាំសុខភាពលំដាប់សកល និងសុវត្ថិភាពខ្ពស់ ឧក្រិដ្ឋកម្មទាប។

បច្ចុប្បន្នភាពនៃជម្រើសវិនិយោគសម្រាប់ទិដ្ឋាការមាសព័រទុយហ្គាល់

នៅថ្ងៃទី 6 ខែតុលា ឆ្នាំ 2023 រដ្ឋាភិបាលព័រទុយហ្គាល់បានណែនាំច្បាប់ Mais Habitação។ ច្បាប់ Mais Habitação បានធ្វើការផ្លាស់ប្តូរចំពោះទិដ្ឋាការមាសរបស់ប្រទេសព័រទុយហ្គាល់ ដោយដកចេញនូវជម្រើសវិនិយោគមួយចំនួនចេញពីតម្រូវការសិទ្ធិទទួលបាន។
អ្នកដាក់ពាក្យពីមុនអាចមានលក្ខណៈគ្រប់គ្រាន់សម្រាប់ទិដ្ឋាការមាសរបស់ប្រទេសព័រទុយហ្គាល់ដោយប្រើទម្រង់នៃការវិនិយោគខាងក្រោម ដែលឥឡូវនេះត្រូវបានដកចេញ៖

• ការផ្ទេរដើមទុន 1.5 លានអឺរ៉ូ ឬច្រើនជាងនេះ។
• ការទិញអចលនទ្រព្យដោយផ្ទាល់
• ការវិនិយោគលើមូលនិធិដែលទាក់ទងដោយផ្ទាល់ ឬដោយប្រយោលទៅនឹងអចលនទ្រព្យ

ជម្រើសវិនិយោគទិដ្ឋាការមាសព័រទុយហ្គាល់ដែលមានសិទ្ធិនាពេលបច្ចុប្បន្នរួមមាន:

ទិដ្ឋាការមាសរបស់ប្រទេសព័រទុយហ្គាល់ មូលនិធិវិនិយោគដែលបានអនុម័ត

វិនិយោគិនអាចបណ្តាក់ទុនយ៉ាងតិច €500,000 ក្នុងការវិនិយោគដែលមានលក្ខណៈសម្បត្តិគ្រប់គ្រាន់ ឬមូលនិធិបណ្តាក់ទុន។ មូលនិធិដែលបានជ្រើសរើសត្រូវតែផ្តោតលើមូលធននីយកម្មរបស់ក្រុមហ៊ុនព័រទុយហ្គាល់ មានអាយុកំណត់យ៉ាងតិចប្រាំឆ្នាំ និងបែងចែកយ៉ាងហោចណាស់ 60% នៃផលប័ត្ររបស់ខ្លួនដល់អាជីវកម្មដែលមានទីស្នាក់ការកណ្តាលនៅប្រទេសព័រទុយហ្គាល់។
វាជាកត្តាសំខាន់ក្នុងការកត់សម្គាល់ថាមូលនិធិដែលភ្ជាប់ទៅនឹងអចលនទ្រព្យមិនត្រូវបានរាប់បញ្ចូលពីសិទ្ធិទទួលបាន។

ទិដ្ឋាការមាសរបស់ប្រទេសព័រទុយហ្គាល់ ជម្រើសបរិច្ចាគ

អ្នកដាក់ពាក្យក៏អាចមានលក្ខណៈសម្បត្តិគ្រប់គ្រាន់សម្រាប់ទិដ្ឋាការមាសរបស់ប្រទេសព័រទុយហ្គាល់ ដោយធ្វើការផ្ទេរដើមទុនយ៉ាងហោចណាស់ €250,000 ដើម្បីគាំទ្រដល់ផលិតកម្មសិល្បៈ ឬការអភិរក្ស និងការស្ដារឡើងវិញនូវបេតិកភណ្ឌវប្បធម៌ជាតិ។ ការរួមចំណែកនេះត្រូវតែដឹកនាំតាមរយៈស្ថាប័នសាធារណៈដែលបានអនុម័ត ឬមូលនិធិឯកជនដែលទទួលស្គាល់សម្រាប់ស្ថានភាពប្រើប្រាស់សាធារណៈរបស់ពួកគេ។

អាជីវកម្ម

វិនិយោគិនក៏អាចមានលក្ខណៈគ្រប់គ្រាន់សម្រាប់ទិដ្ឋាការមាសព័រទុយហ្គាល់តាមរយៈជម្រើសមួយក្នុងចំណោមជម្រើសខាងក្រោម៖

• ការបង្កើតការងារថ្មីយ៉ាងហោចណាស់ឱ្យបាន 10 នៅក្នុងអាជីវកម្មក្នុងប្រទេសព័រទុយហ្គាល់ (ឬការងារថ្មីឱ្យបាន 8 នៅក្នុងតំបន់ដែលមានដង់ស៊ីតេប្រជាជនទាប)។
• ការវិនិយោគទឹកប្រាក់ចំនួន €500,000 ដើម្បីបញ្ចូលក្រុមហ៊ុនពាណិជ្ជកម្មដែលត្រូវបានចុះបញ្ជី និងមានទីស្នាក់ការកណ្តាលនៅក្នុងប្រទេសព័រទុយហ្គាល់ បង្កើតការងារអចិន្ត្រៃយ៍យ៉ាង
តិចចំនួន 5 យ៉ាងហោចណាស់ឱ្យបានបីឆ្នាំ។ ម៉្យាងទៀត ការវិនិយោគអាចពាក់ព័ន្ធនឹងការបង្កើនដើមទុនរបស់ក្រុមហ៊ុនដែលមានស្រាប់ បង្កើតការងារអចិន្ត្រៃយ៍យ៉ាងតិចឱ្យបាន 5 ឬរក្សាបានយ៉ាងហោចណាស់ 10 ការងារសម្រាប់រយៈពេលបីឆ្នាំ។

ការស្រាវជ្រាវផ្នែកវិទ្យាសាស្ត្រ

សិទ្ធិទទួលបានទិដ្ឋាការមាសតាមរយៈការវិនិយោគអប្បបរមា €500,000 ក្នុងសកម្មភាពស្រាវជ្រាវដែលធ្វើឡើងដោយស្ថាប័នសាធារណៈ ឬឯកជននៅក្នុងប្រព័ន្ធវិទ្យាសាស្ត្រ និងបច្ចេកវិទ្យាជាតិរបស់ប្រទេសព័រទុយហ្គាល់។
ការវិនិយោគដែលបានកាត់បន្ថយរួចមកត្រឹមចំនួន €400,000 ប្រសិនបើមូលនិធិនេះត្រូវបានវិនិយោគនៅក្នុងគម្រោងដែលមានទីតាំងនៅតំបន់ដង់ស៊ីតេប្រជាជនទាបដែលបានកំណត់ គាំទ្រដល់ការអភិវឌ្ឍន៍ក្នុងតំបន់ និងការច្នៃប្រឌិត។

តើដំណើរការពាក្យសុំទិដ្ឋាការមាសមានរយៈពេលប៉ុន្មាន?

ដំណើរការពាក្យសុំទិដ្ឋាការមាសព័រទុយហ្គាល់ជាធម្មតាត្រូវចំណាយពេលចន្លោះពី 12 ទៅ 16 ខែ។ ជំហានដំបូងគឺត្រូវប្រមូលឯកសារចាំបាច់ រួមទាំងភស្តុតាងនៃអត្តសញ្ញាណ របាយការណ៍ផ្នែកហិរញ្ញវត្ថុ និងការបញ្ជាក់ពីការវិនិយោគរបស់អ្នក។ នៅពេលដែលវាត្រូវបានរៀបចំរួច អ្នកអាចដាក់ពាក្យស្នើសុំជាបឋមរបស់អ្នក ក្នុងអ៊ីនធឺណិតតាមរយៈអាជ្ញាធរអន្តោប្រវេសន៍ព័រទុយហ្គាល់ (AIMA)។
បន្ទាប់ពីការដាក់ស្នើរួច អ្នកនឹងត្រូវចូលរួមការណាត់ជួបធ្វើជីវមាត្រនៅស្ថានកុងស៊ុល ឬស្ថានទូតព័រទុយហ្គាល់ ហើយទិន្នន័យជីវមាត្ររបស់អ្នកនឹងត្រូវបានរក្សាទុក។ នៅពេលដែលពាក្យសុំរបស់អ្នកត្រូវបានអនុម័ត ជាទូទៅត្រូវចំណាយពេលពី 6 ទៅ 9 ខែបើរាប់ចាប់តាំងពីការណាត់ជួបធ្វើជីវមាត្រ ដើម្បីទទួលបានប័ណ្ណស្នាក់នៅ Golden Visa របស់អ្នក។ នៅពេលដែលអ្វីៗត្រូវបានបញ្ចប់ លិខិតអនុញ្ញាតស្នាក់នៅរយៈពេល 2 ឆ្នាំនឹងត្រូវបានចេញជូនអ្នក។ ប័ណ្ណស្នាក់នៅនេះនឹងត្រូវបន្តជាថ្មីរៀងរាល់ 2 ឆ្នាំម្តង។
បន្ទាប់ពីរយៈពេល 5 ឆ្នាំ អ្នកកាន់កាប់ប័ណ្ណនេះអាចស្នើបន្តសពុលភាពបណ្តោះអាសន្នម្តងទៀត ឬស្នើសុំសិទ្ធិស្នាក់នៅដ្ឋានអចិន្ត្រៃយ៍។ នៅពេលដែលសិទ្ធិស្នាក់នៅអចិន្ត្រៃយ៍ត្រូវបានផ្តល់ជូនអ្នក អ្នកអាចដាក់ពាក្យសុំសញ្ជាតិបានភ្លាមៗតែម្ដង។

តម្រូវការស្នាក់នៅទីនោះផ្ទាល់សម្រាប់អ្នកកាន់ទិដ្ឋាការមាសព័រទុយហ្គាល់

លក្ខណៈពិសេសដ៏ទាក់ទាញបំផុតមួយនៃទិដ្ឋាការមាសព័រទុយហ្គាល់គឺភាពបត់បែនរបស់វា ជាពិសេសសម្រាប់អ្នកវិនិយោគដែលរស់នៅឆ្ងាយពីប្រទេសព័រទុយហ្គាល់ ឬអ្នកដែលមិនទាន់ចង់ផ្លាស់ប្តូរទីលំនៅ។
ដើម្បីរក្សាសិទ្ធិស្នាក់នៅ អ្នកដាក់ពាក្យសុំត្រូវចំណាយពេលយ៉ាងតិច 14 ថ្ងៃនៅក្នុងប្រទេសព័រទុយហ្គាល់ក្នុងរយៈពេលពីរឆ្នាំដំបូង បន្ទាប់មក 21 ថ្ងៃក្នុងរយៈពេល បី ឆ្នាំខាងមុខ។
ការបំពេញតាមតម្រូវការទាំងនេះគឺចាំបាច់សម្រាប់អ្នកដែលមានគោលបំណង ហើយមានលក្ខណៈសម្បត្តិគ្រប់គ្រាន់សម្រាប់សិទ្ធិស្នាក់នៅអចិន្ត្រៃយ៍ ឬសញ្ជាតិព័រទុយហ្គាល់បន្ទាប់ពី 5 ឆ្នាំ។

សេចក្តីសន្និដ្ឋាន៖ ហេតុអ្វីបានជាទិដ្ឋាការមាសព័រទុយហ្គាល់នៅតែជាជម្រើសដ៏ឆ្លាតវៃសម្រាប់ឆ្នាំ 2025

នៅឆ្នាំ 2025 ទិដ្ឋាការមាសរបស់ប្រទេសព័រទុយហ្គាល់ ផ្តល់ជូននូវជម្រើសស្នាក់នៅតាមរយៈការវិនិយោគដ៏ទាក់ទាញបំផុតមួយសម្រាប់បុគ្គលដែលមានទ្រព្យសម្បិត្ត ជាពិសេសពលរដ្ឋអាមេរិក។
ជាមួយនឹងតម្រូវការស្នាក់នៅទីនោះផ្ទាល់តិចតួច ការចូលទៅកាន់តំបន់ Schengen និងផ្លូវច្បាស់លាស់ទៅកាន់ភាពជាពលរដ្ឋក្នុងសហភាពអឺរ៉ុបបន្ទាប់ពីរយៈពេល 5 ឆ្នាំ ទិដ្ឋាការមាសរបស់ប្រទេសព័រទុយហ្គាល់ផ្ដល់នូវភាពបត់បែនដែលកម្មវិធីមួយចំនួនផ្សេងទៀតផ្តល់ជូនមិនបាន។ វិនិយោគិនទទួលបានសិទ្ធិក្នុងការរស់នៅ ធ្វើការ និងសិក្សានៅប្រទេសព័រទុយហ្គាល់ រួមទាំងការថែទាំសុខភាព ការអប់រំ និងការចូលទៅកាន់ទីផ្សារអន្តរជាតិ។