សិទ្ធិស្នាក់នៅនៅអឺរ៉ុប៖ ចំនាយត្រឹមតែ €250,000 ដើម្បីឆ្ពោះដំណើរទៅកាន់សហភាពអឺរ៉ុប និយមន័យនៃសិទ្ធិស្នាក់នៅនៅអឺរ៉ុប

សិទ្ធិស្នាក់នៅនៅអឺរ៉ុបមានន័យថា អ្នកមានសិទ្ធិស្របច្បាប់ក្នុងការរស់នៅក្នុងបណ្ដាប្រទេសអឺរ៉ុប ជាបណ្តោះអាសន្ន ឬជាអចិន្ត្រៃយ៍ ដោយមិនមានសញ្ជាតិ។ ជាធម្មតាវាភ្ជាប់មកជាមួយអត្ថប្រយោជន៍ដូចជាការទទួលបានការថែទាំសុខភាព ការអប់រំ និងសមត្ថភាពក្នុងការធ្វើដំណើរក្នុងតំបន់ Schengen ។
ជាមួយនឹងកំណើននៃភាពមិនច្បាស់លាស់ខាងផ្នែកសង្កម និងនយោបាយ នៅជុំវិញពិភពលោក សិទ្ធិស្នាក់នៅនៅសហភាពអឺរ៉ុប បានក្លាយទៅជម្រើសសម្រាប់បុគ្គលដែលមានធនធាន និងក្រុមគ្រួសាររបស់ពួកគេ។ ជម្រើសនេះត្រូវបានជំរុញដោយកត្តាទាក់ទាញជាច្រើន។ ដំបូង សហភាពអឺរ៉ុបផ្តល់នូវស្ថិរភាពផ្នែកនយោបាយ និងឱកាសសេដ្ឋកិច្ចរឹងមាំសម្រាប់អ្នកវិនិយោគ។ លើសពីនេះ ប្រទេសជាច្រើនផ្តល់នូវគុណភាពខ្ពស់ នៃជីវិត ជាមួយនឹងទីក្រុងដែលមានសុវត្ថិភាព បរិស្ថានស្អាត និងការទទួលបានសេវាសាធារណៈ និងការថែទាំសុខភាព ដែលមានការអភិវឌ្ឍន៍ល្អ និងមានតម្លៃសមរម្យ។
កត្តាសំខាន់មួយទៀត គឺសេរីភាព នៃការធ្វើដំណើរនៅក្នុងតំបន់ Schengen ។ សិទ្ធិស្នាក់នៅក្នុងបណ្ដាប្រទេស ដែលជាសមាជិកតំបន់ Schengen ជាធម្មតាអនុញ្ញាតឱ្យធ្វើដំណើរដោយគ្មានទិដ្ឋាការឆ្លងកាត់ប្រទេសចំនួន 29 (បណ្ដាប្រទេសក្នុងសហភាពអឺរ៉ុប ចំនួន 25 ប្រទេស និងប្រទេសមិនមែននៅក្នុងសហភាពអឺរ៉ុប ចំនួន 4 ប្រទេស គឺប្រទេស Iceland, Norway, Switzerland និង Liechtenstein)។
ដើម្បីបំពេញតម្រូវការដែលកំពុងកើនឡើងនេះ ប្រទេសអឺរ៉ុបមួយចំនួនបានបង្កើតកម្មវិធីស្នាក់នៅតាមរយៈការវិនិយោគ។ កម្មវិធីទាំងនេះផ្តល់នូវមធ្យោបាយងាយស្រួលទៅកាន់ទទួលបានសិទ្ធិស្នាក់នៅតាមរយៈការរួមចំណែកផ្នែកហិរញ្ញវត្ថុដែលមានលក្ខណៈសម្បត្តិគ្រប់គ្រាន់។ សិទ្ធិទទួលបានសម្រាប់កម្មវិធីទាំងនេះ ប្រែប្រួលទៅតាមប្រទេសនីមួយៗ ប៉ុន្តែជារឿយៗវាផ្ដល់ជម្រើសដូចជា ការទិញអចលនទ្រព្យ ការវិនិយោគអាជីវកម្ម ឬការទិញមូលបត្របំណុលរបស់រដ្ឋាភិបាល។
នៅក្នុងការប្រៀបធៀបទៅនឹងមធ្យោបាយអន្តោប្រវេសន៍បែបប្រពៃណី ដែលជាធម្មតាពាក់ព័ន្ធនឹងដំណើរការដាក់ពាក្យយូរ ការទទួលបានការផ្តល់ជូនការងារ ឬតម្រូវការធានាសមាជិកគ្រួសារ ដែលមានភាពស្មុគស្មាញ កម្មវិធីអន្តោប្រវេសន៍តាមរយៈការវិនិយោគ ផ្តល់នូវដំណោះស្រាយលឿន និងងាយស្រួលជាងមុន ជាពិសេសសម្រាប់អ្នកដែលកំពុងស្វែងរកកន្លែងល្អបំផុតសម្រាប់រស់នៅក្នុងសហភាពអឺរ៉ុបជាមួយនឹងអត្ថប្រយោជន៍រយៈពេលវែង និងគុណប្រយោជន៍នៃការរស់នៅ។

ទិដ្ឋាការមាសរបស់ប្រទេសព័រទុយហ្គាល់ (Portugal Golden Visa)៖ ជម្រើសកម្មវិធីស្នាក់នៅឈានមុខគេ

ប័ណ្ណផ្ដល់សិទ្ធិស្នាក់នៅរបស់ប្រទេសព័រទុយហ្គាល់តាមរយៈការវិនិយោគ (ARI) ដែលត្រូវបានគេស្គាល់ជាទូទៅថាជាកម្មវិធីទិដ្ឋាការមាសរបស់ប្រទេសព័រទុយហ្គាល់ (Portugal Golden Visa) ផ្តល់ជូនអ្នកវិនិយោគដែលមិនមែនជាជនជាតិនៃសហភាពអឺរ៉ុប នូវឱកាសទទួលបានសិទ្ធិស្នាក់នៅក្នុងប្រទេសព័រទុយហ្គាល់តាមរយៈការវិនិយោគដែលមានលក្ខណៈសម្បត្តិគ្រប់គ្រាន់។
ទិដ្ឋាការមាសរបស់ប្រទេសព័រទុយហ្គាល់ (Portugal Golden Visa) ត្រូវបានដាក់ឱ្យដំណើរការនៅខែតុលា ឆ្នាំ 2012 ជាមធ្យោបាយមួយដើម្បីជួយជំរុញការងើបឡើងវិញនៃសេដ្ឋកិច្ចបន្ទាប់ពីវិបត្តិហិរញ្ញវត្ថុ។ កម្មវិធីនេះត្រូវបានធ្វើបច្ចុប្បន្នភាពក្នុងខែតុលា ឆ្នាំ 2023 ដែលបានដកចេញនូវជម្រើសវិនិយោគពីមុន មួយចំនួន រួមទាំង៖
• ការផ្ទេរដើមទុន 1.5 លានអឺរ៉ូ (ប្រហែល 1.7 លានដុល្លារអាមេរិក) ឬច្រើនជាងនេះ។
• ការទិញអចលនទ្រព្យដោយផ្ទាល់
• ការវិនិយោគលើមូលនិធិដោយផ្ទាល់ ឬដោយប្រយោលទៅនឹងអចលនទ្រព្យ

ជម្រើសវិនិយោគ និងតម្រូវការ

ដើម្បីមានលក្ខណៈគ្រប់គ្រាន់សម្រាប់កម្មវិធីទិដ្ឋាការមាសព័រទុយហ្គាល់ (Portugal Golden Visa) អ្នកដាក់ពាក្យត្រូវតែបំពេញតម្រូវការវិនិយោគ។ ជម្រើសវិនិយោគដែលមានសិទ្ធិក្រោមការអនុញ្ញាតលំនៅដ្ឋានសម្រាប់សកម្មភាពវិនិយោគរួមមាន៖

មូលនិធិវិនិយោគ

វិនិយោគិនដែលវិនិយោគអប្បបរមា €500,000 (ប្រហែល USD 566,000) ក្នុងការវិនិយោគដែលមានលក្ខណៈសម្បត្តិគ្រប់គ្រាន់ ឬមូលនិធិបណ្តាក់ទុន។ ការវិនិយោគត្រូវតែស្ថិតនៅក្នុងមូលនិធិដែលគាំទ្រដល់ក្រុមហ៊ុនក្នុងប្រទេសព័រទុយហ្គាល់ មានរយៈពេលអប្បបរមា 5 ឆ្នាំ និងវិនិយោគយ៉ាងហោចណាស់ 60% នៃប្រាក់របស់ខ្លួននៅក្នុងអាជីវកម្មដែលមានមូលដ្ឋាននៅប្រទេសព័រទុយហ្គាល់។
សូមចំណាំថាមូលនិធិដែលភ្ជាប់ទៅនឹងសិទ្ធិស្នាក់នៅរបស់សហភាពអឺរ៉ុបតាមរយៈការវិនិយោគលើអចលនទ្រព្យមិនមានសិទ្ធិសម្រាប់ដំណើរការដាក់ពាក្យសុំនោះទេ។

ការបរិច្ចាគ

ទិដ្ឋាការមាសព័រទុយហ្គាល់ (Portugal Golden Visa) ក៏ផ្តល់សិទ្ធិទទួលបានដល់អ្នកវិនិយោគដែលធ្វើការផ្ទេរដើមទុនយ៉ាងហោចណាស់ €250,000 (ប្រហែល USD 283,000)។ ការបរិច្ចាគនេះត្រូវផ្ដល់ ចំពោះស្ថាប័នកម្មវិធីដែលគាំទ្រដល់ផលិតកម្មសិល្បៈ ឬការអភិរក្ស និងការស្ដារឡើងវិញនូវបេតិកភណ្ឌវប្បធម៌ជាតិ។ ការបរិច្ចាគអាចធ្វើឡើងបានតែចំពោះស្ថាប័នសាធារណៈដែលបានអនុម័ត ឬមូលនិធិឯកជនដែលមានឋានៈសាធារណៈដែលត្រូវបានទទួលស្គាល់។
ចំនួនទឹកប្រាក់នៃតម្រូវការបរិច្ចាគអាចត្រូវបានកាត់បន្ថយមកត្រឹម €200,000 ប្រសិនបើមានទីតាំងនៅតំបន់ដែលមានដង់ស៊ីតេទាប។

អាជីវកម្ម

ជម្រើសវិនិយោគដ៏មានសក្តានុពលមួយទៀតសម្រាប់អ្នកវិនិយោគគឺតាមរយៈការវិនិយោគក្នុងអាជីវកម្ម។ ការវិនិយោគដែលមានសិទ្ធិក្រោមប្រភេទអាជីវកម្មរួមមាន:
• ការបង្កើតការងារថ្មីយ៉ាងហោចណាស់ 10 នៅក្នុងអាជីវកម្មព័រទុយហ្គាល់ (ឬការងារថ្មីចំនួន 8 នៅក្នុងតំបន់ដង់ស៊ីតេប្រជាជនទាបដែលបានកំណត់)។
• ការវិនិយោគចំនួន €500,000 (ប្រហែល USD 566,000) ដើម្បីបញ្ចូលក្រុមហ៊ុនពាណិជ្ជកម្មដែលត្រូវបានចុះបញ្ជី និងមានទីស្នាក់ការកណ្តាលនៅក្នុងប្រទេសព័រទុយហ្គាល់។ អាជីវកម្មនេះត្រូវតែបង្កើតការងារអចិន្ត្រៃយ៍យ៉ាងតិច 5 យ៉ាងហោចណាស់បីឆ្នាំ។
• វិនិយោគិនក៏អាចធ្វើការវិនិយោគដែលអាចបង្កើនដើមទុនរបស់ក្រុមហ៊ុនដែលមានស្រាប់ផងដែរ។ ការវិនិយោគនេះត្រូវតែបង្កើតការងារអចិន្ត្រៃយ៍យ៉ាងហោចណាស់ 5 ឬរក្សាបានយ៉ាងហោចណាស់ 10 ការងារសម្រាប់រយៈពេលបីឆ្នាំ។

ការស្រាវជ្រាវផ្នែកវិទ្យាសាស្ត្រ

វិនិយោគិនក៏អាច ធ្វើការវិនិយោគអប្បបរមាយ៉ាងហោចណាស់ €500,000 (ប្រហែល USD 566,000) ក្នុងសកម្មភាពស្រាវជ្រាវ។ ការស្រាវជ្រាវត្រូវតែធ្វើឡើងដោយស្ថាប័នសាធារណៈ ឬឯកជននៅក្នុងប្រព័ន្ធវិទ្យាសាស្ត្រ និងបច្ចេកវិទ្យាជាតិរបស់ប្រទេសព័រទុយហ្គាល់។
ប្រសិនបើមូលនិធិត្រូវបានវិនិយោគនៅក្នុងគម្រោងដែលដំណើរការនៅក្នុងតំបន់ដែលត្រូវបានកំណត់ថាជាតំបន់ដែលមានដង់ស៊ីតេប្រជាជនទាប ការវិនិយោគអាចកាត់បន្ថយមកត្រឹមចំនួន €400,000 (ប្រហែល USD 450,000)។

តម្រូវការស្នាក់នៅ

អ្នកកាន់ទិដ្ឋាការមាសរបស់ប្រទេសព័រទុយហ្គាល់ត្រូវចំណាយពេលយ៉ាងតិច 14 ថ្ងៃនៅក្នុងប្រទេសព័រទុយហ្គាល់រៀងរាល់ 2 ឆ្នាំម្តង (រួមទាំង 7 ថ្ងៃក្នុងឆ្នាំដំបូង)។

អត្ថប្រយោជន៍នៃទិដ្ឋាការមាសព័រទុយហ្គាល់

(Portugal Golden Visa)

ភាពបត់បែន

អត្ថប្រយោជន៍សំខាន់នៃកម្មវិធីគឺតម្រូវការដែលអាចបត់បែនបាន។ តាមរយៈការបណ្តាក់ទុកក្នុងការវិនិយោគដែលមានលក្ខណៈសម្បត្តិគ្រប់គ្រាន់ បុគ្គលម្នាក់ៗអាចទទួលបានសិទ្ធិស្នាក់នៅ ខណៈពេលដែលត្រូវបានតម្រូវឱ្យស្នាក់នៅប្រទេសព័រទុយហ្គាល់ជាមធ្យម 7 ថ្ងៃក្នុងមួយឆ្នាំ។ បន្ទាប់ពីរយៈពេលប្រាំឆ្នាំ ពួកគេអាចដាក់ពាក្យសុំសិទ្ធិស្នាក់នៅអចិន្ត្រៃយ៍ និងសូម្បីតែសញ្ជាតិព័រទុយហ្គាល់ (សញ្ជាតិនៅក្នុងសហភាពអឺរ៉ុប)។ ព័រទុយហ្គាល់ក៏អនុញ្ញាតឱ្យមានសញ្ជាតិពីរផងដែរ ដូច្នេះអ្នកវិនិយោគអាចរក្សាសញ្ជាតិដើមរបស់ពួកគេដោយគ្មានបញ្ហា។

ការចូលទៅកាន់តំបន់ Schengen

(សហភាពអឺរ៉ុប)
វិនិយោគិនដែលបានទទួលទិដ្ឋាការមាសរបស់ប្រទេសព័រទុយហ្គាល់ (Portugal Golden Visa) និងអត្ថប្រយោជន៍នៃសិទ្ធិស្នាក់នៅ ដូចជាការធ្វើដំណើរដោយសេរីនៅទូទាំង 29 ប្រទេសនៅក្នុងតំបន់ Schengen ។ អត្ថប្រយោជន័នេះជួយសម្រួល និងកែលម្អការធ្វើដំណើរទៅទូទាំងទ្វីបអឺរ៉ុប មិនថាសម្រាប់គោលបំណងអាជីវកម្ម ឬការកម្សាន្តនោះទេ។

ការរួមបញ្ចូលសមាជិកគ្រួសារ

វិនិយោគិនអាចរួមបញ្ចូលសមាជិកគ្រួសារនៅក្នុងកម្មវិធីរបស់ពួកគេ។ សមាជិកគ្រួសារទទួលបានសិទ្ធិក្នុងការរស់នៅ ធ្វើការ ការសិក្សា និងការធ្វើដំណើរក្នុងប្រទេស ជាមួយនឹងសក្ដានុពលក្នុងការទទួលបានសិទ្ធិស្នាក់នៅអចិន្ត្រៃយ៍ ឬសញ្ជាតិនាពេលអនាគត។
សមាជិកគ្រួសារដែលមានសិទ្ធិរួមមាន:
• ប្តីប្រពន្ធ/ដៃគូ (ដៃគូមិនចាំបាច់រៀបការស្របច្បាប់ក៏បាន)
• កូនអាយុក្រោម 18 ឆ្នាំ។
• កូនគ្រប់វ័យដែលមិនទាន់រៀបការ នៅសិក្សាពេញម៉ោង និងពឹងផ្អែកលើឪពុកម្តាយរបស់ពួកគេផ្នែកហិរញ្ញវត្ថុ។
• ឪពុកម្តាយដែលមានអាយុលើសពី 65 ឆ្នាំ (នៃអ្នកដាក់ពាក្យចម្បង និង/ឬប្តីប្រពន្ធ)
• ឪពុកម្តាយដែលមានអាយុក្រោម 65 ឆ្នាំ (ប្រសិនបើនៅពឹងផ្អែកលើអ្នកដាក់ពាក្យសុំចម្បងផ្នែកហិរញ្ញវត្ថុ និង/ឬប្តី/ប្រពន្ធ)

សិទ្ធិស្នាក់នៅរបស់ម៉ាល់តាតាមរយៈការវិនិយោគ៖ មធ្យោបាយឆ្ពោះទៅទ្វីបអឺរ៉ុប

កម្មវិធីស្នាក់នៅរបស់ប្រទេសម៉ាល់តាតាមរយៈការវិនិយោគ (Malta Golden Visa)ផ្តល់នូវមធ្យោបាយសម្រាប់ជនមិនមានសញ្ជាតិនៃសហភាពអឺរ៉ុប និងក្រុមគ្រួសាររបស់ពួកគេដើម្បីទទួលបានសិទ្ធិស្នាក់នៅរបស់ប្រទេសម៉ាល់តា តាមរយៈការរួមបញ្ចូលគ្នានៃការវិនិយោគអចលនទ្រព្យ ការរួមចំណែកផ្នែកសេដ្ឋកិច្ច និងថ្លៃរដ្ឋបាល។ កម្មវិធីទិដ្ឋាការមាសរបស់ម៉ាល់តា ផ្តល់នូវដំណើរការប្រកបដោយសុវត្ថិភាព និងងាយស្រួលសម្រាប់បុគ្គលដែលមានទ្រព្យសម្បត្តិ ដែលកំពុងស្វែងរកសិទ្ធិស្នាក់នៅនៅអឺរ៉ុប ជាមួយនឹងតម្រូវស្នាក់នៅទីនោះផ្ទាល់តិចតួចបំផុត។
អ្នកដាក់ពាក្យត្រូវតែបំពេញតាមលក្ខណៈវិនិច្ឆ័យដែលមានសិទ្ធិ ដែលរួមមានការវិនិយោគ ឬជួលអចលនទ្រព្យ ការរួមចំណែកផ្នែកហិរញ្ញវត្ថុដល់សេដ្ឋកិច្ចក្នុងប្រទេស និងការបរិច្ចាគសប្បុរសធម៌។ ថ្លៃសេវារដ្ឋាភិបាលផងដែរ។

ជម្រើសនៃការវិនិយោគ និងតម្រូវការ

ដើម្បីមានលក្ខណៈគ្រប់គ្រាន់សម្រាប់កម្មវិធីស្នាក់នៅរបស់ប្រទេសម៉ាល់តាតាមរយៈការវិនិយោគ(Malta Golden Visa)អ្នកដាក់ពាក្យសុំត្រូវតែបំពេញតាមលក្ខខណ្ឌដូចខាងក្រោមៈ

ការទិញ ឬជួលអចលនទ្រព្យនៅប្រទេសម៉ាល់តា

ការវិនិយោគយ៉ាងហោចណាស់ €375,000 (ប្រហែល USD 425,000) នៅក្នុងអចលនទ្រព្យលំនៅដ្ឋានគ្រប់ទីកន្លែងក្នុងប្រទេសម៉ាល់តា។ ទ្រព្យសម្បត្តិត្រូវរក្សាទុកយ៉ាងតិច 5 ឆ្នាំ។ ម៉្យាងទៀត អ្នកដាក់ពាក្យអាចជួលអចលនទ្រព្យបែបលំនៅដ្ឋានបាន។ តម្លៃជួលត្រូវតែមិនតិចជាង €14,000 (ប្រហែល USD 16,000) ក្នុងមួយឆ្នាំ ហើយរយៈពេលនៃកិច្ចព្រមព្រៀងជួលត្រូវតែមានយ៉ាងហោចណាស់ 5 ឆ្នាំ។

វិភាគទានផ្នែកសេដ្ឋកិច្ច

ការបរិច្ចាកទឹកប្រាក់ម្ដងក្នុងចំនួន €30,000 (ប្រហែល USD 34,000) ជូនទៅរដ្ឋាភិបាល ប្រសិនបើការទិញអចលនទ្រព្យមួយ ឬ €60,000 (ប្រហែល USD 68,000) ប្រសិនបើការវិនិយោគត្រូវបានធ្វើឡើងតាមរយៈការជួលអចលនទ្រព្យ។

ធ្វើការបរិច្ចាគដល់អង្គការក្រៅរដ្ឋាភិបាល

អ្នកដាក់ពាក្យសុំ ត្រូវធ្វើការបរិច្ចាគសប្បុរសធម៌ចំនួន €2,000 (ប្រហែល USD 2,300) ដល់អង្គការក្រៅរដ្ឋាភិបាល ដែលបានចុះឈ្មោះ។

ថ្លៃរដ្ឋបាលរបស់រដ្ឋាភិបាល

ថ្លៃសេវាស្តង់ដារ €50,000 (ប្រហែល USD 57,000) សម្រាប់អ្នកដាក់ពាក្យចម្បង បូករួមទាំងថ្លៃសេវាបន្ថែមចំនួន €10,000 (ប្រហែល USD 11,000) សម្រាប់សមាជិកក្នុងបន្ទុកនីមួយៗដែលរួមបញ្ចូលក្នុងកម្មវិធីពាក្យស្នើ។
វិនិយោគិនត្រូវដឹងថាតម្រូវការវិនិយោគទាំងនេះត្រូវធ្វើឡើងស្របគ្នា និងរក្សាទុកក្នុងរយៈពេល 5 ឆ្នាំដែលបានកំណត់ ដើម្បីធានាបាននូវការអនុលោមតាម និងរក្សាសិទ្ធិស្នាក់នៅ។

អត្ថប្រយោជន៍នៃកម្មវិធីស្នាក់នៅរបស់ប្រទេសម៉ាល់តា

កម្មវិធីស្នាក់នៅរបស់ប្រទេសម៉ាល់តាផ្តល់នូវអត្ថប្រយោជន៍ជាច្រើនសម្រាប់អ្នកដាក់ពាក្យដែលជោគជ័យ៖

ការធ្វើដំណើរដោយមិនមានទិដ្ឋាការ

ការស្នាក់នៅក្នុងប្រទេសម៉ាល់តា ផ្តល់សិទ្ធិធ្វើដំណើរការដោយគ្មានទិដ្ឋាការទៅប្រទេសសមាជិកទាំង 29 នៃតំបន់ Schengen ។

ការរួមបញ្ចូលសមាជិកគ្រួសារ

កម្មវិធីនេះក៏អាចរួមបញ្ចូលសមាជិកគ្រួសារ រួមទាំងប្តី/ប្រពន្ធ ឬដៃគូ កូនក្នុងបន្ទុកក្រោមអាយុ 29 ឆ្នាំ និងឪពុកម្តាយ និងជីដូនជីតារបស់អ្នកដាក់ពាក្យ ឬប្តី/ប្រពន្ធ។ នេះអនុញ្ញាតឱ្យអ្នកដាក់ពាក្យសុំ ផ្លាស់ប្តូរទីលំនៅជាមួយគ្រួសារពួកគេតែម្ដង

ការចូលប្រើប្រាស់សេវាសាធារណៈ

អ្នករស់នៅក្នុងប្រទេសអាចទទួលបានសិទ្ធិប្រើប្រាស់ប្រព័ន្ធថែទាំសុខភាពសាធារណៈ និងការអប់រំដែលមានគុណភាពខ្ពស់របស់ប្រទេសម៉ាល់តា រួមជាមួយនឹងសុវត្ថិភាព និងស្ថិរភាពនៃជីវិតនៅក្នុងនាមជារដ្ឋសមាជិកសហភាពអឺរ៉ុប។

គ្មានតម្រូវការស្នាក់នៅទីនោះផ្ទាល់គិតជាអប្បបរមា

មិនមានពេលវេលាកំណត់ណាមួយសម្រាប់អ្នកដាក់ពាក្យថា ត្រូវតែមានវត្តមាននៅក្នុងប្រទេសម៉ាល់តានោះទេ។ ការធ្វើដំណើរទៅប្រទេសម៉ាល់តាគឺតម្រូវបន្ទាប់ពីការអនុម័តប៉ុណ្ណោះ ដើម្បីដាក់បញ្ជូនជីវមាត្រ។

ទិដ្ឋាការមាសរបស់ប្រទេសក្រិក (Greece Golden Visa)៖ ការរស់នៅនៅអឺរ៉ុប

កម្មវិធីនេះត្រូវបានដាក់ដំណើរការក្នុងឆ្នាំ 2013 កម្មវិធីទិដ្ឋាការមាសរបស់ប្រទេសក្រិកត្រូវបានរចនាឡើងដើម្បីទាក់ទាញមូលធនបរទេស និងជំរុញទីផ្សារអចលនទ្រព្យតាមរយៈការវិនិយោគអន្តរជាតិ។ កម្មវិធីទិដ្ឋាការមាសរបស់ប្រទេសក្រិក (Greece Golden Visa) ផ្តល់សិទ្ធិស្នាក់នៅដល់ជនមិនមានសញ្ជាតិសហភាពអឺរ៉ុប និងក្រុមគ្រួសាររបស់ពួកគេ ដោយផ្តល់នូវមធ្យោបាយសាមញ្ញ និងមានប្រសិទ្ធភាពក្នុងការស្នាក់នៅនៅអឺរ៉ុប ជាមួយនឹងការិយាធិបតេយ្យតិចតួចបំផុត។
កម្មវិធីនេះបានក្លាយទៅជាកម្មវិធីស្នាក់នៅដែលមានមូលដ្ឋានលើការវិនិយោគ ហើយមានភាពប្រកួតប្រជែងបំផុតនៅក្នុងទ្វីបអឺរ៉ុបយ៉ាងឆាប់រហ័ស។

ជម្រើសនៃការវិនិយោគ និងតម្រូវការ

ដើម្បីមានលក្ខណៈគ្រប់គ្រាន់សម្រាប់ទិដ្ឋាការមាសរបស់ប្រទេសក្រិក (Greece Golden Visa) អ្នកដាក់ពាក្យត្រូវតែជ្រើសរើសជម្រើសវិនិយោគមួយក្នុងចំនោមជម្រើសផ្សេងៗដែលបានអនុម័ត៖

អចលនទ្រព្យ

•€250,000 (ប្រហែល USD 280,000): ការវិនិយោគលើគម្រោងដែលបំប្លែងអចលនទ្រព្យពាណិជ្ជកម្មទៅជាយូនីតស្នាក់នៅ ឬការស្ដារឡើងវិញនូវអគារប្រវត្តិសាស្ត្រក្នុងបញ្ជី។
•€400,000 (ប្រហែល USD 450,000): ការទិញអចលនទ្រព្យបែបលំនៅដ្ឋានមួយ ដែលមានទីតាំងនៅតំបន់ដែលមិនមានតម្រូវការខ្ពស់។ អចលនទ្រព្យសម្រាប់ការវិនិយោគ ត្រូវតែជាអចលនទ្រព្យតែមួយដែលមានទំហំអប្បបរមា 120 ម៉ែត្រការ៉េ។
•€800,000 (ប្រហែល USD 900,000): ការទិញអចលនទ្រព្យនៅក្នុងទីតាំងដែលមានតម្រូវការខ្ពស់ដូចជា Athens, Thessaloniki និងកោះដ៏ពេញនិយម (មានអ្នករស់នៅច្រើនជាង 3,100 នាក់) រួមទាំង Mykonos និង Santorini ។
ឱកាសដ៏សំខាន់មួយក្នុងការប្រើប្រាស់សិទ្ធិស្នាក់នៅរបស់សហភាពអឺរ៉ុបតាមរយៈការវិនិយោគអចលនទ្រព្យដែលជាលក្ខណៈវិនិច្ឆ័យដែលមានលក្ខណៈសម្បត្តិគ្រប់គ្រាន់ គឺមានន័យថាអ្នកដាក់ពាក្យសុំមិនចាំបាច់រស់នៅក្នុងអចលនទ្រព្យនោះទេ គ្រាន់តែជាម្ចាស់វាប៉ុណ្ណោះ។ ម្ចាស់កម្មសិទ្ធិអាចជួលអចលនទ្រព្យវិនិយោគដើម្បីរកប្រាក់ចំណូល។

មធ្យោបាយវិនិយោគផ្សេងៗ

•កិច្ចសន្យាបែងចែកពេលវេលា ឬជួលសម្រាប់យូនីតសណ្ឋាគារ ឬលំនៅដ្ឋានទេសចរណ៍ដែលមានគ្រឿងសង្ហារិមបំពាក់រួចជាស្រាច់ រយៈពេលយ៉ាងតិច 10 ឆ្នាំ ជាមួយនឹងតម្លៃអប្បបរមា €400,000 (ប្រហែល USD 450,000) ឬ €800,000 (ប្រហែល USD 900,000) អាស្រ័យលើតំបន់ទីតាំងរបស់អចលនទ្រព្យ។
•ប្រាក់បញ្ញើមានកាលកំណត់មិនតិចជាង €500,000 (ប្រហែល 566,000 ដុល្លារអាមេរិក) ដែលធ្វើឡើងជាមួយស្ថាប័នហិរញ្ញវត្ថុដែលកំពុងប្រតិបត្តិការនៅក្នុងប្រទេសក្រិក។
•ការវិនិយោគដើមទុនយ៉ាងហោចណាស់ €500,000 (ប្រហែល USD 566,000 ដូចខាងក្រោម៖
oក្រុមហ៊ុនវិនិយោគអចលនទ្រព្យដែលបានចុះបញ្ជីជាសាធារណៈផ្តោតលើអចលនទ្រព្យក្រិក។
oក្រុមហ៊ុនវិនិយោគ closed-end; មូលនិធិ mutual;
oឬក្រុមហ៊ុនដែលបានចុះបញ្ជីនៅប្រទេសក្រិកតាមរយៈការបង្កើនដើមទុន ឬដោយការទិញមូលបត្របំណុលដែលមានបំណងសម្រាប់ការជួញដូរនៅលើទីផ្សារក្រិកដែលមានការគ្រប់គ្រង ឬពហុភាគី។
•ការទិញយកមូលបត្របំណុលប្រទេសក្រិកដែលមានតម្លៃអប្បបរមា €500,000 (ប្រហែល USD 566,000 នៅសល់រយៈពេលយ៉ាងតិចបីឆ្នាំ។ ការទិញត្រូវតែធ្វើឡើងតាមរយៈស្ថាប័នហិរញ្ញវត្ថុប្រទេសក្រិក។
•ការទិញភាគហ៊ុនដែលបានចុះបញ្ជី មូលបត្របំណុលសាជីវកម្ម ឬមូលបត្របំណុលរដ្ឋាភិបាលក្រិកដែលធ្វើឡើងនៅលើការផ្លាស់ ដែលមានការគ្រប់គ្រង ឬវេទិកាពាណិជ្ជកម្មពហុភាគី។ ការវិនិយោគសរុបយ៉ាងហោចណាស់ €800,000 (ប្រហែល 900,000 ដុល្លារអាមេរិក)។
•ការវិនិយោគយ៉ាងហោចណាស់ €350,000 (ប្រហែល 396,000 ដុល្លារអាមេរិក) នៅក្នុងមូលនិធិ mutual ក្នុងភាគហ៊ុនដែលបានចុះបញ្ជី មូលបត្របំណុលសាជីវកម្ម ឬសញ្ញាប័ណ្ណរដ្ឋាភិបាលក្រិកនៅលើទីផ្សារផ្លូវការ ឬពហុភាគីនៅក្នុងប្រទេសក្រិក។ ឬនៅក្នុងមូលនិធិវិនិយោគផ្សេងៗដែលមានមូលដ្ឋាននៅប្រទេសក្រិក ឬបណ្ដាប្រទេសនៃសហភាពអឺរ៉ុបផ្សេងទៀត តែផ្តល់មូលនិធិវិនិយោគតែលើទ្រព្យសម្បត្តិក្រិកប៉ុណ្ណោះ។
អ្នកកាន់ទិដ្ឋាការមាសរបស់ប្រទេសក្រិក (Greece Golden Visa) ក៏ត្រូវបានអនុញ្ញាតឱ្យទទួលបានប្រាក់ចំណូលពីភាគលាភនៃការវិនិយោគទាំងនេះនៅក្នុងប្រទេសក្រិកផងដែរ ប៉ុន្តែមិនត្រូវបានអនុញ្ញាតឱ្យធ្វើការនៅក្នុងប្រទេសក្រិកទេ។
រាល់ការវិនិយោគខាងលើត្រូវតែរក្សាទុកដោយអ្នកដាក់ពាក្យ ដើម្បីរក្សាសិទ្ធិស្នាក់នៅ។

អត្ថប្រយោជន៍នៃទិដ្ឋាការមាសរបស់ប្រទេសក្រិក (Greece Golden Visa)

កម្មវិធីទិដ្ឋាការមាសរបស់ប្រទេសក្រិកផ្តល់នូវអត្ថប្រយោជន៍សំខាន់ៗមួយចំនួនរួមមានៈ

គ្មានតម្រូវការស្នាក់នៅទីនោះផ្ទាល់គិតជាអប្បបរមា

សិទ្ធិស្នាក់នៅត្រូវបានផ្តល់ឱ្យអ្នកដាក់ពាក្យដែលមានសិទ្ធិដោយមិនចាំបាច់រស់នៅក្នុងប្រទេសក្រិកជាប់លាប់។ អ្នកដាក់ពាក្យនឹងទទួលបានប័ណ្ណស្នាក់នៅដែលមានសុពលភាពរយៈពេល 5 ឆ្នាំ ហើយអាចស្នើបន្តសពុលភាពជាថ្មីដោយគ្មានកំណត់ ដរាបណាការវិនិយោគត្រូវបានរក្សាទុក។
វាក៏មិនមានកំណត់ពេលវេលាណាមួយ ដែលអ្នកកាន់ទិដ្ឋាការត្រូវស្ថិតនៅក្នុងប្រទេសក្រិក ដើម្បីរក្សាសិទ្ធិស្នាក់នៅនោះទេ។
បន្ទាប់ពីរយៈពេល 7 ឆ្នាំនៃការស្នាក់នៅស្របច្បាប់ និងបំពេញតាមតម្រូវការភាសា និងតម្រូវការផ្សេងៗ វិនិយោគិនអាចដាក់ពាក្យសុំសញ្ជាតិក្រិក និងលិខិតឆ្លងដែនអឺរ៉ុប។ សូមចំណាំថា ដើម្បីមានសិទ្ធិទទួលបានសញ្ជាតិនៅក្នុងសហភាពអឺរ៉ុប រដ្ឋាភិបាលក្រិកតម្រូវឱ្យអ្នកដាក់ពាក្យសុំ រស់នៅក្នុងប្រទេសក្រិកពិតប្រាកដរយៈពេលប្រាំពីរឆ្នាំមុនពេលដាក់ពាក្យ។ នេះមានន័យថា អ្នកដាក់ពាក្យត្រូវតែមានវត្តមានក្នុងប្រទេសក្រិកច្រើនជាង 6 ខែក្នុងមួយឆ្នាំសម្រាប់រយៈពេល 7 ឆ្នាំមុននឹងឈានដល់ការដាក់ពាក្យស្នើសុំ។

ការរួមបញ្ចូលសមាជិកគ្រួសារ

កម្មវិធីនេះអាចរួមបញ្ចូល ប្តី/ប្រពន្ធ កូន (រហូតដល់អាយុ 21 ឆ្នាំ) និងឪពុកម្តាយរបស់អ្នកដាក់ពាក្យចម្បង និងរបស់ប្តី/ប្រពន្ធផងដែរ។

កម្មវិធីភ្ញៀវវិនិយោគិនរបស់ប្រទេសហុងគ្រី (Hungary’s Guest Investor Program)៖ កម្មវិធីថ្មីក្នុងចំណោមកម្មវិធីដ៏ទៃ

កម្មវិធីភ្ញៀវវិនិយោគិនរបស់ប្រទេសហុងគ្រី (ឬទិដ្ឋាការមាសហុងគ្រី – Hungary Golden Visa) គឺជាការបន្ថែមនាពេលថ្មីៗនេះចូលកម្មវិធីស្នាក់នៅតាមតរយៈការវិនិយោគរបស់អឺរ៉ុប។ ដូចជាកម្មវិធីព័រទុយហ្គាល់ និងក្រិក កម្មវិធីភ្ញៀវវិនិយោគិន របស់ប្រទេសហុងគ្រីដែលបានចាប់ផ្តើមនៅឆ្នាំ 2024 ត្រូវបានណែនាំជាមធ្យោបាយទាក់ទាញការវិនិយោគបរទេសដើម្បីជួយពង្រឹងសេដ្ឋកិច្ច។ កម្មវិធីភ្ញៀវវិនិយោគិន ត្រូវបានរចនាឡើងសម្រាប់ជនមិនមានសញ្ជាតិសហភាពអឺរ៉ុប និងសមាជិកគ្រួសាររបស់ពួកគេ។ កម្មវិធីនេះផ្តល់នូវដំណើរសិទ្ធិស្នាក់នៅប្រកបដោយប្រសិទ្ធភាពតាមរយៈការរួមចំណែកផ្នែកហិរញ្ញវត្ថុដែលមានលក្ខណៈគ្រប់គ្រាន់ ការចេញទិដ្ឋាការមាសដែលមានសុពលភាពរយៈពេលដប់ (10) ឆ្នាំ ដែលអាចស្នើបន្តបានសម្រាប់រយៈពេលដប់ (10) ឆ្នាំបន្ថែម។

ជម្រើសនៃការវិនិយោគ និងតម្រូវការ

ដើម្បីមានលក្ខណៈគ្រប់គ្រាន់សម្រាប់កម្មវិធីភ្ញៀវវិនិយោគិនរបស់ហុងគ្រី អ្នកដាក់ពាក្យត្រូវជ្រើសរើសជម្រើសវិនិយោគមួយក្នុងចំណោមជម្រើសវិនិយោគខាងក្រោម៖
€250,000 (ប្រហែល USD 283,000): ការវិនិយោគលើមូលនិធិអចលនទ្រព្យហុងគ្រីដែលបានអនុម័ត ដែលគាំទ្រការអភិវឌ្ឍន៍លំនៅដ្ឋាន និងពាណិជ្ជកម្មនៅទូទាំងប្រទេស។ ការវិនិយោគត្រូវរក្សាទុកយ៉ាងហោចណាស់ 5 ឆ្នាំ។
€1,000,000 (ប្រហែល USD 1,132,500)៖ ការបរិច្ចាគដល់មូលនិធិសាធារណៈរបស់ប្រទេសហុងគ្រី ដែលគាំទ្រគំនិតផ្តួចផ្តើមផ្នែកវប្បធម៌ ការអប់រំ ឬវិទ្យាសាស្ត្រ ដើម្បីការពារផលប្រយោជន៍ជាតិហុងគ្រី។

អត្ថប្រយោជន៍នៃកម្មវិធីភ្ងៀវវិនិយោគិនហុងគ្រី / ទិដ្ឋាការមាសហុងគ្រី (Hunagry Golden Visa)

កម្មវិធីស្នាក់នៅរបស់ប្រទេសហុងគ្រីផ្តល់នូវអត្ថប្រយោជន៍ជាច្រើនសម្រាប់អ្នកដែលចង់សិទ្ធិស្នាក់នៅនៅអឺរ៉ុប៖

គ្មានតម្រូវការស្នាក់នៅទីនោះផ្ទាល់គិតជាអប្បបរមា

អ្នកដាក់ពាក្យ មិនតម្រូវឱ្យស្នាក់នៅជាប់លាប់នៅក្នុងប្រទេសហុងគ្រីទេ ហើយមិនមានកំណត់ពេលវេលាដែលអ្នកដាក់ពាក្យត្រូវតែនៅក្នុងប្រទេសហុងគ្រីនោះទេ។
ទោះយ៉ាងណាក៏ដោយ នៅពេលដែលអ្នកដាក់ពាក្យបានទទួលទិដ្ឋាការភ្ញៀវវិនិយោគ របស់ពួកគេ ពួកគេត្រូវតែធ្វើដំណើរទៅប្រទេសហុងគ្រី។ ត្រូវធ្វើដំណើរទៅប្រទេសហុងគ្រី ដើម្បីបញ្ចប់ការវិនិយោគរបស់ពួកគេ។ ការវិនិយោគត្រូវតែធ្វើឡើងក្នុងរយៈពេលបីខែបន្ទាប់ពីទទួលបានទិដ្ឋាការភ្ញៀវវិនិយោគិនរបស់ពួកគេ។ ក្នុងអំឡុងពេលនេះ អ្នកដាក់ពាក្យត្រូវដាក់ពាក្យសុំលិខិតអនុញ្ញាតស្នាក់នៅ ជាមួយអាជ្ញាធរអន្តោប្រវេសន៍ ឬតាមរយៈវេទិកាអេឡិចត្រូនិក ក្នុងរយៈពេល 93 ថ្ងៃនៃការចូលប្រទេសហុងគ្រី។
នៅពេលដែលដំណើរការនេះត្រូវបានបញ្ចប់ មិនចាំបាច់ធ្វើដំណើរទៅហុងគ្រីទៀតទេ។

ដំណើរការ លឿន

លិខិតអនុញ្ញាតស្នាក់នៅអាចត្រូវបានចេញក្នុងរយៈពេល 2-3 ខែបន្ទាប់ពីការអនុម័តកម្មវិធី ដោយផ្តល់នូវជម្រើសលឿនជាងមធ្យោបាយអន្តោប្រវេសន៍ប្រពៃណីជាច្រើន។ អ្នកដាក់ពាក្យ និងសមាជិកក្នុងបន្ទុករបស់ពួកគេនឹងទទួលបានប័ណ្ណស្នាក់នៅរយៈពេលវែងដែលមានសុពលភាពរយៈពេល 10 ឆ្នាំ។ សិទ្ធិនេះអនុញ្ញាតឱ្យយើងបន្តឡើងវិញក្នុងរយៈពេល 10 ឆ្នាំទៀត ដរាបណាការវិនិយោគអប្បបរមាត្រូវបានរក្សាទុក។

សិទ្ធិសម្រាប់គ្រួសារ

កម្មវិធីនេះអនុញ្ញាតឱ្យដាក់បញ្ចូលប្តី/ប្រពន្ធ និងកូនក្នុងបន្ទុក (ក្រោមអាយុ 18 ឆ្នាំ) ដែលអនុញ្ញាតឱ្យគ្រួសារផ្លាស់ប្តូរទីលំនៅជាមួយគ្នា។

ប្រសិទ្ធភាពនៃតម្លៃដើមទុន

ជាមួយនឹងកម្រិតវិនិយោគចាប់ផ្តើមពី €250,000 (ប្រហែល USD 283,000) ហុងគ្រីជាជម្រើសមួយក្នុងចំណោមជម្រើសដែលមានតម្លៃសមរម្យជាងក្នុងចំណោមកម្មវិធីស្នាក់នៅរបស់សហភាពអឺរ៉ុប។

ដំណើរការកម្មវិធី

ការដាក់ពាក្យសុំប័ណ្ណស្នាក់នៅក្នុងទ្វីបអឺរ៉ុបតាមរយៈការវិនិយោគអាចហាក់ដូចជាស្មុគស្មាញនៅពេលចាប់ផ្ដើម ដោយមានតម្រូវការ និងនីតិវិធីអនុលោមភាពជាច្រើន ប៉ុន្តែជាមួយនឹងការរៀបចំ និងការណែនាំត្រឹមត្រូវ វាអាចជាដំណើរការរលូន។
សូមមើលខាងក្រោមសម្រាប់ការវិភាគនៃដំណើរការធម្មតា៖

ការជ្រើសរើសប្រភេទវិនិយោគ និងអចលនទ្រព្យ

ជំហានដំបូងគឺកំណត់អត្តសញ្ញាណប្រទេស និងមធ្យោបាយវិនិយោគដែលស័ក្តិសមបំផុតចំពោះគោលដៅហិរញ្ញវត្ថុ និងចំណូលចិត្តរបៀបរស់នៅរបស់អ្នក។ នេះគឺជាការពិចារណាដ៏សំខាន់មួយ ដោយសារកម្មវិធីនីមួយៗមានលក្ខណៈវិនិច្ឆ័យសិទ្ធិទទួលបានជាក់លាក់ និងកម្រិតនៃការវិនិយោគអប្បបរមាខុសគ្នា។

ការត្រួតពិនិត្យ និងការពិចារណាផ្នែកច្បាប់

ការត្រួតពិនិត្យគឺមានសារៈសំខាន់ ដោយសារកម្មវិធីនីមួយៗទាមទារការវិនិយោគយ៉ាងច្រើន។ យើងណែនាំឱ្យពិនិត្យមើល និងធានាថាការវិនិយោគរបស់អ្នកនឹងបំពេញតម្រូវការសិទ្ធិទទួលបាន និងការអនុលោមតាមលក្ខខណ្ឌ។ ឧទាហរណ៍មួយចំនួននៃការនេះរួមមានការបញ្ជាក់ពីមូលនិធិ ឬសិទ្ធិទទួលបានអចលនទ្រព្យ ការពិនិត្យមើលកិច្ចសន្យា និងការរៀបចំការបកប្រែ ឬវិញ្ញាបនប័ត្រចាំបាច់ណាមួយ។

ការដាក់ពាក្យស្នើសុំ និងឯកសារចាំបាច់

នៅពេលដែលការវិនិយោគត្រូវបានបង្កើតឡើង បេក្ខជនត្រូវដាក់ពាក្យស្នើសុំសិទ្ធិស្នាក់នៅ រួមជាមួយនឹងឯកសារគាំទ្រដូចជា ភស្តុតាងនៃការវិនិយោគ ការត្រួតពិនិត្យប្រវត្តរូប ការធានារ៉ាប់រងផ្នែកវេជ្ជសាស្រ្ត និងអត្តសញ្ញាណសម្រាប់សមាជិកគ្រួសារទាំងអស់ដែលមាននៅក្នុងពាក្យសុំ។

ពេលវេលាដំណើរការ និងដំណាក់កាលអនុម័ត

ពេលវេលាដំណើរការនឹងប្រែប្រួលទៅតាមប្រទេស។ កម្មវិធីទិដ្ឋាការមាសរបស់ប្រទេសព័រទុយហ្គាល់ និងក្រិក ជាទូទៅចំណាយពេល 2-3 ខែ ខណៈដែលប្រទេសម៉ាល់តា និងហុងគ្រីអាចផ្តល់ពេលវេលាអនុម័តលឿនជាងបន្តិច។ កម្មវិធីភាគច្រើននឹងចេញប័ណ្ណស្នាក់នៅបណ្តោះអាសន្ន ឬអាចស្នើរបន្តឡើងវិញនៅអឺរ៉ុបជាមុនសិន ជាមួយនឹងជម្រើសសម្រាប់សិទ្ធិស្នាក់នៅអចិន្ត្រៃយ៍ ឬសញ្ជាតិនៅក្នុងសហភាពអឺរ៉ុប បន្ទាប់ពីចំនួនកំណត់នៃឆ្នាំ។

បញ្ហាប្រឈមទូទៅ និងវិធីយកឈ្នះ

ខណៈពេលដែលកម្មវិធីទាំងនេះផ្តល់នូវមធ្យោបាយច្បាស់លាស់ និងងាយស្រួលសម្រាប់ការទទួលបានសិទ្ធិស្នាក់នៅនៅអឺរ៉ុប អ្នកដាក់ពាក្យតែងតែប្រឈមមុខនឹងបញ្ហាមួយចំនួននៅក្នុងដំណើរការ។ បញ្ហាប្រឈមទូទៅមួយចំនួនរួមមាន:

ការយល់ដឹងអំពីបទប្បញ្ញត្តិក្នុងស្រុក និងតម្រូវការអនុលោមភាព

កម្មវិធីនីមួយៗមានច្បាប់តឹងរឹងលើសិទ្ធិសម្រាប់ការវិនិយោគ តើការវិនិយោគត្រូវកាន់កាប់រយៈពេលប៉ុន្មាន និងនីតិវិធីរដ្ឋបាលដែលត្រូវការ។ ការយល់ដឹងអំពីតម្រូវការទាំងនេះមានសារៈសំខាន់ណាស់ ព្រោះការខកខានបំពេញតាម អាចនាំឱ្យមានការពន្យារពេល ឬការបដិសេធលើពាក្យសុំតែម្ដង។

ការគ្រប់គ្រងឧបសគ្គភាសា និងភាពខុសគ្នានៃវប្បធម៌

ឯកសារច្បាប់ ប្រតិបត្តិការអចលនទ្រព្យ និងទម្រង់ពាក្យស្នើរបស់រដ្ឋាភិបាល និងដំណើរការនានានឹងត្រូវបំពេញជាភាសាក្នុងស្រុករបស់ប្រទេសនោះ។ គួរធ្វើការជាមួយអ្នកច្បាប់ដែលមានជំនាញពហុភាសា និងការស្នើសិទ្ធិស្នាក់នៅសហភាពអឺរ៉ុបដោយអ្នកជំនាញវិនិយោគអចលនទ្រព្យដែលអាចជួយដោះស្រាយបញ្ហាទំនាក់ទំនង។នៅពេលដែលត្រូវធ្វើការវិនិយោគ អ្នកដាក់ពាក្យត្រូវស្នើសុំសិទ្ធិស្នាក់នៅ រួមជាមួយនឹងឯកសារគាំទ្រដូចជា ភស្តុតាងនៃការវិនិយោគ ការត្រួតពិនិត្យប្រវត្តរូប ការធានារ៉ាប់រងផ្នែកវេជ្ជសាស្រ្ត និងអត្តសញ្ញាណសម្រាប់សមាជិកគ្រួសារទាំងអស់ដែលមាននៅក្នុងពាក្យសុំ។

សរុបសេចក្តី៖ តើទិដ្ឋាការមាសនៅអឺរ៉ុប ត្រឹមត្រូវសម្រាប់អ្នកទេដែរឬទេ?

ការទទួលបានប័ណ្ណផ្ដល់សិទ្ធិស្នាក់នៅនៅអឺរ៉ុប (Residence Permit) ដែលជួនកាលគេស្គាល់ថាជាទិដ្ឋាការមាស កម្មវិធីនេះផ្តល់សិទ្ធិស្នាក់នៅអឺរ៉ុបដែលជាកន្លែងដ៏ល្អបំផុតមួយចំនួនសម្រាប់ការរស់នៅក្នុងទ្វីបអឺរ៉ុប។ មានសិទ្ធិស្នាក់នៅនៅអឺរ៉ុបក្នុងនាមជាបុគ្គលដែលមិនមានសញ្ជាតិនៃសហភាពអឺរ៉ុបផ្តល់អត្ថប្រយោជន៍សំខាន់ៗជាច្រើនសម្រាប់អ្នកកាន់កាប់។ ជាឧទាហរណ៍ សិទ្ធិស្នាក់នៅនៅអឺរ៉ុប (European Residency) អនុញ្ញាតឱ្យពលរដ្ឋដែលមិនមែនជាសញ្ជាតិនៃសហភាពអឺរ៉ុបអាចរស់នៅ និងធ្វើការដោយស្របច្បាប់នៅក្នុងសហភាពអឺរ៉ុប ដោយមិនចាំបាច់មានទិដ្ឋាការធ្វើដំណើរឆ្លងកាត់តំបន់ Schengen និងទទួលបានការថែទាំសុខភាព និងការអប់រំ។
សិទ្ធិស្នាក់នៅនៅអឺរ៉ុបអាចជាបណ្តោះអាសន្ន ឬអចិន្ត្រៃយ៍។ ការអនុញ្ញាតឱ្យស្នាក់នៅបណ្តោះអាសន្នគឺសម្រាប់ហេតុផលដូចជាការងារ ការជួបជុំគ្រួសារ ឬការសិក្សា។ ការស្នាក់នៅអចិន្ត្រៃយ៍ជាធម្មតាត្រូវបានផ្តល់អោយបន្ទាប់ពីអ្នកដាក់ពាក្យសុំបានបំពេញតាមតម្រូវការជាក់លាក់របស់ប្រទេសមួយ ដែលជាធម្មតារួមបញ្ចូលការស្នាក់នៅក្នុងប្រទេសនោះតាមរយៈពេលកំណត់។ សិទ្ធិស្នាក់នៅអចិន្ត្រៃយ៍ក៏អាចនាំទៅរកភាពជាពលរដ្ឋនៅក្នុងសហភាពអឺរ៉ុបនៅក្នុងប្រទេសមួយចំនួនផងដែរ។
ទោះយ៉ាងណាក៏ដោយ កម្មវិធីនីមួយៗត្រូវការការពិចារណា តម្រូវការ និងការយល់ដឹងអំពីសក្តានុពលរបស់វា។ ការឆ្លៀតពេលដើម្បីធ្វើការស្រាវជ្រាវឱ្យបានហ្មត់ចត់ នឹងជួយធានាលើការសម្រេចចិត្តបានត្រឹមត្រូវ ហើយដំណើរការដាក់ពាក្យសុំរបស់អ្នកមានភាពរលូន អនុលោមតាម និងទទួលបានជោគជ័យ។