កម្មវិធីទិដ្ឋាការមាសដែលមានតម្លៃសមរម្យបំផុតសម្រាប់ឆ្នាំ 2026

The Golden Visa Program is a growing opportunity for Cambodian investors seeking global mobility and long-term security. Through the Golden Visa Cambodia pathway, applicants can secure EU residency for Cambodians with flexible routes such as the Portugal residency by investment Cambodia, as well as programs in Malta, Greece, UAE, Hungary, and Italy.
The Portugal Golden Visa stands out, giving Cambodia investors Golden Visa applicants the right to live, work, and study in Europe, enjoy visa-free Schengen travel, and include family members. With proper investment, it also offers a clear path to Portugal citizenship Cambodia after five years.
With 32+ years of expertise, Harvey Law Group Cambodia immigration helps investors navigate costs, benefits, and requirements to choose the best Golden Visa Program aligned with their goals.

នៅឆ្នាំ 2026 ការទទួលបានទិដ្ឋាការមាសដែលមានតម្លៃសមរម្យបំផុតគឺជាកត្តាដែលអាចសម្រេចបានជាងពេលណាៗទាំងអស់ ជាមួយនឹងជម្រើសចាប់ពីក្រោម USD 100,000។ មិនថាអ្នកកំពុងស្វែងរកកន្លែងស្នាក់នៅទីពីរសម្រាប់ការធ្វើដំណើរជាសកល ការរៀបចំទ្រព្យសម្បត្តិ ឬសញ្ជាតិទីពីរពេលអនាគតទេ ទាំងនេះសុទ្ធសឹងតែមានដំណោះស្រាយសមស្របសម្រាប់ជម្រើសកញ្ចប់ថវិកា។ កម្មវិធីសិទ្ធិស្នាក់នៅរបស់ប្រទេសម៉ាល់តា (Residency via lease) ផ្តល់អត្ថប្រយោជន៍ដ៏រឹងមាំជាច្រើន។

ទិដ្ឋាការមាសបានក្លាយជាជម្រើសដ៏ពេញនិយមសម្រាប់បុគ្គលដែលមានទ្រព្យសម្បត្តិ និងក្រុមគ្រួសាររបស់ពួកគេដែលស្វែងរកដំណើរជីវិតកាន់តែប្រសើរឡើងនៃការធ្វើដំណើរជាសកល សុវត្ថិភាពរយៈពេលវែង និងឱកាសថ្មីៗ។ ទោះបីជាគោលដៅរបស់អ្នករួមមានការធ្វើដំណើរជាអន្តរជាតិកាន់តែទូលំទូលាយ ការទទួលបានប្រព័ន្ធថែទាំសុខភាព និងការអប់រំលំដាប់ពិភពលោក ឬជម្រើសដែលមានរចនាសម្ព័ន្ធឆ្ពោះទៅកាន់ការទទួលបានសញ្ជាតិទីពីរ កម្មវិធីស្នាក់នៅតាមរយៈការវិនិយោគ Residency-by-Investment (RBI) ផ្តល់នូវដំណោះស្រាយដ៏ល្អ។

ខណៈពេលដែលកម្មវិធីខ្លះតម្រូវឱ្យមានការចំណាយច្រើន ប្រទេសមួយចំនួនផ្តល់នូវជម្រើសសមរម្យជាច្រើន ដោយចាប់ផ្តើមក្រោម USD 100,000 ដោយមិនប៉ះពាល់ដល់អត្ថប្រយោជន៍ ឬគុណភាពនៃជីវិត។ ជម្រើសស្នាក់នៅទាំងនេះមានភាពទាក់ទាញជាពិសេសចំពោះវិនិយោគិនដែលស្វែងរកភាពបត់បែនកាន់តែទូលំទូលាយ ស្ថិរភាព និងគុណប្រយោជន៍ផ្ដល់ដោយសកលលោក។

តើកម្មវិធីទិដ្ឋាការមាស (Golden Visa) គឺជាអ្វី?

កម្មទិដ្ឋាការមាសគឺជាមធ្យោបាយសម្រាប់ការទទួលបានសិទ្ធិស្នាក់នៅតាមរយៈការវិនិយោគ (Residency  by Investment -RBI) ដែលផ្តល់ឱ្យបុគ្គលដែលមានសិទ្ធិ និងក្រុមគ្រួសាររបស់ពួកគេនូវសិទ្ធិស្របច្បាប់ក្នុងការរស់នៅក្នុងប្រទេសម្ចាស់ផ្ទះ ជាថ្នូរនឹងការរួមចំណែកផ្នែកសេដ្ឋកិច្ចដែលមានលក្ខណៈសម្បត្តិគ្រប់គ្រាន់។ កម្មវិធីទាំងនេះត្រូវបានរចនាឡើងដើម្បីទាក់ទាញមូលធនពីបរទេស ជំរុញការអភិវឌ្ឍន៍សេដ្ឋកិច្ច និងជំរុញការវិនិយោគក្នុងស្រុក។

ជម្រើសវិនិយោគមានច្រើនទម្រង់ ដែលជម្រើសនីមួយៗផ្តល់អត្ថប្រយោជន៍ផ្សេងៗគ្នា៖

ការវិនិយោគលើអចលនទ្រព្យ

អចលនទ្រព្យនៅតែជាជម្រើសវិនិយោគដ៏ទាក់ទាញបំផុតមួយសម្រាប់កម្មវិធីទិដ្ឋាការមាស Golden Visas ឬ Residency-by-Investment (RBI) ។ ភាពពេញនិយមនោះគឺដោយសារតែការវិនិយោគលើអចលនទ្រព្យអាចផ្តល់នូវរបៀបរស់នៅ ហិរញ្ញវត្ថុ និងអត្ថប្រយោជន៍ផ្នែកច្បាប់។

នៅក្នុងប្រទេសភាគច្រើនដែលផ្តល់កម្មវិធីទិដ្ឋាការមាស ការទិញអចលនទ្រព្យដែលត្រូវបានអនុម័តគឺជាមធ្យោបាយងាយស្រួលបំផុតមួយដើម្បីមានលក្ខណៈគ្រប់គ្រាន់សម្រាប់ការទទួលបានសិទ្ធិស្នាក់នៅ។ វាមិនត្រឹមតែបំពេញតាមតម្រូវការវិនិយោគរបស់កម្មវិធីប៉ុណ្ណោះទេ ប៉ុន្តែថែមទាំងផ្តល់ឱ្យអ្នកនូវភាពជាម្ចាស់នៃទ្រព្យសកម្មរូបវន្តផងដែរ។

ការវិនិយោគលើអចលនទ្រព្យផ្តល់ជូនអ្នកវិនិយោគនូវអត្ថប្រយោជន៍ដូចខាងក្រោម៖

• សុវត្ថិភាពនៃសិទ្ធិស្នាក់នៅ៖ ការទិញអចលនទ្រព្យអាចផ្តល់សិទ្ធិស្នាក់នៅស្របច្បាប់ អនុញ្ញាតឱ្យអ្នកវិនិយោគ និងក្រុមគ្រួសាររបស់ពួកគេអាចរស់នៅ ធ្វើដំណើរ និងធ្វើការ ឬសិក្សានៅប្រទេសជាម្ចាស់ផ្ទះនោះបាន។
• កំណើនទ្រព្យសកម្ម & ប្រាក់ចំណូលអកម្ម៖ អាស្រ័យលើទីតាំង និងលក្ខខណ្ឌទីផ្សារ អចលនទ្រព្យអាចឡើងថ្លៃតាមពេលវេលា ដោយផ្តល់នូវការកើនឡើងដើមទុនរយៈពេលវែង។ លើសពីនេះ ការជួលអចលនទ្រព្យអាចផ្តល់ចំណូលពីការជួលផងដែរ។

ការវិនិយោគលើមូលធន

ការវិនិយោគលើមូលធនជាធម្មតាពាក់ព័ន្ធនឹងការដាក់មូលនិធិទៅក្នុងកម្មវិធីហិរញ្ញវត្ថុដែលត្រូវបានអនុម័តដោយរដ្ឋាភិបាល ដូចជាមូលបត្របំណុលអធិបតេយ្យ មូលនិធិអភិវឌ្ឍន៍ជាតិ ឬគណនីដែលបានកំណត់ជាមួយស្ថាប័នហិរញ្ញវត្ថុដែលមានការគ្រប់គ្រង។

ការវិនិយោគទាំងនេះត្រូវបានរចនាឡើងដើម្បីគាំទ្រដល់កត្តាសាធារណៈ ខណៈពេលដែលជម្រើសនេះអាចផ្ដល់សិទ្ធិស្នាក់នៅសម្រាប់អ្នកដែលមានលក្ខណៈសម្បត្តិគ្រប់គ្រាន់បានដោយងាយស្រួល។

ការវិនិយោគក្នុងអាជីវកម្ម

ជម្រើសវិនិយោគក្នុ្ងអាជីវកម្មពាក់ព័ន្ធនឹងការវិនិយោគនៅក្នុងអាជីវកម្មថ្មី ឬអាជីវកម្មដែលមានស្រាប់នៅក្នុងប្រទេស។ ក្នុងករណីភាគច្រើន អ្នកដាក់ពាក្យត្រូវតែបំពេញតាមលក្ខណៈវិនិច្ឆ័យមួយចំនួន ដូចជាការបង្កើតការងារក្នុងស្រុក ការរួមចំណែកដល់ការអភិវឌ្ឍន៍សេដ្ឋកិច្ច ឬប្រតិបត្តិការក្នុងវិស័យអាទិភាពដែលកំណត់ដោយរដ្ឋាភិបាល។ ជម្រើសនេះគឺស័ក្តិសមជាពិសេសចំពោះសហគ្រិន ឬអ្នកវិនិយោគដែលស្វែងរកទាំងអត្ថប្រយោជន៍នៃសិទិ្ធស្នាក់នៅ និងការចូលរួមយ៉ាងសកម្មនៅក្នុងសេដ្ឋកិច្ចក្នុងតំបន់។

វាមានសារៈសំខាន់ណាស់ក្នុងការស្វែងយល់ពីភាពខុសគ្នារវាងកម្មវិធី Residency-by-Investment (RBI) និង Citizenship-by-Investment (CBI) ។ កម្មវិធី RBI អនុញ្ញាតឱ្យអ្នក និងក្រុមគ្រួសាររបស់អ្នករស់នៅ ធ្វើការ ឬសិក្សានៅប្រទេសផ្សេង ប៉ុន្តែកម្មវិធីទាំងនោះមិនអាចផ្ដល់សញ្ជាតិ ឬលិខិតឆ្លងដែនដោយស្វ័យប្រវត្តិនោះទេ។

កម្មវិធីសញ្ជតិ CBI ដូចជានៅប្រទេស Dominica ឬ Antigua & Barbuda គឺមានភាពខុសគ្នា។ ពួកគេផ្តល់នូវជម្រើសលឿនជាងនេះ ជាធម្មតាត្រឹមតែពីរបីខែប៉ុណ្ណោះ ដើម្បីទទួលបានសញ្ជាតិពេញលេញ និងលិខិតឆ្លងដែនទីពីរ។

ភាពខុសគ្នានេះគឺមានសារៈសំខាន់ណាស់។ ឧទាហរណ៍ ទិដ្ឋាការមាសរបស់ប្រទេសក្រិក អាចផ្តល់សិទ្ធិស្នាក់នៅ បន្ទាប់មកអ្នកត្រូវរស់នៅក្នុងប្រទេសក្រិកយ៉ាងហោចណាស់ប្រាំពីរឆ្នាំ និងបំពេញតម្រូវការផ្សេងទៀត មុនពេលមានសិទ្ធិទទួលបានសញ្ជាតិ។ ដោយមិនដឹងលក្ខខណ្ឌនេះជាមុន វិនិយោគិនដែលកំពុងស្វែងជម្រើសសញ្ជាតិទីពីរអាចនឹងមានការភាន់ច្រលំ។

តើកម្មវិធីនេះសាកសមសម្រាប់អ្នកណា?

អ្នកដាក់ពាក្យកម្មវិធីទិដ្ឋាការមាស Golden Visa មកពីមជ្ឈដ្ឋានផ្សេងៗគ្នា ដែលម្នាក់ៗមានគោលដៅ និងគោលបំណងរាងៗខ្លួន រួមទាំង៖

វិនិយោគិនសកល និងបុគ្គលដែលមានទ្រព្យសម្បត្តិ (HNWIs)

សម្រាប់បុគ្គលដែលមានទ្រព្យសម្បត្តិ សិទ្ធិស្នាក់នៅក្នុងប្រទេសទីពីរ គឺជាផ្នែកមួយនៃយុទ្ធសាស្ត្ររៀបចំទុកដាក់ទ្រព្យសម្បត្តិ។ វាផ្តល់នូវការធ្វើពិពិធកម្មទ្រព្យសកម្ម អត្ថប្រយោជន៍ពន្ធដែលមានសក្តានុពល និងផែនការបម្រុងទុក (Plan B) ក្នុងករណីមានភាពមិនប្រក្រដីផ្នែកនយោបាយ ឬសេដ្ឋកិច្ចក្នុងប្រទេសកំណើត។

អ្នកចូលនិវត្តន៍

អ្នកចូលនិវត្តន៍កាន់តែច្រើនឡើងកំពុងប្រើប្រាស់ទិដ្ឋាការមាស Golden Visas ដើម្បីតាំងលំនៅនៅក្នុងប្រទេសដែលមានគុណភាពជីវិតប្រសើរជាងមុន អាកាសធាតុក្តៅជាងមុន និងលទ្ធភាពទទួលបានសេវាថែទាំសុខភាពដែលមានតម្លៃសមរម្យ។ សិទ្ធិស្នាក់នៅនេះធ្វើឱ្យមានភាពងាយស្រួលក្នុងការចូលនិវត្តន៍នៅបរទេសដោយមិនមានបញ្ហាទិដ្ឋាការ។

សហគ្រិន

ម្ចាស់អាជីវកម្មមើលឃើញថាទិដ្ឋាការមាស Golden Visas គឺជាឱកាសមួយដើម្បីពង្រីកខ្លួនទៅកាន់ទីផ្សារថ្មី ដូចជាសហភាពអឺរ៉ុប ឬដែនដីដែលងាយស្រួលសម្រាប់អាជីវកម្មដូចជានៅ UAE ជាដើម។ សិទ្ធិស្នាក់នៅតាមរយៈទិដ្ឋាការមាស Golden Visa ផ្តល់នូវមូលដ្ឋានស្ថិរភាពសម្រាប់ប្រតិបត្តិការអន្តរជាតិ និងងាយស្រួលចេញចូលឆ្លងព្រំដែន។

អត្ថប្រយោជន៍សំខាន់ៗនៃកម្មវិធីទិដ្ឋាការមាស

ទិដ្ឋាការមាសមិនគ្រាន់តែសម្រាប់ការទទួលបានសិទ្ធិរស់នៅក្នុងប្រទេសមួយផ្សេងទៀតប៉ុណ្ណោះទេ វាគឺជាឱកាសដើម្បីទទួលបានសេរីភាពកាន់តែច្រើន ការការពារហិរញ្ញវត្ថុរបស់អ្នក និងការរៀបចំផែនការសម្រាប់អនាគតប្រកបដោយភាពបត់បែន។

ការធ្វើដំណើរ និងការធ្វើដំណើរដោយងាយស្រួល

ទិដ្ឋាការមាស Golden Visa ផ្តល់ជូនការធ្វើដំណើរជាសកលប្រកបដោយប្រសិទ្ធភាព ដោយផ្តល់ជូនការធ្វើដំណើរដោយគ្មានទិដ្ឋាការ ឬទិដ្ឋាការពេលមកដល់ ទៅកាន់តំបន់សំខាន់ៗ។ ឧទាហរណ៍ កម្មវិធីនៅអឺរ៉ុបផ្តល់សិទ្ធិចូលទៅកាន់តំបន់ Schengen ខណៈពេលដែលលិខិតឆ្លងដែននៅតំបន់ការាបៀន Caribbean តាមរយៈកម្មវិធីសញ្ជាតិ ផ្តល់អាទិភាពសម្រាប់ការធ្វើដំណើរជុំវិញពិភពលោកកាន់តែទូលំទូលាយ រួមទាំងចក្រភពអង់គ្លេស ហុងកុង និងផ្នែកខ្លះនៃតំបន់អាស៊ី។

សិទ្ធិស្នាក់នៅដោយគ្មានការផ្លាស់ទីលំនៅសព្វថ្ងៃ

កម្មវិធីទិដ្ឋាកាសមាស Golden Visa ជាច្រើនអនុញ្ញាតឱ្យអ្នករក្សាសិទ្ធិស្នាក់នៅដោយមិនផ្លាស់ប្តូរទីលំនៅសព្វថ្ងៃ។ នេះមានន័យថាអ្នកអាចមានវត្តមានស្របច្បាប់នៅក្នុងប្រទេសមួយផ្សេងទៀត ដោយមានតម្រូវការស្នាក់នៅតិចតួច ឬគ្មាន ខណៈពេលដែលបន្តជីវិតរស់នៅ និងអាជីវកម្មរបស់អ្នកនៅប្រទេសផ្សេង។

មធ្យោបាយឆ្ពោះទៅកាន់ការចូលញ្ជាតិ

កម្មវិធីខ្លះផ្តល់ជម្រើសដើម្បីទទួលបានសញ្ជាតិ និងលិខិតឆ្លងដែនទីពីរតាមពេលវេលាកំណត់ និងតម្រូវការខុសគ្នាគួរកត់សម្គាល់។ ប្រទេសដូចជាព័រទុយហ្គាល់ផ្តល់នូវជម្រើសដ៏ល្អ ខណៈពេលដែលប្រទេសផ្សេងទៀតដូចជាក្រិក ឬអេស្ប៉ាញ ត្រូវការវត្តមានក្នុងប្រទេសផ្ទាល់រយៈពេលយូរ។

ការយល់ដឹងអំពីកម្មវិធីដែលផ្តល់សញ្ជាតិ និងតម្រូវការផ្សេងៗ អនុញ្ញាតឱ្យអ្នកជ្រើសរើសកម្មវិធីដែលត្រូវនឹងគោលដៅរយៈពេលវែងរបស់អ្នក ឧទាហរណ៍ សញ្ជាតិទីពីរនាពេលអនាគត ឬគ្រាន់តែជាសិទ្ធិស្នាក់នៅអចិន្ត្រៃយ៍។

ការធ្វើពិពិធកម្មលើការវិនិយោគ

ការវិនិយោគតាមរយៈកម្មវិធីទិដ្ឋាការមាស Golden Visa ក៏អនុញ្ញាតឱ្យអ្នកវិនិយោគរៀបចំបែងចែកទ្រព្យសម្បត្តិរបស់ពួកគេនៅទូទាំងទីផ្សារផ្សេងៗគ្នាផងដែរ។ មិនថាវាជាទ្រព្យសម្បត្តិ ដើមទុនដែលកាន់កាប់ជារូបិយប័ណ្ណបរទេស ឬភាគហ៊ុននៅក្នុងអាជីវកម្មក្រៅប្រទេសនោះទេ ការធ្វើពិពិធកម្មប្រភេទនេះជួយការពារទ្រព្យសម្បត្តិរបស់អ្នកពីការផ្លាស់ប្តូរហាងឆេងរូបិយប័ណ្ណ ការផ្លាស់ប្តូរបទប្បញ្ញត្តិ និងភាពមិនច្បាស់លាស់ផ្នែកនយោបាយ។

ប្រទេសដែលផ្តល់ទិដ្ឋាការមាសដែលមានតម្លៃសមរម្យបំផុតនៅឆ្នាំ 2026

ការធ្វើចំណាកស្រុកតាមរយៈការវិនិយោគតែងតែមានការផ្លាស់ប្តូរ កម្មវិធីតែងធ្វើបច្ចុប្បន្នភាផ្នែកពច្បាប់ និងអត្ថប្រយោជន៍។ ខាងក្រោមនេះ គឺជាជម្រើសចំនួនប្រាំបួននៃទិដ្ឋាការមាសដែលសក្ដានុពលបំផុតដែលត្រូវពិចារណាក្នុងឆ្នាំ 2026។

ប្រទេសព័រទុយហ្គាល់

ទិដ្ឋាការមាសរបស់ប្រទេសព័រទុយហ្គាល់គឺជាកម្មវិធីស្នាក់នៅតាមរយៈការវិនិយោគដែលមានភាពទាក់ទាញបំផុតរបស់អឺរ៉ុប។ កម្មវិធីនេះបានបើកដំណើរការក្នុងឆ្នាំ 2012 វាផ្តល់នូវជម្រើសស្របច្បាប់ទៅកាន់ការទទួលបានសិទ្ធិស្នាក់នៅក្នុងសហភាពអឺរ៉ុបសម្រាប់ជនជាតិមិនមែនមកពីសហភាពអឺរ៉ុប តាមរយៈការវិនិយោគដែលមានលក្ខណៈសម្បត្តិគ្រប់គ្រាន់ ដោយផ្តល់អត្ថប្រយោជន៍រយៈពេលវែងសម្រាប់អ្នកវិនិយោគសកល និងក្រុមគ្រួសាររបស់ពួកគេ។

តម្រូវការកម្មវិធីទិដ្ឋាការមាសប្រទេសព័រទុយហ្គាល់ Portugal Golden Visa

ដើម្បីមានលក្ខណៈគ្រប់គ្រាន់សម្រាប់ទិដ្ឋាការមាសរបស់ប្រទេសព័រទុយហ្គាល់ វិនិយោគិនត្រូវតែធ្វើការបណ្តាក់ទុនអប្បបរមានៅក្នុងប្រភេទវិនិយោគមួយក្នុងចំណោមប្រភេទខាងក្រោម៖

• ការវិនិយោគក្នុងគម្រោង​មូលនិធិ៖ វិនិយោគយ៉ាងហោចណាស់ €500,000 នៅក្នុងមូលនិធិវិនិយោគក្នុងប្រទេសព័រទុយហ្គាល់ដែលមានលក្ខណៈសម្បត្តិគ្រប់គ្រាន់។ មូលនិធិដែលបានជ្រើសរើសត្រូវតែផ្តោតលើមូលធននីយកម្មរបស់ក្រុមហ៊ុនព័រទុយហ្គាល់ មានអាយុកំណត់យ៉ាងតិចប្រាំឆ្នាំ និងបែងចែកយ៉ាងហោចណាស់ 60% នៃផលប័ត្ររបស់ខ្លួនដល់អាជីវកម្មដែលមានទីស្នាក់ការកណ្តាលនៅប្រទេសព័រទុយហ្គាល់។
• ការបង្កើតក្រុមហ៊ុន៖ បង្កើតក្រុមហ៊ុនព័រទុយហ្គាល់ដែលអាចផ្ដល់ការងារយ៉ាងហោចណាស់ 10 (ឬការងារថ្មី 8 នៅក្នុងតំបន់ដែលមានដង់ស៊ីតេប្រជាជនទាប)។

ការវិនិយោគចំនួន €500,000 ដើម្បីបញ្ចូលក្រុមហ៊ុនពាណិជ្ជកម្មដែលត្រូវបានចុះបញ្ជី និងមានទីស្នាក់ការកណ្តាលនៅក្នុងប្រទេសព័រទុយហ្គាល់ បង្កើតការងារអចិន្ត្រៃយ៍យ៉ាងតិចចំនួន 5 យ៉ាងហោចណាស់បីឆ្នាំ។ ម៉្យាងទៀត ការវិនិយោគអាចពាក់ព័ន្ធនឹងការបង្កើនដើមទុនរបស់ក្រុមហ៊ុនដែលមានស្រាប់ បង្កើតការងារអចិន្ត្រៃយ៍យ៉ាងតិច 5 ឬរក្សាបានយ៉ាងហោចណាស់ 10 ការងារសម្រាប់រយៈពេលបីឆ្នាំ។

• គម្រោងស្រាវជ្រាវផ្នែកវិទ្យាសាស្ត្រ ឬគម្រោងបច្ចេកវិទ្យា៖ បរិច្ចាគអប្បបរមាចំនួន €500,000 ដល់ស្ថាប័នស្រាវជ្រាវវិទ្យាសាស្ត្រសាធារណៈ ឬឯកជន។ ការវិនិយោគចំនួន €400,000 អាចមានជាជម្រើស ប្រសិនបើមូលនិធិនេះត្រូវបានវិនិយោគនៅក្នុងគម្រោង មានទីតាំងនៅតំបន់ដង់ស៊ីតេប្រជាជន គាំទ្រដល់ការអភិវឌ្ឍន៍ក្នុងតំបន់ និងការច្នៃប្រឌិត។
• ការគាំទ្របេតិកភណ្ឌវប្បធម៌៖ បរិច្ចាគ €250,000 ដើម្បីអភិរក្សបេតិកភណ្ឌវប្បធម៌របស់ប្រទេសព័រទុយហ្គាល់ ឬគាំទ្រផលិតកម្មសិល្បៈ។ ការរួមចំណែកនេះត្រូវតែដឹកនាំតាមរយៈស្ថាប័នសាធារណៈដែលបានអនុម័ត ឬមូលនិធិឯកជនដែលទទួលស្គាល់សម្រាប់សេវាកម្មសាធារណៈរបស់ពួកគេ។

បន្ទាត់ពេលវេលា និងមធ្យោបាយទៅកាន់ការចូលសញ្ជាតិ

ប័ណ្ណស្នាក់នៅអាចបន្តរៀងរាល់ 2 ឆ្នាំម្តង។ បន្ទាប់ពីរយៈពេល 5 ឆ្នាំ វិនិយោគិនអាចដាក់ពាក្យសុំសិទ្ធិស្នាក់នៅអចិន្ត្រៃយ៍ ឬសញ្ជាតិព័រទុយហ្គាល់ ដែលស្ថិតនៅក្រោមជំនាញភាសាជាមូលដ្ឋាន និងមានកំណត់ត្រាឧក្រិដ្ឋកម្មស្អាតស្អំ។

សូមចំណាំ អ្នកដាក់ពាក្យត្រូវតែរក្សាការវិនិយោគសម្រាប់រយៈពេលយ៉ាងតិច 5 ឆ្នាំ។ ដើម្បីរក្សាសិទ្ធិទទួលបានក អ្នកដាក់ពាក្យសុំគ្រាន់តែចំណាយពេលយ៉ាងតិច 14 ថ្ងៃនៅក្នុងប្រទេសព័រទុយហ្គាល់ក្នុងរយៈពេល 2 ឆ្នាំម្តង (រួមទាំង 7 ថ្ងៃក្នុងឆ្នាំដំបូង)។

ព័រទុយហ្គាល់អនុញ្ញាតឱ្យមានសញ្ជាតិពីរ ដែលធ្វើឲ្យកម្មវិធីនេះមានភាពទាក់ទាញជាពិសេសសម្រាប់ការធ្វើដំណើរជាសកល និងផែនការសម្រាប់លិខិតឆ្លងដែនទីពីរ។

អត្ថប្រយោជន៍នៃទិដ្ឋាការមាសរបស់ប្រទេសព័រទុយហ្គាល់

• សិទ្ធិស្នាក់នៅស្របច្បាប់នៅក្នុងប្រទេសមួយក្នុងចំណោមប្រទេសដែលមានស្ថិរភាព និងទទួលស្វាគមន៍បំផុតរបស់អឺរ៉ុប
• ការធ្វើដំណើរដោយគ្មានទិដ្ឋាការឆ្លងកាត់តំបន់ Schengen រយៈពេល 90 ថ្ងៃក្នុងរយៈពេល 180 ថ្ងៃ។
• ការទទួលបានប្រព័ន្ធថែទាំសុខភាព និងវិស័យអប់រំក្នុងប្រទេសព័រទុយហ្គាល់
• ឱកាសដើម្បីដាក់ពាក្យសុំសញ្ជាតិព័រទុយហ្គាល់បន្ទាប់ពីប្រាំឆ្នាំ
• តម្រូវការស្នាក់នៅតិចតួចបំផុត: 14 ថ្ងៃក្នុងរយៈពេល 2 ឆ្នាំ (រួមទាំង 7 ថ្ងៃក្នុងឆ្នាំដំបូង)
• ការរាប់បញ្ចូលសមាជិកគ្រួសារ៖ ប្តីប្រពន្ធ កូនក្នុងបន្ទុក និងឪពុកម្តាយអាចត្រូវបានរួមបញ្ចូល

ទិដ្ឋាការមាសរបស់ប្រទេសព័រទុយហ្គាល់ ផ្តល់ជូននូវជម្រើសស្នាក់នៅប្រកបដោយតុល្យភាព និងសម្រាប់អនាគត ដោយរួមបញ្ចូលគ្នានូវភាពបត់បែននៃការវិនិយោគជាមួយនឹងការចូលទៅកាន់សហភាពអឺរ៉ុប និងគុណភាពជីវិតដ៏ពិសេសមួយ។

ប្រទេសម៉ាល់តា

កម្មវិធីស្នាក់នៅរបស់ប្រទេសម៉ាល់តា (MPRP) ដែលជារឿយៗហៅថាជាទិដ្ឋាការមាសប្រទេសម៉ាល់តា អនុញ្ញាតឱ្យជនជាតិមិនមែនមកពីសហភាពអឺរ៉ុបទទួលបានសិទ្ធិស្នាក់នៅមិនកំណត់ក្នុងប្រទេសម៉ាល់តា តាមរយៈការវិនិយោគដែលមានលក្ខណៈសម្បត្តិគ្រប់គ្រាន់។ កម្មវិធីនេះត្រូវបានណែនាំនៅឆ្នាំ 2021 កម្មវិធីនេះត្រូវបានរចនាឡើងដើម្បីទាក់ទាញមូលធនពីបរទេស និងគាំទ្រកំណើនសេដ្ឋកិច្ច ខណៈពេលដែលផ្តល់ជូនអ្នកវិនិយោគនូវមូលដ្ឋានសុវត្ថិភាពនៅក្នុងសហភាពអឺរ៉ុប។

ជម្រើសវិនិយោគ និងការរួមចំណែកសម្រាប់ទិដ្ឋាការមាសប្រទេសម៉ាល់តា

អ្នកដាក់ពាក្យត្រូវតែទិញអចលនទ្រព្យនៅក្នុងប្រទេសម៉ាល់តាជាមួយនឹងតម្លៃអប្បបរមា €375,000 ឬជួលអចលនទ្រព្យយ៉ាងហោចណាស់ €14,000 ក្នុងមួយឆ្នាំ ដែលទាំងពីរនេះត្រូវតែរក្សារយៈពេល 5 ឆ្នាំ។

បន្ថែមពីលើការវិនិយោគលើអចលនទ្រព្យ អ្នកវិនិយោគត្រូវតែចូលរួមចំណែកជាមួយរដ្ឋាភិបាល៖

• ចូលរួមចំណែករដ្ឋាភិបាលចំនួន €37,000,
• បរិច្ចាគ€ 2,000 ដល់អង្គការក្រៅរដ្ឋាភិបាល Maltese ដែលបានចុះឈ្មោះ និង;
• បង់ថ្លៃរដ្ឋបាលដែលមិនអាចដកវិញបានចំនួន €60,000 (សម្រាប់អ្នកដាក់ពាក្យចម្បង ប្តី/ប្រពន្ធ និងកូនអនីតិជន)។
• ថ្លៃរដ្ឋបាលបន្ថែម €7,500 សម្រាប់សមាជិកពេញវ័យបន្ថែមនីមួយៗ ដែលរួមបញ្ចូលក្នុងកម្មវិធីពាក្យស្នើរ។

សិទ្ធិទទួលបាន និងតម្រូវការសម្រាប់ទិដ្ឋាការមាសប្រទេសម៉ាល់តា

ដើម្បីមានលក្ខណៈសម្បត្តិគ្រប់គ្រាន់ អ្នកដាក់ពាក្យត្រូវមានអាយុយ៉ាងតិច 18 ឆ្នាំ មិនមានប្រវត្តិព្រហ្មទណ្ឌ។ រក្សាជម្រើសវិនិយោគសម្រាប់រយៈពេល 5 ឆ្នាំដំបូង លក្ខណៈវិនិច្ឆ័យហិរញ្ញវត្ថុមួយក្នុងចំណោមលក្ខណៈវិនិច្ឆ័យហិរញ្ញវត្ថុខាងក្រោម៖

• មានទ្រព្យសម្បត្តិអប្បបរមា €500,000 រួមទាំង €150,000 នៅក្នុងទ្រព្យហិរញ្ញវត្ថុសកម្ម។ ឬ;
• មានទ្រព្យសម្បត្តិអប្បបរមា €650,000 រួមទាំង €75,000 នៅក្នុងទ្រព្យហិរញ្ញវត្ថុសកម្ម។

ខណៈពេលដែលកម្មវិធីនេះមិនតម្រូវឱ្យមានអ្នកវិនិយោគមានលំនៅដ្ឋាននៅក្នុងប្រទេសម៉ាល់តាផ្ទាល់ក៏ដោយ អ្នកដាក់ពាក្យត្រូវតែធ្វើដំណើរទៅកាន់ប្រទេសដើម្បីបំពេញការងាររដ្ឋបាល ដូចជាការចុះឈ្មោះធ្វើជីវមាត្រជាដើម។

អត្ថប្រយោជន៍នៃទិដ្ឋាការមាសម៉ាល់តា

អ្នកដាក់ពាក្យជោគជ័យ និងសមាជិកគ្រួសាររបស់ពួកគេនិងត្រូវបានផ្តល់សិទ្ធិស្នាក់នៅអចិន្ត្រៃយ៍ក្នុងប្រទេសម៉ាល់តា ដែលអនុញ្ញាតឱ្យពួកគេរស់នៅ ធ្វើការ និងសិក្សានៅក្នុងប្រទេស។ ពួកគេក៏រីករាយនឹងការធ្វើដំណើរដោយគ្មានទិដ្ឋាការទូទាំងតំបន់ Schengen រហូតដល់ 90 ថ្ងៃក្នុងរយៈពេល 180 ថ្ងៃ។ ប្រទេសម៉ាល់តាត្រូវបានគេស្គាល់ដោយសារគុណភាពនៃជីវិតរស់នៅ ប្រព័ន្ធថែទាំសុខភាពរឹងមាំ ស្ថិរភាពនយោបាយ និងការប្រើប្រាស់ភាសាអង់គ្លេស។

អ្នករស់នៅរយៈពេលយូរអាចនៅតែបន្តការចូលសញ្ជាតិក្រោមលក្ខខណ្ឌស្តង់ដារ ជាធម្មតាបន្ទាប់ពីរស់នៅក្នុងប្រទេសម៉ាល់តាអស់រយៈពេលជាច្រើនឆ្នាំ។

ប្រទេសក្រិក

ទិដ្ឋាការមាសរបស់ប្រទេសក្រិកនៅតែជាកម្មវិធីស្នាក់នៅតាមរយៈការវិនិយោគដ៏ពេញនិយមបំផុតមួយរបស់អឺរ៉ុប ដោយផ្តល់សិទ្ធិស្នាក់នៅក្នុងសហភាពអឺរ៉ុបរយៈពេល 5 ឆ្នាំដែលអាចបន្តឡើងវិញបានដល់ជនជាតិមិនមែនមកពីសហភាពអឺរ៉ុបដែលវិនិយោគលើអចលនទ្រព្យក្នុងប្រទេសក្រិក។

បន្ទាប់ពីកំណែទម្រង់សំខាន់ៗក្នុងឆ្នាំ 2024 កម្មវិធីនេះបានផ្លាស់ប្តូរការវិនិយោគដែលមានតម្លៃខ្ពស់ជាងមុន ដែលមានគោលបំណងកាត់បន្ថយការទិញតាមមិនស្របលក្ខខណ្ឌ និងរក្សាសិទ្ធិទទួលបានសម្រាប់លំនៅដ្ឋានក្នុងស្រុករបស់ប្រជាជន។

រចនាសម្ព័ន្ធវិនិយោគ

គិតត្រឹមឆ្នាំ 2024 ប្រទេសក្រិកបានណែនាំប្រព័ន្ធវិនិយោគតាមកម្រិតលំដាប់ថ្នាក់។ ជម្រើស €250,000 ឥឡូវនេះអនុវត្តសម្រាប់តែក្នុងករណីមានកំណត់ ជាពិសេសសម្រាប់គម្រោងដែលពាក់ព័ន្ធនឹងការបំប្លែងអចលនទ្រព្យពាណិជ្ជកម្មទៅជាយូនីតលំនៅដ្ឋាន ឬស្ដារអគារប្រវត្តិសាស្ត្រដែលបានចុះបញ្ជីឡើងវិញ។

កម្រិតស្តង់ដារថ្មីគឺជម្រើស €400,000 សម្រាប់តំបន់ភាគច្រើននៅក្នុងប្រទេសក្រិក និង €800,000 សម្រាប់តំបន់ពិសេសដូចជា Athens, Thessaloniki, Mykonos និង Santorini។

កម្រិតទាំងនេះអនុវត្តក្នុងមួយអចលនទ្រព្យ មិនមែនសម្រាប់អ្នកស្នើសុំទេ ហើយការវិនិយោគត្រូវតែស្ថិតនៅក្នុងទ្រព្យសកម្មតែមួយ។

អត្ថប្រយោជន៍នៃកម្មវិធី

កម្មវិធីទិដ្ឋាការមាសប្រទេសក្រិក ផ្តល់ឱ្យអ្នកដាក់ពាក្យជោគជ័យនូវប័ណ្ណស្នាក់នៅដែលអាចបន្តសុពលភាពឡើងវិញបានរយៈពេល 5 ឆ្នាំ ដោយគ្មានតម្រូវការវត្តមានក្នុងប្រទេសផ្ទាល់ ដែលផ្តល់ភាពបត់បែនដល់វិនិយោគិនបានយ៉ាងល្អ។

ទិដ្ឋាការមាសក៏រួមបញ្ចូលជម្រើសសម្រាប់គ្រួសារទាំងមូលផងដែរ រួមទាំងប្តីប្រពន្ធរបស់អ្នកដាក់ពាក្យចម្បង (រួមទាំងគូស្នេហ៍ភេទដូចគ្នា) កុមាររហូតដល់អាយុ 21 ឆ្នាំ និងឪពុកម្តាយទាំងពីរ។

ពេលវេលាដំណើរការជាទូទៅមានល្បឿនលឿន ទោះបីជាមានការពន្យារពេលរបស់រដ្ឋាភិបាល និងកត្តា backlogs នៅក្នុងតំបន់ដែលមានតម្រូវការខ្ពស់ក៏ដោយ។

ដូចគ្នានេះផងដែរ កម្មវិធីនេះក៏ជាមធ្យោបាយដើម្បីទទួលបានសញ្ជាតិ បើទោះបីជាវាតម្រូវឱ្យអ្នកដាក់ពាក្យបំពេញតាមតម្រូវការតឹងរឹងក៏ដោយ។ ជាឧទាហរណ៍ អ្នកដាក់ពាក្យត្រូវតែរស់នៅក្នុងប្រទេសក្រិកយ៉ាងហោចណាស់ 183 ថ្ងៃក្នុងមួយឆ្នាំសម្រាប់រយៈពេល 7 ឆ្នាំជាប់ៗគ្នា ហើយត្រូវឆ្លងកាត់ការប្រឡងចំណេះដឹងភាសាក្រិក និងវប្បធម៌។

ដែនកំណត់នៃទិដ្ឋាការមាសប្រទេសក្រិក

ការផ្លាស់ប្តូរសំខាន់ៗចំពោះកម្មវិធីត្រូវបានណែនាំនៅចន្លោះឆ្នាំ 2024 និង 2025 បានផ្លាស់ប្តូរយ៉ាងកត្តាទាក់ទាញរបស់កម្មវិធីមួយចំនួន។

គួរកត់សំគាល់បំផុត អចលនទ្រព្យដែលទទួលបានតាមរយៈកម្មវិធីទិដ្ឋាការមាស Golden Visa របស់ប្រទេសក្រិកមិនអាចប្រើប្រាស់សម្រាប់ការជួលរយៈពេលខ្លីទៀតទេ ដូចជាអចលនទ្រព្យដែលបានចុះបញ្ជីនៅលើ Airbnb ឬវេទិកាស្រដៀងគ្នា។ ការរឹតបន្តឹងនេះត្រូវបានណែនាំជាផ្នែកមួយនៃកំណែទម្រង់ឆ្នាំ 2024 របស់ប្រទេសក្នុងគោលបំណងកាត់បន្ថយសម្ពាធលំនៅដ្ឋានលើអ្នកស្រុក និងទប់ស្កាត់ការវិនិយោគអចលនទ្រព្យដែលរំពឹងទុក។

នៅក្រោមច្បាប់ថ្មីនេះ អ្នកកាន់ទិដ្ឋាការមាស ​Golden Visa ត្រូវបានហាមឃាត់មិនឱ្យដាក់ទ្រព្យសម្បត្តិវិនិយោគរបស់ពួកគេជាការជួលរយៈពេលខ្លី ហើយនិងមានការផាកពិន័យបើមិនគោរពតាម។ ការផ្លាស់ប្តូរគោលនយោបាយនេះពិតជាគួរឱ្យកត់សម្គាល់រាប់ពីឆ្នាំមុន ការជួលរយៈពេលខ្លីគឺជាមធ្យោបាយទូទៅសម្រាប់វិនិយោគិនដើម្បីបង្កើតប្រាក់ចំណូលអកម្ម។

អ្នកដាក់ពាក្យនាពេលអនាគត ក្នុងកម្មវិធីទិដ្ឋាការមាសប្រទេសក្រិក ត្រូវជ្រើសជម្រើសស្នាក់នៅ និងរក្សាទុកទ្រព្យសកម្ម ជាជាងយុទ្ធសាស្រ្តរកចំណូលរយៈពេលខ្លី។

ប្រទេសហុងគ្រី

ប្រទេសហុងគ្រីបានដាក់ឱ្យដំណើរការឡើងវិញនូវកម្មវិធីស្នាក់នៅតាមរយៈការវិនិយោគរបស់ខ្លួននៅថ្ងៃទី 1 ខែកក្កដា ឆ្នាំ 2024 ក្រោមឈ្មោះកម្មវិធីភ្ញៀវវិនិយោគិន (GIP) ។ កម្មវិធីនេះផ្តល់ប័ណ្ណស្នាក់នៅរយៈពេល 10 ឆ្នាំដល់ជនជាតិមិនមែនមកពី EU/EEA ជាថ្នូរនឹងការវិនិយោគដែលមានលក្ខណៈសម្បត្តិគ្រប់គ្រាន់។

ទិដ្ឋាការមាសហុងគ្រីត្រូវបានរចនាឡើងដើម្បីទាក់ទាញដើមទុនពីក្រៅប្រទេស និងជំរុញការអភិវឌ្ឍន៍សេដ្ឋកិច្ច ជាពិសេសក្នុងវិស័យអចលនទ្រព្យ និងការអប់រំ។

ផ្លូវវិនិយោគ

មានជម្រើសចម្បងពីរសម្រាប់អ្នកដាក់ពាក្យ៖

• ការវិនិយោគលើមូលនិធិ៖ វិនិយោគ €250,000 នៅក្នុងមូលនិធិអចលនទ្រព្យដែលអនុម័តដោយរដ្ឋាភិបាល ដោយយ៉ាងហោចណាស់ 40% នៃទ្រព្យសម្បត្តិរបស់មូលនិធិត្រូវបានបែងចែកទៅឱ្យអចលនទ្រព្យលំនៅដ្ឋានហុងគ្រី។ ការវិនិយោគត្រូវគ្រប់គ្រងយ៉ាងតិច 5 ឆ្នាំ។
• ការបរិច្ចាគ៖ ធ្វើការរួមចំណែកដែលមិនអាចដកវិញបានចំនួន EUR 1,000,000 ដល់មូលនិធិសាធារណៈរបស់ប្រទេសហុងគ្រីដែលគាំទ្រវិស័យអប់រំ។ ជម្រើស​នេះ​មិន​មាន​រយៈពេល​តម្រូវកាន់​កាប់នោះ​ទេ។

តម្រូវការ និងលក្ខខណ្ឌ

អ្នកដាក់ពាក្យត្រូវតែមានអាយុយ៉ាងតិច 18 ឆ្នាំ មិនមានប្រវត្តិឧក្រិដ្ឋកម្ម និងមានការធានារ៉ាប់រងសុខភាពដែលមានសុពលភាព។ ​

កម្មវិធីនេះមិនមានតម្រូវការស្នាក់នៅជាអប្បបរមានោះទេ ទោះបីជាអ្នកវិនិយោគត្រូវធ្វើដំណើរទៅប្រទេសហុងគ្រីសម្រាប់ដំណើរការរដ្ឋបាលដូចជាការប្រមូលទិន្នន័យជីវមាត្រក៏ដោយ។

សមាជិកគ្រួសារ រួមទាំងប្តីឬប្រពន្ធ កូន (អនីតិជន) និងឪពុកម្តាយក្នុងបន្ទុកអាចត្រូវបានរួមបញ្ចូលនៅក្នុងពាក្យសុំបានដែរ។

សិទ្ធិ និងការធ្វើដំណើរ

អុ្នកដាក់ពាក្យដែលទទួលបានជោគជ័យ នឹងទទួលបានប័ណ្ណស្នាក់នៅដែលអាចបន្តសុពលភាពបានរយៈពេល 10 ឆ្នាំ នេះផ្តល់សិទ្ធិក្នុងការរស់នៅ ធ្វើការ និងសិក្សានៅប្រទេសហុងគ្រី។ ប័ណ្ណនេះក៏អនុញ្ញាតឱ្យអ្នកវិនិយោគធ្វើដំណើរដោយគ្មានទិដ្ឋាការនៅក្នុងតំបន់ Schengen រហូតដល់ 90 ថ្ងៃក្នុងរយៈពេល 180 ថ្ងៃ។

មធ្យោបាយទៅកាន់ការទទួលបានសិទ្ធិស្នាក់នៅអចិន្ត្រៃយ៍ និងសញ្ជាតិ

បន្ទាប់ពីរយៈពេល 5 ឆ្នាំនៃសិទ្ធិស្នាក់នៅស្របច្បាប់ក្រោមកម្មវិធី Guest Investor គេអាចដាក់ពាក្យសុំសិទ្ធិស្នាក់នៅអចិន្ត្រៃយ៍បាន។

សម្រាប់ការចូលសញ្ជាតិ អ្នកដាក់ពាក្យអាចមានសិទ្ធិ បន្ទាប់ពីរយៈពេល 8 ឆ្នាំនៃការបន្តការស្នាក់នៅស្របច្បាប់ ដោយត្រូវឆ្លងកាត់ការប្រឡងចំណេះដឹងផ្នែកភាសាហុងគ្រី និងវប្បធម៌។

ប្រទេសអ៊ីតាលី

ប្រទេសអ៊ីតាលីផ្តល់ជូននូវជម្រើសស្នាក់នៅជាច្រើនសម្រាប់ជនបរទេសដែលស្វែងរកការរស់នៅក្នុងប្រទេស។ ខណៈពេលដែលវាមិនផ្តល់ទិដ្ឋាការមាសបែបប្រពៃណី ប្រទេសអ៊ីតាលីផ្តល់នូវជម្រើសចំនួន 3៖ ទិដ្ឋាការវិនិយោគិន (Investor Visa) ទិដ្ឋាការស្នាក់នៅ (Elective Residency Visa) និងទិដ្ឋាការឌីជីថល (Digital Nomad Visa)។ ជម្រើសនីមួយៗត្រូវបានរចនាឡើងដើម្បីទាក់ទាញអ្នកដាក់ពាក្យប្រភេទផ្សេងៗគ្នា ពីបុគ្គលដែលមានទ្រព្យសម្បត្តិ រហូតដល់អ្នកចូលនិវត្តន៍ និងអ្នកជំនាញ។

ទិដ្ឋាការវិនិយោគិន (Investor Visa) – កម្មវិធីស្នាក់នៅតាមរយៈការវិនិយោគរបស់ប្រទេសអ៊ីតាលី

ទិដ្ឋាការវិនិយោគិនរបស់ប្រទេសអ៊ីតាលីគឺសំដៅលើជនដែលមិនមានសញ្ជាតិនៃសហភាពអឺរ៉ុប/EEA ដែលមានអាយុយ៉ាងតិច 18 ឆ្នាំ មិនមានប្រវត្តិព្រហ្មទណ្ឌ ហើយអាចបង្ហាញភាពជាម្ចាស់ស្របច្បាប់នៃមូលនិធិគ្រប់គ្រាន់ និងមានធានារ៉ាប់រងសុខភាពឯកជន។

អ្នកដាក់ពាក្យត្រូវជ្រើសរើសជម្រើសវិនិយោគមួយក្នុងចំណោមជម្រើសទាំងបួន៖

• €250,000 ក្នុងការចាប់ផ្តើមអាជីវកម្មថ្មីរបស់អ៊ីតាលី
• €500,000 នៅក្នុងក្រុមហ៊ុនអ៊ីតាលីដែលមានលក្ខណៈសម្បត្តិគ្រប់គ្រាន់
• €1,000,000 ក្នុងការបរិច្ចាគសប្បុរសធម៌ដែលគាំទ្រដល់គម្រោងផលប្រយោជន៍សាធារណៈ ឬ;
• €2,000,000 នៅក្នុងមូលបត្របំណុលរដ្ឋាភិបាល

ទិដ្ឋាការចេញជូនដំបូងមានសុពលភាពរយៈពេល​ 2 ឆ្នាំ ហើយអាចស្នើបន្តបាន 3 ឆ្នាំបន្ថែមទៀត។

ទោះបីជាមិនមានតម្រូវការស្នាក់នៅផ្ទាល់ជាអប្បបរមាក៏ដោយ ការវិនិយោគត្រូវតែរក្សាអំឡុងពេលសុពលភាពទិដ្ឋាការនៅតែបន្ត។ វិនិយោគិនអាចស្នើយកសិទ្ធិស្នាក់នៅអចិន្ត្រៃយ៍បន្ទាប់ពី 5 ឆ្នាំ, និងសញ្ជាតិបន្ទាប់ពី 10 ឆ្នាំ។

ទិដ្ឋាការស្នាក់នៅ (Elective Residency Visa) – ទិដ្ឋាការចូលនិវត្តន៍អ៊ីតាលី

ទិដ្ឋាការស្នាក់នៅ Elective Residency Visa របស់ប្រទេសអ៊ីតាលីត្រូវបានរចនាឡើងសម្រាប់បុគ្គលដែលឯករាជ្យផ្នែកហិរញ្ញវត្ថុ​ ហើយចង់រស់នៅក្នុងប្រទេសអ៊ីតាលីដោយមិនប្រកបការងារ ឬធ្វើសកម្មភាពពាណិជ្ជកម្មណាមួយ។

អ្នកដាក់ពាក្យត្រូវផ្តល់ភស្តុតាងនៃប្រាក់ចំណូលអកម្មពីប្រភពដូចជាប្រាក់សោធននិវត្តន៍ ប្រាក់ចំណូលជួល ឬការវិនិយោគ។

ចំនួនអប្បបរមាផ្លូវការនៃប្រាក់ចំណូលអកម្មគឺប្រហែល €31,000 ក្នុងមួយឆ្នាំសម្រាប់អ្នកដាក់ពាក្យម្នាក់ ប៉ុន្តែស្ថានកុងស៊ុលភាគច្រើនរំពឹងគិតថាអត្រាឈានដល់ €100,000។

អ្នកដាក់ពាក្យក៏ត្រូវតែបង្ហាញអំពីការស្នាក់នៅរយៈពេលវែង មានធានារ៉ាប់រងសុខភាព និងមានប្រវត្តរូបស្អាតស្អំ។

ជាធម្មតាទិដ្ឋាការត្រូវបានចេញសម្រាប់រយៈពេល 1 ឬ 2 ឆ្នាំ ហើយអាចស្នើបន្តសុពលភាពបាន។ អាចទទួលបានសិទ្ធិស្នាក់នៅអចិន្ត្រៃយ៍បន្ទាប់ពីរយៈ 5 ឆ្នាំនៃការស្នាក់នៅជាបន្តបន្ទាប់ជាមួយនឹងជម្រើសក្នុងការដាក់ពាក្យសុំសញ្ជាតិបន្ទាប់ពី 10 ឆ្នាំ។

អេមីរ៉ាតអារ៉ាប់រួម (UAE)

អេមីរ៉ាតអារ៉ាប់រួមផ្តល់ទិដ្ឋាការស្នាក់នៅរយៈពេលវែងតាមរយៈការវិនិយោគលើអចលនទ្រព្យ។ កម្មវិធីនេះត្រូវបានរចនាឡើងដើម្បីទាក់ទាញវិនិយោគិនបរទេស អ្នកជំនាញ និងសហគ្រិនដោយផ្តល់ជូននូវជម្រើសស្នាក់នៅរយៈពេលវែងដែលមានស្ថេរភាពនៅក្នុងមជ្ឈមណ្ឌលសេដ្ឋកិច្ច និងហិរញ្ញវត្ថុឈានមុខគេមួយរបស់ពិភពលោក។

តម្រូវការវិនិយោគ

មានជម្រើសសំខាន់ពីរសម្រាប់អ្នកវិនិយោគលើអចលនទ្រព្យ។ ភាពលេចធ្លោបំផុតនោះគឺ ទិដ្ឋាការមាសនេះអាចស្នើបន្តបានរយៈពេល 10 ឆ្នាំ ដែលទាមទារការវិនិយោគអចលនទ្រព្យយ៉ាងហោចណាស់ AED 2,000,000 (ប្រហែល USD 545,000)។

សម្រាប់អ្នកដែលកំពុងស្វែងរកជម្រើសនៃការចំណាយតិចជាងនេះគឺ ទិដ្ឋាការស្នាក់នៅរយៈពេល 2 ឆ្នាំដោយវិនិយោគលើអចលនទ្រព្យអប្បបរមាចំនួន AED 750,000 (ប្រហែល USD 204,000) ។

ការវិនិយោគលើអចលនទ្រព្យដែលធ្វើឡើងទាក់ទងនឹងកម្មវិធីទិដ្ឋាការមាស Golden Visa ក៏ត្រូវតែបំពេញតាមលក្ខណៈវិនិច្ឆ័យកម្មសិទ្ធិ និងហិរញ្ញវត្ថុជាក់លាក់ផងដែរ។

ដំបូង អចលនទ្រព្យនោះត្រូវតែបានចុះបញ្ជីក្រោមឈ្មោះអ្នកវិនិយោគ កម្មសិទ្ធិកាន់កាប់រួមត្រូវបានអនុញ្ញាតនៅក្នុងករណីមួយចំនួន ដូចជារវាងប្តីប្រពន្ធ ប៉ុន្តែរចនាសម្ព័ន្ធកម្មសិទ្ធិរបស់ក្រុមហ៊ុន ឬអ្នកគ្រប់គ្រង់ជាធម្មតាទេមិនអាចរាប់បញ្ចូលបានទេ។

លើសពីនេះ អចលនទ្រព្យមិនគួរដាក់បញ្ចាំច្រើនពេកនោះទេ។ ខណៈពេលដែលការរកផលហិរញ្ញប្បទានត្រូវបានអនុញ្ញាត តំបន់នៅអេមីរ៉ាតភាគច្រើនដូចជាឌូបៃ និងអាប៊ូដាប៊ី តម្រូវឱ្យអ្នកវិនិយោគបង់ប្រាក់យ៉ាងហោចណាស់ 50% នៃតម្លៃអចលនទ្រព្យ មុនពេលពួកគេមានសិទ្ធិដាក់ពាក្យស្នើសុំទិដ្ឋាការមាស។ នេះធានាថាអ្នកដាក់ពាក្យសុំមានភាគហ៊ុនដែលមានអត្ថន័យនៅក្នុងទ្រព្យសកម្ម។

អចលនទ្រព្យក្រៅគម្រោងអាចមានលក្ខណៈគ្រប់គ្រាន់នៅក្នុងករណីខ្លះ ប៉ុន្តែលុះត្រាតែមានការយល់ព្រមពីនាយកដ្ឋានដីធ្លី និងអ្នកអភិវឌ្ឍន៍ដែលពាក់ព័ន្ធ និងអាស្រ័យលើដំណាក់កាលនៃការបង់ប្រាក់។

អត្ថប្រយោជន៍ទិដ្ឋាការមាសរបស់ UAE

កម្មវិធីស្នាក់នៅរបស់ UAE ផ្តល់សិទ្ធិក្នុងការរស់នៅ ធ្វើការ និងសិក្សានៅ UAE និងមិនមានការបង់ពន្ធលើប្រាក់ចំណូលផ្ទាល់ខ្លួន។

អ្នកកាន់ទិដ្ឋាការអាចធានាគូស្វាមីភរិយា កូនៗ និងឪពុកម្តាយរបស់ពួកគេ ហើយមិនមានតម្រូវការស្នាក់នៅកំណត់ជាអប្បបរមានោះទេ មានន័យថា ទិដ្ឋាការនៅតែមានសុពលភាព ទោះបីជាអ្នកវិនិយោគចំណាយពេលបន្ថែមនៅខាងក្រៅប្រទេសអារ៉ាប់រួមក៏ដោយ។

ទោះជាយ៉ាងណាក៏ដោយ វាជារឿងសំខាន់ក្នុងការកត់សម្គាល់ថា នេះគឺជាកម្មវិធីស្នាក់នៅនេះគឺមានភាពតឹងរ៉ឹង។ UAE មិនផ្តល់ជម្រើសសម្រាប់ការចូលសញ្ជាតិតាមរយៈការវិនិយោគនោះទេ។ សញ្ជាតិអាចផ្តល់ជូនក្នុងករណីកម្របំផុត ហើយជាទូទៅផ្អែកលើគុណសម្បត្តិពិសេស ឬការរួមចំណែកដល់ប្រទេសជាតិ។ ដូច្នេះ ទិដ្ឋាការនេះគឺស័ក្តិសមបំផុតសម្រាប់អ្នកដែលកំពុងស្វែងរកលំនៅដ្ឋានរយៈពេលវែង និងការរស់នៅប្រកបដោយប្រសិទ្ធភាពពន្ធ ជាជាងលិខិតឆ្លងដែនទីពីរ។

តើកត្តាអ្វីខ្លះដែលអ្នកគួរពិចារណា មុននឹងជ្រើសរើសទិដ្ឋាការមាស?

ការជ្រើសរើសកម្មវិធីចំណាកស្រុកតាមរយៈវិនិយោគដែលត្រឹមត្រូវតម្រូវឱ្យអ្នកដាក់ពាក្យពិចារណាឱ្យបានហ្មត់ចត់នូវគោលបំណងចម្បងរបស់ពួកគេ មិនថាលិខិតឆ្លងដែនទីពីរ ការផ្លាស់ទីលំនៅជាមួយគ្រួសារ ឬការបង្កើតកេរ្ដ៍ដំណែលរយៈពេលវែងនៅអឺរ៉ុប។

ការសម្រេចចិត្តរវាងជម្រើសថាតើកម្មវិធីសញ្ជាតិ ឬការស្នាក់នៅ មួយណាមានអាទិភាពជាងក្នុងការសម្រេចចិត្ត ព្រោះវាជាជម្រើសរបស់អ្នក និងធានាថាកម្មវិធីពាក្យស្នើដែលអ្នកជ្រើសរើសត្រូវនឹងគោលដៅនៃរបៀបរស់នៅ និងកេរ្តិ៍ដំណែលរបស់អ្នក។

កម្មវិធីស្នាក់នៅប្រៀបធៀបនិងកម្មវិធីសញ្ជាតិ

ប្រសិនបើគោលដៅរបស់អ្នកគឺតម្រូវការលិខិតឆ្លងដែនទីពីរ សម្រាប់ការធ្វើដំណើរជាសកលកាន់តែទូលំទូលាយ ឬបញ្ហាហានិភ័យភូមិសាស្ត្រនយោបាយ កម្មវិធីសញ្ជាតិតាមរយៈការវិនិយោគ Caribbean Citizenship-by-Investment (CBI) ជាជម្រើសល្អបំផុត។

កម្មវិធីទាំងនេះជាធម្មតាផ្តល់សញ្ជាតិ ក្នុងរយៈពេលពី 2-3 ខែទៅ 1 ឆ្នាំ ហើយមិនមានតម្រូវការស្នាកនៅផ្ទាល់នោះទេ។

ជាជម្រើស ប្រសិនបើអ្នកមានគម្រោងផ្លាស់ប្តូរទីលំនៅ ចូលនិវត្តន៍ ឬធានាបាននូវភាពជាពលរដ្ឋសហភាពអឺរ៉ុបនាពេលអនាគត កម្មវិធី Residency-by-Investment (RBI) ដូចជានៅព័រទុយហ្គាល់ ហុងគ្រី ឬក្រិច ប្រហែលជាសមស្របជាងនេះ។ កម្មវិធីទាំងនេះផ្តល់ជូននូវសិទ្ធិស្នាក់នៅរយៈពេលវែង និងលទ្ធភាពនៃការចូលសញ្ជាតិបន្ទាប់ពីបានស្នាក់នៅក្នុងប្រទេសនោះច្រើនឆ្នាំឬតាមកាលកំណត់ និងចំនេះដឹងផ្នែកវប្បធម៌ផងដែរ។

តម្លៃសរុប និងថ្លៃសេវាផ្សេងៗមួយចំនួន

ចំនួនទឹកប្រាក់វិនិយោគដែលបានផ្សព្វផ្សាយគឺគ្រាន់តែជាការចាប់ផ្តើមប៉ុណ្ណោះ។ ការចំណាយជាក់ស្តែងរួមបញ្ចូលការស្នើសុំរបស់រដ្ឋាភិបាល និងថ្លៃដំណើរការត្រួតពិនិត្រ ថ្លៃសេវាផ្នែកច្បាប់ និងការប្រឹក្សា និងសម្រាប់ជម្រើសវិនិយោគអចលនទ្រព្យ ពន្ធផ្ទេរអចលនទ្រព្យ ពន្ធប្រថាប់ត្រា ថ្លៃសារការី និងអាករលើតម្លៃបន្ថែម។

ទាំងនេះអាចបន្ថែម 5-10% ឬច្រើនជាងនេះទៅតម្លៃសរុប។ ការចំណាយបន្តដូចជាការថែទាំអចលនទ្រព្យ ការធានារ៉ាប់រង ក៏គួរត្រូវរាប់បញ្ចូលផងដែរ ជាពិសេសសម្រាប់អ្នកដែលទិញអចលនទ្រព្យនៅបរទេស។

គោលការណ៍រួមបញ្ចូលសមាជិកគ្រួសារ

កម្មវិធីនីមួយៗកំណត់ “អ្នកអាស្រ័យ” ខុសៗគ្នា ដូច្នេះវាចាំបាច់ណាស់ក្នុងការយល់ដឹងថាតើអ្នកណាអាចរួមបញ្ចូលក្នុងពាក្យស្នើបាន។

កម្មវិធីភាគច្រើនអនុញ្ញាតឱ្យអ្នកដាក់ពាក្យចម្បង ប្តីឬប្រពន្ធរបស់ពួកគេ និងកូន (អនីតិជន) ប៉ុន្តែគោលការណ៍សម្រាប់កុមារពេញវ័យ និងឪពុកម្តាយដែលមានវ័យចំណាស់គឺមានលក្ខខណ្ឌខុសគ្នា។ កម្មវិធីមួយចំនួនអនុញ្ញាតឱ្យកុមារដែលមិនទាន់រៀបការ និងរស់នៅពឹងក្រោមនបន្ទុកអាណាព្យាបាល រហូតដល់អាយុ 25 ឬ 30 ឆ្នាំ និងឪពុកម្តាយ ឬជីដូនជីតាដែលមានអាយុ (ជាធម្មតា 55 ឬ 65) ។

ឥទ្ធិពលប៉ះពាល់ផ្នែកពន្ធនៅក្នុងប្រទេសដែលអ្នកជ្រើសរើស

ការកាន់ប័ណ្ណស្នាក់នៅមិនបង្កជាការជាប់ពន្ធលំនៅដ្ឋានដោយស្វ័យប្រវត្តិទេ។ នៅក្នុងប្រទេសភាគច្រើន ពន្ធលំនៅដ្ឋានគឺសម្រាប់តែអ្នករស់នៅផ្ទាល់ជាប់លាប់ ដែលជាធម្មតាចំណាយពេល 183 ថ្ងៃ ឬច្រើនជាងនេះក្នុងមួយឆ្នាំ។

សម្រាប់​អ្នក​មិន​​រស់នៅផ្ទាល់ ការ​ជាប់​ពន្ធ​កើតឡើង​ចំពោះទំហំ​ប្រាក់​ចំណូល​ដែល​រក​បាន​ក្នុង​ស្រុក ដូច​ជា​ចំណូល​ពី​ការ​ជួល​ពី​ការ​វិនិយោគ​អចលនទ្រព្យ។ ប្រទេសជាច្រើនដែលមានកម្មវិធីសញ្ជាតិ CBI ដូចជានៅប្រទេសនាតំបន់ Caribbean ឬ UAE ផ្តល់ពន្ធសូន្យលើប្រាក់ចំណូលបរទេស ទ្រព្យសម្បត្តិ ឬមរតក។

សម្រាប់វិនិយោគិនដែលមានគម្រោងផ្លាស់ប្តូរទីលំនៅទៅកាន់ទ្វីបអឺរ៉ុប ប្រទេសដូចជាអ៊ីតាលី និងក្រិក ទីនោះផ្តល់របបពន្ធ (non-dom) ដែលអនុញ្ញាតឱ្យអ្នករស់នៅថ្មីបង់ពន្ធ flat លើប្រាក់ចំណូលសកល ដែលជាជម្រើសដ៏គួរឱ្យទាក់ទាញ អ្នកគួរស្វែងរកអ្នកជំនាញផ្នែកពន្ធដារប្រកបដោយវិជ្ជាជីវៈដើម្បីប្រឹក្សារយោលបល់។

ពេលវេលាដំណើរការ និងតម្រូវការ

ពេលវេលាដំណើរការប្រែប្រួលទៅតាមកម្មវិធីនីមួយៗ។ កម្មវិធីសញ្ជាតិ CBI ជាទូទៅលឿនជាងគេ ដូចជាប្រទេសវ៉ានូអាទូជាដើម ដែលផ្តល់ការយល់ព្រមលើពាក្យស្នើក្នុងរយៈពេល 2-3 ខែ និងប្រទេសនាតំបន់ការាបៀនជាមធ្យម 4-7 ខែ។ ផ្ទុយទៅវិញ កម្មវិធីស្នាក់នៅ RBI (អឺរ៉ុប) តែងតែជួបបញ្ហាពន្យារពេលពីខាងរដ្ឋបាល។

ទោះបីជាប្រទេសក្រិកបញ្ជាក់ថា ពេលវេលាផ្លូវការកម្មវិធីរបស់ខ្លួនមានត្រឹមចន្លោះពេលពី 4 ទៅ 6 ខែក៏ដោយ ក៏បញ្ហា backlogs បាននាំឱ្យមានការពន្យារពេលដល់ 1 ឆ្នាំ ឬយូច្រើនជាងនេះ។ ជាពិសេសកម្មវិធីស្នាក់នៅ RBI របស់ប្រទេសព័រទុយហ្គាល់ បានជួបប្រទះការរង់ចាំយ៉ាងយូលើសពី 3 ឆ្នាំ។

សរុបសេចក្ដី

ការកើនឡើងប្រជាប្រិយភាពនៃកម្មវិធីទិដ្ឋាការមាស Golden Visa និងកម្មវិធីសិទ្ធិស្នាក់នៅតាមរយៈការវិនិយោគបានផ្លាស់ប្តូរភាពធ្វើដំណើរជាសកល ដោយផ្លាស់ប្តូរអ្វីដែលធ្លាប់ជាប្រណិតភាពពិសេសទៅជាដំណោះស្រាយជាក់ស្តែង និងផ្តោតលើអនាគត។

សម្រាប់បុគ្គល និងក្រុមគ្រួសារដែលមានគំនិតជាអន្តរជាតិនាពេលបច្ចុប្បន្ននេះ កម្មវិធីទាំងនេះផ្តល់នូវផ្លូវស្របច្បាប់មួយក្នុងការលើកកម្ពស់សេរីភាព សុវត្ថិភាព និងការធ្វើពិពិធកម្មរបៀបរស់នៅ។ ជាមួយនឹងជម្រើសដែលអាចរកបានចាប់ពីក្រោម USD 200,000 ទិដ្ឋាការមាស Golden Visa បានក្លាយជាការបន្ថែមដ៏ឆ្លាតវៃមួយចំពោះយុទ្ធសាស្ត្រក្នុងពិភពលោកសកលរយៈពេលវែង។

ខណៈពេលដែលការចំណាយគឺជាការពិចារណាដ៏សំខាន់មួយ តម្លៃពិតប្រាកដនៃកម្មវិធីស្នាក់នៅ ឬកម្មវិធីសញ្ជាតិគឺស្របនឹងគោលបំណងរបស់អ្នក។ កត្តាដូចជាការធ្វើដំណើរដោយគ្មានទិដ្ឋាការ សិទ្ធិទទួលបានជាលក្ខណៈគ្រួសារ របបពន្ធអំណោយផល និងសក្ដានុពលនៃសញ្ជាតិក្នុងប្រទេសដ៏ទៃនាពេលសុទ្ធសឹងជាគន្លឹះក្នុងការសម្រេចចិត្តរបស់អ្នក។

កម្មវិធីមួយចំនួនអាចផ្តល់តម្លៃពិសេសសម្រាប់គ្រួសារ ខណៈពេលដែលកម្មវិធីផ្សេងទៀតផ្តល់នូវប្រសិទ្ធភាពពន្ធ ឬការស្នាក់នៅរយៈពេលវែងក្នុង និងសញ្ជាតិនៅអឺរ៉ុប។ ចំនុចសំខាន់គឺអ្នកត្រូវយល់ដឹងអំពីរចនាសម្ព័ន្ធ និងអត្ថប្រយោជន៍របស់កម្មវិធីទៅ និងអត្ថប្រយោចន៍ផ្ទាល់ខ្លួនរបស់អ្នក រួមទាំងថវិកា សមាសភាពគ្រួសារ ផលប្រយោជន៍វិជ្ជាជីវៈ និងរបៀបរស់នៅ។