REQUEST IMMIGRATION SERVICE
Thank you for visiting Harvey Law Group.
Please select our nearest office to you and complete the enquiry form below.
To send successfully, you must fill in all the required fields marked by an asterisk “*”.
រយៈពេលដំណើរការពាក្យសុំ សម្រាប់កម្មវិធីសញ្ជាតិរបស់ប្រទេស ហ្គ្រីណាដា (Grenada Citizenship by Investment) បានកាត់បន្ថយមកត្រឹម 6 ខែ
នៅឆ្នាំ 2025 រយៈពេលដំណើរការពាក្យសុំនៅក្នុងកម្មវិធីសញ្ជាតិរបស់ប្រទេសហ្គ្រីណាដាត្រូវបានកាត់បន្ថយពី 12 ខែមកនៅក្រោម 6ខែ ដែលធ្វើឱ្យវាក្លាយជាជម្រើសមួយក្នុងចំណោមជម្រើសកម្មវិធី CBI នៅតំបន់ការាបៀន ដែលមានពេលវេលាដំណើរការលឿន។ កម្មវិធីសញ្ជាតិតាមរយៈការវិនិយោគរបស់ប្រទេសហ្គ្រីណាដា Grenada’s Citizenship by Investment (CBI) ក៏ផ្តល់សិទ្ធិប្រើទិដ្ឋាការ E-2 របស់សហរដ្ឋអាមេរិក ដោយផ្តល់ឱ្យវិនិយោគិននូវការការចល័តជាសកល និងឱកាសដើម្បីបង្កើតអាជីវកម្មនៅសហរដ្ឋអាមេរិក។
សេចក្តីផ្តើម
ប្រទេសហ្គ្រីណាដាបានសម្រេចកាត់បន្ថយពេលវេលាដំណើរការកម្មវិធីសញ្ជាតិរបស់ខ្លួន ជាងពាក់កណ្តាលពី12ខែចុះមកក្រោម6ខែក្នុងឆ្នាំ 2025។ ការធ្វើបច្ចុប្បន្នភាពដ៏សំខាន់នេះនាំឱ្យប្រទេសហ្គ្រីណាដា ជាជម្រើសលឿន និងមានប្រសិទ្ធភាពបំផុតសម្រាប់ការទទួលបានសញ្ជាតិនៅប្រទេសនាតំបន់ការាបៀនតាមរយៈការវិនិយោគ។
រយៈពេលដំណើរការ គឺជាការពិចារណាដ៏សំខាន់មួយនៅពេលដាក់ពាក្យស្នើរសុំសញ្ជាតិតាមរយៈការវិនិយោគ ព្រោះវាជះឥទ្ធិពល ទៅលើការធ្វើផែនការធ្វើដំណើរ ពន្ធលើលំនៅដ្ឋាន និងយុទ្ធសាស្រ្តទុកដាក់ទ្រព្យសម្បត្តិរយៈពេលវែង។ មិនថាអ្នកកំពុងរៀបចំផែនការផ្លាស់ទីជាអន្តរជាតិ ឬកំពុងស្វែងរកការធ្វើពិពិធកម្មទ្រព្យសម្បត្តិរបស់អ្នក ដំណើរការកម្មវិធីលឿនជាងមុនអាចផ្តល់នូវអត្ថប្រយោជន៍ដ៏សំខាន់។ នោះហើយជាមូលហេតុដែលពេលវេលាដំណើរការកម្មវិធីសញ្ជាតិ CBI ខ្លីរបស់ប្រទេសហ្គ្រីណាដាកំពុងទាក់ទាញចំណាប់អារម្មណ៍យ៉ាងខ្លាំងពីបុគ្គល ដែលមានទ្រព្យសម្បត្តិ និងក្រុមគ្រួសារនៅទូទាំងពិភពលោក។
ព័ត៌មានសំខាន់: ប្រទេសហ្គ្រីណាដាកាត់បន្ថយ រយៈពេលដំណើរការកម្មវិធីសញ្ជាតិ ពី 12 ខែមកត្រឹម 6 ខែ
ជាដំណឹងស្វាគមន៍មួយចំពោះវិនិយោគិនមកពីជុំវិញពិភពលោក រដ្ឋាភិបាលហ្គ្រីណាដាបានកាត់បន្ថយពេលដំណើរការកម្មវិធីសញ្ជាតិតាមរយៈការវិនិយោគ Grenada Citizenship by Investment (CBI) ដែលមានប្រសិទ្ធិភាពនៅឆ្នាំ 2025។ ពេលវេលាដំណើរការកាន់តែលឿននេះអនុវត្តចំពោះទាំងជម្រើសបរិច្ចាគក្នុងមូលនិធិអភិវឌ្ឍន៍ជាតិ (NTF) និងជម្រើសវិនិយោគអចលនទ្រព្យ ដែលធ្វើឱ្យវា មានប្រសិទ្ធភាពសម្រាប់អ្នកដាក់ពាក្យដើម្បីទទួលបានសញ្ជាតិហ្គ្រីណាដា។
យោងតាមប្រភពផ្លូវការ ពេលវេលាដំណើរការលឿនជាងមុន គឺជាលទ្ធផលនៃកំណែទម្រង់ផ្នែករដ្ឋបាលសំខាន់ៗនៅក្នុង IMA របស់ ប្រទេសហ្គ្រីណាដា។ ការកែលម្អទាំងនេះរួមមានការដាក់ឱ្យប្រើប្រាស់នូវប្រព័ន្ធគ្រប់គ្រងករណីតាមរយៈឌីជីថល ការកែលម្អនីតិវិធីនៃដំណើរការត្រួតពិនិត្យ និងការសម្របសម្រួលជាមួយភ្នាក់ងារដែលទទួលបានការអនុញ្ញាត។ រដ្ឋាភិបាលក៏បានពង្រីកក្រុមត្រួតពិនិត្យផ្នែកប្រវត្តិរូប និងអនុវត្តកិច្ចព្រមព្រៀងដាក់កម្រិតលើសេវាកម្មតឹងរ៉ឹង ដើម្បីធានាថាកម្មវិធីត្រូវបានដំណើរការប្រកបដោយប្រសិទ្ធភាពតាមដែលអាចធ្វើទៅបាន។
កាលពីមុន ពេលវេលាជាមធ្យមសម្រាប់ការអនុម័តគឺប្រហែល 10-12 ខែ ដែលនាំឱ្យកម្មវិធីសញ្ជាតិរបស់ប្រទេសហ្គ្រីណាដា មានថិរវេលាដំណើរការយូរជាងប្រទេសជិតខាងនៅក្នុងតំបន់ការាបៀន។ ទោះជាយ៉ាងណាក៏ដោយ ជាមួយនឹងរយៈពេលអនុម័តក្រោម 6 ខែ ប្រទេសហ្គ្រីណាដាអាចប្រកួតប្រជែង ជាមួយនឹងកម្មវិធីសញ្ជាតិតាមរយៈការវិនិយោគរបស់ប្រទេសដ៏ទៃនៅតំបន់ការាបៀនបានហើយ។
ពេលវេលាដំណើរការកម្មវិធីសញ្ជាតិរបស់ប្រទេសហ្គ្រីណាដាថ្មីមានលក្ខណៈដូចម្ដេចខ្លះ
ជាមួយកម្មវិធីសញ្ជាតិតាមរយៈការវិនិយោគរបស់ប្រទេសហ្គ្រីណាដា ពេលវេលាដំណើរការកម្មវិធីត្រូវបានកាត់បន្ថយមកក្រោម 6 ខែ ដូចនេះអ្នកដាក់ពាក្យឥឡូវអាចទទួលបានអត្ថប្រយោជន៍លឿនជាងមុន និងមានប្រសិទ្ធភាពជាងមុនក្នុងការទទួលបានសញ្ជាតិទីពីរ។ ខាងក្រោមនេះគឺជាជំហាននីមួយៗក្នុងបន្ទាត់ពេលវេលាដំណើរការកម្មវិធីសញ្ជាតិរបស់ប្រទេសហ្គ្រីណាដា Grenada Citizenship by Investment (CBI)៖
ការដាក់ពាក្យនិងការរៀបចំបឋម
ជំហានដំបូងសម្រាប់អ្នកដាក់ពាក្យគឺការប្រមូលឯកសារដែលត្រូវការទាំងអស់ កំណត់ជម្រើសវិនិយោគដែលពួកគេពេញចិត្ត ទាំងការបរិច្ចាគទៅមូលនិធិអភិវឌ្ឃន៍ជាតិ (NTF) ឬគម្រោងអចលនទ្រព្យដែលអនុម័តដោយរដ្ឋាភិបាល។
ការដាក់ពាក្យសុំដំបូង
ជំហានបន្ទាប់ក្នុងដំណើរការដាក់ពាក្យគឺត្រូវជ្រើសរើសភ្នាក់ងារដែលទទួលបានការអនុញ្ញាត ដែលនឹងធ្វើការយ៉ាងជិតស្និទ្ធជាមួយអ្នកដើម្បីរៀបចំពាក្យសុំជូនលោកអ្នក។ ដំបូង ភ្នាក់ងារនឹងជួយរៀបចំឯកសារចាំបាច់សម្រាប់ការដាក់ស្នើទៅ Grenada IMA ។
នេះរួមបញ្ចូលទាំងការបំពេញទម្រង់បែបបទផ្លូវការ ឆ្លងកាត់ការពិនិត្យសុខភាព និងការប្រមូលឯកសារគាំទ្រផ្សេងៗ ដែលឯកសារទាំងអស់ត្រូវតែជាភាសាអង់គ្លេស និងស្របច្បាប់ត្រឹមត្រូវ។
អ្នកដាក់ពាក្យតាមរយៈជម្រើសអចលនទ្រព្យនឹងត្រូវអនុវត្តកិច្ចព្រមព្រៀងទិញលក់ ដើម្បីជាភស្តុតាងផ្លូវការបញ្ចាក់ថាអចលនទ្រព្យត្រូវបានកក់បម្រុងទុក។
នៅពេលដែលទម្រង់បែបបទ និងឯកសារគាំទ្រទាំងអស់ត្រូវបានបញ្ចប់ ភ្នាក់ងារដែលទទួលបានការអនុញ្ញាតរបស់អ្នកនឹងរៀបចំការបញ្ជូនពាក្យសុំទៅ Grenada IMA ។ ភ្នាក់ងារដែលទទួលបានការអនុញ្ញាតនឹងក្លាយកត្តាសំខាន់នៃទំនាក់ទំនងរបស់អ្នក ដោះស្រាយរាល់ការឆ្លើយឆ្លង និងឆ្លើយតបទៅនឹងសំណួរ ឬសំណើណាមួយពី Grenada IMA ទាក់ទងនឹងឯកសាររបស់អ្នក។
ការពិនិត្យបឋមរបស់រដ្ឋាភិបាល
ពាក្យស្នើសុំនីមួយៗឆ្លងកាត់ដំណើរការពិនិត្យយ៉ាងម៉ត់ចត់ដោយរដ្ឋាភិបាល ដែលព័ត៌មានដែលបានដាក់ស្នើទាំងអស់ត្រូវបានពិនិត្យ និងផ្ទៀងផ្ទាត់ដោយប្រុងប្រយ័ត្ន។ ដោយផ្អែកលើលទ្ធផលនៃការពិនិត្យប្រវត្តរូបនេះ Grenada IMA នឹងវាយតម្លៃកម្មវិធីពាក្យស្នើរ និងធ្វើការណែនាំជាផ្លូវការ។
ការអនុម័តចុងក្រោយគឺសម្រេចដោយរដ្ឋមន្ត្រី ដែលជាធម្មតាតែងតែធ្វើតាមការណែនាំរបស់ Grenada IMA ។ នៅពេលដែលការសម្រេចចិត្តត្រូវបានធ្វើឡើង អ្នកដាក់ពាក្យនឹងទទួលបានលិខិតមួយបញ្ជាក់ថា តើពាក្យសុំត្រូវបានអនុម័ត ពន្យារពេលសម្រាប់ការពិនិត្យបន្ថែម ឬបដិសេធ។
ការអនុម័តចុងក្រោយ និងឯកសារ
នៅពេលពាក្យស្នើទទួលបានការយល់ព្រមជាផ្លូវការ អ្នកដាក់ពាក្យត្រូវធ្វើការវិនិយោគរបស់ពួកគេ ហើយដាក់ភស្តុតាងនៃការទូទាត់ បន្ទាប់ពីនោះវិញ្ញាបនបត្រសញ្ជាតិរបស់គេត្រូវបានចេញ។ នៅពេលដែលទទួលបានភស្តុតាងនៃការទូទាត់នោះ Grenada IMA ចេញវិញ្ញាបនបត្រនៃការចុះឈ្មោះ ដោយបញ្ជាក់ថាអ្នកដាក់ពាក្យទទួលបានសញ្ជាតិហ្គ្រីណាដជាផ្លូវការហើយ។ បន្ទាប់មកវិញ្ញាបនបត្រនេះត្រូវបានប្រើដើម្បីដាក់ពាក្យសុំលិខិតឆ្លងដែនហ្រ្គីណាដា (Grenadian) របស់អ្នក។
កត្តាដែលបានផ្លាស់ប្តូរ៖ ផ្ទៃខាងក្នុងរបស់បដិវត្តដំណើរការកម្មវិធីសញ្ជាតិនៃប្រទេសហ្គ្រីណាដា
ហេតុផលដ៏សំខាន់សម្រាប់ជម្រុញនេះគឺ Grenada IMA ទទួលយកប្រព័ន្ធគ្រប់គ្រងករណីតាមបែបឌីជីថលពេញលេញ ដែលសម្រួលដល់ការទទួលយកកម្មវិធីពាក្យស្នើ ការពិនិត្យឡើងវិញ និងការតាមដាន។ វាបានជួយកាត់បន្ថយកំហុសរបស់មនុស្ស និងអាប់ដេតព័ត៌មានឬស្ថានភាពជាក់ស្តែងបានលឿន សម្រាប់ភ្នាក់ងារ និងអ្នកដាក់ពាក្យ។
រដ្ឋាភិបាលក៏បានពង្រឹងនីតិវិធីដោយយកចិត្តទុកដាក់សម្រាប់ការសម្របសម្រួលរវាងភ្នាក់ងារក្នុងស្រុក ក្រុមហ៊ុនអន្តរជាតិដែលធ្វើការផ្នែកផ្ទៀងផ្ទាត់ និងភ្នាក់ងារទីផ្សារដែលមានការអនុញ្ញាត។ ដើម្បីជួយដល់បញ្ហានេះ Grenada IMA បានពង្រីកក្រុមការងារ និងធនធានរបស់ខ្លួន ដើម្បីដោះស្រាយតម្រូវការដែលកំពុងកើនឡើង ខណៈពេលដែលរក្សាបាននូវស្តង់ដារខ្ពស់នៃគុណភាព និងការអនុលោមតាមច្បាប់។
ហេតុអ្វីការផ្លាស់ប្ដូរនេះធ្វើឱ្យកម្មវិធីសញ្ជាតិតាមរយៈការវិនិយោគរបស់ប្រទេសហ្គ្រីណាដា ជាជម្រើសដ៏ល្អសម្រាប់អ្នកវិនិយោគដែលមានបញ្ហាជាមួយពេលវេលា
ការពន្លឿនពេលវេលាដំណើរការមកត្រឹម 6 ខែផ្តល់ឱ្យនូវភាពច្បាស់លាស់ជាងកម្មវិធីសញ្ជាតិ CBI នៅតំបន់ការាបៀន និងសកលលោកផ្សេង ដែលនៅតែចំណាយពេលពី 8 ទៅ 12 ខែ ឬយូរជាងនេះដើម្បីអនុម័តកម្មវិធី។
អត្ថប្រយោជន៍នេះមានតម្លៃជាពិសេសសម្រាប់អ្នកវិនិយោគដែលកំពុងរៀបចំផែនការផ្លាស់ប្តូរទីលំនៅឆ្លងព្រំដែន ការគ្រប់គ្រងការប្រឈមមុខនឹងពន្ធអន្តរជាតិ ឬការរឹតបន្តឹងទិដ្ឋាការ។ ការកំណត់ពេលវេលារយៈពេល 6 ខែ ឬតិចជាងនេះផ្តល់នូវក្របខ័ណ្ឌដែលអាចព្យាករណ៍បានសម្រាប់ការសម្របសម្រួលប្រតិបត្តិការអាជីវកម្ម ការចូលរៀននៅសាលាអន្តរជាតិ ឬការផ្លាស់ទីលំនៅរបស់សមាជិកគ្រួសារ ដោយលុបបំបាត់ភាពមិនច្បាស់លាស់នៃការពន្យារពេលផ្នែករដ្ឋបាល។
សម្រាប់សហគ្រិន និងម្ចាស់អាជីវកម្ម ដំណើរការលឿនជាងមុនរបស់កម្មវិធីសញ្ជាតិរបស់ប្រទេសហ្គ្រីណាដា ក៏អនុញ្ញាតឱ្យពេលវេលានៃការវិនិយោគមានផលកាន់តែប្រសើរផងដែរ។ មិនថាអ្នកកំពុងមានគម្រោងពង្រីកអាជីវកម្មនៅក្រៅប្រទេស រៀបចំរចនាសម្ព័ន្ធទ្រព្យសកម្មឡើងវិញ ឬទាញយកអត្ថប្រយោជន៍ពន្ធ ការមានសញ្ជាតិទីពីរនៅក្នុងដៃក្នុងរយៈពេលកន្លះឆ្នាំអនុញ្ញាតឱ្យអ្នកឆ្ពោះទៅមុខដោយភាពច្បាស់លាស់។
ពេលវេលាដំណើរការកម្មវិធីសញ្ជាតិរបស់ប្រទេសហ្គ្រីណាដាត្រឹម 6 ខែធៀបនឹងកម្មវិធីសញ្ជាតិរបស់ប្រទេសដ៏ទៃនៃតំបន់ការាបៀន
នៅពេលវាយតម្លៃកម្មវិធីសញ្ជាតិតាមរយៈការវិនិយោគ គេតែងពិចារណាលើចំនុចសំខាន់ៗរួមមានពេលវេលាដំណើរការ ការចល័តជាសកល តម្រូវការវិនិយោគ ការរួមបញ្ចូលគ្រួសារ និងអត្ថប្រយោជន៍រយៈពេលវែង។
ល្បឿនថ្មីរបស់ដំណើរការកម្មវិធីសញ្ជាតិរបស់ប្រទេសហ្គ្រីណាដា កំណត់ត្រឹម 6 ខែធ្វើឱ្យវាក្លាយជាជម្រើស CBI ដ៏លឿនបំផុតមួយ ប៉ុន្តែតើវាប្រៀបធៀបទៅនឹងកម្មវិធីឈានមុខគេផ្សេងទៀតនៅការាបៀនបានយ៉ាងដូចម្តេច?
ពេលវេលាដំណើរការ
បើប្រៀបធៀបទៅនឹងការកំណត់ពេលវេលា 10-12 ខែនៅក្នុងកម្មវិធីសញ្ជាតិដ៏ទៃផ្សេងទៀត ឥឡូវនេះប្រទេសហ្គ្រីណាដា ស្ថិតក្នុងចំណោមជម្រើសលឿនបំផុត។ ឧទាហរណ៍ កម្មវិធីសញ្ជាតិនៅប្រទេស Antigua & Barbuda និង ប្រទេស St. Lucia ជាធម្មតាត្រូវការចំណាយពេល 12 ខែសម្រាប់ដំណើរការពេញលេញ ទោះបីជាស្ថិតនៅក្រោមលក្ខខណ្ឌស្តង់ដារក៏ដោយ។ ការកំណត់ពេលវេលាអនុម័តក្រោម 6 ខែរបស់ប្រទេសហ្គ្រីណាដា (Grenada) មិនត្រឹមតែលឿនប៉ុណ្ណោះទេ វាក៏មានភាពស៊ីសង្វាក់គ្នាផងដែរ ដោយសារការអនុវត្តតាមរយៈឌីជីថល និងការកែលម្អការដោះស្រាយករណីពិសេស។
សិទ្ធិទទួលបានទិដ្ឋាការ E-2 (សន្ធិសញ្ញាជាមួយសហរដ្ឋអាមេរិក) និងការធ្វើដំណើរដោយគ្មានទិដ្ឋាការទៅប្រទេសជាច្រើន
ពលរដ្ឋហ្រ្គីណាដា (Grenadian) អាចទទួលបានអត្ថប្រយោជន៍ពីការធ្វើដំណើរដោយគ្មានទិដ្ឋាការ ឬទិដ្ឋាការពេលមកដល់ ទៅកាន់ប្រទេសជាង 140 រួមទាំងតំបន់ Schengen ចក្រភពអង់គ្លេស ចិន និងសិង្ហបុរី។ ប៉ុន្តែអ្វីដែលពិតជាឆ្លុះបញ្ចាំងពីសក្ខានុពលប្រទេសនេះពីដៃគូប្រកួតប្រជែងរបស់ខ្លួន គឺសិទ្ធិទទួលបានសន្ធិសញ្ញាសម្រាប់ទិដ្ឋាការ E-2 របស់សហរដ្ឋអាមេរិក។ ទិដ្ឋាការ E-2 របស់សហរដ្ឋអាមេរិកនេះអនុញ្ញាតឱ្យអ្នកធ្វើការបណ្តាក់ទុន និងរស់នៅក្នុងសហរដ្ឋអាមេរិក ដែលជាអត្ថប្រយោជន៍ដែលមិនត្រូវបានផ្តល់ដោយកម្មវិធីសញ្ជាតិការាបៀនផ្សេងទៀតឡើយ។
ជម្រើសនៃការវិនិយោគ និងភាពបត់បែន
ប្រទេសហ្គ្រីណាដា (Grenada) ផ្តល់ជម្រើសពីរយ៉ាងច្បាស់លាស់៖ ការរួមចំណែកដល់មូលនិធិអភិវឌ្ឃន៍ជាតិ (NTF) ឬការវិនិយោគលើអចលនទ្រព្យដែលបានអនុម័ត។ ជម្រើសទាំងពីរនេះផ្តល់នូវការកំណត់ពេលវេលាច្បាស់លាស់ ការរួមបញ្ចូលគ្រួសារ និងមិនមានតម្រូវការស្នាក់នៅជាកាតព្វកិច្ច។
មូលនិធិអភិវឌ្ឃន៍ជាតិ (NTF)
ដើម្បីមានលក្ខណៈគ្រប់គ្រាន់តាមរយៈជម្រើស NTF ការរួមចំណែកអប្បបរមាដែលត្រូវការមានដូចខាងក្រោម៖
- USD 235,000 សម្រាប់អ្នកដាក់ពាក្យតែម្នាក់ ឬគ្រួសារដែលមានសមាជិករហូតដល់ 4 នាក់។
- USD 25,000 សម្រាប់សមាជិកបន្ថែមនីមួយៗលើសពី 4 ដោយមិនរាប់បញ្ចូលដូចខាងក្រោម;
- USD 50,000 សម្រាប់ឪពុកម្តាយ/ជីដូនជីតាម្នាក់ៗដែលមានអាយុក្រោម 55 ឆ្នាំ។
- USD 75,000 សម្រាប់បងប្អូនដែលមានសិទ្ធិម្នាក់ៗ។
ជម្រើសអចលនទ្រព្យ
ជម្រើសអចលនទ្រព្យអនុញ្ញាតឱ្យអ្នកវិនិយោគទិញយូនីត នៅក្នុងវិស័យទេសចរណ៍ និងការអភិវឌ្ឍន៍លំនៅដ្ឋានដែលអនុម័តដោយរដ្ឋាភិបាល។ គម្រោងអចលនទ្រព្យដែលត្រូវបានអនុម័តដែលមានសិទ្ធិសម្រាប់ការវិនិយោគរួមមាន រីសត អគារស្នាក់នៅ និងការអភិវឌ្ឍន៍បែបអេកូឡូស៊ី។
ការវិនិយោគអប្បបរមាគឺ USD 270,000។ ប្រសិនបើអចលនទ្រព្យត្រូវបានលក់បន្តជាការវិនិយោគដែលមានលក្ខណៈសម្បត្តិគ្រប់គ្រាន់ទៅឱ្យអ្នកដាក់ពាក្យកម្មវិធីសញ្ជាតិផ្សេងទៀត តែត្រូវរក្សាទុកយ៉ាងហោចណាស់ប្រាំឆ្នាំ។ បើមិនដូច្នោះទេវាអាចត្រូវបានលក់នៅពេលណាមួយបន្ទាប់ពីការទិញ។
បន្ថែមពីលើការទិញអចលនទ្រព្យ អ្នកដាក់ពាក្យត្រូវបង់ថ្លៃរដ្ឋាភិបាលចំនួន USD 50,000 ជាមួយនឹងថ្លៃសេវាបន្ថែមសម្រាប់សមាជិកក្នុងបន្ទុក។
កម្រិតអប្បបរមាទាំងនេះមានការប្រកួតប្រជែងបើប្រៀបធៀបទៅនឹងជម្រើសផ្សេងទៀតដូចជា Antigua & Barbuda ឬ Saint Lucia ជាពិសេសនៅពេលធ្វើការលើពេលវេលាដំណើរការ និងតម្លាភាពនៃកម្មវិធី។
រចនាសម្ព័នគ្រួសារ
កម្មវិធីសញ្ជាតិរបស់ប្រទេសហ្រ្គីណាដា Grenada អនុញ្ញាតឱ្យកូនក្នុងបន្ទុកអាយុក្រោម 30 ឆ្នាំ បងប្អូនបង្កើតមិនទាន់រៀបការដែលមានអាយុលើសពី 18 ឆ្នាំ និងឪពុកម្តាយ ឬជីដូនជីតាក្នុងបន្ទុកអាចរួមបញ្ចូលនៅក្រោមកម្មវិធីពាក្យស្នើតែមួយ។
របៀបកំណត់ពេលវេលាដំណើរការកម្មវិធីសញ្ជាតិរបស់ប្រទេសហ្គ្រីណាដា Grenada Citizenship by Investment (CBI) ជាអតិបរមា
ខណៈពេលដែលការកំណត់ពេលវេលាដំណើរការកម្មវិធីសញ្ជាតិរបស់ប្រទេសហ្គ្រីណាដា ថ្មីផ្តល់នូវដំណើរការលឿន អ្នកដាក់ពាក្យនៅតែត្រូវរៀបចំឯកសារយ៉ាងប្រុងប្រយ័ត្នដើម្បីទាញយកអត្ថប្រយោជន៍ជាច្រើនពីឱកាសនេះ។ ទោះបីជាមាននីតិវិធីសម្រួលក៏ដោយ ការពន្យារពេលអាចកើតឡើងដោយសារឯកសារមិនពេញលេញ ឬជម្រើសវិនិយោគមិនច្បាស់លាស់។
ពួកយើងមានក្រុមការងារសម្រាប់ជួយអ្នកក្នុងការរៀបចំដំណើរការកម្មវិធី ដោយទំនុកចិត្ត និងការអនុលោមតាមច្បាប់ពេញលេញ ធានាថាអ្នកទទួលបានសញ្ជាតិក្នុងរយៈពេលដ៏ខ្លីបំផុតដែលអាចធ្វើទៅបាន។
ចាប់ផ្តើមជាមួយការរៀបចំឯកសារដាក់ស្នើដ៏រឹងមាំ
ការកំណត់ពេលវេលា 6 ខែចាប់ផ្តើមតែនៅពេលដែលឯកសារពាក្យស្នើរត្រូវបានដាក់បញ្ចូនជាផ្លូវការ និងទទួលយកដោយ Grenada IMA។ នោះមានន័យថាឯកសារគាំទ្រទាំងអស់ត្រូវតែត្រូវបានរៀបចំជាមុន ស្របច្បាប់ពេញលេញ និងជាភាសាអង់គ្លេស។
នេះរួមមាន៖
- ច្បាប់ចម្លងលិខិតឆ្លងដែន និងអត្តសញ្ញាណប័ណ្ណដែលបានបញ្ជាក់
- ភស្តុតាងនៃអាសយដ្ឋាន និងឯកសារហិរញ្ញវត្ថុ
- របាយការណ៍វេជ្ជសាស្រ្ត និងលិខិតថ្កោលទោស
- ប្រភពនៃមូលនិធិ និងឯកសារទ្រព្យសម្បត្តិ
- កិច្ចព្រមព្រៀងអចលនទ្រព្យ ឬឯកសារព្រមព្រៀងបរិច្ចាគ
ការពន្យារពេលជាធម្មតាកើតឡើងនៅពេលដែលអ្នកដាក់ពាក្យ មិនបានប្រមូលឯកសារទាំងនេះឱ្យបានឆាប់ ឬពឹងផ្អែកលើអ្នកផ្តល់សេវាដែលមិនយល់ពីតម្រូវការជាក់លាក់របស់ហ្គ្រីណាដា។ ក្រុមការងារដែលមានបទពិសោធន៍ និងត្រួតពិនិត្យលម្អិតជាមុននៃសម្ភារៈទាំងអស់មុនពេលដាក់ស្នើ ដើម្បីជៀសវាងការបរាជ័យដែលមិនចាំបាច់។
ជ្រើសរើសជម្រើសវិនិយោគត្រឹមត្រូវសម្រាប់បន្ទាត់ពេលវេលារបស់អ្នក
ជម្រើសមូលនិធិអភិវឌ្ឃន៍ជាតិ (NTF) និងជម្រើសអចលនទ្រព្យអាចត្រូវបានបញ្ចប់ក្នុងរយៈពេល 6 ខែ ប៉ុន្តែជម្រើសនីមួយៗអាចលឿនជាងមុន អាស្រ័យលើស្ថានភាពជាក់លាក់របស់អ្នក។
ឧទាហរណ៍ អ្នកដាក់ពាក្យដែលជ្រើសរើសសញ្ជាតិ NTF Grenada ដោយផ្លូវបរិច្ចាគ ជារឿយៗមិនសូវជួបប្រទះការពន្យារពេលដោយអង្គភាពទីបី ដែលធ្វើឱ្យវាល្អសម្រាប់អ្នកដែលផ្តល់អាទិភាពដល់ល្បឿននៃដំណើរការកម្មវិធី។ ទន្ទឹមនឹងនោះ ជម្រើសអចលនទ្រព្យអាចពាក់ព័ន្ធនឹងពេលវេលាបន្ថែមទៀត ដោយសារការជ្រើសរើសអចលនទ្រព្យ ការត្រួតពិនិត្យដោយអ្នកអភិវឌ្ឍន៍ និងការអនុវត្តកិច្ចសន្យា។
ធ្វើការជាមួយក្រុមអ្នកជំនាញឯកទេសដែលមានការអនុញ្ញាតពីរដ្ឋាភិបាល
មធ្យោបាយដ៏សំខាន់បំផុតមួយក្នុងការធានាបាននូវសញ្ជាតិទីពីររបស់អ្នកយ៉ាងឆាប់រហ័សគឺដោយធ្វើការជាមួយភ្នាក់ងារដែលមានការយល់ព្រម។
ភ្នាក់ងារដែលត្រូវបានអនុម័តផ្ដល់ជូន៖
- ការសម្របសម្រួលពេលវេលាពិតប្រាកដជាមួយ Grenada IMA
- ការជួយពិនិត្យមើលគ្រប់ឯកសារ និងទម្រង់ពាក្យស្នើ
- ការពិនិត្យមុនដើម្បីធានាបាននូវសិទ្ធិទទួលបាននិងពេញលេញ
- ការអាប់ដេតបន្តនៅគ្រប់ដំណាក់កាលនៃដំណើរការ
ជៀសវាងកំហុសទូទៅដែលបណ្តាលឱ្យមានការពន្យារពេល
ទោះបីជានៅក្រោមក្របខណ្ឌថ្មីក្រោម 6 ខែក៏ដោយ អ្នកដាក់ពាក្យនៅតែអាចប្រឈមនឹងការរំខាន ប្រសិនបើពួកគេ៖
- បញ្ជូនឯកសារដែលមិនបានបកប្រែ ឬមិនស្របច្បាប់
- បរាជ័យក្នុងការផ្តល់ភស្តុតាងត្រឹមត្រូវនៃប្រភពមូលនិធិ
- ពឹងផ្អែកលើភ្នាក់ងារដែលគ្មានអាជ្ញាប័ណ្ណ ឬគ្មានបទពិសោធន៍
- ធ្វើការផ្លាស់ប្តូរនៅនាទីចុងក្រោយចំពោះរចនាសម្ព័ន្ធគ្រួសារ ឬប្រភេទការវិនិយោគ
ទំនាក់ទំនងផ្ទាល់ជាមួយរដ្ឋាភិបាល Grenada និង Grenada IMA គឹមានកត្តាសំខាន់ណាស់ដែលអនុញ្ញាតដំណើរការកម្មវិធីទៅមុខបានយ៉ាងរលូន និងភាពជាក់លាក់ពិតប្រាកដ។
តើពេលវេលាដំណើរការកម្មវិធីក្រោម 6 ខែមាននិរន្តរភាពដែរឬទេ? ការវិភាគរបស់អ្នកជំនាញ
កិច្ចខិតខំប្រឹងប្រែងរបស់ប្រទេសហ្គ្រីណាដា (Grenada) ដើម្បីកាត់បន្ថយពេលវេលាដំណើរការកម្មវិធីសញ្ជាតិរបស់ខ្លួនមកក្រោម 6 ខែបានទាក់ទាញការសរសើរពីអន្តរជាតិ ប៉ុន្តែវាក៏ចោទជាសំណួរសំខាន់មួយផងដែរ៖ តើកម្រិតនៃល្បឿន និងប្រសិទ្ធភាពនេះអាចទ្រទ្រង់បានដែរឬទេ នៅពេលដែលតម្រូវការបន្តកើនឡើង?
សមត្ថភាពរដ្ឋាភិបាល និងការបែងចែកធនធាន
ភាពជោគជ័យនៃការបង្កើនល្បឿនកម្មវិធីសញ្ជាតិរបស់ប្រទេសហ្គ្រីណាដា (Grenada) ភាគច្រើនដោយសារតែការវិនិយោគដោយចេតនានៅក្នុងហេដ្ឋារចនាសម្ព័ន្ធឌីជីថល និងបុគ្គលិក។ ឥឡូវនេះ Grenada IMA មានដំណើរការប្រព័ន្ធគ្រប់គ្រងករណីឌីជីថលពេញលេញ ដែលសម្រួលនីតិវិធីការត្រួតពិនិត្យ និងបង្កើនការសម្របសម្រួលអន្តរភ្នាក់ងារ។
លើសពីនេះ រដ្ឋាភិបាលបានបែងចែកធនធានថ្មី ដើម្បីពង្រីកក្រុមត្រួតពិនិត្យប្រវត្តរូប សេវាកម្ម និងបណ្តុះបណ្តាលភ្នាក់ងារលើការគ្រប់គ្រងកម្មវិធីកាន់តែតឹងរ៉ឹង។ ការផ្លាស់ប្តូររចនាសម្ព័ន្ធទាំងនេះមិនមែនជាបណ្តោះអាសន្នទេ វាតំណាងឱ្យភាពវជ្ជមានក្នុងប្រព័ន្ធ និងរបៀបដែលកម្មវិធីសញ្ជាតិ CBI។
តាមទស្សនៈវិភាគ សមត្ថភាពរបស់ Grenada IMA គឺមានភាពនឹងនរល្អដើម្បីគ្រប់គ្រងបរិមាណកម្មវិធីពាក្យស្នើដែលកើនឡើងដោយមិនត្រលប់ទៅរកពេលវេលាដំណើរការយូរជាងឆ្នាំមុន។
បរិមាណកម្មវិធីពាក្យស្នើ និងសម្ពាធនៃតម្រូវការ
ទោះជាយ៉ាងណាក៏ដោយ ល្បឿននៃដំណើរការកម្មវិធីគឺតែងតែប្រឈមនឹងហានិភ័យនៃផលប៉ះពាល់ដោយសម្ពាធខាងក្រៅ ឧទាហរណ៍ប្រសិនបើបរិមាណកម្មវិធីពាក្យស្នើលើសពីសមត្ថភាពរំពឹងទុក។ តម្រូវការត្រូវបានរំពឹងថានឹងកើនឡើងយ៉ាងខ្លាំង ជាពិសេសពីបុគ្គលដែលមានទ្រព្យសម្បត្តិនៅអាស៊ី មជ្ឈិមបូព៌ា និងអាមេរិកខាងជើង។
ខណៈពេលដែលកម្មវិធីរបស់ប្រទេសហ្គ្រីណាដា (Grenada) បច្ចុប្បន្នទទួលបានកេរ្តិ៍ឈ្មោះសម្រាប់ស្ថិរភាព និងសុចរិតភាព ការពន្យារពេលនាថ្ងៃមុខអាចកើតមានឡើង ប្រសិនបើតម្រូវការលើសពីសមត្ថភាព។
ដើម្បីបន្តដំណើរទៅមុខ ប្រទេសហ្គ្រីណាដា (Grenada) នឹងត្រូវបន្តពង្រឹងប្រព័ន្ធ back-end របស់ខ្លួន និងរក្សាស្តង់ដារបញ្ចូនព័ត៌មានរបស់ខ្លួន ទោះបីជាតម្រូវការកើនឡើងក៏ដោយ។ វាជាសមតុល្យដ៏ប្រុងប្រយ័ត្ន ប៉ុន្តែយើងជឿជាក់ថារដ្ឋបាលបច្ចុប្បន្នដែលបានរៀបចំយ៉ាងល្អដើម្បីដោះស្រាយ។
ការណែនាំអំពីផែនការសម្រាប់អ្នកដាក់ពាក្យនាពេលអនាគត
ប្រសិនបើល្បឿនពេលវាលាគឺជាកត្តាសម្រេចចិត្តក្នុងយុទ្ធសាស្ត្រវិនិយោគរបស់អ្នក ខាងក្រោមនេះជាអ្វីដែលយើងណែនាំ៖
- ចាប់ផ្តើមរៀបចំឯកសារភ្លាមៗ។ ការរៀបចំឯកសារស្របច្បាប់អាចត្រូវការពេលវេលា ជាពិសេសនៅទូទាំងដែនសមត្ថកិច្ច។
- ជ្រើសរើសផ្លូវវិនិយោគរបស់អ្នកដោយប្រុងប្រយ័ត្ន។ ជម្រើសនៃការបរិច្ចាគ NTF ជាធម្មតាមិនសូវពាក់ព័ន្ធនឹងការពន្យារពេលពីភាគីទីបី (ឧ. បញ្ហាទាក់ទងនឹងអ្នកម៉ៅការ ភ្នាក់ងារ អ្នកលក់។ល។) ជាងអចលនទ្រព្យ ហើយដូច្នេះវាលឿនជាង និងអាចមានការពន្យារពេលតិច។
ការរៀបចំ និងការបញ្ជូនឯកសារឱ្យបានរហ័ស
ការពន្យារពេលច្រើនតែងកើតឡើងក្នុងដំណាក់កាលប្រមូលឯកសារ។ ដើម្បីជៀសវាងបញ្ហានេះ ក្រុមការងាររបស់យើងអាចជួយដល់អតិថិជនក្នុងការស្វែងរកប្រភពឯកសារបកប្រែ និងបំពេញទម្រង់ឯកសារដែលត្រូវការទាំងអស់បានយ៉ាងឆាប់រហ័ស និងត្រឹមត្រូវ។
ក្រុមរបស់យើងពិនិត្យរាល់ទម្រង់បែបបទ វិញ្ញាបនបត្រ និងលិខិតបញ្ជាក់ ដើម្បីធានាថាវាបំពេញតាមតម្រូវការទម្រង់ និងការផ្ទៀងផ្ទាត់ដ៏តឹងរឹងរបស់ហ្គ្រីណាដា Grenada។
ទំនាក់ទំនងជាមួយរដ្ឋាភិបាលដោយផ្ទាល់ និងការត្រួតពិនិត្យពេលវេលាជាក់ស្តែង
ដោយមានការអនុញ្ញាតពីរដ្ឋាភិបាលសម្រាប់កម្មវិធីសញ្ជាតិ CBI របស់ប្រទេសហ្រ្គីណាដា Grenada, ក្រុមការងាររបស់យើងទាក់ទងដោយផ្ទាល់ជាមួយ Grenada IMA។ កត្តាទាំងនេះនិងជម្រុញឱ្យុការឆ្លើយតបលឿនជាងមុនចំពោះសំណួរ ការដោះស្រាយបញ្ហាភ្លាមៗ និងការមើលឃើញជាអាទិភាពសម្រាប់ឯកសារកម្មវិធីរបស់អ្នក។
យើងមិនរង់ចាំការធ្វើបច្ចុប្បន្នភាពនោះទេ យើងតាមដានដំណើរការកម្មវិធីរបស់អ្នកក្នុងពេលវេលាជាក់ស្តែង ដែលផ្តល់ឱ្យអ្នកនូវសន្តិភាពផ្លូវចិត្ត និងតម្លាភាពពេញលេញពេញមួយដំណើរការ។
ការកាត់បន្ថយហានិភ័យ និងការការពារពេលវេលា
សូម្បីតែនៅក្រោមក្របខណ្ឌរយៈពេល 6 ខែក៏ដោយ កំហុស ឬការខកខានអាចនាំឱ្យមានការពន្យារពេល។ នោះហើយជាមូលហេតុដែលវិធីសាស្រ្តរបស់យើងផ្តោតលើការកាត់បន្ថយហានិភ័យយ៉ាងសកម្ម។ យើងព្យាយាមឱ្យអស់ពីសមត្ថភាពដើម្បីកំណត់ និងដោះស្រាយបញ្ហាមុនពេលដាក់ស្នើ ថាតើទាក់ទងទៅនឹងប្រភពនៃឯកសារមូលនិធិ អ្នកនៅក្នុងបន្ទុកគ្រួសារ ឬរចនាសម្ព័ន្ធអចលនទ្រព្យ ដូច្នេះឯកសាររបស់អ្នកផ្លាស់ទីដោយរលូនពីការពិនិត្យឡើងវិញរហូតដល់ការអនុម័ត។
គំនិតចុងក្រោយ៖ ឱកាសគឺមាននៅពេលឥឡូវនេះ
ការធ្វើបច្ចុប្បន្នភាពរបស់ Grenada ក្រោមបន្ទាត់ថិរវេលា 6 ខែបានធ្វើឱ្យវាក្លាយកម្មវិធីសញ្ជាតិតាមរយៈការវិនិយោគដ៏ល្អបំផុតមួយក្នុងពិភពលោក។
ប្រសិនបើអ្នកកំពុងពិចារណាលើសញ្ជាតិទីពីរ ឥឡូវនេះគឺជាពេលវេលាដ៏ល្អដើម្បីឈានទៅជំហានបន្ទាប់។ មិនថាអ្នកផ្តោតលើផែនការពន្ធ ការចល័តកាន់តែច្រើន ឬធានាអនាគតសម្រាប់គ្រួសាររបស់អ្នកទេ កម្មវិធីសញ្ជាតិរបស់ប្រទេសហ្រ្គីណាដាផ្តល់នូវដំណោះស្រាយរហ័ស និងអាចទុកចិត្តបាន ស្របតាមគោលដៅរបស់អ្នក។