REQUEST IMMIGRATION SERVICE
Thank you for visiting Harvey Law Group.
Please select our nearest office to you and complete the enquiry form below.
To send successfully, you must fill in all the required fields marked by an asterisk “*”.
កម្មវិធី START-UP VISA របស់ប្រទេសកាណាដា : ច្បាប់ថ្មីសម្រាប់ដំណើរការឯកសារលឿនជាងមុនក្នុងឆ្នាំ 2024
កំណែរលម្អពេលវេលានៃដំណើរឯកសារ និងការកាត់បន្ថយការពន្យាពេលដំណើការ (BACKLOGS)
ការផ្លាស់ប្តូរសំខាន់ៗសម្រាប់ឆ្នាំ 2024
ថ្មីៗនេះរដ្ឋាភិបាលកាណាដាបានអនុវត្តចំនុចផ្លាស់ប្តូរសំខាន់ៗលើកម្មវិធី Start-up Visa (SUV) របស់ប្រទេសកាណាដា ដោយមានគោលបំណងធ្វើឲ្យរយៈពេលនៃដំណើរការឯកសារមានភាពប្រសើរជាងមុន និងកាត់បន្ថយការរងចាំ (BACKLOGS)។ ការកែប្រែទាំងនេះ គឺសំដៅឆ្ពោះទៅរកការជួយសម្រួលក្នុងដំណើរការកម្មវិធី និងផ្តល់អាទិភាពដល់ការចាប់ផ្តើមអាជីវកម្មថ្មីរូមគ្នា។ នៅក្នុងអត្ថបទនេះ យើងនឹងស្វែងយល់អំពីចំណុចកែរសម្រួលសំខាន់ៗក្នុងកម្មវិធី និងយល់ដឹងពីសក្តានុពលនៃលទ្ធិផលចំពោះអ្នកដាក់ពាក្យស្នើសុំក្នុងកម្មវិធី SUV ។
ចំណុចសំខាន់អំពីកម្មវិធី START-UP VISA របស់ប្រទេសកាណាដា
- កម្មវិធី Start-up Visa (SUV) របស់ប្រទេសកាណាដា កំណត់ចំនួនអ្នកដាក់ពាក្យស្នើសុំមកត្រឹមក្នុង (10/ឆ្នាំ) សម្រាប់ស្ថាប័នមួយ ដើម្បីបង្កើនល្បឿនក្នុងដំណើរការឯកសារ។ នេះអាចបង្កឲ្យមានការប្រកួតប្រជែងសម្រាប់បេក្ខជន។
- ការកំណត់ (The Cap) នេះមានគោលបំណងជំរុញដំណើរការឯកសារឲ្យលឿនជាងមុន និងផ្តល់អាទិភាពដល់ការបណ្តាក់ទុនដែលត្រូវបានទទួលការគាំទ្រពីកាណាដា។
- អ្នកដែលបានដាក់ពាក្យរួចហើយ និងការចុះឈ្មោះទាំងប៉ុន្មានសម្រាប់សហគ្រិនពីមុន មិនត្រូវបានរងផលប៉ះពាល់នោះទេ។
ការផ្លាស់ប្តូរនៃកម្មវិធី START-UP VISA
កម្មវិធី SUV ត្រូវបានរចនាឡើងដើម្បីទាក់ទាញសហគ្រិនដែលមានការច្នៃប្រឌិតខ្ពស់មកពីជុំវិញពិភពលោក ដើម្បីចូលរួមជាចំណែកដល់កំណើនសេដ្ឋកិច្ចរបស់ប្រទេសកាណាដា។ នៅថ្ងៃទី29 ខែមេសា ឆ្នាំ2024 លោករដ្ឋមន្ត្រី Marc Miller រដ្ឋមន្ត្រីក្រសួង
អន្តោប្រវេសន៍ ជនភៀសខ្លួន និងសញ្ជាតិ (IRCC) បានប្រកាសពីការផ្លាស់ប្តូរគោលការណ៍សំខាន់ៗមួយចំនួននៃកម្មវិធី Start-up Visa ដែលនឹងចូលជាធរមាននៅថ្ងៃទី30 ខែមេសា ឆ្នាំ2024។
ការផ្លាស់ប្តូរដ៏គួរឲ្យកត់សម្គាល់មួយ គឺការបង្ហាញវត្តមាន The Cap (ការកំណត់) លើចំនួនពាក្យស្នើសុំសិទ្ធិស្នាក់អចិន្ត្រៃយ៍ ដែលអង្គភាពនីមួយៗអាចទទួលយកក្រោមកម្មវិធីSUV។ អង្គភាពនីមួយៗអាចបន្តគាំទ្រអាជីវកម្ម start-up ចំនួន10 ជាអតិបរមាក្នុងមួយឆ្នាំ។ The Cap មានគោលបំណងជំរុញបន្ថែម នឹងអនុញ្ញាតឲ្យអង្គភាពទាំងឡាយផ្ដោតសំខាន់ក្នុងការលើកស្ទួយ ក្រុមហ៊ុនបណ្តាក់ទុនដែលមានសក្តានុពលច្បាស់លាស់។
តើវត្តមានរបស់ The Cap បាននាំមកនៅឥទ្ធិពលអ្វីខ្លះ?
ការប្រែប្រួលទាំងនេះជះឥទ្ធិពលជាច្រើនសម្រាប់អ្នកដាក់ពាក្យ និងកម្មវិធី SUV របស់ប្រទេសកាណាដាទាំងមូល។ ទីមួយ វត្តមានរបស់ The Cap ត្រូវបានរំពឹងថានឹងបង្កើនការប្រកួតប្រជែងក្នុងចំណោមសហគ្រិន ដែលស្វែងរកការគាំទ្រពីអង្គភាពរបស់ខ្លួន។ ជាមួយនឹងចំនួនកន្លែងមានកំណត់ អ្នកដាក់ពាក្យនឹងត្រូវបង្ហាញគម្រោងអាជីវកម្មដែលប្រកដោយសក្ខានុពល និងភាពច្នៃប្រឌិត ដើម្បីឲ្យមានសភាពលេចធ្លោលើសគេ និងទទួលបានការជ្រោមជ្រែងពីអង្គភាពផ្ទាល់។
ទីពីរ ការសម្រេចចិត្តរបស់រដ្ឋាភិបាលក្នុងការអនុវត្ត The Cap នេះដែរបង្ហាញពីការប្តេជ្ញាចិត្ត របស់ខ្លួនក្នុងការដោះស្រាយបញ្ហាការរងចាំ (Backlogs) និងពង្រឹងអនុភាពនៃកម្មវិធី។ តាមរយៈការកំណត់ចំនួនពាក្យស្នើនៃកម្មវិធី រដ្ឋាភិបាលមានគោលបំណងកែរសម្រួលរយៈពេលដំណើរការឯកសាសម្រាប់អ្នកដាក់ពាក្យ និងធានានូវប្រសិទ្ធភាពរបស់កម្មវិធីឲ្យល្អជាងមុន។ ការប្តេជ្ញាចិត្តចំពោះប្រសិទ្ធភាព និងតម្លាភាពនេះអាចបង្ហាញថា កំណែទម្រង់បន្ថែមទៀតនាពេលអនាគត អាចនិងកើតឡើង ដើម្បីបង្កើននិរន្តរភាព និងអនុភាពនៃកម្មវិធី SUV ។
ចម្លើយសម្រាប់សំណួររបស់លោកអ្នក
ដើម្បីបង្កើនការយល់ដឹងរបស់អ្នកអំពីការផ្លាស់ប្តូរគោលនយោបាយថ្មីនេះ យើងនឹងបកស្រាយសំណួរដែលចោទសួរជាញឹកញាប់ រួមបញ្ចូលនឹងប្រធានបទសំខាន់ៗដូចជាឥទ្ធិពលរបស់ The Cap, ការកំណត់ពេលវេលានៃការអនុវត្ត ការកំណត់អាទិភាពនៃកម្មវិធី និងផលប៉ះពាល់ដល់អ្នកដាក់ពាក្យកម្មវិធី SUV រួចនិងអ្នកដែលកំពុងពិចារណា។
- តើការកំណត់ (The Cap) លើពាក្យចំនួនពាក្យស្នើរសុំនេះអាចមានផលប៉ះពាល់ដល់ការចូលរួមចាប់ផ្ដើមបណ្ដាក់ទុនរបស់សហគ្រិនដែរឬទេ?
ទេ, The Cap ផ្ដោតសំខាន់លើអ្នកដាក់ពាក្យក្នុងកម្មវិធី SUV។ កិច្ចសហព័ន្ធអាជីវកម្មទាំងមូលសម្រាប់សហគ្រិន នៅតែរឹងមាំដូចដែលបានបញ្ជាក់នៅក្នុងផែនការរបស់រដ្ឋាភិបាលនាឆ្នាំបន្តបន្ទាប់។
- តើ The Cap មានប្រសិទ្ធភាពនៅពេលណាហើយមានរយៈពេលប៉ុន្មាន?
The Cap នឹងមានប្រសិទ្ធភាពនៅថ្ងៃទី 30 ខែមេសា ឆ្នាំ 2024 ហើយនឹងបន្តរហូតដល់ចុងឆ្នាំ 2026។
- ជាមួយនឹងវត្តមានរបស់ The Cap តើ IRCC មានវិធានការយ៉ាងណាលើពាក្យស្នើរ?
ពាក្យស្នើរសុំសិទ្ធស្នាក់នៅអចិន្ត្រៃយ៍ដែលទទួលបានបន្ទាប់ពីថ្ងៃទី 30 ខែមេសា ឆ្នាំ 2024 ហើយស្របតាមតម្រូវការរបស់ The Cap នឹងបន្តសម្រាប់ដំណើរការ។ ពាក្យស្នើសុំដែលបានទទួលមុនកាលបរិច្ឆេទនោះក៏នឹងត្រូវបានបន្តដំណើរការដូចគ្នាដែរ។
- តើមានអ្វីកើតឡើងចំពោះពាក្យស្នើរដែលមាន Commitment Certificate ដែលចេញមុនថ្ងៃទី 30 ខែមេសា ឆ្នាំ 2024?
អ្នកដាក់ពាក្យដែលមាន Commitment Certificate ដែលចេញមុនថ្ងៃទី 30 ខែមេសា ឆ្នាំ 2024 នឹងត្រូវបានអនុញ្ញាតឱ្យដាក់ពាក្យស្នើទៅ IRCC សម្រាប់សិទ្ធស្នាក់នៅអចិន្ត្រៃយ៍ រហូតដល់ថ្ងៃទី 1 ខែវិច្ឆិកា ឆ្នាំ 2024។
- តើមានអ្វីកើតឡើងចំពោះពាក្យស្នើសុំសិទ្ធស្នាក់នៅអចិន្ត្រៃយ៍ដែលបានផ្ងើចេញមុនថ្ងៃទី 30 ខែមេសា ឆ្នាំ 2024?
ពាក្យស្នើសុំស្នាក់នៅអចិន្ត្រៃយ៍ដែលបានបំពេញជូន IRCC មុនថ្ងៃទី 30 ខែមេសា ឆ្នាំ 2024 នឹងបន្តដំណើរការដូចធម្មតា។ ប្រសិនបើកម្មវិធីទាំងនេះបំពេញតាមលក្ខខណ្ឪសិទ្ធិអាទិភាពពួកគេក៏នឹងទទួលបានអាទិភាពក្នុងដំណើរឯកសារផងដែរ។
- តើ IRCC នៅតែទទួលយកការវិនិយោគជាក្រុមដែរឬទេ?
បាទ/ចាស ការវិនិយោគជាក្រុមនៅតែត្រូវបានទទួលយក។ ជម្រើសនេះអនុញ្ញាតឱ្យអ្នកដាក់ពាក្យ រួមបញ្ចូលគ្នានូវជំនាញ និងធនធានសម្រាប់គំរូអាជីវកម្មដ៏រឹងមាំ។
រយៈពេលដំណើរការឯកសាររបស់កម្មវិធី START-UP VISA របស់ប្រទេសកាណាដា
ក្នុងឆ្នាំ 2024 នេះរដ្ឋាភិបាលកាណាដាអនុវត្តការផ្លាស់ប្តូរមួយចំនួនលើកម្មវិធី Start-up Visa គឺមានគោលបំណងកាត់បន្ថយ Backlogs និងពន្លឿនពេលវេលាដំណើរការឯកសារ។ ទោះបីជាកាកំណត់ (The Cap) លើចំនួនពាក្យស្នើសុំក្នុងស្ថាប័ននីមួយៗ អាចបង្កឲ្យមានការប្រកួតប្រជែងកើនឡើងក្នុងចំណោមអ្នកដាក់ពាក្យកម្មវិធី SUV ក៏ដោយ អ្នកដែលមានការគាំទ្រខ្លាំងពីកាណាដា និងដំណើរអាជីវកម្មប្រកបដោយភាពច្នៃប្រឌិត ទំនងជាទទួលបានអត្ថប្រយោជន៍ពីរយៈពេលដំណើរការឯកសារលឿនជាងមុនក្រោមប្រព័ន្ធថ្មីនេះ។
គន្លឹះដែលBusiness Incubator អាចជួយឲ្យលោកអ្នកមានភាពលេចធ្លោទន្ទឹមនឹងការកំណត់ថ្មី (The Cap) 2024
ប្រសិនបើលោកអ្នកកំពុងស្វែងរកជំនួយក្នុងទំនាក់ទំនងជាមួយBusiness Incubator ជាពិសេសនៅក្នុងអំឡុងពេលវត្តមាន The Cap លើឯកសារស្នើសុំ ពួកយើងបានរៀបចំជាស្រេច ក្នុងការត្រៀមសម្រាប់ផ្តល់ជូននូវធនធានចាំបាច់ដល់លោកអ្នក។ ក្រុមការងាររបស់យើងមានទំនាក់ទំនងដ៏រឹងមាំជាមួយ Business Incubator ផ្សេងៗនៅទូទាំងប្រទេសកាណាដា ហេតុដូចនេះយើងអាចជួយដល់អតិថិជនរបស់យើងក្នុងការស្វែងរកដៃគូរ ដែលសមប្រកបសម្រាប់ការចាប់ផ្តើមអាជីវកម្មរបស់ពួកគេ។ មិនថាវាជាការស្រាវជ្រាវរក incubator ដែលត្រឹមត្រូវ កិច្ចសម្របសម្រួល ឬការផ្តល់ការយោលបល់ផ្សេងៗក្នុងពេលដំណើរការនោះទេ យើងមានក្រុមការងារជំនាញសម្រាប់ដល់ជួយអតិថិជនរបស់យើងឲ្យទទួលបានការជ្រោមជ្រែងដែលពួកគេត្រូវការ។ យើងយល់ពីសារៈសំខាន់នៃបណ្តាញរឹងមាំ ហើយប្តេជ្ញាក្នុងការប្រើប្រាស់ធនធានរបស់យើង ដើម្បីធានាថាអតិថិជនរបស់យើងជោគជ័យក្នុងដំណើរអន្តោប្រវេសន៍របស់ពួកគេ។
សូមចំណាំថាព័ត៌មាននេះគឺជាឯកសារយោងតែប៉ុណ្ណោះ ហើយក៏មិនមានគោលបំណងក្នុងកាណែនាំ ឬផ្តល់យោបល់ផ្នែកច្បាប់ដល់វិនិយោគិនឡើយ។ ព័ត៌មាននេះអាចមានផ្លាស់ប្តូរដោយមិនចាំបាច់ជូនដំណឹងទុកជាមុន។ ដើម្បីទទួលបានការប្រឹក្សាត្រឹមត្រូវនៃទម្រង់ការទូទាត់របស់អ្នក និងពត៌មានលម្អិតផ្សេងៗសម្រាប់កម្មវិធីវិនិយោគ សូមធ្វើការទាក់ទងមកការិយាល័យយើងខ្ញុំ។