កាណាដាបង្ហាញការណែនាំច្បាប់ថ្មីដើម្បីរៀបចំឡើងវិញនូវការចូលសញ្ជាតិតាមរយៈវង្សត្រកូល

ការពង្រីកការសុំសញ្ជាតិកាណាដាតាមវង្សត្រកូល៖ ក្រិត្យច្បាប់លេខ C-71 ត្រូវបានណែនាំ

នៅថ្ងៃទី 23 ខែឧសភា ឆ្នាំ 2024 រដ្ឋាភិបាលកាណាដាបានណែនាំក្រិត្យច្បាប់លេខ C-71 ដើម្បីធ្វើវិសោធនកម្មច្បាប់ស្តីពីការចូលសញ្ជាតិ ដែលនាំឲ្យមានការប្រែប្រួលទម្រង់ក្របខ័ណ្ឌសម្រាប់ការចូលសញ្ជាតិតាមរយៈវង្សត្រកូល។ ច្បាប់នេះឆ្លើយតបទៅនឹងសេចក្តីសម្រេចរបស់តុលាការជាន់ខ្ពស់ Ontario នា ខែធ្នូ ឆ្នាំ 2023 ដែលបានប្រកាសពីការកំណត់ជំនាន់ទី 1 សម្រាប់ការចូលសញ្ជាតិតាមរយៈវង្សត្រកូល គឺមិនស្របតាមរដ្ឋធម្មនុញ្ញ។ សម្រាប់ព័ត៌មានលម្អិតនៃសេចក្តីសម្រេចរបស់តុលាការយុត្តិធម៌ Ontario ស្តីពីភាពមិនស្របតាមរដ្ឋធម្មនុញ្ញនៃច្បាប់កាត់ផ្តាច់ជំនាន់ទី 2។​
សូមមើលអត្ថបទដែលបានបោះពុម្ពផ្សាយពីមុនរបស់យើង “តុលាការយុត្តិធម៌ជាន់ខ្ពស់ Ontario បានរកឃើញច្បាប់កាត់ផ្តាច់ជំនាន់ទី 2 មិនស្របតាមរដ្ឋធម្មនុញ្ញ”។

ចំណុច​សំខាន់

• ក្រិត្យច្បាប់លេខ C-71 បានកែប្រែច្បាប់ស្តីពីការចូលសញ្ជាតិកាណាដា៖ ច្បាប់ថ្មីនេះបានផ្លាស់ប្តូរទម្រង់លក្ខខណ្ឌការចូលសញ្ជាតិតាមរយៈវង្សត្រកូល។
• ដកចេញការកំណត់ជំនាន់ទី 1 ៖ ពីមុន ពលរដ្ឋកាណាដាដែលកើតក្រៅប្រទេសមិនអាចផ្តល់សញ្ជាតិដល់កូនដែលកើតនៅក្រៅប្រទេសបាននោះទេ។ ក្រិត្យច្បាប់លេខ C-71 ផ្តល់សញ្ជាតិដោយស្វ័យប្រវត្តិដល់អ្នកដែលជាប់ពាក់ព័ន្ធ ហើយពង្រីកបន្តទៅមនុស្សជំនាន់ក្រោយ។
• ការធ្វើតេស្ត “ការជាប់ទាក់ទង” (Substantial Connection)៖ ឪពុកម្តាយជនជាតិកាណាដាដែលកើតក្រៅប្រទេសអាចផ្តល់សញ្ជាតិដល់មនុស្សជំនាន់ក្រោយលើសពីអ្នកដំបូង ប៉ុន្តែពួកគេត្រូវតែបង្ហាញពី “ការជាប់ទាក់ទង” ដោយចំណាយពេលយ៉ាងហោចណាស់ 3 ឆ្នាំ (1,095 ថ្ងៃ) នៅក្នុងប្រទេសកាណាដា មុនកំណើតកូន/ស្មុំកូនចិញ្ចឹម។
• “ជនជាតិកាណាដាដែលបាត់បង់សញ្ជាតិ” ត្រូវបានដោះស្រាយ៖ ច្បាប់នេះផ្ដល់សញ្ជាតិជូនវិញដល់បុគ្គលដែលបានបាត់វា ឬមិនបានទទួលវា ដោយសារច្បាប់ហួសរយៈកាល រួមទាំងកូនចៅរបស់ពួកគេ។
• អត្ថប្រយោជន៍សម្រាប់គ្រួសារនៅក្រៅប្រទេស៖ ច្បាប់ថ្មីនេះជួយសម្រួលដំណើរការសម្រាប់គ្រួសារកាណាដានៅបរទេសដើម្បីទទួលបានសញ្ជាតិសម្រាប់កូនរបស់ពួកគេ។

បទប្បញ្ញត្តិសំខាន់ៗនៃច្បាប់ C-71

ដកចេញនូវការកំណត់ជំនាន់ទី 1

ការកំណត់ជំនាន់ទី 1 បានរារាំងពលរដ្ឋកាណាដាដែលកើតនៅខាងក្រៅប្រទេសក្នុងការផ្ដល់សញ្ជាតិទៅឱ្យកូនរបស់ពួកគេដែលកើតនៅក្រៅប្រទេសដូចគ្នាដែរ។ ក្រិត្យច្បាប់លេខ C-71 បានសម្រួលដល់ស្ថានភាពនៃអ្នកដែលរងផលប៉ះពាល់ពីការដែនកំណត់នេះ ដោយផ្តល់ឱ្យពួកគេនូវសញ្ជាតិឡើងវិញ។ នៅពេលអនុម័តរួច ច្បាប់នេះនឹងបន្តសញ្ជាតិដោយស្វ័យប្រវត្តិដល់បុគ្គលណាដែលកើតនៅក្រៅប្រទេសហើយមានឪពុកម្តាយជាជនជាតិកាណាដា មុនពេលច្បាប់ចូលជាធរមាន។ ការផ្លាស់ប្តូរនេះសង្កត់ធ្ងន់លើអ្នកដែលមិនត្រូវបានរាប់បញ្ចូលយ៉ាងអយុត្តិធម៌នៅក្រោមច្បាប់ចាស់ ដោយធានាថាពួកគេនឹងទទួលបានសញ្ជាតិដែលពួកគេមានសិទ្ធិគួរទទួលបាន។

បង្កើតការជាប់ទាក់ទង (Substantial Connection)

ច្បាប់ថ្មីនេបានណែនាំ “ការជាប់ទាក់ទង” ដែលអនុញ្ញាតឱ្យឪពុកម្តាយជនជាតិកាណាដាដែលកើតនៅក្រៅប្រទេសមានសិទិ្ធផ្ដល់សញ្ជាតិដល់កូនរបស់ពួកគេដែលកើតនៅក្រៅប្រទេស ក្រោយជំនាន់ទី 1 ប្រសិនបើពួកគេអាចបង្ហាញពីទំនាក់ទំនងជាមួយប្រទេសកាណាដា។ នេះត្រូវបានកំណត់តាមការមានវត្តមានផ្ទាល់នៅក្នុងប្រទេសកាណាដាបាន 1,095 ថ្ងៃ (បីឆ្នាំ) នៅក្នុងប្រទេសកាណាដា មុនកំណើតកូន ឬស្មុំកូនចិញ្ចឹម។

ការដោះស្រាយបញ្ហានៃ “ជនជាតិកាណាដែលបាត់បង់សញ្ជាតិ”

ពាក្យ “Lost Canadians” សំដៅលើបុគ្គលដែលបាត់បង់ ឬមិនដែលបានទទួលសញ្ជាតិ ដោយសារបទប្បញ្ញត្តិហួសរយៈកាលនៅក្នុងច្បាប់សញ្ជាតិពីមុន។ វិសោធនកម្មពីមុនក្នុងឆ្នាំ 2009 និង 2015 បានដោះស្រាយករណីបែបនេះជាច្រើន ប៉ុន្តែបុគ្គលមួយចំនួន និងកូនចៅរបស់ពួកគេនៅតែមិនបានរាប់បញ្ចូល។ ក្រិត្យច្បាប់លេខ C-71 មានគោលបំណងផ្ដល់ជូនវិញនូវសញ្ជាតិដល់ “Lost Canadians” ដែលនៅសេសសល់ទាំងនេះ រួមមានកូនចៅរបស់ពួកគេ និងនរណាម្នាក់ដែលកើតនៅក្រៅប្រទេសហើយមានឪពុកម្តាយជាជនជាតិកាណាដា ក្នុងជំនាន់ទីពីរ ឬជំនាន់បន្តបន្ទាប់ មុនពេលច្បាប់ចូលជាធរមាន។ នេះ​រួម​បញ្ចូល​ទាំង​អ្នក​ដែល​បាត់​បង់​សញ្ជាតិ​ក្រោម ​former section 8 នៃ​ច្បាប់​សញ្ជាតិ។ ជាទូទៅទាំងនេះរួមបញ្ចូលបុគ្គលដែលកើតក្នុងជំនាន់ទីពីរនៅក្រៅប្រទេស នៅចន្លោះថ្ងៃទី 15 ខែកុម្ភៈ ឆ្នាំ 1977 និងថ្ងៃទី 16 ខែមេសា ឆ្នាំ 1981 ដែលមានអាយុ 28 ឆ្នាំ មុនពេលការណត់ជំនាន់ទី 1 ត្រូវបានណែនាំក្នុងឆ្នាំ 2009 ។

ផលប៉ះពាល់នៃច្បាប់ថ្មី

សម្រាប់គ្រួសារជនជាតិកាណាដាដែលរស់នៅក្រៅប្រទេស ច្បាប់ថ្មីនាំមកនូវអត្ថប្រយោជន៍ប្រាកដណាស់។ វាជាការលុបបំបាត់នូវភាពមិនប្រាកដប្រជា និងឧបសគ្គផ្នែករដ្ឋបាលដែលធ្លាប់ជួបប្រទះពីមុននៅពេលព្យាយាមស្នើរសុំសញ្ជាតិសម្រាប់កូនរបស់ពួកគេ។ ការសម្រួលនៃដំណើរការនេះអាចជាការសម្រាលទុក្ខជាពិសេសសម្រាប់គ្រួសារដែលកំពុងពិចារណាលើផែនការរយៈពេលវែងពាក់ព័ន្ធនឹងប្រទេសដែលពួកគេរស់នៅ និងទំនាក់ទំនងរបស់ពួកគេមកកាន់ប្រទេសកាណាដា។

តាមរយៈការដោះស្រាយការកំណត់នៃច្បាប់ជំនាន់ទី 1, ក្រិត្យច្បាប់លេខ C-71 ធានាថា ពលរដ្ឋកាណាដា ដោយមិនគិតពីទីកន្លែងកំណើតរបស់ពួកគេ អាចមានសិទ្ធិផ្តល់សញ្ជាតិដល់កូនរបស់ពួកគេបាន ប្រសិនបើពួកគេបានចំណាយពេលយ៉ាងតិច 3 ឆ្នាំនៅក្នុងប្រទេសកាណាដា មុនពេលកើត ឬដំណើរការសុំកូនចិញ្ចឹមរបស់ពួកគេ។

នៅពេលដែលច្បាប់ថ្មីត្រូវបានអនុម័ត វានឹងនាំឱ្យមានការកើនឡើងនៃពាក្យស្នើរសុំសញ្ជាតិពីអ្នកដែលមិនមានសិទ្ធិពីមុនមក។ នេះអាចបណ្តាលឱ្យមានបន្ទុករដ្ឋបាលខ្ពស់ជាងមុនសម្រាប់ ការធ្វើអន្តោប្រវេសន៍ ជនភៀសខ្លួន និងសញ្ជាតិកាណាដា (IRCC) ដោយត្រូវការនីតិវិធីដោះស្រាយប្រកបដោយប្រសិទ្ធភាព ដើម្បីសម្រួលដល់ការកើនឡើងនៃចំនួនពាក្យស្នើរ។

ស្វែង​យល់​បន្ថែម

សូមចំណាំថាព័ត៌មាននេះគឺជាឯកសារយោងតែប៉ុណ្ណោះ ហើយក៏មិនមានគោលបំណងក្នុងកាណែនាំ ឬ​ផ្តល់យោបល់ផ្នែកច្បាប់ដល់វិនិយោគិនឡើយ។ ព័ត៌មាននេះអាចមានផ្លាស់ប្តូរដោយមិនចាំបាច់ជូនដំណឹងទុកជាមុន។ ដើម្បីទទួលបានការប្រឹក្សាត្រឹមត្រូវ តាមតម្រូវការរបស់អ្នក និងពត៌មានលម្អិតផ្សេងៗសម្រាប់កម្មវិធីវិនិយោគខាងលើ សូមធ្វើការទាក់ទងមកការិយាល័យយើងខ្ញុំ។