ការណែនាំកម្មវិធី ទិដ្ឋាការមាសថ្មីរបស់ប្រទេសហុងគ្រី៖ សេចក្ដីប្រកាសពីកម្មវិធីទិដ្ឋាការមាសថ្មីនេះ

ប្រទេសហុងគ្រីបានមកដល់ហើយ៖ សេចក្ដីប្រកាសពីកម្មវិធីទិដ្ឋាការមាសថ្មីនេះ

 ជម្រើសអន្តោប្រវេសន៍ដែលបណ្តាប្រទេសសហភាពអឺរ៉ុបនៅបន្តទទួលបានប្រជាប្រិយភាពយ៉ាងខ្លាំងក្លា កត្ដាភាគច្រើនមកពីគុណភាពនៃការរស់នៅប្រចាំថ្ងៃមានកម្រិតខ្ពស់ វិស័យអប់រំមានមូលដ្ឋានគ្រឹះរឹងមាំ និងប្រព័ន្ធថែទាំសុខភាពដែលបណ្តាប្រទេសសហភាពអឺរ៉ុបផ្តល់ជូន។ កម្មវិធីអន្តោប្រវេសន៍ទាំងនេះ ត្រូវបានតាំងជាគំរូដើម្បីធ្វើជាឧបករណ៍ក្នុងការជំរុញប្រព័ន្ធសេដ្ឋកិច្ចក្នុងស្រុក និងដើម្បីទាក់ទាញអ្នកមានទ្រព្យសម្បត្តិពីបរទេស។  ដូច្នោះហើយ ពួកគេតែងវិវត្តន៍ឥតឈប់ឈរ អំឡុងពេលដែលរដ្ឋាភិបាលធ្វើការវាយតម្លៃឡើងវិញនូវតម្រូវការចាំបាច់។ ជាមួយនិងការផ្លាស់ប្តូរថ្មីៗនេះទៅលើទិដ្ឋាការមាសដែលមានវត្តមានជាយូរមកហើយ ពួកយើងពិតជាមានក្តីសោមនោសរីករាយ អមជាមួយនិងការរំពឹងទុកយ៉ាងខ្លាំងដោយយើងបានស្វាគមន៍ទិដ្ឋាការមាសថ្មី របស់ប្រទេសហុងគ្រី នេះ​ ដែលនឹងចូលជាធរមាននៅថ្ងៃទី 1 ខែកក្កដា ឆ្នាំ 2024។

ចំណុចសំខាន់ៗអំពីកម្មវិធីទិដ្ឋាការមាសរបស់ប្រទេសហុងគ្រី

• ចំនួនទឹកប្រាក់វិនិយោគអប្បបរមាចាប់ផ្តើមពី EUR 250,000 (មូលនិធិវិនិយោគ) ឬ EUR 500,000 (លើអចលនទ្រព្យ)។
• អនុញ្ញាតឱ្យរធ្វើដំណើរចូលក្នុងតំបន់ Schengen ដោយមិនបាច់សុំទិដ្ឋាការ រយៈពេល 90 ថ្ងៃ ក្នុងរៀងរាល់រយៈពេល 180 ថ្ងៃ។
• ផ្តល់សិទ្ធិក្នុងការរស់នៅ ធ្វើការ និងសិក្សានៅប្រទេសហុងគ្រី ដោយគ្មានការរឹតត្បិត។
• ទិដ្ឋាការមាសរបស់ប្រទេសហុងគ្រីនឹងមានសុពលភាព 10 ឆ្នាំ ហើយអាចស្នើរបន្តសពុលភាពបានរយៈពេល 10 ឆ្នាំបន្ថែមទៀត។
• មិន​មាន​តម្រូវ​ការ​លើភាសា ការ​អប់រំ ឬ​ការ​ស្នាក់នៅ​ផ្ទាល់ក្នុងប្រទេ​សនោះ​ទេ។

ទេសភាពថ្មីសម្រាប់ការធ្វើអន្តោប្រវេសន៍តាមរយៈការវិនិយោគ៖ តម្រូវការតឹងរ៉ឹងសម្រាប់ទិដ្ឋាការមាសរបស់អឺរ៉ុប

ក្នុងប៉ុន្មានឆ្នាំចុងក្រោយនេះ សម្ពាធកើនឡើងពីសំណាក់ស្ថាប័នអឺរ៉ុបបាននាំឱ្យមានការបិទសិទ្ធិស្ទើរតែទាំងស្រុងលើកម្មវិធីសុំសញ្ជាតិតាមរយៈការវិនិយោគ ដែលអាចផ្ដល់សញ្ជាតិសហភាពអឺរ៉ុបដល់វិនិយោគិន ដើម្បីជាថ្នូរនឹងការវិនិយោគក្នុងស្រុក។ ​ថ្ងៃសម្រាប់លិខិតឆ្លងដែនពណ៌មាសនេះ សឹងតែរលត់បាត់ទៅហើយ ប៉ុន្តែទិដ្ឋាការមាសផ្សេងៗទៀតនៅតែរឹងមាំបន្តទៅមុខ។ កម្មវិធីទាំងនេះឈជាជម្រើសសម្រាប់វិនិយោគិន (និងគ្រួសារ) ដែលកំពុងស្វែងរកសិទ្ធិក្នុងការធ្វើដំណើរឆ្លងកាត់តំបន់ Schengen និងដើម្បីរស់នៅ ធ្វើការ និងសិក្សានៅក្នុងតំបន់ណាមួយនៅបណ្ដាប្រទេសសហភាពអឺរ៉ុប។  ទាំងនោះដែរក៏ជាវិថីដ៏ពិតប្រាកដមួយទៅកាន់ការទទួលបានសិទ្ធស្នាក់នៅ និងចូលសញ្ជាតិរបស់ប្រទេសនៃសហភាពអឺរ៉ុបផងដែរ។

 

ជោគជ័យដ៏អស្ចារ្យនៃទិដ្ឋាការមាសអឺរ៉ុបកំពុងផ្តល់អានុភាពដល់រដ្ឋាភិបាលក្នុងការរឹតបន្តឹងគោលនិយោបាយ និងទាមទារលក្ខណបន្ថែមទៀតពីវិនិយោគិនដែលមានសក្តានុពល។ ជាឧទាហរណ៍ នៅឆ្នាំ 2023 ប្រទេសព័រទុយហ្គាល់បានកែប្រែកម្មវិធីទិដ្ឋាការមាសព័រទុយហ្គាល់ដោយដកចេញជម្រើសវិនិយោគលើអចលនទ្រព្យទាំងស្រុង នាំឲ្យវិនិយោគិនត្រូវវិនិយោគក្នុងមូលនិធិវិក្នុងស្រុកដែលទឹកប្រាក់កើនឡើងជិតពីរដងនៃចំនួនទឹកប្រាក់ដែលវិនិយោគិនអាចចំណាយដើម្បីទិញអចលនទ្រព្យណាមួយនាពេលនោះ។  ឧទាហរណ៍មិនអំណោយផលមួយទៀត៖ កម្មវិធីទិដ្ឋាការមាសនៃប្រទេសក្រិកបានបង្កើនចំនួនវិនិយោគអចលនវត្ថុអប្បរមាលើសរហូតដល់បីដងគឺ EUR 800,000 ។ កម្មវិធីមួយចំនួនផ្សេងទៀតក៏បានបិទដោយសន្តិវិធី ដូចជាកម្មវិធីសុំសិទ្ធស្នាក់នៅរបស់ប្រទេសអៀរឡង់ក៏បានបិទបន្ទាប់ពីប្រតិបត្តិការអស់រយៈពេល 10 ឆ្នាំ ដោយបានបំពេញគោលបំណងរបស់ខ្លួនរួចហើយ។ កម្មវិធី UK Tier 1 (Investor) ក៏បានឈប់ដំណើរការដែរ ដោយប្រាប់ពិភពលោកថា ការវិនិយោគផ្នែកហិរញ្ញវត្ថុតែមួយមុខមិនគ្រប់គ្រាន់សម្រាប់ចក្រភពអង់គ្លេសនោះទេ ជាហេតុធ្វើឲ្យវិនិយោគិនត្រូវលើកស្ទួយផលតម្លៃ និងការងារក្នុងស្រុក តាមរយៈ​ទិដ្ឋាការ Innovative Founder និងទិដ្ឋាការ Expansion Worker ។

កម្មវិធីទិដ្ឋាការមាសប្រទេសហុងគ្រី – ស្រូបយកខ្យល់អាកាសដ៏បរិសុទ្ធ

ខណៈពេលកំពុងមានការផ្លាស់ប្តូរទិដ្ឋភាពរួមនេះនៃជម្រើសអន្តោប្រវេសន៍របស់សហភាពអឺរ៉ុបបានលេចឡើងជាជម្រើសថ្មី ដ៏អស្ចារ្យសម្រាប់ការទទួលបានសិទ្ធស្នាក់នៅតាមរយៈការវិនិយោគនៅក្នុងប្រទេសហុងគ្រី (ត្រូវបានស្គាល់ថាជា Hungary Golden Visa Program)។ ហុងគ្រីគឺជាប្រទេសនៃសមាជិកសហភាពអឺរ៉ុបនៅក្នុងតំបន់ Schengen ដែលបានទទួលស្គាល់ថាជារដ្ឋដែលមានបរិបទជីវិតរស់នៅប្រកបដោយគុណភាពខ្ពស់។ សម្រាប់ការចំណាយផ្សេងៗក្នុងជីវភាពរស់នៅប្រចាំថ្ញៃ ហុងគ្រីគឺជាប្រទេសដែលសមរម្យបំផុត បើប្រៀបធៀបទៅនឹងបណ្តាប្រទេសអ៊ឺរ៉ុបផ្សេងទៀត សូម្បីតែនៅក្នុងទីក្រុង Budapest ដ៏ស្រស់ស្អាត និងរីកចម្រើន។

កម្មវិធីថ្មីនេះប្រៀបដូចជាខ្យល់ដង្ហើមបរិសុទ្ធសម្រាប់អ្នកដែលកំពុងស្វែងយល់អំពីទិដ្ឋាការមាសរបស់សហភាពអឺរ៉ុប។  ការវិនិយោគដែលមានលក្ខណៈសម្បត្តិគ្រប់គ្រាន់ចាប់ផ្តើមពី EUR 250,000 (ប្រសិនបើវិនិយោគលើមូលនិធិវិនិយោគ) និងជម្រើសមួយទៀត អនុញ្ញាតឱ្យវិនិយោគិនដែលមានបំណងវិនិយោគបែបអចលនទ្រព្យ ទិញលំនៅដ្ឋានណាមួយក្នុងស្រុកតាមជម្រើសរបស់ពួកគេ (យ៉ាងហោចណាស់ EUR 500,000) ដើម្បីបង្កើតឲ្យការវិនិយោគមានលក្ខណៈសម្បត្តិគ្រប់គ្រាន់។

យើងរំពឹងថាកត្តាទាំងនេះនឹងទាក់ទាញអ្នកវិនិយោគជាច្រើនដែលសម្លឹងមើលទីផ្សារអចលនទ្រព្យរបស់ប្រទេសហុងគ្រីជាឱកាសវិនិយោគ។

សម្រាប់ជាឯកសារយោង តម្លៃអចលនទ្រព្យក្នុងមួយម៉ែត្រការ៉េនៅកណ្តាលទីក្រុងនៃរដ្ឋធានីអ៊ឺរ៉ុបមានលក្ខណៈប្រែប្រួលខ្លាំង ហើយប្រទេសហុងគ្រីគឺ (យ៉ាងហោចណាស់អំឡុងពេលនេះ) ជាជម្រើសដែលមានតម្លៃសមរម្យបំផុត៖

• London: EUR 18,000
• Paris: EUR 13,000
• Amsterdam – Berlin – Stockholm – Vienna: EUR 10,000
• Copenhagen – Oslo – Rome: EUR 8,000
• Dublin – Prague: EUR 7,500
• Lisbon: EUR 6,000
• Brussels – Krakow – Madrid: EUR 5,000
• Budapest: EUR 4,000
• Athens: EUR 3,000

រយៈពេលកាន់កាប់លើគម្រោងវិនិយោគគឺត្រឹមតែ 5 ឆ្នាំប៉ុណ្ណោះ ទោះបីជាការវិនិយោគដូចគ្នា ឬថ្មីស្រដៀងគ្នាក៏ដោយ គឺត្រូវតែមានវត្តមាននៅពេលស្នើរបន្តសពុលភាពទិដ្ឋាការមាសបន្ទាប់ពី 10 ឆ្នាំ។

អត្ថប្រយោជន៍នៃកម្មវិធីទិដ្ឋាការមាសរបស់ប្រទេសហុងគ្រី

ទិដ្ឋាការមាសហុងគ្រីនឹងផ្តល់ជូនវិនិយោគិននិងសមាជិកគ្រួសារក្នុងបន្ទុកនូវសិទ្ធិក្នុងការធ្វើដំណើរទៅក្នុងតំបន់ Schengen ដោយមិនចាំបាច់សុំទិដ្ឋាកាបានចំនួន 90 ថ្ងៃក្នុងរយៈពេល 180 ថ្ងៃ និងសិទ្ធិក្នុងការរស់នៅ ធ្វើការ និងសិក្សាដោយគ្មានការរឹតត្បិតនៅក្នុងប្រទេសហុងគ្រី។ មិនមានតម្រូវការផ្នែកភាសា វិជ្ជាជីវ ឬការតាំងលំនៅដ្ឋានស្នាក់នៅផ្ទាល់នោះទេ មានន័យថាកម្មវិធីមានភាពទូលំទូលាយដល់បុគ្គលជាច្រើនបែប។

ទិដ្ឋាការមាសរបស់ហុងគ្រីនឹងមានសុពលភាព 10 ឆ្នាំ ហើយអាចស្នើរបន្តសពុលភាពបានរយៈពេល 10 ឆ្នាំបន្ថែមទៀត។  ក្នុងអំឡុងពេលនោះវិនិយោគិន និងគ្រួសាររបស់គេនឹងមានជម្រើសឈានទៅមុខយោងតាមលក្ខខណ្ឌគ្រប់គ្រាន់ ដើម្បីទទួលបានសិទ្ធស្នាក់នៅ និងការចូលសញ្ជាតិ ប្រសិនបើនេះជាគោលដៅរបស់ពួកគេ (រួមទាំងការតាំងលំនៅដ្ឋានស្នាក់នៅផ្ទាល់ និងការចេះភាសា)។ ទាំងនេះបានបង្ហាញឲ្យឃើញថា កម្មវិធីនេះពិតគិតគូយ៉ាងហ្មត់ចត់ និងបានរៀបចំឡើងដើម្បីផ្តល់ភាពងាយស្រួលដល់ស្ថាប័នអឺរ៉ុប និងភាពគង់វង់យូរអង្វែង។

សរុបសេចក្ដីមក កម្មវិធីទិដ្ឋាការវិនិយោគហុងគ្រីថ្មីនេះអាចនិងសាកសមសម្រាប់មនុស្សគ្រប់មជ្ឈដ្ឋាន និងស្ដែងចេញពីផែនការជាក់លាក់សម្រាប់អ្នកដែលកំពុងស្វែងរកសិទ្ធិរស់នៅក្នុងសហភាពអឺរ៉ុបក្នុងរយៈពេលវែង និងអាចទទួលបានសិទ្ធិស្នាក់នៅអចិន្ត្រៃយ៍ និងភាពជាពលរដ្ឋបន្តដល់អ្នកជំនាន់ក្រោយ។ ដោយសារកម្មវិធីនេះទើបត្រូវបានប្រកាសនាពេលថ្មីៗ គេបានរំពឹងទុកថារដ្ឋាភិបាលហុងគ្រីនឹងចេញផ្សាយព័ត៌មានបន្ថែមអំពីកម្មវិធីនេះក្នុងពេលឆាប់ៗ

ការណែនាំជានិច្ចកាលដល់វិនិយោគិនគួតែសហការរួមគ្នាជាមួយមេធាវីដែលមានបទពិសោធន៍ ដើម្បីទទួលបានជម្រើសអន្តោប្រវេសន៍ត្រឹមត្រូវ និងការពារផលប្រយោជន៍របស់ពួកគេ រឹតតែសំខាន់ទៅទៀតនៅពេលទទួលបានកម្មវិធីថ្មី។ យើងតែងខិតខំស្វែងរកព័ត៌មានលម្អិតនៃកម្មវិធី និងឧបសគ្គនៃដំណើរការដាក់ពាក្យ ដើម្បីធានាថាវិនិយោគិនទទួលបានចម្លើយច្បាស់លាស់ទៅលើសំណួរទាំងអស់ ហើយអាចយកចិត្តទុកដាក់ចំពោះគ្រួសារ ការងារ អាជីវកម្មរបស់ពួកគេ ខណៈពេលដែលយើងប្រឹងប្រែងធ្វើការដើម្បីសម្រេចបាននូវគោលដៅអន្តោប្រវេសន៍របស់ពួកគេយ៉ាងរលូន។

សូមចំណាំថាព័ត៌មាននេះគឺជាឯកសារយោងតែប៉ុណ្ណោះ ហើយក៏មិនមានគោលបំណងក្នុងកាណែនាំ ឬ​ផ្តល់យោបល់ផ្នែកច្បាប់ដល់វិនិយោគិនឡើយ។ ព័ត៌មាននេះអាចមានផ្លាស់ប្តូរដោយមិនចាំបាច់ជូនដំណឹងទុកជាមុន។ ដើម្បីទទួលបានការប្រឹក្សាត្រឹមត្រូវនៃទម្រង់ការទូទាត់របស់អ្នក និងពត៌មានលម្អិតផ្សេងៗសម្រាប់កម្មវិធីវិនិយោគ សូមធ្វើការទាក់ទងមកការិយាល័យយើងខ្ញុំ។