ជំនះលើបញ្ហាប្រឈមទូទៅនៅក្នុងដំណើរការស្នើសុំទិដ្ឋាការអាមេរិច EB2

ទិដ្ឋាការ EB-2 គឺជាជម្រើសទិដ្ឋាការអន្តោប្រវេសន៍អាមេរិកដ៏ពេញនិយម សម្រាប់អ្នកជំនាញដែលកំពុងស្វែងរកការងារ និងសិទ្ធិរស់នៅក្នុងសហរដ្ឋអាមេរិក។ ដែលត្រូវបានគេស្គាល់ពីគុណតម្លៃខ្ពស់ និងសក្តានុពលលើពេលវេលាដំណើរការលឿន បើប្រៀបធៀបទៅនឹងប្រភេទទិដ្ឋាការផ្សេងទៀត ជាធម្មតាទិដ្ឋាការ EB-2 ទាក់ទាញបុគ្គលដែលមានសញ្ញាបត្រកម្រិតខ្ពស់ ឬសមត្ថភាពពិសេសនៅក្នុងវិស័យរបស់ពួកគេ។ ទោះជាយ៉ាងណាក៏ដោយ ដំណើរការដាក់ពាក្យសុំទិដ្ឋាការ​ EB-2 នៃសហរដ្ឋអាមេរិក អាចមានភាពស្មុគស្មាញ និងទាមទារច្រើន ជុំវិញឯកសារពាក់ព័ន្ធ ប្រកបដោយភាណតឹងរ៉ឹង និងភស្តុតាងបញ្ជាក់ពីគុណវុឌ្ឍិ។ ជារឿយៗអ្នកដាក់ពាក្យអាចប្រឈមមុខនឹងបញ្ហាផ្លូវច្បាប់ដ៏ស្មុគស្មាញផងដែរ។ នៅក្នុងអត្ថបទនេះ យើងនឹងស្វែងយល់ពីបញ្ហាប្រឈមទូទៅមួយចំនួនដែលអ្នកដាក់ពាក្យតែងជួបប្រទះនៅក្នុងដំណើរការសុំទិដ្ឋាការអន្តោប្រវេសន៍ EB-2 និងផ្តល់នូវការយល់ដឹងអំពីយុទ្ធសាស្ត្រសផ្សេងៗ។ មិនថាអ្នកទើបតែចាប់ផ្តើមដំណើរ EB-2 របស់អ្នក ឬយ៉ាងណា ការយល់ដឹងអំពីបញ្ហាប្រឈមទាំងនេះអាចជួយអ្នកក្នុងការរៀបចំពាក្យសុំនៃកម្មវិធីកាន់តែរលូន និងជោគជ័យ។

1. យល់អំពីកត្តាមួយចំនួននៃទិដ្ឋាការវិនិយោគ EB2

អ្នកដាក់ពាក្យក្រោមជម្រើសទិដ្ឋាការកម្មវិធីវិនិយោគ EB-2 ត្រូវតែមានសមត្ថភាពពិសេស ឬត្រូវតែជាអ្នកជំនាញដែលមានសញ្ញាបត្រកម្រិតខ្ពស់។ សញ្ញាបត្រកម្រិតខ្ពស់ដែលមានការទទួលស្គាល់នៅសហរដ្ឋអាមេរិក។ អ្នកជំនួញ និងអ្នកវិទ្យាសាស្រ្ត គឺជាប្រភេទអ្នកដាក់ពាក្យមួយចំនួនដែលអាចដាក់ពាក្យនៅក្រោមទិដ្ឋាកាកម្មវិធីវិនិយោគ EB-2។ សហគ្រិនដែលកំពុងស្វែងរកការបង្កើតក្រុមហ៊ុនបណ្តាក់ទុនថ្មីក៏អាចពិចារណាជម្រើសនេះផងដែរ។ ជម្រើស EB-2 គឺមានដំណើរការលឿនសម្រាប់ការធានាបានសិទ្ធិស្នាក់នៅអចិន្ត្រៃយ៍ក្នុងសហរដ្ឋអាមេរិក។ ផែនការអាជីវកម្មដែលមានគម្រោងអភិវឌ្ឍយ៉ាងល្អដែលបង្ហាញពី សក្តានុពលនៃការលូតលាស់ អាចបង្កើតការងារ និងផ្ដល់ផលវិជ្ជមានដល់សេដ្ឋកិច្ច គឺជាគន្លឹះសំខាន់ ហើយមានមូលធនវិនិយោគគ្រប់គ្រាន់ដើម្បីបង្ហាញថាអាជីវកម្មអាចដំណើរការបាន តាមការប្រែប្រួលរសរបស់ឧស្សាហកម្ម។

1.1 លក្ខណៈវិនិច្ឆ័យសិទ្ធិទទួលបានទិដ្ឋាការ EB-2

EB-2 បែងចែកចេញជាបីប្រភេទផ្សេងគ្នា។ ប្រភេទនីមួយៗមានលក្ខណៈវិនិច្ឆ័យសិទ្ធិខុសៗគ្នា។

1. សញ្ញាបត្រកម្រិតខ្ពស់
កម្មវិធី EB-2 Start-up Investor Program ក្រោម Advanced Degrees តម្រូវឱ្យបេក្ខជនមានសញ្ញាបត្រកម្រិតខ្ពស់ស្មើនឹងស្តង់ដារអាមេរិក។ លក្ខណៈវិនិច្ឆ័យសិទ្ធិទទួលបានក្រោមប្រភេទ Advanced Degrees នៃកម្មវិធី EB-2 Start-up Investor Program មានដូចខាងក្រោម៖

អ្នកដាក់ពាក្យត្រូវតែបំពេញតាមតម្រូវការទាំងអស់ដែលបានបញ្ជាក់នៅក្រោមវិញ្ញាបនបត្រការងារ

មានបទពិសោធន៍ 5 ឆ្នាំបន្ទាប់ពីបញ្ចប់កម្មវិធីបរិញ្ញាបត្រ, បទពិសោធន៍ការងារពាក់ព័ន្ធនឹងវិស័យពាក់ព័ន្ធ

2. សមត្ថភាពពិសេស
នេះ​សំដៅ​លើ​អ្នក​មានសមាស​ភាព​ខ្លាំងក្នុង​វិស័យ​ជាក់លាក់​មួយ។ វាអាចជាសិល្បៈ វិទ្យាសាស្ត្រ ឬអាជីវកម្ម។ សមត្ថភាពរបស់អ្នកដាក់ពាក្យត្រូវមានតម្លៃដល់សហរដ្ឋអាមេរិក និងប្រព័ន្ធអេកូឡូស៊ីទាំងមូលរបស់ប្រទេស។ នេះគឺជាលក្ខណៈវិនិច្ឆ័យសិទ្ធិទទួលបានសម្រាប់កម្មវិធីវិនិយោគ EB-2 ក្រោមសមត្ថភាពពិសេស៖

ការមានកំណត់ត្រាអប់រំផ្លូវការអំពីសមត្ថភាពពិសេសរបស់អ្នកដាក់ពាក្យ

បំពេញតម្រូវការទាំងអស់នៅក្រោមវិញ្ញាបនប័ត្រការងារ Labor Certificate

បទពិសោធន៍ការងារ 10 ឆ្នាំគឺជាកត្តាចាំបាច់

អាជ្ញាប័ណ្ណសម្រាប់ការអនុវត្ត និងសមាជិកភាពនៃសមាគមវិជ្ជាជីវៈ ប្រសិនបើអាចអនុវត្តបាន គឺចាំបាច់សម្រាប់កម្មវិធីវិនិយោគ EB-2 ក្រោមសមត្ថភាពពិសេស

3. National Waiver Interest
នៅពេលត្រូវបានអនុម័ត អ្នកដាក់ពាក្យនឹងមិនត្រូវបានតម្រូវឱ្យមានការផ្តល់ជូនការងារពីសហរដ្ឋអាមេរិក/ឬបំពេញតាមតម្រូវការនៃវិញ្ញាបនបត្រការងារនោះទេ។ លក្ខណៈវិនិច្ឆ័យសិទ្ធិទទួលបានសម្រាប់កម្មវិធីវិនិយោគ EB-2 ក្រោម National Waiver Interest មានដូចខាងក្រោម៖

និយោជកនៅសហរដ្ឋអាមេរិកត្រូវតែបង្ហាញថាមិនមានបេក្ខជនដ៍ទៃដែលមានលក្ខណៈសម្បត្តិគ្រប់គ្រាន់នៅក្នុងប្រទេសនោះទេ

ការងាររបស់អ្នកដាក់ពាក្យត្រូវផ្ដល់អត្ថប្រយោជន៍ដល់សហរដ្ឋអាមេរិក

ផ្តល់ភស្តុតាងនៃសមត្ថភាពពិសេស, នេះអាចរួមបញ្ចូលវិញ្ញាបនប័ត្រ ឬកំណត់ត្រាពីសាលា

ភស្តុតាងដែលផ្តល់គួរតែបញ្ជាក់ពីសមត្ថភាពពិសេសដែលមាន

1.2 ការវិនិយោគ និងគម្រោងការ

ការវិនិយោគយ៉ាងហោចណាស់ USD 250,000៖ ការបង្ហាញទុនវិនិយោគ USD 250,000 អាចគាំទ្រដល់ពាក្យស្នើរ និងលទ្ធភាពជោគជ័យនៃអាជីវកម្ម ដែលមានអំណោយផលនៅក្នុងករណី NIW ។

ថវិកាស្រាវជ្រាវ និងអភិវឌ្ឍន៍ ($30,000)៖ សម្រាប់ R&D ជាពិសេសនៅពេលធ្វើការជាមួយទីស្នាក់ការស្រាវជ្រាវដែលគាំទ្រដោយរដ្ឋាភិបាល, វាអាចជួយពង្រឹងដល់ពាក្យស្នើរស្របតាមលក្ខខណ្ឌការច្នៃប្រឌិតរបស់សហរដ្ឋអាមេរិក។

ជំនួយពីរដ្ឋាភិបាល ឬ Incubator៖ ប្រសិនបើគម្រោងការវិនិយោគត្រូវបានភ្ជាប់ជាមួយ Incubator ឬ ទីស្នាក់ការស្រាវជ្រាវដែលគាំទ្រដោយរដ្ឋាភិបាល វាក៍អាចជួយពង្រឹងដល់ពាក្តស្នើរផងដែរ។

កម្មសិទ្ធិ និងតម្រូវការផ្លូវច្បាប់៖ ភាពជាម្ចាស់ 100%, មានកម្មសិទ្ធិពេញលេញបញ្ជាក់ពីការគ្រប់គ្រង និងការប្តេជ្ញាចិត្តរបស់អ្នកដាក់ពាក្យចំពោះគម្រោង ដែលអាចឆ្លុះបញ្ចាំងពីភាពវិជ្ជមាននៅក្នុងកម្មវិធី។

ទិដ្ឋាការ EB-2 គឺជាផ្លូវដ៏មានសក្តានុពលសម្រាប់សហគ្រិន អ្នកវិនិយោគ និងស្ថាបនិកចាប់ផ្តើមអាជីវកម្ម ដែលបំពេញតាមលក្ខណៈវិនិច្ឆ័យសិទ្ធិមួយចំនួន។ មិនដូចទិដ្ឋាការ EB-5 ដែលតម្រូវឱ្យមានការវិនិយោគហិរញ្ញវត្ថុដ៏ធំ ទិដ្ឋាការ EB-2 ក្រោម NIW ត្រូវបានរចនាឡើងដើម្បីទាក់ទាញបុគ្គលដែលមានជំនាញ ការអប់រំ ឬជំនាញកម្រិតខ្ពស់ដែលអាចបង្ហាញថាវត្តមានរបស់ពួកគេនឹងផ្តល់ផលប្រយោជន៍ដល់សេដ្ឋកិច្ចសហរដ្ឋអាមេរិក ឬបម្រើជាតិ។

2. ជំនះផលវិបាកដោយមានប្រសិទ្ធភាពជាមួយអ្នកជំនាញ

ពិតប្រាកដណាស់ ដំណើរការសុំទិដ្ឋាការអន្តោប្រវេសន៍អាមេរិកអាចស្មុគស្មាញ និងទាមទារឱ្យមានការយកចិត្តទុកដាក់ចំពោះព័ត៌មានលម្អិត។ វាពាក់ព័ន្ធនឹងជំហានជាច្រើន រួមទាំងការបង្ហាញពីសិទ្ធិទទួលបានតាមរយៈសញ្ញាបត្រកម្រិតខ្ពស់ ឬសមត្ថភាពពិសេស ការទទួលបានវិញ្ញាបនប័ត្រការងារ (ប្រសិនបើចាំបាច់) និងការរៀបចំពាក្យស្នើដោយម៉ត់ចត់។ ការធ្វើការជាមួយអ្នកជំនាញផ្នែកអន្តោប្រវេសន៍អាចជួយដោះស្រាយបញ្ហាប្រឈមទាំងនេះប្រកបដោយប្រសិទ្ធភាព ដោយធានាថាឯកសារទាំងអស់ស្ថិតក្នុងលំដាប់ និងកាលបរិច្ឆេទកំណត់។

តម្រូវការផែនការអាជីវកម្ម៖ មានការទាមទារផែនការអាជីវកម្មលម្អិត ដើម្បីបង្ហាញពីលទ្ធភាពនៃការវិនិយោគ។ ផែនការនេះចាំបាច់ត្រូវរួមបញ្ចូលការព្យាករណ៍ហិរញ្ញវត្ថុ ការវិភាគទីផ្សារ និងការពន្យល់ច្បាស់លាស់ អំពីរបៀបដែលអាជីវកម្មនេះអាចរួមចំណែកដល់សេដ្ឋកិច្ចសហរដ្ឋអាមេរិក និងបង្កើតការងារ។

ការបញ្ជាក់ពីការវិនិយោគ និងស្ថិរភាពហិរញ្ញវត្ថុ៖ USCIS ទាមទារភស្តុតាងដើមទុនវិនិយោគរបស់អ្នកដាក់ពាក្យ។

ការរុករកតម្រូវការច្បាប់ស្មុគស្មាញ៖ ដំណើរការ EB2 ពាក់ព័ន្ធនឹងតម្រូវការផ្លូវច្បាប់ និងនីតិវិធីដ៏ស្មុគស្មាញ ហើយសូម្បីតែកំហុសតូចតាចអាចបណ្តាលឱ្យមានការពន្យារពេល ឬការបដិសេធ។

ការបង្ហាញពីជំនាញរបស់អ្នក ឬសមត្ថភាពពិសេសរបស់អ្នក៖ ប្រសិនបើកម្មវិធីរបស់អ្នកពាក់ព័ន្ធនឹងការបង្ហាញពីសមត្ថភាពពិសេស (ជាជាងគ្រាន់តែជាការវិនិយោគ) អ្នកនឹងត្រូវបញ្ជាក់ពីលក្ខណៈសម្បត្តិរបស់អ្នកនៅក្នុងវិស័យរបស់អ្នក។

ការពន្យារពេល និងការស្នើសុំភស្តុតាងបន្ថែម (RFE)៖ USCIS អាចនឹងចេញ RFE ដោយស្នើសុំឯកសារបន្ថែម ឬការបំភ្លឺ ដែលអាចពន្យារពេលដំណើរការទាំងមូល

ការយល់ដឹងអំពីផលប៉ះពាល់នៃការផ្លាស់ប្តូរគោលនយោបាយអន្តោប្រវេសន៍៖ គោលនយោបាយអន្តោប្រវេសន៍អាចផ្លាស់ប្តូរ ដែលអាចប៉ះពាល់ដល់ដំណើរការដាក់ពាក្យសុំ EB2 ឬសិទ្ធិទទួលបាន។

ឧបសគ្គទាំងនេះច្រើនតែពិបាកយកឈ្នះដោយគ្មានការណែនាំពីអ្នកជំនាញ។ ការស្វែងរកជំនួយពីអ្នកដែលមានជំនាញវិជ្ជាជីវៈឬមេធាវីដែលមានបទពិសោធន៍អាចជួយសម្រួលដំណើរការបានយ៉ាងច្រើន។ ក្រុមការងារជំនាញអាចជួយធានាថាឯកសារទាំងអស់ត្រូវបានរៀបចំយ៉ាងត្រឹមត្រូវ ផ្តល់ប្រឹក្សាអំពីយុទ្ធសាស្ត្រដ៏ល្អបំផុតដើម្បីបង្ហាញពាក្យស្នើររឹងមាំ និងជួយក្នុងការឆ្លើយតបទៅនឹងសំណើណាមួយសម្រាប់ភស្តុតាងបន្ថែម ឬបញ្ហាដែលអាចកើតឡើងក្នុងអំឡុងពេលដំណើរការដាក់ពាក្យស្នើរសុំ។ ការគាំទ្រនេះអាចកាត់បន្ថយបានយ៉ាងច្រើននូវឱកាសនៃការពន្យាពេល ឬការបដិសេធ ដោយបង្កើនលទ្ធភាពនៃការដាក់ពាក្យសុំទិដ្ឋាការ EB2 ដែលទទួលបានជោគជ័យ។

3. អត្ថប្រយោជន៍សម្រាប់អ្នកវិនិយោគ និងសមាជិកគ្រួសារ

ទិដ្ឋាការកម្មវិធីវិនិយោគ EB2 ផ្តល់នូវផលវិជ្ជមាន និងអត្ថប្រយោជន៍ជាច្រើនសម្រាប់សហគ្រិន និងអាជីវកម្មរបស់ពួកគេ។ អត្ថប្រយោជន៍ដ៏សំខាន់បំផុតមួយគឺឱកាសក្នុងការបង្កើតសហគ្រាសដែលមានមូលដ្ឋាននៅសហរដ្ឋអាមេរិក ខណៈពេលដែលទទួលបានសិទ្ធិចូលទៅកាន់ទីផ្សារដ៏ធំបំផុត របស់ពិភពលោកនិងទទួលបានប្រាក់ចំណេញ។ ទិដ្ឋាការនេះអនុញ្ញាតឱ្យសហគ្រិននាំយកគំនិតច្នៃប្រឌិត ហើយជំរុញការបង្កើតការងារ និងរួមចំណែកដល់កំណើនសេដ្ឋកិច្ច។ លើសពីនេះ ទិដ្ឋាការផ្តល់ឱ្យអ្នកវិនិយោគ និងសមាជិកគ្រួសាររបស់ពួកគេនូវផ្លូវទៅកាន់ការទទួលបានសិទ្ធិស្នាក់នៅអចិន្ត្រៃយ៍ (Green Card) ផ្តល់នូវស្ថេរភាពរយៈពេលវែង និងឱកាសសម្រាប់សមាជិកគ្រួសារក្នុងការរស់នៅ ធ្វើការ និងសិក្សានៅសហរដ្ឋអាមេរិក លើសពីនេះទៅទៀត EB2 ជួយអ្នកតភ្ជាប់បណ្តាញជាមួយអ្នកជំនាញអន្តរជាតិ និងការបង្ហាញពីមូលដ្ឋានអតិថិជនជាសកល ក្នុងការបង្កើនលទ្ធភាពជោគជ័យ និងការពង្រីកអាជីវកម្មរបស់ពួកគេ។
នេះគឺជាអត្ថប្រយោជន៍សំខាន់ៗសម្រាប់អ្នកដាក់ពាក្យ និងសមាជិកគ្រួសារ៖

សិទ្ធិស្នាក់នៅអចិន្ត្រៃយ៍ (Green Card) សម្រាប់អ្នកដាក់ពាក្យ៖ ទទួលបានសិទ្ធិស្នាក់នៅអចិន្ត្រៃយ៍នៅសហរដ្ឋអាមេរិក ប្រសិនបើពួកគេបំពេញតាមលក្ខណៈវិនិច្ឆ័យសម្រាប់ការវិនិយោគដែលមានលក្ខណៈសម្បត្តិគ្រប់គ្រាន់ និងមានអាជីវកម្មដែលមានសក្ដានុពល។ នៅពេលដែលត្រូវបានអនុម័ត អ្នកដាក់ពាក្យសុំត្រូវបានអនុញ្ញាតឱ្យរស់នៅ និងធ្វើការគ្រប់ទីកន្លែងនៅក្នុងសហរដ្ឋអាមេរិក។

អត្ថប្រយោជន៍គ្រួសារ៖ ប្តី/ប្រពន្ធរបស់អ្នកដាក់ពាក្យ និងកូនមិនទាន់រៀបការដែលមានអាយុក្រោម 21 ឆ្នាំក៏មានសិទ្ធិទទួលបានសិទ្ធិស្នាក់នៅអចិន្ត្រៃយ៍ផងដែរ។ ប្តី/ពន្ធអាចស្នើសុំលិខិតអនុញ្ញាតការងារ និងធ្វើការនៅសហរដ្ឋអាមេរិកបាន។ កូនៗអាចចូលរៀននៅសហរដ្ឋអាមេរិក ហើយប្រសិនបើពួកគេមានអាយុ 21 ឆ្នាំក្នុងអំឡុងពេលដំណើរការ ពួកគេនៅតែអាចរក្សាសិទ្ធិរបស់ពួកគេសម្រាប់ការស្នាក់នៅក្រោមលក្ខខណ្ឌជាក់លាក់។

ភាពបត់បែននៃការងារ៖ អ្នកដាក់ពាក្យអាចបានអនុញ្ញាតឱ្យគ្រប់គ្រង ប្រតិបត្តិការ និងធ្វើការសម្រេចចិត្តលើសម្រាប់អាជីវកម្ម នៅពេលដែលពួកគេមានទីលំនៅអចិន្ត្រៃយ៍។ ពួកគេមិនត្រូវបានដាក់កម្រិតក្រោមនិយោជក ឬទីតាំងជាក់លាក់ណាមួយទេ នៅពេលដែលទទួលបាន Green Card ។

ផ្លូវទៅកាន់ការចូលសញ្ជាតិអាមេរិក៖ បន្ទាប់ពីកាន់ប័ណ្ណបៃតង Green Card យ៉ាងហោចណាស់ 5 ឆ្នាំ អ្នកដាក់ពាក្យ និងសមាជិកគ្រួសាររបស់ពួកគេអាចដាក់ពាក្យសុំសញ្ជាតិអាមេរិក

បាន។ ក្នុងនាមជាអ្នករស់នៅអចិន្ត្រៃយ៍ ពួកគេអាចទទួលបានអត្ថប្រយោជន៍ច្រើនដូចពលរដ្ឋអាមេរិក រួមទាំងសមត្ថភាពក្នុងការបោះឆ្នោតនៅ (សម្រាប់បញ្ហាក្នុងតំបន់ និងរដ្ឋ ត្រូវចាំដល់ពេលទទួលបានសញ្ជាតិ)។

សិទ្ធិទទួលបានការអប់រំ និងការថែទាំសុខភាពរបស់សហរដ្ឋអាមេរិក៖ អ្នកដាក់ពាក្យ និងសមាជិកគ្រួសាររបស់ពួកគេអាចសិក្សានៅសាលារដ្ឋរបស់សហរដ្ឋអាមេរិក។ ពួកគេក៏មានសិទ្ធិទទួលបានអត្ថប្រយោជន៍ថែទាំសុខភាពរបស់សហរដ្ឋអាមេរិកផងដែរ បន្ទាប់ពីក្លាយជាអ្នករស់នៅអចិន្ត្រៃយ៍ រួមទាំងជម្រើសធានារ៉ាប់រងសុខភាពដែលមានតម្លៃសមរម្យក្រោមច្បាប់ថែទាំសុខភាព (ACA)។

ការចល័តសកល៖ អ្នកកាន់កាតបៃតង Green Card អាចធ្វើដំណើរទៅក្រៅប្រទេសដោយមិនបាច់បារម្មពីការបាត់បង់សិទ្ធិស្នាក់នៅអចិន្ត្រៃយ៍ ប្រសិនបើពួកគេមិនស្នាក់នៅក្រៅសហរដ្ឋអាមេរិករយៈពេលវែង។ ប្រសិនបើការធ្វើដំណើរនៅខាងក្រៅសហរដ្ឋអាមេរិកញឹកញាប់ ពួកគេអាចស្នើសុំការអនុញ្ញាតឱ្យចូលឡើងវិញ ដើម្បីរក្សាសិទ្ធិស្នាក់នៅអចិន្ត្រៃយ៍របស់ពួកគេ។

ឱកាសសម្រាប់សហគ្រិនៈ អ្នកដាក់ពាក្យអាចពង្រីកអាជីវកម្មរបស់ពួកគេ ឬវិនិយោគលើការបណ្តាក់ទុនបន្ថែមនៅក្នុងសហរដ្ឋអាមេរិក ដោយទទួលបានអត្ថប្រយោជន៍ពីសេដ្ឋកិច្ចដ៏រឹងមាំរបស់ប្រទេសជាតិ និងបរិយាកាសដែលងាយស្រួលសម្រាប់អាជីវកម្ម, មានសក្តានុពលក្នុងការទាក់ទាញមូលនិធិបន្ថែម។

សេចក្ដីសរុប

ទិដ្ឋាការ EB-2 ផ្តល់អត្ថប្រយោជន៍សំខាន់ៗសម្រាប់អ្នកដាក់ពាក្យ និងគ្រួសាររបស់ពួកគេ។ សម្រាប់អ្នកដាក់ពាក្យ វាផ្តល់នូវផ្លូវទៅកាន់ការទទួលបានសិទ្ធិស្នាក់នៅអចិន្ត្រៃយ៍នៅក្នុងសហរដ្ឋអាមេរិក ដែលអនុញ្ញាតឱ្យពួកគេរីកចម្រើន និងគ្រប់គ្រងអាជីវកម្មនៅក្នុងទីផ្សារដ៍ទូលំទូលាយ។ ទិដ្ឋាការនេះក៏ផ្តល់ភាពបត់បែនការងារផងដែរ ព្រោះអ្នកដាក់ពាក្យសុំមានសេរីភាពក្នុងការគ្រប់គ្រងការវិនិយោគ និងការបណ្តាក់ទុនជាសហគ្រិន។ លើសពីនេះ អ្នកអាចដាក់ពាក្យសុំ Green Card ដែលជាផ្លូវទៅកានើការចូលសញ្ជាតិអាមេរិក បន្ទាប់ពីបំពេញតម្រូវការស្នាក់នៅ។

សម្រាប់គ្រួសាររបស់អ្នកដាក់ពាក្យ EB-2 Visa ក៍អាចទទួលបានសិទ្ធិស្នាក់នៅអចិន្ត្រៃយ៍ដូចគ្នាដែរ។ ប្តី/ប្រពន្ធអាចធ្វើការ និងកូនៗអាចចូលរៀននៅសហរដ្ឋអាមេរិក ខណៈពេលដែលកុមារអាចទទួលបានការអប់រំ និងសេវាថែទាំសុខភាព របស់សហរដ្ឋអាមេរិក។ ទិដ្ឋាការនេះបើកឱកាសសម្រាប់គ្រួសារទាំងមូល ដោយធានានូវគុណភាពជីវិតកាន់តែខ្ពស់ និងសក្តានុពលសម្រាប់ភាពជោគជ័យរយៈពេលវែងនៅសហរដ្ឋអាមេរិក។

ដោយសារភាពស្មុគស្មាញនៃដំណើរការទិដ្ឋាការ EB2 សូមស្វែងរកជំនួយផ្នែកច្បាប់ដែលមានជំនាញវិជ្ជាជីវៈ។ អ្នកជំនាញអន្តោប្រវេសន៍ដែលមានជំនាញលើដំណើរការទិដ្ឋាការអន្តោប្រវេសន៍សហរដ្ឋអាមេរិក អាចផ្តល់នូវការណែនាំលើតម្រូវការអាជីវកម្ម លក្ខណៈវិនិច្ឆ័យនៃការវិនិយោគ និងឯកសារចាំបាច់។ ពួកគេអាចជួយធានាដំណើរការដាក់ពាក្យសុំកាន់តែរលូន បង្កើនឱកាសនៃលទ្ធផលជោគជ័យសម្រាប់ទាំងអ្នកដាក់ពាក្យ និងគ្រួសាររបស់ពួកគេ។

សរុបមក EB-2 គឺជាជម្រើសដ៏ល្អសម្រាប់សហគ្រិនដែលស្វែងរកការវិនិយោគ និងពង្រីកអាជីវកម្មនៅសហរដ្ឋអាមេរិក ដោយផ្តល់ជូនមិនត្រឹមតែផ្នែកហិរញ្ញវត្ថុប៉ុណ្ណោះទេ ប៉ុន្តែថែមទាំងអត្ថប្រយោជន៍ផ្ទាល់ខ្លួន និងវិជ្ជាជីវៈសំខាន់ៗសម្រាប់ទាំងអ្នកដាក់ពាក្យចម្បង និងគ្រួសាររបស់ពួកគេ។

ស្វែង​យល់​បន្ថែម (Disclaimer)

សូមចំណាំថាព័ត៌មាននេះគឺជាឯកសារយោងតែប៉ុណ្ណោះហើយក៏មិនមានគោលបំណងក្នុងកាណែនាំឬ​ផ្តល់យោបល់ផ្នែកច្បាប់ដល់វិនិយោគិនឡើយ។ព័ត៌មាននេះអាចមានផ្លាស់ប្តូរដោយមិនចាំបាច់ជូនដំណឹងទុកជាមុន។ ដើម្បីទទួលបានការប្រឹក្សាត្រឹមត្រូវ តាមតម្រូវការរបស់អ្នក និងពត៌មានលម្អិតផ្សេងៗសម្រាប់កម្មវិធីវិនិយោគខាងលើ សូមធ្វើការទាក់ទងមកការិយាល័យយើងខ្ញុំ។