ទស្សនៈជាសកល ស្តីពីសេវាកម្មអន្តោប្រវេសន៍ សម្រាប់ប្រជាជនកម្ពុជា

ទំនាក់ទំនងផ្ទាល់រវាងកំណើនសេដ្ឋកិច្ចរបស់បណ្ដាប្រទេសនានាដូចជាប្រទេសកម្ពុជាជាដើម និងការកើនឡើងនៃតម្រូវការសម្រាប់សេវាអន្តោប្រវេសន៍តាមបែបវិនិយោគ (Investment Immigration) នៅពេលដែលប្រាក់ចំណូលសម្រាប់ប្រើប្រាស់បានកើនឡើង បុគ្គលម្នាក់ៗនឹងស្វែងរកជម្រើសជម្រើសទី២​ឬ ‘Plan B’ សម្រាប់គ្រួសាររបស់ពួកគេ ដែលជំរុញដោយបំណងប្រាថ្នាសម្រាប់អនាគតដែលមានសុវត្ថិភាព ឱកាសសិក្សាសម្រាប់កូនៗរបស់ពួកគេ និងការបង្កើនការចល័តសម្រាប់អាជីវកម្ម។

ការិយាល័យមេធាវីហាវី បានចុះបញ្ជីជាមួយគណៈមេធាវីនៃព្រះរាជាណាចក្រកម្ពុជាក្នុងឆ្នាំ 2023 នឹងចូលរួមលើកកម្ពស់ការយល់ដឹងអំពីជម្រើស នៃការអន្តោប្រវេសន៍តាមរយៈការវិនិយោគ សម្រាប់ប្រជាជនកម្ពុជា ដោយផ្តល់សេវាកម្ម​ច្បាប់ ទាក់ទងនឹងការស្នើសុំសិទ្ធិស្នាក់នៅ ការស្នើសុំសិទ្ធិស្នាក់នៅអចិន្ត្រៃយ៍ និងការទទួលបានសញ្ជាតិតាមរយៈការវិនិយោគ នៅបរទេស សម្រាប់ទាំងរូបវ័ន្តបុគ្គល និងនីតិបុគ្គលពាណិជ្ជកម្ម។

តើ​អ្វី​ទៅ​ជា​អត្ថប្រយោជន៍​នៃ​ការអន្តោប្រវេសន៍តាមរយៈការ​វិនិយោគសម្រាប់​ប្រជាជន​កម្ពុជា?

ការអប់រំសាធារណៈដោយឥតគិតថ្លៃ និងភាពងាយស្រួលនៃការធ្វើដំណើរ

ការវិនិយោគលើសិទ្ធិធ្វើអន្តោប្រវេសន៍នៅក្នុងប្រទេសដូចជាកាណាដា ឬចក្រភពអង់គ្លេស ត្រូវបាន ចង្អុលបង្ហាញថា ជាការដែលអាចជួយសន្សំប្រាក់យ៉ាងច្រើនលើថ្លៃអប់រំកម្រិតអន្តរជាតិ ដែលធ្វើឱ្យវាក្លាយជាការសម្រេចចិត្តខាងសេដ្ឋកិច្ចដ៏ត្រឹមត្រូវសម្រាប់គ្រួសារជាច្រើន។ ការទទួលបានសិទ្ធិធ្វើអន្តោប្រវេសន៍នៅក្នុងប្រទេសកាណាដា ឬចក្រភពអង់គ្លេសអាចសន្សំប្រាក់បានច្រើនលើការអប់រំ ពីព្រោះកូនរបស់អ្នកអាចទទួលបានការអប់រំនៅសាលារដ្ឋដោយឥតគិតថ្លៃ។

វាក៏ផ្តល់ឱកាសសម្រាប់ទទួលបានអត្ថប្រយោជន៍អាជីវកម្មជាច្រើនទៀត ដែលលោកអ្នកអាចទទួលបានផងដែរ ព្រោះថាបើលោកអ្នកទទួលបានសិទ្ធអន្តោប្រវេសន៍ស្របច្បាប់នៅក្នុងប្រទេសមួយផ្សេងទៀតនឹងធ្វើឱ្យការធ្វើដំណើរកាន់តែងាយស្រួល។ ដូច្នេះឧទាហរណ៍ថាប្រសិនបើអ្នកជាផលិតករនៅក្នុងប្រទេសកម្ពុជា  វាអាចកាន់តែមានភាពងាយស្រួលច្រើនក្នុងការធ្វើដំណើរ និងលក់ផលិតផលរបស់លោកអ្នក ទៅអ្នកផ្សេងនៅឯបរទេស។

គួររំលឹកផងដែរថា ជំងឺរាតត្បាតកូវីដ-១៩ បានជួយបង្ហាញពីដែនកំណត់ នៃការស្នាក់នៅប្រទេសតែមួយ និងបានជំរុញកំណើនតម្រូវការ នៃសេវាអន្តោប្រវេសន៍ក្នុងចំណោមអ្នកចង់មានសេរីភាព នៃការធ្វើដំណើរឲ្យបានកាន់តែច្រើន។

ក្នុងអំឡុងពេលនៃជំងឺរាតត្បាត ប្រទេសជាច្រើនបានកំណត់ថា លោកអ្នកអាចធ្វើដំណើរទៅប្រទេសណាមួយបាន លុះត្រាតែលោកអ្នកជាអ្នករស់នៅក្នុងប្រទេសនោះ ដូច្នេះអ្នកដែលមានទីលំនៅ ឬសញ្ជាតិលើសពីមួយអាចធ្វើដំណើរបានកាន់តែងាយស្រួល ខណៈពេលដែលអ្នកផ្សេងទៀតបានជាប់គាំងនៅក្នុងប្រទេសរបស់ពួកគេ។

ក្រោយពីព្រឹត្តិការណ៍នេះបានកើតឡើង ក៏បង្កើតបាននូវទ្រឹស្តីមួយហៅថា «មិនអាចឲ្យរឿងនេះកើតឡើងម្ដងទៀតចំពោះអតិថិជនយើង (Never again clients’)» ឬអតិថិជនដែលបានជាប់គាំងក្នុងអំឡុងពេលជំងឺរាតត្បាតបានប្រាប់ខ្លួនឯងថា «មិនអាចឲ្យរឿងនេះកើតឡើងម្ដងទៀត (Never again’)»។ បន្ទាប់ពីជំងឺរាតត្បាត រឿងដំបូងដែលពួកគេធ្វើ គឺស្វែងរកប្រទេសថ្មីសម្រាប់ធ្វើអន្តោប្រវេសន៍ មិនចាំបាច់ត្រូវតែចាកចេញពីប្រទេសរបស់ពួកគេទេ ប៉ុន្តែគ្រាន់តែដើម្បីធានាបាននូវផែនការទី២​ ឬ‘Plan B’ ប្រសិនបើជំងឺរាតត្បាតផ្សេងទៀតកើតឡើង ឬព្រឹត្តិការណ៍ស្រដៀងគ្នានេះកើតឡើង ដើម្បីធានាថាពួកគេនឹងនៅតែអាចធ្វើដំណើរបានប្រសិន​បើគេចង់​។

យកឈ្នះបញ្ហាប្រឈមក្នុងដំណើការនៃការធ្វើអន្តោប្រវេសន៍តាមរយៈការវិនិយោគ

សារៈសំខាន់នៃការស្វែងរកទីប្រឹក្សាផ្នែកច្បាប់ដែលត្រឹមត្រូវ

បញ្ហាប្រឈម និងភាពស្មុគស្មាញនៃដំណើរការអន្តោប្រវេសន៍ ក៏ដូចជាគ្រោះថ្នាក់នៃព័ត៌មានមិនពិត ព្រមទាំងសារៈសំខាន់នៃការទទួលបានការប្រឹក្សាប្រកបដោយវិជ្ជាជីវៈ គឺជារឿងដែលលោកអ្នកត្រូវពិចារណា។

ការស្វែងរកការប្រឹក្សាយោបល់ផ្នែកច្បាប់ ដែលត្រឹមត្រូវពីក្រុមហ៊ុន ឬការិយាល័យច្បាប់ដែលបានចុះបញ្ជី នៅពេលពិចារណាអំពីសេវាកម្មអន្តោប្រវេសន៍​ គឺពិតជាសំខាន់ព្រោះថា ” ការធ្វើអន្តោប្រវេសន៍ គឺពាក់ព័ន្ធនឹងការគោរពច្បាប់និងបទប្បញ្ញត្តិ”។

ជាមួយនឹងការកើនឡើង នៃតម្រូវការសេវាអន្តោប្រវេសន៍ ដែលរំពឹងថានឹងបន្តនេះជំរុញដោយកំណើននៃការធ្វើដំណើរជាសកល និងដំណើរ​វិវឌ្ឍន៍ទៅរកភាពចាស់ទុំនៃទីផ្សារ ដូចជាទីផ្សារប្រទេសកម្ពុជាជាដើម ក៏នៅតែមានការរឹតបន្តឹងក្នុងនីតិវិធីសម្រេចសេចក្តី ដោយអាជ្ញាធរអន្តោប្រវេសន៍ទូទាំងពិភពលោក។ ចំណុចនេះសង្កត់ធ្ងន់លើភាពស្មោះត្រង់ និងតម្លាភាពនៅក្នុងការដាក់ពាក្យសុំធ្វើអន្តោប្រវេសន៍ទាំងអស់ គឺពិតជាចាំបាច់។

ការរៀបចំសេវាកម្មអន្តោប្រវេសន៍សម្រាប់ប្រជាជនកម្ពុជា

សម្រាប់បរិបទទីផ្សារកម្ពុជា កម្មវិធីអន្តោប្រវេសន៍ចំនួនពីរ ដែលទទួលបានការចាប់អារម្មណ៍ និងស្របតាមតម្រូវការដូចជា៖​

• កម្មវិធី អន្តោប្រវេសន៍តាមរយៈការវិនិយោគ EB-2 NIW សម្រាប់សហរដ្ឋអាមេរិក (U.S) – ជាកម្មវិធីសម្រាប់សហគ្រិន ដែលមានបទពិសោធន៍ អាចស្វែងរកជម្រើស នៃការរៀបចំតាំងទីលំនៅបន្ថែម នៅសហរដ្ឋអាមេរិក តាមរយៈអាជីវកម្មរបស់ពួកគេ។
• កម្មវិធី Canada Start-up Visa (SUV) – នេះជាមធ្យោបាយមួយដើម្បីទទួលបានសិទ្ធស្នាក់នៅជាអចិន្ត្រៃយ៍(Permanence Residency ឬ PR) សម្រាប់សហគ្រិនដែលមានការប្តេជ្ញាចិត្ត ក្នុងការអភិវឌ្ឍន៍អាជីវកម្មថ្មី (Start-Up)របស់ខ្លួន​ នៅក្នុងប្រទេសកាណាដា។

ការិយាល័យមេធាវីហាវី (Harvey Law Office) ត្រូវបានចុះបញ្ជីជាមួយគណៈមេធាវី នៃព្រះរាជាណាចក្រកម្ពុជាតាំងពីឆ្នាំ២០២៣មក។