វិធានការបណ្តោះអាសន្នសម្រាប់ភស្តុតាង នៃពាក្យស្នើរសុំសញ្ជាតិ៖ ការរុករកការកំណត់ជំនាន់ទីមួយ

ផលប៉ះពាល់នៃការកំណត់ជំនាន់ទីមួយ (FGL)៖ វិធានការបណ្តោះអាសន្ន នៃភស្តុតាងសម្រាប់ការដាក់ពាក្យស្នើរសុំសញ្ជាតិ

បន្ទាប់ពីការប្រកាសនៃច្បាប់ថ្មីដោយរដ្ឋាភិបាលកាណាដាដើម្បីលុបបំបាត់ការកំណត់ជំនាន់ទី 1 (FGL) សម្រាប់ការចូលសញ្ជាតិតាមរយៈវង្សត្រកូលនៅថ្ងៃទី 23 ខែឧសភាឆ្នាំ 2024, ស្ថាប័នអន្តោប្រវេសន៍ ជនភៀសខ្លួន និងពលរដ្ឋកាណាដា (IRCC) បានណែនាំវិធានការបណ្តោះអាសន្នមួយដើម្បីដោះស្រាយភស្តុតាងសម្រាប់ពាក្យស្នើរសុំសញ្ជាតិ ដែលអាចនឹងត្រូវប៉ះពាល់ដោយគោលការណ៍ ការកំណត់ជំនាន់ទី 1 (FGL) នាពេលបច្ចុប្បន្ន។

ការកំណត់ជំនាន់ទីមួយរបស់កាណាដា (FGL) លើការចូលសញ្ជាតិតាមរយៈវង្សត្រកូល

ការកំណត់ជំនាន់ទី 1 (FGL) ជាទូទៅកំណត់លើការសុំចូលសញ្ជាតិតាមរយៈវង្សត្រកូល ចំពោះបុគ្គលដែលកើតពីឪពុកម្តាយជនជាតិកាណាដានៅបរទេសក្នុងជំនាន់ទីមួយ។ និយាយឲ្យងាយយល់គឺពលរដ្ឋកាណាដាដែលកើតនៅក្រៅប្រទេសកាណាដា មិនអាចផ្តល់សញ្ជាតិកាណាដាដល់កូនរបស់ពួកគេដែលកើតនៅបរទេសបានទេ។  នៅថ្ងៃទី 23 ខែឧសភា ឆ្នាំ 2024 រដ្ឋាភិបាលកាណាដាបានណែនាំ ក្រឹត្យច្បាប់លេខ C-71 ដើម្បីធ្វើវិសោធនកម្មច្បាប់ស្តីពីសញ្ជាតិ និងដើម្បីលុបបំបាត់ការកំណត់ជំនាន់ទី 1 (FGL) និងអនុញ្ញាតឱ្យពលរដ្ឋកាណាដាផ្តល់សញ្ជាតិដល់កូនៗរបស់ពួកគេដោយមិនគិតពីទីកន្លែងកំណើតរបស់ពួកគេ។  ទោះយ៉ាងណាក៏ដោយ រហូតដល់ច្បាប់ថ្មីចូលជាធរមាន ការកំណត់ជំនាន់ទី 1 (FGL) នាពេលបច្ចុប្បន្ននៅតែត្រូវបានអនុវត្ត។ សម្រាប់ព័ត៌មានលម្អិតនៃក្រឹត្យច្បាប់ថ្មី សូមអានអត្ថបទដែលបានបោះពុម្ពផ្សាយរបស់យើង “កាណាដាបង្ហាញការណែនាំច្បាប់ថ្មីដើម្បីរៀបចំឡើងវិញនូវការចូលសញ្ជាតិតាមរយៈវង្សត្រកូល”។

ព័ត៌មានលម្អិតនៃវិធានការបណ្តោះអាសន្ន

 វិធានការបណ្តោះអាសន្នផ្តល់នូវនីតិវិធី និងការណែនាំអំពីដំណើរការភស្តុតាងសម្រាប់ការដាក់ពាក្យស្នើរសុំសញ្ជាតិ ដោយរង់ចាំការផ្លាស់ប្តូររបស់នីតិបញ្ញត្តិចូលជាធរមាន។  សេណារីយ៉ូពីរដែលនៅក្រោមវិធានការបណ្តោះអាសន្នគឺ៖ –

• សេណារីយ៉ូទី 1៖ បេក្ខជនត្រូវដាក់បង្ហាញពីភស្តុតាងនៃពាក្យសុំ ដែលខ្លួនស្ថិតនៅក្រោមការកំណត់ជំនាន់ទី 1 (FGL) ហើយស្នើសុំពន្លឿនដំណើរឯកសារ ដោយផ្អែកលើលក្ខណៈវិនិច្ឆ័យនៃដំណើរការបន្ទាន់។
• សេណារីយ៉ូទី 2៖ បេក្ខជន បច្ចុប្បន្នមានភស្តុតាងបញ្ជាក់ថា ឯកសារកំពុងដំណើរការ ហើយស្ថាប័នអន្តោប្រវេសន៍ ជនភៀសខ្លួន និងពលរដ្ឋកាណាដា (IRCC) បានកំណត់ថាពាក្យសុំនេះពិតជាត្រូវបានប៉ះពាល់ដោយការកំណត់ជំនាន់ទី 1 (FGL) ។ ពាក្យសុំត្រូវបានលុបចោលអាទិភាពរហូតដល់ច្បាប់ថ្មីចូលជាធរមាន ហើយចាប់តាំងពីពេលនោះមក អ្នកដាក់ពាក្យបានស្នើសុំដំណើរការឯកសារបន្ទាន់។

នៅក្នុងសេណារីយ៉ូទាំងពីរ ស្ថាប័នអន្តោប្រវេសន៍ ជនភៀសខ្លួន និងពលរដ្ឋកាណាដា (IRCC) នឹងពិនិត្យមើលសំណើ និងផ្ទៀងផ្ទាត់សិទ្ធិទទួលបានសម្រាប់ដំណើរការបន្ទាន់ និងឆ្លើយតបទៅនឹងសំណើរបស់អ្នកដាក់ពាក្យជាលាយលក្ខណ៍អក្សរ។ យោងតាម ​​ស្ថាប័នអន្តោប្រវេសន៍ ជនភៀសខ្លួន និងពលរដ្ឋកាណាដា (IRCC) ពេលវេលានៃដំណើរការភស្តុតាងឯកសារដាក់ពាក្យស្នើរសុំសញ្ជាតិគិតត្រឹមថ្ងៃទី 1 ខែឧសភា ឆ្នាំ 2024 គឺមានរយៈពេលបីខែ។

អនុលោមតាមវិធានការបណ្តោះអាសន្ន ប្រសិនបើភស្តុតាងសម្រាប់ពាក្យសុំ កំពុងដំណើរការ ហើយត្រូវបានប៉ះពាល់ដោយ ការកំណត់ជំនាន់ទី 1 (FGL) នោះ IRCC នឹងពន្យារពេលការសម្រេចចិត្តលើពាក្យសុំនេះ រហូតដល់ច្បាប់ថ្មីចូលជាធរមាន។ នេះនឹងប៉ះពាល់ដល់អ្នកដាក់ពាក្យដែលបានកើតពីឪពុកម្តាយជនជាតិកាណា​ដាបន្ទាប់ពីថ្ងៃទី 17 ខែមេសា ឆ្នាំ 2009 ហើយនឹងអាចក្លាយជាពលរដ្ឋ ប្រសិនបើការកំណត់ជំនាន់ទី 1 (FGL) មិនមានវត្តមាននៅពេលនោះ។

ប្រសិនបើអ្នកដាក់ពាក្យស្នើសុំដំណើរការឯកសារបន្ទាន់ ហើយត្រូវបានរកឃើញថាមានសិទ្ធិសម្រាប់ដំណើរការឯកសារបន្ទាន់ នោះIRCC នឹងផ្តល់ឱ្យពួកគេនូវការជូនដំណឹងថា ការកំណត់ជំនាន់ទី 1 (FGL) ចូលជាធរមានហើយ និងផ្តល់ឱ្យពួកគេនូវជម្រើសក្នុងការស្នើសុំចូលសញ្ជាតិតាមរយៈ​ Subsection 5(4) នៃ ច្បាប់ស្តីពីសញ្ជាតិ។ នៅក្រោម Subsection 5(4) នៃច្បាប់ស្តីពីសញ្ជាតិ រដ្ឋមន្ត្រីក្រសួងសញ្ជាតិ និងអន្តោប្រវេសន៍ មានឆន្ទានុសិទ្ធិក្នុងការផ្តល់សញ្ជាតិ ដល់បុគ្គលណាម្នាក់ក្នុងកាលៈទេសៈពិសេស។ ការជួយនេះគឺដើម្បីកាត់បន្ថយករណី នៃការមិនអាចចូលសញ្ជាតិ ឬពីការលំបាកអ្វីមួយ និងមិនប្រក្រតី ឬផ្តល់ជូនទុកជាការអរគុណពីប្រទេសកាណាដា។

ដំណើរការ​​បន្ទាន់​ សម្រាប់ភស្តុតាងនៃការដាក់ពាក្យស្នើរសុំសញ្ជាតិ

ស្ថាប័នអន្តោប្រវេសន៍ ជនភៀសខ្លួន និងពលរដ្ឋកាណាដា (IRCC) នឹងពន្លឿនឯកសារភស្តុតាងដាក់ពាក្យស្នើរសុំសញ្ជាតិតែក្នុងករណីពិសេស ឬតាមស្ថានភាពតែប៉ុណ្ណោះ។ សំណើបន្ទាន់នីមួយៗនឹងត្រូវបានវាយតម្លៃយ៉ាងហ្មត់ចត់ ដើម្បីធានាថាឯកសារទាំងអស់បានបំពេញតាមលក្ខណវិនិច្ឆ័យសម្រាប់ដំណើរការរហ័ស។ ប្រសិនបើពាក្យសុំមិនត្រឹមត្រូវតាមលក្ខណវិនិច្ឆ័យទាំងនេះ អ្នកដាក់ពាក្យនឹងត្រូវបានជូនដំណឹងជាលាយលក្ខណ៍អក្សរ ហើយពាក្យស្នើនឹងបន្តនៅក្រោមការកំណត់ពេលវេលាដំណើរការធម្មតា។ សូមចំណាំថាដំណើរការបន្ទាន់នេះនឹងមិនត្រូវបានធានាទេ។

ដើម្បីដាក់ពាក្យស្នើសុំដំណើរការបន្ទាន់ អ្នកដាក់ពាក្យត្រូវតែផ្តល់លិខិតពន្យល់ពីមូលហេតុដែលតម្រូវឱ្យមានដំណើរការបន្ទាន់ និងផ្តល់ឯកសារដើម្បីគាំទ្រសំណើ។ ឧទាហរណ៍រួមមានការដាក់ពាក្យសុំការងារ ការចូលរៀននៅសាលា ភាពចាំបាច់ក្នុងការធ្វើដំណើរ និងការទទួលបានអត្ថប្រយោជន៍សង្គម។

ស្វែង​យល់​បន្ថែម

សូមចំណាំថាព័ត៌មាននេះគឺជាឯកសារយោងតែប៉ុណ្ណោះ ហើយក៏មិនមានគោលបំណងក្នុងកាណែនាំ ឬ​ផ្តល់យោបល់ផ្នែកច្បាប់ដល់វិនិយោគិនឡើយ។ ព័ត៌មាននេះអាចមានផ្លាស់ប្តូរដោយមិនចាំបាច់ជូនដំណឹងទុកជាមុន។ ដើម្បីទទួលបានការប្រឹក្សាត្រឹមត្រូវ តាមតម្រូវការរបស់អ្នក និងពត៌មានលម្អិតផ្សេងៗសម្រាប់កម្មវិធីវិនិយោគខាងលើ សូមធ្វើការទាក់ទងមកការិយាល័យយើងខ្ញុំ។