សញ្ជាតិការាបៀន (Caribbean)៖ អ្វីដែលអ្នកវិនិយោគគួរយល់ដឹងសម្រាប់ឆ្នាំ 2025

ក្នុងឆ្នាំ 2024 មានមនុស្សរាប់ម៉ឺននាក់មកពីជុំវិញពិភពលោកបានស្វែងរកឱកាសវិនិយោគ និងលទ្ធិភាពនៃការធ្វើដំណើរជុំវិញពិភពលោក ដោយប្រើប្រាស់សញ្ជាតិការាបៀន (Caribbean)បានមកពីកម្មវិធីវិនិយោគ។ ពេលវេលាវិវឌ្ឍទៅមុខយ៉ាងឆាប់រហ័សចាប់តាំងពីប្រទេស St. Kitts និង Nevis បានដាក់ដំណើរការកម្មវិធីសញ្ជាតិតាមរយៈការវិនិយោគ ដំបូងគេក្នុងពិភពលោកនាឆ្នាំ 1984 – គួរឱ្យកត់សម្គាល់បំផុតនោះ នៅឆ្នាំ 2024 ប្រទេសការាបៀន (Caribbean)ទាំងប្រាំដែលមានកម្មវិធីសញ្ជាតិបានចុះហត្ថលេខាលើកិច្ចព្រមព្រៀងមួយដើម្បីធ្វើពង្រីកដំណើរការកម្មវិធីទាំងនេះ។
សព្វថ្ងៃនេះ ឯកសារឬលិខិតឆ្លងដែនរបស់ប្រទេសនីមួយៗនៃតំបន់ការាបៀន (Caribbean) បានក្លាយជារបស់សំខាន់មួយសម្រាប់ការធ្វើដំណើរជុំវិញពិភពលោក និងការរក្សាទ្រព្យសម្បត្តិសម្រាប់បុគ្គលដែលមានទ្រព្យសម្បិត្ត។
ចាប់ផ្តើមជាមួយកម្មវិធីសញ្ជាតិការាបៀន (Caribbean)តែមួយ ប៉ុន្ដែឥឡូវនេះបានរីកដុះដាលចេញជាកម្មវិធីផ្ដល់ជូនដោយ 5 ប្រទេស។ ខណៈពេលដែលកម្មវិធីចាប់ផ្ដើមដំបូងផ្តោតលើការបរិច្ចាគជូនរដ្ឋាភិបាល ប៉ុន្តែសព្វថ្ងៃកម្មវិធីសញ្ជាតិតាមរយៈការវិនិយោគ (CBI) ឥឡូវនេះផ្តល់ជូននូវមធ្យោបាយវិនិយោគជាច្រើនតាមរយៈការទិញអចលនទ្រព្យ ការបណ្តាក់ទុនអាជីវកម្ម និងប័ណ្ណបំណុលរដ្ឋាភិបាល។
នៅឆ្នាំ 2025 កម្មវិធីទាំងនេះតំណាងឱ្យឱកាសមួយសម្រាប់អ្នកវិនិយោគ និងសហគ្រិនដែលមានទ្រព្យសម្បត្តិ ក្នុងការធានាអនាគតសមាជិកគ្រួសាររបស់ពួកគេម្នាក់ៗ ខណៈពេលដែលទទួលបានសិទ្ធិធ្វើដំណើរដោយគ្មានទិដ្ឋាការទៅកាន់ជាង 130 ប្រទេស។
នៅក្នុងអត្ថបទនេះ អ្នកនឹងយល់ដឹងអំពីអ្វីលក្ខខណ្ឌកំណត់នៃកម្មវិធីនីមួយៗដាច់ដោយឡែក និងកត្តាដែលអ្នកគួរពិចារណាលើការសម្រេចចិត្តវិនិយោគរបស់អ្នកនៅក្នុងតំបន់ផ្សេងៗ។

ចំណុចសំខាន់ៗអំពីកម្មវិធីសញ្ជាតិតាមរយៈការវិធីវិនិយោគរបស់ប្រទេសនាតំបន់ការាបៀន (Caribbean)

តើអ្នកធ្លាប់ឆ្ងល់ថាតើហេតុអ្វីប្រទេសតូចៗនៅការាបៀន (Caribbean) អាចប្រែក្លាយប្រទេសខ្លួនទៅជាប្រទេសដែលមានអំណាចក្នុងការធ្វើដំណើរជុំវិញពិភពលោកបានយ៉ាងដូចម្តេច? ចម្លើយគឺស្ថិតនៅក្នុង កម្មវិធីសញ្ជាតិតាមរយៈការវិនិយោគប្រកបដោយភាពច្នៃប្រឌិតរបស់ពួកគេ។
កម្មវិធីទាំងនេះមិនមានភាពស្មុគស្មាញ៖ ការវិនិយោគគឺស្របច្បាប់ ដោយមានលក្ខណៈគ្រប់គ្រាន់ ដោយសញ្ជាតិរបស់ប្រទេសនាតំបន់ការាបៀន (Caribbean)តាមរយៈកម្មវិធីវិនិយោគក្នុងជម្រើសមួយ ក្នុងចំណោមជម្រើសដែលត្រូវបានអនុម័តជាច្រើនដូចជា មូលនិធិរដ្ឋាភិបាល ឬការបរិច្ចាគជូនសាកលវិទ្យាល័យ ការវិនិយោគលើអចលនទ្រព្យ ឬការទិញមូលបត្របំណុលរបស់រដ្ឋាភិបាល។ ជាការតបស្នង អ្នកនឹងទទួលបានសិទ្ធិជាពលរដ្ឋពេញលេញនៅក្នុងប្រទេសនោះ និងឯកសារសម្រាប់ការធ្វើដំណើរ។ ដំណើរការដើម្បីទទួលបានសញ្ជាតិមានភាពសាមញ្ញណាស់។ ហើយអត្ថប្រយោជន៍គឺមានច្រើន។
ក្នុងនាមជាពលរដ្ឋដែលមានសញ្ជាតិនៃប្រទេសនៅក្នុងតំបន់ការាបៀន (Caribbean) អ្នកអាចទទួលបានសិទ្ធិធ្វើដំណើរដោយគ្មានទិដ្ឋាការទៅកាន់ប្រទេសជាង 130 រួមទាំងតំបន់ពាណិជ្ជកម្មធំៗនៅអឺរ៉ុប អាស៊ី និងអាមេរិក។ ប្រទេសនាតំបន់ការាបៀន (Caribbean) ភាគច្រើនក៏ផ្តល់អត្ថប្រយោជន៍ផ្នែកពន្ធសំខាន់ៗផងដែរ បើប្រៀបធៀបទៅនឹងគោលនយោបាយរបស់ប្រទេសលោកខាងលិចភាគច្រើន។ ជាក់ស្ដែង ប្រទេសជាច្រើនមិនមានយកពន្ធលើប្រាក់ចំណូលផ្ទាល់ខ្លួន ពន្ធលើប្រាក់ចំណេញ ឬពន្ធមរតក។
ទោះបីជាមានពាក្យចចាមអារ៉ាមអំពីកម្មវិធីសញ្ជាតិតាមរយៈការវិនិយោគថ្មីដ៏មានសក្តានុពល ដែលនឹងមកដល់ក្នុងតំបន់ការាបៀន (Caribbean) និងនៅក្រៅប្រទេសក៏ដោយ ក៏កម្មវិធីសញ្ជាតិតាមរយៈការវិនិយោគ (CBI) ការាបៀន (Caribbean)ចំនួន 5 បច្ចុប្បន្ននេះគឺជាកម្មវិធីនាំមុខទីផ្សារ៖

• ប្រទេស St. Kitts and Nevis (ដំបូងគេបង្អស់ចាប់តាំងពីឆ្នាំ 1984)
• ប្រទេស ប្រទេស Antigua and Barbuda (ត្រូវបានគេស្គាល់ពីភាពច្នៃប្រឌិត និងការទទួលយករូបិយប័ណ្ណគ្រីបតូ (crypto) ជាប្រភពនៃទ្រព្យសម្បត្តិ)
• ប្រទេស ប្រទេស Dominica (ផ្តល់ជូននូវតម្លៃសមរម្យ និងមានភាពប្រកួតប្រជែង)
• ប្រទេស ប្រទេស St. Lucia (កម្មវិធីសញ្ជាតិតាមរយៈការវិនិយោគថ្មីបំផុត)
• ប្រទេស ប្រទេស Grenada (កម្មវិធីតែមួយគត់ដែលអាចស្នើសុំទិដ្ឋាការ E-2 របស់សហរដ្ឋអាមេរិក)

កម្មវិធីនីមួយៗផ្តល់នូវអត្ថប្រយោជន៍ផ្សេងៗគ្នា មានដូចជាពេលវេលាដំណើរការលឿន និងជម្រើសវិនិយោគពិសេសដើម្បីទទួលបានប្រាក់វិនិយោគត្រឡប់មកវិញ។ ចំណុចសំខាន់គឺការស្វែងរកជម្រើសដ៏សាកសម និងត្រឹមត្រូវសម្រាប់គោលដៅនៃការវិនិយោគ និងការចល័តជាសកលរបស់លោកអ្នក។

កម្មវិធីសញ្ជាតិតាមរយៈការវិនិយោគរបស់ប្រទេស St. Kitts and Nevis

នៅពេលយើងនិយាយអំពីកម្មវិធីសញ្ជាតិរបស់ប្រទេសនៅតំបន់ការាបៀន (Caribbean) ប្រទេស St. Kitts and Nevis គឺជាអ្នកត្រួសត្រាយមធ្យោបាយចាប់តាំងពីដំបូងមក នៃកម្មវិធីសញ្ជាតិ និងការវិនិយោគ។ ចាប់តាំងពីឆ្នាំ 1984 ប្រទេសកោះភ្លោះនេះ បានផ្តល់ឱ្យអ្នកវិនិយោគរាប់ពាន់នាក់ នូវសញ្ជាតិទីពីរដ៏មានឥទ្ធិពល ដែលជាប្រទេសមានអំណាចបំផុតក្នុងការផ្ដល់សិទ្ធិការធ្វើដំណើរជុំវិញពិភពលោក ក្នុងចំណោមប្រទេសនានានៅក្នុងតំបន់ការាបៀន (Caribbean)ទាំង 5។
នៅឆ្នាំ 2025 ប្រទេសនេះនៅតែបន្តមានអានុភាពសម្រាប់កម្មវិធីសញ្ជាតិតាមរយៈការវិនិយោគនៅក្នុងតំបន់។ ខាងក្រោមនេះគឺជាការពិនិត្យមើលកំណែទម្រង់បច្ចុប្បន្ននៃកម្មវិធី និងរបៀបដែលអ្នកវិនិយោគអាចទទួលបានសញ្ជាតិនៅប្រទេស St. Kitts and Nevis។
និងរបៀបដែលអ្នកវិនិយោគអាចទទួលបានសញ្ជាតិនៅប្រទេស St. Kitts and Nevis។

ទិដ្ឋភាពទូទៅនៃកម្មវិធី

កម្មវិធីសញ្ជាតិរបស់ប្រទេស St. Kitts and Nevis ផ្តល់នូវពេលវេលាដំណើរការលឿនបំផុតមួយចំណោមប្រទេសនានានៅក្នុងតំបន់ការាបៀន (Caribbean) – អាចទទួលបានសញ្ជាតិយ៉ាងលឿនត្រឹមរយៈពេល 6 ខែ។ សញ្ជាតិការាបៀន (Caribbean) តាមជម្រើសវិនិយោគ គឺមានភាពទាក់ទាញជាពិសេសសម្រាប់ស្ថិរភាព និងកេរ្តិ៍ឈ្មោះយូរអង្វែងនៅក្នុងឧស្សាហកម្មចំណាកស្រុកតាមរយៈការវិនិយោគ។

ជម្រើសនៃការវិនិយោគឆ្នាំ2025

វិនិយោគិនអាចទទួលបានសញ្ជាតិតាមរយៈជម្រើសវិនិយោគចំនួន 3៖

1. ការបរិច្ចាកជានិរន្តរភាព ជូនរដ្ឋាភិបាល (មូលនិធិអភិវឌ្ឍន៍ជាតិ)

• ការបរិច្ចាកប្រាក់អប្បបរមាចំនួន USD 250,000 សម្រាប់អ្នកដាក់ពាក្យតែម្នាក់
• បន្ថែម USD 25,000 សម្រាប់សមាជិកគ្រួសារបន្ថែមក្រោមអាយុ 18 ឆ្នាំ។
• បន្ថែម USD 50,000 សម្រាប់សមាជិកគ្រួសារបន្ថែមដែលមានអាយុលើសពី 18 ឆ្នាំ។

2. ជម្រើសអត្ថប្រយោជន៍សាធារណៈ

• ការបរិច្ចាកទឹកប្រាក់អប្បបរមាចំនួន USD 250,000 នៅក្នុងគម្រោងដែលត្រូវបានអនុម័តសម្រាប់អត្ថប្រយោជន៍សង្គម និងសាធារណៈ

3. ការវិនិយោគលើអចលនទ្រព្យ

• ការវិនិយោគអប្បបរមា៖ USD 325,000 ក្នុងការវិនិយោគលើអចលនទ្រព្យដែលត្រូវបានអនុម័ត (ត្រូវតែរក្សារយៈពេល 7 ឆ្នាំ)
• ការវិនិយោគអប្បបរមា៖ USD 325,000 ក្នុងយូនីតខុនដូ (ត្រូវតែរក្សាទុករយៈពេល 7 ឆ្នាំ ឬ USD 600,000 សម្រាប់លំនៅដ្ឋានឯកជនសម្រាប់គ្រួសារតែមួយ)។

អត្ថប្រយោជន៍

សញ្ជាតិរបស់ប្រទេស St. Kitts and Nevis អាចផ្ដល់ជូនលិខិតឆ្លងដែនសម្រាប់ការធ្វើដំណើរដ៏មានឥទ្ធិពលបំផុតមួយរបស់ប្រទេសនាតំបន់ការាបៀន (Caribbean) ដូចជាការដំណើរការដោយមិនបាច់សុំទិដ្ឋាការទៅកាន់ជាង150ប្រទេស ជុំវិញពិភពលោក រួមទាំងគោលដៅសំខាន់ៗដូចជាចក្រភពអង់គ្លេស តំបន់ Schengen សហភាពអឺរ៉ុបទាំងមូល និងមជ្ឈមណ្ឌលពាណិជ្ជកម្មអាស៊ីធំៗដូចជាសិង្ហបុរីជាដើម។
មិនដូចកម្មវិធីស្នាក់នៅជាច្រើនផ្សេងទៀត ប្រទេស St. Kitts and Nevis មិនតម្រូវឱ្យស្នាក់នៅទីនោះផ្ទាល់ ទាំងមុន ឬក្រោយពេលទទួលបានសញ្ជាតិ។ លក្ខណៈពិសេសនេះធ្វើឱ្យកម្មវិធីសញ្ជាតិរបស់ប្រទេស St. Kitts and Nevis មានតម្លៃសម្រាប់សហគ្រិន និងអ្នកវិនិយោគទូទាំងពិភពលោកដែលមមាញឹក។ ទោះជាយ៉ាងណាក៏ដោយ អត្ថប្រយោជន៍របស់កម្មវិធីនេះគឺមិនមែនសម្រាប់តែការធ្វើដំណើរជុំវិញពិភពលោកប៉ុណ្ណោះទេ។ ប្រជាពលរដ្ឋអាចទទួលបានអត្ថប្រយោជន៍ផ្នែកពន្ធមួយចំនួនទាក់ទងនឹងពន្ធលំនៅដ្ឋាននាពេលបច្ចុប្បន្នរបស់ពួកគេ ដែលជាអត្ថប្រយោជន៍ដ៏សំខាន់សម្រាប់អ្នកដែលពិចារណាលើការថែរក្សាទ្រព្យសម្បត្តិ។
លើសពីនេះ សញ្ជាតិនៃប្រទេស St. Kitts and Nevis មានសុពលភាពពេញមួយជីវិត ហើយអាចបន្តទៅមនុស្សជំនាន់ក្រោយ ជាកត្តាបង្កើតកេរ្តិ៍ដំណែលយូរអង្វែង នៃការចល័តជាសកលសម្រាប់គ្រួសាររបស់លោកអ្នក។ ក្នុងនាមជាពលរដ្ឋមួយរូប អ្នកអាចនទទួលបានសិទ្ធិពេញលេញក្នុងការរស់នៅ ធ្វើការ និងបង្កើតអាជីវកម្មនៅក្នុងប្រទេសនៅក្នុងតំបន់ការាបៀន (Caribbean) ដ៏រីកចម្រើននេះ និងសមាជិកដទៃទៀតនៃអង្គការរដ្ឋការាបៀន (Caribbean) ភាគខាងកើត Organization of Eastern Caribbean (OECS) ដែលផ្តល់ជូន នូវមធ្យោបាយពិតប្រាកដមួយក្នុងការអភិវឌ្ឍន៍របៀបរស់នៅផ្ទាល់ខ្លួន និងឱកាសវិជ្ជាជីវៈរបស់អ្នក។

តម្រូវការ និងថ្លៃសេវា

លើសពីលក្ខខណ្ឌនៃការវិនិយោគ អ្នកដាក់ពាក្យត្រូវទាក់ទងភ្នាក់ងារដែលមានការអនុញ្ញាតដើម្បីដាក់សំណើរបស់ពួកគេ៖

• ឆ្លងកាត់ការត្រួតពិនិត្យប្រវត្តិរូបយ៉ាងតឹងរឹង
• បញ្ជាក់ពីប្រភពនៃមូលនិធិ
• មិនមានប្រវត្តិឧក្រិដ្ឋកម្ម
• បង់ថ្លៃសេវាផ្ទៀងផ្ទាត់ សេវាផ្នែកច្បាប់ និងថ្លៃដាក់ពាក្យ (បន្ថែមលើចំនួនកញ្ចប់វិនិយោគដែលបានរៀបរាប់ខាងលើ)

ដំណើរការផ្ទៀងផ្ទាត់ឯកសារទាំងមូលអាចចំណាយពេលច្រើន។ សម្រាប់ក្រុមគ្រួសារ ដែលស្វែងរកមធ្យោបាយ ដែលអាចទុកចិត្តបានទៅកាន់ការទទួលបានសញ្ជាតិទីពីរ នោះប្រទេស St. Kitts and Nevis នឹងផ្តល់ជូននូវកម្មវិធីដ៏ល្អជាមួយនឹងតម្រូវការច្បាស់លាស់ និងលទ្ធផលជាក់ស្ដែង។

កម្មវិធីសញ្ជាតិរបស់ប្រទេស Antigua and Barbuda តាមរយៈការវិនិយោគ

កំពុងស្វែងរកកម្មវិធីសញ្ជាតិការាបៀន (Caribbean)ដែលទទួលយកការច្នៃប្រឌិតមែនឬទេ? ប្រទេស Antigua and Barbuda បានលេចចេញជាប្រទេសមួយ ដែលមានភាពជាអ្នកដឹកនាំក្នុងវិស័យធ្វើចំណាកស្រុកតាមយៈការវិនិយោគនៅពេលពួកគេបានចាប់ផ្តើមកម្មវិធីរបស់ពួកគេក្នុងឆ្នាំ 2013។ សព្វថ្ងៃនេះពួកគេបានបង្កើតបរិបទថ្មីជាទឹកដីដែលទទួលយករូបិយប័ណ្ណគ្រីបតូនៅតំបន់ការាបៀន (Caribbean) និងនៅលើពិភពលោក។

ទិដ្ឋភាពទូទៅនៃកម្មវិធី

ជាមួយនឹងជម្រើសនៃការវិនិយោគដែលចាប់ផ្តើមពី USD 230,000 កម្មវិធីសញ្ជាតិរបស់ប្រទេស Antigua and Barbuda រួមបញ្ចូលគ្នានូវតម្លៃដែលមានភាពប្រកួតប្រជែងជាមួយនឹងសិទ្ធិធ្វើដំណើរដោយគ្មានទិដ្ឋាការដូចប្រទេស St. Kitts and Nevis ផ្តល់ជូនដែរ។ កត្តាដែលកំណត់កម្មវិធីដាច់ពីគ្នាគឺវិធីសាស្ត្រ ចំពោះជម្រើសនៃការវិនិយោគ និងទ្រព្យសម្បត្តិឌីជីថល (Digital Asset)។ ពេលវេលាដំណើរការជាមធ្យមគឺមានរយៈពេលពី 6 ទៅ 9 ខែ ដែលធ្វើឱ្យវាក្លាយជាជម្រើសដ៏មានប្រសិទ្ធភាពសម្រាប់គ្រួសារដែលស្វែងរកសញ្ជាតិការាបៀន (Caribbean)។

ជម្រើសនៃការវិនិយោគឆ្នាំ 2025

វិនិយោគិនអាចរើសយកពីជម្រើសទាំង 4 ខាងក្រោម៖

1. ការរួមចំណែករបស់មូលនិធិអភិវឌ្ឍន៍ប្រទេសជាតិ

• USD 230,000 សម្រាប់គ្រួសារដែលមានសមាជិក 4 នាក់
• USD 245,000 សម្រាប់គ្រួសារដែលមានសមាជិក 5 នាក់
• USD 10,000 បន្ថែមសម្រាប់សមាជិកក្នុងបន្ទុកនីមួយៗ ឬសមាជិកគ្រួសារ

2. ការរួមចំណែកមូលនិធិរបស់សាកលវិទ្យាល័យ West Indies

• USD 260,000 សម្រាប់គ្រួសារមានសមាជិក 6 នាក់
• USD 10,000 បន្ថែមសម្រាប់សមាជិកក្នុងបន្ទុកនីមួយៗ ឬសមាជិកគ្រួសារ
• រួមបញ្ចូលការសិក្សាមួយឆ្នាំដោយមិនគិតថ្លៃសិក្សា

3. ការវិនិយោគលើអចលនទ្រព្យ

• ការវិនិយោគអប្បបរមា៖ USD 325,000 ក្នុងអចលនទ្រព្យវិនិយោគដែលរដ្ឋាភិបាលអនុម័ត (ត្រូវតែរក្សាទុករយៈពេល 5 ឆ្នាំ)ដូចជា៖
• គម្រោង Antigua and Barbuda Nonsuch-Bay
• គម្រោង Antigua and Barbuda Moongate Resort
• គម្រោង Antigua & Barbuda The Garden
• គម្រោង Antigua និង Barbuda Veranda Estate

អត្ថប្រយោជន៍

សញ្ជាតិនៃប្រទេស Antigua and Barbuda ផ្តល់អត្ថប្រយោជន៍ជាច្រើន ដែលបានទាក់ទាញអ្នកវិនិយោគ និងសហគ្រិនក្នុងយុគសម័យទំនើបរាប់ពាន់នាក់។ ជាមូលដ្ឋានគ្រឹះ កម្មវិធីនេះផ្តល់នូវការចល័តសកលយ៉ាងទូលំទូលាយ ជាមួយនឹងការធ្វើដំណើរដោយគ្មានទិដ្ឋាការទៅកាន់ 151 ប្រទេសទូទាំងពិភពលោក។ សេរីភាពក្នុងការធ្វើដំណើរដ៏ទូលំទូលាយនេះ រួមផ្សំជាមួយនឹងតម្រូវការស្នាក់នៅទីនោះផ្ទាល់ តិចតួចបំផុត គឺត្រឹមតែ 5 ថ្ងៃក្នុងរយៈពេល 5 ឆ្នាំដំបូងនៃសញ្ជាតិ ធ្វើឱ្យវាក្លាយជាជម្រើសដ៏គួរឱ្យទាក់ទាញសម្រាប់អ្នកជំនាញអន្តរជាតិ និងក្រុមគ្រួសាររបស់ពួកគេ។
អ្វីដែលពិសេសរបស់ប្រទេស Antigua and Barbuda ដាច់ដោយឡែកពីដៃគូកម្មវិធីសញ្ជាតិការាបៀន (Caribbean)ដ៏ទៃ គឺជាការទទួលយកទ្រព្យសម្បត្តិហិរញ្ញវត្ថុបែបឌីជីថល (Digital Asset)។ តាមរយៈការអនុម័តច្បាប់ទ្រព្យសម្បត្តិហិរញ្ញវត្ថុបែបឌីជីថល (Digital Asset) ក្នុងឆ្នាំ 2020 ប្រទេសនេះផ្ដល់ភាពងាយស្រួលក្នុងការប្រើប្រាស់រូបិយប័ណ្ណគ្រីបតូ និងជាមជ្ឈមណ្ឌលបច្ចេកវិទ្យាតំបន់ការាបៀន (Caribbean) ដែលកំពុងរីកចម្រើន។ តាមរយៈការអនុម័តច្បាប់នេះ អ្នកដាក់ពាក្យកម្មវិធីសញ្ជាតិតាមរយៈការវិនិយោគ អាចផ្តល់រូបិយប័ណ្ណគ្រីបតូ និងទ្រព្យសម្បត្តិហិរញ្ញវត្ថុឌីជីថលជាឯកសារនៃប្រភពមូលនិធិ។

សម្រាប់វិនិយោគិនរូបិយប័ណ្ណគ្រីបតូ វិធីសាស្រ្តនេះផ្តល់នូវឱកាសពិសេសសម្រាប់ការអភិវឌ្ឍន៍អាជីវកម្ម និងការគ្រប់គ្រងទ្រព្យសម្បត្តិឌីជីថល (Digital Asset)។ ជាធម្មតាអាជីវកម្មក្នុងស្រុកទទួលយករូបិយប័ណ្ណឌីជីថល(Digital Asset) ហើយប្រទេសនេះថែមទាំងបានបើកដំណើរការ DCash ដែលជារូបិយប័ណ្ណឌីជីថលដំបូងគេដែលបានចាប់ផ្តើមដោយអង្គការសេដ្ឋកិច្ចនយោបាយក្នុងឆ្នាំ 2019។
លើសពីនេះ កម្មវិធីសញ្ជាតិរបស់ប្រទេស Antigua and Barbuda អនុញ្ញាតឱ្យមានសញ្ជាតិពីរ និងពង្រីកអត្ថប្រយោជន៍ដល់សមាជិកគ្រួសារជាច្រើន រួមទាំងប្តី/ប្រពន្ធ កូន ឪពុកម្តាយ និងសូម្បីតែជីដូនជីតា។

តម្រូវការ និងថ្លៃចំណាយផ្សេងៗ

ដំណើរការដាក់ពាក្យសុំតម្រូវអោយមាន៖

• កំណត់ត្រាព្រហ្មទណ្ឌស្អាតស្អំ
• ភស្តុតាងនៃភាពស្របច្បាប់នៃមូលនិធិ ដែលអាចជាទ្រព្យសម្បត្តិគ្រីបតូ
• ថ្លៃសេវាផ្ទៀងផ្ទាត់ឯកសារ របស់អ្នកដាក់ពាក្យសុំ និងសមាជិកក្នុងបន្ទុក
• ថ្លៃដំណើរការរបស់រដ្ឋាភិបាល និងថ្លៃឯកសារធ្វើដំណើរ (លិខិតឆ្លងដែន)

កម្មវិធីនេះមានភាពលេចធ្លោ ព្រោះគោលនយោបាយងាយស្រួល ដែលអាចប្រើបា្រស់រូបិយប័ណ្ណគ្រីបតូ និងដំណើរការកម្មវិធីបែបទំនើប ដែលធ្វើឱ្យ ប្រទេស Antigua and Barbuda ជាជម្រើសដ៏គួរឱ្យទាក់ទាញសម្រាប់អ្នកវិនិយោគផ្នែកទ្រព្យសម្បត្តិឌីជីថល (Digital Asset) ដែលកំពុងស្វែងរកសញ្ជាតិការាបៀន (Caribbean)។

កម្មវិធីសញ្ជាតិតាមរយៈការវិនិយោគរបស់ប្រទេស Dominica

ត្រូវបានគេស្គាល់ថាជា “Nature Isle of the Caribbean” ប្រទេស Dominica ផ្តល់នូវមធ្យោបាយដ៏មានប្រសិទ្ធភាពបំផុតមួយក្នុងការទទួលបានសញ្ជាតិបន្ថែម។ ចាប់តាំងពីការចាប់ផ្តើមកម្មវិធីសញ្ជាតិរបស់ពួកគេក្នុងឆ្នាំ 1993 ប្រទេសនាតំបន់ការាបៀន (Caribbean) ដ៏ស្រស់ស្អាតនេះទទួលបានកេរ្តិ៍ឈ្មោះដោយសារតែប្រសិទ្ធភាព និងភាពងាយស្រួលនៅក្នុងវិស័យនៃការធ្វើចំណាកស្រុកតាមយៈការវិនិយោគនេះ។

ទិដ្ឋភាពទូទៅនៃកម្មវិធី

កម្មវិធីសញ្ជាតិរបស់ប្រទេស Dominica មិនមានភាពស្មុគស្មាញនោះទេ និងមានតម្លៃសមរម្យផងដែរ។ ដំណើរការកម្មវិធីជាមធ្យមមានរយៈពេល 3-4 ខែ ហើយកម្មវិធីនេះរក្សាបាននូវស្តង់ដារខ្ពស់ខណៈពេលដែលឈរជាជម្រើសដែលមានតម្លៃសមរម្យបំផុតនៅក្នុងតំបន់ការាបៀន (Caribbean)។ នៅឆ្នាំ 2025 ប្រទេស Dominica បន្តពង្រឹងកម្មវិធីរបស់ខ្លួនជាមួយនឹងជម្រើសនៃការវិនិយោគប្រកបដោយនិរន្តរភាព ស្របតាមចក្ខុវិស័យជាតិដែលមិនប៉ះពាល់ដល់បរិស្ថាន។

ជម្រើសនៃការវិនិយោគឆ្នាំ2025

ប្រទេស Dominica ផ្តល់មធ្យោបាយសំខាន់ៗ 2 ទៅកាន់ការទទួលបានសញ្ជាតិគឺ៖

1. វិភាគទានទៅកាន់មូលនិធិពិពិធកម្មសេដ្ឋកិច្ច

• USD 200,000 សម្រាប់អ្នកដាក់ពាក្យម្នាក់
• USD 250,000 សម្រាប់ពាក្យដែលមានសមាជិកគ្រួសាររហូតដល់ 4 នាក់។
• USD 25,000 បន្ថែមសម្រាប់សមាជិកនីមួយៗដែលមានអាយុក្រោម 18 ឆ្នាំ។
• USD 40,000 បន្ថែមសម្រាប់សមាជិកគ្រួសារនីមួយៗដែលមានអាយុលើសពី 18 ឆ្នាំ។

2. ការវិនិយោគលើអចលនទ្រព្យ

• ការវិនិយោគអប្បបរមាចំនួន USD 200,000 នៅក្នុងអចលនទ្រព្យដែលអនុម័តដោយរដ្ឋាភិបាល (កាន់កាប់រយៈពេល 5 ឆ្នាំ)
• ថ្លៃសេវាបន្ថែម USD 75,000 សម្រាប់អ្នកដាក់ពាក្យម្នាក់
• ថ្លៃសេវាបន្ថែម USD 100,000 សម្រាប់គ្រួសារដែលមានសមាជិករហូតដល់ 4 នាក់។
• ថ្លៃសេវាបន្ថែម USD 25,000 សម្រាប់សមាជិកម្នាក់ៗដែលមានអាយុក្រោម 18 ឆ្នាំ។
• ថ្លៃសេវាបន្ថែម USD 40,000 សម្រាប់សមាជិកម្នាក់ៗដែលមានអាយុលើសពី 18 ឆ្នាំ។

អត្ថប្រយោជន៍

លិខិតឆ្លងដែនរបស់ប្រទេស Dominican ផ្ដល់ឱកាសអន្តរជាតិសំខាន់ៗ ដោយអ្នកអាចធ្វើដំណើរដោយគ្មានទិដ្ឋាការទៅកាន់ 144 ប្រទេសជុំវិញពិភពលោក។ ភាពបត់បែនរបស់កម្មវិធីនេះមានន័យថា ប្រជាពលរដ្ឋចំណូលថ្មីមិនតម្រូវឱ្យស្នាក់នៅទីនោះផ្ទាល់នោះទេ ដែលធ្វើឱ្យវាមានភាពទាក់ទាញជាពិសេសសម្រាប់អ្នកវិនិយោគដែលមិនចង់ផ្លាស់ប្ដូររបៀបរស់នៅ និងលំនៅដ្ឋានបច្ចុប្បន្នរបស់ពួកគេ។ កម្មវិធីនេះផ្ដល់ឯកសិទ្ធិពេញមួយជីវិត ហើយអាចបន្តដល់ជំនាន់ក្រោយជាច្រើន សញ្ជាតិនៃប្រទេស Dominica អាចឱ្យអ្នកបង្កើតកេរ្តិ៍ដំណែលនៃការចល័តសកលដ៏យូរអង្វែង។
អត្ថប្រយោជន៍ផ្នែកហិរញ្ញវត្ថុនៃសញ្ជាតិនៃប្រទេស Dominica គឺមានភាពទាក់ទាញដូចគ្នា។ ប្រជាពលរដ្ឋមិនមានកាតព្វកិច្ចបង់ពន្ធលើប្រាក់ចំណូលមកពីទូទាំងពិភពលោក។ លើសពីនេះទៀត ទោះបីជាពលរដ្ឋសញ្ជាតិDominica នៅតែត្រូវសុំទិដ្ឋាការបើគេចង់ធ្វើដំណើរទៅចក្រភពអង់គ្លេសក៏ដោយ ពួកគេអាចទទួលបានអត្ថប្រយោជន៍បន្ថែម រួមទាំងការចូលប្រើប្រាស់សិទ្ធិ Commonwealth ទៅកាន់ស្ថាប័នអប់រំរបស់ចក្រភពអង់គ្លេស និងអាចបើកដំណើរការអាជីវកម្មនៅក្នុងរដ្ឋជាសមាជិក។
ប្រសិទ្ធភាពនៃកម្មវិធីត្រូវបានបង្ហាញតាមរយៈពេលវេលាដំណើរការដ៏លឿនរបស់វា (ពី 6 – 8 ខែ) ហើយលក្ខណៈពិសេសរបស់វាគឺការអនុញ្ញាតឱ្យអ្នកនាំយកសមាជិកគ្រួសារជាច្រើនរបស់អ្នកវិនិយោគមកក្រោមកម្មវិធីពាក្យស្នើតែមួយ។ សម្រាប់វិនិយោគិនដែលស្វែងរកតម្លៃសមរម្យដែលនាំមកនូវគុណភាព កម្មវិធីសញ្ជាតិរបស់ ប្រទេស Dominica ផ្តល់នូវអត្ថប្រយោជន៍ដ៏ទូលំទូលាយលើសពីសិទ្ធិជាពលរដ្ឋ។

តម្រូវការ និងថ្លៃចំនាយផ្សេងៗ

ដំណើរការដាក់ពាក្យរួមមាន:

• កំណត់ត្រាព្រហ្មទណ្ឌស្អាតស្អំ
• ភស្តុតាងនៃប្រភពមូលនិធិ
• ការពិនិត្យសុខភាពទូទៅ
• ឯកសារយោងផ្នែកវិជ្ជាជីវៈ
• ថ្លៃដំណើរការឯកសារសម្រាប់អ្នកដាក់ពាក្យចម្បង ប្តី/ប្រពន្ធ និងសមាជិកគ្រួសារផ្សេងទៀត។
• វិញ្ញាបនបត្រនៃការចូលសញ្ជាតិ និងថ្លៃដំណើរការផ្សេងៗ

កម្មវិធីសញ្ជាតិរបស់ប្រទេស Dominica បន្តទាក់ទាញអ្នកវិនិយោគដែលស្វែងរកតម្លៃសមរម្យដែលនាំមកនូវគុណភាព។ តាមរយៈមូលនិធិធ្វើពិពិធកម្មសេដ្ឋកិច្ចរបស់ពួកគេ ប្រទេសជាតិនៅតែប្តេជ្ញាចិត្តចំពោះការអភិវឌ្ឍន៍ប្រកបដោយនិរន្តភាព និងកំណើនសេដ្ឋកិច្ច ហើយមានការចាប់អារម្មណ៍ពីសំណាក់មនុស្សជាច្រើនដែលកំពុងស្វែងរកសញ្ជាតិទីពីរនៅបរទេស។

កម្មវិធីសញ្ជាតិតាមរយៈការវិនិយោគរបស់ប្រទេស ប្រទេស St. Lucia

នៅពេលដែល ប្រទេស St. Lucia បានបើកដំណើរការកម្មវិធីសញ្ជាតិរបស់ខ្លួនក្នុងឆ្នាំ 2016 កម្មវិធីនោះមានអត្ថប្រយោជន៍ប្លែកពីគេមួយគឺ៖ ការរៀនពីបទពិសោធន៍ជាច្រើនទសវត្សរ៍ពីប្រទេសនាតំបន់ការាបៀន (Caribbean) ផ្សេងទៀត។ សព្វថ្ញៃ កម្មវិធីសញ្ជាតិតាមរយៈការវិនិយោគថ្មីៗ រួមបញ្ចូលគ្នានូវយុទ្ធសាស្រ្ត ជាមួយនឹងការច្នៃប្រឌិតទំនើបៗដើម្បីបង្ហាញដល់សហគ្រិន និងវិនិយោគិនអន្តរជាតិ។

ទិដ្ឋភាពទូទៅនៃកម្មវិធី

ខណៈពេលដំណើរការកម្មវិធីនេះអាចមានរយៈពេលចាប់ពី 4 ទៅ 8 ខែប៉ុណ្ណោះ និងរក្សាស្តង់ដារត្រួតពិនិត្យ កម្មវិធីសញ្ជាតិរបស់ ប្រទេស St. Lucia សង្កត់ធ្ងន់លើភាពបត់បែន និងប្រសិទ្ធភាព។ នេះជាកម្មវិធីថ្មីបំផុតនៅក្នុងតំបន់ការាបៀន (Caribbean) ប្រទេស St. Lucia បន្តសម្របសម្រួលការផ្តល់ជូនរបស់ខ្លួនដើម្បីបំពេញតម្រូវការវិនិយោគិនដែលកំពុងវិវត្តទៅមុខនៅឆ្នាំ 2025។

ជម្រើសនៃការវិនិយោគនាឆ្នាំ2025

ប្រទេស St. Lucia ផ្តល់ជម្រើសនៃការវិនិយោគ 4 យ៉ាងដើម្បីទទួលបានសញ្ជាតិ៖\\

1. វិភាគទានមូលនិធិសេដ្ឋកិច្ចជាតិ

• USD 240,000 សម្រាប់អ្នកដាក់ពាក្យដែលមានសមាជិកក្នុងបន្ទុក ឬសមាជិកគ្រួសាររហូតដល់ 3 នាក់។
• USD 10,000 ក្នុងមួយអ្នកអាស្រ័យបន្ថែមក្រោមអាយុ 18 ឆ្នាំ។
• USD 20,000 សម្រាប់សមាជិកគ្រួសារបន្ថែមដែលមានអាយុលើសពី 18 ឆ្នាំ។

2. ប័ណ្ណបំណុលរដ្ឋាភិបាល (គ្មានការប្រាក់)

• ការវិនិយោគអប្បបរមាចំនួន USD 300,000 ទៅក្នុងប័ណ្ណបំណុលរដ្ឋាភិបាលនៃប្រទេស St. Lucian
• មានសុពលភាពសម្រាប់អ្នកដាក់ពាក្យចម្បង និងសមាជិកក្នុងបន្ទុកដែលមានលក្ខណៈសម្បត្តិគ្រប់គ្រាន់ ឬសមាជិកគ្រួសារ
• បង់រំលោះប័ណ្ណធានា 100% ដោយគ្មានការប្រាក់បន្ទាប់ពី 5 ឆ្នាំ
• USD 50,000 ថ្លៃរដ្ឋបាលដែលមិនអាចដកវិញបាន

អត្ថប្រយោជន៍ និងគុណសម្បត្តិ

កម្មវិធីសញ្ជាតិរបស់ប្រទេស St. Lucia ផ្តល់នូវអត្ថប្រយោជន៍ពីអន្តរជាតិជាច្រើន ដូចជាការធ្វើដំណើរដោយគ្មានទិដ្ឋាការទៅកាន់ជាង 140 ប្រទេស។ ដូចគ្នានេះផងដែរ ប្រទេស St. Lucia មិនតម្រូវឱ្យពលរដ្ឋចំណូលថ្មីរស់នៅក្នុងប្រទេសបន្ទាប់ពីការវិនិយោគក្នុងកម្មវិធីសញ្ជាតិនេះទេ។
សុពលភាពពេញមួយជីវិតរបស់កម្មវិធីសញ្ជាតិនេះ និងធានាថាការវិនិយោគរបស់អ្នកមានតម្លៃយូរអង្វែងសម្រាប់ខ្លួនអ្នក គ្រួសាររបស់អ្នក និងសមាជិកគ្រួសាររបស់ពួកគេនាពេលអនាគតផងដែរ។ អត្ថប្រយោជន៍របស់សញ្ជាតិអាចបន្តផ្ដល់ជូនអ្នកជំនាន់ក្រោយ ដើម្បីបង្កើតកេរ្តិ៍ដំណែលអចិន្ត្រៃយ៍នៃការចល័តសកលសម្រាប់គ្រួសាររបស់អ្នក។
អត្ថប្រយោជន៍ផ្នែកហិរញ្ញវត្ថុនៃសញ្ជាតិ St. Lucian គឺគួរឱ្យចាប់អារម្មណ៍ដូចគ្នាដែរ។ ពលរដ្ឋសញ្ជាតិ St. Lucia មិនមានកាតព្វកិច្ចបង់ពន្ធលើប្រាក់ចំណូលមកពីទូទាំងពិភពលោក ហើយការទទួលយកសញ្ជាតិពីររបស់ប្រទេសនេះមានន័យថា អ្នកនឹងមិនចាំបាច់បោះបង់ចោលសញ្ជាតិបច្ចុប្បន្នរបស់អ្នកទេ ប្រសិនបើអ្នកជ្រើសរើសវិនិយោគលើសញ្ជាតិ St. Lucian។ លើសពីនេះ ដំណើរការកម្មវិធីនេះគឺមានភាពរហ័ស និងសម្ងាត់ដើម្បីការពារឯកជនភាពរបស់អ្នក ខណៈពេលដែលផ្តល់នូវពេលវេលាដំណើរការកម្មវិធីលឿនបំផុតមួយនៅក្នុងពិភពលោក។
មិនថាអ្នកកំពុងស្វែងរកសេរីភាពក្នុងការធ្វើដំណើរ ឬគម្រោងផែនការនាថ្ញៃអនាគត (Plan B) សម្រាប់ក្រុមគ្រួសារអ្នកទេ កម្មវិធីសញ្ជាតិរបស់ប្រទេស St. Lucia ផ្តល់នូវមធ្យោបាយពិតប្រាកដមួយដើម្បីសម្រេចបាននូវគោលដៅទាំងនេះ។

តម្រូវការ និងថ្លៃចំណាយផ្សេងៗ

តម្រូវការកម្មវិធីរួមមាន:

• កំណត់ត្រាព្រហ្មទណ្ឌស្អាតស្អំ
• បញ្ជាក់ពីប្រភពនៃមូលនិធិ
• មានសុខភាពល្អ
• មិនធ្លាប់ត្រូវបានបដិសេធទិដ្ឋាការពីប្រទេសម្ចាស់កម្មវិធី
• ថ្លៃសេវាកម្មផ្សេងៗសម្រាប់អ្នកដាក់ពាក្យចម្បង និងសមាជិកគ្រួសារ
• ថ្លៃដំណើរការ និងថ្លៃឯកសារធ្វើដំណើរ (លិខិតឆ្លងដែន)

កម្មវិធីសញ្ជាតិរបស់ ប្រទេស St. Lucia មានលក្ខណៈពិសេសចំពោះសហគ្រិនដែលកំពុងស្វែងរកមធ្យោបាយដ៏មានប្រសិទ្ធភាពដើម្បីទទួលបានសញ្ជាតិការាបៀន (Caribbean) ជាមួយនឹងជម្រើសវិនិយោគជាច្រើន ហើយជម្រើសប័ណ្ណបំនុលរដ្ឋាភិបាលគឺមានភាពពិសេសជាងគេក្នុងចំណោមកម្មវិធីសញ្ជាតិតាមរយៈកម្មវិធីវិនិយោគដ៏ទៃ។ បរិយាកាសនយោបាយដែលមានស្ថិរភាពរបស់ប្រទេសជាតិ និងវិស័យទេសចរណ៍ដែលកំពុងរីកចម្រើន ធ្វើឱ្យវាក្លាយជាជម្រើសដ៏ពេញនិយមសម្រាប់អ្នកវិនិយោគដែលសម្លឹងមើលឱកាសមិនធម្មតា។

កម្មវិធីសញ្ជាតិរបស់ប្រទេស Grenada តាមរយៈការវិនិយោគ

ក្នុងចំណោមកម្មវិធីសញ្ជាតិតាមរយៈការវិនិយោគនៅតំបន់ការាបៀន (Caribbean) ប្រទេស Grenada ផ្ដល់អត្ថប្រយោជន៍ពិសេសមួយគឺ៖ ការប្រើប្រាស់ E-2 Investor Visa ទៅកាន់សហរដ្ឋអាមេរិក ។ ភាពខុសគ្នានេះបានធ្វើឱ្យកម្មវិធីរបស់ ប្រទេស Grenada កាន់តែមានប្រជាប្រិយភាពជាមួយសហគ្រិនដែលស្វែងរកសញ្ជាតិការាបៀន (Caribbean) និងមធ្យោបាយឆ្ពោះទៅរកការបង្កើតអាជីវកម្មនៅសហរដ្ឋអាមេរិក។

ទិដ្ឋភាពទូទៅនៃកម្មវិធី

បានបើកដំណើរការក្នុងឆ្នាំ 2013 កម្មវិធីសញ្ជាតិរបស់ ប្រទេស Grenada រួមបញ្ចូលគ្នានូវប្រសិទ្ធភាពជាមួយនឹងអត្ថប្រយោជន៍នៃការចល័តជាសកលពិសេស។ ដំណើរការជាធម្មតាត្រូវចំណាយពេលពី 9 ទៅ 12 ខែ ហើយចំនុចគួរឱ្យកត់សម្គាល់មួយទៀតគឺ ដំណើរការត្រួតពិនិត្យដ៏ហ្មត់ចត់របស់កម្មវិធី ដូចគ្នាៗនិងកម្មវិធីសញ្ជាតិតាមរយៈការវិនិយោគការាបៀន (Caribbean) ភាគច្រើននោះដែរ ជាពិសេសបន្ទាប់ពីអនុស្សរណៈនៃកិច្ចព្រមព្រៀងឆ្នាំ 2024 ។
នៅឆ្នាំ 2025 ប្រទេស Grenada បន្តពង្រឹងជំហររបស់ខ្លួនជាជម្រើសដ៏មានសក្ដានុពលសម្រាប់វិនិយោគិនដែលស្វែងរកការចល័តសកលដ៏ទូលំទូលាយ។

ជម្រើសនៃការវិនិយោគនាឆ្នាំ2025

ប្រទេស Grenada ផ្តល់ជម្រើសសំខាន់ៗ 2 ដើម្បីទទួលបានសញ្ជាតិ៖

1. មូលនិធិផ្លាស់ប្តូរជាតិ

• បរិច្ចាកទឹកប្រាក់ចំនួន USD 235,000 សម្រាប់គ្រួសារដែលមានសមាជិករហូតដល់ 4 នាក់ (excl.*)
• បរិច្ចាកទឹកប្រាក់ចំនួន USD 25,000 បន្ថែមសម្រាប់សមាជិកនីមួយៗ (excl.*)
• បរិច្ចាកទឹកប្រាក់បន្ថែមចំនួន USD 50,000 សម្រាប់ឪពុកម្តាយ/ជីតាម្នាក់ៗដែលមានអាយុក្រោម 55 ឆ្នាំ
• បរិច្ចាកទឹកប្រាក់បន្ថែមចំនួន USD 75,000 បន្ថែមសម្រាប់បងប្អូនដែលមានសិទ្ធិម្នាក់ៗ

2. ការវិនិយោគលើអចលនទ្រព្យ

• ការវិនិយោគអចលនៈទ្រព្យអប្បបរមា USD 350,000 (មានកម្មសិទ្ធិពេញលេញ) (ត្រូវរក្សាកម្មសិទ្ធិរយៈពេល 5 ឆ្នាំ)
• ភាគហ៊ុននៅក្នុងការទិញអចលនទ្រព្យដែលរដ្ឋាភិបាលអនុម័តដោយមានតម្លៃអប្បបរមា USD 270,000 (ត្រូវរក្សាទុកសម្រាប់រយៈពេល 5 ឆ្នាំ)

អត្ថប្រយោជន៍

កម្មវិធីសញ្ជាតិរបស់ប្រទេស Grenada តាមរយៈការវិនិយោគផ្ដល់ឱកាសសម្រាប់ការធ្វើដំណើរដោយគ្មានទិដ្ឋាការទៅកាន់ 140 ប្រទេស ប៉ុន្តែភាពខុសគ្នាពិតប្រាកដរបស់វាស្ថិតនៅក្នុងសន្ធិសញ្ញា E-2 Visa ផ្តាច់មុខរបស់ ប្រទេស Grenada ជាមួយសហរដ្ឋអាមេរិក ដែលជាអត្ថប្រយោជន៍ដែលមិនអាចប្រៀបផ្ទឹមបាន ពីព្រោះកម្មវិធីសញ្ជាតិការាបៀន (Caribbean)ផ្សេងទៀតមិនមាននោះទេ។ ខណៈពេលដែលការចូលទៅកាន់សហរដ្ឋអាមេរិកមិនត្រូវបានធានាជាក់លាក់ក៏ដោយ អត្ថប្រយោជន៍មួយទៀត គឺការចូលទៅប្រទេសចិនដោយគ្មានទិដ្ឋាការ និងគោលដៅអាជីវកម្ម និងការវិនិយោគផ្សេងទៀត ធ្វើឱ្យសញ្ជាតិនៃប្រទេស Grenada កាន់តែមានតម្លៃ។
ដោយមិនមានតម្រូវការស្នាក់នៅ ឬបទសំភាសន៍អ្វីនោះទេ ប្រទេស Grenada ផ្តល់នូវមធ្យោបាយបត់បែនដ៏ងាយស្រួលដើម្បីទទួលបានសញ្ជាតិការាបៀន (Caribbean)។ លើសពីនេះទៅទៀត ដូចគ្នាជាមួយនិងកម្មវិធីសញ្ជាតិតាមរយៈការវិនិយោគដ៏ទៃ ប្រទេស Grenada អាចផ្តល់ឱ្យវិនិយោគិននូវឱកាសបង្កើនប្រសិទ្ធភាពពន្ធដ៏រឹងមាំ។ ប្រទេស Grenada មិនមានយកពន្ធលើប្រាក់ចំណូលផ្ទាល់ខ្លួន ពន្ធលើដើមទុន ឬទ្រព្យសម្បត្តិ ឬពន្ធលើមរតកនោះទេ។
ក្នុងនាមជាពលរដ្ឋមានសញ្ជាតិសពុលភាពពេញមួយជីវិត ដែលអនុញ្ញាតឱ្យមានសញ្ជាតិពីរផងដែរនោះ សញ្ជាតិនៃប្រទេស Grenada របស់អ្នកគឺជាទ្រព្យសម្បត្តិអចិន្ត្រៃយ៍ដែលអាចកែរប្រែអានុភាពនៃការចល័តជាសកលរបស់គ្រួសារអ្នក ជាពិសេសប្រសិនបើសញ្ជាតិដើមរបស់អ្នកមិនផ្តល់សិទ្ធិធ្វើដំណើរដូចដែរលិខិតឆ្លងដែនប្រទេស Grenada អាចធ្វើបាន។
ផ្ដើមពីដំណើរការកម្មវិធីប្រកបដោយប្រសិទ្ធភាពដល់អត្ថប្រយោជន៍ពន្ធដ៏ទូលំទូលាយរបស់ខ្លួន កម្មវិធីសញ្ជាតិរបស់ប្រទេស Grenada ផ្តល់នូវតម្លៃពិសេសសម្រាប់អ្នកវិនិយោគដែលកំពុងស្វែងរកអត្ថប្រយោជន៍ភ្លាមៗ និងឱកាសរយៈពេលវែង។

តម្រូវការ និងថ្លៃចំណាយផ្សេងៗ

ដំណើរការដាក់ពាក្យសុំទាមទារ៖

• មិនមានប្រវត្តិឧក្រិដ្ឋកម្ម
• ភស្តុតាងនៃមូលនិធិវិនិយោគ
• ឯកសារយោងផ្នែកវិជ្ជាជីវៈ
• ការពិនិត្យសុខភាពទូទៅ
• ថ្លៃសេវាកម្មផ្សេងៗសម្រាប់អ្នកដាក់ពាក្យចម្បង និងសមាជិកគ្រួសារពេញវ័យផ្សេងទៀត។
• ថ្លៃរដ្ឋាភិបាលបន្ថែម និងថ្លៃដំណើរការ

កម្មវិធីសញ្ជាតិរបស់ប្រទេស Grenada មានលក្ខណៈទាក់ទាញដ៏ពិសេសចំពោះអ្នកវិនិយោគដែលស្វែងរកការចល័តសកល និងឱកាសអាជីវកម្មក្នុងសហរដ្ឋអាមេរិក។ ការរួមបញ្ចូលគ្នានៃកម្រិតវិនិយោគសមហេតុផល ការត្រួតពិនិត្យ និងទិដ្ឋាការ E-2 ធ្វើឱ្យកម្មវិធីនេះក្លាយជាជម្រើសដ៏គួរឱ្យទាក់ទាញបំផុត។

ពិចារណាលើការសម្រេចចិត្តជ្រើសរើសកម្មសញ្ជាតិតាមរយៈការវិនិយោគ៖ ការប្រៀបធៀបជាយុទ្ធសាស្ត្រ

ដំបូងអ្នកត្រូវតែសម្រេចចិត្តថាតើប្រទេសណាដែលនៅការាបៀន (Caribbean)មួយណាដែលអ្នកចង់វិនិយោគ ឬបរិច្ចាគមូលនិធិរបស់អ្នក។ ការប្រៀបធៀបប្រទេសការាបៀន(Caribbean)ទាំង 5 នេះ និងកម្មវិធីសញ្ជាតិរៀងៗខ្លួនរបស់ពួកគេមានឥទ្ធិពលស្រដៀងគ្នា។ ខណៈពេលដែលកម្មវិធីនីមួយៗផ្តល់នូវអត្ថប្រយោជន៍តែមួយគត់ ជម្រើសដ៏ល្អរបស់អ្នកអាស្រ័យលើគោលដៅ ការកំណត់ពេលវេលា និងចំណូលចិត្តវិនិយោគរបស់អ្នក។

ជម្រើសវិនិយោគអប្បបរមា៖

• ប្រទេស St. Kitts and Nevis: USD 250,000 (បរិច្ចាគ) / USD 325,000 (ការទិញអចលនទ្រព្យ)
• ប្រទេស Antigua and Barbuda: USD 230,000 (បរិច្ចាគ) / USD 325,000 (ការទិញអចលនទ្រព្យ)
• ប្រទេស Dominica: USD 200,000 (បរិច្ចាគ) / USD 275,000 (ការទិញអចលនទ្រព្យ)
• ប្រទេស St. Lucia: USD 240,000 (បរិច្ចាគ) / USD 350,000 (ប័ណ្ណបំណុលរដ្ឋាភិបាល)
• ប្រទេស Grenada: USD 235,000 (បរិច្ចាគ) / USD 270,000 (ភាគហ៊ុនអចលនទ្រព្យ)

ការធ្វើដំណើរដោយគ្មានទិដ្ឋាការ៖

• ប្រទេស St. Kitts and Nevis: 150 ប្រទេស
• ប្រទេស Antigua and Barbuda៖ 150 ប្រទេស
• ប្រទេស Dominica ៖ 140 ប្រទេស
• ប្រទេស St. Lucia: 140 ប្រទេស
• ប្រទេស Grenada៖ 140 ប្រទេស

ពេលវេលាដំណើរការ៖

• ប្រទេស St. Kitts and Nevis: 6 – 10 ខែ
• ប្រទេស Antigua and Barbuda: 6 – 9 ខែ
• ប្រទេស Dominica: 6 – 8 ខែ
• ប្រទេស St. Lucia: 6 – 10 ខែ
• ប្រទេស Grenada: 9 – 12 ខែ

ជ្រើសរើសកម្មវិធីសញ្ជាតិតាមរយៈការវិនិយោគដែលសាកសមសម្រាប់រូបអ្នកផ្ទាល់

សម្រាប់បុគ្គលដែលមានទ្រព្យសម្បត្តិ (High-Net-Worth Individual)៖

កម្មវិធីសញ្ជាតិតាមរយៈការវិនិយោគនៅការាបៀន (Caribbean) ផ្តល់ឱកាសសម្រាប់បុគ្គលដែលមានតម្លៃសុទ្ធខ្ពស់ ដើម្បីបង្កើនប្រសិទ្ធភាពស្ថានភាពពន្ធរបស់ពួកគេ ដោយបញ្ជាក់ពីអត្ថប្រយោជន៍ពន្ធនៃកម្មវិធីសញ្ជាតិការាបៀន (Caribbean)។ ដោយមិនមានពន្ធលើប្រាក់ចំណូលទូទាំងពិភពលោក ពន្ធលើការបង្កើនដើមទុន ឬពន្ធមរតក បូករួមទាំងច្បាប់ឯកជនភាពធនាគារដ៏រឹងមាំ ប្រទេស St. Kitts and Nevis លេចធ្លោសម្រាប់ជម្រើសនៃការធ្វើផែនការទ្រព្យសម្បត្តិរបស់ខ្លួន។ កេរ្តិ៍ឈ្មោះយូរអង្វែងរបស់កម្មវិធីក៏បន្ថែមភាពជឿជាក់ដល់យុទ្ធសាស្ត្រពន្ធរបស់អ្នកផងដែរ។

សម្រាប់អ្នកជំនាញដែលមានប្រាក់ចំណូលខ្ពស់ (High-Income Professional)៖

ប្រទេស Antigua and Barbuda ផ្តល់ជូនតម្លៃល្អបំផុតសម្រាប់អ្នកជំនាញដែលស្វែងរកការចល័តសកល។ ការរួមបញ្ចូលគ្នានៃតម្លៃវិនិយោគដែលមានភាពប្រកួតប្រជែង សិទ្ធិធ្វើដំណើរដោយគ្មានទិដ្ឋាការ និងតម្រូវការស្នាក់នៅទីប្រទេសនោះផ្ទាល់តិចតួចបំផុត (ត្រឹមតែ 5 ថ្ញៃក្នុងរយៈពេល 5 ឆ្នាំ) ល្អឥតខ្ចោះសម្រាប់អ្នកដែលមានតំណែងជានាយកប្រតិបត្តិជាដើម។ ជម្រើសមូលនិធិរបស់សាកលវិទ្យាល័យ West Indies ក៏ផ្តល់អត្ថប្រយោជន៍ផ្នែកអប់រំសម្រាប់គ្រួសារផងដែរ។

សម្រាប់វិនិយោគិនរូបិយប័ណ្ណគ្រីបតូ (Crypto Investor)៖

ប្រទេស Antigua and Barbuda ក៏ជាជម្រើសដ៏ល្អសម្រាប់សហគ្រិនផ្នែក crypto និង Bitcoin ផងដែរ។ វិធីសាស្រ្តគិតឆ្ពោះទៅមុខរបស់ពួកគេចំពោះទ្រព្យសកម្មឌីជីថល ធនាគារដែលងាយស្រួលប្រើរូបិយប័ណ្ណគ្រីបតូ និងការទទួលយកគ្រីបតូនៅទីនោះធ្វើឱ្យវាក្លាយជាជម្រើសចម្បងសម្រាប់អ្នកវិនិយោគទ្រព្យសម្បត្តិបែបឌីជីថល (Digital Asset)។ គោលបំណងនៃកម្មវិធីសញ្ជាតិតាមរយៈការវិនិយោគនៅក្នុងប្រទេស វិនិយោគិនផ្នែករូបិយប័ណ្ណគ្រីបតូ ថែមទាំងអាចបញ្ជាក់ពីប្រភពនៃមូលនិធិជាមួយនឹងរូបិយប័ណ្ណគ្រីបតូទៀតផង។
ការរីកដុះដាលរបស់មជ្ឈមណ្ឌលបច្ចេកវិទ្យាដែលកំពុងរីកចម្រើនបន្ថែមសក្តានុពលនៃតម្លៃរយៈពេលវែង។

សម្រាប់អ្នកចូលនិវត្តន៍៖

ប្រទេស Dominica ផ្តល់ជូននូវអត្ថប្រយោជន៍ដ៏ទាក់ទាញបំផុតសម្រាប់អ្នកចូលនិវត្តន៍។ ការរួមបញ្ចូលគ្នានៃកម្រិតនៃការវិនិយោគទាប បរិយាកាសធម្មជាតិដ៏ស្រស់ត្រកាល សហគមន៍មានស្ថិរភាព និងការថែទាំសុខភាពប្រកបដោយគុណភាពធ្វើឱ្យទីនោះជាជម្រើសដ៏ល្អសម្រាប់អ្នកដែលស្វែងរកការចូលនិវត្តន៍ដោយសន្តិភាពនៅបរទេស។ ដំណើរការដែលមិនមានភាពស្មុគស្មាញរបស់កម្មវិធីនេះ និងសពុលភាពពេញមួយជីវិត បន្ថែមសុវត្ថិភាពជូនអ្នក ក៏ដូចជាសមត្ថភាពក្នុងការផ្តល់សិទ្ធិដូចគ្នានោះដែរដល់កូនរបស់អ្នក។

កត្តាសំខាន់ៗដែលគួរពិចារណាដើម្បីធ្វើការសម្រេចចិត្ត៖

1. ថវិកាវិនិយោគ

នៅពេលអ្នកវាយតម្លៃកម្មវិធីសញ្ជាតិការាបៀន (Caribbean)នីមួយៗ ថវិកាវិនិយោគរបស់អ្នកដើរតួជាចំណុចចាប់ផ្តើមចម្បង។
ខណៈពេលដែលចំនួនទឹកប្រាក់វិនិយោគអប្បបរមាត្រូវបានកំណត់យ៉ាងច្បាស់ – ចាប់ផ្តើមពី USD 200,000 ដល់ USD 250,000 សម្រាប់ជម្រើសនៃការរួមចំណែកដែលមិនអាចដកវិញបាន – គួរតែគិតលើការចំណាយសរុប ដូចជាថ្លៃរដ្ឋាភិបាល ថ្លៃដំណើរការ ច្បាប់ និងថ្លៃឯកសារធ្វើដំណើរ ដែលត្រូវចំនាយក្នុងដំណើរការវិនិយោគមួយនេះ។ សម្រាប់គ្រួសារ ការចំណាយបន្ថែមទាំងនេះអាចគណនាឡើងច្រើន។
ប្រសិនបើអ្នកកំពុងពិចារណាលើមធ្យោបាយវិនិយោគអចលនទ្រព្យដែលមានកម្មសិទ្ធិផ្តាច់មុខ កត្តាសំខាន់ៗគឺមិនមែនត្រឹមតែតម្លៃទិញប៉ុណ្ណោះទេ ប៉ុន្តែថែមទាំងមានថ្លៃថែទាំ ថ្លៃគ្រប់គ្រងអចលនទ្រព្យ និងអាចបានទទួលប្រាក់ត្រឡប់មកវិញពីការវិនិយោគនេះតាមរយៈចំណូលពីការជួល ឬការលក់បន្តនាពេលអនាគត។ វិនិយោគិនតែងខិតខំស្វែងរកជម្រើសវិនិយោគបែបទិញអចលនទ្រព្យរួមគ្នាពីព្រោះហេតុផលខាងលើនេះ។

2. ដំណើរការពេលវេលានៃការវិនិយោគ

ភាគច្រើនកម្មវិធីសញ្ជាតិការាបៀន (Caribbean) តាមរយៈការវិនិយោគអាចផ្តល់សញ្ជាតិក្នុងរយៈពេលត្រឹម 6 ខែប៉ុណ្ណោះ។ ទោះជាយ៉ាងណាក៏ដោយ ដោយសារតែការពង្រឹងស្តង់ដារយ៉ាងមានការយកចិត្តទុកដាក់ត្រឹមត្រូវ និងសុវត្ថិភាពដែលបានរឹតបន្តឹង វិនិយោគិនអាចទទួលបានឯកសារធ្វើដំណើរ(លិខិតឆ្លងដែន) របស់ពួកក្នុងរយៈពេល 12 ខែ ឬច្រើនជាងនេះ។ ប្រសិនបើវិនិយោគិនអាចប្រមូលផ្ដុំឯកសាររបស់ខ្លួន និងសមាជិកគ្រួសារបានលឿន (ឧទាហរណ៍ របាយការណ៍ធនាគារ សំបុត្រកំណើត លិខិតថ្កោលទោស លិខិតឆ្លងដែនដែលមានសុពលភាព។ល។) កាន់តែលឿននោះ ពួកគេក៏អាចទទួលបានសញ្ជាតិលឿនផងដែរ។
ដោយឡែកពីពេលវេលាដំណើរការ វាជាកត្តាចាំបាច់សម្រាប់វិនិយោគិនគួររៀបចំអនាគតរបស់ពួកគេ និងសម្រេចថាតើពួកគេត្រូវការសញ្ជាតិទីពីរនេះលឿនប៉ុណ្ណា។

3. គោលដៅនៃការធ្វើដំណើរ

ជម្រើសកម្មវិធីសញ្ជាតិរបស់អ្នកគួរជះឥទ្ធិពលលើតម្រូវការធ្វើដំណើររបស់អ្នក ដោយសារតែសញ្ជាតិការាបៀន (Caribbean)នីមួយៗអាចផ្តល់នូវសិទ្ធិការធ្វើដំណើរដោយមិនបាច់សុំទិដ្ឋាការខុសគ្នាខ្លះៗ។ ឧទាហរណ៍ ប្រសិនបើអ្នកធ្វើអាជីវកម្មជាញឹកញាប់នៅអឺរ៉ុប ប្រទេស St. Kitts and Nevis និងប្រទេស Antigua and Barbuda អាចផ្តល់នូវសិទ្ធិចេញចូលតំបន់ Schengen យ៉ាងទូលំទូលាយ។
បើពិចារណាអំពីគោលដៅអាជីវកម្មទូទៅរបស់អ្នក ចំណូលចិត្តនៃការធ្វើវិស្សមកាលជាលក្ខណៈគ្រួសារ និងតម្រូវការធ្វើដំណើរនាពេលអនាគតដែលមានសក្តានុពល។ សញ្ជាតិមួយចំនួនដូចជា ប្រទេស Grenada នឹងផ្តល់អត្ថប្រយោជន៍ពិសេសដូចជាការធ្វើដំណើរដោយគ្មានទិដ្ឋាការ ទៅកាន់ប្រទេសចិន និងសិទ្ធិទទួលបានទិដ្ឋាការ E-2 សម្រាប់សហរដ្ឋអាមេរិក។ បើសិនជាអ្នកចង់ផ្លាស់ប្តូរសិទ្ធិក្នុងការចល័តសកលរបស់អ្នកនាពេលអនាគត អ្នកគួរតែរៀបចំផែនការនៃការធ្វើដំណើរដោយគ្មានទិដ្ឋាការរបស់អ្នកឥឡូវនេះ មុនពេលសម្រេចចិត្តវិនិយោគលើសញ្ជាតិទីពីរ។

4. អនាគតរបស់គ្រួសារអ្នក

ចូរគិតអំពីកន្លែងដែលអ្នក ដៃគូអាជីវកម្មរបស់អ្នក ឬគ្រួសាររបស់អ្នកមានបំណងចង់បង្កើតប្រតិបត្តិការអាជីវកម្ម។
ប្រទេសដែលងាយស្រួលប្រើប្រាស់រូបិយប័ណ្ណគ្រីបតូគឺ ប្រទេស Antigua and Barbuda នេះអាចជាជម្រើដ៏ល្អសម្រាប់ការបណ្តាក់ទុនទ្រព្យសកម្មបែបឌីជីថល (Digital Asset) ខណៈដែលសន្ធិសញ្ញា E-2 របស់ ប្រទេស Grenada ជាមួយសហរដ្ឋអាមេរិកអាចផ្ដល់នូវឱកាសសម្រាប់ការពង្រីកអាជីវកម្មក្នុងសហរដ្ឋអាមេរិក។ សម្រាប់គ្រួសារ សូមពិចារណាអំពីឱកាសសិក្សា៖ កម្មវិធីមួយចំនួនផ្តល់អត្ថប្រយោជន៍ពិសេស ដូចជាជម្រើសមូលនិធិសាកលវិទ្យាល័យ West Indies របស់ Antigua ដែលរួមបញ្ចូលអត្ថប្រយោជន៍សិក្សា។
ការរៀបចំផែនការផ្នែកពន្ធក៏ដើរតួនាទីយ៉ាងសំខាន់ផងដែរ។ ខណៈពេលដែលកម្មវិធីទាំងអស់អាចផ្តល់នូវអត្ថប្រយោជន៍ពន្ធសំខាន់ៗ តំបន់មួយចំនួន អាចផ្តល់នូវអត្ថប្រយោជន៍បន្ថែមមួយកម្រិតទៀតសម្រាប់ ប្រភេទផ្សេងៗនៃប្រាក់ចំណូល ឬការវិនិយោគ។ អ្នកគួរចំណាយពេលដើម្បីពិចារណាលើកម្មវិធីវិនិយោគ និងសញ្ជាតិរបស់អ្នកជាមួយនឹងគោលបំណងរយៈពេលវែង។

សរុបសេចក្តីលើការពិចារណា

ថវិកាវិនិយោគ

• ពិចារណាទាំងការវិនិយោគដំបូង និងថ្លៃសេវាបន្ថែមផ្សេងៗ
• កត្តានៃទំហំគ្រួសារសម្រាប់ការគណនាតម្លៃសរុប
• វាយតម្លៃសក្តានុពលអចលនទ្រព្យ ROI ប្រសិនបើជ្រើសរើសមធ្យោបាយនោះ។

តម្រូវការពេលវេលា

• ផែនការសម្រាប់គោលដៅសញ្ជាតិទីពីរ
• កត្តាពេលវេលារៀបចំឯកសារ
• ពិចារណាលើភស្តុភាររបស់គ្រួសារ

តម្រូវការធ្វើដំណើរ

• ប្រៀបធៀបអត្ថប្រយោជន៍នៃការធ្វើដំណើរដោយគ្មានទិដ្ឋាការនាពេលបច្ចុប្បន្នជាមួយនឹងគោលដៅដែលមានសក្តានុពល
• ពិចារណាលើតម្រូវការធ្វើដំណើរសម្រាប់អាជីវកម្ម
• សម្គាល់មើលទម្លាប់នៃការធ្វើដំណើរជាលក្ខណៈគ្រួសារ

ផែនការអនាគត

• គោលដៅពង្រីកអាជីវកម្ម
• តម្រូវការអប់រំសម្រាប់កូនៗ
• ការពិចារណាលើការចូលនិវត្តន៍
• គោលបំណងនៃផែនការពន្ធ

សេចក្តីសង្ខេបនៃកម្មវិធីសញ្ជាតិតាមរយៈការវិនិយោគរបស់ការាបៀន (Caribbean)

មធ្យោបាយនេះផ្តល់ឱកាសសម្រាប់ការចល័តកាន់តែច្រើន និងការរក្សាទ្រព្យសម្បត្តិ កម្មវិធីសញ្ជាតិតាមរយៈការវិនិយោគរបស់ការាបៀន (Caribbean)នឹងបន្តវិវឌ្ឍ (និងពង្រឹង) នៅឆ្នាំ 2025។ នៅពេលដែលភាពតានតឹងភូមិសាស្ត្រនយោបាយកើនឡើង ហើយបទប្បញ្ញត្តិពន្ធរឹតបន្តឹងទូទាំងពិភពលោក សញ្ជាតិទីពីរក្លាយជាជម្រើសសំខាន់សម្រាប់បុគ្គលដែលមានទ្រព្យសម្បត្តិហើយត្រូវការសន្តិសុខ និងសុវត្តិភាព។

គន្លឹះសំខាន់ៗ៖

• ប្រទេសនាតំបន់ការាបៀន (Caribbean)ទាំង 5 ដែលបានបង្កើតកម្មវិធីសញ្ជាតិតាមរយៈការវិធីវិនិយោគស្របច្បាប់ និងមធ្យោបាយទៅកាន់ការទទួលបានសញ្ជាតិទីពីរ។
• ជម្រើសនៃការវិនិយោគចាប់ផ្តើមពី USD 200,000 រួមទាំងការបរិច្ចាគ និងការវិនិយោគអចលនទ្រព្យ
• រយៈពេលដំណើរការមានចាប់ពី 6 ខែដល់ជា 1 ឆ្នាំ
• ការធ្វើដំណើតទៅកាន់ជាង 140-150 ប្រទេសដោយគ្មានទិដ្ឋាការ អាស្រ័យលើសញ្ជាតិដែលទទួលបាន
• កម្មវិធីនីមួយៗផ្តល់អត្ថប្រយោជន៍ពិសេសសម្រាប់ទម្រង់បែបបទអ្នកវិនិយោគផ្សេងៗគ្នា

ដោយពិចារណាលើអនុស្សរណៈនៃកិច្ចព្រមព្រៀងដែលបានចុះហត្ថលេខាក្នុងឆ្នាំ 2024 កម្មវិធីសញ្ជាតិតាមរយៈការវិនិយោគរបស់ការាបៀន (Caribbean) ត្រូវបានដាក់ឱ្យដំណើរការសម្រាប់ការវិវត្តទៅមុខ និងភាពច្នៃប្រឌិត។ ខណៈពេលដែលកម្រិតនៃការវិនិយោគអាចកើនឡើងនៅពេលដែលតម្រូវការសញ្ជាតិទីពីរកើនឡើង អត្ថប្រយោជន៍ជាមូលដ្ឋាននៃកម្មវិធីទាំងនេះនៅតែមានភាពរឹងមាំ។ ជាងនេះទៅទៀត ការប្ដេជ្ញាចិត្តរបស់ប្រទេសនានាក្នុងតំបន់នោះចំពោះដំណើរការកម្មវិធី ការនិងតម្លាភាពនៃកម្មវិធីធានាថា សញ្ជាតិទាំងនេះនឹងរក្សាតម្លៃរបស់ពួកគេ។