សេរីភាពនៃការធ្វើដំណើរនៅក្នុងតំបន់ Schengen៖ កម្មវិធីស្នាក់នៅរបស់សហភាពអឺរ៉ុប

តំបន់ Schengen គឺជាគំរូដ៍ល្អឯកមួយនៃ​​កិច្ចព្រមព្រៀងដែលបាន​ផ្លាស់ប្តូរ​​បរិបទនាយុគសម័យកាល​ទំនើប ដែល​បង្កប់​នូវ​ស្មារតី​នៃ​ការ​រួបរួម ការ​ចល័ត និង​សមាហរណកម្ម​ក្នុង​ទ្វីបអឺរ៉ុប។ សម្រាប់អ្នកដែលមានទីលំនៅក្នុងប្រទេសនៃសហភាពអឺរ៉ុប អត្ថប្រយោជន៍នៃកិច្ចព្រមព្រៀងនេះពិតជាអស្ចារ្យលើសពីការរំពឹងទុក ដោយផ្តល់នូវសេរីភាពក្នុងការធ្វើដំណើរដែលមិនអាចកាត់ថ្លៃបានជាមួយនិងឱកាសសេដ្ឋកិច្ច និងការយល់ដឹងពីវប្បធម៌នីមួយៗ។ តំបន់ Schengen គ្របដណ្តប់ប្រទេសនៅអ៊ឺរ៉ុបចំនួន 27 ប្រទេស ដែលបានលុបចោលការសុំទិដ្ឋាការដើម្បីឆ្លងព្រំដែនរវាងប្រទេសមួយទៅប្រទេសមួយ។ នេះអនុញ្ញាតឱ្យអ្នកធ្វើដំណើរដោយសេរីឆ្លងប្រទេសដែលជាសមាជិកធៀបដូចជាទឹកដីធំល្វឹងល្វើយមួយ។ ខណៈពេលដែល Schengen មិនបានគ្រប់ដណ្ដប់ប្រទេសទាំងអស់នៅអឺរ៉ុប ក៍ដោយ (ឧ. អៀរឡង់ និងប៊ុលហ្គារី) ហើយប្រទេសខ្លះមិនមែនជាប្រទេសនៅអឺរ៉ុបមួយចំនួនដូចជាន័រវេស និងស្វីសបែបជាចូលរួមជាសមាជិកទៅវិញ គោលដៅសំខាន់គឺការធ្វើដំណើរ និងកិច្ចសហប្រតិបត្តិការគ្មានព្រំដែន។

ប្រទេសដែលជាសមាជិកក្នុងតំបន់ និងប្រទេសមិនបានរាប់បញ្ចូល

ប្រទេសនៅក្នុងតំបន់ Schengen (គិតត្រឹមឆ្នាំ 2024)

សមាជិកសហភាពអឺរ៉ុប (23ប្រទេស)៖ Austria (អូទ្រីស), Belgium (បែលហ្ស៊ិក), Czech Republic (សាធារណរដ្ឋឆេក), Denmark (ដាណឺម៉ាក), Estonia (អេស្តូនី), Finland (ហ្វាំងឡង់), France (បារាំង), Germany (អាល្លឺម៉ង់), Greece (ក្រិក), Hungary (ហុងគ្រី), Italy (អ៊ីតាលី), Latvia (ឡាតវី), Lithuania (លីទុយអានី), Luxembourg (លុចសំបួ), Malta (ម៉ាល់តា), Netherlands (ហូឡង់), Poland (ប៉ូឡូញ), Portugal (ព័រទុយហ្គាល់), Slovakia (ស្លូវ៉ាគី), Slovenia (ស្លូវេនី), Spain (អេស្ប៉ាញ), Sweden (ស៊ុយអែត) និង Croatia (ក្រូអាត)។

សមាជិកមិនមែនសហភាពអឺរ៉ុប (4 ប្រទេស)៖ Iceland (អ៊ីស្លង់), Liechtenstein (លីចតេនស្ទីន), Norway (ន័រវេស) និង Switzerland (ស្វីស)។

ប្រទេសដែលមិនមែនជាសមាជិកក្នុងតំបន់៖

Ireland (អៀរឡង់)៖ បានជ្រើសរើសចេញដោយសារតែការរៀបចំ “តំបន់ទេសចរណ៍ទូទៅ” របស់ខ្លួនជាមួយចក្រភពអង់គ្លេស។ រក្សាគោលនយោបាយព្រំដែនរបស់ខ្លួន។

Cyprus (សាយព្រឺស)៖ ទោះបីប្រទេសនេះជាសមាជិកសហភាពអឺរ៉ុបក៏ដោយ ក៏ Cyprus មិនទាន់ជាផ្នែកនៃតំបន់ Schengen ដោយសារតែបញ្ហាមិនទាន់ដោះស្រាយជុំវិញការបែងចែកទឹកដីរបស់ខ្លួន។

Bulgaria and Romania (ប៊ុលហ្គារី និង​រូម៉ានី)៖ ទោះបីជាប្រទេសនេះសមាជិកសហភាពអឺរ៉ុបក៏ដោយ ក៏ពួកគេមិនត្រូវបានអនុញ្ញាតឱ្យចូល Schengen ពេញលេញទេ ដោយសារតែការពន្យារពេល និងការមិនចុះសម្រុងផ្នែកនយោបាយ។

1.ទ្ធិស្នាក់នៅសហភាពអឺរ៉ុប និងឥទ្ធិពលរបស់វាទៅលើការធ្វើដំណើរក្នុង​តំបន់ Schengen

សិទ្ធិស្នាក់នៅអឺរ៉ុបផ្តល់អត្ថប្រយោជន៍យ៉ាងសំខាន់ ជាពិសេសទាក់ទងនឹងការធ្វើដំណើរក្នុងតំបន់ Schengen។ តំបន់ Schengen គ្របដណ្តប់ប្រទេសនៅអឺរ៉ុបចំនួន 27 ដែលបានលុបចោលការត្រួតពិនិត្យព្រំដែនសម្រាប់ការធ្វើដំណើរដោយគ្មានលិខិតឆ្លងដែន។ ការស្នាក់នៅក្នុងរដ្ឋសមាជិកសហភាពអឺរ៉ុបអាចបង្កើនសេរីភាពនៃការធ្វើដំណើររបស់អ្នកយ៉ាងសំខាន់ អ្នកដែលមានសិទ្ធិស្នាក់នៅនៅអឺរ៉ុបមានសិទ្ធិធ្វើដំណើរការទៅកាន់ប្រទេសទាំងនេះដោយរលូន និងសម្រួលការធ្វើដំណើរឆ្លងកាត់ព្រំដែនសម្រាប់គោលបំណងផ្ទាល់ខ្លួន ឬគោលបំណងអ្វីផ្សេង។

1.1 សិទ្ធិស្នាក់នៅអចិន្ត្រៃយ៍ Permanent Residency

សិទ្ធិទទួលបាន៖ ផ្តល់ឲ្យបន្ទាប់ពីស្នាក់នៅរយៈពេលប្រាំឆ្នាំ ហើយមានលំនៅដ្ឋានស្របច្បាប់នៅក្នុងប្រទេសសហភាពអឺរ៉ុប អាស្រ័យលើច្បាប់ជាតិ។
សុពលភាព៖ រយៈពេលវែង អាចស្នើរបន្តសុពលភាពឡើងវិញរៀងរាល់ប្រាំ ឬដប់ឆ្នាំ។
អត្ថប្រយោជន៍៖ សិទ្ធិរស់នៅ ធ្វើការ និងសិក្សានៅប្រទេសដែលជ្រើសរើស​ ពង្រឹងការការពារពីការនិរទេស សិទ្ធិធ្វើដំណើរដោយគ្មានទិដ្ឋាការ Schengen ។

កម្មវិធីស្នាក់នៅរបស់ប្រទេស​ ម៉ាល់តា Malta Permanent Residency៖​ កម្មវិធីស្នាក់នៅអចិន្ត្រៃយ៍របស់ប្រទេសម៉ាល់តាគឺជាជម្រើសដ៏គួរឱ្យទាក់ទាញសម្រាប់បុគ្គលដែលស្វែងរករបៀបរស់នៅប្រកបដោយស្ថិរភាព និងគុណភាពខ្ពស់នៅក្នុងទ្វីបអឺរ៉ុប។ អត្ថប្រយោជន៍ដ៏អស្ចារ្យបំផុតមួយគឺការធ្វើដំណើរដោយគ្មានទិដ្ឋាការនៅក្នុងតំបន់ Schengen ដែលធ្វើឱ្យវាក្លាយជាជម្រើសដ៏ល្អសម្រាប់អ្នកធ្វើដំណើរញឹកញាប់។ សិទ្ធិស្នាក់នៅក៍អាចផ្តល់នូវប្រព័ន្ធថែទាំសុខភាព និងការអប់រំដ៏ល្អឥតខ្ចោះរបស់ប្រទេសម៉ាល់តា ដែលត្រូវបានគេស្គាល់ថាពិតជាមានស្តង់ដារខ្ពស់។ លើសពីនេះ ប្រទេសម៉ាល់តាផ្តល់នូវបរិយាកាសសុវត្ថិភាព និងស្ថិរភាពជាមួយនឹងរបៀបរស់នៅបែបមេឌីទែរ៉ាណេ អាកាសធាតុស្រាល និងបេតិកភណ្ឌវប្បធម៌ដ៏សម្បូរបែប។
កម្មវិធីនេះក៏មានភាពទាក់ទាញផងដែរ ដោយសារតែដំណើរការដាក់ពាក្យមិនស្មុគស្មាញ និងមិនមានតម្រូវការស្នាក់ទីនោះផ្ទាល់ ដែលអនុញ្ញាតឱ្យអ្នកដាក់ពាក្យរក្សាភាពបត់បែនក្នុងជីវិតផ្ទាល់ខ្លួន និងវិជ្ជាជីវៈរបស់ពួកគេ។ អ្នករស់នៅទីនោះរីករាយនឹងលក្ខខណ្ឌពន្ធអំណោយផល ដោយសារប្រទេសម៉ាល់តាមិនមានគិតពន្ធលើទ្រព្យសម្បត្តិ ឬពន្ធមរតក និងផ្តល់ឱកាសសម្រាប់ការធ្វើផែនការពន្ធ។
ការវិនិយោគរួមមានការរួមចំណែករបស់រដ្ឋាភិបាល ការវិនិយោគលើអចលនទ្រព្យ ឬការជួល និងការបរិច្ចាគដល់អង្គការក្នុងស្រុក។ តម្លៃអាស្រ័យលើជម្រើសដែលបានជ្រើសរើស។ ទោះបីជាមានការចំណាយជាខ្លះៗជាមុនតាមរយៈការវិនិយោគ អត្ថប្រយោជន៍រយៈពេលវែង រួមទាំងការស្នាក់នៅអចិន្ត្រៃយ៍សម្រាប់អ្នកដាក់ពាក្យ និងគ្រួសាររបស់ពួកគេ ធ្វើឱ្យវាក្លាយជាការវិនិយោគដ៏មានតម្លៃ។ កម្មវិធីនេះផ្តល់នូវច្រកផ្លូវទៅកាន់ឱកាសនៅបណ្ដាប្រទេសអ៊ឺរ៉ុប សន្តិសុខ និងស្តង់ដារនៃការរស់នៅខ្ពស់។

1.2 ទិដ្ឋាការមាស Golden Visa

សិទ្ធិទទួលបាន៖ ផ្តល់ជូនសម្រាប់បុគ្គលដែលធ្វើការបណ្តាក់ទុន (ឧ. អចលនទ្រព្យ ប័ណ្ណរដ្ឋាភិបាល ឬការបង្កើតការងារ) នៅក្នុងប្រទេសសហភាពអឺរ៉ុប។
សុពលភាព៖ តាមលក្ខខណ្ឌ ជារឿយៗតម្រូវឱ្យមានការបន្តតាមកាលកំណត់ និងភស្តុតាងនៃការបន្តវិនិយោគ។
អត្ថប្រយោជន៍៖ ផ្ដល់សិទ្ធិស្នាក់នៅសម្រាប់អ្នកវិនិយោគ និងគ្រួសារភ្លាមៗ។ ការធ្វើដំណើរដោយគ្មានទិដ្ឋាការក្នុងតំបន់ Schengen អំឡុងពេលមានសុពលភាពនៃការអនុញ្ញាត។ ផ្លូវទៅកាន់ការទទួលបានសិទ្ធិស្នាក់នៅអចិន្ត្រៃយ៍ ឬសញ្ជាតិនៅប្រទេសខ្លះ។

កម្មវិធីទិដ្ឋាការមាសរបស់ប្រទេសក្រិក Greece Golden Visa៖ ផ្តល់នូវអត្ថប្រយោជន៍ដ៍មានសក្ដានុពលជាច្រើនសម្រាប់អ្នកវិនិយោគ និងក្រុមគ្រួសាររបស់ពួកគេ។ តាមរយៈការផ្ដល់ជូននៅសិទ្ធិស្នាក់នៅតាមរយៈការវិនិយោគលើអចលនទ្រព្យ អ្នកដាក់ពាក្យអាចចូលទៅកាន់ប្រទេសដ៏ស្រស់ស្អាតនេះ និងជាប្រទេសសំបូរបែប ហើយក៍ប្រវត្តិសាស្ត្រយូកាលមួយដែរ។ ពួកគេអាចរីករាយជាមួយការធ្វើដំណើរដោយគ្មានទិដ្ឋាការឆ្លងកាត់តំបន់ Schengen លទ្ធភាពទទួលបានសេវាថែទាំសុខភាព និងការអប់រំលំដាប់ពិភពលោក និងស្តង់ដារខ្ពស់នៃការរស់នៅក្នុងបរិយាកាសសុវត្ថិភាព និងស្វាគមន៍។ កម្មវិធីនេះក៏អនុញ្ញាតឱ្យក្រុមគ្រួសាររួមបញ្ចូលសមាជិកក្នុងបន្ទុក ដោយធានាឱ្យមនុស្សជាទីស្រលាញ់គ្រប់គ្នាទទួលបានអត្ថប្រយោជន៍ពីសេដ្ឋកិច្ចដែលកំពុងរីកចម្រើនរបស់ប្រទេសក្រិក និងរបៀបរស់នៅមេឌីទែរ៉ាណេ។ កម្មវិធីនេះក៍មិនមានតម្រូវការស្នាក់នៅផ្ទាល់ ដែលជាដំណោះស្រាយដ៏ល្អឥតខ្ចោះសម្រាប់អ្នកដែលស្វែងរកភាពបត់បែន ខណៈពេលដែលរីករាយនឹងអត្ថប្រយោជន៍នៃការស្នាក់នៅរបស់សហភាពអឺរ៉ុប។

កម្មវិធីទិដ្ឋាការមាសរបស់ប្រទេសហុងគ្រី Hungary Golden Visa៖ គឺជាច្រកផ្លូវដ៏ទាក់ទាញមួយទៅកាន់ការទទួលបានសិទ្ធិស្នាក់នៅនៅអឺរ៉ុប ដោយផ្តល់នូវអត្ថប្រយោជន៍ជាច្រើនសម្រាប់វិនិយោគិន និងក្រុមគ្រួសារដែលស្វែងរកអនាគតប្រកបដោយសុវត្ថិភាព និងវិបុលភាព។ ជាមួយនឹងបេតិកភណ្ឌវប្បធម៌ដ៏សម្បូរបែប ទីតាំងស្ថិតនៅអឺរ៉ុបកណ្តាល និងការចូលទៅកាន់តំបន់ Schengen ប្រទេសហុងគ្រីផ្តល់នូវឱកាសដែលមិនអាចប្រៀបផ្ទឹមបានសម្រាប់ការធ្វើដំណើរ អាជីវកម្ម និងការលើកកម្ពស់របៀបរស់នៅ។ កម្មវិធីនេះផ្តល់នូវដំណើរការលឿនសម្រាប់ការទទួលបានសិទ្ធិស្នាក់នៅ ធានាភាពងាយស្រួល និងប្រសិទ្ធភាព។ វិនិយោគិនអាចទទួលបានផលប្រយោជន៍ពីសេដ្ឋកិច្ចរីកចម្រើនរបស់ប្រទេសហុងគ្រី ដែលមានអត្រាពន្ធទាប និងបរិយាកាសដែលងាយស្រួលសម្រាប់អាជីវកម្ម។ ទិដ្ឋាការនេះក៏បញ្ជូលសមាជិកគ្រួសារផងដែរ ដោយធានានូវអនាគតប្រកបដោយស្ថិរភាព និងសុវត្ថិភាពសម្រាប់មនុស្សជាទីស្រលាញ់។ លើសពីនេះ អ្នករស់នៅក៍នឹងទទួលបានការថែទាំសុខភាពដែលមានគុណភាពខ្ពស់ ស្ថាប័នអប់រំពិសេស និងឯកសិទ្ធិនៃការរស់នៅក្នុងប្រទេសដ៏រស់រវើករបស់អឺរ៉ុប។ តាមរយៈការជ្រើសរើសកម្មវិធីទិដ្ឋាការមាសរបស់ប្រទេសហុងគ្រី អ្នកវិនិយោគមិនត្រឹមតែទទួលបានការស្នាក់នៅក្នុងប្រទេសដែលមានទេសភាពស្រស់ស្អាត និងស្ថិរភាពប៉ុណ្ណោះទេ ប៉ុន្តែថែមទាំងបើកទ្វារទៅកាន់របៀបរស់នៅបែបអឺរ៉ុបពិតប្រាកដមែន និងឱកាសសកលនាពេលអនាគតផងដែរ។

កម្មវិធីទិដ្ឋាការមាសរបស់ប្រទេសព័រទុយហ្គាល់ Portugal Golden Visa៖ ដល់អាទិភាពឆ្ពោះទៅកាន់ពិភពនៃឱកាស ដោយផ្តល់ជូននូវផ្លូវដ៍រលូនទៅកាន់ការទទួលបានសិទ្ធិស្នាក់នៅនៅអឺរ៉ុប និងអត្ថប្រយោជន៍អស្ចារ្យជាច្រើន។ ក្នុងនាមជាកម្មវិធីមួយក្នុងចំនោមកម្មវិធីស្នាក់តាមរយៈការវិនិយោគដ៏ទាក់ទាញបំផុតរបស់អឺរ៉ុប វាផ្តល់នូវការធ្វើដំណើរដោយគ្មានទិដ្ឋាការទៅក្នុងតំបន់ Schengen ដែលអនុញ្ញាតឱ្យធ្វើដំណើរឆ្លងកាត់ប្រទេសចំនួន 27 នៅអឺរ៉ុបយ៉ាងងាយស្រួល។ លើសពីភាពចល័តសកល កម្មវិធីនេះផ្តល់នូវច្រកផ្លូវឆាប់រហ័សក្នុងការទទួលបានសិទ្ធិស្នាក់នៅអចិន្ត្រៃយ៍ ឬភាពជាពលរដ្ឋបន្ទាប់ពីរយៈពេល 5 ឆ្នាំ ជាមួយនឹងតម្រូវការស្នាក់នៅតិចតួច ដែលធ្វើឱ្យវាជាកត្តាដ៍ល្អសម្រាប់អ្នកវិនិយោគ និងក្រុមគ្រួសារ។ របបពន្ធដ៏អំណោយផលរបស់ប្រទេសព័រទុយហ្គាល់ សេវាថែទាំសុខភាពដែលមានគុណភាពខ្ពស់ ការអប់រំលំដាប់កំពូល និងរបៀបរស់ស្តង់ដារខ្ពស់—ទេសភាពដ៏ស្រស់ស្អាត វប្បធម៌ដ៏សម្បូរបែប និងអាកាសធាតុមេឌីទែរ៉ាណេដែលមានពន្លឺថ្ងៃ—ជាចំនុចបន្ថែមបង្ហាញពីភាពទាក់ទាញរបស់វាមួយកម្រិតទៀត។ មិនថាអ្នកកំពុងស្វែងរកការវិនិយោគ អនាគតដ៏មានសុវត្ថិភាពសម្រាប់គ្រួសាររបស់អ្នក ឬសេរីភាពក្នុងធ្វើដំណើរជុំវិញទ្វីបអឺរ៉ុប កម្មវិធី Golden Visa របស់ប្រទេសព័រទុយហ្គាល់ គឺជាគន្លឹះទៅកាន់អនាគតដ៏ភ្លឺស្វាង។

2. អត្ថប្រយោជន៍បានមកពីការធ្វើដំណើរដោយគ្មានទិដ្ឋាការនៅក្នុងតំបន់ Schengen

ការចូលទៅកាន់តំបន់ Schengen ផ្តល់នូវអត្ថប្រយោជន៍សំខាន់ៗមួយចំនួន ជាពិសេសសម្រាប់អ្នកដែលមានទិដ្ឋាការ Schengen ឬប័ណ្ណផ្ដល់សិទ្ធិស្នាក់នៅ។ អត្ថប្រយោជន៍មានដូច​៖

ការធ្វើដំណើរដោយគ្មានទិដ្ឋាការឆ្លងកាត់តំបន់៖ Schengen អនុញ្ញាតឱ្យអ្នកធ្វើដំណើរដោយសេរីឆ្លងកាត់ប្រទេសអឺរ៉ុបចំនួន 27 ដោយមិនមានការត្រួតពិនិត្យព្រំដែន មិនថាសម្រាប់ទេសចរណ៍ អាជីវកម្ម ឬដំណើរកម្សាន្តជាលក្ខណៈគ្រួសារនោះទេ។ នេះមានន័យថាអ្នកអាចទៅលេងប្រទេសណាមួយនៅក្នុងតំបន់ Schengen ដោយមិនចាំបាច់មានទិដ្ឋាការដាច់ដោយឡែកសម្រាប់ប្រទេសនីមួយៗ។

នីតិវិធីសាមញ្ញ៖ អ្នកធ្វើដំណើរដែលមានទិដ្ឋាការ Schengen ឬប័ណ្ណផ្ដល់សិទ្ធិស្នាក់នៅ អាចទទួលបានអត្ថប្រយោជន៍ពីនីតិវិធីសាមញ្ញ និងលឿនជាងបើប្រៀបធៀបទៅនឹងពលរដ្ឋដ៍ទៃ។ នេះរួមបញ្ចូលទាំងការចូល និងចេញកាន់តែងាយស្រួលពីតំបន់ និងមិនទាមទាឯកសារច្រើន ដែលធ្វើឲ្យការធ្វើដំណើរកាន់តែងាយស្រួល។

ការស្នាក់នៅរយៈពេលខ្លីនៅក្នុងប្រទេសបណ្ដាសហភាពអឺរ៉ុបដែលមិនមែនជាសមាជិក Schengen៖ ខណៈពេលដែល Schengen អនុញ្ញាតឱ្យការចល័តដោយសេរីនៅក្នុងព្រំដែនរបស់ខ្លួន ប្រទេសសហភាពអឺរ៉ុបមួយចំនួនដូចជាអៀរឡង់ និងរ៉ូម៉ានី មិនមែនជាផ្នែកនៃតំបន់ Schengen នោះទេ។ ទោះជាយ៉ាងណាក៏ដោយ អ្នកកាន់ទិដ្ឋាការ Schengen ឬប័ណ្ណផ្ដល់សិទ្ធិស្នាក់នៅ នៅតែមានសិទ្ធិចូលទៅកាន់ប្រទេសទាំងនេះសម្រាប់ការស្នាក់នៅរយៈពេលខ្លី (ជាធម្មតា 90 ថ្ងៃ) ក្រោមលក្ខខណ្ឌជាក់លាក់។

ភាពខុសគ្នារវាងប្រទេសក្នុងតំបន់ Schengen និងប្រទេសមិនមែនក្នុងតំបន់ Schengen៖ ប្រទេសបណ្ដាសហភាពអឺរ៉ុប ដែលមិនមែនជាសាមជិកតំបន់ Schengen ដូចជា Ireland (អៀរឡង់), Bulgaria (ប៊ុលហ្គារី), និង Croatia (ក្រូអាត) មានតម្រូវការទិដ្ឋាការផ្ទាល់ខ្លួនរបស់ពួកគេ។ ឧទាហរណ៍ ប្រសិនបើអ្នកចង់ធ្វើដំណើរទៅប្រទេស Ireland (អៀរឡង់) អ្នកនឹងត្រូវដាក់ពាក្យសុំទិដ្ឋាការដាច់ដោយឡែក។ ទោះជាយ៉ាងណាក៏ដោយ ការធ្វើដំណើរទៅកាន់ប្រទេសបណ្ដាសហភាពអឺរ៉ុប ផ្សេងទៀតដូចជា France (បារាំង) ឬ Germany (អាល្លឺម៉ង់) គឺងាយស្រួលតែម្តងនៅក្នុងតំបន់ Schengen។

ឱកាសធ្វើដំណើរកាន់តែធំទូលាយ៖ ការមានសិទ្ធិចូលទៅតំបន់ Schengen មិនត្រឹមតែជាច្រកទ្វារចូលនៅក្នុងសហភាពអឺរ៉ុបប៉ុណ្ណោះទេ ថែមទាំងជួយបង្កើនភាពចល័តសកលផងដែរ។ ពីបណ្តាប្រទេស Schengen វាកាន់តែងាយស្រួលក្នុងការទៅលេងប្រទេសជិតខាងដែលមិនមែនជាសហភាពអឺរ៉ុបដូចជា ប្រទេស Normay (ន័រវេស) Switzerland (ស្វីស) ឬសូម្បីតែប្រទេសដែលនៅឆ្ងាយទិសខាងកើត ដោយមានការរឹតបន្តឹងតិចជាងមុន និងការដឹកជញ្ជូនងាយស្រួល។

អត្ថប្រយោជន៍ទាំងនេះរួមគ្នាធ្វើឱ្យសមាជិកភាព Schengen ឬការទទួលបានឱកាសដ៏មានអានុភាពសម្រាប់ការធ្វើដំណើរអន្តរជាតិ អាជីវកម្ម និងការប្រស័យទាក់ទងផ្ទាល់ខ្លួននៅទូទាំងទ្វីបអឺរ៉ុប។

3. ការប្រើប្រាស់ Schengen Access ក្នុងនាមជាអ្នករស់នៅសហភាពអឺរ៉ុប

ការផ្លាស់ទីលំនៅសម្រាប់ការងារ ឬការអប់រំ៖ ក្នុងនាមជាអ្នករស់នៅសហភាពអឺរ៉ុប អ្នកអាចផ្លាស់ទីទៅប្រទេសសហភាពអឺរ៉ុបផ្សេងទៀតសម្រាប់ការងារ ឬការសិក្សាដោយមិនចាំបាច់ត្រូវការទិដ្ឋាការបន្ថែម។ ភាពបត់បែននេះអនុញ្ញាតឱ្យអ្នកស្វែងរកឱកាសការងារ កម្មវិធីអប់រំ ឬកម្មសិក្សានៅទូទាំងតំបន់ Schengen ។
ការថែទាំសុខភាព និងសន្តិសុខសង្គម៖ ប្រទេស Schengen ជាច្រើនមានកិច្ចព្រមព្រៀងថែទាំសុខភាពទៅវិញទៅមក។ ប្រសិនបើអ្នកកំពុងផ្លាស់ទីលំនៅក្នុងតំបន់នោះ សូមពិនិត្យមើលថាតើសេវាថែទាំសុខភាព និងអត្ថប្រយោជន៍សន្តិសុខសង្គមអាចផ្ទេរបានយ៉ាងដូចម្តេច ដើម្បីធានាបាននូវការចូលប្រើប្រាស់សេវាកម្មយ៉ាងរលូន។
ការរៀបចំអចលនទ្រព្យ និងការរស់នៅ៖ ការស្នាក់នៅក្នុងប្រទេសមួយ Schengen ផ្តល់ឱ្យអ្នកនូវសិទ្ធិក្នុងការរស់នៅ និងធ្វើការនៅក្នុងប្រទេសសមាជិកណាមួយផ្សេងទៀត។ ស្វែងរកជម្រើសលំនៅដ្ឋាន តម្លៃនៃការរស់នៅ និងគុណភាពនៃជីវិត ដើម្បីស្វែងរកសមបំផុតសម្រាប់តម្រូវការរបស់អ្នក។

សេចក្ដីសរុប

សរុបសេចក្តីមក តំបន់ Schengen តំណាងឱ្យមូលដ្ឋានគ្រឹះនៃសមាហរណកម្មបណ្ដាប្រទេសអឺរ៉ុប ដែលផ្តល់នូវការធ្វើដំណើរដោយរលូនសម្រាប់ពរលដ្ឋនៅក្នុងព្រំដែន។ សម្រាប់អ្នករស់នៅសហភាពអឺរ៉ុប សមត្ថភាពក្នុងការផ្លាស់ទីដោយសេរីនៅទូទាំងរដ្ឋជាសមាជិកមិនត្រឹមតែជាឯកសិទ្ធិប៉ុណ្ណោះទេ ថែមទាំងជាអត្ថប្រយោជន៍ប្រាកដ ជំរុញទំនាក់ទំនងសេដ្ឋកិច្ច សង្គម និងវប្បធម៌។ ខណៈពេលដែលជនជាតិដែលមិនមែនជាសហភាពអឺរ៉ុបអាចប្រឈមនឹងតម្រូវការបន្ថែម សិទ្ធិស្នាក់នៅរបស់សហភាពអឺរ៉ុបធានានូវការចូលដំណើរការដោយគ្មានការរារាំង ដោយបង្ហាញពីការប្តេជ្ញាចិត្តរបស់សហភាពអឺរ៉ុបចំពោះការចល័តសេរីរបស់មនុស្សម្នាក់ៗ។ នៅពេលដែលតំបន់នេះបន្តវិវឌ្ឍ ការរក្សាបាននូវសេរីភាពនេះនឹងនៅតែមានសារៈសំខាន់សម្រាប់ទាំងប្រជាពលរដ្ឋម្នាក់ៗ និងការរួបរួមកាន់តែទូលំទូលាយនៃទ្វីបអឺរ៉ុប។