ផ្លាស់ទីលំនៅទៅចក្រភពអង់គ្លេស៖ មគ្គុទ្ទេសណែនាំ អំពីទិដ្ឋាការសម្រាប់អ្នកវិនិយោគមានភាពច្នៃប្រឌិត និងទិដ្ឋាការអាជីវកម្ម

ទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស ផ្ដល់ឱកាសដ៏ល្អសម្រាប់ស្ថាបនិកចាប់ផ្តើមអាជីវកម្មថ្មី ឬអ្នកជំនួញដែលមានបទពិសោធន៍ ដែលកំពុងពិចារណាលើការបម្លាស់ទីទៅកាន់ចក្រភពអង់គ្លេស ដើម្បីបង្កើត និងអភិវឌ្ឍអាជីវកម្មប្រកបដោយភាពច្នៃប្រឌិត ហើយអនុញ្ញាតឱ្យពួកគេ និងក្រុមគ្រួសារស្នាក់នៅក្នុងចក្រភពអង់គ្លេស។ តាមការបំពេញតាមលក្ខណៈវិនិច្ឆ័យជាក់លាក់ វិនិយោគិន និងគ្រួសាររបស់ពួកគេអាចទទួលបានសិទ្ធិស្នាក់នៅអចិន្ត្រៃយ៍បន្ទាប់ពីរយៈពេល 3 ឆ្នាំជាមួយនឹងលទ្ធភាពនៃការធ្វើដំណើរចេញចូល និងស្នើសុំលិខិតឆ្លងដែនរបស់ចក្រភពអង់គ្លេសនាពេលអនាគត។ ដើម្បីមានលក្ខណៈគ្រប់គ្រាន់សម្រាប់ទិដ្ឋាការនេះ អ្នកវិនិយោគត្រូវតែមានការយល់ព្រមពីស្ថាប័នគាំទ្រ (endorsement) ដែលមានការអនុញ្ញាតជាមុនសិន ដោយបង្ហាញថាគំនិតអាជីវកម្មរបស់ពួកគេមានភាពច្នៃប្រឌិត ឋិតថេរ និងអាចធ្វើមាត្រដ្ឋានបានអមជាមួយនឹងផែនការអាជីវកម្មរឹងមាំ។ ការយល់ព្រម (endorsement) នេះគឺមានសារៈសំខាន់ក្នុងការបង្ហាញពីសក្តានុពលរបស់អាជីវកម្មក្នុងការរួមចំណែកដល់សេដ្ឋកិច្ចចក្រភពអង់គ្លេស។
នៅពេលពិចារណាលើជម្រើសនៃការស្នាក់នៅរបស់ចក្រភពអង់គ្លេសសម្រាប់ការបង្កើតអាជីវកម្ម សហគ្រិនជាច្រើនបានផ្តោតលើ ទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa) គឺជាជម្រើសដ៏ល្អបំផុត។ ជម្រើសមួយទៀតគឺ Isle of Man Innovator Visa ដែលផ្ដល់សិទ្ធិស្នាក់នៅអចិន្ត្រៃយ៍ក្នុងចក្រភពអង់គ្លេសនាពេលខាងមុខ និងលិខិតឆ្លងដែនផងដែរ។ ខណៈពេលដែលទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa) មានអត្ថប្រយោជន៍ដូចជាការចូលទៅកាន់ទីផ្សារចក្រភពអង់គ្លេសដ៏ធំទូលាយនោះ Isle of Man Innovator Visa ផ្តល់នូវអត្ថប្រយោជន៍មួយចំនួនដែលអាចទាក់ទាញតម្រូវការអាជីវកម្មជាក់លាក់ ហើយទិដ្ឋាការទាំងពីរអាចផ្ដល់សិទិ្ធស្នាក់នៅអចិន្ត្រៃយ៍ ឬសញ្ជាតិនៅក្នុងចក្រភពអង់គ្លេសដូចគ្នាដែរ។
ប្រព័ន្ធអន្តោប្រវេសន៍របស់ចក្រភពអង់គ្លេសក៏ផ្តល់ជូននូវជម្រើសបែប self-sponsor ជាច្រើន ដើម្បីអនុញ្ញាត និងលើកទឹកចិត្តដល់ការបង្កើតថ្មី និងកំណើនសេដ្ឋកិច្ច ដូចជា Global Talen Visa, High Potential Individual Visa និងជម្រើសក្នុងការបង្កើតអាជីវកម្មដែលមានអាជ្ញាប័ណ្ណឧបត្ថម្ភ(sponsor license)។
អត្ថបទនេះនឹងបង្ហាញអំពីទិដ្ឋភាពទូទៅនៃជម្រើសនីមួយៗ និងតម្រូវការទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa) ដែលចាំបាច់សម្រាប់ដំណើរការកម្មវិធីប្រកបដោយភាពជោគជ័យ។
ការណែនាំ អំពីការយល់ព្រម (Endorsement Guidance) នៃទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa)
ទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa) ត្រូវបានរចនាឡើងសម្រាប់សហគ្រិនដែលមានបទពិសោធន៍ ហើយកំពុងស្វែងរកការបង្កើតអាជីវកម្មប្រកបដោយភាពច្នៃប្រឌិតនៅក្នុងចក្រភពអង់គ្លេស។ ទិដ្ឋាការនេះតម្រូវឱ្យអ្នកដាក់ពាក្យ ទទួលបានការយល់ព្រមពីស្ថាប័នគាំទ្រដែលបានអនុម័តដែលនឹងវាយតម្លៃប្រភពដើម (ឧទាហរណ៍ របកគំហើយថ្មី និងអាជីវកម្មមានភាពច្នៃប្រឌិត) លទ្ធភាពទទួលបានជោគជ័យ និងការធ្វើមាត្រដ្ឋាននៃគំនិតអាជីវកម្មរបស់ពួកគេ។
ទោះបីជាមិនមានតម្រូវការចំនួនទឹកប្រាក់វិនិយោគជាក់លាក់ណាមួយក៏ដោយ កញ្ចប់វិនិយោគចំនួន GBP 50,000 ទៅក្នុងអាជីវកម្មត្រូវបានស្នើឡើងដើម្បីបង្កើនឱកាសនៃការយល់ព្រម ខណៈពេលដែលសហគ្រិនត្រូវតែបង្ហាញថាពួកគេមានធនធានហិរញ្ញវត្ថុគ្រប់គ្រាន់ដើម្បីផ្គត់ផ្គង់អាជីវកម្ម។ អ្នកដាក់ពាក្យដែលទទួលបានជោគជ័យអាចដាក់ស្នើសុំសិទ្ធិស្នាក់នៅអចិន្ត្រៃយ៍ក្នុងចក្រភពអង់គ្លេស (Settlement) បន្ទាប់ពីរយៈពេល 3 ឆ្នាំដែលអាជីវកម្មរបស់ពួកគេបន្តមានការគាំទ្រ និងមានការរីកចម្រើន ដូចជាការបង្កើតការងារ និងប្រាក់ចំណូលអប្បបរមា។ មធ្យោបាយនេះគឺការទាក់ទាញជាពិសេសសម្រាប់សហគ្រិនដែលមានគំនិតច្នៃប្រឌិត និងអាចរីកចម្រើន ដែលកំពុងស្វែងរកការបង្កើតអាជីវកម្មនៅក្នុងសេដ្ឋកិច្ចដ៏ធំ និងសកម្មបំផុតមួយរបស់ពិភពលោក។
ខាងក្រោមនេះគឺជាគោលការណ៍ណែនាំសំខាន់ៗមួយចំនួនដើម្បីជួយធានាក្នុងការយល់ព្រម (endorsement) និងចាប់ផ្តើមដំណើរការកម្មវិធីទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa)។

1. សង្កត់ធ្ងន់លើភាពច្នៃប្រឌិត
គំនិតអាជីវកម្មប្រកបដោយភាពច្នៃប្រឌិតគឺជាតម្រូវការចម្បងរបស់ទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa)។ អ្នកដាក់ពាក្យត្រូវតែបង្ហាញសំណើអាជីវកម្មដែលមានលក្ខណៈប្លែកពីគេ និងមិនមាននៅក្នុងទីផ្សារចក្រភពអង់គ្លេសនាពេលបច្ចុប្បន្ន។ គំនិតអាជីវកម្មអាចទាក់ទងនឹងវិស័យអាជីវកម្មណាមួយ ដរាបណាវាបានបង្ហាញថាអាជីវកម្មនោះមានផ្នត់គំនិតថ្មី ឬជាគន្លឹះនៃដំណោះស្រាយថ្មី។ ឧទាហរណ៍តាមរយៈការប្រើប្រាស់បច្ចេកវិទ្យាទំនើប។ ស្ថាប័នដែលគាំទ្រ (endorsing bodies) នឹងពិចារណាលើភស្តុតាងនៃការស្រាវជ្រាវយ៉ាងហ្មត់ចត់ ដើម្បីគាំទ្រដល់គំនិតផ្ដួចផ្ដើម និងសក្តានុពលរបស់វា។

2. ធ្វើការស្រាវជ្រាវក្នុងទីផ្សារឱ្យបានស៊ីជម្រៅ
ស្ថាប័នដែលគាំទ្រ (endorsing bodies) នឹងវាយតម្លៃលើសក្តានុពលរបស់អាជីវកម្មដើម្បីទទួលបានជោគជ័យនៅក្នុងចក្រភពអង់គ្លេស។ នេះតម្រូវឱ្យមានការស្រាវជ្រាវលម្អិត និងការយល់ដឹងអំពីគោលដៅទីផ្សារ ដៃគូប្រកួតប្រជែង និងតម្រូវការរបស់អតិថិជន។ អ្នកដាក់ពាក្យត្រូវតែផ្តល់ភស្តុតាងច្បាស់លាស់អំពីតម្រូវការទីផ្សារសម្រាប់អាជីវកម្ម ក៏ដូចជាការវិភាគមើលលើដៃគូប្រកួតប្រជែងឱ្យបានច្រើន។ នៅក្នុងការស្រាវជ្រាវនេះ អ្នកដាក់ពាក្យត្រូវតែគូសបញ្ជាក់ពីសំណើអាជីវកម្មដែលអាចបំពេញចន្លោះខ្វះខាត ឬផ្តល់នូវអត្ថប្រយោជន៍ផ្សេងពីអាវជីកម្មដែលមានស្រាប់ ដើម្បីបញ្ជាក់ពីភាពច្នៃប្រឌិត និងអាចមានភាពរីកចម្រើន។

3. ពិចារណាជម្រើសហស្ថាបនិក (Co-Founder)
ប្រសិនបើជំនាញរបស់អ្នកមិនមានពាក់ព័ន្ធក្នុងផ្នែកណាមួយនៃគំនិតអាជីវកម្មទេនោះ អ្នកចាំបាច់ត្រូវការសហស្ថាបនិក (Co-Founder) ក្នុងដំណើរការនេះ ដែលមានចំណេះដឹង និងប្រវត្តិគ្រប់គ្រាន់នៅក្នុងផ្នែកនេះ ដើម្បីបង្កើនឱកាសជោគជ័យរបស់អ្នក។ ខណៈពេលដែលសហស្ថាបនិក (Co-Founder) នេះមិនចាំបាច់ធ្វើការពេញម៉ោងនោះទេ ប៉ុន្តែពួកគេចាំបាច់ត្រូវមានវត្តមានក្នុងនាមជាម្ចាស់ភាគហ៊ុនរបស់ក្រុមហ៊ុន។ ការបង្កើនចំណេះដឹង និងបង្ហាញពីលទ្ធភាពជោគជ័យអាចជួយឱ្យអ្នកទទួលបានលទ្ធផលវិជ្ជមាន។

4. ផែនការអាជីវកម្ម ទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa)៖ ចាប់ផ្ដើមដោយរបៀបណា?
ផែនការអាជីវកម្មដ៏ល្អ និងចងក្រងឡើងដោយប្រុងប្រយ័ត្នគឺជាកត្តាចាំបាច់សម្រាប់ធានាបានការយល់ព្រម (endorsement)។ នៅពេលដែលការស្រាវជ្រាវទាំងអស់ត្រូវបានបញ្ចប់ គេត្រូវបង្កើតផែនការអាជីវកម្មឡើង ដើម្បីរួមបញ្ចូលការវិភាគទីផ្សារលម្អិត ការព្យាករណ៍ហិរញ្ញវត្ថុ និងយុទ្ធសាស្រ្តច្បាស់លាស់សម្រាប់ការរីកចម្រើន។ ផែនការនេះត្រូវតែបង្ហាញពីលទ្ធភាពជោគជ័យផ្នែកពាណិជ្ជកម្មតាមរយៈគំនិតដែលបានបង្កើតឡើងជាមួយនឹងការព្យាករណ៍ជាក់ស្តែង និងគោលដៅសមហេតុផល ដែលឆ្លុះបញ្ចាំងអំពីទីផ្សារចក្រភពអង់គ្លេស។ ផែនការនេះគួរតែពន្យល់ឱ្យបានច្បាស់លាស់ ឧទាហរណ៍ តួនាទីប្រចាំថ្ងៃដែលអ្នកនឹងអនុវត្តនៅពេលអាជីវកម្មត្រូវបានបង្កើតឡើង ពេលវេលាដែលអ្នកនឹងចំណាយលើការដំណើរការអាជីវកម្ម និងមូលហេតុដែលចក្រភពអង់គ្លេសគឺជាកន្លែងដែលត្រឹមត្រូវសម្រាប់អាជីវកម្មនេះ។
ត្រូវយកចិត្តទុកដាក់ទៅក្នុងបញ្ហាហិរញ្ញវត្ថុ និងយុទ្ធសាស្រ្តសម្រាប់កំណើនកកើនជាក់ស្តែង ក៏ដូចជាព័ត៌មានលម្អិតនៃប្រតិបត្តិការ និងការដឹកជញ្ជូនរបស់អាជីវកម្ម។

5. ពិចារណាលើការវិនិយោគរបស់អ្នក
ខណៈពេលដែលមិនមានតម្រូវការជាក់លាក់អំពីចំនួនទឹកប្រាក់ក្នុងការវិនិយោគលើអាជីវកម្ម តម្រូវការនៃគំនិតអាជីវកម្ម ‘សក្ខានុពល’ និង ‘អាចធ្វើមាត្រដ្ឋានបាន’ មានន័យថាអ្នកដាក់ពាក្យនឹងត្រូវបង្ហាញថាពួកគេមានលទ្ធភាពផ្ដល់មូលនិធិវិនិយោគក្នុងកម្រិតមួយដែលគ្រប់គ្រាន់ក្នុងការរៀបចំ និងពង្រីកអាជីវកម្ម។
អ្នកដាក់ពាក្យក៏ត្រូវតែបង្ហាញថាពួកគេមានមូលនិធិគ្រប់គ្រាន់សម្រាប់ផ្គត់ផ្គង់ខ្លួន និងសមាជិកក្នុងបន្ទុករបស់ពួកគេ (ប្តី/ប្រពន្ធ និងកូនអាយុក្រោម 18 ឆ្នាំ) និងមានមូលនិធិបន្ថែមក្នុងករណីចាំបាច់។ យ៉ាងដូចនេះ យើងសូមណែនាំឱ្យអ្នកដាក់ពាក្យវិនិយោគយ៉ាងហោចណាស់ GBP 50,000 ក្នុងអាជីវកម្ម។ ការវិនិយោគនេះមិនត្រឹមតែបង្កើនឱកាសនៃការទទួលបានការយល់ព្រមប៉ុណ្ណោះទេ ប៉ុន្តែថែមទាំងបំពេញតម្រូវការក្នុងកញ្ចប់វិនិយោគ GBP 50,000 នៅពេលដាក់ពាក្យស្នើសុំសិទ្ធិនៅពេលក្រោយ។
អ្នកដាក់ពាក្យអាចវិនិយោគចេញមូលនិធិផ្ទាល់ខ្លួន មូលនិធិដែលអ្នកដាក់ពាក្យបានជាអំណោយ នាយកដ្ឋានរដ្ឋាភិបាលចក្រភពអង់គ្លេសដែលបង្កើតមូលនិធិ និង/ឬ មូលនិធិពីអាជីវកម្មនៅចក្រភពអង់គ្លេស។

6. បង្ហាញពីការប្តេជ្ញាចិត្តរយៈពេលវែងទៅកាន់ចក្រភពអង់គ្លេស
កម្មវិធីទិដ្ឋាការអ្នកវិនិយោគមានភាពច្នៃប្រឌិត (Innovator Founder Visa) មិនមែនបង្កើតឡើងសម្រាប់តែអាជីវកម្មប៉ុណ្ណោះទេ ប៉ុន្តែគឺសម្រាប់ការរីកចម្រើនរយៈពេលវែងនៅក្នុងចក្រភពអង់គ្លេស។ អ្នកដាក់ពាក្យត្រូវតែបង្ហាញពីការប្តេជ្ញាចិត្តច្បាស់លាស់ក្នុងការអភិវឌ្ឍន៍អាជីវកម្ម និងរួមចំណែកដល់សេដ្ឋកិច្ចក្នុងចក្រភពអង់គ្លេសរយៈពេលវែង។ នេះអាចជាវិធានការនៃការបង្កើតការងារ ការណែនាំផលិតផល ឬសេវាកម្មថ្មីៗ និងការច្នៃប្រឌិតដែលកំពុងរីករាយដាលសព្វថ្ងៃ។
ឧទាហរណ៍ ដើម្បីបន្តសុពលភាពទិដ្ឋាការអ្នកវិនិយោគមានភាពច្នៃប្រឌិត (Innovator Founder Visa) អាជីវកម្មរបស់អ្នកដាក់ពាក្យត្រូវតែបន្តបានការយល់ព្រម(endorsement) ឬដើម្បីទទួលបានសិទ្ធិស្នាក់នៅអចិន្ត្រៃយ៍ក្នុងចក្រភពអង់គ្លេស អាជីវកម្មនោះក៏ត្រូវតែបង្ហាញអំពីការរីកចម្រើនផងដែរ ដូចជាតាមរយៈការបំពេញតម្រូវការចំនួនទឹកប្រាក់វិនិយោគអប្បបរមា ប្រាក់ចំណូល ឬការបង្កើតការងារ។ ដូច្នេះហើយ ផែនការអាជីវកម្មបញ្ចាក់ពីកំណើននៃចំនូលលម្អិត ហើយរៀបរាប់ពីគោលបំណងរយៈពេលវែង និងការធ្វើមាត្រដ្ឋានរបស់អាជីវកម្ម គឺមានសារៈសំខាន់ក្នុងការបញ្ចុះបញ្ចូលស្ថាប័នគាំទ្រ (endorsing body) ដើម្បីបន្តនិរន្តរភាពរបស់វា។

7. ត្រៀមលក្ខណៈឱ្យបានគ្រប់គ្រាន់ក្នុងការរៀបចំសំភាសន៍
ស្ថាប័នគាំទ្រទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa) នឹងតម្រូវឱ្យមានកិច្ចសម្ភាសន៍ និងពិនិត្យមើលផែនការអាជីវកម្ម។ វាពិតជាមានសារៈសំខាន់ណាស់ក្នុងការរៀបចំ ពិភាក្សាអំពីសំណើនេះឱ្យបានលម្អិត និងត្រៀមសំណួរចម្លើយ ឬបញ្ហាផ្សេងៗលើកឡើងពីខាងស្ថាប័នគាំទ្រ (endorsing bodies)។ នៅដំណាក់កាលនេះ អ្នកគួរតែអាចបង្ហាញពីសមត្ថភាពគ្រប់គ្រងទៅលើផែនការអាជីវកម្មរបស់អ្នកបានយ៉ាងច្បាស់ និងប្រកបដោយទំនុកចិត្ត ដូចជាការពន្យល់ថាអាជីវកម្មនេះពិតជាមានលក្ខណៈពិសេសប្លែកគេ និងមានភាពច្នៃប្រឌិត មានការរីកចម្រើន និងអាចដំណើរការបានទៅមុខ ព្រមទាំងតួនាទីប្រចាំថ្ងៃរបស់អ្នក និងមូលហេតុដែលចក្រភពអង់គ្លេសគឺជាទឹកដីដ៏ល្អបំផុតសម្រាប់អាជីវកម្មមួយនេះ។ ស្ថាប័នគាំទ្រ (endorsing body) ត្រូវតែបញ្ជាក់ថាអ្នកដាក់ពាក្យគឺជាមនុស្សសមស្រប និងមានលក្ខណៈសម្បតិ្តគ្រប់គ្រាន់ ដើម្បីទទួលបានការយល់ព្រម។

8. ស្វែងរកការណែនាំប្រកបដោយវិជ្ជាជីវៈ
ការទទួលបានទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa) គឺមានភាពស្មុគស្មាញ ហើយទាមទារឱ្យមានការយល់ដឹងជ្រៅជ្រះអំពីដំណើរការនេះ។ អ្នកគួរស្វែងរកអ្នកឯកទេសខាងអន្តោប្រវេសន៍តាមរយៈការវិនិយោគ និងអាចប្រឹក្សា និងផ្ដល់ជំនួយដល់អ្នកដែលមានបំណងដាក់ពាក្យទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa)

UK Innovator Founder Visa VS Isle of Man Innovator Visa

Isle of Man Innovator Visa បង្ហាញជម្រើសពិសេសមួយ ដែលអាចសាកសមសម្រាប់ស្ថាប័និកមួយចំនួនដែលកំពុងពិចារណាផ្លាស់ប្តូរទីលំនៅទៅចក្រភពអង់គ្លេស។ The Isle of Man ដែលជាទឹកដី មានការស្ថាប័នគ្រប់គ្រងដោយខ្លួនឯងតែស្ថិតក្រោមចក្រភពអង់គ្លេសដែលស្ថិតនៅចន្លោះប្រទេសអៀរឡង់ខាងជើង និងភាគខាងជើងនៃប្រទេសអង់គ្លេស ផ្តល់នូវបរិយាកាសអាជីវកម្មដែលងាយស្រួលជាមួយនិងរបប់ពន្ធអំណោយផល ដូចជាអត្រាពន្ធសាជីវកម្មទាប 0% លើប្រភេទប្រាក់ចំណូលភាគច្រើន – ទាបជាងអត្រាពន្ធសាជីវកម្មរបស់ចក្រភពអង់គ្លេស 25% ហើយមិនមានការយកពន្ធលើប្រាក់កំណើនដើមទុន។
ដើម្បីមានលក្ខណៈគ្រប់គ្រាន់សម្រាប់ទិដ្ឋាការ Isle of Man Innovator អ្នកដាក់ពាក្យត្រូវវិនិយោគអប្បបរមា 50,000 GBP ទៅក្នុងអាជីវកម្មរបស់ពួកគេពីមូលនិធិផ្ទាល់ខ្លួន ឬខាងក្រៅ។ Isle of Man ក៏តម្រូវឱ្យមានការធានានូវការយល់ព្រម (endorsement) សម្រាប់ ‘ភាពច្នៃប្រឌិត’ ប៉ុន្តែជាមួយនឹងដំណើរការសាមញ្ញជាង UK Innovator Founder ទាក់ទងនិងតម្រូវការអនុម័តសម្រាប់ទិដ្ឋាការ។
អ្នកដាក់ពាក្យត្រូវធ្វើការស្នើដាក់ផែនការអាជីវកម្មរបស់ពួកគេ ទៅកាន់អាជ្ញាធរអន្តោប្រវេសន៍ Isle of Man ដោយផ្ទាល់ ព្រោះពួកគេត្រូវវាយតម្លៃលើសំណើនោះដោយផ្អែកលើផលរួមចំណែកផ្នែកសេដ្ឋកិច្ច និងលទ្ធភាពជោគជ័យរបស់វា។ ដំណើរការដាក់ពាក្យនេះ មានភាពងាយស្រួលជាង និងរហ័សជាង ហើយអាចផ្ដល់អត្ថប្រយោជន៍ដល់ស្ថាប័និក ដែលគិតថាការយល់ព្រមសម្រាប់ទិដ្ឋាការចក្រភពអង់គ្លេស មានលក្ខខណ្ឌពិបាកពេក។
Isle of Man ផ្តល់នូវច្រកមធ្យោបាយចូលទៅកាន់ទីផ្សារចក្រភពអង់គ្លេស និងសហភាពអឺរ៉ុប ដែលធ្វើឱ្យវាក្លាយជាទីតាំងដ៏ទាក់ទាញសម្រាប់អាជីវកម្មដែលមានបំណងធ្វើប្រតិបត្តិការខ្នាតអន្តរជាតិ។ ខណៈពេលដែលដែនដី Isle of Man មានទំហំតូចជាងបើធៀបនឹងចក្រភពអង់គ្លេសដែលមានប្រជាជនចំនួន 85,000 វាផ្តល់នូវបរិយាកាសនយោបាយ និងសេដ្ឋកិច្ចដែលមានស្ថេរភាព ហើយជំរុញអានុភាពសហគ្រិនឬស្ថាប៍និក និងការច្នៃប្រឌិត។ ទិដ្ឋាការនេះផ្តល់នូវភាពងាយស្រួលក្នុងការចូលទៅកាន់ទីផ្សារចក្រភពអង់គ្លេស ខណៈពេលដែលទទួលបានអត្ថប្រយោជន៍ និងផ្នែកហិរញ្ញវត្ថុរបស់ Isle of Man។
ទិដ្ឋាការទាំងពីរអនុញ្ញាតឱ្យប្តី/ប្រពន្ធ និងកូនរបស់អ្នកដាក់ពាក្យដែលមានអាយុក្រោម 18 ឆ្នាំមានសិទ្ធិរស់នៅ ធ្វើការ និងសិក្សាដោយគ្មានការរឹតត្បិត។ នៅក្នុងលក្ខខណ្ឌនៃការស្នាក់នៅ ទិដ្ឋាការទាំងពីរផ្ដល់មធ្យោបាយផ្សេងគ្នា។ នៅពេលបំពេញតាមតម្រូវការសិទ្ធិស្នាក់នៅ និងលក្ខខណ្ឌអាជីវកម្ម វិនិយោគិនក្រោមទិដ្ឋាការ Isle of Man Investor អាចស្នើសុំសិទ្ធិស្នាក់នៅក្នុង Isle of Man បន្ទាប់ពី 3 ឬ 5 ឆ្នាំមុនពេលស្នើសុំ IRL (indefinite leave to remain) ដើម្បីបន្តនៅចក្រភពអង់គ្លេស ខណៈពេលដែល UK Innovator Founder Visa អនុញ្ញាតឱ្យស្នាក់នៅក្នុងចក្រភពអង់គ្លេសបន្ទាប់ពី 3 ឆ្នាំជាមួយនឹងមធ្យោបាយទៅកាន់ការចូលសញ្ជាតិអង់គ្លេស។
ភាពខុសគ្នានេះអាចជាកត្តាសំខាន់សម្រាប់សហគ្រិនដែលស្វែងរកសិទ្ធិស្នាក់នៅអចិន្ត្រៃយ៍លឿនជាងមុន។ ទោះបីជាយ៉ាងនេះក៏ដោយ សម្រាប់អ្នកដែលចូលចិត្តដំណើរការកម្មវិធីមិនមានភាពស្មុគស្មាញ និងរបបពន្ធអំណោយផលនោះ Isle of Man Innovator Visa អាចឈរជាជម្រើសដ៏ល្អមួយនៅពេលផ្លាស់ទៅចក្រភពអង់គ្លេស។

ជម្រើសទិដ្ឋាការធានាខ្លួនឯងផ្ទាល់ (self-sponsor) ដ៏ទៃទៀតនៅចក្រភពអង់គ្លេស

ទិដ្ឋាការពង្រីកការងារ (The Expansion Worker Visa)
ទិដ្ឋាការពង្រីកការងារ (The Expansion Worker Visa) ត្រូវបានបង្កើតឡើងសម្រាប់អ្នកគ្រប់គ្រងជាន់ខ្ពស់ ឬបុគ្គលិកឯកទេស ដែលត្រូវបានធានឬឧបត្ថម្ភដោយអាជីវកម្មក្រៅប្រទេស ដែលបានប្រកបការងារយ៉ាងតិចបីឆ្នាំ ហើយចង់ពង្រីក និងបង្កើតក្រុមហ៊ុននៅចក្រភពអង់គ្លេស។ ទិដ្ឋាការនេះអនុញ្ញាតឱ្យអ្នកជំនាញប្រកបការងារតាមតួនាទី ដើម្បីការចម្រើននៃអាជីវកម្មនៅក្នុងទីផ្សារចក្រភពអង់គ្លេស។
ដើម្បីផ្លាស់ប្តូរទីលំនៅទៅចក្រភពអង់គ្លេស អ្នកដាក់ពាក្យត្រូវតែបំពេញតាមលក្ខណៈវិនិច្ឆ័យផ្ដល់សិទ្ធិ ដូចជាមានមុខតំណែងដែលបានបញ្ជាក់ត្រឹមត្រូវ និងពិតប្រាកដពីអាជីវកម្មដែលទទួលបានអាជ្ញាប័ណ្ណឧបត្ថម្ភ ហើយបានធ្វើការឱ្យក្រុមហ៊ុនដើម នៅក្រៅចក្រភពអង់គ្លេសយ៉ាងហោចណាស់ 12 ខែ (ជាមួយនិងករណីលើកលែងមួយចំនួនដូចជា ប្រាក់ខែប្រចាំឆ្នាំលើសពី £73,900 ) និងមានប្រាក់បៀវត្សរ៍ខ្ពស់ជាងស្តង់ដារអប្បបរមាសម្រាប់ការងារ ឬយ៉ាងហោចណាស់ £42,400។ អាជីវកម្មនោះក៏ត្រូវតែបង្ហាញពីខមានសមត្ថភាពពង្រីក និងអភិវឌ្ឍន៍ខ្លួនក្នុងចក្រភពអង់គ្លេស។
ជាដំបូងទិដ្ឋាការនេះមានសុពលភាពរយៈពេល 1 ឆ្នាំ ជាមួយនឹងលទ្ធភាពនៃការពន្យារបន្ត ប្រសិនបើអាជីវកម្មនោះបន្តរីកចម្រើន ហើយតួនាទីរបស់អ្នកជំនាញក៏នៅតែសំខាន់។ ទិដ្ឋាការនេះក៏អនុញ្ញាតឱ្យសមាជិកក្នុងបន្ទុករបស់ប្តី/ប្រពន្ធ និងកូនអាយុក្រោម 18 ឆ្នាំ ដើម្បីរស់នៅ និងធ្វើការក្នុងចក្រភពអង់គ្លេស ហើយអាចស្នើសុំសិទ្ធិស្នាក់នៅអចិន្ត្រៃយ៍ក្រោយរយៈពេល 3 ឆ្នាំ ហើយក្រោយមកទៀតអាចស្នើចូលសញ្ជាតិអង់គ្លេស។

ទិដ្ឋាការសម្រាប់អ្នកមានទេពកោសល្យមកពីជុំវិញពិភពលោករបស់ចក្រភពអង់គ្លេស (The UK Global Talent Visa)

ទិដ្ឋាការសម្រាប់អ្នកមានទេពកោសល្យមកពីជុំវិញពិភពលោក (Global Talent Visa)ផ្តល់មធ្យោបាយសម្រាប់បុគ្គលដែលមានជំនាញខ្ពស់ក្នុងការធ្វើការនៅចក្រភពអង់គ្លេសដោយមិនមានការផ្តល់ជូនការងារជាក់លាក់ណាមួយ។ អ្នកដាក់ពាក្យត្រូវតែជា ‘មេដឹកនាំ’ ឬ ‘មេដឹកនាំដែលមានសក្តានុពល’ នៅក្នុងវិស័យប្រាកដប្រជាណាមួយ ដូចជា វគ្គសិក្សា និងការស្រាវជ្រាវ សិល្បៈ និងវប្បធម៌ ឬបច្ចេកវិទ្យាឌីជីថល។ អ្នកដាក់ពាក្យត្រូវតែមានការយល់ព្រម (endorsement) ពីស្ថាប័ននៅចក្រភពអង់គ្លេស ដែលមានការទទួលស្គាល់ ដោយបង្ហាញពីទេពកោសល្យពិសេស ឬការមានចំនេះដឹងជ្រៅជ្រះក្នុងវិស័យរបស់ពួកគេ។
ទិដ្ឋាការសម្រាប់អ្នកមានទេពកោសល្យមកពីជុំវិញពិភពលោក (UK Global Talent Visa) ផ្តល់នូវមធ្យោបាយដែលមានភាពបត់បែន និងសក្ខានុពលសម្រាប់អ្នកស្រាវជ្រាវ អ្នកមានគំនិតច្នៃប្រឌិត និងមេដឹកនាំនៅក្នុងជំនាញការងាររបស់ពួកគេ ដើម្បីរស់នៅ និងធ្វើការនៅក្នុងចក្រភពអង់គ្លេសដោយមិនមានអ្នកផ្តល់ការងារ ឬឧបត្ថម្ភជូន។ ទិដ្ឋាការនេះផ្តល់ជម្រើសរយៈពេលវែងដល់បុគ្គលម្នាក់ៗដោយមានសុពលភាពរហូតដល់ 5 ឆ្នាំ ជាមួយនឹងលទ្ធភាពស្នើសិទ្ធិស្នាក់អចិន្ត្រៃយ៍បន្ទាប់ពី 3 ឆ្នាំ ហើយក្រោយមកទៀតអាចស្នើចូលសញ្ជាតិអង់គ្លេស សម្រាប់អ្នកដែលអាចបំពេញតាមលក្ខណៈវិនិច្ឆ័យជាក់លាក់។

ទិដ្ឋាការសម្រាប់បុគ្គលដែលមានសក្តានុពលខ្លាំង (High Potential Individual Visa)

ទិដ្ឋាការសម្រាប់បុគ្គលដែលមានសក្តានុពលខ្លាំង គឺសម្រាប់និស្សិតបញ្ចប់ការសិក្សាពីសកលវិទ្យាល័យឈានមុខគេ ដែលផ្តល់ឱកាសសម្រាប់បុគ្គលម្នាក់ៗក្នុងការរស់នៅ និងធ្វើការនៅចក្រភពអង់គ្លេសរហូតដល់ 2 ឆ្នាំ (ឬ 3 ឆ្នាំសម្រាប់អ្នកដែលមានសញ្ញាបត្របណ្ឌិត ឬសញ្ញាបត្រសមមូលនិងកម្រិតបណ្ឌិតផ្សេងទៀត) ដោយមិនចាំបាច់ត្រូវការការឧបត្ថម្ភ ឬការផ្តល់ជូនការងារនោះឡើយ។
ដើម្បីមានលក្ខណៈសម្បត្តិគ្រប់គ្រាន់ អ្នកដាក់ពាក្យត្រូវតែបំពេញតាមលក្ខណៈវិនិច្ឆ័យសិទ្ធិទទួលបាន ដូចជាបានទទួលសញ្ញាបត្រពីសាកលវិទ្យាល័យដែលមានសិទ្ធិក្នុងរយៈពេល 5 ឆ្នាំចុងក្រោយនេះ។ ជាមួយនឹងការផ្លាស់ប្តូររហ័ស និងជម្រើសក្នុងការរៀបចំអាជីវកម្មផ្ទាល់ខ្លួន ទិដ្ឋាការនេះអនុញ្ញាតឱ្យអ្នកដាក់ពាក្យដែលទទួលបានជោគជ័យក្នុងការស្វែងរកការងារ ឬឱកាសអាជីវកម្មនៅក្នុងចក្រភពអង់គ្លេស ខណៈពេលដែលកំពុងត្រៀមរៀបចំដំណើរការ ជ្រើសរើសទិដ្ឋាការផ្សេងទៀត រួមទាំងទិដ្ឋាការ Skilled Worker Visa ឬ Global Talent Visa។

ការបើកអាជីវកម្ម និងការទទួលបានអាជ្ញាប័ណ្ណឧបត្ថម្ភ (Sponsor License)

មធ្យោបាយមួយទៀតគឺ ការបើកអាជីវកម្ម ហើយទទួលបានអាជ្ញាប័ណ្ណអ្នកឧបត្ថម្ភ (Sponsor License) ដើម្បី ‘ធាន/ឧបត្ថម្ភ’ ខ្លួនក្នុងនាមជាអ្នកធ្វើការជំនាញ។ វិធីសាស្រ្តនេះអនុញ្ញាតឱ្យអ្នកដាក់ពាក្យបង្កើតការបណ្តាក់ទុនផ្ទាល់ខ្លួនរបស់ពួកគេនៅក្នុងចក្រភពអង់គ្លេសខណៈពេលដែលជួយសម្រួលដល់ការងាររបស់អ្នកធ្វើការដ៏ទៃ នៅក្រៅប្រទេស រួមទាំងខ្លួនពួកគេផងដែរ។ អ្នកដាក់ពាក្យត្រូវតែបើក និងចុះឈ្មោះអាជីវកម្មនៅចក្រភពអង់គ្លេសដែលមានលំហោប្រតិបត្តិការណ៍ និងពិតប្រាកដ ហើយបន្ទាប់មកចុះឈ្មោះអាជីវកម្មជាអ្នកឧបត្ថម្ភដែលមានអាជ្ញាប័ណ្ណជាមួយការិយាល័យគោល (Home Office)។ នៅពេលទទួលបានរួច អាជ្ញាបណ្ណឧបត្ថម្ភ (Sponsor License) អាចឱ្យម្ចាស់អាជីវកម្មចេញវិញ្ញាបនបត្រឧបត្ថម្ភសម្រាប់ខ្លួនគេ ដោយអនុញ្ញាតឱ្យពួកគេដាក់ពាក្យសុំទិដ្ឋាការអ្នកជំនាញ ដែលជាដំបូងមានសុពលភាពរហូតដល់ 5 ឆ្នាំ។
ដំណើរការនេះពាក់ព័ន្ធនឹងការបង្ហាញពីលទ្ធភាពជោគជ័យនៃអាជីវកម្ម ការផ្តល់ផែនការលម្អិតសម្រាប់កំណើននាពេលខាងមុខ និងបង្ហាញថាតួនាទីនេះគឺជាមុខតំណែងពិតប្រាកដដែលត្រូវនឹងកម្រិតជំនាញអប្បបរមា និងប្រាក់ខែអប្បបរមា។ ខណៈពេលដែលនេះគឺជាដំណើរការដ៏ស្មុគស្មាញដែលតម្រូវឱ្យមានកម្មវិធីពាក្យស្នើរឹងមាំ អត្ថប្រយោជន៍មួយរបស់មធ្យោបាយនេះគឺគេមិនចាំបាច់ដើម្បីទទួលបានការយល់ព្រមពីស្ថាប័នដែលគាំទ្រ (endorsement) ដូចទៅនឹងទិដ្ឋាការសម្រាប់អ្នកវិនិយោគមានភាពច្នៃប្រឌិតរបស់ចក្រភពអង់គ្លេស (UK Innovator Founder Visa) នោះទេ។