កម្មវិធីសញ្ជាតិតាមរយៈការវិនិយោគល្អៗមួយចំនួនសម្រាប់គ្រួសារកម្ពុជា

សព្វថ្ងៃនេះ ប្រជាជនកម្ពុជាកំពុងពិចារណាលើការស្វែងរកការបម្លាស់ទីជាសកល និងអនាគតប្រកបដោយសុវត្ថិភាព ផ្ដល់ដោយប្រទេសនានាពីជុំវិញពិភពលោក។ សម្រាប់មនុស្សជាច្រើន យុទ្ធសាស្ត្រចំណាកស្រុកតាមរយៈការវិនិយោគបានក្លាយជាជំម្រើសឆ្ពោះទៅរកស្ថិរភាព និងសេរីភាព ជាជាងការរស់នៅបែបអភិជន។ និន្នាការ​នេះ​ទទួលបានការចាប់អារម្មណ៏ជាខ្លាំងពីសំណាក់បុគ្គល​ដែល​ចង់​ស្វែង​យល់​ពី​ជីវិត​នៅប្រទេសក្រៅពីដែនដីកំណើតរបស់ខ្លួន។ ពួកគេ​កំពុង​ទទួល​ស្គាល់ និងយល់ដឹង​ថា​ការ​ទទួល​បាន​សញ្ជាតិ​ទីពីរ​អាច​មាន​សារៈ​សំខាន់​សម្រាប់​ការ​ធ្វើដំណើរជុំវិញពិភពលោក ស្ថិរភាព ការ​ទទួល​បាន​បទ​ពិសោធ​ថ្មី និង​ធានា​សុវត្ថិភាព​ផ្ទាល់ខ្លួន។ ប្រទេសនាតំបន់ Caribbean កំពុងនាំមុខគេក្នុងការផ្តល់ជូនជម្រើសនៃសញ្ជាតិតាមរយៈការវិនិយោគដ៏គួរឱ្យទាក់ទាញ ដែលរួមបញ្ចូលគ្នានូវភាពបត់បែនជាមួយនឹងឱកាសជាច្រើន។ ក្នុងនាមខ្លួនជាប្រទេសសម្រាប់វិស្សមកាលដ៏ពេញនិយម ការទទួលបានសញ្ជាតិទីពីរពីប្រទេសនាតំបន់ Caribbean ផ្តល់នូវបទពិសោធន៍ និងភាពសម្បូរបែបជាច្រើនដែលអ្នកដំណើរទេសចរជាច្រើនចូលចិត្ត។ លើសពីនេះទៅទៀត បណ្ដាប្រទេសនាប៉ាស៊ីហ្វិកខាងត្បូង ដូចជា Vanuatu កំពុងលេចចេញជាជម្រើសដ៏មានសក្ដានុពលដោយផ្តល់នូវឱកាស និងសន្តិសុខ។

ហេតុអ្វីបានជាប្រជាជនកម្ពុជាស្វែងរកសម្រើសសញ្ជាតិទីពីរ?

សញ្ជាតិទីពីរកំពុងមានប្រជាប្រិយភាពកាន់តែខ្លាំងដែលជំរុញដោយកត្តាផ្សេងៗ។ ការព្រួយបារម្ភអំពីភាពមិនប្រាកដប្រជាផ្នែកនយោបាយ សេដ្ឋកិច្ច និងលិខិតឆ្លងដែនមិនមានឥទ្ធិពល កំពុងជំរុញឱ្យមនុស្សជាច្រើនពិចារណា “ផែនការ B” សម្រាប់អនាគតគ្រួសាររបស់ពួកគេ។ ខណៈពេលដែលការរស់នៅ ឬធ្វើការនៅបរទេស មិនមែនតែងតែជាគោលដៅសម្រាប់មនុស្សគ្រប់រូប ប៉ុន្តែការមានជម្រើសបម្រុងទុកពិតជាសំខាន់ណាស់។ ចំណាប់អារម្មណ៍នេះមិនមែនមានន័យថាប្រជាពលរដ្ឋចាកចេញពីប្រទេសដើមកំណើតរហូតទេ ផ្ទុយមកជាមធ្យោបាយបម្រុងនៅពេលមានតម្រូវការ។ របាយការណ៍ពត៌មានថ្មីៗស្តីពីការចូលសញ្ជាតិតាមរយៈការវិនិយោគបង្ហាញថា សូម្បីតែពលរដ្ឋអាមេរិកក៏កំពុងស្វែងរកសញ្ជាតិទីពីរសម្រាប់ជាមធ្យោបាយមួយក្នុងការការពារខ្លួនពីផលរំខានដែលអាចកើតមាននៅប្រទេសដើមកំណើត។

កម្មវិធីសញ្ជាតិតាមរយៈការវិនិយោគ នៃតំបន់Caribbean៖ ជម្រើសដ៏ល្អសម្រាប់ក្រុមគ្រួសារ

 កម្មវិធីសញ្ជាតិតាមរយៈការវិនិយោគ Citizenship by Investment (CBI) របស់តំបន់ Caribbean មានអនុភាពពិសេសសម្រាប់ក្រុមគ្រួសារ ដោយផ្តល់នូវមធ្យោបាយទៅកាន់ការចូលសញ្ជាតិ (ទទួលបានលិខិតឆ្លងដែនទីពីរ) តាមរយៈការវិនិយោគ ដែលអនុម័តដោយរដ្ឋាភិបាលមានដូចជាការបរិច្ចាគ ឬការទិញអចលនទ្រព្យជាដើម។ កម្មវិធីទាំងនេះមានភាពទាក់ទាញដោយសារតែដំណើរការឯកសារមានភាពងាយស្រួល ការចំណាយសមរម្យ និងឱកាសក្នុងការវិនិយោគនៅក្នុងប្រទេសដែលមានស្ថេរភាពនឹងនរ។ ទោះបីជាកម្មវិធីសញ្ជាតិតាមរយៈការវិនិយោគ Citizenship by Investment (CBI) របស់ Caribbean នីមួយៗមានលក្ខណៈពិសេសប្លែកពីគេក៏ដោយ ទាំងអស់នោះគ្រាន់តែមានគោលបំណងផ្តល់ជូនអ្នកវិនិយោគ និងសមាជិកគ្រួសាររបស់គេ នូវលទ្ធភាពក្នុងការធ្វើដំណើរជុំវិញពិភពលោកដោយងាយស្រួល សុវត្តិភាព និងសន្តិភាពផ្លូវចិត្ត។

• មូលនិធិសាកលវិទ្យាល័យ West Indies នៅ​ប្រទេស Antigua និង Barbuda៖ ជាជម្រើសដ៏ល្អសម្រាប់គ្រួសារសមាជិកច្រើន ដែលអនុញ្ញាតឱ្យបញ្ចូលសមាជិករហូតដល់ 6​ នាក់ នៅក្រោមពាក្យសុំតែមួយ។ ការវិនិយោគនេះជាកិច្ចគាំទ្រដល់ការអប់រំឧត្តមសិក្សាក្នុងតំបន់ និងរួមបញ្ចូលអាហារូបករណ៍រយៈពេលមួយឆ្នាំដល់សាកលវិទ្យាល័យ West Indies សម្រាប់សមាជិកគ្រួសារម្នាក់។ 
• ការវិនិយោគអប្បបរមា៖ USD 260,000
• National Action Bond របស់ប្រទេស Lucia ៖ កម្មវិធីនេះអនុញ្ញាតឱ្យគ្រួសារជាច្រើនធ្វើការវិនិយោគលើមូលបត្របំណុលរបស់រដ្ឋាភិបាល អាចទទួលបានប្រាក់មកវិញបានបន្ទាប់ពីរយៈពេលកំណត់ ព្រមទាំងធានាបាននូវការទទួលបានសញ្ជាតិ។ វាផ្តល់នូវការរួមបញ្ចូលគ្នារវាងសន្តិសុខផ្នែកហិរញ្ញវត្ថុ និងភាពបត់បែននៃសញ្ជាតិទីពីរ។
• ការវិនិយោគអប្បបរមា៖ USD 300,000 (អាចដកវិញបានបន្ទាប់ពី 5 ឆ្នាំ) បូកនឹងថ្លៃរដ្ឋបាលដែលមិនអាចដកវិញបានចំនួន USD 50,000។
• ការវិនិយោគលើអចលនទ្រព្យ៖ ការវិនិយោគលើអចលនទ្រព្យនៅតំបន់ Caribbean ផ្តល់ឱ្យគ្រួសារនូវទ្រព្យសកម្មជាក់ស្តែង និងអាទិភាពក្នុងការលក់ភាគហ៊ុនរបស់ពួកគេបន្ទាប់ពីរយៈពេល 5 ឆ្នាំ ធ្វើឱ្យវាក្លាយជាជម្រើសយុទ្ធសាស្ត្រសម្រាប់ការរស់នៅ និងអត្ថប្រយោជន៍ផ្នែកហិរញ្ញវត្ថុ។
• ការវិនិយោគអប្បបរមា៖ USD 200,000 (ចំនួនទឹកប្រាក់ប្រែប្រួលតាមប្រទេស)
• ជម្រើសអត្ថប្រយោជន៍សាធារណៈ Kitts & Nevis ជាមួយ Marriott៖ តាមរយៈកម្មវិធីផ្អែកលើការបរិច្ចាគនេះ Marriott ចូលរួមចំណែកដល់គម្រោងសាធារណៈ រួមទាំងផ្ទះរបស់កុមារ និងគម្រោង desalination ។ ជម្រើសនេះរួមមានការផ្ដល់ជូនបន្ទប់មួយ និងអត្ថប្រយោជន៍ដូចជាការស្នាក់នៅដោយឥតគិតថ្លៃនៅ Marriott Resorts និងBonvoy Points សម្រាប់ប្រើប្រាស់ទូទាំងពិភពលោក។
• ការវិនិយោគអប្បបរមា៖ USD 250,000 (សម្រាប់សមាជិកគ្រួសាររហូតដល់ 3 នាក់)

កម្មវិធីសញ្ជាតិ Vanuatu ៖ រហ័ស និងមានតម្លៃសមរម្យ

កម្មវិធីសញ្ជាតិតាមរយៈការវិនិយោគ Citizenship by Investment (CBI) របស់ប្រទេស Vanuatu គឺជាជម្រើសដ៏គួរឱ្យទាក់ទាញមួយផ្សេងទៀតសម្រាប់គ្រួសារ ដែលប្រញាប់ស្វែងរកសញ្ជាតិទីពីរ ជាមួយតម្លៃសមរម្យ។ កម្មវិធីមានដំណើរការរលូន ព្រោះចំណាយពេលត្រឹមតែ 2-3 ខែដើម្បីទទួលបានលទ្ធផល ដែលធ្វើឱ្យកម្មវិធីនៃមានភាពទាក់ទាញសម្រាប់អ្នក ដែលត្រូវការពេលវេលាដំណើរការលឿន និងមានភាពងាយស្រួល។

• ការវិនិយោគអប្បបរមា៖ USD 180,000 (សម្រាប់គ្រួសារមានសមាជិក 4 នាក់)

គុណតម្លៃពិតប្រាកដ នៃសញ្ជាតិទីពីរ

ការមានសញ្ជាតិទីពីរអាចផ្តល់អត្ថប្រយោជន៍ជាច្រើនលើសពីស្ថានភាពផ្លូវច្បាប់។ វាផ្តល់ឱ្យគ្រួសារនូវសន្តិភាពផ្លូវចិត្ត និងសេរីភាពក្នុងការជ្រើសរើសទីកន្លែង ដែលពួកគេចង់រស់នៅ ធ្វើការ ឬចូលនិវត្តន៍។ វាជាកត្តានៃការធានានូវមធ្យោបាយដែលអាចបត់បែនបាន និងផែនការបម្រុងទុកដែលមានស្ថេរភាពសម្រាប់ភាពមិនច្បាស់លាស់នាពេលអនាគត។ កម្មវិធីសញ្ជាតិតាមរយៈការវិនិយោគ Citizenship by Investment (CBI) របស់ Caribbean និងកម្មវិធីដំណើរការលឿនរបស់ប្រទេស Vanuatu ផ្តល់ជូនគ្រួសារកម្ពុជានូវសេរីភាពក្នុងការធ្វើដំណើរជុំវិញពិភពលោក និងឱកាសទទួលយករបៀបរស់នៅ តាមជម្រើសថ្មីជាច្រើន។

ជាមួយនឹងកំណើនប្រជាជនកាន់តែច្រើនឡើងៗ ដែលកំពុងស្វែងរកការធានាអនាគតរបស់ពួកគេតាមរយៈសញ្ជាតិទីពីរ កម្មវិធីសញ្ជាតិតាមរយៈការវិនិយោគ Citizenship by Investment (CBI) និងកម្មវិធីដំណើរការលឿនរបស់ប្រទេស Vanuatu ក្លាយជាជម្រើសឈានមុខគេ។ កម្មវិធីទាំងនេះមិនត្រឹមតែផ្តល់ជូននូវលិខិតឆ្លងដែនប៉ុណ្ណោះទេ វាក៏ផ្តល់នូវយុទ្ធសាស្ត្របណ្តាញសុវត្ថិភាពសម្រាប់គ្រួសារផងដែរ។

សូមចំណាំថាព័ត៌មាននេះគឺជាឯកសារយោងតែប៉ុណ្ណោះ ហើយក៏មិនមានគោលបំណងក្នុងកាណែនាំ ឬ​ផ្តល់យោបល់ផ្នែកច្បាប់ដល់វិនិយោគិនឡើយ។ ព័ត៌មាននេះអាចមានផ្លាស់ប្តូរដោយមិនចាំបាច់ជូនដំណឹងទុកជាមុន។ ដើម្បីទទួលបានការប្រឹក្សាត្រឹមត្រូវតាមស្ថានភាពរបស់លោកអ្នក និងពត៌មានលម្អិតផ្សេងៗសម្រាប់កម្មវិធីវិនិយោគ សូមទំនាក់ទំនងមកការិយាល័យយើងខ្ញុំ។