ការផ្លាស់ប្ដូរទីលំនៅទៅប្រទេសនូវែលសេឡង់ (New Zealand) ជាមួយក្រុមគ្រួសារ៖ ការណែនាំពេញលេញសម្រាប់ឆ្នាំ 2025

ការផ្លាស់ប្តូរទីលំនៅទៅកាន់ប្រទេសនូវែលសេឡង់ (New Zealand) គឺជាជម្រើសសម្រាប់បុគ្គលដែលមានធនធាន និងក្រុមគ្រួសាររបស់ពួកគេ ដើម្បីទទួលបាននូវគុណភាពជីវិតដ៏ពិសេស រួមទាំងការថែទាំសុខភាពកម្រិតខ្ពស់ ការអប់រំខ្ពស់ និងបរិយាកាសដែលមានសុវត្ថិភាព ស្ថិរភាពសម្រាប់អាជីវកម្ម ការកម្សាន្ត និងការចិញ្ចឹមបីបាច់សមាជិកគ្រួសារ។
កម្មវិធី New Zealand Active Investor Plus គឺជាកម្មវិធីស្នាក់នៅតាមរយៈការវិនិយោគដែលផ្តល់ដោយរដ្ឋាភិបាលនូវែលសេឡង់។ នៅពេលដែលវិនិយោគិនជាច្រើនកំពុងស្វែងរកប្រទេសថ្មីដើម្បីផ្លាស់ប្តូរទីលំនៅ ប្រទេសនូវែលសេឡង់អាចផ្ដល់ជូននៅឱកាសល្អជាច្រើន។
បេក្ខជនចម្បងអាចរួមបញ្ចូលប្តី/ប្រពន្ធ ឬដៃគូរបស់ពួកគេ ក៏ដូចជាកូនៗនៅក្នុងបន្ទុករហូតដល់អាយុ 24 ឆ្នាំនៅក្នុងកម្មវិធីពាក្យស្នើតែមួយ។ ភាពបត់បែននេះអនុញ្ញាតឱ្យអ្នកដាក់ពាក្យផ្លាស់ប្តូរទីលំនៅគ្រួសារទាំងមូលរបស់ពួកគេដោយមិនចាំបាច់មានការដាក់ពាក្យស្នើដាច់ដោយឡែកផ្សេងទៀត។
នៅពេលដែលទទួលបានការអនុម័ត សមាជិកគ្រួសារដែលរួមបញ្ចូលទាំងអស់នឹងទទួលបានសិទ្ធិស្នាក់នៅ ដោយផ្តល់ឱ្យពួកគេនូវសិទ្ធិក្នុងការរស់នៅ ធ្វើការ និងសិក្សានៅប្រទេសនូវែលសេឡង់ដោយគ្មានការកំណត់។

ផ្លាស់ទីលំនៅទៅប្រទេសនូវែលសេឡង់ (New Zealand) ជាមួយក្រុមគ្រួសារអ្នកតាមរយៈការវិនិយោគ

ការផ្លាស់ទីលំនៅទៅប្រទេសនូវែលសេឡង់ (New Zealand) ជាមួយក្រុមគ្រួសារតាមរយៈការវិនិយោគបានក្លាយទៅជាជម្រើសងាយស្រួល ដោយសារតែមានវិសោធនកម្មលើកម្មវិធី Active Investor Plus Visa ដែលបានកែប្រែនាពេលថ្មីៗនេះ។ កម្មវិធី Active Investor Plus អនុញ្ញាតឱ្យបុគ្គលដែលមានទ្រព្យសម្បត្តិ ទទួលបានសិទ្ធិស្នាក់នៅ ប្រសិនបើពួកគេអាចធ្វើការវិនិយោគដែលមានលក្ខណៈសម្បត្តិគ្រប់គ្រាន់នៅក្នុងសេដ្ឋកិច្ចរបស់ប្រទេសនូវែលសេឡង់។
លើសពីនេះ វិនិយោគិនដែលមានលក្ខណៈសម្បត្តិគ្រប់គ្រាន់អាចរួមបញ្ចូលប្តី/ប្រពន្ធ ឬដៃគូរបស់ពួកគេ និងកូនៗក្នុងបន្ទុករហូតដល់អាយុ 24 ឆ្នាំក្នុងកម្មវិធីពាក្យស្នើតែមួយ។ គ្រួសារ និងសមាជិកក្នុងបន្ទុករបស់អ្នកដាក់ពាក្យបឋមក៏នឹងមានសិទ្ធិរស់នៅ ធ្វើការ និងសិក្សានៅប្រទេសនូវែលសេឡង់ផងដែរ។
គិតត្រឹមថ្ងៃទី 1 ខែមេសា ឆ្នាំ 2025 ការផ្លាស់ប្តូរទៅលើកម្មវិធី Active Investor Plus Program បានចូលជាធរមានដោយផ្តល់នូវជម្រើសនៃការវិនិយោគដែលមានភាពបត់បែនបានច្រើនជាងមុន និងកាត់បន្ថយតម្រូវការស្នាក់នៅ។
ប្រព័ន្ធកំណត់ដែលបានប្រើប្រាស់ពីមុនត្រូវបានជំនួសដោយប្រភេទកម្មវិធីវិនិយោគសាមញ្ញចំនួនពីរ៖ កំណើន និងតុល្យភាព (Growth and Balance)។
ការផ្លាស់ប្តូរថ្មីទាំងនេះអាចឱ្យវិនិយោគិនទទួលបានសិទ្ធិស្នាក់នៅអចិន្ត្រៃយ៍នៅពេលវិនិយោគជោគជ័យ ដោយតម្រូវឱ្យមានវត្តមានក្នុងប្រទេសនោះផ្ទាល់តិចតួចបំផុត (21 ថ្ងៃសម្រាប់អ្នកកាន់ប្រភេទ Growth និង 105 ថ្ងៃសម្រាប់អ្នកកាន់ប្រភេទ Balance)។ តម្រូវការស្នាក់នៅជាក់ស្តែងអនុវត្តចំពោះអ្នកដាក់ពាក្យ/វិនិយោគិនចម្បងតែប៉ុណ្ណោះ។

អន្តោប្រវេសន៍ការអន្តោប្រវេសន៍ទៅកាន់ប្រទេសនូវែលសេឡង់ (New Zealand) ពីសហរដ្ឋអាមេរិក៖ និន្នាការកើនឡើង

អស្ថិរភាពនយោបាយនៅក្នុងសហរដ្ឋអាមេរិក ជាពិសេសបន្ទាប់ពីការឈ្នះឆ្នោតនៅឆ្នាំ 2024 របស់ Trump បានបណ្តាលឱ្យមានការសន្ទុះកើនឡើង ចំពោះជនជាតិអាមេរិកដែលពិចារណាការផ្លាស់ប្តូរទីលំនៅអចិន្ត្រៃយ៍ទៅកាន់ប្រទេសនូវែលសេឡង់ (New Zealand)។ ចលនានេះគឺបណ្ដាលមកពីភាពមិនច្បាស់លាស់ខាងផ្នែកនយោបាយបច្ចុប្បន្ន ការព្រួយបារម្ភអំពីសុវត្ថិភាព និងបំណងប្រាថ្នាសម្រាប់របៀបរស់នៅដែលមានភាពងាយស្រួលជាងមុន។ រដ្ឋាភិបាលដ៏រឹងមាំរបស់ប្រទេសនូវែលសេឡង់ ក្របខ័ណ្ឌច្បាប់ និង សេរីភាពផ្នែកពាណិជ្ជកម្មបានជាប់ចំណាត់ថ្នាក់ទី 3 នៅក្នុងការស្ទង់មតិរបស់ World Bank Institute’s Worldwide Governance Indicator.
ជនជាតិអាមេរិកដែលផ្លាស់ទីលំនៅទៅកាន់ប្រទេសនូវែលសេឡង់ (New Zealand) តែងតែលើកឡើងពីបរិយាកាសស្ងប់ស្ងាត់នៅទីនោះ មានអតីតជនធ្លាប់រស់នៅរដ្ឋកាលីហ្វ័រនីញ៉ាម្នាក់បានកត់សម្គាល់ថា “វាហាក់ដូចជាមិនមានការព្រួយបារម្ភខ្លាំងពេកនោះទេ”។ កម្មវិធី Active Investor Plus Visa ដែលទើបធ្វើបច្ចុប្បន្នភាពថ្មីៗនេះបានទាក់ទាញចំណាប់អារម្មណ៍យ៉ាងខ្លាំងចាប់តាំងពីការបើកដំណើរការឡើងវិញនៅខែមេសា ឆ្នាំ 2025 ដោយទាក់ទាញវិនិយោគិនជនជាតិអាមេរិកច្រើនជាងគេ។ ប្រភេទវិនិយោគិនទូទៅ រួមមានអ្នកជំនួញក្នុងវ័យ 20 ឆ្នាំដល់អាយុ 40 ឆ្នាំដែលមានគ្រួសាររួច ហើយកំពុងស្វែងរកបរិយាកាសដែលមានសុវត្ថិភាពជាងមុន ដែលកូនៗអាចរីករាយនឹងកុមារភាពពេញលេញ។
វិនិយោគិនប្រភេទនេះត្រូវបានស្វាគមន៍យ៉ាងកក់ក្តៅ នៅពេលដែលសេដ្ឋកិច្ចរបស់ប្រទេសនូវែលហ្សេឡង់មើលទៅស្ទុះងើបឡើងវិញ តាមរយៈការវិនិយោគផ្ទាល់ដែលផ្តល់នូវលទ្ធផលក្នុងការបង្កើតការងារ បង្កើនផលិតភាព និងកំណើនក្នុងវិស័យដូចជា បច្ចេកវិទ្យា ការផលិត និងថាមពលកកើតឡើងវិញ។

តើអ្វីទៅជា Active Investor Plus Visa? ទិដ្ឋភាពទូទៅសម្រាប់គ្រួសារ

កម្មវិធី Active Investor Plus ថ្មីរបស់ប្រទេសនូវែលសេឡង់ត្រូវបានរៀបចំឡើងដើម្បីទាក់ទាញវិនិយោគិនដែលមានទ្រព្យសម្បត្តិ ឱ្យផ្លាស់ប្តូរទីលំនៅទៅកាន់ប្រទេសនូវែលសេឡង់ និងលើកកំពស់ការវិនិយោគដែលផ្តល់អត្ថប្រយោជន៍ដល់សេដ្ឋកិច្ចក្នុងតំបន់។
អ្នកដាក់ពាក្យដែលមានលក្ខណៈសម្បត្តិគ្រប់គ្រាន់សម្រាប់កម្មវិធី Active Investor Plus ត្រូវបានអនុញ្ញាតឱ្យរស់នៅ ធ្វើការ និងសិក្សានៅប្រទេសនូវែលសេឡង់ (New Zealand) ដោយគ្មានករកំណត់ ដរាបណាពួកគេបានបំពេញតាមតម្រូវការវិនិយោគ និងពេលវេលានៅក្នុងប្រទេស។ តម្រូវការស្នាក់នៅជាក់ស្តែងនៅក្នុងប្រទេសនេះអនុវត្តចំពោះអ្នកដាក់ពាក្យសុំ/វិនិយោគិនចម្បងតែប៉ុណ្ណោះ។
កម្មវិធី Active Investor Plus ផ្តល់នូវអត្ថប្រយោជន៍ជាច្រើនសម្រាប់សមាជិកគ្រួសារ និងសមាជិកក្នុងបន្ទុករបស់អ្នកដាក់ពាក្យចម្បង បើប្រៀបធៀបទៅនឹងកម្មវិធីស្នាក់នៅតាមរយៈការវិនិយោគផ្សេងទៀត។ ឧទាហរណ៍សំខាន់ៗមួយចំនួនរួមមាន:’

បង្កើនការកំណត់អាយុសម្រាប់កូនៗ/សមាជិកក្នុងបន្ទុក៖

កម្មវិធីស្នាក់នៅជាច្រើននៅជុំវិញពិភពលោក (ដូចជានៅអឺរ៉ុប ឬសហរដ្ឋអាមេរិក) អនុញ្ញាតឱ្យតែកុមារនៅក្នុងបន្ទុករហូតដល់អាយុត្រឹម 18 ឬ 21 ឆ្នាំប៉ុណ្ណោះ។ យ៉ាងណាមិញ កម្មវិធី Active Investor Plus នៅក្នុងប្រទេសនូវែលសេឡង់ ផ្ដល់វិធីសាស្រ្ត និងអនុញ្ញាតឱ្យកូនៗក្នុងបន្ទុកដែលមានអាយុរហូតដល់ 24 ឆ្នាំរួមបញ្ចូលនៅក្នុងកម្មវិធីពាក្យស្នើជាមួយគ្នាផងដែរ អាស្រ័យលើតម្រូវការជាក់លាក់។
លក្ខខណ្ឌតម្រូវសម្រាប់កូនៗ/សមាជិកក្នុងបន្ទុកក្រោមកម្មវិធី Active Investor Plus មានដូចជាកុមារអាយុក្រោម 18 ឆ្នាំអាចត្រូវបានរួមបញ្ចូលប្រសិនបើពួកគេនៅលីវ ខណៈពេលដែលអ្នកដែលមានអាយុចាប់ពី 18 ទៅ 20 ឆ្នាំក៏ត្រូវតែនៅលីវ និងមិនមានកូនរបស់ពួកគេផងដែរ។ សម្រាប់អ្នកដែលមានអាយុចន្លោះពី 21 ឆ្នាំដល់ 24 ឆ្នាំ សិទ្ធិទាំងនេះនឹងផ្ដល់ជូនសម្រាប់អ្នកដែលនៅលីវ គ្មានកូន និងមានជីវភាពពឹងផ្អែកលើមនុស្សធំ មិនថាជាឪពុកឬម្តាយ សម្រាប់ជំនួយផ្នែកហិរញ្ញវត្ថុ ដោយមិនគិតពីទីតាំងរស់នៅ ថាតើគេរស់នៅជាមួយធំនោះដែរឬទេ។

មិនត្រូវការកម្មវិធីពាក្យស្នើដាច់ដោយឡែកនោះទេ៖

ប្រទេសខ្លះទាមទារកម្មវិធីពាក្យដាច់ដោយឡែកមួយទៀត ឬថ្លៃសេវាបន្ថែមសម្រាប់សមាជិកគ្រួសារនីមួយៗ។ នៅក្រោមកម្មវិធីស្នាក់នៅរបស់ប្រទេសនូវែលសេឡង់ ប្តី/ប្រពន្ធ ឬ ដៃគូ និងកូនៗដែលមានលក្ខណៈសម្បត្តិគ្រប់គ្រាន់ទាំងអស់អាចត្រូវបានរួមបញ្ចូលក្នុងកម្មវិធីពាក្យស្នើតែមួយដោយមិនចាំបាច់មានដំណើរការដាច់ដោយឡែក និងឬបង់ថ្លៃសេវាដែលពាក់ព័ន្ធនោះទេ។

សិទ្ធិស្មើគ្នាសម្រាប់សមាជិកគ្រួសារ៖

កម្មវិធីស្នាក់នៅតាមរយៈការវិនិយោគជាច្រើន ជារឿយៗដាក់កម្រិតលើសមាជិកក្នុងបន្ទុក ក្នុងការទទួលបានត្រឹមទិដ្ឋាការស្នាក់នៅបណ្ដោះអាសន្ន ឬមានការរឹតបន្តឹងសិទ្ធិការងារ។ នៅប្រទេសនូវែលសេឡង់ នៅពេលដែលពាក្យស្នើសុំត្រូវបានអនុម័ត សមាជិកគ្រួសារទាំងអស់ទទួលបានសិទ្ធិស្នាក់នៅពេញលេញ ហើយអាចរស់នៅ ធ្វើការ និងសិក្សាដោយគ្មានការរឹតត្បិត។

មធ្យោបាយទៅកាន់ការទទួលបានសិទ្ធិស្នាក់នៅអចិន្ត្រៃយ៍៖

កម្មវិធីមួយចំនួនដាក់កម្រិតលើសិទ្ធិស្នាក់នៅអចិន្ត្រៃយ៍សម្រាប់សមាជិកក្នុងបន្ទុកដោយផ្អែកលើលក្ខខណ្ឌដូចជា នៅបន្ដការសិក្សា ឬការរស់នៅពឹងផ្អែកផ្នែកហិរញ្ញវត្ថុរបស់អាណាព្យាបាល។ ទោះជាយ៉ាងណាក៏ដោយ សមាជិកក្នុងបន្ទុកក្រោមកម្មវិធី Active Investor Plus មានសិទ្ធិទទួលបានសិទ្ធិស្នាក់នៅអចិន្ត្រៃយ៍ជាមួយគ្នាបន្ទាប់ពីរយៈពេលវិនិយោគបានបញ្ចប់។

របៀបអន្តោប្រវេសន៍ទៅប្រទេសនូវែលសេឡង់ (New Zealand) និងក្លាយជាអ្នកដែលមានសិទ្ធិរស់នៅជាមួយកម្មវិធី Investor Plus Visa

ដើម្បីអន្តោប្រវេសន៍ទៅកាន់ប្រទេសនូវែលសេឡង់ និងទទួលបានសិទ្ធិតាមរយៈកម្មវិធី New Zealand Active Investor Plus អ្នកដាក់ពាក្យត្រូវតែមានសុខភាពល្អមានអត្តចរិតល្អ និងមិនមានការផ្តន្ទាទោសព្រហ្មទណ្ឌធ្ងន់ធ្ងរនាពេលថ្មីៗនេះទេ។
តម្រូវការដ៏សំខាន់បំផុតសម្រាប់អ្នកដាក់ពាក្យចម្បងគឺ គេត្រូវតែធ្វើការវិនិយោគអប្បបរមាប្រមាណ 5,000,000 លានដុល្លារ NZD (ប្រហែល USD 3,000,000 ដុល្លារអាមេរិក) ក្រោមការវិនិយោគប្រភេទ Growth ឬ 10,000,000 លានដុល្លារ NZD (ប្រហែល USD 6,000,000 លានដុល្លារអាមេរិក) ក្រោមការវិនិយោគប្រភេទ Balanced ក្នុងការវិនិយោគដែលអាចទទួលយកបាននៅក្នុងប្រទេសនូវែលសេឡង់។
អ្នកដាក់ពាក្យក៏អាចរួមបញ្ចូលប្តី/ប្រពន្ធ/ដៃគូ និងកូនៗក្នុងបន្ទុក (អាយុ 24 ឆ្នាំ ឬក្រោមនេះ) ក្នុងកម្មវិធីពាក្យស្នើតែមួយ។
គួរកត់សំគាល់ថា ចាប់ពីថ្ងៃទី 1 ខែមេសា ឆ្នាំ 2025 តម្រូវការភាសាអង់គ្លេស (IELTS 5) គឺមិនមានទៀតទេសម្រាប់អ្នកដាក់ពាក្យដែលធ្វើឲ្យកម្មវិធីនេះកាន់តែមានប្រជាប្រិយភាពសម្រាប់អ្នកវិនិយោគមកពីជុំវិញពិភពលោក។

ជម្រើសនៃការវិនិយោគ៖ ប្រភេទ Growth ប្រៀបធៀបនិង ប្រភេទ Balanced

ដើម្បីមានលក្ខណៈគ្រប់គ្រាន់សម្រាប់កម្មវិធី Active Investor Plus អ្នកដាក់ពាក្យចម្បងត្រូវតែបំពេញតាមតម្រូវការនៃប្រភេទវិនិយោគ។ កម្មវិធី New Zealand Active Investor Plus ឥឡូវនេះត្រូវបានបែងចែកទៅជា 2 ប្រភេទគឺ Growth និង Balanced។

ប្រភេទ Growth

នៅក្រោមប្រភេទ Growth អ្នកដាក់ពាក្យត្រូវតែវិនិយោគយ៉ាងហោចណាស់ 5,000,000 ដុល្លារ NZD (ប្រហែល USD 3,000,000 លានដុល្លារអាមេរិក) ក្នុងការវិនិយោគដែលអាចទទួលយកបាននៅក្នុងប្រទេសនូវែលសេឡង់។
ការវិនិយោគដែលអាចទទួលយកបានសម្រាប់ប្រភេទ Growth អាចរួមបញ្ចូលទាំង៖
• ការវិនិយោគផ្ទាល់ ឬ
• មូលនិធិដែលបានគ្រប់គ្រង ឧទាហរណ៍ ដើមទុនបណ្តាក់ទុន ភាគហ៊ុនឯកជន ឥណទានឯកជន។
អ្នកដាក់ពាក្យក្រោមប្រភេទ Growth តម្រូវឱ្យរក្សាការវិនិយោគរយៈពេល 3 ឆ្នាំ។ ម្យ៉ាងវិញទៀត តម្រូវការស្នាក់នៅអប្បបរមា ឬរយៈពេលដែលវិនិយោគិនត្រូវតែរស់នៅក្នុងប្រទេសនូវែលសេឡង់គឺត្រឹមតែ 21 ថ្ងៃប៉ុណ្ណោះ។ សូមកត់សម្គាល់ថា 21 ថ្ងៃនេះ វិនិយោគិនអាចចំណាយនៅក្នុងប្រទេសនូវែលសេឡង់នៅពេលណាក៏បានក្នុងអំឡុងពេលវិនិយោគ។

ប្រភេទ Balanced

នៅក្រោមប្រភេទ Balanced អ្នកដាក់ពាក្យត្រូវតែវិនិយោគយ៉ាងហោចណាស់ 10,000,000 ដុល្លារ NZD (ប្រហែល USD 6,000,000 លានដុល្លារអាមេរិក) ក្នុងការវិនិយោគដែលអាចទទួលយកបាននៅក្នុងប្រទេសនូវែលសេឡង់។
ប្រភេទ Growth ផ្ដល់ជម្រើសជាច្រើនដែលមានសិទ្ធិក្នុងលក្ខខណ្ឌវិនិយោគ និងរួមបញ្ចូលៈ
• ការវិនិយោគផ្ទាល់
• មូលនិធិដែលបានគ្រប់គ្រង
• ភាគហ៊ុនដែលបានចុះបញ្ជី
• សប្បុរសធម៌
• មូលបត្របំណុល ឬ
• ការអភិវឌ្ឍន៍អចលនទ្រព្យ។
អ្នកដាក់ពាក្យនៅក្រោមប្រភេទ Balanced តម្រូវឱ្យរក្សាការវិនិយោគរយៈពេល 5 ឆ្នាំ។ តម្រូវការស្នាក់នៅអប្បបរមា ឬរយៈពេលដែលអ្នកវិនិយោគត្រូវតែស្ថិតនៅក្នុងប្រទេសនូវែលសេឡង់គឺត្រឹមតែ 105 ថ្ងៃប៉ុណ្ណោះ។ ទោះជាយ៉ាងណាក៏ដោយ អ្នកដាក់ពាក្យនៅក្នុងប្រភេទ Balanced អាចកាត់បន្ថយរយៈពេលស្នាក់នៅបាន ប្រសិនបើពួកគេវិនិយោគច្រើនជាង $10,000,000 ដុល្លារ NZD។ សម្រាប់រាល់ការបន្ថែម NZD 1,000,000 (ប្រហែល USD $600,000 ដុល្លារអាមេរិក) ដែលបានបណ្តាក់ទុកជាការវិនិយោគផ្ទាល់ ឬមូលនិធិដែលបានគ្រប់គ្រងនឹងអនុញ្ញាតឱ្យអ្នកដាក់ពាក្យកាត់បន្ថយតម្រូវការស្នាក់នៅបាន 14 ថ្ងៃ។
ឧទាហរណ៍ ប្រសិនបើវិនិយោគិនបន្ថែម NZD 2,000,0000 បន្ថែមទៀត (ប្រហែល USD $1,200,000 លានដុល្លាអាមេរិក) ក្នុងការវិនិយោគផ្ទាល់ នោះ 28 ថ្ងៃអាចត្រូវបានកាត់ចេញពី 105 ថ្ងៃនៃការស្នាក់នៅដែលត្រូវការ។ នេះមានន័យថាតម្រូវការស្នាក់នៅសម្រាប់អ្នកដាក់ពាក្យសុំមានត្រឹម 77 ថ្ងៃ។
សូមចំណាំថា ចំនួនថ្ងៃដែលអាចកាត់ចេញពីតម្រូវការស្នាក់នៅតាមរយៈការវិនិយោគបន្ថែមត្រូវបានកំណត់ត្រឹម 42 ថ្ងៃ។ មានន័យថាចំនួនអប្បបរមានៃពេលវេលាសម្រាប់ការស្នាក់នៅក្រោមការវិនិយោគប្រភេទ Balanced គឺមាន 63 ថ្ងៃ។
ការពិចារណាដ៏សំខាន់មួយទៀតដែលអ្នកវិនិយោគគួរយល់ដឹង គឺពេលវេលាសម្រាប់ការផ្ទេរប្រាក់នឹងមានរយៈពេល 6 ខែចាប់ពីការអនុម័តនៅក្នុងគោលការណ៍ក្រោមប្រភេទទាំងពីរ។ អ្នកដាក់ពាក្យអាចស្នើសុំការបន្ថែមរយៈពេល 6 ខែបន្ថែមទៀត ប្រសិនបើពួកគេអាចផ្តល់ភស្តុតាងសមហេតុលថាពួកគេពិតជាបានព្យាយាមបញ្ចប់ការផ្ទេរក្នុងរយៈពេល ៦ ខែដំបូង។

មធ្យោបាយទៅកាន់ការទទួលបានសិទ្ធិស្នាក់នៅអចិន្ត្រៃយ៍ក្នុងប្រទេសនូវែលសេឡង់ និងសញ្ជាតិសម្រាប់គ្រួសារ

អត្ថប្រយោជន៍ដ៏សំខាន់មួយទៀតនៃកម្មវិធី Active Investor Plus គឺកម្មវិធីនេះផ្តល់នូវមធ្យោបាយទៅកាន់ការទទួលបានសិទ្ធិស្នាក់នៅអចិន្ត្រៃយ៍ ហើយនិងការចូលសញ្ជាតិនាពេលអនាគត។

សិទ្ធិស្នាក់នៅអចិន្រ្តៃយ៍នៅនូវែលសេឡង់

បន្ទាប់ពីរក្សាការវិនិយោគសម្រាប់រយៈពេលដែលបានកំណត់ (3 ឆ្នាំសម្រាប់ប្រភេទ Growth និង 5 ឆ្នាំសម្រាប់ប្រភេទ Balanced) និងការបំពេញតាមតម្រូវការស្នាក់នៅផ្ទាល់ វិនិយោគិន និងសមាជិកគ្រួសាររបស់ពួកគេនឹងមានសិទ្ធិដាក់ពាក្យសុំសិទ្ធិស្នាក់នៅអចិន្ត្រៃយ៍។
សូមចំណាំថា ប្រសិនបើវិនិយោគិនរួមបញ្ចូលសមាជិកគ្រួសាររបស់ពួកគេនៅក្នុងពាក្យសុំនោះ ពួកគេត្រូវតែទៅដល់ប្រទេសនូវែលសេឡង់ក្នុងរយៈពេល 12 ខែបន្ទាប់ពីកម្មវិធីពាក្យស្នើត្រូវបានអនុញ្ញាត។ ទោះជាយ៉ាងណាក៏ដោយ កម្មវិធីនេះមិនមានកំណត់រយៈពេលអប្បបរមា ដែលតម្រូវឱ្យពួកគេស្នាក់នៅក្នុងប្រទេសនោះទេ។

សញ្ជាតិនូវែលសេឡង់

បន្ទាប់ពីកាន់កាប់សិទ្ធិស្នាក់នៅអចិន្ត្រៃយ៍បានរយៈពេល 5 ឆ្នាំ អ្នកវិនិយោគអាចមានសិទ្ធិដាក់ពាក្យសុំចូលសញ្ជាតិនូវែលសេឡង់។ លើសពីនេះទៅទៀត ប្រទេសនូវែលសេឡង់មានការទទួលស្គាល់សញ្ជាតិពីរ ដែលមានន័យថាអ្នកវិនិយោគមិនចាំបាច់បោះបង់សញ្ជាតិដើមដែលមានស្រាប់នោះទេ។
ដើម្បីមានសិទ្ធិចូលសញ្ជាតិ អ្នកវិនិយោគត្រូវតែបំពេញតាមលក្ខខណ្ឌដូចខាងក្រោម៖
• ត្រូវតែរស់នៅក្នុងប្រទេសនូវែលសេឡង់បានយ៉ាងហោចណាស់ 5 ឆ្នាំ ក្នុងនាមជាអ្នករស់នៅ (ឧទាហរណ៍៖ យ៉ាងហោចណាស់ 240 ថ្ងៃក្នុងមួយឆ្នាំសម្រាប់រយៈពេល 5 ឆ្នាំ និងយ៉ាងហោចណាស់ 1,350 ថ្ងៃសរុប) ។
• បំពេញតាមតម្រូវការពលរដ្ឋល្អក្នុងសង្គម រួមទាំងការបញ្ជាក់ពីភាពស្អាតស្អំចេញពីស្ថាប័នប៉ូលីស។
• បង្ហាញទំនាក់ទំនងសព្វថ្ងៃ និងបន្តបន្ទាប់ជាមួយសហគមន៍ក្នុងប្រទេសនូវែលសេឡង់ (ឧ. ចេតនាចង់បន្តរស់នៅក្នុងប្រទេសនូវែលសេឡង់)។
• ជំនាញភាសាអង់គ្លេសជាមូលដ្ឋាន។

សរុបសេចក្ដី

កម្មវិធី New Zealand Active Investor Plus ផ្តល់នូវមធ្យោបាយទៅកាន់ការទទួលបានសិទ្ធិស្នាក់នៅ សម្រាប់បុគ្គលដែលមានទ្រព្យសម្បត្តិ និងក្រុមគ្រួសាររបស់ពួកគេតាមរយៈការវិនិយោគនៅប្រទេសនូវែលសេឡង់។ កម្មវិធី Active Investor Plus មានភាពទាក់ទាញជាពិសេសចំពោះអ្នកវិនិយោគដែលមានគ្រួសាររួចហើយ ដោយសារភាពបត់បែន និងភាពងាយស្រួលសម្រាប់សមាជិកគ្រួសារ។ អ្នកដាក់ពាក្យអាចរួមបញ្ចូលប្តី/ប្រពន្ធ ឬដៃគូរបស់ពួកគេ ក៏ដូចជាកូនៗក្នុងបន្ទុករហូតដល់អាយុ 24 ឆ្នាំនៅក្នុងពាក្យសុំតែមួយដូចគ្នា ដោយមិនចាំបាច់មានការដាក់ស្នើដាច់ដោយឡែក ឬថ្លៃសេវាបន្ថែម។
នៅពេលដែលទទួលបានការយល់ព្រម គ្រួសារទាំងមូលនឹងទទួលបានសិទ្ធិស្នាក់នៅ ដោយអនុញ្ញាតឱ្យពួកគេរស់នៅ ធ្វើការ និងសិក្សានៅប្រទេសនូវែលសេឡង់ដោយគ្មានកំណត់។ កម្មវិធីនេះក៏ផ្តល់នូវជម្រើសផ្ទាល់ទៅកាន់ការទទួលបានសិទ្ធិស្នាក់នៅអចិន្ត្រៃយ៍ និងសញ្ជាតិ បន្ទាប់ពីរក្សាបាននូវការវិនិយោគសម្រាប់រយៈពេលដែលបានកំណត់។