REQUEST IMMIGRATION SERVICE
Thank you for visiting Harvey Law Group.
Please select our nearest office to you and complete the enquiry form below.
To send successfully, you must fill in all the required fields marked by an asterisk “*”.
អត្ថបទណែនាំអំពីកម្មវិធីសញ្ជាតិតាមរយៈការវិនិយោគ (CBI) នៅតំបន់ការាបៀនសម្រាប់ឆ្នាំ 2025
កម្មវិធីសញ្ជាតិតាមរយៈការវិនិយោគរបស់ប្រទេសនៅតំបន់ការាបៀន ផ្តល់នូវមធ្យោបាយដ៏ល្អសម្រាប់ការទទួលបានសញ្ជាតិទីពីរ ជាមួយនឹងពេលវេលាដំណើរការពី 3 ទៅ 6 ខែ និងអត្ថប្រយោជន៍ដូចជាការធ្វើដំណើរដោយគ្មានទិដ្ឋាការទៅកាន់ 140 ជាងប្រទេស។ កម្មវិធីដែលបានបង្កើតឡើងទាំងប្រាំ (St. Kitts & Nevis, Dominica, Grenada, Antigua & Barbuda, និង St. Lucia) ផ្តល់ជម្រើសវិនិយោគចាប់ពី $200,000 តាមរយៈការបរិច្ចាគជូនរដ្ឋាភិបាល ឬការទិញអចលនទ្រព្យ។ កម្មវិធីភាគច្រើនមិនតម្រូវឱ្យមានកាតព្វកិច្ចស្នាក់នៅផ្ទាល់ និងផ្តល់អត្ថប្រយោជន៍ផ្នែកពន្ធសំខាន់ៗ រួមទាំងការមិនយកពន្ធលើប្រាក់ចំណូលផ្ទាល់ខ្លួន ដែលធ្វើឱ្យវាក្លាយជាជម្រើដ៏ល្អសម្រាប់ការចល័តជាសកល ការការពារទ្រព្យសម្បត្តិ និងការរួមបញ្ចូលសមាជិកគ្រួសារជំនាន់ក្រោយជាបន្តបន្ទាប់ ។
សេចក្តីផ្តើម
កម្មវិធីសញ្ជាតិតាមរយៈការវិនិយោគរបស់ប្រទេសនៅតំបន់ការាបៀន (CBI) ឈរជាជម្រើសដ៏មានឥទ្ធិពល និងទាក់ទាញបំផុត ទៅកាន់ការទទួលបានសញ្ជាតិទីពីរនៅឆ្នាំ 2025 ជាពិសេសសម្រាប់បុគ្គលដែលមានទ្រព្យសម្បត្តិ ដែលកំពុងស្វែងរកលទ្ធិភាពនៃការធ្វើដំំណើរជុំវិញពិភពលោករបស់ពួកគេឱ្យកាន់តែទូលំទូលាយ ការពារទ្រព្យសម្បត្តិ និងគុណភាពជីវិតកាន់តែប្រសើរសម្រាប់ខ្លួន និងក្រុមគ្រួសាររបស់ពួកគេ។ ជាមួយនឹងប្រទេសកោះទាំងនេះដែលផ្តល់ជូននូវកម្មវិធីសញ្ជាតិតាមរយៈការវិនិយោគ(CBI) របស់ប្រទេសនៅតំបន់ការាបៀន តំបន់នេះនៅតែបន្តជាទិសដៅឈានមុខគេសម្រាប់ជម្រើសអន្តោប្រវេសន៍តាមរយៈការវិនិយោគ។
កម្មវិធីសញ្ជាតិតាមរយៈការវិនិយោគ (CBI) នៅតំបន់ការាបៀនក្នុងឆ្នាំ 2025 មានការកែរសម្រួល ដែលឥឡូវនេះត្រូវបានគ្រប់គ្រងកាន់តែប្រសើរឡើង ជាមួយនឹងការត្រួតពិនិត្យយ៉ាងហ្មត់ចត់ និងតម្រូវការដែលបានកំណត់យ៉ាងច្បាស់។ ជាមួយនឹងការណែនាំត្រឹមត្រូវពីមេធាវីផ្នែកអន្តោប្រវេសន៍ ដែលមានបទពិសោធន៍ អ្នកវិនិយោគអាចដាក់ពាក្យចូលរួមក្នុងកម្មវិធីសញ្ជាតិតាមរយៈការវិនិយោគ (CBI) នៅប្រទេសណាមួយនៃតំបន់ការាបៀន ដែលពួកគេបានជ្រើសរើស ប្រកបដោយមានទំនុកចិត្ត ជៀសវាងការពន្យារពេលដែលមិនចាំបាច់ និងឱកាសក្នុងការទទួលបានសញ្ជាតិទីពីរ។
នៅក្នុងអត្ថបទណែនាំនេះ យើងចែករំលែកចំនេះដឹងដោយផ្អែលលើការយល់ដឹងរបស់ក្រុមការងារ អំពីកម្មវិធីសញ្ជាតិតាមរយៈការវិនិយោគនៅតំបន់ការាបៀន ។ បទពិសោធន៍របស់យើង មានដូចជាការណែនាំកម្មវិធីសញ្ជាតិ CBI សំខាន់ៗមួយចំនួន ដោយប្រៀបធៀបជម្រើសនៃការវិនិយោគ ការចំណាយ ពេលវេលាដំណើរការ និងអត្ថប្រយោជន៍រយៈពេលវែង។
ហេតុអ្វីបានជាកម្មវិធីសញ្ជាតិនៅតំបន់ការាបៀនមានការពេញនិយមខ្លាំងនៅឆ្នាំ 2025
កម្មវិធីសញ្ជាតិនៅតំបន់ការាបៀន បន្តកើនឡើងប្រជាប្រិយភាពនៅឆ្នាំ 2025 ជាពិសេសក្នុងចំណោមវិនិយោគិនដែលកំពុងស្វែងរកការចល័តជាសកល សន្តិសុខរយៈពេលវែង និងរបៀបរស់នៅដែលមានភាពបត់បែនជាងមុន។ កម្មវិធីសញ្ជាតិ (CBI) ផ្តល់ឱកាសដ៏ល្អសម្រាប់ការទទួលបានសញ្ជាតិទីពីរ រីឯតំបន់នេះនៅតែជាគោលដៅកំពូលសម្រាប់អន្តោប្រវេសន៍វិនិយោគ។
នៅពេលដែលមនុស្សជាច្រើនស្វែងរកយុទ្ធសាស្ត្រការពារទ្រព្យសម្បត្តិរបស់ពួកគេ និងបង្កើតឱកាសថ្មីៗសម្រាប់ខ្លួនគេ និងក្រុមគ្រួសាររបស់ពួកគេ ការទទួលបានសញ្ជាតិការាបៀនតាមរយៈការវិនិយោគគឺជាដំណោះស្រាយដ៏មានប្រសិទ្ធភាព។ តំបន់នេះផ្តល់នូវ ស្ថេរភាពផ្លូវច្បាប់ អត្ថប្រយោជន៍ហិរញ្ញវត្ថុ និងគុណភាពជីវិត ដែលធ្វើឱ្យវាក្លាយជាជម្រើសដ៏គួរឱ្យទាក់ទាញពីសំណាក់បុគ្គលដែលមានទ្រព្យសម្បត្តិ។
អត្ថប្រយោជន៍នៃកម្មវិធីសញ្ជាតិនៅតំបន់ការាបៀន
កម្មវិធីសញ្ជាតិតាមរយៈការវិនិយោគរបស់ប្រទេសនៅតំបន់ការាបៀន (CBI) ផ្តល់ជូនលោកអ្នកនូវអត្ថប្រយោជន៍ជាច្រើនដែលអាចជួយដល់វិនិយោគិន។ អាស្រ័យលើប្រទេសដែលនីមួយៗ និងកម្មវិធីរបស់ពួកគេ អ្នកដាក់ពាក្យដែលទទួលបានជោគជ័យមានសិទ្ធិទទួលបាន៖
- ការធ្វើដំណើរដោយមិនបាច់សុំទិដ្ឋាការ ឬទិដ្ឋាការពេលមកដល់ទៅជាង 140 ប្រទេស
- គ្មានពន្ធលើប្រាក់ចំណូលដែលមានប្រភពពីបរទេស
- សិទ្ធិរស់នៅ ធ្វើការ និងធ្វើអាជីវកម្មក្នុងប្រទេស
- សញ្ជាតិពេញមួយជីវិត ដែលអាចផ្ទេរទៅឱ្យសមាជិកគ្រួសារជំនាន់ក្រោយរបស់ពួកគេ ។
ការផ្លាស់ប្តូរ និងការធ្វើបច្ចុប្បន្នភាពចុងក្រោយ ចំពោះកម្មវិធីសញ្ជាតិ (CBI) នៅតំបន់ការាបៀនក្នុងឆ្នាំ 2025
នៅពេលដែលកម្មវិធីសញ្ជាតិទទួលបានប្រជាប្រិយភាពកាន់តែខ្លាំងឡើង រដ្ឋាភិបាលនៃប្រទេសនៅតំបន់ការាបៀនដែលផ្តល់កម្មវិធីសញ្ជាតិតាមរយៈការវិនិយោគ (CBI) បានចាត់វិធានការយ៉ាងសកម្មដើម្បីពង្រឹងដំណើរការរបស់ពួកគេ និងកេរ្តិ៍ឈ្មោះជាសកល។
ការធ្វើបច្ចុប្បន្នភាពចុងក្រោយសំខាន់ៗជាច្រើនត្រូវបានណែនាំនៅឆ្នាំ 2025 ដូចជាការត្រួតពិនិត្យដំណើរការដាក់ពាក្យតឹងរឹងជាងមុន ការណែនាំអំពីការវិនិយោគច្បាស់លាស់ និងតម្លាភាពនៃគ្រប់ដំណាក់កាលនៃកម្មវិធី។ ការផ្លាស់ប្តូរទាំងនេះត្រូវបានរចនាឡើងដើម្បីការពារវិនិយោគិន និងសក្ខានុពលនៃកម្មវិធីសញ្ជាតិ (CBI) នៅតំបន់ការាបៀនជាមួយនឹងការផែនការន្តរជាតិ។
ការយល់ដឹងអំពីព័ត៌មានរបស់កម្មវិធីដោយផ្អែកលើលក្ខខណ្ឌបទបញ្ញត្តិចុងក្រោយថ្មីៗ នឹងកាត់បន្ថយការពន្យារពេល និងកាត់បន្ថយហានិភ័យនៃផលវិបាក។
ពេលវេលាដំណើរការ៖ តើអ្នកអាចទទួលបានសញ្ជាតិការាបៀនលឿនប៉ុណ្ណា?
អត្ថប្រយោជន៍សំខាន់មួយនៃសញ្ជាតិរបស់ប្រទេសនៅតំបន់ការាបៀនតាមរយៈការវិនិយោគគឺពេលវេលាដំណើរការលឿន។ ទោះជាយ៉ាងណាក៏ដោយ រយៈពេលជាក់ស្ដែងពិតប្រាកដអាចប្រែប្រួលអាស្រ័យលើករណីដែលត្រូវបានចាត់ចែងដោយ ដោយអង្គភាពវិនិយោគ (Citizenship by Investment Unit) នៅពេលដាក់ពាក្យ។
កាលវិភាគកម្មវិធីធម្មតារួមមាន:
- ការពិគ្រោះយោបល់ដំបូង និងការប្រមូលឯកសារ
- ការដាក់ពាក្យស្នើសុំសញ្ជាតិការាបៀនរបស់អ្នក។
- ការត្រួតពិនិត្យពីរដ្ឋាភិបាល និងការអនុម័ត
- ការវិនិយោគ និងការចេញឯកសារសញ្ជាតិ
តាមរយៈគ្រប់ជំហាននៃដំណើរការត្រូវការអ្នកជំនាញដែលមានបទពិសោធន៍ និងប្រាកដថាពាក្យស្នើនីមួយៗមានរបៀបរាបរយ និងអាចដំណើរការទៅមុខដោយរលូន។
ការប្រៀបធៀបកម្មវិធីសញ្ជាតិតាមរយៈការវិនិយោគ (CBI) ទាំង 5 របស់បណ្ដាប្រទេសនៅតំបន់ការាបៀន ក្នុង 2025
ជាមួយនឹងជម្រើសល្អជាច្រើន ការជ្រើសរើសកម្មវិធីសញ្ជាតិតាមរយៈការវិនិយោគ (CBI) គឺផ្តោតសំខាន់ចំពោះគោលដៅរបស់អ្នក ប្រទេសនីមួយៗផ្តល់នូវអត្ថប្រយោជន៍ពិសេស ជម្រើសវិនិយោគ និងពេលវេលាកំណត់ ហើយការយល់ដឹងពីភាពខុសគ្នាអាចជួយអ្នកធ្វើការសម្រេចចិត្តប្រកបដោយការយល់ដឹងកាន់តែច្រើន។
នៅផ្នែកខាងក្រោមនៃអត្ថបទនេះ យើងនិងយល់ដឹងកាន់អំពីកម្មវិធីសញ្ជាតិនៅតំបន់ការាបៀនដ៏ពេញនិយមបំផុតចំនួនប្រាំ៖ St. Kitts & Nevis, Dominica, Grenada, Antigua & Barbuda, និង St. Lucia។ កម្មវិធីទាំងនេះជាប់ចំណាត់ថ្នាក់ក្នុងចំណោមជម្រើសកំពូលសម្រាប់បុគ្គលដែលមានទ្រព្យសម្បត្តិហើយកំពុងស្វែងរកកម្មវិធីសញ្ជាតិតាមរយៈការវិនិយោគ (CBI) ។
កម្មវិធីសញ្ជាតិតាមរយៈការវិនិយោគរបស់ប្រទេស St. Kitts និង Nevis
កម្មវិធីនេះបានបើកដំណើរការនៅឆ្នាំ 1984 ដោយផ្តល់ជូននូវកម្មវិធីសញ្ជាតិតាមរយៈការវិនិយោគ Citizenship by Investment ដំបូងបង្អស់របស់ពិភពលោក។ ជាមួយនឹងបទពិសោធន៍ជាច្រើនទស្សវត្ស និងកេរ្តិ៍ឈ្មោះអន្តរជាតិដ៏រឹងមាំ វានៅតែជាជម្រើសមួយក្នុងចំណោមជម្រើសដែលគួរឱ្យទុកចិត្តបំផុត និងត្រូវបានគេឱ្យតម្លៃនៅតំបន់ការាបៀន។
កម្មវិធីនេះផ្តល់នូវការធ្វើដំណើរដោយគ្មានទិដ្ឋាការ ឬទិដ្ឋាការពេលមកដល់ទៅជាង 140 ប្រទេស ហើយគ្មានការយកពន្ធលើប្រាក់ចំណូលផ្ទាល់ខ្លួន និងអាចរួមបញ្ចូលសមាជិកគ្រួសារនៅក្នុងកម្មវិធីពាក្យស្នើតែមួយ។
វិនិយោគិនអាចជ្រើសរើសរវាងជម្រើសវិនិយោគខាងក្រោម៖
Sustainable Island State Contribution (SISC)
SISC គឺជាជម្រើសវិនិយោគដែលត្រូវបានណែនាំក្នុងនាមជាផ្នែកមួយនៃគម្រោងអភិវឌ្ឍន៍ប្រកបដោយនិរន្តរភាពរបស់ ប្រទេស St. Kitts និង Nevis។ នៅក្រោមជម្រើសនេះ វិនិយោគិនអាចធ្វើការបរិច្ចាគដែលមិនអាចដកវិញបានចំនួន USD 250,000 (សម្រាប់គ្រួសារដែលមានសមាជិករហូតដល់ 4 នាក់) ដោយផ្ទាល់ទៅរដ្ឋាភិបាល។
មូលនិធិនេះត្រូវបានប្រើប្រាស់ដើម្បីគាំទ្រគំនិតផ្តួចផ្តើមរបស់រដ្ឋាភិបាលក្នុងផ្នែក ថាមពលកកើតឡើងវិញ សន្តិសុខស្បៀង ការអប់រំ និងការថែទាំសុខភាព។
SISC គឺជាជម្រើសដ៏ពេញនិយមមួយ ដោយសារភាពសាមញ្ញ និងល្បឿនរបស់វា ដោយដំណើរការកម្មវិធីក្នុងរយៈពេលពី 3 ទៅ 6 ខែ។
Public Benefits Option (PBO)
ជម្រើសអត្ថប្រយោជន៍សាធារណៈ (PBO) អនុញ្ញាតឱ្យអ្នកវិនិយោគបរិច្ចាគ USD 250,000 ដល់គម្រោងសាធារណៈដែលអនុម័តដោយរដ្ឋាភិបាល ដែលជំរុញកំណើនសេដ្ឋកិច្ចសម្រាប់ប្រទេស St. Kitts និង Nevis ។
ខុសពីជម្រើស SISC ជម្រើសនេះគាំទ្រការអភិវឌ្ឍន៍ និងការវិនិយោគលើហេដ្ឋារចនាសម្ព័ន្ធ ឬគំនិតផ្តួចផ្តើមតាមសហគមន៍ដូចជា៖
- ការអភិវឌ្ឍន៍ឧស្សាហកម្ម
- ការសាងសង់អចលនទ្រព្យលើដីរដ្ឋ
- ការអភិវឌ្ឍន៍អចលនទ្រព្យផ្ទេរទៅជាកម្មសិទ្ធិរបស់រដ្ឋ
- គម្រោងដែលមានផលប៉ះពាល់ក្នុងមូលដ្ឋានយ៉ាងច្រើនដូចជាការបង្កើតការងារ និងជំនាញ
Approved Private Real Estate Investment
ជម្រើសវិនិយោគលើអចលនទ្រព្យឯកជនដែលបានអនុម័តអនុញ្ញាតឱ្យអ្នកដាក់ពាក្យវិនិយោគលើអចលនទ្រព្យលំនៅដ្ឋានដែលបានកំណត់។ វិនិយោគិនអាចជ្រើសរើសរវាងពីរប្រភេទ៖
- យូនីតខុនដូ ឬភាគហ៊ុននៅក្នុងការអភិវឌ្ឍន៍អចលនទ្រព្យដែលត្រូវបានអនុម័តដោយការវិនិយោគអប្បបរមាចំនួន USD 325,000
- ផ្ទះឯកជនសម្រាប់គ្រួសារតែមួយ ត្រូវបានកំណត់ថាជាអចលនទ្រព្យឯកជនដែលត្រូវបានអនុម័ត ជាមួយនឹងការវិនិយោគអប្បបរមា USD 600,000
ដើម្បីរក្សាសិទ្ធិក្រោមកម្មវិធីសញ្ជាតិតាមរយៈការវិនិយោគ Citizenship by Investment អចលនទ្រព្យត្រូវរក្សាទុកយ៉ាងតិច 7 ឆ្នាំ។ ប្រសិនបើការវិនិយោគលើអចលនទ្រព្យត្រូវបានលក់មុនការបញ្ចប់នៃរយៈពេលកាន់កាប់ 7 ឆ្នាំនេះ ការវិនិយោគដំបូងនឹងមិនមានលក្ខណៈគ្រប់គ្រាន់សម្រាប់កម្មវិធី CBI នាពេលអនាគតទេ លុះត្រាតែគណៈរដ្ឋមន្ត្រីសហព័ន្ធទទួលយកការវិនិយោគបន្ថែមផ្សេងទៀតដែលបានធ្វើឡើង មិនថាតាមរយៈការសាងសង់ថ្មី ការជួសជុល ឬការកែលម្អដែលត្រូវបានអនុម័តផ្សេងទៀត។
Approve Real Estate Development Share
ជម្រើសវិនិយោគនេះអនុញ្ញាតឱ្យអ្នកវិនិយោគទិញភាគហ៊ុននៅក្នុងការអភិវឌ្ឍន៍អចលនទ្រព្យដែលអនុម័តដោយរដ្ឋាភិបាលជាមួយនឹងការវិនិយោគអប្បបរមាចំនួន USD 325,000 ។ វាផ្តល់ភាពជាម្ចាស់សហកម្មសិទ្ធិនៅក្នុងរមណីយដ្ឋានប្រណីត អចលនទ្រព្យដែលមិនប៉ះពាល់ដល់បរិស្ថាន ឬសហគមន៍ឆ្នេរ។
ឧទាហរណ៍នៃការអភិវឌ្ឍន៍ដែលត្រូវបានអនុម័តសម្រាប់ CBI រួមមាន:
- Beach & Golf Residence Ltd
- Belmont Garden
- Brimstone Village
- Four Seasons Nevis Resort Estates
កម្មវិធីសញ្ជាតិរបស់ប្រទេសដូមីនីកាតាមរយៈការវិនិយោគ (Dominica CBI)
បានបើកដំណើរការក្នុងឆ្នាំ 1993 កម្មវិធីសញ្ជាតិរបស់ប្រទេសដូមីនីកា Dominica’s Citizenship by Investment (CBI) ត្រូវបានទទួលស្គាល់ថាជាកម្មវិធី CBI ល្អបំផុតទីពីររបស់តំបន់ការាបៀន យោងតាម 2024 Index CBI។ កម្មវិធីសញ្ជាតិរបស់ប្រទេសដូមីនីកា Dominica CBI បានក្លាយជាជម្រើសដ៏ពេញនិយមសម្រាប់អ្នកវិនិយោគដែលកំពុងស្វែងរកសញ្ជាតិទីពីរ កម្មវិធីនេះក៏មានអត្រាបដិសេធទាបបំផុតត្រឹមតែ 1% ប៉ុណ្ណោះ។
ប្រទេសដូមីនីកា ផ្តល់ជម្រើសវិនិយោគពីរសម្រាប់វិនិយោគិន ការរួមចំណែកដល់មូលនិធិពិពិធកម្មសេដ្ឋកិច្ច (EDF) ឬការទិញអចលនទ្រព្យដែលបានអនុម័ត។
Economic Diversification Fund (EDF)
មូលនិធិពិពិធកម្មសេដ្ឋកិច្ច (EDF) ត្រូវបានបង្កើតឡើងដើម្បីគាំទ្រដល់គោលដៅអភិវឌ្ឍន៍ដែលកំពុងដំណើរការរបស់ប្រទេសដូមីនីកា ជាមួយនឹងប្រាក់ចំណូលសម្រាប់វិស័យសំខាន់ៗដូចជា ការអប់រំ ការថែទាំសុខភាព ទេសចរណ៍ និងហេដ្ឋារចនាសម្ព័ន្ធ។
ដើម្បីមានលក្ខណៈគ្រប់គ្រាន់សម្រាប់ទទួលបានសញ្ជាតិនេះ វិនិយោគិនត្រូវថ្លៃសេវាកម្មដែលមិនអាចដកវិញបានដូចជា៖
- USD 200,000 សម្រាប់អ្នកដាក់ពាក្យម្នាក់
- USD 250,000 សម្រាប់គ្រួសារដែលមានសមាជិក 4 នាក់
សម្រាប់គ្រួសារធំ ត្រូវចំណាយបន្ថែមមានដូចជា៖
- USD 25,000 សម្រាប់សមាជិកបន្ថែមម្នាក់អាយុក្រោម 18 ឆ្នាំ។
- USD 40,000 សម្រាប់សមាជិកបន្ថែមម្នាក់ដែលមានអាយុចាប់ពី 18 ឆ្នាំឡើងទៅ
à ជម្រើសវិនិយោគអចលនទ្រព្យ
ផ្លូវអចលនទ្រព្យទាមទារការវិនិយោគអប្បបរមា USD 200,000 ក្នុងគម្រោងអភិវឌ្ឍន៍ដែលអនុម័តដោយរដ្ឋាភិបាល។ ទាំងនេះអាចរួមបញ្ចូល Eco-Resort, Boutique Hotel or Luxury Villas។
វិនិយោគិនត្រូវតែរក្សាភាពជាម្ចាស់យ៉ាងហោចណាស់ 3 ឆ្នាំ ឬ 5 ឆ្នាំ ប្រសិនបើអចលនទ្រព្យត្រូវបានលក់បន្តទៅអ្នកដាក់ពាក្យកម្មវិធីសញ្ជាតិ CBI ផ្សេងទៀត។
បន្ថែមពីលើការវិនិយោគ អ្នកដាក់ពាក្យត្រូវចំណាយសម្រាប់ថ្លៃសេវារដ្ឋាភិបាលដូចខាងក្រោម:
- USD 75,000 សម្រាប់អ្នកដាក់ពាក្យម្នាក់
- USD 100,000 សម្រាប់អ្នកដាក់ពាក្យចម្បងដែលមានសមាជិកក្នុងបន្ទុករហូតដល់ 3 នាក់។
- USD 25,000 សម្រាប់សមាជិកបន្ថែមម្នាក់អាយុក្រោម 18 ឆ្នាំ។
- USD 40,000 សម្រាប់សមាជិកបន្ថែមម្នាក់ដែលមានអាយុលើស 18 ឆ្នាំ។
ការចំណាយពាក់ព័ន្ធផ្សេងទៀតដែលអ្នកដាក់ពាក្យគួរតែដឹងរួមមាន:
- ថ្លៃដំណើរការ៖ USD 1០០០
- ថ្លៃសេវាត្រួតពិនិត្យ៖ USD 7,500 សម្រាប់អ្នកដាក់ពាក្យចម្បង
- តម្លៃសម្ភាសន៍៖ USD 1០០០
សញ្ជាតិហ្គ្រីណាដាតាមរយៈការវិនិយោគ (Grenada CBI)
កម្មវិធីសញ្ជាតិរបស់ប្រទេសហ្គ្រីណាដា Grenada’s Citizenship by Investment (CBI) ដែលបានណែនាំនៅក្នុងឆ្នាំ 2013 គឺជាប្រទេសនៅតំបន់ការាបៀន តែមួយគត់ដែលមានសន្ធិសញ្ញាទ្វេភាគីដែលអនុញ្ញាតឱ្យពលរដ្ឋរបស់ខ្លួនដាក់ពាក្យសុំទិដ្ឋាការវិនិយោគ US E-2 ។ US E-2 Investor Visa បានធ្វើឱ្យកម្មវិធី Grenada’s Citizenship by Investment (CBI) ជាជម្រើសពិសេស សម្រាប់អ្នកវិនិយោគដែលមានតម្រូវការធ្វើដំណើរជុំវិញពិភពលោក និងគោលដៅអាជីវកម្មជាសកលរយៈពេលវែង។
អ្នកវិនិយោគអាចទទួលបានសញ្ជាតិតាមរយៈការវិនិយោគមួយក្នុងចំណោមជម្រើសវិនិយោគពីរដែលត្រូវបានអនុម័ត៖ ការរួមចំណែកដល់មូលនិធិផ្លាស់ប្តូរជាតិ (NTF) ឬការវិនិយោគលើអចលនទ្រព្យដែលអនុម័តដោយរដ្ឋាភិបាល។
National Transformation Fund (NTF)
NTF គឺជាការរួមចំណែកដែលមិនអាចដកវិញបានដើម្បីគាំទ្រដល់ការអភិវឌ្ឍន៍សេដ្ឋកិច្ចរបស់ហ្គ្រីណាដា មានដូចជាវិស័យទេសចរណ៍ កសិកម្ម និងថាមពលជំនួស។
ដើម្បីមានលក្ខណៈគ្រប់គ្រាន់តាមរយៈជម្រើស NTF ការរួមចំណែកអប្បបរមាដែលត្រូវការមានដូចខាងក្រោម៖
- USD 235,000 សម្រាប់អ្នកដាក់ពាក្យតែម្នាក់ ឬគ្រួសារដែលមានសមាជិករហូតដល់ 4 នាក់។
- USD 25,000 សម្រាប់សមាជិកបន្ថែមនីមួយៗលើសពី 4 នាក់ ដោយមិនរាប់បញ្ចូលដូចខាងក្រោម;
- USD 50,000 សម្រាប់ឪពុកម្តាយ/ជីដូនជីតាម្នាក់ៗដែលមានអាយុក្រោម 55 ឆ្នាំ។
- USD 75,000 សម្រាប់បងប្អូនម្នាក់ៗ
ជម្រើសវិនិយោគអចលនទ្រព្យ
ជម្រើសអចលនទ្រព្យអនុញ្ញាតឱ្យអ្នកវិនិយោគទិញ Units ក្នុងវិស័យទេសចរណ៍ និងការអភិវឌ្ឍន៍លំនៅដ្ឋានដែលអនុម័តដោយរដ្ឋាភិបាល។ គម្រោងអចលនទ្រព្យដែលត្រូវបានអនុម័ត ហើយមានសិទ្ធិសម្រាប់ការវិនិយោគរួមមាន Branded Resort, Boutique Residence និង Eco-Luxury Development។
ការវិនិយោគអប្បបរមាដែលត្រូវការគឺ USD 270,000។ ប្រសិនបើអចលនទ្រព្យត្រូវបានលក់បន្តក្នុងនាមជាការវិនិយោគដែលមានលក្ខណៈសម្បត្តិគ្រប់គ្រាន់ទៅឱ្យអ្នកដាក់ពាក្យកម្មវិធីសញ្ជាតិតាមរយៈការវិនិយោគ (CBI) ផ្សេងទៀត គេត្រូវតែរក្សាទុកយ៉ាងហោចណាស់ 5 ឆ្នាំ។ បើមិនដូច្នោះទេ គេអាចលក់វានៅពេលណាមួយបន្ទាប់ពីការទិញ។
បន្ថែមពីលើការទិញអចលនទ្រព្យ អ្នកវិនិយោគត្រូវបង់ថ្លៃរដ្ឋាភិបាលចំនួន USD 50,000 ជាមួយនឹងថ្លៃសេវាបន្ថែមសម្រាប់សមាជិកក្នុងបន្ទុក។
តើទិដ្ឋាការ E2 របស់សហរដ្ឋអាមេរិកគឺជាអ្វី
ទិដ្ឋាការវិនិយោគ E-2 របស់សហរដ្ឋអាមេរិកផ្តល់ឱកាសពិសេសមួយសម្រាប់ជនបរទេសក្នុងការរស់នៅ និងធ្វើការនៅសហរដ្ឋអាមេរិកតាមរយៈការវិនិយោគលើអាជីវកម្មនៅអាមេរិកដែលមានលក្ខណៈសម្បត្តិគ្រប់គ្រាន់។ មិនដូចកម្មវិធីទិដ្ឋាការអន្តោប្រវេសន៍ដូចជា EB-5 ទេ E-2 គឺជាទិដ្ឋាការមិនមែនអន្តោប្រវេសន៍ ប៉ុន្តែផ្តល់ភាពបត់បែន ដំណើរការលឿន និងអាចបន្តសពុលភាពជាថ្មីបានដរាបណាអាជីវកម្មនៅតែដំណើរការ។
ទិដ្ឋាការនេះគឺជាជម្រើសដ៏ពេញនិយមមួយសម្រាប់ជនជាតិនៃប្រទេសដែលមានសន្ធិសញ្ញា E-2 សកម្មជាមួយសហរដ្ឋអាមេរិក ដូចជាប្រទេសហ្គ្រីណាដា (Grenada) ដែលនេះជាមូលហេតុដែលវាជាជម្រើសដំបូងសម្រាប់អ្នកដាក់ពាក្យសុំសញ្ជាតិតាមរយៈការវិនិយោគ (CBI) នៅតំបន់ការាបៀន។
អ្នកកាន់ទិដ្ឋាការ E-2 មានសិទ្ធិទទួលបានអត្ថប្រយោជន៍ដូចខាងក្រោម៖
រស់នៅ និងធ្វើការនៅសហរដ្ឋអាមេរិក ខណៈពេលដែលគ្រប់គ្រងការវិនិយោគរបស់អ្នក
- ដំណើរការលឿន ត្រឹមរយៈពេល 3 ខែ
- មានរយៈពេលវែងហើយអាចបន្តសពុលភាពបាន (ផ្តល់រហូតដល់ 5 ឆ្នាំអាស្រ័យលើលក្ខខណ្ឌនៃសន្ធិសញ្ញា)
- អនុញ្ញាតការងារជូន ប្តី/ប្រពន្ធ និងការទទួលបានការអប់រំនៅសហរដ្ឋអាមេរិកសម្រាប់កូនៗ
- មិនកំណត់ការវិនិយោគអប្បបរមា ដោយផ្តល់នូវភាពបត់បែនដោយផ្អែកលើគំរូអាជីវកម្ម
ដើម្បីមានសិទ្ធិទទួលបានទិដ្ឋាការ E-2 អ្នកដាក់ពាក្យត្រូវតែបំពេញតាមលក្ខខណ្ឌដូចខាងក្រោមៈ
- មានសញ្ជាតិនៃប្រទេសដែលមានសន្ធិសញ្ញាដូចជាប្រទេសហ្គ្រីណាដា
- ធ្វើការវិនិយោគដែលមានសក្ខានុពលនៅក្នុងអាជីវកម្មដែលមានមូលដ្ឋាននៅសហរដ្ឋអាមេរិក។ ខណៈពេលដែលមិនមានអប្បបរមាជាផ្លូវការ អ្នកដាក់ពាក្យ ជោគជ័យភាគច្រើនវិនិយោគចន្លោះពី USD 250,000 ទៅ USD 300,000។
- វិនិយោគិនអាចចាប់ផ្តើមអាជីវកម្មថ្មី ឬទិញអាជីវកម្មដែលមានស្រាប់។
- កាន់កាប់យ៉ាងហោចណាស់ 50% នៃអាជីវកម្ម និងដើរតួសកម្មក្នុងការគ្រប់គ្រងរបស់ខ្លួន។
- បង្ហាញថាអាជីវកម្មដែលមានខ្នាតធំ មានន័យថាវាត្រូវតែបង្កើតប្រាក់ចំណូលបានសមរម្យ និងបង្ហាញពីសមត្ថភាពដើម្បីគាំទ្រអ្នកវិនិយោគ និងគ្រួសាររបស់ពួកគេ។
- បង្ហាញប្រភពនៃមូលនិធិស្របច្បាប់ និងឆ្លងកាត់តម្រូវឱ្យមានការត្រួតពិនិត្យ និងការត្រួតពិនិត្យផ្ទៃប្រវត្តរូប
តម្រូវការកម្មវិធីសញ្ជាតិរបស់ប្រទេសអាន់ទីហ្គ័រ និង បាប៊ូដា Antigua & Barbuda
កម្មវិធីសញ្ជាតិរបស់ប្រទេសអាន់ទីហ្គ័រ និង បាប៊ូដា Antigua & Barbuda’s Citizenship by Investment (CBI) បានក្លាយជាជម្រើសដ៏ល្អសម្រាប់អ្នកវិនិយោគនិងក្រុមគ្រួសារដែលស្វែងរកសញ្ជាតិទីពីរនៅតំបន់ការានបៀន។ កម្មវិធីនេះក៏ត្រូវបានគេស្គាល់តាមរយៈរចនាសម្ព័នដែលងាយស្រួលសម្រាប់គ្រួសារ និងដំណើរការកម្មវិធីមិនមានភាពស្មុគស្មាញ កម្មវិធីនេះផ្តល់ជូននូវជម្រើសដែលមានតម្លៃសមរម្យបំផុតសម្រាប់សញ្ជាតិ។
ប្រទេសអាន់ទីហ្គ័រ និង បាប៊ូដា អនុញ្ញាតឱ្យអ្នកដាក់ពាក្យរួមបញ្ចូលសមាជិកកក្នុងបន្ទុកជាច្រើននៅក្រោមកម្មវិធីពាក្យស្នើតែមួយ រួមទាំងប្តីប្រពន្ធ កូន ឪពុកម្តាយ ជីដូនជីតា និងបងប្អូនបង្កើតដែលមិនទាន់រៀបការ។
វិនិយោគិនអាចជ្រើសរើសពីជម្រើសវិនិយោគខាងក្រោម៖
មូលនិធិអភិវឌ្ឍន៍ជាតិ (NDF) វិភាគទាន
NDF គឺជាការរួមចំណែកដែលមិនអាចដកវិញបានចំពោះមូលនិធិរដ្ឋាភិបាលដែលគាំទ្រភាពជាដៃគូសាធារណៈ និងឯកជន និងការផ្តួចផ្តើមអភិវឌ្ឍន៍ជាតិនៅប្រទេសអាន់ទីហ្គ័រ និង បាប៊ូដា ។
ដើម្បីមានលក្ខណៈគ្រប់គ្រាន់នៅក្រោមជម្រើសនេះ គេត្រូវរួមចំណែកដែលមិនអាចដកវិញបានចំនួន USD 230,000។ ចំនួនទឹកប្រាក់នៃការបរិច្ចាគនេះនៅតែថេរ ដោយមិនគិតពីចំនួនអ្នកដាក់ពាក្យដែលបានរួមបញ្ចូលនៅក្នុងពាក្យសុំ។ បន្ថែមពីលើការវិនិយោគ ថ្លៃដំណើរការរបស់រដ្ឋាភិបាលមានខ្លះៗដូចខាងក្រោ៖
- USD 10,000 សម្រាប់អ្នកដាក់ពាក្យម្នាក់
- USD 20,000 សម្រាប់គ្រួសារដែលមានសមាជិកដល់ 4 នាក់។
- សម្រាប់គ្រួសារដែលមានសមាជិកលើសពី 4 នាក់ ថ្លៃសេវា USD 20,000 ត្រូវបូកបន្ថែម USD 10,000 ទៀតត្រូវចំណាយ សម្រាប់អ្នកសមាជិកដាក់ពាក្យទីប្រាំ។
អ្នកដាក់ពាក្យចាប់ផ្តើមដំណើរការដោយបង់ថ្លៃសេវាដំណើរការត្រួតពិនិត្យ និងថ្លៃដំណើរការរបស់រដ្ឋាភិបាល។ នៅពេលដែលពាក្យសុំរបស់ពួកគេត្រូវបានអនុម័ត ថ្លៃសេវាដែលនៅសល់ និងការរួមចំណែកត្រូវបានបង់មុនពេលចេញលិខិតបញ្ជាក់សញ្ជាតិ និងលិខិតឆ្លងដែន។
នេះគឺជាជម្រើសដ៏ពេញនិយមមួយដោយសារតែតម្លៃសមរម្យ និងភាពសាមញ្ញរបស់វា។
ជម្រើសវិនិយោគអចលនទ្រព្យ
នៅក្រោមជម្រើសនេះ អ្នកដាក់ពាក្យត្រូវតែវិនិយោគលើអចលនទ្រព្យដែលអនុម័តដោយរដ្ឋាភិបាលជាមួយនឹងតម្លៃអប្បបរមា USD 300,000។ អចលនទ្រព្យត្រូវតែរក្សាទុកយ៉ាងហោចណាស់ 5 ឆ្នាំ ឬជំនួសដោយអចលនទ្រព្យផ្សេងទៀតដែលត្រូវបានអនុម័ត ប្រសិនបើលក់មុនពេលកំណត់។
គម្រោងដែលមានសិទ្ធិរួមមាន Luxury Resort, Branded Resort និង Boutique Development។ ជម្រើសនេះគឺល្អសម្រាប់អ្នកដែលស្វែងរកទ្រព្យសម្បត្តិកាន់កាប់ផ្ទាល់ ជាមួយនឹងសញ្ជាតិទីពីរ។
អ្នកដាក់ពាក្យត្រូវតែបង់ថ្លៃសេវាការត្រួតពិនិត្យតាមស្តង់ដារ និងថ្លៃដំណើរការរបស់រដ្ឋាភិបាល។ ការវិនិយោគអាចធ្វើឡើងជាលក្ខណៈបុគ្គល ឬតាមរយៈរចនាសម្ព័ន្ធសហកម្មសិទ្ធិដែលត្រូវបានអនុម័តដោយ CIU ។
ជម្រើសមូលនិធិរបស់សាកលវិទ្យាល័យ West Indies (UWI)
រចនាឡើងសម្រាប់គ្រួសារដែលមានសមាជិក 6 នាក់ ឬច្រើនជាងនេះ ជម្រើសនេះអនុញ្ញាតឱ្យអ្នកដាក់ពាក្យធ្វើការបរិច្ចាគដែលមិនអាចដកវិញបានចំនួន USD 260,000 ដល់មូលនិធិ UWI ។ វារួមបញ្ចូលទាំងការសិក្សារយៈពេលមួយឆ្នាំដោយមិនគិតថ្លៃសិក្សាសម្រាប់សមាជិកគ្រួសារម្នាក់នៅសាកលវិទ្យាល័យ West Indies ផងដែរ ។
ថ្លៃសេវាដំណើរការរបស់រដ្ឋាភិបាលត្រូវបានលើកលែងនៅក្រោមជម្រើសនេះ ដែលធ្វើឱ្យវាក្លាយជាជម្រើសដ៏គួរឱ្យទាក់ទាញសម្រាប់គ្រួសារធំ។
ជម្រើសវិនិយោគអាជីវកម្ម
ជម្រើសនេះអនុញ្ញាតឱ្យអ្នកដាក់ទុនវិនិយោគក្នុងអាជីវកម្មដែលបានអនុម័តនៅប្រទេសអាន់ទីហ្គ័រ និង បាប៊ូដា ។ ការវិនិយោគដែលត្រូវការគឺ៖
- USD 1,500,000 ក្នុងនាមជាអ្នកវិនិយោគតែម្នាក់
- USD 400,000 សម្រាប់ម្នាក់ក្នុងការវិនិយោគរួមគ្នាសរុបយ៉ាងហោចណាស់ USD 5,000,000
អង្គភាពវិនិយោគ (CIU) ពិនិត្យ និងអនុម័តសំណើអាជីវកម្មដែលមានលក្ខណៈសម្បត្តិគ្រប់គ្រាន់ក្នុងវិស័យដូចជា ទេសចរណ៍ កសិកម្ម និងបច្ចេកវិទ្យាព័ត៌មាន។ នៅពេលត្រូវបានអនុម័ត អ្នកដាក់ពាក្យសុំបន្តការពិនិត្យដោយយកចិត្តទុកដាក់ និងដាក់ស្នើមូលនិធិមុនពេលទទួលបានសញ្ជាតិ។
ជម្រើសនេះគឺស័ក្តិសមបំផុតសម្រាប់អ្នកដាក់ពាក្យដែលមានចំណាប់អារម្មណ៍អាជីវកម្មក្នុងតំបន់ ឬអ្នកដែលចង់បង្កើតជើងហោះហើរពាណិជ្ជកម្មនៅការ៉ាប៊ីន។
កម្មវិធីសញ្ជាតិរបស់ប្រទេស St. Lucia តាមរយៈការវិនិយោគ
កម្មវិធីសញ្ជាតិរបស់ប្រទេស St. Lucia’s Citizenship by Investment (CBI) បានក្លាយជាជម្រើសដ៏ពេញនិយមសម្រាប់បុគ្គល និងក្រុមគ្រួសារដែលកំពុងស្វែងរកភាពបត់បែនទូលំទូលាយ ភាពចល័តជាសកល និងសញ្ជាតិទីពីរដែលមានសុវត្ថិភាព។ ជាមួយនឹងដំណើរការដាក់ពាក្យងាយស្រួល ជម្រើសវិនិយោគដែលមានសក្ខានុពល និងមិនមានតម្រូវការស្នាក់នៅផ្ទាល់។
កម្មវិធីសញ្ជាតិប្រទេស St. Lucia (CBI) មានជម្រើសវិនិយោគសំខាន់ៗចំនួន 4 រួមមានដូចខាងក្រោម៖
មូលនិធិសេដ្ឋកិច្ចជាតិ (NEF) វិភាគទាន
ដើម្បីអនុវត្តក្រោមជម្រើសនេះ គេត្រូវការរួមចំណែកដែលមិនអាចដកវិញបានចំនួន USD 240,000 ត្រូវតែធ្វើឡើងទៅកាន់មូលនិធិសេដ្ឋកិច្ចជាតិ (NEF)។ ចំនួនទឹកប្រាក់នេះរាប់បញ្ចូលទាំងអ្នកដាក់ពាក្យសុំ ឬគ្រួសារដែលមានសមាជិករហូតដល់ 4 នាក់ (អ្នកដាក់ពាក្យចម្បង និងរាប់បញ្ចូល 3 នាក់ក្នុងបន្ទុក)។ ការវិនិយោគបន្ថែមនឹងត្រូវបានទាមទារ ប្រសិនបើរួមបញ្ចូលសមាជិកក្នុងបន្ទុកដែលមានលក្ខណៈសម្បត្តិគ្រប់គ្រាន់បន្ថែម៖
- USD 10,000 សម្រាប់សមាជិកបន្ថែមនីមួយៗ ដែលមានអាយុក្រោម 18 ឆ្នាំ។
- USD 20,000 សម្រាប់សមាជិកបន្ថែមនីមួយៗ អាស្រ័យលើអាយុ 18 ឆ្នាំ។
ថវិកាដែលទទួលបានត្រូវបាននិងប្រើប្រាស់ដើម្បីគាំទ្រដល់ការអភិវឌ្ឍន៍ជាតិក្នុងវិស័យដូចជា ការអប់រំ ការថែទាំសុខភាព និងហេដ្ឋារចនាសម្ព័ន្ធជាដើម។
ការរួមចំណែកដល់ NEF គឺជាជម្រើសងាយស្រួល និងពេញនិយម ដោយមិនមានតម្រូវការស្នាក់នៅ និងរយៈពេលដំណើរការប្រហែលត្រឹមតែ 10-12 ខែ។
National Action Bond Option (NAB)
ក្នុងចំណោមគម្រោង CBI របស់ការាបៀន, ប្រទេស St. Lucia ផ្តល់ជូនកម្មវិធី មូលបត្របំណុលរបស់រដ្ឋាភិបាល (Bond) ដែលទាមទារការវិនិយោគអប្បបរមាចំនួន USD 300,000 ក៏ដូចជាថ្លៃរដ្ឋបាលដែលមិនអាចដកវិញបានចំនួន USD 50,000។
មូលបត្របំណុលទាំងនេះអាចដកវិញបានបន្ទាប់ពីរយៈពេល 5 ឆ្នាំ ដែលធ្វើឱ្យវាក្លាយជាជម្រើសនៃការវិនិយោគបែប Semi-Liquid ដែលផ្តល់សញ្ជាតិសម្រាប់អ្នកដាក់ពាក្យ។ លើសពីនេះ ខុសពីជម្រើសនៃមូលនិធិសេដ្ឋកិច្ចជាតិទេ ការវិនិយោគលើប័ណ្ណបំណុលរបស់រដ្ឋាភិបាលមិនតម្រូវឱ្យមានការបង់ថ្លៃបន្ថែមក្នុងម្នាក់ៗ ដែលធ្វើឱ្យវាក្លាយជាជម្រើសដ៏មានប្រសិទ្ធភាពសម្រាប់គ្រួសារធំដែលស្វែងរកសញ្ជាតិ។
ការវិនិយោគនៅតំបន់ការាបៀន
ការសម្រេចចិត្តដ៏សំខាន់បំផុតមួយនៅពេលដាក់ពាក្យសុំសញ្ជាតិការាបៀនតាមរយៈការវិនិយោគគឺការជ្រើសរើសជម្រើសប្រភេទវិនិយោគដែលសាកសមបំផុត។ មិនថាអ្នកកំពុងស្វែងរកអចលនទ្រព្យចម្រុះ ឬគ្រាន់តែសញ្ជាតិទីពីរ តាមដែលអាចធ្វើបានតាមរយៈការបរិច្ចាគជូនរដ្ឋាភិបាល ជម្រើសនីមួយៗមានអត្ថប្រយោជន៍ កាតព្វកិច្ច និងគុណតម្លៃរយៈពេលវែងរៀងៗខ្លួន។
ការយល់ដឹងអំពីគុណសម្បត្តិ និងគុណវិបត្តិគឺមានសារៈសំខាន់ មិនត្រឹមតែសម្រាប់ដំណើរការកម្មវិធីប៉ុណ្ណោះទេ ប៉ុន្តែសម្រាប់លទ្ធភាពផ្នែកហិរញ្ញវត្ថុ និងរបៀបរស់នៅជាអតិបរមា។ ក្រុមការងារដែលមានបទពិសោធន៍អាចជួយកំណត់ថាជម្រើសវិនិយោគណាមួយ អាចផ្ដល់ប្រយោជន៍ត្រឡប់មកវិញបានយ៉ាងល្អ ខណៈពេលដែលធានាការអនុលោមតាមក្របខ័ណ្ឌច្បាប់ និងបទប្បញ្ញត្តិនៃកម្មវិធីសញ្ជាតិ CBI នីមួយៗក្នុងឆ្នាំ 2025។
ការវិនិយោគលើអចលនទ្រព្យ vs ជម្រើសនៃការបរិច្ចាគ
កម្មវិធីសញ្ជាតិ CBI នៅតំបន់ការាបៀន ជាទូទៅផ្តល់ជូននូវជម្រើសវិនិយោគសំខាន់ៗចំនួនពីរ៖
- ការរួមចំណែកជូនរដ្ឋាភិបាល / ការបរិច្ចាគ
- រចនាសម្ព័នៈ ការរួមចំណែកដែលមិនអាចដកវិញបានចំពោះការអភិវឌ្ឍន៍ជាតិ ឬមូលនិធិសេដ្ឋកិច្ច
- គុណសម្បត្តិ៖ មិនទាមទារឯកសារច្រើន ដំណើរការលឿនជាងមុន និងមិនមានកាតព្វកិច្ចក្នុងទ្រព្យសកម្មរយៈពេលវែង
- ស័ក្តិសមបំផុតសម្រាប់៖ អ្នកដាក់ពាក្យដែលកំពុងស្វែងរកកម្មវិធីដំណើរការងាយស្រួល ឬតម្រូវការតិចតួចបំផុតនាពេលខាងមុខ
- ការវិនិយោគអចលនទ្រព្យដែលបានអនុម័ត
- រចនាសម្ព័នៈ ការទិញអចលនទ្រព្យដែលអនុម័តដោយរដ្ឋាភិបាល Luxury resort & Residence development
- គុណសម្បត្តិ៖ កម្មសិទ្ធិទ្រព្យសម្បត្តិ ប្រាក់ចំណូលពីការជួល និងសិទ្ធិលក់បន្ត (ជាធម្មតាបន្ទាប់ពី 5-7 ឆ្នាំ)
- សាកសមបំផុតសម្រាប់៖ វិនិយោគិនដែលកំពុងស្វែងរកការធ្វើពិពិធកម្មទ្រព្យសកម្ម ឬផ្ទះទីពីរនៅការាបៀន
កម្មវិធីសញ្ជាតិនៅតំបន់ការាបៀនដែលតម្លៃសមរម្យបំផុតនៅឆ្នាំ 2025
នៅពេលនិយាយអំពីតម្លៃរួម កម្មវិធី “ល្អបំផុត” អាស្រ័យលើតម្រូវការរបស់អ្នកដាក់ពាក្យម្នាក់ៗ ឧទាហរណ៍ ការពិចារណាទូទៅរួមមាន ល្បឿន ថ្លៃដើម ភាពបត់បែន ឬសក្តានុពលវិនិយោគរយៈពេលវែង។ នេះជារបៀបដែលកម្មវិធីសញ្ជាតិ CBI កំពូលរបស់នៅតំបន់ការាបៀន៖
- ប្រទេសដូមីនីកា (Dominica)៖ ក្នុងចំណោមកម្មវិធីដែលមានតម្លៃសមរម្យបំផុត ល្អបំផុតសម្រាប់អ្នកដាក់ពាក្យទោល ឬគ្រួសារតូចៗ
- ប្រទេសអាន់ទីហ្គ័រ និង បាប៊ូដា (Antigua and Barbuda)៖ ល្អបំផុតសម្រាប់គ្រួសារធំ ជាមួយនឹងឱកាសជាច្រើនសម្រាប់សមាជិកក្នុងបន្ទុក និងជម្រើសវិនិយោគច្រើន
- ប្រទេស Lucia៖ ការកំណត់តម្លៃ និងជម្រើសប័ណ្ណរដ្ឋាភិបាលសម្រាប់ការរក្សាទុកដើមទុន
- ប្រទេសហ្គ្រីណាដា (Grenada)៖ លិខិតឆ្លងដែនការាបៀនតែមួយគត់ដែលផ្តល់សិទ្ធិចូលប្រទេសចិនដោយគ្មានទិដ្ឋាការ និងសិទ្ធិទទួលបានទិដ្ឋាការ E-2 របស់សហរដ្ឋអាមេរិក
- ប្រទេស Kitts and Nevis: ជម្រើសអចលនទ្រព្យពិសេស និងកេរ្តិ៍ឈ្មោះយូរអង្វែងនៅក្នុងវិស័យនេះ។
ប្រទេសនីមួយៗនៃបណ្តាប្រទេសទាំងនេះផ្តល់នូវឱកាសអន្តោប្រវេសន៍តាមរយៈការវិនិយោគដែលគាំទ្រដោយការត្រួតពិនិត្យរបស់រដ្ឋាភិបាល និងការការពារផ្នែកច្បាប់។
ការជ្រើសរើសកម្មវិធីដែលត្រឹមត្រូវ អាស្រ័យលើអ្នកវិនិយោគម្នាក់ៗ ប៉ុន្តែដំបូន្មានត្រឹមត្រូវ និងការយល់ដឹងច្បាស់លាស់អំពីគោលដៅរបស់អ្នកគួរតែជាកត្តាសំខាន់។
អត្ថប្រយោជន៍នៃការធ្វើដំណើរក្នុងនាមជាពលរដ្ឋសញ្ជាតិការាបៀន
លិខិតឆ្លងដែនការាបៀនដែលចេញតាមរយៈកម្មវិធីសញ្ជាតិតាមរយៈការវិនិយោគ (CBI) ផ្តល់ជូនការធ្វើដំណើរដោយគ្មានទិដ្ឋាការ ឬទិដ្ឋាការពេលមកដល់ជាង 140 ប្រទេស និងដែនដី រួមទាំងចក្រភពអង់គ្លេស តំបន់ Schengen អឺរ៉ុប ហុងកុង និងសិង្ហបុរី។
សម្រាប់បុគ្គលដែលមានទ្រព្យសម្បត្តិដែលកំពុងស្វែងរកសញ្ជាតិទីពីរ កម្រិតនៃការចល័តនេះផ្តល់នូវសេរីភាពកាន់តែច្រើនសម្រាប់ការធ្វើដំណើរ អាជីវកម្ម ភាពបត់បែននៃរបៀបរស់នៅ និងការចូលទៅកាន់មជ្ឈមណ្ឌលហិរញ្ញវត្ថុ និងពាណិជ្ជកម្មសំខាន់ៗ។
ជម្រើសប្រទេសនៅតំបន់ការាបៀនដែលមានឥទ្ធិពលម្រាប់ការចល័តសកល
លិខិតឆ្លងដែនរបស់ប្រទេសនៅការាបៀនទាំងអស់មិនមានសិទ្ធិស្មើគ្នាទេ នៅពេលនិយាយអំពីការលើកលែងទិដ្ឋាការចូលទៅកាន់ប្រទេសផ្សេងៗ។
គិតត្រឹមឆ្នាំ 2025 ជម្រើសប្រទេសនៅតំបន់ការាបៀនខ្លាំងបំផុតសម្រាប់ការចល័តសកលរួមមាន:
St. Kitts and Nevis
- លើកលែងទិដ្ឋាការ ឬទិដ្ឋាការនៅពេលមកដល់ ទៅកាន់ 154 ប្រទេស និងដែនដី រួមទាំងតំបន់ Schengen ទាំងមូល ចក្រភពអង់គ្លេស ហុងកុង តៃវ៉ាន់ និងសិង្ហបុរី។
- ផ្តល់ជូនការលើកលែងទិដ្ឋាការទៅកាន់ប្រទេសចំនួន 97 ទិដ្ឋាការនៅពេលមកដល់ក្នុង 24 និងសិទ្ធិទទួលបាន eTA សម្រាប់ 32 គោលដៅ។
- ក៏ផ្តល់ភាពងាយស្រួលដល់ការចល័តក្នុងតំបន់ឆ្លងកាត់កោះ OECS តាមរយៈកិច្ចព្រមព្រៀងទទួលស្គាល់គ្នាទៅវិញទៅមក។
Grenada
- ការធ្វើដំណើរដោយគ្មានទិដ្ឋាការ ឬទិដ្ឋាការពេលមកដល់ ទៅកាន់ 147 ប្រទេស និងដែនដី រួមទាំងតំបន់ Schengen ចក្រភពអង់គ្លេស ចិន សិង្ហបុរី
- ការចូលប្រើ USA E‑2 Investor Visa
- ផ្តល់សិទ្ធិចូលប្រទេសចិនដោយគ្មានទិដ្ឋាការ។
Antigua and Barbuda, Dominica, St. Lucia
- លិខិតឆ្លងដែនទាំងនេះជាធម្មតាផ្តល់នូវសិទ្ធិធ្វើដំណើរការគដោយមិនបាច់សុំទិដ្ឋាការទៅកាន់ប្រទេសរវាង 140 និង 145 រួមទាំងតំបន់ Schengen របស់អឺរ៉ុប ចក្រភពអង់គ្លេស និងទិសដៅអាស៊ី និងអាមេរិកខាងត្បូងមួយចំនួន។
អត្ថប្រយោជន៍ទិដ្ឋាការរបស់សហរដ្ឋអាមេរិកសម្រាប់ពលរដ្ឋការាបៀន
ខណៈពេលដែលសញ្ជាតិការាបៀនមិនផ្តល់សិទ្ធិដោយស្វ័យប្រវត្តិក្នុងការរស់នៅ ឬធ្វើការនៅក្នុងសហរដ្ឋអាមេរិក ប៉ុន្តែវាបានផ្ដល់ជម្រើសប្រភេទទិដ្ឋាការរបស់សហរដ្ឋអាមេរិក (E-2)។ គួរឲ្យកត់សម្គាល់ ប្រទេស Grenada គឺជាផ្នែកមួយនៃបណ្តាញសន្ធិសញ្ញា E-2 ជាមួយសហរដ្ឋអាមេរិក ដែលអាចឱ្យពលរដ្ឋដែលមានសិទ្ធិដាក់ពាក្យស្នើសុំទិដ្ឋាការ ដើម្បីរស់នៅ និងដំណើរការអាជីវកម្មនៅក្នុងសហរដ្ឋអាមេរិក។
នេះធ្វើឱ្យ CBI មានសក្ដានុពលពិសេសចំពោះប្រទេសដែលមិនមែនជាសន្ធិសញ្ញា ដូចជាប្រទេសចិន វៀតណាម ឬឥណ្ឌា ដែលមានបំណងចង់វិនិយោគ និងប្រតិបត្តិការអាជីវកម្មនៅសហរដ្ឋអាមេរិកតាមរយៈទិដ្ឋាការ E-2 ។ តាមរយៈការធានាបាននូវសញ្ជាតិហ្គ្រីណាដា វិនិយោគិនមានសិទ្ធិបន្តការធ្វើអន្តោប្រវេសន៍វិនិយោគរបស់សហរដ្ឋអាមេរិកដោយមិនមានតម្រូវការដើមទុនខ្ពស់ ឬការកំណត់ពេលវេលាដំណើរការវែងដូចនឹងកម្មវិធី EB-5 នោះទេ។
អត្ថប្រយោជន៍សំខាន់ៗមួយចំនួននៃទិដ្ឋាការ E-2 រួមមាន:
- កម្រិតវិនិយោគទាបជាងបើធៀបនឹង EB-5 (ជាធម្មតា USD 250,000–300,000)
- ដំណើរការកម្មវិធីលឿន (ត្រឹមរយៈពេល 3 ខែ)
- ការអនុញ្ញាតឱ្យប្តីប្រពន្ធរបស់អ្នកដាក់ពាក្យធ្វើការ និងសិទ្ធិចូលសាលារៀននៅសហរដ្ឋអាមេរិកសម្រាប់កូនៗ
- ទិដ្ឋាការអាចបន្តសពុលភាពបានដោយគ្មានកំណត់ ដរាបណាអាជីវកម្មនៅតែសកម្ម
សម្រាប់វិនិយោគិនអន្តរជាតិជាច្រើន នេះគឺជាដំណើរការពីរជំហាន ដោយដំបូងការបំពេញពាក្យសុំសញ្ជាតិការាបៀន តាមរយៈកម្មវិធី CBI របស់ហ្គ្រីណាដា បន្តដោយពាក្យសុំទិដ្ឋាការ E-2។
ទោះជាយ៉ាងណាក៏ដោយ ច្បាប់អន្តោប្រវេសន៍របស់សហរដ្ឋអាមេរិក តម្រូវឱ្យមានជំនាញឯកទេសជួយផ្ដល់យោបល់។
អត្ថប្រយោជន៍ពន្ធនៃសញ្ជាតិការាបៀន
លក្ខណៈពិសេសដ៏គួរឱ្យទាក់ទាញបំផុតមួយនៃការវិនិយោគក្នុងកម្មវិធីសញ្ជាតិ CBI នៅក្នុងតំបន់ការាបៀនគឺរបបពន្ធអំណោយផលដែលផ្តល់ដោយប្រទេសជាច្រើនដែលចូលរួមជាមួយកម្មវិធីសញ្ជាតិ CBI ។ សម្រាប់បុគ្គល និងអ្នកវិនិយោគដែលមានទ្រព្យសម្បត្តិ ការទទួលបានលិខិតឆ្លងដែនការាបៀនមិនមែនគ្រាន់តែសម្រាប់ការធ្វើដំណើរប៉ុណ្ណោះទេ វាក៏ជាផ្នែកមួយនៃផែនការអន្តោប្រវេសន៍ផ្នែកហិរញ្ញវត្ថុ និងការវិនិយោគរយៈពេលវែងផងដែរ។
ខណៈពេលដែលយុត្តាធិការនីមួយៗមានរបបពន្ធផ្ទាល់ខ្លួន ប្រទេសភាគច្រើនមិនមានការយកពន្ធលើប្រាក់ចំណូលផ្ទាល់ខ្លួន ពន្ធលើការបង្កើនដើមទុន និងមិនយកពន្ធលើទ្រព្យសម្បត្តិ ឬមរតកទេ។
ប្រទេសដែលមិនយកពន្ធលើប្រាក់ចំណូលផ្ទាល់ខ្លួន
ប្រទេសជាច្រើនដែលមានកម្មវិធីសញ្ជាតិ CBI ដែលបានបង្កើតឡើងផ្តល់ជូននូវអព្យាក្រឹតភាពពន្ធ ឬរបបពន្ធសូន្យសម្រាប់បុគ្គលដែលក្លាយជាពលរដ្ឋតាមរយៈការវិនិយោគ៖
- Kitts and Nevis៖ មិនយកពន្ធលើប្រាក់ចំណូលផ្ទាល់ខ្លួន ចំណូលដើមទុន ឬពន្ធមរតកទេ។
- Antigua and Barbuda៖ មិនយកពន្ធដើមទុន ឬពន្ធលើប្រាក់ចំណូលផ្ទាល់ខ្លួនលើប្រាក់ចំណូលទូទាំងពិភពលោក
- Dominica៖ មិនយកពន្ធទ្រព្យសម្បត្តិ អំណោយ ឬពន្ធមរតកទេ។ អ្នករស់ក្នុងស្រុកអាចត្រូវបានបង់ពន្ធលើប្រាក់ចំណូលក្នុងស្រុក។
- Lucia: មិនយកពន្ធលើប្រាក់ចំណូលដែលរកបាននៅក្រៅប្រទេសសម្រាប់ពលរដ្ឋដែលមិនមែនជាអ្នករស់នៅ។ អ្នកស្រុកអាចត្រូវបានបង់ពន្ធលើប្រាក់ចំណូលក្នុងស្រុក។
- Grenada៖ មិនយកពន្ធលើប្រាក់ចំណូលសកល ទ្រព្យសម្បត្តិ ឬពន្ធមរតកសម្រាប់អ្នកដែលមិនមែនជាអ្នករស់នៅទេ។ អ្នកស្រុកអាចត្រូវបានបង់ពន្ធលើប្រាក់ចំណូលក្នុងស្រុក។
វាជារឿងសំខាន់ក្នុងការកត់សម្គាល់ថា ខណៈពេលដែលប្រទេសទាំងនេះផ្តល់លក្ខខណ្ឌអំណោយផលចំពោះពន្ធ អត្ថប្រយោជន៍ទាំងនេះអនុវត្តបានលុះត្រាតែអ្នកត្រូវបានគេចាត់ទុកថាជាអ្នកមិនមែនជានិវាសនជន ឬមិនបង្កើតនិវាសនដ្ឋានពន្ធដារនៅក្នុងយុត្តាធិការដែលមានពន្ធខ្ពស់ផ្សេងទៀត។
យុទ្ធសាស្ត្រការពារទ្រព្យសម្បត្តិ និងផែនការពន្ធ
កម្មវិធីសញ្ជាតិ CBI នៅតំបន់ការាបៀនជាយុទ្ធសាស្ត្រការពារទ្រព្យសម្បត្តិដោយបុគ្គលដែលមានទ្រព្យសម្បត្តិ។ តាមរយៈការទទួលបានសញ្ជាតិទីពីរនៅក្នុងយុត្តាធិការដែលមានរបបពន្ធអំណោយផល អ្នកវិនិយោគអាច៖
- មិនពឹងផ្អែកលើរដ្ឋាភិបាលតែមួយ ឬប្រព័ន្ធពន្ធដារ
- ប្រើប្រាស់ធនាគារ និងរចនាសម្ព័ន្ធសាជីវកម្មកាន់តែអំណោយផល
- កែលម្អផែនការអចលនទ្រព្យនៅទូទាំងយុត្តាធិការជាច្រើន។
- បង្កើនប្រសិទ្ធពន្ធនៃប្រាក់ចំណូលសកល និងដើមទុន
ផលប៉ះពាល់ពន្ធសម្រាប់ពលរដ្ឋអាមេរិក និងសហភាពអឺរ៉ុប
ខណៈពេលដែលកម្មវិធីសញ្ជាតិ CBI នៅតំបន់ការាបៀន អាចផ្តល់របបពន្ធ វិនិយោគិនត្រូវតែយល់ពីរបៀបដែលសញ្ជាតិដើមរបស់ពួកគេប៉ះពាល់ដល់កាតព្វកិច្ចពន្ធសកលណាមួយ៖
- ពលរដ្ឋអាមេរិកជាប់ពន្ធលើប្រាក់ចំណូលនៅលើទូទាំងពិភពលោកដោយមិនគិតពីកន្លែងដែលពួកគេរស់នៅ ឬកាន់សញ្ជាតិផ្សេងទៀតឡើយ។ សញ្ជាតិការាបៀន មិនលើកលែងអ្នកពីលក្ខខណ្ឌនៃការដាក់ពន្ធរបស់សហរដ្ឋអាមេរិកទេ។ ទោះជាយ៉ាងណាក៏ដោយ ពលរដ្ឋអាមេរិកដែលរស់នៅក្រៅប្រទេសអាចទទួលបានអត្ថប្រយោជន៍ដូចជាការដកប្រាក់ចំណូលពីបរទេស (FEIE) និងឥណទានពន្ធបរទេស (FTC) ជាដើម។
- ពលរដ្ឋសហភាពអឺរ៉ុបអាចនៅតែទទួលរងការជាប់ពន្ធ ពន្ធលើទ្រព្យសម្បត្តិ ឬច្បាប់សាជីវកម្មបរទេសដែលគ្រប់គ្រង (CFC) អាស្រ័យលើប្រទេសដែលពួកគេរស់នៅ និងរបៀបដែលពួកគេរៀបចំរចនាសម្ព័ន្ធការវិនិយោគរបស់ពួកគេ បន្ទាប់ពីទទួលបានសញ្ជាតិការាបៀនរបស់ពួកគេ។
ក្នុងករណីទាំងពីរនេះ ការវិនិយោគនៅការាបៀនគួរតែត្រូវបានរៀបចំដោយមានការសម្របសម្រួលជាមួយអ្នកប្រឹក្សា និងអ្នកជំនាញផ្នែកច្បាប់។
ការដាក់បញ្ចូលសមាជិកគ្រួសារនៅក្នុងកម្មវិធីសញ្ជាតិនៅតំបន់ការាបៀន
សម្រាប់អ្នកវិនិយោគជាច្រើន សញ្ជាតិនៅការាបៀនក៏ផ្តល់អត្ថប្រយោជន៍រយៈពេលវែងសម្រាប់គ្រួសារទាំងមូលផងដែរ។ លក្ខណៈពិសេសដ៏សំខាន់បំផុតមួយនៃសញ្ជាតិនៅតំបន់ការាបៀនតាមរយៈការវិនិយោគគឺសមត្ថភាពក្នុងការរួមបញ្ចូលអ្នកជំនាន់ជាច្រើននៅក្រោមកម្មវិធីពាក្យស្នើតែមួយ។
ទោះជាយ៉ាងណាក៏ដោយ ច្បាប់ស្តីពីសិទ្ធិទទួលបានខុសគ្នាទៅតាមប្រទេស ដែលនេះជាមូលហេតុដែលការធ្វើការជាមួយក្រុមការងារ ដែលមានបទពិសោធន៍ អាចធានាថាសមាជិកគ្រួសារដែលមានសិទ្ធិទាំងអស់ត្រូវបានរួមបញ្ចូលយ៉ាងត្រឹមត្រូវ ជាមួយនឹងឯកសារត្រឹមត្រូវ។
តើប្រទេសណាខ្លះដែលអនុញ្ញាតឱ្យមានសមាជិកគ្រួសារច្រើនជាងគេ?
កម្មវិធីសញ្ជាតិ CBI នៅតំបន់ការាបៀននីមួយៗមានច្បាប់ផ្ទាល់ខ្លួនស្ដីអំពីអ្នកដែលមានលក្ខណៈគ្រប់គ្រាន់ក្នុងនាមជាសមាជិកក្នុងបន្ទុក។
- Antigua and Barbuda៖ រួមបញ្ចូលគូស្វាមីភរិយា និងអនុញ្ញាតកូនរហូតដល់អាយុ 30 ឆ្នាំ ឪពុកម្តាយ និងជីដូនជីតាដែលមានអាយុលើសពី 55 ឆ្នាំ និងបងប្អូនបង្កើតដែលមិនទាន់រៀបការរបស់អ្នកដាក់ពាក្យ ឬប្តីឬប្រពន្ធ។
- Dominica៖ រួមបញ្ចូលប្តីប្រពន្ធ កូនក្នុងបន្ទុករហូតដល់អាយុ 30 ឆ្នាំ ឪពុកម្តាយ និងជីដូនជីតាដែលមានអាយុលើសពី 65 ឆ្នាំ។
- Grenada៖ អាចបញ្ចូលកុមារក្នុងបន្ទុករហូតដល់អាយុ 30 ឆ្នាំ ឪពុកម្តាយ និងជីដូនជីតា និងបងប្អូនបង្កើតដែលមិនទាន់រៀបការគ្រប់អាយុ។
- Kitts and Nevis៖ អនុញ្ញាតឱ្យប្តីប្រពន្ធ កុមារអាយុក្រោម 18 ឆ្នាំ កុមារដែលមានអាយុចន្លោះពី 18-25 ឆ្នាំ ដែលស្ថិតក្នុងការអប់រំកម្រិតមធ្យមសិក្សា ឬឧត្តមសិក្សាពេញម៉ោង និងរស់ក្រោមបន្ទុកឪពុកម្ដាយ កុមារដែលមានអាយុចាប់ពី 18 ឆ្នាំឡើងទៅ ដែលមានបញ្ហាផ្លូវកាយ ឬផ្លូវចិត្ត និងឪពុកម្តាយដែលមានអាយុលើសពី 55 ឆ្នាំ។
- Lucia៖ អនុញ្ញាតឱ្យកុមារអាយុក្រោម 21 ឆ្នាំ ឪពុកម្តាយដែលមានអាយុលើសពី 55 ឆ្នាំ និងបងប្អូនដែលមានអាយុក្រោម 18 ឆ្នាំ (ដោយមានការយល់ព្រមពីអាណាព្យាបាល)
អត្ថប្រយោជន៍តជំនាន់ និងសិទ្ធិទទួលមរតក
សញ្ជាតិទីពីរដែលទទួលបានតាមរយៈកម្មវិធីសញ្ជាតិ CBI នៅតំបន់ការាបៀន ជាធម្មតាត្រូវបានផ្តល់អោយអស់មួយជីវិត ហើយអាចត្រូវបានបញ្ជូនទៅមនុស្សជំនាន់ក្រោយ។
អាស្រ័យលើប្រទេស កុមារដែលកើតបន្ទាប់ពីការចូលសញ្ជាតិអាចទទួលបានសញ្ជាតិដោយស្វ័យប្រវត្តិ ហើយសមាជិកគ្រួសារអាចដាក់ពាក្យសុំសញ្ជាតិនៅពេលក្រោយតាមរយៈដំណើរការសាមញ្ញ។ នេះធានាថាការវិនិយោគរបស់អ្នកបន្តផ្តល់អត្ថប្រយោជន៍ដល់កូនៗ និងចៅៗរបស់អ្នកយ៉ាងយូរបន្ទាប់ពីពាក្យសុំរបស់អ្នកត្រូវបានអនុម័ត។
ជ្រើសរើសសញ្ជាតិដែលត្រឹមត្រូវ
ជាមួយនឹងជម្រើសដ៏ល្អជាច្រើនសម្រាប់កម្មវិធីសញ្ជាតិ CBI ក្នុងឆ្នាំ 2025 ការជ្រើសរើសជម្រើសដែលសមស្របបំផុតចំពោះសញ្ជាតិនៅការាបៀន គឺអាស្រ័យលើគោលដៅរបស់អ្នក។ ប្រទេសនីមួយៗផ្តល់អត្ថប្រយោជន៍រៀងៗខ្លួន ចាប់ពីជម្រើសនៃការវិនិយោគលើអចលនទ្រព្យ រហូតដល់ជម្រើសនៃការរួមចំណែក ហើយមិនមានកម្មវិធីពីរដូចគ្នានោះទេ។
ការសម្រេចចិត្តអាចមានភាពស្មុគស្មាញជាងអ្វីដែលវាហាក់ដូចជាដំបូង ជាពិសេសនៅពេលពិចារណាលើទំហំគ្រួសារ យុទ្ធសាស្រ្តពន្ធ និងអត្ថប្រយោជន៍ ការកំណត់ពេលវេលាដំណើរការ និងអត្ថប្រយោជន៍រយៈពេលវែង។
កត្តាដែលត្រូវពិចារណានៅពេលជ្រើសរើសកម្មវិធី
- មុនពេលសម្រេចយកកម្មវិធីជាក់លាក់មួយ ប្រភេទនៃជម្រើសវិនិយោគ ឧ. ការបរិច្ចាគ អចលនទ្រព្យ ឬការវិនិយោគលើអាជីវកម្ម គឺសាកសមបំផុតសម្រាប់អ្នក។
- ការចូលធ្វើដំណើរដោយគ្មានទិដ្ឋាការ៖ លិខិតឆ្លងដែនមួយចំនួនដូចជា Grenada’s រួមបញ្ចូលប្រទេសចិន និងផ្តល់សិទ្ធិទទួលបានទិដ្ឋាការ E-2 របស់សហរដ្ឋអាមេរិក
- ការដាក់បញ្ចូលសមាជិកក្នុងបន្ទុក៖ ច្បាប់ប្រែប្រួលចំពោះកូនៗដែលមានអាយុលើសពី 18 ឆ្នាំ បងប្អូនបង្កើត និងឪពុកម្តាយដែលមានវ័យចំណាស់
- តម្រូវការស្នាក់នៅ៖ ភាគច្រើនមិនមានទេ ប៉ុន្តែ Antigua & Barbuda ត្រូវការរយៈពេលប្រាំថ្ងៃក្នុងរយៈពេលប្រាំឆ្នាំ។
- ពេលវេលាដំណើរការ៖ ចន្លោះពី 3 ទៅ 6 ខែ អាស្រ័យលើប្រទេស និងភាពស្មុគស្មាញនៃករណីនីមួយៗ។
កំហុសទូទៅដែលត្រូវជៀសវាងនៅតំបន់ការាបៀន
ទោះបីជាដំណើរការពាក្យសុំមើលទៅងាយស្រួលនៅលើក្រដាសក៏ដោយ មានកំហុសទូទៅមួយចំនួន ដែលអាចពន្យារពេលក្នុងកម្មវិធី ៖
- ឯកសាររៀបចំមិនពេញលេញ ឬមិនត្រឹមត្រូវ
- ការយល់ច្រឡំអំពីសិទ្ធិទទួលបានសម្រាប់សមាជិកក្នុងបន្ទុក
- ប្រភពថវិកាដែលមិនបានផ្ទៀងផ្ទាត់ ឬឯកសារមិនត្រឹមត្រូវ
- ការវិនិយោគលើគម្រោងដែលមិនស្របតាមស្តង់ដារអនុលោមភាព
ហានិភ័យ និងហេតុផលបដិសេធកម្មវិធីពាក្យស្នើ
កម្មវិធីសញ្ជាតិ CBI នៅតំបន់ការាបៀនត្រូវបានគេស្គាល់ថាពីដំណើរការត្រួតពិនិត្យ និងការត្រួតពិនិត្យប្រវត្តរូប។ កម្មវិធីអាចត្រូវបានបដិសេធដោយហេតុផលជាច្រើន រួមទាំង៖
- ប្រវត្តិឧក្រិដ្ឋកម្ម ឬស្ថានភាពបុគ្គលផ្នែកនយោបាយ (PEP)
- ឯកសារហិរញ្ញវត្ថុមិនស៊ីសង្វាក់គ្នា។
- ប្រព័ន្ធផ្សព្វផ្សាយអវិជ្ជមាន ឬវិវាទមិនទាន់ដោះស្រាយ
- បញ្ជូនព័ត៌មានក្លែងក្លាយ ឬបំភាន់
- ការបដិសេធទិដ្ឋាការពីមុនទៅកាន់ប្រទេសធំៗដូចជា សហរដ្ឋអាមេរិក ចក្រភពអង់គ្លេស ឬរដ្ឋ Schengen
ការបដិសេធមិនត្រឹមតែប៉ះពាល់ដល់កម្មវិធីបច្ចុប្បន្នរបស់អ្នកប៉ុណ្ណោះទេ វាក៏អាចប៉ះពាល់ដល់សមត្ថភាពរបស់អ្នកក្នុងការអនុវត្តកម្មវិធីអន្តោប្រវេសន៍វិនិយោគផ្សេងទៀតនាពេលអនាគតផងដែរ។
ចាប់ផ្តើមដំណើរការកម្មវិធីសញ្ជាតិតាមរយៈការវិនិយោគនៅតំបន់ការាបៀន
មិនថាគោលបំណងសម្រាប់ការចល័តជាសកលរបស់អ្នក ស្វែងរកសំណាញ់សុវត្ថិភាពសម្រាប់គ្រួសាររបស់អ្នក ឬធ្វើការវិនិយោគរយៈពេលវែងដ៏ឆ្លាតវៃ ការដាក់ពាក្យសុំកម្មវិធីសញ្ជាតិ CBI គឺជាឱកាសដ៏ល្អមួយ។
ប៉ុន្តែខណៈពេលដែលអត្ថប្រយោជន៍នៃសញ្ជាតិទីពីរពីកម្មវិធីមួយខាងលើមានភាពច្បាស់លាស់ ដំណើរការខ្លួនវាពាក់ព័ន្ធនឹងការរៀបចំផែនការយ៉ាងប្រុងប្រយ័ត្ន ឯកសារតឹងរ៉ឹង និងការយកចិត្តទុកដាក់យ៉ាងជិតស្និទ្ធទៅនឹងតម្រូវការផ្លូវច្បាប់។
រដ្ឋាភិបាលការាបៀនទាំងអស់តម្រូវឱ្យដាក់ពាក្យសុំតាមរយៈភ្នាក់ងារដែលមានការអនុញ្ញាត។
នៅពេលជ្រើសរើសភ្នាក់ងារណាមួយដែលត្រូវប្រើ រកមើលក្រុមការងារដែលមានកំណត់ត្រាតាមដានយ៉ាងទូលំទូលាយ ការអនុញ្ញាតពីរដ្ឋាភិបាល និងអត្រាជោគជ័យដែលបានបញ្ជាក់។
ការអនុញ្ញាតពីរដ្ឋាភិបាល និងការទទួលស្គាល់ CIU
ដើម្បីការពារការវិនិយោគរបស់អ្នក និងបង្កើនឱកាសនៃការអនុម័ត វាចាំបាច់ក្នុងការធ្វើការជាមួយក្រុមហ៊ុនដែលត្រូវបានទទួលស្គាល់ជាផ្លូវការដោយ Citizenship by Investment Units (CIUs) នៃប្រទេសដែលចូលរួម។
រៀបចំឯកសារដាក់ពាក្យរបស់អ្នក
ពាក្យស្នើសុំសញ្ជាតិការាបៀនដែលទទួលបានជោគជ័យគឺអាស្រ័យលើសំណុំឯកសារពេញលេញ និងភាពត្រឹមត្រូវនៃឯកសារផ្សេងៗរបស់អ្នក។
ក្រុមការងារដែលមានជំនាញវិជ្ជាជីវៈដោះស្រាយការរៀបចំនេះជំនួសអ្នក ដោយកាត់បន្ថយហានិភ័យនៃកំហុស និងការពន្យារពេល។ ការត្រួតពិនិត្យមានសារៈសំខាន់ជាពិសេសនៅពេលដោះស្រាយជាមួយរចនាសម្ព័ន្ធស្មុគ្រស្មាញ ឬកម្មវិធីពហុជំនាន់ដែលពាក់ព័ន្ធនឹងសមាជិកក្នុងបន្ទុកជាច្រើន។
តារាងពេលវេលាកម្មវិធីមួយជំហានម្តងៗ
ខណៈពេលដែលកម្មវិធីសញ្ជាតិ CBI នីមួយៗមានដំណើរការផ្ទាល់ខ្លួន ការកំណត់ពេលវេលាទូទៅដើរតាមគន្លងដែលមានរចនាសម្ព័ន្ធ៖
- ការពិគ្រោះយោបល់ដំបូង និងការជ្រើសរើសកម្មវិធី
- ការរៀបចំឯកសារ និងការដាក់ស្នើដោយយកចិត្តទុកដាក់
- ពាក្យសុំជាផ្លូវការដាក់តាមរយៈភ្នាក់ងារដែលមានអាជ្ញាប័ណ្ណ
- រដ្ឋាភិបាលមានការត្រួតពិនិត្យ និងការអនុម័តជាគោលការណ៍
- ការទូទាត់ការវិនិយោគចុងក្រោយ និងការចេញលិខិតបញ្ជាក់សញ្ជាតិ និងឯកសារធ្វើដំណើរ
ពាក្យស្នើសុំចូលសញ្ជាតិមានរយៈពេលដំណើការចន្លោះពី 3 ទៅ 6 ខែ អាស្រ័យលើប្រទេស និងភាពស្មុគស្មាញនៃសំណុំរឿងរបស់បេក្ខជន។