សិទ្ធិស្នាក់នៅរបស់សហភាពអឺរ៉ុប (EU Residence Permit) ដោយមិនចាំបាច់ផ្លាស់ប្តូរទីលំនៅ តើអាចទទួលបានដែរឬទេ?

ប័ណ្ណផ្ដល់សិទ្ធិស្នាក់នៅរបស់សហភាពអឺរ៉ុប (EU Residence Permit) អ្នកអាចទទួលបានដោយមិនចាំបាច់ផ្លាស់ប្តូរទីតាំងតាមរយៈកម្មវិធីស្នាក់នៅដោយការវិនិយោគនៅក្នុងរដ្ឋជាសមាជិករសបស់សហភាពអឺរ៉ុប (ឧ. ប្រទេសព័រទុយហ្គាល់ ម៉ាប្រទេសល់តា ប្រទេសក្រិក ប្រទេសសាយព្រឺស)។ ប័ណ្ណផ្ដល់សិទ្ធិស្នាក់នៅទាំងនេះអនុញ្ញាតឱ្យអ្នករស់នៅ (ធ្វើការ/សិក្សា) នៅក្នុងប្រទេសម្ចាស់ផ្ទះ នឹងការធ្វើដំណើរចេញចូលតំបន់ Schengen និងរក្សាសិទ្ធិស្នាក់នៅរបស់សហភាពអឺរ៉ុបជាមួយនឹងតម្រូវការស្នាក់នៅតិចតួចបំផុត ឬគ្មានតម្រូវការតែម្ដង។

សម្រាប់វិនិយោគិនជាច្រើន និងបុគ្គលដែលមានទ្រព្យសម្បត្តិ ឱកាសដើម្បីទទួលបានប័ណ្ណផ្ដល់សិទ្ធិស្នាក់នៅរបស់សហភាពអឺរ៉ុបដោយមិនចាំបាច់ផ្លាស់ប្តូរទីលំនៅ ឬចំណាយពេលយូរនៅក្នុងប្រទេសគឺមានភាពទាក់ទាញខ្លាំង។ សំណួរទូទៅខ្លះ គឺថាតើវាអាចទៅរួចដែរឬទេក្នុងការទទួលបានអត្ថប្រយោជន៍សំខាន់ៗនៃសិទ្ធិស្នាក់នៅរបស់សហភាពអឺរ៉ុប ដូចជាការធ្វើដំណើរដោយគ្មានទិដ្ឋាការទូទាំងតំបន់ Schengen និងការទទួលបានការថែទាំសុខភាព និងការអប់រំ ដោយមិនចាំបាច់រស់នៅក្នុងប្រទេសនោះផ្ទាល់។

ខណៈពេលដែលទាំងនេះហាក់ដូចជាមិនប្រាកដប្រជា រដ្ឋជាសមាជិករបស់សហភាពអឺរ៉ុបមួយចំនួនបានណែនាំកម្មវិធីស្នាក់នៅតាមរយៈការវិនិយោគផ្សេងៗគ្នា ដែលអនុញ្ញាតឱ្យជនជាតិមិនមែនមកពីសហភាពអឺរ៉ុបទទួលបានប័ណ្ណផ្ដល់សិទ្ធិស្នាល់នៅរបស់សហភាពអឺរ៉ុបតាមរយៈការវិនិយោគដែលមានលក្ខណៈសម្បត្តិគ្រប់គ្រាន់។ ខណៈពេលដែលប្រទេសមួយចំនួនតម្រូវឱ្យអ្នកដាក់ពាក្យសុំមានវត្តមានផ្ទាល់សម្រាប់រយៈពេលកំណត់ក្នុងមួយឆ្នាំ ប្រទេសផ្សេងទៀតផ្តល់នូវជម្រើសមានភាពបត់បែន រួមទាំងជម្រើសស្នាក់នៅតិចតួចបំផុត។

ជ្រើសរើសធ្វើការជាមួយក្រុមការងារដែលមានបទពិសោធន៍ទូលំទូលាយដែលណែនាំជម្រើសជូនអតិថិជនតាមរយៈកម្មវិធីប័ណ្ណផ្ដល់សិទ្ធិស្នាក់រយៈពេលវែងនៅសហភាពអឺរ៉ុប និងកម្មវិធីស្នាក់នៅតាមការវិនិយោគនៅក្នុងសហភាពអឺរ៉ុប។ ក្រុមការងារជំនាញអាចផ្តល់ឱ្យអ្នកយោបល់ជូនអ្នកអំពីការកំណត់អត្តសញ្ញាណកម្មវិធីស្នាក់នៅតាមរយៈការវិនិយោគនៅក្នុងសហភាពអឺរ៉ុបដែលស្របជាមួយកត្តាផ្ទាល់ខ្លួន រួមទាំងកម្មវិធីមានតម្រូវការស្នាក់នៅតិចតួចបំផុត។

ក្របខ័ណ្ឌច្បាប់៖ ទទួលបានប័ណ្ណផ្ដល់សិទ្ធិស្នាក់នៅរបស់សហភាពអឺរ៉ុបដោយគ្មានការផ្លាស់ទីលំនៅ

សម្រាប់បុគ្គលដែលមានទ្រព្យសម្បត្តិ ហើយកំពុងពិចារណាលើប័ណ្ណផ្ដល់សិទ្ធិស្នាក់នៅរបស់សហភាពអឺរ៉ុប កត្តាសំខាន់មួយដែលត្រូវយល់ដឹងគឺរបៀបដែលប្រទេសនីមួយៗកំណត់ “សិទ្ធិស្នាក់នៅ” នៅក្រោមច្បាប់របស់ខ្លួន។ នេះរួមបញ្ចូលទាំងការយល់ដឹងថាតើកម្មវិធីស្នាក់នៅតាមរយៈការវិនិយោគដែលបានជ្រើសរើស ទាមទារឱ្យមានការផ្លាស់ប្តូរទីលំនៅជាក់ស្តែង ឬអនុញ្ញាតឱ្យវិនិយោគិនរក្សាសុពលភាពសិទ្ធិស្នាក់នៅដោយមិនចាំបាច់រស់នៅទីនោះពេញម៉ោង។

ខណៈពេលដែលរដ្ឋសមាជិករបស់សហភាពអឺរ៉ុបនីមួយៗមានច្បាប់អន្តោប្រវេសន៍ផ្ទាល់ខ្លួន ប្រទេសនៅសហភាពអឺរ៉ុបជាច្រើនបានបង្កើតកម្មវិធីស្នាក់នៅតាមរយៈការវិនិយោគ ដែលអនុញ្ញាតឱ្យអ្នកដាក់ពាក្យសុំទទួលបានប័ណ្ពផ្ដល់សិទ្ធិស្នាក់នៅជាមួយនឹងតម្រូវការស្នាក់នៅតិចតួច ឬគ្មានតម្រូវការតែម្ដង។

ការកំណត់សិទ្ធិស្នាក់នៅ និងការមានវត្តមានផ្ទាល់នៅក្នុងប្រទេសក្រោមច្បាប់របស់សហភាពអឺរ៉ុប

នៅពេលពិចារណាអំពីលទ្ធភាពនៃការទទួលបានប័ណ្ណផ្ដល់សិទ្ធិស្នាក់នៅរបស់សហភាពអឺរ៉ុប ចំនុចចាប់ផ្តើមសំខាន់គឺការយល់ដឹងពីភាពខុសគ្នាផ្នែកច្បាប់រវាងសិទ្ធិស្នាក់នៅ និងការតាំងលំនៅដ្ឋាន។ ការកាន់ប័ណ្ណស្នាក់នៅក្នុងសហភាពអឺរ៉ុបផ្តល់សិទ្ធិក្នុងការរស់នៅស្របច្បាប់ក្នុងរដ្ឋជាសមាជិក ទទួលបានសេវាសាធារណៈមួយចំនួន និងការធ្វើរដំណើរដោយគ្មានទិដ្ឋាការនៅក្នុងតំបន់ Schengen ។ យ៉ាងណាមិញ ការមានសិទ្ធិស្នាក់នៅក្នុងសហភាពអឺរ៉ុប មិនចាំបាច់តម្រូវឱ្យបុគ្គលនោះរស់នៅពេញម៉ោងជាអចិន្ត្រៃយ៍ (លំនៅដ្ឋាន) នៅក្នុងប្រទេសនោះទេ។

រដ្ឋសមាជិកសហភាពអឺរ៉ុបនីមួយៗរក្សាអធិបតេយ្យភាពលើច្បាប់អន្តោប្រវេសន៍របស់ខ្លួន មានន័យថាលក្ខខណ្ឌសម្រាប់សិទ្ធិទទួលបានចំពោះជនជាតិមិនមែនមកពីសហភាពអឺរ៉ុបក្នុងការដាក់ពាក្យសុំសិទ្ធិស្នាក់នៅរបស់សហភាពអឺរ៉ុបមានភាពខុសប្លែកគ្នារវាងរដ្ឋជាសមាជិក។

ខណៈពេលដែលរដ្ឋមួយចំនួនតម្រូវឱ្យអ្នកកាន់ប័ណ្ណស្នាក់នៅរបស់សហភាពអឺរ៉ុបបំពេញតម្រូវការស្នាក់នៅ (វត្តមានក្នុងប្រទេស)ប្រចាំឆ្នាំ រដ្ឋខ្លះទៀតផ្តល់ជម្រើសនៃតម្រូវការស្នាក់នៅតិចតួចបំផុត ឬគ្មានតម្រូវការស្នាក់នៅតែម្ដង។

កម្មវិធីស្នាក់នៅតាមរយៈជម្រើសវិនិយោគ៖ មូលនិធិស្របច្បាប់

កត្តាដែលប្រទេសជាសមាជិករបស់សហភាពអឺរ៉ុបអាចផ្តល់ជូននូវកម្មវិធីស្នាក់នៅតាមរយៈការវិនិយោគគឺផ្អែកលើច្បាប់ប្រទេសជាតិដែលអនុញ្ញាតឱ្យរដ្ឋាភិបាលផ្តល់ការអនុញ្ញាតសិទ្ធិស្នាក់នៅរយៈពេលវែងជាថ្នូរនឹងការវិនិយោគដែលមានលក្ខណៈសម្បត្តិគ្រប់គ្រាន់។ នេះត្រូវបានគេស្គាល់ជាទូទៅថាជា “ទិដ្ឋាការមាស” កម្មវិធីទាំងនេះផ្តល់ឱ្យជនជាតិមិនមែនមកពីសហភាពអឺរ៉ុបនូវជម្រើសស្របច្បាប់ដើម្បីទទួលបានសិទ្ធិស្នាក់នៅតាមរយៈការរួមចំណែកផ្នែកហិរញ្ញវត្ថុដែលនឹងប្រើប្រាស់ដើម្បីគាំទ្រដល់សេដ្ឋកិច្ចរបស់ប្រទេសជាម្ចាស់ផ្ទះ។

អ្នកកាន់ប័ណ្ណផ្ដល់សិទ្ធិស្នាក់នៅរបស់សហភាពអឺរ៉ុប ជាទូទៅត្រូវបានអនុញ្ញាតឱ្យរស់នៅ ធ្វើការ និងសិក្សានៅក្នុងប្រទេសជាម្ចាស់ផ្ទះ ខណៈពេលដែលអាចធ្វើដំណើរដោយគ្មានទិដ្ឋាការឆ្លងកាត់តំបន់ Schengen ផងដែរ។ អត្ថប្រយោជន៍មួយទៀតនៃការមានសិទ្ធស្នាក់នៅនេះ គឺមានន័យថាអ្នកកាន់កាប់ប័ណ្ណនេះ ដែលមិនស្នាក់នៅផ្ទាល់ ក៏ទទួលបានការការពារផ្លូវច្បាប់ដូចគ្នានឹងអ្នកដែលរស់នៅផ្ទាល់ផងដែរ។

កម្មវិធីខាងក្រោមផ្តល់ជូនវិនិយោគិននូវកាតព្វកិច្ចស្នាក់នៅតិចតួចបំផុត ឬក្នុងករណីខ្លះ មិនមានតម្រូវការស្នាក់នៅទាល់តែសោះ។

កម្មវិធីទិដ្ឋាការមាសរបស់ប្រទេសព័រទុយហ្គាល់ (Portugal Golden Visa)៖ ការវិភាគផ្នែកច្បាប់ និងតម្រូវការ

ប្រទេសព័រទុយហ្គាល់នៅតែជាជម្រើសដ៏ពេញនិយមបំផុតមួយសម្រាប់បុគ្គលដែលមានទ្រព្យសម្បត្តិ HNWIs ដែលមានបំណងដាក់ពាក្យសុំប័ណ្ណស្នាក់នៅរបស់សហភាពអឺរ៉ុប។ ទិដ្ឋាការមាសរបស់ប្រទេសព័រទុយហ្គាល់មានប្រជាប្រិយភាពជាពិសេសក្នុងចំណោមវិនិយោគិនដែលស្វែងរកជម្រើសស្នាក់នៅដែលភាពបត់បែនបានដោយមិនមានការផ្លាស់ប្តូរទីលំនៅអចិន្ត្រៃយ៍ដោយតម្រូវឱ្យស្នាក់នៅទីនោះជាមធ្យមតែ 7 ថ្ងៃក្នុងមួយឆ្នាំ។

ជម្រើសវិនិយោគដែលមានលក្ខណៈសម្បត្តិគ្រប់គ្រាន់នៅក្រោមច្បាប់ប្រទេសព័រទុយហ្គាល់

ទិដ្ឋាការមាសព័រទុយហ្គាល់ផ្តល់ជម្រើសវិនិយោគដែលមានលក្ខណៈសម្បត្តិគ្រប់គ្រាន់ជាច្រើន ដែលរួមមានៈ

ជម្រើសមូលនិធិវិនិយោគរបស់កម្មវិធីទិដ្ឋាការមាសព័រទុយហ្គាល់

វិនិយោគិនអាចបណ្តាក់ទុនយ៉ាងតិច €500,000 ក្នុងការវិនិយោគដែលមានលក្ខណៈសម្បត្តិគ្រប់គ្រាន់ ឬមូលនិធិបណ្តាក់ទុន។

មូលនិធិដែលបានជ្រើសរើសត្រូវតែផ្តោតលើមូលធននីយកម្មរបស់ក្រុមហ៊ុនព័រទុយហ្គាល់ មានអាយុកំណត់យ៉ាងតិចប្រាំឆ្នាំ និងបែងចែកយ៉ាងហោចណាស់ 60% នៃផលប័ត្ររបស់ខ្លួនដល់អាជីវកម្មដែលមានទីស្នាក់ការកណ្តាលនៅប្រទេសព័រទុយហ្គាល់។

សូមចំណាំថា មូលនិធិដែលភ្ជាប់ទៅនឹងអចលនទ្រព្យមិនត្រូវបានរាប់បញ្ចូលក្នុងសិទ្ធិទទួលបាននោះទេ។

ជម្រើសបរិច្ចាគ្គរបស់កម្មវិធីទិដ្ឋាការមាសព័រទុយហ្គាល់

អ្នកដាក់ពាក្យក៏អាចធ្វើការផ្ទេរដើមទុនយ៉ាងហោចណាស់ €250,000 (€200,000 នៅក្នុងតំបន់ដែលមានដង់ស៊ីតេប្រជាជនទាប) ដើម្បីគាំទ្រដល់ការផលិតសិល្បៈ ឬការអភិរក្ស និងការស្ដារឡើងវិញនូវបេតិកភណ្ឌវប្បធម៌ជាតិ។ ការរួមចំណែកនេះត្រូវតែធ្វើឡើងតាមរយៈស្ថាប័នសាធារណៈដែលបានអនុម័ត ឬមូលនិធិឯកជនដែលទទួលស្គាល់សម្រាប់កិច្ចការប្រើប្រាស់សាធារណៈរបស់ពួកគេ។

សូមចំណាំថា គិតត្រឹមឆ្នាំ 2024 ប្រទេសព័រទុយហ្គាល់លែងអនុញ្ញាតឱ្យមានការវិនិយោគអចលនទ្រព្យក្រោមកម្មវិធីទិដ្ឋាការមាសរបស់ខ្លួនទៀតហើយ។

អាទិភាពក្នុងការចូលសញ្ជាតិព័រទុយហ្គាល់៖ ដំណើរការពេលវេលាស្របច្បាប់

បន្ទាប់ពីរយៈពេល 5 ឆ្នាំនៃការកាន់ទិដ្ឋាការមាសប្រទេសព័រទុយហ្គាល់ និងបំពេញតាមតម្រូវការស្នាក់នៅអប្បបរមា វិនិយោគិនមានសិទ្ធិដាក់ពាក្យសុំសិទ្ធិស្នាក់នៅអចិន្ត្រៃយ៍ បន្ទាប់មកសុំចូលសញ្ជាតិព័រទុយហ្គាល់។

ដើម្បីមានលក្ខណៈគ្រប់គ្រាន់ការចូលសញ្ជាតិ អ្នកដាក់ពាក្យទាំងអស់ត្រូវតែចេះភាសាព័រទុយហ្គាល់ជាមូលដ្ឋាននៅកម្រិត A2 ទាំងតាមរយៈការប្រឡង ឬដោយការបញ្ចប់វគ្គសិក្សាភាសាដែលមានការបញ្ជាក់រយៈពេល 150 ម៉ោង។

អ្នកដាក់ពាក្យសុំក៏មិនត្រូវធ្លាប់បានគេកាត់ទោសពីបទឧក្រិដ្ឋដែលមានការផាកពិន័យពី 3 ឆ្នាំ ឬលើសពីនេះនៅក្រោមច្បាប់ព័រទុយហ្គាល់ដែរ។

ប្រសិនបើអ្នកស្នើសុំអាចបង្ហាញពីការរួមបញ្ចូល និងទំនាក់ទំនងពិតប្រាកដជាមួយសហគមន៍ក្នុងប្រទេសព័រទុយហ្គាល់ នេះសុទ្ធសឹងជាការពិចារណាវិជ្ជមានសម្រាប់ការអនុម័ត។

ម្យ៉ាងវិញទៀត ប្រទេសព័រទុយហ្គាល់ អនុញ្ញាតឱ្យមានសញ្ជាតិពីរ ដែលអនុញ្ញាតឱ្យអ្នកវិនិយោគរក្សាសញ្ជាតិដើមរបស់ពួកគេ ខណៈពេលដែលទទួលបានលិខិតឆ្លងដែនព័រទុយហ្គាល់។ ការទទួលបានសញ្ជាតិមានន័យថា អ្នកកាន់នឹងទទួលបានសិទ្ធិដូចគ្នានឹងប្រជាជនសញ្ជាតិព័រទុយហ្គាល់ រួមទាំងលទ្ធភាពក្នុងការរស់នៅ ធ្វើការ និងសិក្សាគ្រប់ទីកន្លែងនៅក្នុងសហភាពអឺរ៉ុប។

កម្មវិធីស្នាក់នៅអចិន្ត្រៃយ៍របស់ប្រទេសម៉ាល់តា៖ ទិដ្ឋភាពទូទៅនៃច្បាប់

កម្មវិធីស្នាក់នៅអចិន្ត្រៃយ៍របស់ម៉ាល់តា (MPRP) គឺជាជម្រើសដ៏គួរឱ្យទាក់ទាញបំផុតមួយសម្រាប់បុគ្គលដែលមានទ្រព្យសម្បត្តិដែលកំពុងស្វែងរកសិទ្ធិស្នាក់នៅរបស់សហភាពអឺរ៉ុបដោយមិនចាំបាច់ផ្លាស់ប្តូរទីលំនៅ។ មិនដូចកម្មស្នាក់នៅតាមរយៈការវិនិយោគផ្សេងទៀតនៅក្នុងសហភាពអឺរ៉ុប កម្មវិធីរបស់ប្រទេសម៉ាល់តាផ្តល់នូវសិទ្ធិស្នាក់នៅអចិន្ត្រៃយ៍ដោយមិនមានតម្រូវការស្នាក់នៅអប្បបរមានោះទេ។

តម្រូវការសិទ្ធិទទួលបានក្រោមកម្មវិធីទិដ្ឋាការមាសប្រទេសម៉ាល់តា

ដើម្បីមានលក្ខណៈគ្រប់គ្រាន់សម្រាប់កម្មវិធីស្នាក់នៅអចិន្ត្រៃយ៍របស់ប្រទេសម៉ាល់តា (MPRP) អ្នកដាក់ពាក្យសុំត្រូវតែបំពេញតាមតម្រូវការខាងក្រោម។

ផ្តល់ភស្តុតាងនៃទ្រព្យសម្បត្តិហិរញ្ញវត្ថុ

អ្នកដាក់ពាក្យត្រូវដាក់លិខិតបញ្ជាក់ដោយបញ្ជាក់ថា គិតត្រឹមថ្ងៃដាក់ពាក្យ ពួកគេកាន់កាប់ដើមទុនដែលមានតម្លៃអប្បបរមា €500,000 ដែលក្នុងនោះយ៉ាងហោចណាស់ €150,000 ត្រូវតែមាននៅក្នុងទ្រព្យសម្បត្តិហិរញ្ញវត្ថុ។ ជម្រើសមួយទៀត ពួកគេអាចបង្ហាញទ្រព្យសម្បត្តិដែលមានតម្លៃសរុបមិនតិចជាង €650,000 រួមទាំង €75,000 នៅក្នុងហិរញ្ញវត្ថុដែលអាចជួញដូរបាន។

ធ្វើការវិនិយោគដែលមានលក្ខណៈសម្បត្តិគ្រប់គ្រាន់

អ្នកដាក់ពាក្យត្រូវតែធ្វើការវិនិយោគដែលត្រូវបានអនុម័ត ដោយមានជម្រើសពីរហើយមមានលក្ខណៈសម្បត្តិគ្រប់គ្រាន់៖

ការវិនិយោគអចលនទ្រព្យ

អ្នកដាក់ពាក្យត្រូវតម្រូវឱ្យជួល ឬទិញអចលនទ្រព្យនៅក្នុងប្រទេសម៉ាល់តា និងរក្សាវាឱ្យបានយ៉ាងតិចប្រាំឆ្នាំ និងបំពេញតម្រូវការវិភាគទានដែលពាក់ព័ន្ធ។

ការទិញ

ទិញអចលនទ្រព្យដែលមានតម្លៃយ៉ាងហោចណាស់ €375,000 ដែលត្រូវកាន់កាប់យ៉ាងតិចប្រាំឆ្នាំ។ ក្នុងអំឡុងពេលដែលអ្នកស្នើសុំមិនរស់នៅក្នុងប្រទេសម៉ាល់តា អចលនទ្រព្យអាចត្រូវបានជួលទៅឱ្យភាគីទីបីជាបណ្តោះអាសន្ន អាស្រ័យទៅលើការយល់ព្រម។

ការជួល

ជួលអចលនទ្រព្យជាមួយនឹងការជួលប្រចាំឆ្នាំអប្បបរមាចំនួន €14,000 ក៏ត្រូវរក្សារយៈពេលប្រាំឆ្នាំផងដែរ។ បន្ទាប់ពីរយៈពេលនៃការជួលរយៈពេលប្រាំឆ្នាំដំបូងបានកន្លងផុតទៅ អ្នកដាក់ពាក្យ អមជាមួយការអាចអនុញ្ញាតិពីម្ចាស់ផ្ទះអាចធ្វើការដាក់ជួលបន្តដោយអ្នកដ៏ទៃ។

ការបរិច្ចាគជូនអង្គការក្រៅរដ្ឋាភិបាល

អ្នកដាក់ពាក្យតម្រូវឱ្យធ្វើការបរិច្ចាគ€ 2,000 ដល់អង្គការក្រៅរដ្ឋាភិបាលដែលបានចុះបញ្ជី (NGO) ផងដែរ។

ការរួមចំណែកជូនរដ្ឋាភិបាល

អ្នកដាក់ពាក្យត្រូវតែធ្វើការរួមចំណែកដល់រដ្ឋាភិបាលចំនួន €37,000 ។ ការបង់ប្រាក់នេះមិនអាចដកវិញបានទេ ហើយនេះក៏សម្រាប់ធានាថាអ្នកចូលរួមក្នុងកម្មវិធីទិដ្ឋាការរបស់ប្រទេសម៉ាល់តា ពិតជាបានរួមចំណែកដល់ការអភិវឌ្ឍន៍ជាតិរបស់ប្រទេស។

ថ្លៃសេវារដ្ឋបាលរបស់រដ្ឋាភិបាល

ថ្លៃរដ្ឋបាលថេរគឺ €60,000 ចំពោះកម្មវិធីពាក្យស្នើរនីមួយៗ។ ថ្លៃ​សេវា​នេះ​ផ្ដោតលើ​អ្នក​ដាក់​ពាក្យ​ចម្បង ប្តី/​ប្រពន្ធ និង​កូន (​អនីតិជន)។ សម្រាប់សមាជិកក្នុងបន្ទុក ត្រូវបន្ថែម €7,500 សម្រាប់មនុស្សពេញវ័យក្នុងបន្ទុក ដូចជាឪពុកម្តាយ ឬកុមារដែលមានអាយុលើសពី 18 ឆ្នាំ។

ការចូលសញ្ជាតិម៉ាល់តា៖ ដំណើរការពេលវេលាស្របច្បាប់

សិទ្ធិស្នាក់នៅប្រទេសម៉ាល់តាក៏អាចផ្ដល់អត្ថប្រយោជន៍ចូលសញ្ជាតិ បើលក្ខខណ្ឌខាងក្រោមត្រូវបានបំពេញតាម៖ អ្នកដាក់ពាក្យត្រូវតែរក្សាសុពលភាពសិទ្ធិស្នាក់នៅបន្តរយៈពេល 12 ខែភ្លាមៗមុនពេលដាក់ពាក្យសុំ បន្ថែមពីលើសិទ្ធិស្នាក់នៅរយៈពេល 4 ឆ្នាំ (48 ខែ) ក្នុងអំឡុងពេល 6 ឆ្នាំមុន។

អ្នកដាក់ពាក្យត្រូវតែបង្ហាញពីជំនាញភាសាម៉ាល់តា ឬភាសាអង់គ្លេស ដោយធានាថាពួកគេអាចមានសិទ្ធិសមប្រកប និងបំពេញតាមតម្រូវការភាសារបស់កម្មវិធី។

ទិដ្ឋាការមាសប្រទេសក្រិក៖ បច្ចុប្បន្នភាពនីតិប្បញ្ញត្តិ និងតម្រូវការផ្នែកច្បាប់

ទិដ្ឋាការមាសប្រទេសក្រិកឥឡូវនេះត្រូវបានចាត់ទុកថាជាកម្មវិធីស្នាក់នៅតាមរយៈការវិនិយោគដ៏ពេញនិយមបំផុតមួយរបស់អឺរ៉ុប។ ក្នុងឆ្នាំ 2024 តម្រូវការសម្រាប់កម្មវិធីនេះបានឈានដល់កម្រិតខ្ពស់បំផុត ដោយមានអ្នកដាក់ពាក្យស្នើប្រហែល 9,300 និងរកចំនូលបានជាង 2.3 ពាន់លានអឺរ៉ូ (ប្រហែល 2.5 ពាន់លានដុល្លារ) ក្នុងការវិនិយោគផ្ទាល់ពីបរទេស។

វិនិយោគិនក៏គួរតែដឹងដែរថា ដូចគ្នាជាមួយនិងប្រទេសម៉ាល់តា ប្រទេសក្រិកមិនមានកាតព្វកិច្ចសម្រាប់អ្នកដាក់ពាក្យរស់នៅក្នុងប្រទេសផ្ទាល់គ្រប់ពេលនោះទេ។

សិទ្ធិស្នាក់នៅក្នុងប្រទេសក្រិកតាមរយៈការវិនិយោគ

ដើម្បីទទួលបានសិទ្ធិស្នាក់នៅក្នុងប្រទេសក្រិកក្រោមកម្មវិធីទិដ្ឋាការមាស Golden Visa អ្នកដាក់ពាក្យត្រូវតែធ្វើការវិនិយោគដែលមានលក្ខណៈសម្បត្តិគ្រប់គ្រាន់។ ការវិនិយោគដែលមានសិទ្ធិ បច្ចុប្បន្នរួមមាន:

អចលនទ្រព្យ

អចលនទ្រព្យគឺជាជម្រើសដ៏ពេញនិយមបំផុតសម្រាប់អ្នកដាក់ពាក្យសុំទិដ្ឋាការមាសប្រទេសក្រិក។ តាមរយៈការវិនិយោគក្នុងគម្រោងអចលនទ្រព្យ អ្នកវិនិយោគនឹងទទួលបានកម្មសិទ្ធិផ្ទាល់នៅក្នុងទីផ្សារដែលកំពុងរីកចម្រើនជាលំដាប់។

ទិដ្ឋាការមាសក្រិក ផ្តល់នូវកម្រិតនៃការវិនិយោគដែលមានរចនាសម្ព័ន្ធ ផ្តល់ឱ្យវិនិយោគិនមានភាពបត់បែនក្នុងការជ្រើសរើសពីចំនួនវិនិយោគអប្បបរមាផ្សេងៗគ្នា ដោយផ្អែកលើទីតាំង និងប្រភេទអចលនទ្រព្យ។

ការវិនិយោគអប្បបរមាចំនួន €800,000 នៅក្នុងអចលនទ្រព្យមួយនៅក្នុងតំបន់រដ្ឋបាលទាំងមូលនៃ Attica (រួមទាំង Piraeus និងភាគច្រើននៃតំបន់រាជធានី) អង្គភាពតំបន់នៃ Thessaloniki, Mykonos, Santorini, កោះដែលមានប្រជាជនជាង 3,100 ប្រជាជន; ឬការវិនិយោគអប្បបរមា €400,000 នៅក្នុងអចលនទ្រព្យមួយនៅក្នុងតំបន់ផ្សេងទៀត។

វិនិយោគិនត្រូវបានតម្រូវឱ្យទិញអចលនទ្រព្យតែមួយដែលមានផ្ទៃដីអប្បបរមា 120 ម៉ែត្រការ៉េ ដែលមិនអាចប្រើប្រាស់សម្រាប់ការជួលរយៈពេលខ្លីបានទេ។ ម៉្យាងទៀត ការវិនិយោគចំនួន €250,000 អាចត្រូវបានធ្វើឡើង ប្រសិនបើអ្នកវិនិយោគនិងបំប្លែងអចលនទ្រព្យពាណិជ្ជកម្មទៅជាការប្រើប្រាស់សម្រាប់លំនៅដ្ឋាន ឬស្ដារអគារដែលបានរាយបញ្ជីដែលមានសារៈសំខាន់ជាប្រវត្តិសាស្ត្រ ឬវប្បធម៌។ មិនមានការរឹតបន្តឹងចំពោះទំហំ ឬទីតាំងនៃអចលនទ្រព្យសម្រាប់ជម្រើសនេះទេ។

ជម្រើសវិនិយោគដែលមានលក្ខណៈសម្បត្តិគ្រប់គ្រាន់ផ្សេងទៀត

ទោះបីជាជម្រើសអចលនទ្រព្យនៅតែជាជម្រើសដែលពេញនិយមបំផុតក៏ដោយ ប្រទេសក្រិកក៏ផ្តល់ជម្រើសវិនិយោគមិនមែនជាទម្រង់អចលនទ្រព្យផងដែរ។ ជម្រើសដែលមានសិទ្ធិរួមមាន:

ការជួលរយៈពេលវែង ឬការជួលដោយបែងចែកពេលវេលា

ការចែករំលែកពេលវេលា ឬកិច្ចព្រមព្រៀងជួលរយៈពេល 10 ឆ្នាំសម្រាប់ការស្នាក់នៅសណ្ឋាគារ ឬលំនៅដ្ឋានទេសចរណ៍ដែលមានគ្រឿងសង្ហារឹម។ ការវិនិយោគអប្បបរមាមានចាប់ពី €400,000 ដល់ €800,000 អាស្រ័យលើទីតាំងរបស់អចលនទ្រព្យ។

ប្រាក់បញ្ញើធនាគារ

ដាក់ប្រាក់បញ្ញើមានកាលកំណត់យ៉ាងហោចណាស់ €500,000។ ការដាក់ប្រាក់នេះត្រូវតែធ្វើឡើងនៅក្នុងស្ថាប័នឥណទានប្រទេសក្រិក។

ការរួមចំណែកដើមទុន

វិនិយោគអប្បបរមាចំនួន €500,000 ទៅក្នុងក្រុមហ៊ុនវិនិយោគអចលនទ្រព្យសាធារណៈមានកំណត់ (ក្រុមហ៊ុនត្រូវតែផ្តោតទាំងស្រុងលើប្រទេសក្រិក) ឬរួមចំណែកដល់ក្រុមហ៊ុនវិនិយោគ (closed-end) មូលនិធិទៅវិញទៅមក (mutual fund) ឬការបង្កើនដើមទុននៃអាជីវកម្មដែលមានមូលដ្ឋាននៅប្រទេសក្រិក។

ប័ណ្ណបំណុលរដ្ឋាភិបាល

ទិញប័ណ្ណបំណុលរដ្ឋាភិបាលក្រិកចំនួន €500,000 ជាមួយនឹងកាលកំណត់ដែលនៅសល់រយៈពេល 3 ឆ្នាំឬច្រើនជាងនេះ។ ការវិនិយោគត្រូវតែធ្វើឡើងតាមរយៈស្ថាប័នឥណទានប្រទេសក្រិក។

មូលបត្រដែលបានចុះបញ្ជី

វិនិយោគ €800,000 ក្នុងភាគហ៊ុន មូលបត្របំណុលសាជីវកម្ម ឬមូលបត្របំណុលរដ្ឋាភិបាលដែលត្រូវបានជួញដូរនៅលើទីផ្សារដែលគ្រប់គ្រងដោយប្រទេសក្រិក ឬកន្លែងពាណិជ្ជកម្មពហុភាគី។

មូលនិធិវិនិយោគទៅវិញទៅមក ឬជម្រើសជំនួស

វិនិយោគយ៉ាងហោចណាស់ €350,000 នៅក្នុងមូលនិធិទៅវិញទៅមក (mutual fund) ឬមូលនិធិវិនិយោគជំនួសដែលវិនិយោគទាំងស្រុងនៅក្នុងទ្រព្យសកម្មក្នុងប្រទេសក្រិក រួមទាំងមូលបត្របំណុលសាជីវកម្ម មូលបត្របំណុលរដ្ឋាភិបាល ឬភាគហ៊ុនដែលបានចុះបញ្ជី។

ការចូលសញ្ជាតិក្រិក៖ ដំណើរការពេលវេលាស្របច្បាប់

អ្នកកាន់ទិដ្ឋាការមាសប្រទេសក្រិក អាចនឹងមានសិទ្ធិទទួលបានសញ្ជាតិក្រិក បន្ទាប់ពីស្នាក់នៅរយៈពេល 7 ឆ្នាំនៅប្រទេសក្រិក។

ដើម្បីមានលក្ខណៈគ្រប់គ្រាន់ការចូលសញ្ជាតិ អ្នកដាក់ពាក្យត្រូវតែអាចបង្ហាញពីទំនាក់ទំនងដ៏រឹងមាំជាមួយប្រទេសក្រិក និងអាចផ្តល់ភស្តុតាងនៃការធ្វើសមាហរណកម្មប្រកបដោយជោគជ័យនៅក្នុងសង្គមជាតិក្រិក ទាំងសេដ្ឋកិច្ច និងសង្គម។

អ្នកដាក់ពាក្យក៏តម្រូវឱ្យប្រឡងតេស្តភាសាក្រិកផងដែរ។

ការវិនិយោគលើអចលនទ្រព្យ៖ ការពិចារណាផ្នែកច្បាប់

សម្រាប់ជនជាតិមិនមែនមកពីសហភាពអឺរ៉ុបដែលដាក់ពាក្យសុំប័ណ្ណស្នាក់នៅរបស់សហភាពអឺរ៉ុបក្រោមទិដ្ឋាការមាសប្រទេសក្រិក ការវិនិយោគអចលនទ្រព្យគឺជាជម្រើសវិនិយោគដ៏ពេញនិយមបំផុត។ ទោះជាយ៉ាងណាក៏ដោយនៅពេលទិញអចលនទ្រព្យនៅប្រទេសក្រិកអ្នកវិនិយោគគួរតែពិចារណាលើចំនុចមួយចំនួនដូចខាងក្រោម។

ការទិញអចលនទ្រព្យសម្រាប់ជនជាតិមិនមែនមកពីសហភាពអឺរ៉ុប៖

អ្នកដាក់ពាក្យសុំទិដ្ឋាការមាសក្រិកអាចទិញអចលនទ្រព្យនៅប្រទេសក្រិកបាន ដោយហេតុថាការវិនិយោគត្រូវនឹងកម្រិតអប្បបរមារបស់កម្មវិធី។ នៅពេលទិញអចលនទ្រព្យ ប្រតិបត្តិការទាំងស្រុងត្រូវតែអនុវត្តតាមរយៈលិខិតស្នាម និងចុះបញ្ជីជាមួយការិយាល័យចុះបញ្ជីដីធ្លី ឬសុរិយោដី។

ការផ្ទៀងផ្ទាត់កម្មសិទ្ធិ និងដំណើរកាត្រួតពិនិត្យ

មុនពេលទិញ វិនិយោគិនត្រូវតម្រូវឱ្យស្របច្បាប់ក្នុងការផ្ទៀងផ្ទាត់ប្លង់កម្មសិទ្ធិច្បាស់លាស់។ នេះរាប់បញ្ចូលទាំងការបញ្ជាក់ពីសិទ្ធិកម្មសិទ្ធិ ការធានាថាអចល​នទ្រព្យនោះមិនមានការជាប់គាំង ឬជាប់ពាក់ព័ន្ធ និងការត្រួតពិនិត្យការអនុលោមតាមតំបន់។ ជាធម្មតា ការឧស្សាហ៍ព្យាយាមគឺធ្វើឡើងដោយមេធាវីក្រិកដែលមានអាជ្ញាប័ណ្ណ។

ការជួលអចលនទ្រព្យ

វិនិយោគិនត្រូវបានអនុញ្ញាតឱ្យជួលអចលនទ្រព្យរបស់ពួកគេលើមូលដ្ឋានរយៈពេលវែង។ ទោះជាយ៉ាងណាក៏ដោយ អចលនទ្រព្យដែលទទួលបានក្រោមកម្រិតកំណត់តម្លៃ €400,000 ឬ €800,000 សម្រាប់ទិដ្ឋាការមាស Golden Visa មិនអាចដាក់ប្រើប្រាស់សម្រាប់ការជួលរយៈពេលខ្លី (ដូចជា Airbnb) ទេ។

ករណីលើកលែងអនុវត្តសម្រាប់ការបំប្លែងអចលនទ្រព្យពាណិជ្ជកម្មទៅជាការប្រើប្រាស់បែបលំនៅដ្ឋាន ឬសម្រាប់ការស្ដារឡើងវិញនូវអគារបេតិកភណ្ឌដែលបានចុះបញ្ជី។

សិទ្ធិស្នាក់នៅអចិន្ត្រៃយ៍របស់ប្រទេសសាយព្រឺស៖ ដំណើរការផ្នែកច្បាប់លឿន

កម្មវិធីស្នាក់នៅអចិន្ត្រៃយ៍របស់ប្រទេសសាយព្រឺសគឺជាជម្រើសដ៏មានសក្ដានុពលសម្រាប់អ្នកវិនិយោគដែលកំពុងស្វែងរកឱកាសទិញអចលនទ្រព្យអន្តរជាតិ និងជាគោលដៅសម្រាប់តាំងលំនៅដ្ឋានដ៏ទាក់ទាញមួយ។ ជាមួយនឹងដំណើរការពាក្យលឿនបើប្រៀបធៀបទៅនឹងកម្មវិធីផ្សេងទៀត ការអនុម័តយល់ព្រមជាធម្មតាត្រូវបានចេញក្នុងរយៈពេល 2-3 ខែ ដែលធ្វើឱ្យវាក្លាយជាជម្រើសស្នាក់នៅតាមរយៈការវិនិយោគលឿនបំផុតនៅអឺរ៉ុប។

ទោះបីជាមិនមានតម្រូវការស្នាក់នៅគិតជាអប្បបរមាក៏ដោយ អ្នកដាក់ពាក្យត្រូវតែធ្វើដំណើរទៅប្រទេសសាយព្រឺស យ៉ាងហោចណាស់ម្តងរៀងរាល់ 2 ឆ្នាំម្តង ដើម្បីរក្សាសុពលភាពប័ណ្ណស្នាក់នៅរបស់ពួកគេ។

ក្របខ័ណ្ឌច្បាប់ស្តីពីអន្តោប្រវេសន៍របស់ប្រទេសសាយព្រឺស

ដើម្បីក្លាយជាបុគ្គលដែលមានសិទ្ធិទទួលបានទិដ្ឋាការមាសរបស់ប្រទេសសាយព្រឺស។ ចូរបំពេញតាមតម្រូវការខាងក្រោម៖

• វិនិយោគយ៉ាងហោចណាស់ €300,000 នៅក្នុងអចលនទ្រព្យដែលមានទីតាំងនៅក្នុងប្រទេសសាយព្រឺស ។
• ផ្តល់ភស្តុតាងនៃប្រាក់ចំណូលប្រចាំឆ្នាំដែលមានមូលដ្ឋានត្រឹមត្រូវយ៉ាងហោចណាស់ €50,000 ដែលមានប្រភពមកពីក្រៅប្រទេសសាយព្រឺស។
• តម្រូវការប្រាក់ចំណូលដែលមានមូលដ្ឋានត្រឹមត្រូវបន្ថែមត្រូវបានអនុវត្តក្នុងករណីរួមបញ្ចូល ប្តី/ប្រពន្ធក្នុងបន្ទុក (€15,000) និងសម្រាប់កូនបន្ថែមម្នាក់ៗ (€10,000) ក្នុងពាក្យស្នើរសុំ។
• មិនមានជាប់បទឧក្រិដ្ឋព្រហ្មទណ្ឌ និងមានសុខភាពល្អ។
• ធ្វើទេសចរណ៏ទៅប្រទេសសាយព្រឺស រៀងរាល់ 2 ឆ្នាំម្តង (មិនមានតម្រូវការស្នាក់នៅគិតជាអប្បបរមា) ។

ការវិនិយោគដែលមានសិទ្ធិ

វិនិយោគិនត្រូវតែធ្វើការវិនិយោគក្នុងជម្រើសមួយក្នុងចំណោមជម្រើសខាងក្រោម៖

អចលនទ្រព្យលំនៅដ្ឋាន

អ្នកដាក់ពាក្យអាចទិញអចលនទ្រព្យលំនៅដ្ឋានទើបសាងសង់ថ្មីរហូតដល់ពីរជាមួយនឹងតម្លៃទីផ្សារ €300,000 បូកនឹង VAT ។ អចលនទ្រព្យអាចទទួលបានពីអ្នកអភិវឌ្ឍន៍គម្រោងមួយ ឬពីរផ្សេងគ្នា។

អចលនទ្រព្យពាណិជ្ជកម្ម

អ្នកដាក់ពាក្យអាចទិញអចលនទ្រព្យដែលមិនមែនជាលំនៅដ្ឋានរហូតដល់ពីរ ទាំងថ្មី ឬលក់បន្ត ដូចជាការិយាល័យ ប្រភេទបន្ទប់ទិញដាច់ សណ្ឋាគារ ឬការអភិវឌ្ឍន៍ផ្សេងទៀត ដែលមានតម្លៃទីផ្សារសរុបយ៉ាងហោចណាស់ €300,000 បូកនឹង VAT។

ការវិនិយោគរបស់ក្រុមហ៊ុនក្នុងប្រទេសស៊ាយព្រឹស

អ្នកដាក់ពាក្យអាចវិនិយោគ €300,000 នៅក្នុងដើមទុនភាគហ៊ុនរបស់ក្រុមហ៊ុនដែលបានចុះបញ្ជីនៅ Cyprus ដែលមានវត្តមានជាក់ស្តែងនៅក្នុងប្រទេស ហើយមានបុគ្គលិកយ៉ាងតិច 5 នាក់។

មូលនិធិវិនិយោគរួម

អ្នកដាក់ពាក្យអាចវិនិយោគ €300,000 ជាឯកតានៃគម្រោងវិនិយោគរួមដែលគ្រប់គ្រងដោយសមាគមមូលនិធិវិនិយោគក្នុងប្រទេសសាយព្រឺស (AIF, AIFLNP ឬ RAIF) ។

ការចូលសញ្ជាតិសាយព្រឺស: ដំណើរការពេលវេលាស្របច្បាប់

សិទ្ធិស្នាក់នៅក្នុងប្រទេសសាយព្រឺសតាមរយៈកម្មវិធីទិសដ្ឋាការមាស Golden Visa អាចផ្ដល់អាទិភាពក្នុងការចូលសញ្ជាតិសហភាពអឺរ៉ុប។ ដើម្បីមានលក្ខណៈគ្រប់គ្រាន់ អ្នកបានរស់នៅក្នុងប្រទេសសាយព្រឺស យ៉ាងហោចណាស់ 5 ក្នុងរយៈពេល 8 ឆ្នាំ។ អ្នកដាក់ពាក្យក៏ត្រូវឆ្លងកាត់ការប្រឡងភាសាក្រិក និងវប្បធម៍ជាផ្នែកនៃដំណើរការចូលសញ្ជាតិ។

ការវិភាគផ្នែកច្បាប់និងការប្រៀបធៀប៖ ប្រទេសទាំង 4

ទិដ្ឋាការមាសប្រទេសព័រទុយហ្គាល់ (Portugal Golden Visa)

ការវិនិយោគអប្បបរមា៖ €250,000 (បរិច្ចាគ្គ) / €500,000 (មូលនិធិ)

ជម្រើស៖

• មូលនិធិវិនិយោគ (€500k, 60% នៅព័រទុយហ្គាល់, គ្រប់អាយុកាល 5 ឆ្នាំ, គ្មានមូលនិធិអចលនទ្រព្យ)
• ការបរិច្ចាគដល់គម្រោងវប្បធម៌/បេតិកភណ្ឌ (€250k ឬ€200k នៅក្នុងតំបន់ដែលមានដង់ស៊ីតេទាប)

តម្រូវការស្នាក់នៅ៖ 7 ថ្ងៃក្នុងឆ្នាំដំបូង ឬ 14 ថ្ងៃក្នុង 2 ឆ្នាំដំបូង + 21 ថ្ងៃក្នុង 3 ឆ្នាំបន្ទាប់

ការចូលសញ្ជាតិ៖ មានសិទ្ធិបន្ទាប់ពី 5 ឆ្នាំការប័ណ្ណស្នាក់នៅ; ត្រូវតែឆ្លងកាត់ការធ្វើតេស្តភាសាព័រទុយហ្គាល់ A2; កំណត់ត្រាព្រហ្មទណ្ឌស្អាតស្អំ; សមាហរណកម្មត្រូវបានចាត់ទុកថា។
ដំណើរការ៖ 6-12 ខែ (អាចមានការប្រែប្រួល) គ្មា
កត់សម្គាល់៖ គ្មានជម្រើសអចលនទ្រព្យចាប់តាំងពីឆ្នាំ 2024។ អនុញ្ញាតឱ្យមានសញ្ជាតិពីរ។

កម្មវិធីស្នាក់នៅអចិន្ត្រៃយ៍របស់ម៉ាល់តា (Malta Permanent Residence Program)

ការវិនិយោគអប្បបរមា៖ €300,000 (អចលនទ្រព្យ) + ថ្លៃសេវា

ជម្រើស៖

• អចលនទ្រព្យ៖ ទិញ (€375k) ឬជួល (€14k/ឆ្នាំ ទាំង 5 ឆ្នាំ)
• ការបរិច្ចាគជូនអង្គការក្រៅរដ្ឋាភិបាល (€2k)
• ការរួមចំណែកដល់រដ្ឋាភិបាល (€37k)
• ថ្លៃសេវាគ្រប់គ្រង (€60k + អ្នកអាស្រ័យ)
• ភស្តុតាងនៃទ្រព្យសកម្ម €500k (ជាមួយ€ 150k នៅក្នុងទ្រព្យសកម្មហិរញ្ញវត្ថុ)

តម្រូវការស្នាក់នៅ៖ គ្មានតម្រូវការអប្បបរមា
ការចូលសញ្ជាតិ៖ អាចចូលសញ្ជាតិបន្ទាប់ពីស្នាក់នៅ 5 ឆ្នាំ (12 ខែបន្ត + 4 ឆ្នាំក្នុងរយៈពេល 6 ឆ្នាំ); ត្រូវតែបញ្ជាក់អំពីទំនាក់ទំនង ការរួមបញ្ចូល និងជំនាញភាសា (ភាសា Maltese ឬភាសាអង់គ្លេស)
ដំណើរការ៖  ​​4-6 ខែ
កត់សម្គាល់៖ ផ្តល់សិទ្ធិស្នាក់នៅអចិន្ត្រៃយ៍ចាប់ពីថ្ងៃដំបូង និងអនុញ្ញាតឱ្យមានសញ្ជាតិពីរ។

ទិដ្ឋាការមាសប្រទេសក្រិក (Greece Golden Visa)

ការវិនិយោគអប្បបរមា៖ €250,000 – €800,000

ជម្រើស៖

• អចលនទ្រព្យ (€400k–€800k អាស្រ័យលើទីតាំង ទ្រព្យសម្បត្តិអប្បបរមា 120 m²)
• €250k សម្រាប់ការបំប្លែង/ការស្ដារឡើងវិញ
• ជម្រើសមិនមែនអចលនទ្រព្យ៖ ការដាក់ប្រាក់តាមធនាគារ (€500k), gov. មូលបត្របំណុល (€500k), មូលបត្រដែលបានចុះបញ្ជី (€800k), មូលនិធិ (€350k+), ភាគហ៊ុនរបស់ក្រុមហ៊ុន, ការជួល/ភាគហ៊ុនពេលវេលា (€400k–€800k)

តម្រូវការស្នាក់នៅ៖ មិនមាន

ការចូលសញ្ជាតិ៖ អាចចូលសញ្ជាតិបន្ទាប់ពីកាន់សិទ្ធិស្នាក់នៅអស់ 7 ឆ្នាំ; ត្រូវតែឆ្លងកាត់ការធ្វើតេស្តភាសាក្រិក + ការចូលរួមក្នុងសង្គម
ដំណើរការ៖ 6-12 ខែ
កត់សម្គាល់៖ សម្រាប់អចលនទ្រព្យក្រោម €400k/€800k មិនអាចប្រើសម្រាប់ការជួល Airbnb/រយៈពេលខ្លីបានទេ។

ការស្នាក់នៅអចិន្ត្រៃយ៍របស់ប្រទេសសាយព្រឺស (Cyprus Permanent Residence)

ការវិនិយោគអប្បបរមា៖ €300,000

ជម្រើស៖

• អចលនទ្រព្យបែបលំនៅដ្ឋាន៖ ការសាងសង់ថ្មី អាចទិញរហូតដល់ 2 (€300k + VAT)
• អចលនទ្រព្យពាណិជ្ជកម្ម (€300k + VAT)
• ដើមទុនភាគហ៊ុនរបស់ក្រុមហ៊ុន Cyprus (€300k ជាមួយបុគ្គលិក 5 នាក់)
• មូលនិធិវិនិយោគរួម (€300k)

តម្រូវការស្នាក់នៅ៖ ត្រូវធ្វើដំណើរទៅរៀងរាល់ 2 ឆ្នាំម្តង គ្មានការស្នាក់នៅអប្បបរមា

ការចូលសញ្ជាតិ៖ អាចស្នើរចូលសញ្ជាតិបាន ប៉ុន្តែមានរយៈពេលយូជាង និងស្មុគ្រស្មាញ (ច្បាប់ស្តីពីការចូលសញ្ជាតិតាមស្ដង់ដារត្រូវបានអនុវត្ត)
ដំណើរការ៖ 2-3 ខែ (រហ័ស)
កត់សម្គាល់៖ តម្រូវការប្រាក់ចំណូល៖ €50k (បូកនឹង €15k ប្តីប្រពន្ធ / €10k កូន)។ ការអនុម័តលឿនបំផុតមួយនៅក្នុងសហភាពអឺរ៉ុប។

លក្ខណៈពិសេសដ៏គួរឱ្យទាក់ទាញបំផុតមួយនៃកម្មវិធីស្នាក់នៅតាមរយៈការវិនិយោគនៅក្នុងសហភាពអឺរ៉ុបគឺកាត់បន្ថយកាតព្វកិច្ចស្នាក់នៅ ឬគ្មានតម្រូវការតែម្ដង។ នេះអនុញ្ញាតឱ្យវិនិយោគិនទទួលបានប័ណ្ណផ្ដល់សិទ្ធិស្នាក់នៅរបស់សហភាពអឺរ៉ុប ខណៈពេលដែលបន្តរស់នៅជាចម្បងនៅខាងក្រៅសហភាពអឺរ៉ុប។

ប្រទេសព័រទុយហ្គាល់

ទិដ្ឋាការមាសទាមទារតម្រូវការស្នាក់នៅជាមធ្យម 7 ថ្ងៃក្នុងឆ្នាំដំបូង ឬ 14 ថ្ងៃក្នុងរយៈពេល 2 ឆ្នាំដំបូង + 21 ថ្ងៃក្នុងរយៈពេល 3 ឆ្នាំបន្ទាប់

ប្រទេសម៉ាល់តា

កម្មវិធីស្នាក់នៅអចិន្ត្រៃយ៍របស់ប្រទេសម៉ាល់តា (MPRP) មិនកំណត់តម្រូវការស្នាក់នៅអប្បបរមាស្របច្បាប់ទេ។ នេះមានន័យថាអ្នកដាក់ពាក្យអាចរក្សាសុពលភាពស្នាក់នៅសហភាពអឺរ៉ុបរបស់ពួកគេដោយមិនចាំបាច់ផ្លាស់ទីលំនៅទៅប្រទេសម៉ាល់តា។

ប្រទេសក្រិក

ដូចគ្នាដែរ ទិដ្ឋាការមាសប្រទេសក្រិក មិនមានត្រូវការវត្តមានផ្ទាល់គិតជាអប្បបរមានោះទេ។ វិនិយោគិនអាចទទួលបាន និងបន្តការ ស្នាក់នៅក្នុងសហភាពអឺរ៉ុបរយៈពេលវែងរបស់ពួកគេ ខណៈដែលកំពុងរស់នៅខាងក្រៅប្រទេសក្រិក។

ប្រទេសសាយព្រឺស

អ្នករស់នៅក្នុងប្រទេសសាយព្រឺសត្រូវតែធ្វើដំណើរទៅប្រទេសនោះយ៉ាងហោចណាស់ម្តងរៀងរាល់ 2 ឆ្នាំម្តង ដើម្បីរក្សាសុពលភាពសិទ្ធិស្នាក់នៅអចិន្ត្រៃយ៍របស់ពួកគេ។ ទោះយ៉ាងណាក៏ដោយ មិនមានតម្រូវឱ្យមានរយៈពេលអប្បបរមាសម្រាប់ដំណើរទេសចរណ៍នេះទេ។

ការចូលសញ្ជាតិ៖ ការប្រៀបធៀបផ្លូវច្បាប់

លើសពីសិទ្ធិស្នាក់នៅ វិនិយោគិនជាច្រើនចាប់អារម្មណ៍លើកម្មវិធីស្នាក់នៅរបស់សហភាពអឺរ៉ុបតាមរយៈកម្មវិធីវិនិយោគដែលផ្តល់សក្តានុពលសម្រាប់ការទទួលបានសញ្ជាតិសហភាពរបស់អឺរ៉ុប។ ខណៈពេលដែលប្រទេសនីមួយៗអនុវត្តតាមក្របខណ្ឌច្បាប់របស់ខ្លួននោះ ខាងក្រោមនេះបង្ហាញពីតម្រូវការសំខាន់ៗ៖

ប្រទេសព័រទុយហ្គាល់

សញ្ជាតិអាចត្រូវបានអនុវត្តបន្ទាប់ពី 5 ឆ្នាំនៃការស្នាក់នៅ និងបំពេញតម្រូវការស្នាក់នៅអប្បបរមា (7 ថ្ងៃក្នុងឆ្នាំដំបូង ឬ 14 ថ្ងៃក្នុងរយៈពេល 2 ឆ្នាំដំបូង + 21 ថ្ងៃក្នុងរយៈពេល 3 ឆ្នាំបន្ទាប់) ក្រោមទិដ្ឋាការមាស។ អ្នកដាក់ពាក្យត្រូវតែបង្ហាញជំនាញភាសាព័រទុយហ្គាល់ជាមូលដ្ឋាន (កម្រិត A2) និងរក្សាកំណត់ត្រាឧក្រិដ្ឋកម្មស្អាត។

ប្រទេសម៉ាល់តា

អាចចូលសញ្ជា្តតិសម្រាប់អ្នកដែលរក្សាសុពភាពសិទ្ធិស្នាក់នៅបន្តរយៈពេល 12 ខែមុនពេលដាក់ពាក្យ បូករួមទាំងការស្នាក់នៅផ្ទាល់យ៉ាងតិច 4 ឆ្នាំក្នុងរយៈពេល 6 ឆ្នាំខាងមុខ។ ត្រូវចេះជំនាញភាសា Maltese ឬភាសាអង់គ្លេសផងដែរ។

ប្រទេសក្រិក

អាចសញ្ជាតិបន្ទាប់ពី 7 ឆ្នាំនៃការកាន់សិទ្ធិស្នាក់នៅ។ អ្នកដាក់ពាក្យត្រូវតែបញ្ជាក់ពីទំនាក់ទំនងដ៏រឹងមាំជាមួយប្រទេសក្រិក រួមទាំងសមាហរណកម្មសេដ្ឋកិច្ច និងសង្គម និងឆ្លងកាត់ការតេស្តភាសាក្រិ។

ប្រទេសសាយព្រឺស

ចូលសញ្ជាតិបន្ទាប់ពី 5 ឆ្នាំនៃការស្នាក់នៅក្នុងរយៈពេល 8 ឆ្នាំ។ អ្នកដាក់ពាក្យត្រូវឆ្លងកាត់ការធ្វើតេស្តភាសាក្រិក និងវប្បធម៌។ ទោះបីជាប្រទេស សាយព្រឺស ពីមុនបានផ្តល់ជូន “កម្មវិធីសញ្ជាតិតាមរយៈការវិនិយោគ” ដោយផ្ទាល់ក៏ដោយ គ្រោងការណ៍នេះត្រូវបានលុបចោល ហើយជម្រើសបច្ចុប្បន្នតម្រូវឱ្យស្នាក់នៅប្រកបដោយនិរន្តរភាព។

ខណៈពេលដែលកម្មវិធីទាំង 4 ផ្តល់ការអនុញ្ញាតសិទ្ធិស្នាក់នៅរបស់សហភាពអឺរ៉ុប មានតែប្រទេសព័រទុយហ្គាល់ និងប្រទេសសាយព្រឺស ប៉ុណ្ណោះដែលផ្តល់ពេលវេលាកំណត់ការចូលសញ្ជាតិដែលមានរចនាសម្ព័ន្ធខ្លី ក្រោមច្បាប់ច្បាស់លាស់។ ប្រទេសម៉ាល់តា និងក្រិកក៏ផ្តល់ការចូលសញ្ជាតិផងដែរ ប៉ុន្តែទាំងនេះទាមទារឱ្យមានសមាហរណកម្មកាន់តែស៊ីជម្រៅ និងរយៈពេលស្នាក់នៅយូរជាងនេះ។

តើ​កម្មសិទ្ធិស្នាក់នៅរបស់សហភាពអឺរ៉ុប EU Residency អាចផ្ដល់សិទ្ធិ​អ្វី​ខ្លះ​?

ការទទួលបានប័ណ្ណផ្ដល់សិទ្ធិស្នាក់នៅរបស់សហភាពអឺរ៉ុបតាមរយៈកម្មវិធីស្នាក់នៅ ផ្តល់ឱ្យអ្នកនូវសិទ្ធិក្នុងការរស់នៅក្នុងប្រទេស ព្រមទាំងការការពារក្រោមច្បាប់សហភាអឺរ៉ុប និងច្បាប់ក្នុងប្រទេសជាតិ។

សិទ្ធិប្រើប្រាស់ក្នុងតំបន់ Schengen ក្រោមច្បាប់សហភាពអឺរ៉ុប

អ្នកកាន់ប័ណ្ណស្នាក់នៅរបស់សហភាពអឺរ៉ុបមានសិទ្ធិធ្វើដំណើរដោយសេរីនៅក្នុងតំបន់ Schengen ដោយមិនចាំបាច់សុំទិដ្ឋាការបន្ថែម។

ជាងនេះទៅទៀត មិនដូចភ្ញៀវធម្មតាទេ អ្នកស្រុកដែលមានសិទ្ធិមិនស្ថិតនៅក្រោមច្បាប់ស្តង់ដារ “90 ថ្ងៃក្នុងរយៈពេល 180 ថ្ងៃ” នៅពេលចូលប្រទេសម្ចាស់ផ្ទះរបស់ពួកគេ។ ផ្ទុយទៅវិញ ពួកគេអាចស្នាក់នៅដោយគ្មានកំណត់ក្នុងរដ្ឋសមាជិកដែលបានចេញប័ណ្ណស្នាក់នៅ ប្រសិនបើលិខិតអនុញ្ញាតនៅតែមានសុពលភាព។

វាជាការសំខាន់ក្នុងការកត់សម្គាល់ថាសិទ្ធិស្នាក់នៅមិនដូចនោះទេគ្នាទៅនឹងអ្នកដែលមានសញ្ជាតិអឺរ៉ុបទេ។ ការអនុញ្ញាតឱ្យស្នាក់នៅមិនផ្តល់សិទ្ធិដោយស្វ័យប្រវត្តិក្នុងការធ្វើការ ឬស្នាក់នៅជាអចិន្ត្រៃយ៍ក្នុងបណ្តាប្រទេសសហភាពអឺរ៉ុបផ្សេងទៀតទេ លុះត្រាតែមានការអនុញ្ញាតជាពិសេសនៅក្រោមច្បាប់ជាតិ ឬតាមរយៈប័ណ្ណស្នាក់នៅរយៈពេលវែងរបស់សហភាពអឺរ៉ុបបន្ទាប់ពី 5 ឆ្នាំ។

សិទ្ធិអាជីវកម្ម និងសេដ្ឋកិច្ច

កម្មវិធីស្នាក់នៅតាមរយៈការវិនិយោគជាច្រើននៅក្នុងសហភាពអឺរ៉ុបផ្តល់ឱ្យវិនិយោគិននូវសិទ្ធិក្នុងការចាប់ផ្តើម និងដំណើរការអាជីវកម្មនៅក្នុងរដ្ឋជាសមាជិក។ នេះរាប់បញ្ចូលទាំងការបង្កើតក្រុមហ៊ុន ការទិញភាគហ៊ុន និងប្រតិបត្តិការពាណិជ្ជកម្មដោយអនុលោមតាមច្បាប់ក្នុងស្រុក។

ខណៈពេលដែលសិទ្ធិ នៃការបង្កើតអាជីវកម្មត្រូវបានកំណត់ដោយប្រទេសជាម្ចាស់ផ្ទះ ការស្នាក់នៅក្នុងរដ្ឋសមាជិកសហភាពអឺរ៉ុបមួយ ជារឿយៗធ្វើឱ្យប្រតិបត្តិការឆ្លងដែនមានភាពសាមញ្ញ ជាពិសេសនៅក្នុងវិស័យដែលគ្រប់គ្រងដោយច្បាប់បង្រួបបង្រួមទូទាំងសហភាពអឺរ៉ុប ដូចជាសេវាកម្មហិរញ្ញវត្ថុ ពាណិជ្ជកម្ម និងមូលនិធិវិនិយោគ។

សិទ្ធិដាក់បញ្ចូលសមាជិកគ្រួសារ

កម្មវិធីទិដ្ឋាការមាសរបស់ប្រទេសនៅសហភាពអឺរ៉ុបភាគច្រើន អនុញ្ញាតឲ្យសមាជិកក្នុងបន្ទុកត្រូវបានដាក់បញ្ចូលក្រោមការអនុញ្ញាតរបស់អ្នកស្នើសុំចម្បង។ ជាធម្មតា ពាក្យស្នើអាចរួមបញ្ចូល ប្តី/ប្រពន្ធ និងកូនតូចៗ ហើយក្នុងករណីខ្លះ ក៏អាចរួមបញ្ចូលទាំងឪពុកម្តាយ ឬកូនៗដែលពេញវ័យកំពុងនៅក្នុងបន្ទុក។ ទោះជាយ៉ាងណាក៏ដោយ លក្ខណៈវិនិច្ឆ័យ នៃសិទ្ធិចូលរួមជាក់លាក់ ដូចជាការកំណត់អាយុ និងចំណងអាពាហ៍ពិពាហ៍ ប្រែប្រួលទៅតាមច្បាប់របស់ប្រទេសនីមួយៗ។