តើសញ្ជាតិពីរគឺជាអ្វី ហើយតើខ្ញុំអាចទទួលបានវាតាមរបៀបណានៅក្នុងឆ្នាំ 2025 នេះ?

តើសញ្ជាតិពីរគឺជាអ្វី? សញ្ជាតិពីរកើតឡើងនៅពេល ដែលបុគ្គលម្នាក់ត្រូវបានទទួលស្គាល់ដោយស្របច្បាប់ក្នុងនាមជាពលរដ្ឋ នៃប្រទេសពីរ ឬច្រើនផ្សេងគ្នាស្របពេលតែមួយ។ ស្ថានភាពនេះអនុញ្ញាតឱ្យបុគ្គលនោះទទួលបានសិទ្ធិ និងឯកសិទ្ធិនៃប្រទេសទាំងពីរ រួមទាំងសិទ្ធិទទួលបានការថែទាំសុខភាព ការអប់រំ អត្ថប្រយោជន៍ផ្នែកពន្ធ និងលទ្ធភាពក្នុងការរស់នៅ ធ្វើការ និងការធ្វើដំណើរដោយមិនបាច់សុំទិដ្ឋាការនៅក្នុងប្រទេសទាំងពីរ។ វាក៏អនុញ្ញាតឱ្យបុគ្គលនោះទទួលបានអត្ថប្រយោជន៍ពីការការពារផ្នែកច្បាប់ និងសិទ្ធិដែលផ្តល់ដោយសញ្ជាតិទាំងពីរផងដែរ។

អត្ថប្រយោជន៍នៃការមានសញ្ជាតិពីរ

សញ្ជាតិពីរផ្តល់នូវអត្ថប្រយោជន៍ជាច្រើន ដើម្បីគុណភាពនៃជីវិតកាន់តែមានភាពប្រសើរជាងមុន។ វាផ្តល់នូវអានុភាព នៃការធ្វើដំណើរជុំវិញសកលលោក ដែលអនុញ្ញាតឱ្យបុគ្គលនោះអាចរស់នៅ ធ្វើការ និងសិក្សានៅប្រទេសជាច្រើន។ វាក៏អាចបង្កើនឱកាសអាជីវកម្មតាមរយៈការចូលទៅកាន់ទីផ្សារពិភពលោក និងជម្រើសវិនិយោគបន្ថែមទៀត។ លើសពីនេះទៀត វាក៏អាចផ្តល់ នូវអត្ថប្រយោជន៍ផ្នែកពន្ធ ដោយសារប្រទេសខ្លះមានសន្ធិសញ្ញាពន្ធ ដើម្បីទប់ស្កាត់ការយកពន្ធទ្វេរដង។ សម្រាប់បុគ្គល ដែលមានទំនាក់ទំនងសាច់ញាតិគ្រួសារនៅបរទេស ការមានសញ្ជាតិពីរអាចជួយសម្រួលដល់ការធ្វើដំណើរ និងការស្នាក់នៅកាន់តែងាយស្រួលសម្រាប់សមាជិកក្នុងបន្ទុករបស់ពួកគេ ក៏ដូចជាលទ្ធភាពក្នុងការឧបត្ថម្ភដល់សមាជិកគ្រួសារដើម្បីទទួលបានសញ្ជាតិដូចគ្នាដែរ។

សញ្ជាតិពីរក៏អាចផ្តល់អត្ថប្រយោជន៍សំខាន់ៗសម្រាប់ការធ្វើផែនការមរតក និងសន្តិសុខហិរញ្ញវត្ថុផងដែរ។ វាអនុញ្ញាតឱ្យបុគ្គលម្នាក់ៗផ្ដល់នូវសញ្ជាតិនោះបន្តដល់កូនៗរបស់ពួកគេ និងសមាជិកគ្រួសារជំនាន់ក្រោយ ដោយធានានូវលទ្ធភាពទទួលបានអត្ថប្រយោជន៍ដូចៗគ្នា ឱកាសនាពេលអនាគត និងការធ្វើដំណើរជុំវិញពិភពលោក។ វាក៏អាចជួយសម្រួលដល់ការផ្ទេរទ្រព្យសម្បត្តិ និងអចលនវត្ថុដល់កូនៗ ឬប្តី/ប្រពន្ធផងដែរ ដោយសារបុគ្គលម្នាក់ៗអាចទទួលបានអត្ថប្រយោជន៍ពីការចូលប្រើក្របខ័ណ្ឌច្បាប់ពីរដាច់ដោយឡែកពីគ្នា ហើយជាលទ្ធផលនៃការកាត់បន្ថយបន្ទុកពន្ធ និងធានាឱ្យដំណើរការទទួលមរតកមានប្រសិទ្ធភាព។ ដូចគ្នានេះដែរ ការមានសញ្ជាតិទីពីរអាចដើរតួជាសំណាញ់សុវត្ថិភាពដោយផ្តល់ឱកាសនៃការផ្លាស់ប្តូរទីលំនៅក្នុងគ្រាមានអស្ថិរភាពនយោបាយ ឬវិបត្តិសេដ្ឋកិច្ចនៅក្នុងប្រទេសកំណើតរបស់ពួកគេ។

បន្ទាប់ពី​បានដឹង​ហើយ​ថា​អ្វី​ទៅ​ជា​សញ្ជាតិពីរ តើ​យើងត្រូវធ្វើ​ដូចម្តេច​ដើម្បី​ទទួល​បាន​វា?

មានមធ្យោបាយជាច្រើនដែលបុគ្គលម្នាក់ៗអាចទទួលបានសញ្ជាតិពីរ ដែលនីមួយៗមានតម្រូវការ និងអត្ថប្រយោជន៍ផ្សេងៗគ្នា។ នៅក្នុងអត្ថបទនេះ យើងនឹងពណ៏នាអំពីការទទួលបានសញ្ជាតិតាមរយៈវង្សត្រកូល និងការវិនិយោគ។

សញ្ជាតិតាមរយៈវង្សត្រកូល

ការទទួលបានសញ្ជាតិតាមរយៈវង្សត្រកូល (ឬទំនាក់ទំនងដូនតា) គឺជាមធ្យោបាយដ៏មានប្រសិទ្ធភាពបំផុតក្នុងការទទួលបានសញ្ជាតិទីពីរ។ ប្រទេសជាច្រើនអនុញ្ញាតនិងផ្តល់សញ្ជាតិដល់បុគ្គល ដែលអាចបញ្ជាក់ថាពួកគេមានពូជពង្សវង្សត្រកូលមកពីប្រទេសនោះ។ មធ្យោបាយនេះពាក់ព័ន្ធនឹងការបញ្ជាក់ពីត្រកូលគ្រួសារ និងការបំពេញតម្រូវការឯកសារជាក់លាក់ ដែលមានភាពខុសគ្នាសម្រាប់ប្រទេសនីមួយៗ។

ប្រសិនបើអ្នកអាចស្វែងរកពីដើមកំណើតរបស់អ្នកជាប់ខ្សែស្រឡាយជាពលរដ្ឋនៃប្រទេសនោះ អ្នកអាចមានសិទ្ធិដាក់ពាក្យសុំសញ្ជាតិ ទោះបីជាអ្នកកើតនៅក្រៅប្រទេសនោះក៏ដោយ។ ជាឧទាហរណ៍ បុគ្គលម្នាក់ដែលមានជីដូន/ជីតាជាជនជាតិអៀរឡង់ អាចទាមទារសុំសញ្ជាតិអៀរឡង់បាន។ ទន្ទឹមនឹងនេះដែរប្រទេសអ៊ីតាលី​ ក៏អនុញ្ញាតឱ្យបុគ្គលដែលមានដើមកំណើតអ៊ីតាលីអាចដាក់ពាក្យសុំសញ្ជាតិរហូតដល់បីជំនាន់។ ដូចគ្នានេះដែរ ប្រទេសបារាំង អេស្បាញ និងស្លូវ៉ាគី ក៏ផ្តល់សញ្ជាតិដល់កូនចៅ នៃសញ្ជាតិអេស្ប៉ាញ ឬស្លូវ៉ាគី ដែលអាចបង្ហាញភស្តុតាង នៃពូជពង្សវង្សត្រកូលរបស់ពួកគេផងដែរ។

ការទទួលបានសញ្ជាតិទីពីរតាមវង្សត្រកូល នៅតែជាជម្រើសដ៏ទាក់ទាញសម្រាប់មនុស្សជាច្រើន ជាពិសេសអ្នកដែលមានដើមកំណើតក្នុងទ្វីបអឺរ៉ុប ដើម្បីទទួលបានអត្ថប្រយោជន៍ដែលផ្តល់ជូនពលរដ្ឋនៃសហភាពអឺរ៉ុប ដូចជាលទ្ធភាពរស់នៅ ធ្វើការ និងការសិក្សានៅទូទាំងរដ្ឋដែលជាសមាជិកសហភាពអឺរ៉ុប។

ដើម្បីដឹងថាតើអ្នកអាចមានលក្ខណៈសម្បត្តិគ្រប់គ្រាន់សម្រាប់សញ្ជាតិតាមរយៈវង្សត្រកូលនៅក្នុងប្រទេសដែលអ្នកជ្រើសរើសឬអត់នោះ សូមធ្វើតេស្តសិទ្ធិសាកល្បងទីនេះ៖ Citizenship by ancestry eligibility test

ការចូលសញ្ជាតិតាមរយៈការវិនិយោគ

ប្រទេសមួយចំនួនផ្តល់ជូននូវការទទួលបានសញ្ជាតិតាមរយៈការវិនិយោគ ដែលជាវិធីសាស្ត្រឆាប់រហ័សក្នុងការទទួលបានសញ្ជាតិទីពីរ ទន្ទឹមនឹងការវិនិយោគ ដែលមានលក្ខណៈសម្បត្តិគ្រប់គ្រាន់។ តំបន់ការាបៀន (Caribbean) ប្រទេសម៉ាល់តា និងនិងប្រទេសទួរគីយេ បានផ្តល់ជូននូវកម្មវិធីសញ្ជាតិ ដែលបុគ្គលម្នាក់ៗអាចទទួលបានសញ្ជាតិតាមរយៈការវិនិយោគលើអចលនទ្រព្យ ប័ណ្ណបំណុលរដ្ឋាភិបាល ឬការបរិច្ចាគ។ ជម្រើសនេះមានប្រជាប្រិយភាពជាពិសេសក្នុងចំណោមបុគ្គលដែលមានទ្រព្យសម្បត្តិ ហើយកំពុងស្វែងរកសេរីភាព នៃការធ្វើដំណើរជុំវិញពិភពលោក ឬកំពុងស្វែងរកការកាត់បន្ថយបន្ទុកពន្ធរបស់ពួកគេ។

ជាឧទាហរណ៍ ប្រទេសនៅក្នុងតំបន់ការាបៀន (Caribbean) ជាច្រើនដូចជាប្រទេសអាន់ទីហ្គ័រ និងបាប៊ូដា (Antigua & Barbuda) ប្រទេសដូមីនីកា (Dominica) ប្រទេសហ្គ្រីណាដា (Grenada) ប្រទេសសាំងឃីត និងនេវីស (Saint Kitts & Nevis) និងប្រទេសសាន់លូស៉្យា (St. Lucia) បាននឹងកំពុងផ្តល់ជូន នូវកម្មវិធីសញ្ជាតិតាមរយៈការវិនិយោគ។ នៅប្រទេសសាំងឃីត និងនេវីស (St. Kitts & Nevis) បុគ្គលម្នាក់ៗអាចទទួលបានសញ្ជាតិតាមរយៈជម្រើសអត្ថប្រយោជន៍សាធារណៈ ដោយធ្វើការបរិច្ចាគទឹកប្រាក់ចំនួន USD 250,000 ដោយចំនួនទឹកប្រាក់នេះរួមបញ្ចូលទាំងសមាជិកគ្រួសារដែលមានលក្ខណៈសម្បត្តិគ្រប់គ្រាន់ទាំងអស់ ឬអាចទទួលបានសញ្ជាតិតាមរយៈការវិនិយោគយ៉ាងហោចណាស់ USD 325,000 នៅក្នុងអចលនទ្រព្យ។ ដូចគ្នានេះដែរ ប្រទេសអាន់ទីហ្គ័រ និងបាប៊ូដា (Antigua & Barbuda) ក៏មានជាការផ្តល់ជូននូវសញ្ជាតិដល់បុគ្គល ដែលធ្វើការវិនិយោគយ៉ាងហោចណាស់ USD 230,000 សម្រាប់សមាជិកគ្រួសាររហូតដល់ទៅ 4 នាក់ ឬវិនិយោគលើអចលនទ្រព្យដែលបានអនុម័តដោយរដ្ឋាភិបាល ដែលមានតម្លៃចាប់ផ្តើមពី USD 300,000 ។

ដែនដីការីបៀននីមួយៗមានអត្ថប្រយោជន៍រៀងៗខ្លួន ដូចជាជម្រើសរបស់ប្រទេសសាន់លូស៉្យា (St. Lucia) ក្នុងការវិនិយោគលើមូលបត្របំណុលរបស់រដ្ឋាភិបាលសម្រាប់អ្នកដែលចង់ធានាថាពួកគេអាចយកដើមទុនរបស់ពួកគេមកវិញនាពេលអនាគត រីឯប្រទេសហ្គ្រីណាដា (Grenada) វិញ លោកអ្នកអាចស្នើសុំទិដ្ឋាការ E-2 (USA) បន្ទាប់ពីទទួលបានសញ្ជាតិរយៈពេល 3 ឆ្នាំ ដែលទិដ្ឋាការ E-2 (USA) អាចឱ្យអ្នកបង្កើតអាជីវកម្មនៅក្នុងសហរដ្ឋអាមេរិកបាន។

ហេតុអ្វីបានជាប្រទេសកោះតំបន់ការាបៀន (Caribbean) មានភាពលេចធ្លោខ្លាំងម៉្លេះ?

ប្រទេសនៅក្នុងតំបន់ការាបៀន(Caribbean) ទាំងអស់មានភាពទាក់ទាញដោយសារ ការយកពន្ធទាប ក្រោមពាក្យស្នើសញ្ជាតិតែមួយលោកអ្នកអាចរួមបញ្ចូលសមាជិកក្នុងបន្ទុកច្រើនដូចជាឪពុកម្តាយ ជីដូនជីតា និងបងប្អូនបង្កើត តាមករណីនីមួយៗ និងផ្តល់នូវលទ្ធភាពក្នុងការរស់នៅ ធ្វើការ និងតាំងទីលំនៅក្នុងរដ្ឋជាសមាជិកCARICOMទាំងអស់ នៅទីនោះនឹងនាំមកនូវគុណភាពជីវិតកាន់តែប្រសើរឡើង និងមិនមានតម្រូវការស្នាក់នៅ (លើកលែងតែប្រទេសអាន់ទីហ្គ័រ និងបាប៊ូដា (Antigua & Barbuda) ដែលត្រូវតម្រូវឱ្យអ្នកធ្វើដំណើរទៅលេង 5 ថ្ងៃ ក្នុងរយៈពេល 5ឆ្នាំដំបូង) ។

ជម្រើសសញ្ជាតិនៅក្នុងសហគមន៍អឺរ៉ុប

ដើម្បីទទួលបានសញ្ជាតិនៅក្នុងសហគមន៍អឺរ៉ុប និងការទទួលបានអត្ថប្រយោជន៍ជាច្រើនរបស់សហភាពអឺរ៉ុប ប្រទេសម៉ាល់តា (Malta) ក៏ផ្តល់នូវសញ្ជាតិតាមរយៈការវិនិយោគផងដែរ ទោះបីជាតម្រូវការហិរញ្ញវត្ថុខ្ពស់ជាងគេក៏ដោយ។ បេក្ខជនត្រូវបង់ថ្លៃរដ្ឋាភិបាល និងធ្វើការវិនិយោគលើអចលនទ្រព្យ ដោយទិញអចលនទ្រព្យបែបលំនៅដ្ឋានក្នុងតម្លៃយ៉ាងហោចណាស់ EUR 700,000 ឬជួលអចលនទ្រព្យលំនៅដ្ឋានយ៉ាងហោចណាស់ EUR 16,000 ក្នុងមួយឆ្នាំ ឬធ្វើការបរិច្ចាគជូនរដ្ឋាភិបាលយ៉ាងហោចណាស់ EUR 600,000 និងបន្ថែមចំនួនEUR 50,000 សម្រាប់ការបន្ថែមសមាជិកម្នាក់។ បេក្ខជនដែលជោគជ័យ និងទទួលបានសិទ្ធិក្នុងការរស់នៅ ធ្វើការ និងសិក្សានៅក្នុងរដ្ឋសមាជិកសហភាពអឺរ៉ុបណាមួយក៏បាន ការធ្វើដំណើរដោយគ្មានទិដ្ឋាការទៅកាន់ប្រទេសជាច្រើន និងការទទួលបានប្រព័ន្ធសុខាភិបាល និងវិស័យអប់រំដ៏រឹងមាំរបស់ប្រទេសម៉ាល់តា (Malta)

កម្មវិធីទាំងនេះកំពុងទាក់ទាញ បុគ្គលដែលមានទ្រព្យសម្បត្តិ ហើយក៏ដូចជាស្វែងរកមធ្យោបាយ ដែលលឿន និងមានប្រសិទ្ធភាពក្នុងការទទួលបានសញ្ជាតិ រួមទាំងផ្តល់នូវភាពរីករាយនឹងឱកាសធ្វើដំណើរកាន់តែច្រើន សេរីភាពហិរញ្ញវត្ថុកាន់តែទូលំទូលាយ និងសុវត្ថិភាពនៃលិខិតឆ្លងដែនលើសពីមួយ។

កម្មវិធីស្នាក់នៅដែលអាចចូលសញ្ជាតិបាននាពេលអនាគត

មធ្យោបាយទូទៅមួយទៀតសម្រាប់ ការទទួលបានសញ្ជាតិទីពីរ គឺតាមរយៈកម្មវិធីសិទ្ធិរស់នៅតាមរយៈការវិនិយោគ។ កម្មវិធីទាំងនេះផ្តល់ឱ្យបេក្ខជន នូវសិទ្ធិស្នាក់នៅក្នុងប្រទេសមួយ ជាថ្នូរនឹងការវិនិយោគផ្នែកហិរញ្ញវត្ថុ ជាធម្មតានៅក្នុងវិស័យអចលនទ្រព្យ ឬអាជីវកម្មក្នុងស្រុក។ បន្ទាប់ពីរយៈពេលជាច្រើនឆ្នាំ សិទ្ធិស្នាក់នៅនេះអាចនាំឱ្យគេមានសិទ្ធិចូលសញ្ជាតិនាថ្ងៃអនាគត។ ឧទាហរណ៍ដ៏ពេញនិយមរួមមាន ទិដ្ឋាការមាសព័រទុយហ្គាល់ ដែលផ្តល់សិទ្ធិស្នាក់នៅតាមរយៈការវិនិយោគដែលមានលក្ខណៈសម្បត្តិគ្រប់គ្រាន់ទៅក្នុងមូលនិធិវិនិយោគរបស់ព័រទុយហ្គាល់ និង ទិដ្ឋាការ EB-5 របស់សហរដ្ឋអាមេរិក ដែលផ្តល់សិទ្ធិស្នាក់នៅអចិន្ត្រៃយ៍ដល់វិនិយោគិន ដែលបង្កើតការងារនៅសហរដ្ឋអាមេរិក បន្ទាប់ពីបំពេញតាមតម្រូវការស្នាក់នៅតាមឆ្នាំដែលបានកំណត់ បេក្ខជនអាចដាក់ពាក្យសុំសញ្ជាតិបាន។

ដើម្បីទទួលបានទិដ្ឋាការមាសរបស់ប្រទេសព័រទុយហ្គាល់ បេក្ខជនត្រូវតែធ្វើការវិនិយោគចំនួន EUR 500,000 ទៅក្នុងមូលនិធិវិនិយោគព័រទុយហ្គាល់ដែលមានលក្ខណៈគ្រប់គ្រាន់។ បន្ទាប់ពី 5 ឆ្នាំ បេក្ខជន និងគ្រួសាររបស់ពួកគេអាចដាក់ពាក្យសុំសញ្ជាតិព័រទុយហ្គាល់បាន ដូច្នេះហើយ ដើម្បីទទួលបានសញ្ជាតិរបស់សហភាពអឺរ៉ុប បេក្ខជនត្រូវតែបំពេញតាមតម្រូវការស្នាក់នៅ និងភាសាដែលគេបានកំណត់។

ប្រទេសក្រិច ក៏មានផ្តល់នូវទិដ្ឋាការមាសផងដែរ បេក្ខជនត្រូវធ្វើការវិនិយោគយ៉ាងហោចណាស់ EUR 250,000 ទៅលើអចលនទ្រព្យអាស្រ័យតាមតំបន់នៃទីតាំងអចលនទ្រព្យ។ ទិដ្ឋាការមាសរបស់ប្រទេសក្រិចមានពេលវេលាដំណើរការលឿនជាធម្មតាគឺ 6 ខែ ហើយបេក្ខជន និងក្រុមគ្រួសាររបស់ពួកគេអាចដាក់ពាក្យសុំសញ្ជាតិក្រិចបានបន្ទាប់ពីរស់នៅដោយស្របច្បាប់រយៈពេល 7 ឆ្នាំនៅក្នុងប្រទេសក្រិច ហើយត្រូវបំពេញតាមតម្រូវការផ្នែកភាសាផងដែរ។